- انتي منيلج هالمعلومات اليسمعج يكول جنتي قاضي تحقيق

- هه قابل مثلجن ملتهيه بالحب والغراميات العطله التهي بهاي السوالف معلومات عامه

- هنده:- الله يعديها على خير

- ان شاء الله

جانت رباب تمتلك طاقه ايجابيه محفزه حماسيه
بحيث تهون عليك اكبر مصيبه
بالف رجال ويمكن الرجال مايوصل لربع تفكيرها ونضوجها وعقلها
بحيث بالاوقات الصعبه كلها تلتجأالها
جميل الانسان لما يكون عقله اقوى من قلبه وعواطفه يكون اكثر نضوج وحكمه
توجهت للشركه قبل لايوصل ادم
كعدت اشتغل على الحاسبه شويه واجه ادم

- مساء الورد

- اهلا استاذ مساء النور

فات لمكتبه واني رجعت لشغلي ساعه اكثر اجت
مره كانت سافره بدون حجاب بشعرها الاصفر الطويل الي يغطي ضهرها بشكل مرتب وكأنه قطعة قماش حرير عيونها كبار خضر وبيضه بياض الثلج
لابسه بنطلون وتيشيرت ربع ردن كانت مخليه ميك اب بشكل واضح جدا بحيث بارزها جمال اكثر
اني بنت استحيت من شفتها
اجت مباشرة تدخل مكتب ادم كمت مباشرة وكفت بوجهها امام باب المكتب

- تفضلي وين رايحه

- اروح لادم

- اكعدي انطي خبر ميصير تفوتين هيج عليه

- انتي الضاهر جديده هنا
حبيبتي عادي ادومي ناطيني الكارت الاخضر شوكت ميعجبني اجي

- وان كان لازم اكله






- نترت: انتي شنو متفتهمين داكلج اني وادم واحد وخري يله شلون شكولات

- متحترمين نفسج شنو التجاوز

- صارت تدك بالباب
وادم مباشرة فتح الباب

- شبيكم شكو

- شوف موضفينك ادم شنو هالمهازل متخليني افوت

- جديد تشتغل يمي متعرفج

- فوتها وفات وياها وقفل الباب بالقفل واني واكفه حتى مابرر شي
حز بداخلي هالتصرف كعدت على الكرسي مااحجي شي

كملت شغلي من سكوت وبقيت كاعده انتظر وقت انتهاء الدوام
مرت اكثر من ساعه بعدها طلعت البنيه شويه ورن جرس من داخل مكتب ادم الي بمعناها يريدني
توجهت للمكتب

- تكلمت من دون مااباوعله عيني جانت بالكاع
تفضل؟

- هذه البنيه من تجي عادي خليها تفوت الا بحاله وحده من احد يمي لاتخليها

- اوك

- خلصتي شغلج

- اي

- باوع للساعه
مابقه شي ويخلص دوامج

- اوك

- تكدرين ترحين لمكتبج

- اوك

- جنت بس اريد انهي الكلام واروح من يمه قرفته نفسي بلحضتها وضجت حيل منه
شتقربله؟
هذا مايجوز من سوالفه
بقيت كاعده لحد ماخلص الدوام وطلعت بعد ماهو طلع
رجعت للشقه لكيت هند ورباب مشغلين فلم ومطفين اضوية الغرفه مسويها ضلمه ومخليات راس براس يكرزن حب ويتفرجن

- مرحبا وفتحت الضوه

- اشششش دنسمع وطفي الضوه

- شبيكم اريد ابدل

- يلا بسرعه

- بدلت وكعدت يمهم اشوف شنو يتفرجون
جان الفلم لعادل امام وهو متسول
يتفرجون وهدوء شويه وصارت بالفلم عركه لما عادل امام اعترض على كذبهم ولان يجدون
كانت عركه تصحبها كوميديها بكلمة ( سيبوه) لينهبها عادل امام بكلمة سبوهم... سبوهم... ويغمى عليه
رغم انه الفلم كان يتكلم عن التسول المر لكن الكاتب او المخرج اضاف الكوميديا الها
لكن اوصل معنى واحد وهو الكذب وشلون اكو ناس نفسها مريضه بحيث تستغل المستضعفين وتخليهم يتسولون الافلام والمسلسلات والقصص لاتخلو من الحب عادل امام يعجب بفتاة يقابلها بمطعم ويضم عنها شغله الحقيقي وهنا يبقى متحير شلون يواجهها

- رباب - بله هسه شتكول من تعرفه مكدي ههههه تخيلي تحبين واحد يبيع مثاليات عليج وبالاخير يطلع مكدي

هند:- دااطم روحي يمه

- رباب:- بس يجوز يطلع رجال مو مثل حبيبج الشهم

هند:- الرجال ميبيع مي وجها وهو كلشي مابي

- رباب:- هه عيع شكد صرت اكره الزلم خاف جانت الي نيه اتزوج بسبب هذا حبيبج كرهته عفيه زلم لاتحبون نسوانكم ولاتزوجون الي تحبوها






- يعني هو هسه ميحب مرته

- لايعشقها ولايكرها مرته بعد عزيزه عليه

- اي واني هسه فلس مااسوه عنده

- سدي لهذا الموضوع اترجاج خل نتفرج

- سديم اتفرج وياهم بس بالي كل شويه يتذكر بموقف اليوم لحد ماكلمت البنات وكتلهم
.

- تدرون بنات اليوم صار موقف ماعرفت شفسره

- شنو شصاير

- اليوم ادم اجته وحده للمكتب وطبت ماطلعت غير وره ساعه ونص تقريبا

- دكت على صدرها رباب
عززه شتصير منه هاي

- ماعرفها حسب معلوماتي هو مامتزوح واهله مسافرين

- زين وشكلها حالها البنيه شونه

- البنيه
شنو اناقه شنو جمال ولبس وهو من شافها نضرب على راسه ماعرف شنو صار بي مباشرة فوتها وقفل الباب

- شوفي حبيبتي
هذا معروف شنو ديربالج منه

- يمكن لان اعرف شي عنه بالسابق هيج مابرر ولااهتم

- شتعرفين؟

- هم جان عنده علاقه سابقه وعرفتها عن طريق بنت عمته جنت اشتغل وياها

- لهسبب اكلج احذري لايخليج براسه

- والله متعرفيني لعد

- هاي النماذج مخيفه متعبه نرجسيه وماتحب الا نفسها

- اني حدي ويا على كد الشغل

- عشاء بزنسز وشغل غده وهالسوالف ديربالج

- لا اصلا حتى من يتصل رسميه ويا كلش بعدين هو ولامخليني باله معوده شجابني على الحلوات الي يعرفهن

- حلوات باللبس والمكياج عدسات وصبغ ليش متطلع حلوه سوي مثلهن وشوفي شتطلعين

- بس مكيف عليهن

- لان يحسنون مزاجه

- مره كلي اهتمي بلبسج بالشغل اني زعلت طلع عنده حق

- لاتلبسين شي عادي دائما تأنقي
بعدين اني وهنده على طول نتبادل بالملابس ونلبس انتي هم شاركي ويانه نلبس سويه بهيج حاله بجامعتج يوميه لبس شكل او جنطه شكل وبشغلج هم
وحتى لو ماكو اي توادد او اعجاب بيناتكم بس الاناقه واحترام مطلوب هو من يشوف كشختج واناقتج يحترمج غصبا عليه

- حقج تحجين مشفتي الي عنده اكلج اني خجلت

- لان متتأنقين ومحمله طاقه فوك طاقتج داىما خلي ميك اب خفيف ابرز ملامح وجهي

- لا حرام ميجوز

- لعد شلون جنتي تشتغلين بصالون

- بس مجنت اخلي بالشارع






- بس بالشغل مطلوب بعدين حواجبج حفيهن وجهج رتبي شكلج عفوي وطفولي والله انتي حلوه بس هاملتها لهاي الخلقه الحلوه الي الله نطاها الج

- مرت خالي تكول عيب البنيه تحف بعدني متزوجت

- وهي وينها مرت خالج بعدين انتي كبرتي طالبه جامعيه وهالامور مالها علاقه حفيفه او شي طبيعي لبس مرتب مالها علاقه انتي بنيه
اصلا عيب وجهج متروس شعر هاي نظافه حبيبتي

- هو صحيح بس استحي

- شو دسكتي تستحي والله اشو اليوم الا احفلج

- لا رباب شتحجين

- خل اجيب الخيط والملقط واني اعلمج
راحت جابت خيط وملقط وكعدت كبالي صارت تحفلي جان وجهي يوجعني اول مره احف حسيت نار وجهي صار وهي تحفلي شالت حواجبي بالملقط
ورتبتهن من باوعت على وجهي بالمرايه جني وحده ثانيه جان وردي من اثر الخيط والحفيفه حواجبي مرتبات تخبل ابتسمت بالمرايه حسيت اكتمال بثقتي بنفسي جنت اتمنه بس استحي

