- كعدت حضرت العشه بين مايجون
وفعلا ماطولو واجو

- ها وين جنتو

- هند جان وجهه مخطوف وخوفه بعيونها ورباب متحجره متحجي شي
قلقت اكثر شصاير احجو شبيكم

- رباب:- رحناله للبيك مالتها

- منو تقصدون حبيبها

- اكو غيره

- ايي وشصار

- يكول ماعدها شي يمي لاورقه تثبت علاقتي بيها ولا شي ثاني تروح تكول لعشيرتها للقانون انكر وخل تطخ راسها بعرض الحايط

- فتحت عيني بوسعها
وانتو ليش رحتوله

رباب-( بصوت) لازم يساعدنه غصبا ماعليه هو مو بس يكسر لازم يجبر لازززززم

- شيجيررررر الرجال متزوج شيجبررررررر

- يتزوجها ثانيه وين المشكله بالموضوع

- يعني تقبل تنزل ضره على بنيه مالها ذنب

- وتقبليها انتي تنقتل لعد

- شوفيلج طريقه ثانيه لتبني سعادتها على حساب تعاسة غيرهاااا

رباب - باوعتلي بغضب:- سديم تسكتين لا ااكوم اعجنج عجين ومايبرد گلبي
لج البنيه طايح حظها وانتي تحجيلي بالمثالياااات
بشرفج لو جنتي بمكانها شسوين هااااا شسويييين

- تلكأت ماعرف

- اني اكلج شتسوين تحلليها على نفسج
راح تقبلين تزوجين وتكونين ضره تدرين ليش
لان راح تنحطين بين نارين ساعتها راح تجلبين بأي ايد تنمدلج وتنقذج ومايهمج احد
لتبيعين مثاليات وانتي متدرين بالنار الي بينه






- ماابيع مثاليات بس مرته شنو ذنبها

- ذنبها تزوجت واحد خايس وابو نسوان ساقط يتلاعب بااعراض الناس
ليش يكلك اسأل على شريك حياتك يله ترتبط بي
وصرخت
حتىىىىىىىىى ماتنحط بهيج موقففففففف
لو نسأل على الولد مثل مانسأل على البنيه جان الشباب خافت جان نردعت جان فكرو بسمعتهم
بس مايفكرووووووووون
المجتمع الزباله العايشه بي مجتمع تعبان
كلها تنصف الرجال زين والعوبات الي امثالها اشلووووووووون ( وتأشر على هند)

- كافي الله يخليج على كيفج

- على كيفي؟
وتكليلي على كيفج
شوفي سديم
امثالج ماتحس بوجع غيرها
امثالج همها المثاليات بس لو ينطبق عليها الشي
تخلي المثاليات على صفحه

- والله قهرتني مرته اني افكر اكول بنيه حالها حالنه وهم حتنقهر من تشزف وحده تشاركها بزوجها

- بله سؤال

- شنو

- لو هسه اخذت هند ورحت لمرته الي داتكولين عليها
وكتلها زوجج هيج وهيج مسوي
برأيج حتصير من جانب زوجها وتنكر لو من جانبنه وتكله صلح غلطتك

- سكتت

-احجي ليش سكتي

- من جانب زوجها

- حلووووووو ومن حتصير من جانب زوجها حتنكر معناها وحتدكللها طبج مرض لترمين بلاج علينه موووووووو

- اكيد

- هنا هي ليش هيج كلتلها

- لان زوجها وتدافعله

- لا
مولان زوجها وتدافعله لان فكرت بنفسها
لان متقبل وحده تشاركها بزوجها

- يمكن

- اكيد مو يمكن
هنا هي الانانيه وهي الي تريد تبني سعادتها على حساب تعاسة غيرها
عادي غيرها تنقتل بتهمة غسل شرف وتموت وتموت احلامها وتنتهي حياتها لمجرد حبت وثقت ومشت بگلبها بس الزوجه المثاليه الي تحجين عنها متتنازل وتتفل بنص وجه زوجها وتكله تاليتني طلعت متزوجه عار ناقص شخصيه يلعب بااعراض الناس

- بلعت ريك ماعرفت شجاوبها كلامها جدا منطقي
زين نروح لاهله ونكللهم بعملته وهم يتصرفون نكللهم اذا ابنكم ميصلح غلطته نسويها عشاير

هند- لا لا
خاف امه تسويلنه طلابه
خاف ابوه خاف اخوته

رباب:- سدي حلكج انتي هسه خفتي سكتي
اي سديم حلوه فكرتج كملي

- اي نهددهم

- وهسه يكولون شنو الدليل انتو تتبلون على ابنه

- هند كالت:- عندي صور اني ويا بالكليه

رباب:- هذا مو دليل كافي

هند:- عندي رساىل جان يدزلي cmc

رباب:- عباره عن شنو هاي الرساىل






هند:- وحده منهن يكلي اريدج اليوم تجين للبيت اهلي طالعين خل نغير

- ايييي حلو كلش حلو
باجر
نروح
ونطيح حظه لهذا النذل الي مايجي باللين نجيبه بالقوه

هند:- خاف يخابر على ابويه يسويلي مشكله

رباب:- بله وشيكلهم يكلهم اني جرجرت بنتكم ضحكت عليها

هند:- خايفه رباب اخاف منه

- لتخافين تره هذا حبيبج ميخوف جلبي اني ادري شفتي بي وحبيتي وجه كفه

- حبيته بعد

- ولج يحضي لافلوس لاخلقه لا اخلاق شفتي منه وحبيتي لا وفوكاها متزوجته وصايره على كد ايده

- سديم:- الحب ميعرف هالامور الي ذكرتيها رباب

رباب:- لا يعرف
انتو تقنعون عقلكم الباطن بهذه السخافات الي ملاها داعي يعني انتي هسه تكدرين تحبين واحد مجنون لو مثلا رجال جبير بالعمر

- لا طبعا

- ليش منكول الحب ميعرف هالامور مثل كلامج

- لان مو من العقل نحب هيج

- ولما مو من العقل نحب هيج
من العقل هم نحب شخص نلكه بي مزايا عن البقيه

- سبق وان كلتي كلامه معسول ومهتم بيها
برأيج الاهتمام مو سبب للحب

- للحب اي ممكن بس العشق الاستسلام لاااااا
الحب هو ثاني مرحله بعد الاعجاب
الحب يبدي بعد التقرب
بعدها يايتحول عشق ياكره

- مفتهمتج

- جرت نفس:- ياعيني افهميني
الحب الي جنت احجي عنه اقصده الاعجاب انتي تكدرين تنعجبين برجل كبير السن او مجنون كلتي لا
زين معناهامراح تعشقي
ياسديم العشق هو تقبل الطرف الاخر بكل مزاياه وعيوبه
زين هذا العشق مستحيل يتولد اذا ماكو اعجاب وتحول لحب بالتعارف وبالعشره عشق
افتهمتيني
يعني هي من حبته غير على مزاياه
اوك نجذبت بلكلام المعسول اوك ضعفت كدام الاختمام الاحتواء بس بعدين شنو
اذا هو هيج حسسها روميو العاشق الولهان ليش ماطلبها رسمي

