#قصة_عراقية

..

#بارت١٠





ـــــــــــــــــــــــــــــــــــــــــــــــــــــــــــــــ

مريم.....
تذكرتها وجريتها حسره
هه من سمعت قصتها توقعت اني الوحيده الي عانت بس مرات لمن جنت اشوف المخطوفين وشلون يعذبوهم اكول اني ارحم منهم
الله اعلم هي هسه البنيه وين بيا نادي نباعت لمنو
شنو حالها ماعرف
زين ابوها ضميره هم يحاسبه
من يخلي راسه على المخده تالي الليل ميتذكر ميكول عائلتي دمرتها
سخفت من كلامي
وكلت لو يكول جان كال الحجي
بديت يوم جديد وهم من شارع لشارع امشي فتريت كل الازقه تعبت ومالي مكان استقر بي لحد بقيت تلاث ايام بالشارع انام على كارتون بالشارع اتختل
وره تل رمل او بيت قيد البناء هيج شي
تبهذلت ملابسي توسخت ماعرف وين اروح
داامشي شفت مره كاعده باب بيتهم
مره عجوز جبيره بالعمر
باوعتلها واني امشي هي هم باوعتلي
كالت
وليدي النظافه حلوه ليش هذا حالك ورجلك وسخه عليها كومه تربان وين اهلك عنك

- اني ماعندي اهل خاله اني بنيه

- دكت على صدرها يبوووو طلعتي فطر الحايط شنو

- تربيت بميتم

- لقيطه يعني
اعوذ بالله

- سكتت شحجيلها مالي خلك اسولفلها سالفتي

- يمه تعالي فوتي سبحي بدلي ماعندي احد بالبيت ابني وطالع بالعماله

- ماشي خاله
فتت وياها بالبيت

بس ماعندي هدوم

هسه اجيبلج دشداشه وجاكيت من عندي

-ماشي

- فتت سبحت جان المي دافي وصابون غسلت لحد ماحسيت روحي صدك نظفت
لبست من ملابس الحجيه دشداشه وهم كصيره عليه شويه لان اني طويله وجاكيت وطلعت

- اللهم صل على محمد وال محمد
ورد بسم الله ماشاء الله كيكه جنج

-خاله عندج مشط

- اي

جابتلي وسرحت شعري

-تعالي يمه اكذله لشعرج

- اكذله شنو

- يعني اظفره

- ها اي

كعدت وهي صارت تظفرلي وكامت تبجي هي وتظفرلي

- شبيج خاله

- لا هيج يمه تذكرت بنتي






؛ شبيها

- الي سنين ماشايفتها

- ليش هي وين

- مسافره
اخذها رجلها وسافرو

- خطيه وليش مرجعو

- استقرو هناك يمه

- خطيه
سكتنه لدقاىق وي محتكمل الضفيره كالت
خايفه عليها من زوجها

- ليش

- كملت الظفيره وكعدت كبالها
زوجها يضربها ويأذيها

- ليش لعد قبلت تسافر وعايشه ويا

- عدها بزر منه يمه

- اي تجيبهم وياها

- ابني هاي شوفة عينج طبته وي المغرب وسود عليه كبل ينام من التعب يادوب مكفي مصرف البيت ماكدر عليها هي وجهالها

-خطيه ولهسبب اختارت تعيش ويا

- اي
ابني مازن ماشاف شي حلو من هالدنيه توه صاير ابوه مات وماعدنه مصدر عيشه عينه على الله وعليه
صار يشتغل هو وصغير يطلع عماله لو يبيع ﺟاي المهم اخر النهار يجي وبجيبه جم فلس
وتعود على هالشي
لاكدر يكمل دراسه
ولا يتونس مثل هالشباب
لايطلع لايروح سفرات لاعنده اصدقاء
خايفه عليه يكضي حياته هيج