- ها شلونج هسه

- عاشت ايدج

- باجر ارتبج زين وهسه تشوفين اذا تجي وحده حتهتمين وتكلين خجلت لو لا

- يمعوده اتشاقه شبيج

- لا سديم مو شقه انتي تكابرين بس كل بنيه يعجبها تكون جميله وهالشي انتي بنفسج هاملته مثل واحد يعلم الصلاه وميصلي تجملين بالناس بس نسيتي نفسج

-جريت نفس شسوي

- سهله وداعتجن جايتجن وحده وحده انتي وهنده النايحه

- هههههههههه حلوه هاي هنده النايحه

- ليل نهار تبجي ذبحتني

- شتسوي

- يله دنامي ورانه كعده الصبح

باليوم الثاني قبل لااروح للشركه نطتني رباب لبس منها جان قميص طويل وردي وبنطرون جينز نسقتلي ويا شال نيلي ساده وجنطه والحذاء اسود لون واحد لبستهن وكالت الا تخلين مكياج خفيف
وبحكم اني اعرف رتبت نفسي بميك اب خفيف بحيث برز عيوني كبار بالكحل وردي خدود حمره ورديه خفيفه وماسكارا من باوعت لنفسي جميله هواي خجلت وردت امسحه بس رباب ماخلتني

- ولج تخبلين شتحجين انتي

- استحي رباب والله استحي

- لج هذا واحد مغرور وشايف روحه ابد لاتنطي مجال يشوف نفسه عليج هيج شخصايت اعرف شلون تعامليهم

- يعني شسوي

- اتصرفي اعتيادي وكلما تكونين رسميه ويا ومتباعيله راح يتخبل نوبه عليج ف خليج رسميه هادىه شفافه

- بله وشعليه بي داتصرف هيج

- تبقين عوبه متصيرلج جاره خلقه بلا فهم بابا افتهمي حتى لو مو بينكم شي لتخلي يباوعلج بأقل من معارفه






- هففف نشوف تالي خططج

- انتو بس امشو وره خططي وتربحون دروحي عاد تأخرتي

- رحت للشركه جان بعده استاذ ادم مجاي
متوتره وكل شويه اباوع بالمرايه وعض شفتي خجل
مسحت الحمره متحملت استحيت يشوفني بس بقت شفتي ورديه اثر الحمره الممسوحه
شويه واجه ادم اني مباشرة وكفت ومدنكه وحجيت تفضل استاذ

دايمشي اباوع على رجله خطواته بعدين وكف كبالي بقيت مدنكه هو دنك يباوعلي ومن شفته دايباوعلي ابتسم بوجهي بعدين وكف عدل ورفع وجهي وجنت مغمضه فتحتها لعيوني ابتسم
جانت عيونه تتركز بتفاصيل ملامحي عيوني خشمي حلكي بعدين تكلم

- خجلانه؟
واذا مامخليه مكياج كل البنات يخلن شنو انتي تختلفين حتى هيج خجلانه وتضمين بوجهج
عموما طالعه كمر
عافني وفات للمكتب

واني شنوووو نار احس تطلع من وجهي من خجلي تعركت وتوترت ايدي يصبن مي وكمت اهفي بالكلينكس

ااااخ منج رباااااااب اخخخخ

وكادت من فرط الهوى ان تسحرني بعيناها
تظن أنها لم تفعل شيء
لكنها قلبت حالي رأسا على عقب وكأنها قالت للجمال
تعال واستوطن في وجهي ومقلتاي وبعدي على الجمال العفا..........بقلمي رغد الموالي.......

مريم............

افكر انهزم بس وين اروح؟
حرجع لبهذلة الشوارع من جديد
زين شسوي
اصيرله مثل ميريد وابقه هنا
خاف بعدين يغدر بيه ويسلمني للحجي
زين شلون شسوي
ماأأمن بي مستحيل
هذوله غداره وراح يغدر بيه اتغده بي قبل لايتعشه بيه انهزم واحمي نفسي لازم اخذ مسدسه زين شون وهو من ينام جوه راسه
اغوي؟
مبين نجر وراح يلكفها
زين شلون؟
من يسبح
اييي انتضره يدخل للحمام واخذه مستحيل حياخذه للحمام
مرت ٣ ايام صحتي تحسنت وصرت اكدر امشي بس هم تعب مو مال انهزم وهو يختفي مرات مو داىما بالمزرعه يطلع ويغيب بالساعات ويرجع
اجه جايب مسواك ومعلبات وخبز وفواكه
جنت كاعده يم الاشجار وشفته من دخل كل هذني
اجه كعد كبالي يباوعلي من جوه حاجبه ويرد يلتفت
ويرجع يباوعلي نفس النظره ويرجع يلتفت يلوب احس اكو شي يريد يكوله

شويه وكال ااااحم

باوعتله مارديت

تكلم وجانت ملامحه تعبانه وعيونه تروح وترجع عليه
انه حروح كم يوم لتل الذهب

- مترجع؟

- كم يوم اغيب مااجي نهائيا الحجي بده يشك وابو غضب خلص حجج

- وليش كم يوم ليش مترجع شويه وتروح

- لو عرف انتي هنا مايرحمج

- بس اخاف وحدي

- من نهزمتي ماخفتي

- بنص الناس نهزمت مو البساتين لتعوفني اخاف






-مشكله مااكدر أأمن بيج جان نطيتج مسدس او موبايل

- انهزم ماابقه هنا لو عفتني

- اطلعي مااكلج ابقي بس المنطقه مليانه خنازير هنا وكلاب مسعوره حيايه هم اكو وانتي بقت يمج

- وتعوفني

- ماعندي غير حل

- اطلع وياك وصلني للمدينه وانت روح لتل الذهب

- مراقب افتهمي مااكدر

- لو مراقب جان لزمونه هسه

- مايكمشونه هنا بعدين وين اهدج هااااا وين الج كرايب اوديج عليهم عندج احد

- ماعرفهم

- خلص ابقي هنا وسكتي
طلع سجينه من جيبه نطانيها الي
هاج هذه لو احد تعرضلج تنشنين على المكان الي تردي تستقر السجينه وتضربين

- شلون يعني

- تنهد التفت وراح وكف كبال شجرة الموز
كال
انتبهي عليه باوعي
صار يباوع بتركيز على شجرة الموز ورماها للسجين نبتت بالساق مال الموز

- شوفي هيج

- هزيت براسي بمعنى اي وهو باوعلي بمنونيه

يله حروح انه
جبتلج مسواك شوفي خاف ناسي شي او تحتاجين شي ثاني

- رحت باوعت
شكرا مااحتاج شي بعد

- انتبهي لنفسج
صعد على الدراجه ولف اليشماغ على وجها طلعت بس عيونه وحرك الدراجه وطلع

حسيت شي وياه اخذه وراح ماعرف يمكن احساس الامان

سديت الباب وراه وفتت جوه عزلت المسواك خليته بثلاجه جان جايب ثلاجه صغيره وسويت اكل وكعدت اكل واحجي وي روحي

- يعني اني حكضيها هنا وحدي فوكاها اي بشر ماكو
جريت نفس بعدين تذكرت كلام ام مازن لما كالت الله موجود بكل مكان وزمان
شوكت مانخاف نلكاه هو موجود شوكت مانختنك نشكيله يسمعنه ومايمل من عدنه ولايفضح اسرارنه ويساعدنه وما يحسسنه بهذا الشي
باوعت للسماء تمنيت لحضتها اتذكر شلون الصلاة واصليها نسيتها بس جانت تسجد وتكول
سبحانك ياعظيم ياقدوس ياكريم
اسجد اليك طاعة وحبا ف اجعلني من الساجدين الحامدين

سجدت وكلتها لهذه الكلمات.......

اول ليله جانت مخيفه الي خصوصا واني اسمع صوت الكلاب سديت الباب وخليت وراها كرسي ماعرف شنو دوره بس هيج خليته من دواعي الامان
وكلسع افتح السجينه وادقق النظر بيها
جانت السجين عاديه بس الحافضه مالتها
عليها زخرفه ونقوش وجان عليها حروف معرفت شنو هاي الحروف بس حلوه عجبتني كلش
خليت السجين جوه مخدتي ومددت بس الخوف داب بكلبي
نوبه طفت الكهرباء لو روحي ماعت احسها
غمضت قوي مااريد اشوف شي
سمعت صوت بداخل المزرعه شي وكع
خرطت من خوفي
ياهليله الي مراح تعدي
مر وقت طويل ماعرف شكد
سلطان النوم غلب عليه وحسيت بنعاس قوي
مددت وغفيت
وكعدت جانت الدنيا صبح وصوت عصافير

كمت طلعت بره تنفست بعمق
طلعت غسلت وجهي باوعت الشمس عاليه مو مال غبشه او بداية صبح يمكن صار الضحى
سويت لفة جبن وكعدت بره اكلها
وهيج عدت يومين وليلتين نهاري اعيشه براحه وليلي برعب
باايوم الثالث جنت كاعده بالمزرعه ودكت باب المزرعه
استغربت ضرغام مايدكها زين ارد لو لا. خاف احد يختبرني زين شسوي.....