هند:- كالي ضروف وحالتي الماديه متسمح اطلبج من اهلج
اهلج حيطلبون مهر غالي وانتم عشاير واعرف بهاي الامور

رباب:- وتعاطفتي ويا؟
هه شفتي ياسديم الشباب شنو
ذئااااااااااب
ذىاب مفترسه تغرس انيابها بكل فريسه توكع بيدهم
اكو شباب حتى ابليس يتبره منهم
اعوذ بالله من آلسنه مستحوذ عليها الشيطان
اكو شباب عندهم لسان يذوب حتى الحديد
يتصيد بيها امثال هند
يوكعها فريسه بعدين يكلها يلاااا لو شريفه جان متقشمرتي بكلمتين

- والله كلامج صحيح رباب انتي تقنعي للواحد

- حقيقه هاي مو كلام حتى اقنعج
يله خلونه نام باجر نروح






- اوك

ثاني يوم رحنه طلعنه اخذنه تكسي ودلته هند للسايق على بيت حبيبها ورحنه

دكينه الباب بعد انتظار فتحها حبيبها نفسه نصدم ونصدمنه لما شفناه

انتن شجابجن شعدجن جايات

رباب:-اهلك هنا لو بلا اصل وفصل

- احترمي نفسج انتي لسانج طويل يرادله كص

- والله ماينكص غير لسانك ياناقص الشرف

- انتن لوشريفات متجن لهنا تذبن بلوة صاحبتجن عليه

- احنه نذب بلوتنه عليك ( ربت على الباب بقوه وصاحت) هيييييي اهلك وييين

- من سوء حضجن اهلي مو هنا طالعين
امشن منا لا ابلغ عليجن الشرطه

رباب:- بله يمه يمه يمه كمت اخاف

لزموني بنات
كمت ارجف
رجلي مداتحملني

دمشــــــــــي لكـــــــــــــ
صاير رجال تهدد

- ثار علينه وصيح رجال غصبن عليج بنت الق***
ما وراج صداد رداد انتي

-والله لااشوفك الصداد والرداد على اصولهم بسيطه اني الك تفووووو

ومشت وحنه وراها. ساكتين كلشي ماحجينه
رباب شخصيتها قويه تشوفيها هادىه بس وكت الجد محد يلحكها
مشينه واول مداتحجي هند صرخت بيها سكتيييييي
حلكج لتفكي انتي

سديم:- رباب اعصابج احنه بالشارع

- سكتيها لهاي لاابتلي بيها

- مشينه هي كدامنه واحنه وراها
حتى تكسي مااخذنه داتمشي فجأه وكفت
حانت عيونه تسأل ها شبيج باوعت تخوصرت وكفت باوعت وردت باوعت علينه
من باوعت على شنو داتباوع شفت درج يطلع على طابق ثاني مكتوب فوك صالة الابطال عليه صور مصارعين جانت صالة كمال اجسام

همست داتفكرون بلي داافكر بي

- هزينه راسنه ب لا

- عوجت حلكها ماعجبها جوابنه كالت
نأجر ثنين يفوتون عليه هسه يزوعو العافيه اريده كسور متنجبر

- هند رد الدم بوجهه كالت اي رباب برديلي كلبي

- وعيونج لخلي قالب ثلج اذا مسويته رجال بس بالجنسيه اني مو رباب بس كون احد يقبل

صعدنه للقاعه فتنه بيها جانو شباب يتمرنون اشكالهم تخوف من الضخامه
بلعت ريك من شفتهم بكت طن هوى
رباب سألت ابو القاعه

- اكو واحد ضارب اختي واريد ارد عليه بس اني اخوان ماعندي اكو احد يكدر يضرب الي ضرب اختي بفلوس يعني

- ههههه هاي جديده نوب شنو وين عايشين

- اروحلك فدوه مستهتر ودايهدد بأختي

- عيني قاعه والها سمعتها عدجن طلايب روحن بعيد منا

وحده باوعت بوجه الثانيه نزلنه جان ينزل واحد ورانه
شكد تدفعن

- باوعت رباب
جنت تسمعنه

- اي سمعتجن شكد تدفعن

- شكد تريد

- اني ١٠٠ الف واذا واحد وياي هم ١٠٠ بس اذا بيها قانون وطلايب تكلفكم الشغله

- لا مو قانون

- ماشي

- بس اريده هسه ينكتل وحده بالبيت

- هه انتي انطيني اسمه وعنوانه ويجيج خبره هي مو اله بالبيت ترديها اليوم ادفعي وبالليل ابيته بالعنايه المشدده

- اوك هاهيه

نطته عنوان الشقه ختى يجي يستلم الفلوس واخذنه تكسي رجعنه للشقه منها ١٠٠ ومن هند ٥٠ ومني ٥٠ جمعناهن
رغم تأنيب الضمير بس جنت اكول يستاهل هو رادها لنفسه
اجه ورباب بكل برود سلمت الفلوس للولد
وراح

لليل اتصل كال
اذا تعرفون اقاربه اتصلي بيهم حتى تعرفين اخباره

رباب ابتسمت بحقاره وكالت اوك

معرفنه على منو نتصل بالبدايه بس بعدين هند عرفت من صديقتها انه فعلا بالمستشفى
مكسره وحده من ايده ورجله هم وضاربي على راسه بجماغه ( مكوار) وشابعي بوكسات بحيث حالته خطره
رباب كالت حل ويستاهل هنده ضربت على وجهها

- الله يسترنه رباب ولج بس لا نروح بيها

- لتخافين

- تلعثمت معرفت أ أيدها على تصرفها لو لا
غلط الي سوته لو لا
شلون خطرت بالها هيج فكره شلون نجحت شلون دبرتها ماادري

بقيت ساكته اترقب النهايات
اعرف شنو تاليتها هند على شنو حتنتهي قصتها

اللهم ارحمنا من ضعف نفوسنا فإن النفس أمارة بالسوء الا مارحم ربي
لست ادري أنلوم فتاة قد راهق قلبها وعشقت فاستسلمت ام ذكر ك كلب لاهث مسعور يتصيد في منتصف الليل
ام شيطان قد زين لهما سوء فعلتهما ثم قال
إني بريء منكم إني اخاف الله إن الله شديد العقاب

#يسعد_اوقاتكم_بكل_خير
#توقعات_الابراج_ليوم_الخميس_والله_اعلم

#الحمل
مهنياً: دافع عن مشاريعك هذا اليوم ولا تتراجع قيد أنملة، فالجميع يسعى ليدفعك إلى اتخاذ قرارات صعبة.
عاطفياً: القساوة مع الشريك لا تنفعك بشيء، لأنك ستشعر بوحدة وبفراغ كبيرين إذا قرر الانفصال عنك.
صحياً: حاول أن تثير حماسة العائلة للقيام بنشاطات وتحركات تعود بالنفع على الصحة.

#الثور
مهنياً: ينذر هذا اليوم بحالة أقل وهجاً من السابق وأكثر تعقيداً، ومع ذلك تجد نفسك قادراً على التقدم بخطى ثابتة جداً.
عاطفياً: يفاجئك الشريك باقتراح جميل يعرضه عليك فتأخذ به وتقرران تطبيقه في حياتكما اليومية.
صحياً: أبذل أقصى جهدك لئلا تقصّر في ممارسة التمارين اليومية المفيدة للعنق والظهر.