- زين ليش ميشتغل غير شغله

- المهن الحرفيه يرادلها خبره وهو مايعرف غير الطاسه والخبط شيسوي

- هم صحيح

-هه شخص ثاني همه وجعه شكل.......
بقيت بيت المره لايام صرت اساعدها بالبيت انظف وارتب وهي تطبخ جان طبخها كلش طيب اول مره اكل طبخ بهل الدفو هذا حسيته بي كل الحب والاهتمام والنفس الطيبه جنت اكعد وامشي بدون حجاب كالتلي

يمه مايصير تمشين كدام الولد بلا حجاب خلي غطه على راسج

- ليش

- شنو ليش غير الله فرضه علينه للحجاب

- يعني شلون شمدريج

- باين بالميتم ماحجولكم شي

- لا

- بنتي الله امرنه بالقران انه لازم نتحجب

- القران!

- ليش مستغربه وكأنه اول مره تسمعين بهذا الاسم

- اني كلشي مااعرف خاله

- شوفي بنتي الي خلق الناس والارض والسماوات رب العالمين الله
خلق انبياء ورسل

منو الانبياء والرسل

ها
الانبياء هم بشر مثلنه خلقهم رب العالمين بس ميزهم انه هم صالحين وعلمو الناس على الاسلام وانه الرب الوحيد هو الله قبل كانو يعبدون اصنام يسووها من الحجر ويعبدوها ويعتقدون انه هذه هي الرب






،- شلون هو حجاره

- اي عقلية الناس بعد المهم ف الله سبحانه وتعالى بعث انبياء تبلغ الناس

- والرسل؟

- هم انبياء يعني هم بشر بس صالحين لكن سموهم الرسل لان يتنزل عليهم الوحي بأحكام سماويه وشراىع دينيه فيبلغون الناس اما النبي فيتمم الي جاء به الرسول
كان خاتم الانبياء والمرسلين هو الرسول محمد( ص)
ورب العالمين نزل عليه القران

القران شنو

- كتاب سماوي من الرب فيها احكام الله سبحانه وتعالى انزلها على الرسول محمد ص
الكتب السماويه ٥

- 5؟!

- اي: هي صحف ابراهيم لسيدنا ابراهيم اول الانبياء بعد ابونا ادم

والتوراة على سيدنا موسى
والانجيل على سيدنا المسيح عيسى
والزبور على سيدنا داوود
والقران على نبينا محمد ( ص)

- كل هذه الكتب تحمل احكام قدسيه

- اي

لهسبب يابنتي احنه نتحجب ونصلي
الله حرم اضهار مفاتن الجسد
حرم التبرج

- زين احنه نموت يعني شراح نستفاد من الحرام والحلال

- لايمه شنو هالحجي ورانه حساب الروح تصعد لربها ويحاسبنه ونروح للجنه لو للنار

- وين هاي صايره

- هههههههههه شنو وين صايره هاي شلج بيها ييمه

- ههههه لا لاتضحكين اسأل من صدك

- جنه فوك سبع طبقات والنار يكولون جوه الارض سبع طبقات وكل واحد حسب عمله
الي يظلم
والي يأذذي الناس
والي يكفر
والي يقتل الناس بلا ذنب
والي يعتدي على اعراض الناس