#يسعد_اوقاتكم_بكل_خير
#توقعات_الابراج_ليوم_الاحد_والله_اعلم

#الحمل
مهنيأ: تغمرك الحماسة وتشعر بالثقة بالنفس، باستطاعتك أن تكون محط الأنظار في عملك ومحور الحركة المنتجة والفعالة.
عاطفياً: تلتقي صديقاً قديماً وتبدأ معه علاقة عاطفية وتفكّر جدياً في الارتباط، بعدما بدأت تشعر بأن العزوبية لم تعد تناسبك.
صحياً: لا ترفض نصيحة أحد المقربين منك، فقد تساعدك في تخطي أزمتك الصحية.

#الثور
مهنياً: لا تستسلم أمام الضغوط مهما تكن كبيرة، والهدف الذي حدّدته لنفسك ليس سهلاً، لكن تحقيقه غير مستحيل.
عاطفياً: بعدك عن الشريك يشعرك بالوحدة، فحاول أن تمنح نفسك وقتاً أطول، وهذا يساعدك على تخطي ذلك.
صحياً: نم الساعات المطلوبة لئلا تستيقظ وتشعر بأنك في حالة من الكسل والهمة الثقيلة.

#الجوزاء
مهنياً: تميزك بخبراتك وكفاءاتك يفتح أمامك أبواباً متعددة، وقد تتلقى عروضاً بالجملة لتحسين وضعك المهني.
عاطفياً: الدعم المطلوب من الشريك يكون متوافراً، وعليك أن تكون أكثر واقعية واعتماداً على نفسك.
صحياً: اكتف بفنجان واحد من القهوة صباحاً ولا تتناولها بعد الظهر لأنها تسبب لك الأرق.

#السرطان
مهنياً: قد يحمل هذا اليوم فرصة للعمل بعيداً عن الضجيج، فتنكبّ على ملف تحافظ على سريّته.
عاطفياً: تستعدّ للقيام برحلة مع الحبيب والابتعاد عن أجواء العمل والضغوط المرهقة التي ترافقك في عملك.
صحياً: الصداع شبه الدائم سببه إما ضعف في النظر أو عامل آخر يستدعي زيارة الطبيب اليوم قبل الغد.

#الاسد
مهنياً: تضطر إلى التكيف مع المستجدات أو إلى تقديم تبريرات وتفسيرات، أو يسود جو من سوء التفاهم مع بعض الأصدقاء.
عاطفياً: تدفع طيبة قلبك الزائدة الحبيب إلى استغلالك من دون الاهتمام بمشاعرك، لكن سرعان ما تضع حداً له.
صحياً: تقوم برحلة قريباً مع أحد الأصدقاء وتجدد نشاطك وتزيل عنك الضغوط.

#العذراء
مهنياً: تتعاون مع الزملاء بايجابية كبيرة، فيكون ذلك ولا شك محل تقدير واحترام كل من حولك.
عاطفياً: عليك أن تكون أكثر وضوحاً مع الشريك، فتعبّر له عن حقيقة مشاعرك الرومانسية تجاهه، وهذا يتطلب بعض الجرأة.
صحياً: لا تتكل على الأدوية فقط لتشفى من مرضك، بل عليك أن تتسلح بالتفاؤل أيضا.

#الميزان
مهنياً: يبتسم لك القدر ويكون مزاجك هادئاً، وتلاقي الدعم من قِبَل زميل يساعدك في تنفيذ أفكارك لأنه الوحيد الذي يفهمك.
عاطفياً: وجود كوكب الزهرة في الدلو الهوائي الصديق يبشرك بحب جديد مستقر هذه المرة، ويدفعك إلى عدم التفكير في الماضي
صحياً: لا تستسلم لليأس إذا لم تشعر بالتحسن بسرعة، الأمر يتطلب بعض الوقت وتكون النتيجة كما تبتغي.

#العقرب
مهنياً: لا تستبعد تعاوناً مع فئات جديدة وتبدّلاً لبعض الأوضاع بحيث تضع حدّاً لشراكة أو لتعاون قديم.
عاطفياً: تتلقى أخباراً جيدة أو تعرف حظاً سعيداً وتظهر حساً كبيراً جداً بالمسؤولية تجاه الشريك.
صحياً: استمع إلى نصائح المقربين منك، فهي لمصلتحك صحياً لأنها عملية ومفيدة.

#القوس
مهنياً: قد يجعلك هذا اليوم تتردّد في تسلم مهمة مع أنك تمتلك القدرة على ذلك وتحقيق النجاح المطلوب.
عاطفياً: لا تحمّل الشريك مسؤولية الأخطاء القديمة، وحاول أن تتخطى ذلك برحابة صدر وبساطة.
صحياً: التدخين والإفراط في شرب الكحول والسهر سرعان ما تظهر نتائجهما على صحتك.

#الجدي
مهنياً: تبني مشاريعك على أسس ثابتة، وقد تقوم بعملية بيع أو شراء أو عملية إقناع في هذا اليوم المثمر والمهم جدا .
عاطفياً: كثرة التشدد مع الشريك قد تؤدي إلى عواقب قاسية، وهذا لن يكون في مصلحة العلاقة إطلاقاً.
صحياً: تدرك بعد تجربة طويلة أن الرياضة والوقاية خير علاج للوضع الصحي.

#الدلو
مهنياً: قد تضطرب أوضاعك المادية بعض الشيء، وتميل إلى الحذر في التعاطي في الشأن العام.
عاطفياً: صراحتك الزائدة مع الحبيب قد تجرحه وتبعده عنك وتسبب له الإحباط والنفور منك.
صحياً: تتلقى غير دعوة لممارسة نشاطات رياضية مفيد صحياً، فلا تتردد في تلبيتها على الفور.

#الحوت
مهنياً: تحصل على مبتغاك بعد طول صبر وأناة، وتحصد ما زرعته، كن مستعداً للمزيد من المفاجآت السارّة، ووظف جهودك في سبيل مصلحتك.
عاطفياً: حاول أن تمضي المزيد من الوقت مع الحبيب لأنه بحاجة ماسّة إليك بقربه بسبب ما يعانيه.
اجتماعياً: تلتقي أحد الأصدقاء القدامى وتقرران القيام برحلة ترفيهية تفيدكما صحياً.

#فقرة_شعر
اني شوگي مثل تدخين الصغار
عين اعله الجگارة وعين عالباب

‏أني وانتَ
‏إشما مشينه
‏نلتقي بـ أقرب أحبك .

شيرجع ايامي المُضن
من چنت ماعرفك قبل
بس انت باسمي تغني
من چنت اذا يوم اختفي
لو تبچي لو ترسمني .

#فقرة_هل_تعلم
‏نفسياً :

نصل لمرحلة النضج الحقيقي عندما
ندرك أن معظم الأشياء لا تستحق ردة فعل .

#قصة_عراقية

...




الحلقه السادسه عشرر


مريم.......

ترددت بين ارد او لا وكفت متحيره شسوي
شويه وصاح من وره الباب

.. انه من طرف الضرغام دزاني عليج اذا ماتردين راح اعبر اجيت اشوفج واطمن عليج وارد

- جاوبت بتلكأ.. انت ممنو..