#الجوزاء
مهنياً: آفاق النجاح تفتح أمامك وتعرف تقدماً كبيراً مجالك المهني، فحاول أن تستفيد لأن الفرصة قد لا تتكرر.
عاطفياً:لا تقحم الشريك في خلافات ونقاشات غير مجدية، إن نصائحه مفيدة جداً لتخطي أي عقبة في طريقك.
صحياً: لا تفوّت أي مناسبة جماعية تتضمن مشياً في الطبيعة أو القيام برحلة بحرية ممتعة.

#السرطان
مهنياً: يحالفك الحظ تدريجياً وتزول بعض الهموم ويطمئن بالك، ويكون الجو واعداً بانفراجات واسعة.
عاطفياً: أمل التغيير في نمط حياتك العاطفية كبير جداً، بعدما تعرّفت إلى شريك جديد.
صحياً: تميل إلى التخلّي عن العزلة والاختلاط بالآخرين للتخلص من حالة نفسية كئيبة تلازمك منذ مدة.

#الاسد
مهنياً: قد تجد اسمك على لائحة الشرف أو لائحة المرشحين لمراكز عالية أو لترقية.
عاطفياً: الحب ينسيك همومك وتتعلق بالشريك أكثر فأكثر، فهو يدعمك دائماً في كل خطواتك.
صحياً: تنشغل في إيجاد حلّ لمشكلة صحية تواجهك في المحيط العائلي وتقلق راحتك.

#العذراء
مهنياً: قد تجدك نفسك اليوم مضطراً إلى مضاعفة جهودك بغية محاصرة المتاعب وتجنّب تفاقم الأزمات المتراكمة عليك.
عاطفياً: تسعى للابتعاد موقتاً عن الحبيب والتفكير جدياً في مستقبل العلاقة بينكما بسبب التنافر في الطباع.
صحياً: لا تقلق على وضع أحد أفراد العائلة الصحي، إنها مجرد وعكة صحية سرعان ما يشفى منها.

#الميزان
مهنياً: الظروف المؤاتية هذاا ليوم تسعفك كثيراً، لكن ذلك لا يعني التفريط في المكتسبات التي حققتها أخيراً.
عاطفياً: يجب أن تكون منصفاً مع الشريك، فهذا أفضل لكما ويخلق الكثير من الأجواء الإيجابية بينكما.
صحياً: تلقي عن كاهلك مسؤوليات الآخرين، وتهتم بكل ما يفيد صحتك وعافيتك.

#العقرب
مهنياً: خلافات عابرة في محيطك المهني، لا تخلّف أي رواسب أو تجاذبات على صعيد العلاقة المستقبلية.
عاطفياً: إذا كنت تشعرفي الاستقرار نهائياً، فإنّ شريكك هو الشخص المناسب للإقدام على هذه الخطوة من دون تردد.
صحياً: تقرر اصطحاب الأسرة في رحلة ترتاح فيها من عناء العمل وهمومه وتريح جسمك.

#القوس
مهنياً: تكوّن رؤية واضحة للمستقبل، وتأتي ردات فعلك مميزة وتجعلك تخوض تجربة مشوّقة جداً.
عاطفياً: يزداد حبك للشريك مع الأيام، حافظ عليه قدر استطاعتك وامنحه كل ما تملك من عاطفة صادقة.
صحياً: تصاب بوعكة شديدة جرّاء إصابة شخص عزيز على قلبك بمرض تعتقد أنه خطير ولكنه ليس كذلك.

#الجدي
مهنياً: تبدو وكأنّك تحت المجهر وأخطاؤك مضخّمة على نحو فظيع، فلا تستخف بالتعليمات ولا تفاخر بنفسك ولا تعاند!.
عاطفياً: تلتقي شخصاً يظهر فجأة في محيطك وتبدأ معه علاقة مميزة وقد تفكّر في الاستقرار.
صحياً: لا تخطئ بحق صحتك وتهملها غير عابئ بها معتقداً أنك تقوم بالعمل الصائب.

#الدلو
مهنياً: بانتظارك عراقيل ومطبّات في مجالك المهني، لكنّ ذلك لن يحول دون إنجازك مهامك على أكمل وجه.
عاطفيا: كن مستعداً لمواجهة الشريك في أمور غريبة نوعاً ما، وإن كان بعضها ينمّ عن استخفاف في التعاطي.
صحياً: أنّى تحل تلفت الأنظار، فإلى جانب الوسامة أنت تتمتع بجسم رشيق وصحة رائعة.

#الحوت
مهنياً: تدور الأحداث بصورة ممتازة في مصلحتك على الصعيد المهني، وتصادف دعماً من المحيطين والمحبين.
عاطفياً: إحذر أحد المقربين جداً فهو مصمم على إفساد علاقتك القوية بالشريك حسداً وغيرة وانتقاماً.
صحياً: لا تمارس العمل أكثر من طاقتك، فالجسم والعقل يحتاجان إلى الراحة.

#فقرة_شعر
ضوه اهلالك
بنفسج
غافي حدر الثوب

الهوه
بضهرك زلگ
يا ملمس الچرچيت
مساماتك
شمع دفيان
يتعويذت خدر يـ أفييييش
اصعد بينه يم الغيم
ريشه
بـ زفة الدخان
وشل مستحاك واستلذ بالاااه
ثغيب النشوه
واهس ثوره للبركان
ترانيم النفس
لاحن
رگبتك شوووگ
وجفوف الگلايد لاحن التربان
يالـ چنك
سعف مخمور
تتمايل عله الريگان
من تنشم زبد وتموع موش انسان ..
.
.

لو ضموك عد عطار كَطره الكَاك
اعرفك ولفي لو شمك ..

‏ياهو الـ يقنعني اكرهك
ياهو الـ ينسيني ودك
منهو يگدر
اني احبنك مثل حبي لهلي
ونوبات اكثر.

#فقرة_هل_تعلم
‏ :

نصل لمرحلة النضج الحقيقي عندما
ندرك أن معظم الأشياء لا تستحق ردة فعل .

#يسعد_اوقاتكم_بكل_خير
#توقعات_الابراج_ليوم_السبت_والله_اعلم

#الحمل
مهنياً: التصرّف بفظاظة مع الاخرين تكون له انعكاسات سلبية غير مضمونة النتائج، فكن أكثر ليونة.
عاطفياً: مهما عاندتك الظروف مع الشريك، لا تستسلم لتتمكن من تمرير الأمور الصعبة، والأيام المقبلة تكون أفضل.
صحياً: الابتعاد عن تناول بعض الأدوية عشوائياً مطلوب منك بإلحاح، لأن الاستمرار في تناولها سيسبب لك مشاكل صحية.

#الثور
مهنياً: حين تواجه مواقف حاسمة يسيطر عليك القلق، لكن ذلك لن يدوم طويلاً لأنّ الأسباب الموجبة ستزول قريباً.
عاطفياً: عليك أن تكون متسامحاً لتتمكّن من حل بعض المشاكل مع الشريك، وهذا ما يجنّبكما الوقوع في الخطأ.
صحياً: أنت لا تدرك حجم العواقب الوخيمة التي تتعرّض لها في حال تعرّض وضعك الصحي لخلل ما.

#الجوزاء
مهنياً: التفاؤل من أبرز الصفات التي تميّزك عن الآخرين، فحاول أن تحافظ على هذه الميزة من أجل مستقبل واعد.
عاطفياً: المشاركة تساعد على زيادة فرص النجاح في العلاقة، وتولّد الانسجام التام بينك وبين الشريك.
صحياً: قد تمر بوضع صحّي دقيق سببه التهابات وتقرحات في المعدة، لكن سرعان ما تشفى.

#السرطان
مهنياً: حاول أن تبتعد عن النقاشات التي لا تجدي نفعاً، وحاول التركيز على ما هو أكثر أهمية من أجل عطاء افضل.
عاطفياً: عامل الشريك كما يستحق، ولا سيما إذا كنت مقتنعاً بخطواتك المستقبلية معه.
صحياً: كن معتدلاً في ممارسة الرياضة التي قد تسبب تعباً لقلبك، واكتف بالخفيف منها.

#الاسد
مهنياً: قد يطرأ هذا اليوم أمر مستجد، ولكنه يترك آثاراً إيجابية على أجواء العمل والعلاقة بالزملاء الجدد بصورة خاصة.
عاطفياً: إذا كنت لا تشعر بالراحة مع الشريك، فبادر فوراً إلى البحث عن الأسباب لئلا تصل إلى المحظور.
صحياً: قد تواجه أزمة صحية طارئة تبقيك طريح الفراش أكثر من أسبوع، لكنها ليست خطرة.

#العذراء
مهنياً: بانتظارك مكافأة غير متوقعة تقديراً لجهودك الكبيرة في تنفيذ كل ما يطلب منك، ولا سيما في الأوقات الحرجة.
عاطفياً: حاول عدم الإصغاء إلى أقوال المقرّبين المغرضة، ولا سيما أن ثمة من يحاول توتير علاقتك بالشريك.
صحياً: تتعافى كلياً من مرض ألمّ بك أخيراً، وتستعيد نشاطك ورشاقتك كما في السابق.

#الميزان
مهنياً: يوم جيد جدا يحمل مشاريع مهمة قد تغيّر وضعك في العمل، لذا عليك أن تكون جاهزاً لكل مستجد في هذا الإطار.
عاطفياً: اهتماماتك المتعددة تنسيك الشريك بعض الشيء، لذا عليك إيجاد حلّ سريع قبل فوات الأوان.
صحياً: يتأرجح وضعك الصحي تبعاً لنفسيتك المتعبة، فما عليك سوى استشارة اختصاصي بعلم النفس.

#العقرب
مهنياً: تتغير المخططات هذا اليوم، ما يجعلك ترزح تحت ثقل الضغوط المتنوعة وتضطر إلى أن تتكيف مع العراقيل.
عاطفياً: مهما بلغت حدّة الخلاف مع الشريك، فإن التفاهم يكون الحل الوحيد لتقريب المسافة بينكما.
صحياً: تشعر بأن صحتك ليست على ما يرام، لكنك تتقاعس عن الاتصال بالطبيب لعرض الوضع عليه.

#القوس
مهنياً: قد تتسلم منصباً مهماً في الأيام المقبلة، لكنّ الأمر مرهون بمدى تمكنك من إظهار كفاءتك لهذا المنصب.
عاطفياً: قد تجد نفسك مجبراً على الوفاء بما عاهدت الشريك عليه، وإن كان الظرف لا يناسبك اليوم.
صحياً: حاول أن تريح نفسك وتهدّئ أعصابك، وتجنّب كل ما قد يستفزك.

#الجدي
مهنياً: عليك أن تكون أكثر ليونة وتسامحاً في العلاقة بالزملاء، وهذا يضمن النجاح للمجموعة كلها.
عاطفياً: لن تجد أفضل من الشريك لتفهم الظروف التي تعاكسك، ومن المؤكد أنه لن يتوانى عن مساعدتك لتخطيها.
صحياً: مارس ركوب الدراجة الهوائية ولو ثلاث مرات في الأسبوع إنما في الطرقات السهلة لا صعوداً.

#الدلو
مهنياً: تبني مشاريعك على أسس ثابتة، وقد تقوم بعملية بيع أو شراء أو عملية إقناع بين تاريخ.
عاطفياً: كثرة التشدد مع الشريك قد تؤدي إلى عواقب قاسية، وهذا لن يكون في مصلحة العلاقة إطلاقاً.
صحياً: تدرك بعد تجربة طويلة أن الرياضة والوقاية خير علاج للوضع الصحي.

#الحوت
مهنياً: تحصل على مبتغاك بعد طول صبر وأناة، وتحصد ما زرعته، كن مستعداً للمزيد من المفاجآت السارّة، ووظف جهودك في سبيل مصلحتك.
عاطفياً: حاول أن تمضي المزيد من الوقت مع الحبيب لأنه بحاجة ماسّة إليك بقربه بسبب ما يعانيه.
اجتماعياً: تلتقي أحد الأصدقاء القدامى وتقرران القيام برحلة ترفيهية تفيدكما صحياً.

#فقرة_شعر
شمعنى اليوجعنك واهسك بيهن

وليش المايرد الروح
كلهن يمه تحچيهن 🌸💛

.
.
. D

لا تضيعني ترا اليردون
گلبي هواي .

اميزك لو صرت براس النوارس شيب

#فقرة_هل_تعلم
‏ :

نصل لمرحلة النضج الحقيقي عندما
ندرك أن معظم الأشياء لا تستحق ردة فعل .

#قصة_عراقية

#بارت ١٥

مريم...

صحيت بغرفه بيها لوكر وسرير كانونه بإيدي ومغذي
ماكو احد بالغرفه
تقريب لربع ساعه فاتت ممرضه

- حمد لله على سلامتج

- ( رديت بتعب) الله يسلمج

- جابت جهاز الضغط تقيس الضغط
همست وينه

- منو

- الي جان ويايه اسمه ضرغام

- طلع وصاني عليج
هزيت براسي بمعنى اي

- ضغطج شويه هابط تحسين بوجع؟

-- خفيف

- مال العمليه لتخافين ان شاء الله لباجر تتحسنين

- الطفل طلعتو

- طبعا لو باقي جان الله اعلم شنو صار بيج على كولة اهلنه متملخه المشيمه

ماعرف ليش مقهوره مفروض افرح الي جان بيه عار بس اني نقهرت ردته للطفل
كضيت اليوم كله والليل بس الممرضه تروح وتجي ماكو احد يمي ضرغام ماعرف وين راح اختفى ولثاني يوم بالليل يله اجه
ثكلت من يمه كلش لان احتاجيت احد يمي كوه اكوم كوه اكعد ماكو احد يمي