- كتلج من طرف الضرغام كالي شوفها اذا محتاجه شي هو مايرد هالايام طلعته مطوله

- ليش وين راح

- شغل انتي محتاجه شي

- لا بس كله اني خايفه ومااريد ابقه وحدي

- تامرين بعد شي ثاني

- لا

- هذ هوا...... اودعانكم

وين راااااااح وييييييين
شعنده
لو بس اعرف
ااااخ
بقيت الوب حايره ماعرف شسوي

تمشيت شفت الحصان مالته جان رابطه وره البنايه
تذكرت يمكن صوت مال هذيج الليله هو صدرها وخفت هيج
اي يمكن

جان مخلص مي ترست النجانه مي وخليتها كدامه
وجبت حشيش وخليته كدامه وكفت يمه
حصان حلو كلش ابيض وشعره كثيف نازل منه تحسه شعر بنيه طويل نضيف مبين معتني بي الضرغام يمكن يحبه وهيج مهتم بي
ردت اصعد بس عالي جان مكدرت وبنفس الوقت وضعي مو مال اجازف اكتفيت بالوكفه يمه
وصرت اسولفله
واسأله

- انت تعرف الضرغام؟
من شوكت تعرفه
زين هاي مزرعه مالته وانت هم راجع اله لو ماخذها خاوه
يمكن معتدي على فلاح مسكين كاتله وماخذ بستانه
يمكن مهدده ميوصل لهنا

انت هنا وحدك واني هم وحدي
انت تخاف؟
لا مااعتقد تخاف يمك حيوانات اما اني لو اكو ناس جان ماخفت

باوعت على روحي شنو جاي احجي هاي شبيه
استسلمت لقدري وكلت ابقه هنا اشوف مصيري وتاليتي

مرت الايام جنت نايمه حسيت على دكت باب الغرفه
باوعت ضلمه ليل بس ضوه بلاجكتور من بره داخل من شباك شويه ناطي ضوه للغرفه

خفت حيل ندكت الباب
جمدت هاي منو الوقت مبين متأخر

ندكت وياها همس اني الضرغام مريم فتحي الباب

- حسيت امان ونزل فجأه كمت على الباب فتحتها بلهفه باوعته هو رغم جان مقنع بس من طوله جسمه صوته عرفته
كمزت حضنته وهو بقه متحجر بمكانه ماصدرت منه اي ردة فعل

- هاي وين جنت وين رحت ليش عفتني

وخرت عنه وهو فات للغرفه فتح الضوه ونزع القناع






- اجيت اشوفج شلون صرتي واروح

- ليش
ليش تروح

- مااكدر ابقه لازم اروح

- عرف شي الحجي

- ايدو اليمنه انه هسه

- ليش
شنو الي صار

- اكلج
هم لمنو تابعين الحجي لصالح منو يشتغل؟

- ماادري

- زين ولدو ليش ميشغلهم ويا

- كل الي عرفته يخاف عليهم ميدخلهم بهذا الشغل

- منين يستلمون بضاعتهم

- من تجار ليو يعرفهم والولد مره حجالي ليو كال تجار يونانيين ماعرف منين

- ليو هذا الولد الناعم الصغير

- اي

- شنو علاقتج بي

- ولا شي

- وبقية الولد

- ماعندي شي وياهم

- ولو ممصدكج بس يله

- براحتك

- حروح انه هاي جبتلج شغلات الج كلت خاف تحتاجيها ومسواك هم

- هزيت براسي نعم وهو كام ولبس القناع توجه دايطلع

- حتطلع

- اي

- زين واني شلون

- ابقي هنا وين اوديج

- لشوكت

- منزعجه؟

- اريد استقر تعبت

- باوعلي بنظره طول بيها بعدين هز براسه كال سهله سهله اروح انه
ديربالج على نفسج

- بعدها صعد دراجته وطلع وسديت الباب وراه
صرت ابجي ماعرف شنو من احساس يجيني كلما اشوفه
اول مره هيج الكه اهتمام
افتقدته هواي لمن راح وغاب عني ايام
تمنيت اكله ابقه لاتروح بس معذور
فتحت العلاكه اشوف شنو جايب جان جايب شغللت تخص البنات وجبس ونساتل وعصائر اتبسمت لمن شفتها اني يمكن مره وحده بحياتي اكلت جبس وماتذكر قبل كم سنه
بقيت بهذه المزرعه انتظر النهايه لحد وين حتصفى
تعودت عليها صرت انضف واشتغل بالمزرعه
مرات اكعد يم الحصان اسولف رغم هو حيوان ومايفهم بس اريد احد يمي مامتعوده هيج
جان وكت الكوجه والتفاح الاخضر الصغير
والمزرعه مليانه بهذه الاشجار جنت اخذ شويه واجيب ملح واكعد اكل

حتى نفسي صرت اهتم بيها
احف وجهي لو انظف اسناني بالفحم مال نركيله
جانت اكو شجرة جوزه بس ماشايله ورقها يلون الشفه من اخليهن تصير شفايفي ورديات

شفت نخله كلها سعف جبت سجين وصرت اكص بي
نخله نوعها جان يسمو المتقزم تصير كصيره وتشيل تمر وطيب طعمه
خليتهن كم يوم يبسن السعف وصرت احوك بالسعف
سويت حصيره بيها وسله ومكنسه
تعلمت هذه الحرفه من بدريه جانت تسوي هالاشياء






حبيت العيشه بالمزرعه لكن قلقي من الضرغام رغم ما اذاني بس متخوفه منه
خوفتني مساعدته الي
جنت متوقعه لو عاش راح ينتقم مني
بس الي سواه العكس
وهالشي زاد قلقي وخوفي

ليش؟ وعلى شنو ناوي....
ليش ساعدني؟

هم لايعرفون رحمه ولاشفقه اساسا الضرغام سمعت عنه هواي قبل من جان وي الحوت مجرم سفاح

وهواي كتل ناس وفجر هواي شنو الي يخلي ميسويلي شي

معقوله لان غرضه مني ياخذه

معقوله حيجرم بطريقه ثانيه

ناويلي شي

اي
اكيد

مستحيل يعدي ضربتي اله هيج مستحيل

زين شسوي

لو نهزمت ماعرف وين اروح

زين ارجع لتل الذهب واسلم روحي للحجي

لو شافني يمكن يسويني للقطاع كله ويمكن يشغلني وي البنات
يمكن يكتلني كبل

شلون

شسوي

بقيت متحيره مرت ايام واني الف فكره اجت براسي
من راح الضرغام زاد خوفي منه وتحسباتي وبديت افكر هواي خصوصا واني اشوف روحي زينه
طول الضرغام هواي
سبوعين من يوم الي راح لليوم
بعدها جنت كاعده بالمزرعه سمعت صوت دراجه فز كلبي ويا الصوت وكفت الدراجه يم الباب شويه ونفتحت من اباوع الضرغام وجان مقنع بس عيونه طالعه من كمت وابتسمت هو نزع القناع
وابتسم

اجه تقدم بخطوات ثابته

- شلونج

- طولت وين هالغيبه

- جر نفس وباوع للزرع كال شغل

- هزيت براسي بمعنى اي وسكتت

تكلم هو

شلون صرتي

- نخطف لوني وي هالسؤال... ليش

- تحتاجين اوديج لدكتوره

- لا

- هز راسه بمعنى اي وكعد على بلوكه

- تاكل

- باوعلي مغمض عين وحده من الشمس
ليش تعرفين تسوين اكل

- لا بس هالاعرفله

- اذا عندج جيبي ماجبت وياي شي جانو لاحكيني

- فزيت منو

- ناس وتيهتهم واجيت

- الحجي
خاف الحجي يدور عليه

- كتلج تيهتهم

- باوعت عليه مثل الي اريد التمس امان بس ماكو خايفه وهو متوتر بس ساكت

كمت للمطبخ سويت جاي وجبت جبن وخبز واجيت جان صبح

- هاي لهسه عندج اكل






- جبت هواي انت وبس اني

- عبالي تشاقين من كلتي اسوي اكل

- لا

-جان جوعان كعد اكل وره ماكمل اكل تذكر بالحصان

فز
المهره
سمسمه اهتميتي بيها لو لا وينها كام وراح يركض عليها كتله

لتخاف مابيها شي

شافها وكف وتنهد
باوعلي ابتسم

عاشت ايدج

- اسمها سمسمه

- اي
عزيزه عليه هواي

- شفتها جوعانه وعطشانه صرت اهتم بيها اني عبالي حصان

- لا مهره هاي سمسمتي اول مره هيج تروح عن بالي

- دوختها لسمسمتك شكد خرطتلها

- حتى سمسمه ماخلصت منج
دوختيها هم

- شسوي وي منو اسولف

- هم صح

- جنت يم الحجي؟

- اي
اكلج الحجي كل معلوماتج عنو شنو

- كتلك قبل
هو مايدري احد

- الحوت سولفلي عليه وكال خطير جان هو يتحذر منو

- انت هم مو قليل شر

- بعدج مشفتي شي

- شتقصد

- مااقصد شي ولتخافين
ادريج خايفه
انه ماطلع عضلاتي على مره
هه
لا ويامره
مخطوفه بالصغر وباقيه لا ام ولااهل

- شمدريك

- ابو غضب سولفلي لو نسيتي

- شفت ليو

- اي

- شلونه

- شلونو.. ليو يشم

- لا مايشم

- بالجديد يمكن مهم شفتو يشم يخبط وي النركيله ويشم

- وانت

- بس المنكر هه

- يعني شنو

- يعني اكثر بشرب الماي

- هاا

- اروح اسبح

- صاير تحجي وتكول شحتسوي

- ردني وهو يمشي متوجه للغرفه ياخذ ملابس
من عاشر القوم...