ضرغام:- سلامات شلونج ان شاء الله زينه

- زينه

- تره جنت مجبور اروح يشكون بأمري

- لا روح اصلا مااحتاجك

- الدكتوره كتبت خروج يعني تكدرين تطلعين

- هزيت براسي اي جنت كوه اباوعله ثكلان خاطري منه
يله تكدرين تكومين

- اكدر

اكوم بس بصعوبه من شافني هيج سندني

لازم تبدلين مو زين بعدج بملابس العمليه

ماعندي

- اي صح نطوني ثوبج وكتلهم ذبو هسه اطلع اجيبلج انتضريني
طلع وتقريب لساعه اجه جايب سويتر وبنطرون

- تعبانه هي مال بنطرون

- البسج دشداشه يعني تحملي منا لما نوصل
هاي جبتلج ملابس عود لبسيها حسبت حساب تره
بديه الكانونه
نترت شلون ابدل

- اساعدج

- خاف متقبل
صيح الممرضه

- تامرين ست






- راح صاحها وبقه هو بره ساعدتني وبدلت وبعدها صاحت عليه اجه سندني وصار يمشي بخطوات بطيئه وي مشيتي
لحد ماوصلنه لكراج المستشفى صعدت بالسياره وصعد هو ورجعنه للمزرعه
مددت على سريري بس مضايقني بنطرون ذبيته وردت اذب السويتر صعوبه
صحت
لاتفوت اريد ابدل

مارد يمكن ماسمعني

عاونت نفسي وذبيت السويتر ولبست دشداشه شويه مريحه ومددت
هو ماعرف وين راح
شويه واجه جايب ٤ شيش معلاك وبطلين عصير وخبز
سندني حتى اكعد على السرير وخله الصينيه على السرير وهو جاب كرسي خلاه يم السرير وكعد سوالي لفه اخذتها جنت ميته جوع
فتحلي البطل وقدمه الي بمعنى اشربي مايحجي
بقه يسويلي لفات واكُل وهو ابد مااكل

- مراح تاكل

- باوعلي ورجع باوع للخبزه الي بإيده جان دايسويلي لفه مارد

- انت ليش من احاجيك مترد

- لان ماحب احجي

- اخذت اللفه وهم اكلتها حسيت مو بس بالشبع لا بالتخمه وهو يسويلي كتله شبعت ماريد بعد
هز براسه بمعنى اي
شال الصينيه اخذها وطلع بره واني رجعت مددت
سمعت صوت دراجه وفتحت الباب عرفت طلع
بقيت بمكاني
حسيت بروحي اريد اروح للحمام بس شلون حكوم ومنا محتاجه شغلات استحي اكله عليها شلون ماعرف
تقريب لساعه اقل رجع
فتح الباب نطاني علاكه سوده كال وهو يباوع للشباك ميباوعلي يحك ركبته
هذه شغلات بنات واذا محتاجه شي بعد كولي
خلاها وطلع
فتحتها باوعت
حمرت خدودي من الخجل حراره صعدت لراسي
ومنا مداانسه موقف الدم
خجل مو طبيعي
هذا شمدري شلون هيج كلشي يعرف
كمت بصعوبه اتمشى وي الحايط حتى لا اوكع ورحت للحمام اغير

طلعت شفته شايل فحمات ومخلي نركيله بالكاع وكرسي ويمه الفرس باوعلي ورجع باوع للفحمات جان ينفخ عليها وخلاها على فنجان النركيله
وكعد على الكرسي
عجبني اكعد اختنكت من الغرفه بس استحي اروح يمه بقيت واكفه من بعيد اباوع للاشجار الجو جان حلو نهاية شتاء

دايشرب نركيله بعدين انتبه لوجودي
صاح عليه

تعالي كعدي اذا ضايجه

- صرت امشي بس كوه بصعوبه
كام اجه عليه لزم ايدي خلاها وره ركبته رغم اكصر منه اني ورفعني

- هاي شداسوي نزلني

- ماردلي

كعدني على الكرسي جان كرسي واحد بس
راح هو جاب بلوكه ورجع خلاها وكعد عليها
وصار يشرب نركيله احسه مندمج مبين يحبها

مشكلتي احوص ماعرف اسكت مثله بس اسأل
واريد اعرف هواي تفاصيل بس الي قاتلني سكوته
هذا

حاولت مااحجي بس اتفرج مثله بس هو يلهي روحه اما اني ف لا

سألته






- الحجي خو مدايشك بشي

- رد بدون ميباوعلي
ابو غضب مغطي

- ليش هو يدري بشي

- اي

- كتله يعني

-اي كتلو

- هسه يكله للحجي

- لا ميكولو حذرتو ميكول

- انتو هسه بالبيت لو رحتو لتل الذهب

- قبل شهر ونص رحنه لتل الذهب

- هو راد يتأكد منكم الحجي بالذات انت

- باوعلي.... شمدريج

- سمعته هو يحجي

- شنو علاقتج بالحجي انتي صار بينكم شي

- لا

- كل هالتودد وحسب معلوماتي مخليج للخواص

- اي ولهسبب ابنه فشل كل خططه

- يعني انتي جنتي مكيفتلها للسالفه

- جبرني

- شلون جبرج البنيه اغلى شي عدها شرفها بشنو جبرج

- كالي اخليج للحي كله

- ومن يخليج لجماعتو عادي تقبلين
كالها برفع الحاجب

- هيج
هيج
حخسر
خو اكسب اذا خسرت

- فلوس قصدج

- برأيك اكو غير شي اكسبه

- ليش منهزمتي قبلها

- مكدرت وخفت

عقد حاجبه بغضب - لا مو مكدرتي مكيفتلها للسالفه سمعتي ثكال وفلوس كيفتي ولو غير هالحجي جان ماعرضتي نفسج للخطر حتى تحتفظين بالطفل

- شتقصد

- انتي وحده بايعه نفسها للفلوس
عادي تجيبن طفل للدنيا بلا اصل ولافصل
بالج حيشوف الحجي حفيدو ويرق كلبو يكلج ارجعي اسويج مرت ابني

- مو من حقي ابنه اعتدى عليه مو من حقي

- مافكرتي يقتلج وابنج يبيعو اعضاء مافكرتي
لو همج فلوسهم
لو عاجبج جو الاجرام هذا

- ضيقت عيني
تحجي وكأنك مو واحد منهم

- عاف النركيله وكام
كال وهو ماشي بغضب وحده رخيصه بايعه نفسها لهذا وهذاك علمود جم فلس

باوعت ردة فعله فاجأتني احسه كدامي لغز مجاي اعرف افسره
لو باقي على سكوته افضل

طلع ملابسه وراح للحمام يسبح شويه وطلع مبدل وينشف بشعره متجاهلني

- جو الاجرام هه
يعني انت مو مجرم حالك حالهم

- باوعلي ورد كمل تنشيف بشعره مارد

- غوركت عيوني وكملت احجي وي نفسي بس بصوت بحيث يسمع هو عيني على الزرع

اسوي اي شي علمود اطلع منا
امنيتي الكه اختي اشوفها وين عايشه واعيش وياها واخلص
لاتتوقع فرحانه اصير لهذا ولهذاك بس يمكن اذا سلكت هذا الدرب اطلع منه بشي على الاقل اتزوج






باوعلي صفح ابتسم استهزء
ورد التفت ينفخ على الفحم مال النركيله يعمرها من جديد

انت ليش مخليني هنا لشوكت حبقه

مارد

- شنو حتستفاد من بقيتي هنا

- مارد

- من احاجيك جاوبنييييي احجي وي الحايط اني

- نتر
شتردييييييين

- كلي ليش مبقيني هنا

- غمز وكال
برأيج ليش

- بهذا حالي؟

- تصيرين زينه واصفي حسابي وياج

- وبعدين

- بعدين ( نفخ دخان النركيله فوك وكال بعدين
ديكمل دك تليفونه
باوع على الشاشه وباوعلي
كام بسرعه وراح بعيد شويه يحجي على كيف ماينسمع الصوت رغم كبالي هو
يحجي بالتليفون ويباوعلي شويه ويرد يحجي بالتليفون ويهز براسه بمعنى اي شويه وسده واجه كعد رجع يشرب نركيله

- منو خابرك

- مارد

- منو حاجاك ليش كمت منا

- وانتي شعليج شنو مرتي

- باقيه وياك غير اعرف

- ميخصج

- الحجي جان يحاجيك

- لمن تعرفين بطلي تسألين

- تاليتي شنو حترجعني اله لو شنو

- مارد ينفخ بالدخان فوك يتلهى احس بي

- احجي وياك

- رد برود
منتبها على نفسج شكد تحجين

- گولي لشوكت حبقه هنا

- حسب مزاجي

- هزيت براسي بمعنى اي
بكلبي اكول
خيصير بيه حيل واني اعلمك

نهضت حتى اكوم كام هو كال بهدوء

حترحين للغرفه

- اي

- لزمني من ايدي واني استند عليه اخاف لااوكع
مشيت ورحت جوه مددت
غطاني وطلع بره

بقيت اتصفن حسبه توديني وحسبه تجيبني قررت انهزم وهالمره خارج المنطقه اروح لاي مكان لازم انهزم...........

سديم ....

جانت رباب تحس بلذة الانتقام والانتصار اما هنده ف الخوف والتوتر يقره عدها الف معرفنه عواقب هذا التصرف شنو
الي جان يطمنه كلام رباب

- وهو شدراه احنه وره السالفه تعارك وي ولد وكتلوه احنه ياهو مالتنه

- واذا الولد حجو

- ميحجون وحتى لو حجو شنو دليلهم علينه

سديم - امجد ( حبيب هند) مباشرة يتهمنه ويكول هنه






رباب- حلووووو يكول هنه زين مراح يسألو ليش تتدعي هم

سديم: • هااا
خرب
لج انتي شنووووووووووو
نطيني عقلج ابوسه

- ههههههه هاي حتى تشوفين عقل حبيبتي عقللللل

هنده- خايفه اني

رباب _ اهم شي انتي تخافين هو اني اريدج تخافين

- راح تورطينه رباب

رباب:- لا اورطج ولاشي هو حيبقه مخلي سلايه بحلكه ميكدر لايبلعها ولايذبها
اذا حيكول هنده حيكولوله ليش تتبله عليها
شيكلهم
يكلهم جانت عندي علاقه بيها وتركتها
ساعتها حتكلين هو اقام علاقه غير شرعيه وتركني
هنا هو راح يعاقب حسب القانون
وينسجن فوك مامكسر
فالافضل يسكت وميحجي شي وميبتلي
وداعتج يبليهم وهم يطابشون بيناتهم

- زين واذا الشباب معافونه وكالو انتو غدرتو بينه

- ميكولون تعرفين ليش

- ليش

- لان حيرحون بتهمة رشوه واعتداء على الناس
هنا هم هم ينسجنون بدال مايطلعون بكفاله وتفض السالفه
فيفضل السكوت هنا ياعزيزتي

- انتي منيلج هالمعلومات اليسمعج يكول جنتي قاضي تحقيق

- هه قابل مثلجن ملتهيه بالحب والغراميات العطله التهي بهاي السوالف معلومات عامه

- هنده:- الله يعديها على خير

- ان شاء الله

جانت رباب تمتلك طاقه ايجابيه محفزه حماسيه
بحيث تهون عليك اكبر مصيبه
بالف رجال ويمكن الرجال مايوصل لربع تفكيرها ونضوجها وعقلها
بحيث بالاوقات الصعبه كلها تلتجأالها
جميل الانسان لما يكون عقله اقوى من قلبه وعواطفه يكون اكثر نضوج وحكمه
توجهت للشركه قبل لايوصل ادم
كعدت اشتغل على الحاسبه شويه واجه ادم

- مساء الورد

- اهلا استاذ مساء النور

فات لمكتبه واني رجعت لشغلي ساعه اكثر اجت
مره كانت سافره بدون حجاب بشعرها الاصفر الطويل الي يغطي ضهرها بشكل مرتب وكأنه قطعة قماش حرير عيونها كبار خضر وبيضه بياض الثلج
لابسه بنطلون وتيشيرت ربع ردن كانت مخليه ميك اب بشكل واضح جدا بحيث بارزها جمال اكثر
اني بنت استحيت من شفتها
اجت مباشرة تدخل مكتب ادم كمت مباشرة وكفت بوجهها امام باب المكتب

- تفضلي وين رايحه

- اروح لادم

- اكعدي انطي خبر ميصير تفوتين هيج عليه

- انتي الضاهر جديده هنا
حبيبتي عادي ادومي ناطيني الكارت الاخضر شوكت ميعجبني اجي

- وان كان لازم اكله






- نترت: انتي شنو متفتهمين داكلج اني وادم واحد وخري يله شلون شكولات

- متحترمين نفسج شنو التجاوز

- صارت تدك بالباب
وادم مباشرة فتح الباب

- شبيكم شكو

- شوف موضفينك ادم شنو هالمهازل متخليني افوت

- جديد تشتغل يمي متعرفج

- فوتها وفات وياها وقفل الباب بالقفل واني واكفه حتى مابرر شي
حز بداخلي هالتصرف كعدت على الكرسي مااحجي شي

كملت شغلي من سكوت وبقيت كاعده انتظر وقت انتهاء الدوام
مرت اكثر من ساعه بعدها طلعت البنيه شويه ورن جرس من داخل مكتب ادم الي بمعناها يريدني
توجهت للمكتب

- تكلمت من دون مااباوعله عيني جانت بالكاع
تفضل؟

- هذه البنيه من تجي عادي خليها تفوت الا بحاله وحده من احد يمي لاتخليها

- اوك

- خلصتي شغلج

- اي

- باوع للساعه
مابقه شي ويخلص دوامج

- اوك

- تكدرين ترحين لمكتبج

- اوك

- جنت بس اريد انهي الكلام واروح من يمه قرفته نفسي بلحضتها وضجت حيل منه
شتقربله؟
هذا مايجوز من سوالفه
بقيت كاعده لحد ماخلص الدوام وطلعت بعد ماهو طلع
رجعت للشقه لكيت هند ورباب مشغلين فلم ومطفين اضوية الغرفه مسويها ضلمه ومخليات راس براس يكرزن حب ويتفرجن