- اخذ ملابسه وطب للحمام يسبح

من فتت وراه للغرفه شفته مخلي مسدس وبطاقه وسبحه شكلها غريب وعليه كتابات ماعرفها شنو
شلت المسدس ودست على الزناد ضربت طلقه بالحايط واني رجعت لوره وساده اذني من الصوت
اجه هو لاف المنشفه عليه متلهف
شافني بهذا الوضع

همس

خو ماتأذيتي

- لا

اخذ المسدس والبطاقه والسبحه وراح
شويه واجه لابس






- شجابج يمو

- مادري دست عبالي ممسحوب

- ليش

- ردت اجرب

- جربتي هسه

- سكتت

- بعدين ليش خايفه

- تفززت

- تعالي لعندي

- اجيت يمه وكفت
سحبني من ايدي وحضني

لتخافين تره مبين عليج اول ماشفتج
وجهج لونو مخطوف ومصفر باين ماتاكلين زين والاكل زايد عدج
ليش هيج

اني ساكته اول مره احس بدفىء مشاعر واحساس غريب وحلو جانت هاي الثواني اتمناها تطول والزمن يتوقف لهذه اللحضه اول مره يغمرني هيج

خفتي بهذه الكم يوم الي عفتج بيها؟

اي

- شدعوه
الي يخاف يخاف من البشر مو من حيوان او شي ثاني

- خايفه منك

- ليش

- وخرت عنه

باوعتله بعتب
شناويلي

- هز براسه بالرفض
ولا شي

- ليش خافيني من الحجي وجماعته

- باوع بعيوني متحير احسه ماعنده جواب

- سكوتك هذا الي دايخليني اخاف

- ضيق عينه وسألني
مريم اريد اسألج وجاوبيني بصراحه

- اسأل

- لمنو تابعه جنتي بالحي

- ولا واحد

- ابو غضب؟

- لا ابد

- ليش ابو غضب يعرف تفاصيل عنج

- مثل شنو

- مخطوفه وعندج اخت وربيتي وياهم

- مااتذكر منو الي خطفني جنت صغيره
بس هم يعرفون ويعرفون عنوان اختي يدرون بكلشي

- ليش ماجربتي تنهزمين كل هالفتره منهم

- وين اروح مااندل اختي
بعدين جنت مستقره وي بدريه والجهال
الجهال
صدك الجهال شخبارهم

- يتاجرون بس بالولد مو؟

اي

- والبنات للملاهي مو؟

- اي

- شعجب خلاج انتي بنات حلوات هواي شفت تابعات للحجي بالملهه

- ماادري
هو انت رحت للملهه

- اي كل يوم تقريبا جنت اروح

- وتكلي شغل

- طول النهار نشتغل وبالليل نروح نحسن مزاج انه والولد ونص الليل تجي مرات بضاعه لو شغل خاص






-جنت اشوفهم من يجيبون بضاعه بنص الليل وكت ما الكل نايم اتفرج مره من المرات شافني الحجي وعاقبني
جواني هنا برجلي
وطلعت اثر الجويه جان مكانها مشوه شافها كشت روحه كال وهو رافع حاجبه ثنينهن مستغرب

معقوله
لان شفتيهم

- اي

- شكبرج جنتي

- طفله صغيره
جنت فضوليه واحب اعرف شنو يجيبون خصوصا واني اباوع لصناديك التفاح تنزل وي البضاعه جان يعجبني اكل بس مااتجرأ اخذ
تجي وتروح تنباع بالسوك
اكو تفاح يسمو خاص هذا التفاح يخلون عليه علامه

- ليش

- يصير محقون بماده مخدره
يعني مخدرات ويوزعوها لطلاب المدارس هذوله الكبار يسموهم عداد مادري عدي

- اعداديه

- اي

- وهذوله لمن يتعودون عليها يكومون يبيعوها ويجي الطالب يشتري لان مجبور
لحد ما يكوم يشتري مخدرات ويدمن عليها

- معقوله ماكو رقابه صحيه تابع هيج متجولين ويبيعون

- ماادري

- مره شممني سلام ودخت تحارش بيه وره معافته دعاء

- سلام هذا الي صاير فيترجي بالقطاع

- اي

- تحارش بيه واني جنت مسلوبه القوه ماكدر اتحرك الا شويه ويعتدي عليه بس خلصني سعدي
وبوكتها تضاربو وصارت عركه وصلت للحجي ولمن عرف الحجي كال بعد متطلع البنيه يم بدريه تبقى

- جان اول واحد ابن الحجي؟

- اي

- وبعدها

- لا مصارت

- هز راسه بمعنى اي

الحجي منو ساندو

- مادري

- انتي مو جنتي وياهم

- علاقته بالحوت زينه شعجب متعرف

- نسجنت الحجي ماعرفو

- شكد بقيت بالسجن

- تلاث سنوات

- ليش

- هواي سوالف مسجله عليه اخر وحده جنت شايل سلاح بالسياره ولمن وصلت السيطره
ضربتها وطلعت رمو عليه ولحكوني واستلموني ضرب على السياره لحد ماكعدو التايرات ولزموني
انه اصلا جنت مطلوب تفجير تهريب خطف
فلتمت

- تقتل؟

- برأيج ايدو اليمنه للحوت ميقتل

- جنت تعذبهم يله تقتلهم لو كبل قتل

- ضيق عينه وجر اخر نفس من الجكاره
شمرها بالكاع وداسها
ليش هالسؤال

- مثل الحجي؟






- مرات
حسب
مرات اعذب يله اقتل ومرات قتل مباشرة

- الحجي يستلمهم تعذيب
مره ابو غضب لزم طلاب خطيه شسوه بيهم
يايمـــــــــــــــه عينك لاشافت

- شسوه

- جلدهم ضرب بحيث صارو يصرخون صراخ النسوان وكتل واحد منهم
الحجي بوكتها تعارك ويا وطرده

- اي حجالي بهذه

- جان ابو غضب قريب من الحجي وكلشي يعرف عنه

- غريب ولا كلي

- هو ميكول لان الحجي حرك الكارت مالته

- علمود الطلاب

- مو بس الطلاب ابو غضب قتل واحد من زلم الحجي لان مصورهم وتعاركو وقتله ابو غضب

- اي مانع عنهم التصوير الحجي

- لان يخافون لا الفيديوهات توكع بيد الشرطه

- حقه معذور
الحوت هم مجان يقبل احد يصور

- من شوكت وي الحوت انت

- من زمان ربيت وكبرت على ايد الحوت

- ليش اهلك وين

- اهلي ماعرفهم
كبرت وربيت على القسوه اساسا مستغرب من روحي شلون متعاطف وياج اول مره اسامح انسان يأذيني
كلها الولد تعرفني الي يطرني بريشه تعرفين شنو الريشه اندمو على اللحضه الي فكر يطرني بيها
حتى مزح مااتقبل
بس تدرين
احساس انك تسامح شخص حلو
فد شعور حلو

- كلما اباوع لوجهك جنت اكول مادري وين شايفتك لحد ماتذكرت اني شايفتك من قبل لما جنت بالشوارع نكدي

- فتح عينه بوسعها
شنو
وين شايفتني
شنو جنت لابس!!

- شبيك تخرعت وفزيت.. شفتك تتعارك

- عقد حاجبه مستغرب
شلون يعني

- ماتذكر شنو جنت لابس بس اكيد قميص وبنطرون وتتعارك وي ابو سياره جنتو متداعمين يعني حادث بالشارع

- هااااااا هههههههه
اي
اتذكر
صار شـــــكد

- اي وشفتك شلون تتعارك وتريد تضرب ابو السياره وتدخلت الشرطه

- ضرب السياره هذا تعده عليه وكام يغلط ويتجاوز لو مابالشارع طلقه براسو واطيح حظو
بس شفعتلو الناس

- خطيه تلكاه عنده جهال

- الي عندو جهال يحترم نفسو انه مامجبور احسب حساب للي وراه اذ هو مامحسب
يعني يضرب السياره ويطيح حضها بعتها بخساره بوقتها والاخ هو المحترك

- تستخدم ال و هواي ليش ماتكول نفسه ليش نفسو

- وبشنو زاعجتج ست

-مازاعجتني بس احسك تقلد الرئيس السابق نفس اللهجه

- ههههههههههههههه ضحكتيني وماريد اضحك







- اي

- كل محافضه والها لهجتها
يولو.. دحكن.( تعالن) ... تزحكين ( تباوعين)... انبار

قولو.... قالي( غالي)... تقديت( تغديت).... موصل

فريخات ( اطفال )... تدني( دنك).... جا... سماوه بصره محافضات الجنوب

كاكا ( رجال) ..... به يان باش ( صباح الخير) ...باشى.. شلونك

عَجل.... كِعدن.... كركوك... اطراف من صلاح الدين

كتلو.... جيبووو.... لعد.... صلاح الدين والموصل مناطق منها

جيبااا.... كتلاااا.... مناطق متفرقه بالعراق والاكثر في صلاح الدين

جيبيالي..... وديالي..... كاظميه... منطقه في بغداد

نطيته.... نفسها ... اطفال.... لعد...... بغداد وبعض مناطق صلاح الدين وكركوك وديالى