- مرحبا وفتحت الضوه

- اشششش دنسمع وطفي الضوه

- شبيكم اريد ابدل

- يلا بسرعه

- بدلت وكعدت يمهم اشوف شنو يتفرجون
جان الفلم لعادل امام وهو متسول
يتفرجون وهدوء شويه وصارت بالفلم عركه لما عادل امام اعترض على كذبهم ولان يجدون
كانت عركه تصحبها كوميديها بكلمة ( سيبوه) لينهبها عادل امام بكلمة سبوهم... سبوهم... ويغمى عليه
رغم انه الفلم كان يتكلم عن التسول المر لكن الكاتب او المخرج اضاف الكوميديا الها
لكن اوصل معنى واحد وهو الكذب وشلون اكو ناس نفسها مريضه بحيث تستغل المستضعفين وتخليهم يتسولون الافلام والمسلسلات والقصص لاتخلو من الحب عادل امام يعجب بفتاة يقابلها بمطعم ويضم عنها شغله الحقيقي وهنا يبقى متحير شلون يواجهها

- رباب - بله هسه شتكول من تعرفه مكدي ههههه تخيلي تحبين واحد يبيع مثاليات عليج وبالاخير يطلع مكدي

هند:- دااطم روحي يمه

- رباب:- بس يجوز يطلع رجال مو مثل حبيبج الشهم

هند:- الرجال ميبيع مي وجها وهو كلشي مابي

- رباب:- هه عيع شكد صرت اكره الزلم خاف جانت الي نيه اتزوج بسبب هذا حبيبج كرهته عفيه زلم لاتحبون نسوانكم ولاتزوجون الي تحبوها






- يعني هو هسه ميحب مرته

- لايعشقها ولايكرها مرته بعد عزيزه عليه

- اي واني هسه فلس مااسوه عنده

- سدي لهذا الموضوع اترجاج خل نتفرج

- سديم اتفرج وياهم بس بالي كل شويه يتذكر بموقف اليوم لحد ماكلمت البنات وكتلهم
.

- تدرون بنات اليوم صار موقف ماعرفت شفسره

- شنو شصاير

- اليوم ادم اجته وحده للمكتب وطبت ماطلعت غير وره ساعه ونص تقريبا

- دكت على صدرها رباب
عززه شتصير منه هاي

- ماعرفها حسب معلوماتي هو مامتزوح واهله مسافرين

- زين وشكلها حالها البنيه شونه

- البنيه
شنو اناقه شنو جمال ولبس وهو من شافها نضرب على راسه ماعرف شنو صار بي مباشرة فوتها وقفل الباب

- شوفي حبيبتي
هذا معروف شنو ديربالج منه

- يمكن لان اعرف شي عنه بالسابق هيج مابرر ولااهتم

- شتعرفين؟

- هم جان عنده علاقه سابقه وعرفتها عن طريق بنت عمته جنت اشتغل وياها

- لهسبب اكلج احذري لايخليج براسه

- والله متعرفيني لعد

- هاي النماذج مخيفه متعبه نرجسيه وماتحب الا نفسها

- اني حدي ويا على كد الشغل

- عشاء بزنسز وشغل غده وهالسوالف ديربالج

- لا اصلا حتى من يتصل رسميه ويا كلش بعدين هو ولامخليني باله معوده شجابني على الحلوات الي يعرفهن

- حلوات باللبس والمكياج عدسات وصبغ ليش متطلع حلوه سوي مثلهن وشوفي شتطلعين

- بس مكيف عليهن

- لان يحسنون مزاجه

- مره كلي اهتمي بلبسج بالشغل اني زعلت طلع عنده حق

- لاتلبسين شي عادي دائما تأنقي
بعدين اني وهنده على طول نتبادل بالملابس ونلبس انتي هم شاركي ويانه نلبس سويه بهيج حاله بجامعتج يوميه لبس شكل او جنطه شكل وبشغلج هم
وحتى لو ماكو اي توادد او اعجاب بيناتكم بس الاناقه واحترام مطلوب هو من يشوف كشختج واناقتج يحترمج غصبا عليه

- حقج تحجين مشفتي الي عنده اكلج اني خجلت

- لان متتأنقين ومحمله طاقه فوك طاقتج داىما خلي ميك اب خفيف ابرز ملامح وجهي

- لا حرام ميجوز

- لعد شلون جنتي تشتغلين بصالون

- بس مجنت اخلي بالشارع






- بس بالشغل مطلوب بعدين حواجبج حفيهن وجهج رتبي شكلج عفوي وطفولي والله انتي حلوه بس هاملتها لهاي الخلقه الحلوه الي الله نطاها الج

- مرت خالي تكول عيب البنيه تحف بعدني متزوجت

- وهي وينها مرت خالج بعدين انتي كبرتي طالبه جامعيه وهالامور مالها علاقه حفيفه او شي طبيعي لبس مرتب مالها علاقه انتي بنيه
اصلا عيب وجهج متروس شعر هاي نظافه حبيبتي

- هو صحيح بس استحي

- شو دسكتي تستحي والله اشو اليوم الا احفلج

- لا رباب شتحجين

- خل اجيب الخيط والملقط واني اعلمج
راحت جابت خيط وملقط وكعدت كبالي صارت تحفلي جان وجهي يوجعني اول مره احف حسيت نار وجهي صار وهي تحفلي شالت حواجبي بالملقط
ورتبتهن من باوعت على وجهي بالمرايه جني وحده ثانيه جان وردي من اثر الخيط والحفيفه حواجبي مرتبات تخبل ابتسمت بالمرايه حسيت اكتمال بثقتي بنفسي جنت اتمنه بس استحي

- ها شلونج هسه

- عاشت ايدج

- باجر ارتبج زين وهسه تشوفين اذا تجي وحده حتهتمين وتكلين خجلت لو لا

- يمعوده اتشاقه شبيج

- لا سديم مو شقه انتي تكابرين بس كل بنيه يعجبها تكون جميله وهالشي انتي بنفسج هاملته مثل واحد يعلم الصلاه وميصلي تجملين بالناس بس نسيتي نفسج

-جريت نفس شسوي

- سهله وداعتجن جايتجن وحده وحده انتي وهنده النايحه

- هههههههههه حلوه هاي هنده النايحه

- ليل نهار تبجي ذبحتني

- شتسوي

- يله دنامي ورانه كعده الصبح

باليوم الثاني قبل لااروح للشركه نطتني رباب لبس منها جان قميص طويل وردي وبنطرون جينز نسقتلي ويا شال نيلي ساده وجنطه والحذاء اسود لون واحد لبستهن وكالت الا تخلين مكياج خفيف
وبحكم اني اعرف رتبت نفسي بميك اب خفيف بحيث برز عيوني كبار بالكحل وردي خدود حمره ورديه خفيفه وماسكارا من باوعت لنفسي جميله هواي خجلت وردت امسحه بس رباب ماخلتني

- ولج تخبلين شتحجين انتي

- استحي رباب والله استحي

- لج هذا واحد مغرور وشايف روحه ابد لاتنطي مجال يشوف نفسه عليج هيج شخصايت اعرف شلون تعامليهم

- يعني شسوي

- اتصرفي اعتيادي وكلما تكونين رسميه ويا ومتباعيله راح يتخبل نوبه عليج ف خليج رسميه هادىه شفافه

- بله وشعليه بي داتصرف هيج

- تبقين عوبه متصيرلج جاره خلقه بلا فهم بابا افتهمي حتى لو مو بينكم شي لتخلي يباوعلج بأقل من معارفه






- هففف نشوف تالي خططج

- انتو بس امشو وره خططي وتربحون دروحي عاد تأخرتي

- رحت للشركه جان بعده استاذ ادم مجاي
متوتره وكل شويه اباوع بالمرايه وعض شفتي خجل
مسحت الحمره متحملت استحيت يشوفني بس بقت شفتي ورديه اثر الحمره الممسوحه
شويه واجه ادم اني مباشرة وكفت ومدنكه وحجيت تفضل استاذ

دايمشي اباوع على رجله خطواته بعدين وكف كبالي بقيت مدنكه هو دنك يباوعلي ومن شفته دايباوعلي ابتسم بوجهي بعدين وكف عدل ورفع وجهي وجنت مغمضه فتحتها لعيوني ابتسم
جانت عيونه تتركز بتفاصيل ملامحي عيوني خشمي حلكي بعدين تكلم

- خجلانه؟
واذا مامخليه مكياج كل البنات يخلن شنو انتي تختلفين حتى هيج خجلانه وتضمين بوجهج
عموما طالعه كمر
عافني وفات للمكتب

واني شنوووو نار احس تطلع من وجهي من خجلي تعركت وتوترت ايدي يصبن مي وكمت اهفي بالكلينكس

ااااخ منج رباااااااب اخخخخ

وكادت من فرط الهوى ان تسحرني بعيناها
تظن أنها لم تفعل شيء
لكنها قلبت حالي رأسا على عقب وكأنها قالت للجمال
تعال واستوطن في وجهي ومقلتاي وبعدي على الجمال العفا..........بقلمي رغد الموالي.......

مريم............

افكر انهزم بس وين اروح؟
حرجع لبهذلة الشوارع من جديد
زين شسوي
اصيرله مثل ميريد وابقه هنا
خاف بعدين يغدر بيه ويسلمني للحجي
زين شلون شسوي
ماأأمن بي مستحيل
هذوله غداره وراح يغدر بيه اتغده بي قبل لايتعشه بيه انهزم واحمي نفسي لازم اخذ مسدسه زين شون وهو من ينام جوه راسه
اغوي؟
مبين نجر وراح يلكفها
زين شلون؟
من يسبح
اييي انتضره يدخل للحمام واخذه مستحيل حياخذه للحمام
مرت ٣ ايام صحتي تحسنت وصرت اكدر امشي بس هم تعب مو مال انهزم وهو يختفي مرات مو داىما بالمزرعه يطلع ويغيب بالساعات ويرجع
اجه جايب مسواك ومعلبات وخبز وفواكه
جنت كاعده يم الاشجار وشفته من دخل كل هذني
اجه كعد كبالي يباوعلي من جوه حاجبه ويرد يلتفت
ويرجع يباوعلي نفس النظره ويرجع يلتفت يلوب احس اكو شي يريد يكوله

شويه وكال ااااحم

باوعتله مارديت

تكلم وجانت ملامحه تعبانه وعيونه تروح وترجع عليه
انه حروح كم يوم لتل الذهب

- مترجع؟

- كم يوم اغيب مااجي نهائيا الحجي بده يشك وابو غضب خلص حجج

- وليش كم يوم ليش مترجع شويه وتروح

- لو عرف انتي هنا مايرحمج

- بس اخاف وحدي

- من نهزمتي ماخفتي

- بنص الناس نهزمت مو البساتين لتعوفني اخاف






-مشكله مااكدر أأمن بيج جان نطيتج مسدس او موبايل

- انهزم ماابقه هنا لو عفتني

- اطلعي مااكلج ابقي بس المنطقه مليانه خنازير هنا وكلاب مسعوره حيايه هم اكو وانتي بقت يمج

- وتعوفني

- ماعندي غير حل

- اطلع وياك وصلني للمدينه وانت روح لتل الذهب

- مراقب افتهمي مااكدر

- لو مراقب جان لزمونه هسه

- مايكمشونه هنا بعدين وين اهدج هااااا وين الج كرايب اوديج عليهم عندج احد

- ماعرفهم

- خلص ابقي هنا وسكتي
طلع سجينه من جيبه نطانيها الي
هاج هذه لو احد تعرضلج تنشنين على المكان الي تردي تستقر السجينه وتضربين

- شلون يعني

- تنهد التفت وراح وكف كبال شجرة الموز
كال
انتبهي عليه باوعي
صار يباوع بتركيز على شجرة الموز ورماها للسجين نبتت بالساق مال الموز

- شوفي هيج

- هزيت براسي بمعنى اي وهو باوعلي بمنونيه

يله حروح انه
جبتلج مسواك شوفي خاف ناسي شي او تحتاجين شي ثاني

- رحت باوعت
شكرا مااحتاج شي بعد

- انتبهي لنفسج
صعد على الدراجه ولف اليشماغ على وجها طلعت بس عيونه وحرك الدراجه وطلع

حسيت شي وياه اخذه وراح ماعرف يمكن احساس الامان

سديت الباب وراه وفتت جوه عزلت المسواك خليته بثلاجه جان جايب ثلاجه صغيره وسويت اكل وكعدت اكل واحجي وي روحي

- يعني اني حكضيها هنا وحدي فوكاها اي بشر ماكو
جريت نفس بعدين تذكرت كلام ام مازن لما كالت الله موجود بكل مكان وزمان
شوكت مانخاف نلكاه هو موجود شوكت مانختنك نشكيله يسمعنه ومايمل من عدنه ولايفضح اسرارنه ويساعدنه وما يحسسنه بهذا الشي
باوعت للسماء تمنيت لحضتها اتذكر شلون الصلاة واصليها نسيتها بس جانت تسجد وتكول
سبحانك ياعظيم ياقدوس ياكريم
اسجد اليك طاعة وحبا ف اجعلني من الساجدين الحامدين

سجدت وكلتها لهذه الكلمات.......

اول ليله جانت مخيفه الي خصوصا واني اسمع صوت الكلاب سديت الباب وخليت وراها كرسي ماعرف شنو دوره بس هيج خليته من دواعي الامان
وكلسع افتح السجينه وادقق النظر بيها
جانت السجين عاديه بس الحافضه مالتها
عليها زخرفه ونقوش وجان عليها حروف معرفت شنو هاي الحروف بس حلوه عجبتني كلش
خليت السجين جوه مخدتي ومددت بس الخوف داب بكلبي
نوبه طفت الكهرباء لو روحي ماعت احسها
غمضت قوي مااريد اشوف شي
سمعت صوت بداخل المزرعه شي وكع
خرطت من خوفي
ياهليله الي مراح تعدي
مر وقت طويل ماعرف شكد
سلطان النوم غلب عليه وحسيت بنعاس قوي
مددت وغفيت
وكعدت جانت الدنيا صبح وصوت عصافير