مريم... هاي شنو حافظ كل مناطق العراق ولهجاتها

- مغامراتي بالاجرام بعد ههههه

- اليوم حلو تسولف طلع لسانك حلو متطربنه هيج على طول ليش ساكت

- اضوج احجي بس اليوم ردت احد احجي ويا ضايج

- ليش

- ولا شي لاتهتمين

-هزيت براسي بمعنى اي سكتت ماحجيت شي

شويه وصار يتلفت يمنه يسره كال
راح اروح اجيب كم شغله واجي وين السويج يمكن هنا جان

- هسه اجيبه
رحت بسرعتي جبته واجيت نطيته اله اخذه وصعد بالدراجه وراح

مرات استغرب منه ومن تصرفاته ساعه احسه قريب مني ساعه ولاكأنه يعرفني

رجع وره شويه جايب مسواك طلع خياره وخلالها كومه ملح

هاي ستسوي بيها

- ضغطي هابط

- كعد ياكل خياره واني تذكرت لما مره كعدت تقرالي ام مازن جان اتذكر السوره الحمد

اجيت وكفت يم راسه هو جان كاعد وكفت وراه باوعلي ملتفت شبيج واكفه

- خليت ايدي على راسه وصرت اقراله

بسم الله الرحمن الرحيم

الحمد لله رب العالمين

الرحمن الرحيم

مالك يوم

ونسيت بقيت اردد مالك يوم

مالك يوم

جاوبني

مالك يوم الدين

مالك يوم الدين

نعبد ونستعين

جاوبني

إياك نعبد واياك نستعين






ورديتها وراه

اهدنا الصراط المستقيم
صراط الذين انعمت عليهم
وسكتت

كمل هو
ولا الضآلين

هه خوش حافضتها

- ام مازن حفضتلياها

- منو ام مازن هاي النوب

- لمن نهزمت كعدت عدهم فتره والمره طيبه وساعدتني هواي

- كام وكف على حيله وكأنه يريد يسمع

ايييي وليش طلعتي منهم لعد

- خافو من طلايب العشاير

نزل راسه متفهم
ورد رفعه من رجعت اكمل كلامي

- كالتلي طمنيني عليج من تستقرين
اتمنه اشوفها

- تندليهم وين

- اي

- اوديج لعد

- طريق تره

- ميهم

-صعدت بالسياره ورحنه سويه تقريب ساعه وصلنه
كتله بهذا الفرع

وداني لبيتهم

دكيت الباب وطلعت ام مازن فرحت هواي من شافتني

ياهلا بمريم
يمه نورتينا شلونج

- اني زينه شلونج حجيه

- بخير يمه بخير دام شفت هالعيون الحلوه بخير انه بخير

- كتيلي من استقر اجيج

- واستقريتي

- اي

- منو هذاك الواكف يمه عبالك ينتظرج

- باوعتله جان واكف بعيد شويه مخلي ايده بجيوبه ويحرك برجله بالحجاره مثل الطوبه

كتلها ولكعت عيوني لمن اكللهاعليه
هذا
هذا زوجي
اي
تزوجت اني

رفع راسه باوعلي
خفت معقوله سمعني

بس ابتسم لما شافني متبسمه واباوعله

تعالي فوتي يمه

- لا راح اروح

- مايصير الا تفوتين

- اذرلي ضرغام انه نروح مو مال نبقه

كتلها

خاله زوجي يريد يروح مستعجل غير مره

بوستها ورحت

صعدت يالسياره ومن فرحتي لما صعد ضرغام بالسياره حضنته وبسته من خده

اشكرك

- باوعلي متفاجأ من ردة فعلي بعدين باوع للطريق وحرك السياره ومشى.....

تركيبة هالانسان غريبه واول مره اشوف شخص شايل كل هذا الهدوء
فكرت اسايسه مبين عليه گلبه طيب يمكن يوصلني لاختي اكله ليش لا
يمكن القدر يخليني اعثر بأختي......






سديم.....

خلص دوام اليوم توجهت حتى اطلع سبقني ادم

ادم:- اوصلج؟

- لا مو بعيده الشقه

- ميخالف خل اوصلج

- لا مو لزوم والله لاتعب نفسك

- ماشايلج على ضهري

- سكتت

- يله امشي

- صعدت ويا بالسياره
مشى واحسه يريد يكول شي
وقف السياره امام الشقه وي مداانزل كال

- سديم لاتتأثرين بهذولي البنات الي يجوني مالج علاقه بيهن

- ليش بدر شي مني

- لا بس الي شفتي هذاك اليوم انسي تره علاقتي بيها بس مزاج

- واني شيخصني من كل هذا

- باوعلي متحير يدير بعينه
مو قصة ابرر او شي

- تبرر؟!!!!

- عبس وجهه مثل الي واحد زلك بكلمه
لا لا
اقصد
انتي حسيتج نزعجتي يمكن البنيه مستفزه

- تنهدت هه وعلى شنو تستفزني

- ولاشي ورد
اخذي راحتج

- عفته ونزلت
ماعرف ليش كلمني هيج مشيت وافكر ليش يبرر ليش يحجي

احجي وي نفسي تلكتني على الدرج رباب نازله

- ها شبيج تدردمين وي روحج

- فزيت
رباب هه ولاشي

- امشي نروح نجيب كم شغله تره صار هواي مامتسوكين

- اوك

طلعنه للسوبر ماركت جان مو بعيد عن الشقه نمشي مسافه قصيره
سوبر ماركت جبير وكلشي بي
جبنه فواكه خضراوات وجبات عشاء ريوك منضفات ورجعنه للشقه
كوه شلنه العلاليك جانت هواي وبيها غراض هواي
بالطريق سولفنه

سديم:- اليوم يكلي لاتتأثرين بصديقاتي

رباب:- هه لازم انتبه على التغيير

سديم:- اول مافات تصوري

- لابشرفج

- والله

اي وشكلج بعد

- كلي
الي شفتي هذاك اليوم انسي تره مزاج علاقتي ببها مو اكثر

- وليش يبررلج

-نفس السؤال سألته تصوري

- همممممم عرفت

- شعرفتي

- نوصل للشقه واذب هالثكل هذا واكلج
وصلنه الشقه خلينه المسواك وحضرنه عشه
جانت هنده ذابه روحها على الكتاب تدرس امتحاناتها قربت وهي بهذيج الفتره نفسيتها تعبانه
لكن بمرور الايام تحسنت وبدت تفكر شلون توكف على رجلها من جديد واول خطوه هي تكمل دراستها
وتنجح

كعدنه نتعشه جنه مسوين بيض وطماطه وبتيته وخضراوات

رباب:- تعالي هنده السجاجه اكلي شويه

هنده:- صنفي صنفي هي بقت عليج

- سديم:- لو مترفعين راسج من الكتاب لو متعترفين بي

- شسوي

- رباب:- اكلكم هذا المكسر طالع من المستشفى

- هنده:- يطبه طوب عساه لاكام

سديم- حقدتي عليه

- كلششششش

رباب:- هو اني ليش مااقبل احب من وراكم
تبدوها بغراميات وتنهوها مسلمتك بيد ابو فاضل

- هنده:- ااااااخ توبه توبه

رباب'- دعيديها ياهنده اذا مااكطع النعال على راسج

- توبه ابددددددد

دكومي كومي ناكل برد الاكل

- كمت متت جوع....

التمينه ضحك وسوالف
جانت لمتنه وشقانه تسوه الدنيا ومابيها
فعلا الصحبه تخفف عنك احزان هواي
هنده رغم حزنها بس الي مخفف عنها حزنها احنه
الانسان شكد مايكون قوي بس تمر عليه مصاعب بالحياة تخلي يكون ضعيف وخايف
خايف من المجهول
خايف من باجر
خايف من كلشي
ومحتاج شخص او اشخاص يسنده بهذه اللحضات
محتاج كلمه طيبه تسعد خاطره
وتفك ضيق صدره
وتطمن گلبه
مرات جنت اكول ليش القران هيج مريح للنفس
وللقلوب
بس من قريت الايه
ألا بذكر الله تطمئن القلوب
لان هذا كلام رب العالمين
تحس اكو من يصبرك على مر هذه الحياة وتعبها
من خلال وعد الله بالجنان والحياة الاخره الابديه
يواسيك من خلال قصص الانبياء
مثل ما انتم هسه تواسون نفسكم وتتعضون من هذه القصص الي تقروها حاليا........

#يسعد_اوقاتكم_بكل_خير
#توقعات_الابراج_ليوم_الثلاثاء_والله_اعلم

#الحمل
مهنياً: مشاريع كثيرة تنتظر التمويل المطلوب والموافقة عليها، فحاول أن تشرح اهميتها لعلك تجد آذاناً صاغية.
عاطفياً: الوحدة سلاح قاتل، لكنك تتخطاها بمساعدة الشريك وتظهر النتائج سريعاً.
صحياً: لا تفرط في تناول المعجّنات والنشويات، فهي سبب أساسي للبدانة وغيرها.

#الثور
مهنياً: استثمر طاقتك الخلاقة لتطوير قدراتك العملية، وهذا ما ستجعله في أولوياتك في المرحلة المقبلة.
عاطفياً: لا تقسُ على الشريك كثيراً، فهو يعاني بعض المشاكل وقد يتخذ قرارات تفاجئك.
صحياً: مهما تراكمت الأعمال، تجد بعض الوقت للاهتمام بصحتك وإيلائها الأولوية.

#الجوزاء
مهنياً: يشير هذا اليوم الى جو متشنّج يجب أن تنتبه له أكثر من العادة، وحاول ألا تختلط بالزملاء كثيراً تفادياً لإثارة المشاكل.
عاطفياً: لا تفرض آراءك بالقوة على الشريك، فهو أيضاً له آراؤه ويجب أن تستمع إليها وتحترمها .
صحياً: لا تكثر من تناول الطعام مساء، ولا تقلله كثيراً، بل حاول أن تكون عادلاً.

#السرطان
مهنياً: لحسن الحظ يكون هذا اليوم مناسباً جداً لمشاريعك ويولّد طاقة إيجابية.
عاطفياً: تشعر بالارتباك بسبب عدم صراحتك مع الحبيب وتفاجئك ردّة فعله غير المتوقعة وتضعك في موقف محرج.
صحياً: تسمع أخباراً تسعدك أو تطمئن إلى صحة أحد المقرّبين أو تخوض تجربة رياضية مفيدة.

#الاسد
مهنياً: تتلقى معلومات جيدة تساعدك على حسن الخيار، كن متكتماً جداً ولا تعط ثقة عمياء، ففي المحيط أعداء يا عزيزي.
عاطفياً: إمنح الحبيب المساحة والوقت اللذين يحتاج إليهما ولا تكبله بغيرتك الشديدة.
صحياً: ترهقك المسؤوليات الاجتماعية والعائلية وتفكر في السفر للراحة.

#العذراء
مهنياً: يجعل هذا اليوم مزاجك متقلباً وصعباً ومشاكساً، أنصحك بعدم إظهار ضعفك وترددك أمام الآخرين.
عاطفياً: يجتاحك ركود عاطفي، لكن لن الأمر يطول حتى يعاود البركان ثورته مجدداً.
صحياً: حاول أن تعود من عملك سيراً، فهذا مفيد لك بعد يوم طويل ومتشنج.

#الميزان
مهنياً: الثقة مطلوبة في العمل، وهي تفتح أمامك مجالات متعددة وآفاقاً لم تكن تتوقعها.
عاطفياً: استعدادك للدفاع عن الشريك حتى النهاية، علامة فارقة في حياتك ويعزز موقعك في قلبه.
صحياً: استرخ ساعة كل يوم وكأنك تمارس اليوغا، ذلك كفيل بتهدئة أعصابك وإراحتك من همومك الكثيرة والضاغطة.

#العقرب
مهنياً: تزدهر المخيّلة وتعطيك أجوبة عن بعض التساؤلات وتتسارع الخطى وتقوم بواجباتك.
عاطفياً: استخدم جاذبيتك والطاقة اللطيفة في شخصيتك لتحظى بالشخص الذي تعشقه.
صحياً: لا تتقاعس عن القيام بكل ما من شأنه أن ينعكس إيجاباً على صحتك.

#القوس
مهنياً: تمتلك عدداً من المواهب وتصبو إلى دراسة أو سفر، وتكون لك اتصالات مع مؤسسات أجنبية مفيدة جداً.
عاطفياً: ساعد الشريك على تخطي أزماته لتتمكن من طلب معونته لاحقاً في حال عاكستك الظروف.
صحياً: لا تنتظر من إهمال وضعك الصحي سوى النتائج الوخيمة، عندها لن ينفعك الندم.

#الجدي
مهنياً: تعيش يوماً متعثراً مليئاً بمصاعب ضاغطة وحافلة بالعلاقات المتوترة، فتكاد لا تجد السلام الذي تبحث عنه.
عاطفياً: لا تعتقد أنّ طيبة قلب الشريك تمنحك المجال لتستمرّ في الخطأ، فهو قادر على قلب الأمور رأساً على عقب.
صحياً: أنت صاحب كلمة وتصميم وعزم في كل ما تقوم به مهنياً، فلم لا تكون كذلك على صعيد الاهتمام بصحتك؟.

#الدلو
مهنياً: لا تخشَ هذا اليوم التصريح بوجهة نظرك ووضّح الأمور لتنال حقوقك التي تطالب بها منذ مدة بعيدة.
عاطفياً: إيجابيات من الشريك تمنحك أملاً أكبر في المستقبل، لكن الانتظار قليلاً مطلوب لاستيضاح بعض النقاط.
صحياً: مع اقتراب موسم الشتاء يقلّ الوقت المتاح لممارسة الرياضة، لذا عليك الالتحاق بأحد الأندية.

#الحوت
مهنياً: يتحدث هذا اليوم عن تدخّل سافر في أعمالك وعن اعتراض على مشاريعك.
عاطفياً: اغتنم فرصة بقائك في المنزل للتفكير بهدوء في أمور كانت تشغل بالك إزاء الشريك.
صحياً: خصص المزيد من الوقت لترتاح من عناء العمل ومارس الرياضة يومياً.

#فقرة_شعر
السن بالسن بعد والعين بالعين

ما عاتب ابنادم عنده وجهين

🌚😌

#أتّيه_روحي_بريحتك

#وأحتار_من_ياصفحة_أشمك 🦋

ما فتحو رسايلنه الجانو قبل يشموهن

#قصه عراقيه
الحلقه السابعه عشرر
                                   
                                         

        
             ~
سديم.....    

ماكتيلي رباب شنو معناه الي كاله    

- مااجه بالج شنو؟    

-لا    

- مبين وكع..    

- يعني؟    

- الاخ مبين بده يعشك    

- واني شعليه    

- لان الي بده يعشكها انتي    

- انيييييي    

- اي    

- هه كل عقلج    

- وليش مو كل عقلي    

- حقج ماشفتي الي يجوله شنو
لج شنو جمال
شنو طول
شنو جسم    

- وشناقصج انتي    

- هه شجي يمهم يمعوده    

-  كالها الج بعظمة لسانه علاقتي بيهم مزاج    

- وشنو يعني    

- رجال يبرر لمره هيج شنو معناها؟    

- ماعرف استغربت    

- معناها بديتي تشغلين باله بده يهتم بده يخاف تزعلين    

- مادري ماعرف انتي منين تجيبين هالكلام    

- من الي دانشوفه ونسمعه    

- سكتي بله    

- مهم انتي شنو من ناحيته    

- ولاشي    

- يعني مالفت انتباهج معقوله    

- الصراحه
فتره لفت انتباهي بس من عرفت قذارته وي النسوان كرهته    

- بسسسس   

- اي    

- سديم انتي مو كرهتي انتي ضجتي منه او زعلتي لان هيج هو طبيعي اي مره تضوج ومتقبل    

- اني مااحب ارتبط بهيج شخص ماناقصني وجع راس    

- اجتج العدوى    

- تفكيرج حلو    

- هههههه بس اني تشافيت ونقلت العدوى الج    

- شنو قصدج    

- بصراحه سديم اكو شخص صارحني قبل كم يوم    

- اي    

- وهو ميتعيب مرتب من كلشي بصراحه مطابق مواصفات الي يريدها مزاجي    

- يعني قبلتي    

- مارديت عليه لان استحيت    

- منو هذا    

- دكتور جامعي يجينه مرات يقدملنه محاضرات بعلم النفس    

- اي    

- هو كاريزما وشخصيه تموووت هه من كالي اني معجب بيج وهاويج خجلت متت    

- رباب تخجل وتستحي   

                                 

             
                   

- شلكيتيني ولج    

- المهم شحتكليله    

- ماعرف خايفه اقبل واتورط وخايفه ارفض واتندم    

- طبعا تتندمين
رباب العمر دايمشي واءا تجي قسمه زينه لاترفضيها    

- خاف بس شكل ومنظر    

- مو تكولين دكتور بعلم النفس    

- وان كان......  انتي سامعه يعلم الناس الصلاة ومايصلي    

- يعني ممكن يكون مجال عمله شي وهو شي ثاني    

- وارد جداا    

- وليش منتوقع العكس    

- لان العكس الي تكولين عنه هو الظاهر للناس اني اباوع خلف الكواليس    

- وشلون بهيج حاله    

- فكرت اختبره فتره اكله خليني اعرفك اكثر فتره صغيره اخم مايته مثل ميكولون اشوف عقليته    

- وان ماعجبج    

- مرفوض طبعا    

- وسمعتج    

- ليش ا حد كلج حنطي مجال  اكلج اختبره يعني صداقه ابديها بعدين استفزه واضوجه واتعارك واعرف الي جواه شنو
البشر متنعرف طينته الا لما تختبري
مال تكضيها ويا حب بس هذا تسليه واني ماريد اتسله سديم    

- هنده- والعركات متخلي يضوج منج   

- راح تبين الي هواي امور    

- وهي    

- اولا حعرف طولة باله وهل هو عصبي او لا زين لما يعصب لسانه يحافظ عليه لو لا زين ايده يتحكم بيها لو لا وكت الغضب ردة فعله شنو    

ثانيا حعرف هو فعلا يحبني لو مجرد يريد تسلى
اذا حيكلي تعالي يمنه اكله اجيك يسره
اذا حيكلي احبج حكله اثبتلي واخطبني مو اكله اني هم احبك
الحب التقليدي التافه مالتكم مااعيشه مااحبه    

- هنده- حبيبتي هيج تخلي يشرد منج يطم روحه بالساعه الي فكر يصارحج بيها    

- لا اذا رايدني صدك يتمسك بيه    

سديم- بس تفكيرج صعب ويملل اكبر شخص    

- مايمل تعرفين ليش    

- ليش   

- لان هو دكتور واكيد مارات عليه بنات بكد ش
عر راسه وكلها سهله وتحت طوعه الي تشل گلبه مااجت واني راح اكون هاي الي تشل كلبه    

- هنده- هه والله لا تهججي    

- من هذا هج حبيبج السبع وانتي صريتله محبس بيده    

- باوعت لرباب هنده وسكتت بس عيونها لمعت بيها الدمعه واختنكت مباشرة عدلت نومتها بعد ماجانت نايمه على بطنها وغطت وجهها بالحاف
كامت رباب    

- هنده اسفه والله موقصدي والله    

- لا رباب الي كلتي صح يمكن اني نسيت تفكيرج صح    

           

             
                   

- ماعرف شكلج هنده بس تره من حركتي هيج كلت    

- عادي لاتهتمين    

- اسفه حقج عليه    

احيانا يكون الكلام العفوي كسر خاطر مؤذي رغم انت متقصد تجرح هالشخص
مرات الغصه تبقه بالکلب متروح تنفضح لمن احد يذكرها بالوجع
مرات نتناسه بس مننسه لان النسيان صعب
مرات نخاف ننسه حتى لانرجع نغلط مره ثانيه    

باليوم الثاني رحت للشركه قبل لااروح ترددت بين البس واتأنق مثل البارحه او لا    

-  رباب شسوي هسه شلبس    

- شتلبسين غير حتروحين لشركه    

- اي بس اقصد اتأنق مثل البارحه لو لا    

- اي اكيييييد    .....

#يسعد_اوقاتكم_بكل_خير
#توقعات_الابراج_ليوم_الاربعاء_والله_اعلم

#الحمل
مهنياً: أفكارك البناءة والمتنوعة تمنحك القوة في مواجهة الزملاء، لكن لا تضع كامل رصيدك في مواجهة واحدة.
عاطفياً: كن متسامحاً مع الشريك إلى أقصى حد، فهو يستحق منك التضحية الكبيرة.
صحياً: خفف من تناول المشروبات الغازية مع الطعام فهي مضرّة للمعدة.

#الثور
مهنياً: يوم رائع جدّاً ومفاجآته ثمينة وحظوظه مهمة، تنتعش وتتحسّن للمشاركة في المشاريع بعزيمة وتفاؤل.
عاطفياً: تشعر بسعادة وقناعة بالتقدّم الذي حققته مع الشريك فيتقرب منك أكثر فأكثر.
صحياً: العمل ساعات إضافية لتحقيق المزيد من الدخل أمر جيد لكنه ينعكس سلباً على وضعك الصحي.

#الجوزاء
مهنياً: يتحدث هذا اليوم عن وحدة ربما تقدّرها جدّاً، وعن فوضى في حياتك المهنية تهرب منها.
عاطفياً: استمع إلى ما يقوله الشريك قبل أن تصدر حكمك عليه وابتعد عن العصبية الزائدة.
صحياً: فكر أن عائلتك بحاجة إليك في هذه الظروف، فلا تهمل صحتك لتبقى معافى وقادراً على تلبية حاجاتها.

#السرطان
مهنياً: يوم جيد جدا يبشر بتجارب مهنية واعدة بحيت يكون النجاح حليفك على مختلف المستويات.
عاطفياً: مهمة إقناع الشريك بالسير معك حتى النهاية ليست صعبة، وتجاربه السابقة معك مشجعة جداً.
صحياً: أنت المسؤول عما آل إليه وضعك الصحي، لأنك لم تلتزم إرشادات الطبيب ولم تطبقها.

#الاسد
مهنياً: يوم رائع جداً لرسم معالم مستقبلك المهني، وإذا تجاوزت بعض المشاكل فإن الأيام المقبلة ستكون أفضل ومشرقة.
عاطفياً: تعيش يوما عاطفيا وعائليا بامتياز ما يجعلك تفتح دورة رومانسية مليئة بالعذوبة والمغامرات والاتصالات والمفاجآت.
صحياً: يوم من الاضطراب والقلق النفسي سببه خبر مزعج يقض مضجعك.

#العذراء
مهنياً: نيّات بعض الاشخاص المحطين بك السيئة لن تكون في مصلحتك، وعليك تبيان وجهة نظرك من خلال رسائل واضحة.
عاطفياً: سعي من الشريك يعيد الأمور إلى نصابها، ويضع العلاقة بينكما على الخط المستقيم.
صحياً: تقتنع بعد عدة محاولات أن لا مفر من الرياضة للبقاء رشيقاً ونشيطاً، فهنيئاً لك.

#الميزان
مهنياً: تتكلل جهودك بالنجاح وتتعاطى مع الأمور الحياتية بانفتاح وتكون المواعيد االمهنية جيدة.
عاطفياً: يوم جميل مع الشريك يستحق الذكر، ومن الأفضل تقديم تنازلات خفيفة لتخطي بعض العثرات.
صحياً: تبدأ منذ اليوم استعداداتك لممارسة الرياضة يومياً بعدما أصبح الوضع الصحي لا يحتمل.

#العقرب
مهنياً: تستعيد الحرية في التصرّف والقدرة على المناورة وتكون خلاقاً ومبدعاً، وتعالج قضايا مالية.
عاطفياً: تمنحك النجوم طاقة داخلية كبيرة استغلّها في تحسين علاقتك مع الشريك.
صحياً: فرصة فريدة أمامك لحلّ المشاكل الصحية المتراكمة من الماضي السحيق.

#القوس
مهنياً: أجواء العمل الجيّدة حاجة ماسة اليوم لكي تتمكن من إنهاء المشاريع المطلوبة منك بجدارة ونجاح.
عاطفياً: لا تكن متجافياً مع الشريك، فالتطورات كثيرة في العلاقة وخصوصاً بعد الأمور الإيجابية السائدة حالياً.
صحياً: تحتاج إلى الراحة لتستعيد نشاطك وتنفيذ أي من الالتزامات الطارئة.

#الجدي
مهنياً: تحاشَ الجدال ولا تناقش الموضوعات الحسّاسة والعالقة تحت وطأة الغضب.
عاطفياً: لا تحقد على الحبيب إذا انتقدك، بل انتظر هدوء أعصابك لتبحث معه موضوعاً دقيقاً.
صحياً: الألم في الظهر سببه كثرة الجلوس وعدم القيام بحركات رياضية تخفف من ذلك.

#الدلو
مهنياً: تتوصل شيئاً فشيئاً إلى تحقيق المشروع الذي انتظرته طويلاً، لكن يستحسن أن تتريث لئلا تفقد السيطرة على الوضع.
عاطفياً: تعاطف كبير من الشريك تجاهك، لكن تجارب غير مشجعة تعوّق تقدّم الأمور.
صحياً: إذا شعرت ببعض الاضطراب في دقات القلب، يستحسن أن تستشير طبيبك فوراً.

#الحوت
مهنياً: تتوسّع الآفاق والآمال الكبيرة وتتجسد الطموحات، فقد يهبك هذا اليوم مفاجأة جيدة في العمل.
عاطفياً: تعيش حياة عاطفية مليئة بالمغامرات العابرة، ألم يحن الوقت بعد للتفكير الجدّي في الارتباط؟.
صحياً: تدرك أنك خمول بعض الشيء، لكن لا تتردد حين يطلب منك القيام بنشاط رياضي معيّن.

#فقرة_شعر
فإذا وقفت أمام حسنك صامتا
فالصمت في حرم الجمال جمال
كلماتنا في الحب تقتل حبنا
إن الحروف تموت حين تقال
حسبي وحسبك أن تظلي دائما
سرا يمزقني وليس يقال