- يعني الي يختصب الله يعاقبه

- اي طبعا ياويله من الله
غوركت عيوني ونزلت دمعتي

- شبيج بجيتي يمه
دنكت راسها ليمي وهمست
احد دنالج واعتدى عليج

- مسحت دمعتي وهزيت براسي
لا

- بس عيونج متكول هيج

- اي خاله تعده عليه واحد

- دكت على صدرها يمه اسم الله

- صرت ابجي
اني
اني
والله مردت بس تعدى عليه ضربني بقوه

- سوده عليه بنتي

حضنتني تهدأني ودخل ابنها مازن
اااحم
حجيه

فوت وليدي

همست
خلي هاي الفوطه ( شيله) على راسج

خليتها وهم معرفت الفها

كعد كال
حجيه انه طالع للسماوه باجر

- ليش وليدي

- شغل اجانه رزق خير من الله






باوعتلي وابتسمت
وجهها خير هالكيمر هاي علينه
روح وليدي محروس بالله

ثاني يوم طلع مازن وبقينه اني والحجيه بالبيت
علمتني هواي شغلات شلون اطبخ تعلمت الباميه والتمن وسوت دولمه بس ماحفظتها صعبه جانت بيها هواي شغلات
تعلمت اسوي كباب عروك
هسه شفتي نخلي شوية طحين على البصل واللحم والكرفس وكركم وملح ونعجنها يصير يخبل
اكو بيهم يخلوله طماطه بيتنجان منزوع كشره بس انه مو زين عليه
علمتني الوضوء والصلاة
ماجنت حافظه سورة الفاتحه ولا التوحيد جانت تعلي صوتها واردد وراها
بكل الي دكوله لان حتى الاذان ماعرفله ولاالقنوت
ولا اي شي
كعدتني يمها تحفظني الفاتحه

كولي وراي
بسم الله الرحمن الرحيم
(( الحمد لله رب العالمين...................... ولا الضآلين))
لازم تمدين الكلمه الاخيره بالصلاة
عليها حركة المد
عدتها كم مره لحد ماحفضتها
ماجنت اعرف اقره واكتب حتى اكتبها واحفظها
وهسه نقره سورة الاخلاص
وهاي اجرها عظيم
الي يقراها 3 مرات كأنما ختم القران
اكو روايه دكول الخليفه عثمان ابن عفان رضي الله عنه ختم القران بسجده وحده
شي ميستوعبه العقل صح؟
بس يكولون قرأسورة الاخلاص 3 مرات بالسجده وهيج اعتبر ختم القران

زين منو هو عثمان

خليفه من الخلفاء الراشدين الاربعه
يعني رجل صالح بعد الرسول تعينو خلفاء يخطبون بالناس ويمشون على نهج رسول الله
محمد النبي الي كلمتج عليه

اي

هذولي صارو خلفاء على المسلمين
اولهم ابو بكر الصديق
وعمر ابن الخطاب
وعثمان ابن عفان
وعلي ابن ابي طالب

-وبعدهم هم جون ناس

- اي جانو ابناء علي ابن ابي طالب وكومه ناس هم
على اثرها صار الفاسد يريد يحكم ابناء علي ابن ابي طالب ماقبلو ومابايعو فقتلوهم

- هم لو مبايعيهم مو احسن من مايقتلوهم

- لا يمه هذا جده رسول الله شلون يقبل بواحد فاسد يحكم بالناس
جان محد بقه على دين محمد

- يعني هو نصر دين محمد

- اي

- بس هو نقتل

- بس فضل يموت ولا يقبل بالباطل
والناس تمسكت بدين محمد اكثر لان شافو سبطه مات وماقبل بالباطل

- شكد شجاع هذا لمن فضل يموت ولا ينتخب الظالم

- هه مثل شعبنه يجيب وينتخب بالفاسدين ويصعدهم ومن تسأله يكلك حياته الخاصه هاي
مالنه علاقه الدول الاوربيه ميعرفون الدين بس شغلهم بضمير
شغلهم مو بضمير شغلهم تحت العقوبات اكو هنالك من يعاقب ويفرض العقوبات لهذا السبب الكل يشتغل بخوف لا بضمير
الي مايخاف الله مستحيل حيخاف الله بشعبه
كل يوم انفجار وطاىفيه وقتل وذبح
شنو ذنب ام محمد متسمع صارت






- ليش

- تصوبت بالصاروخ وكع يم بيتهم وانفجر اثر على سمعها صارت متسمع
زين هاي منو يعوضها
لمنو تلزم
زين ليش
كفار احنه؟
قتله؟
ليش مثلا شنو الي سويناه ذنبنه شنو

- ذنبكم سكتو ورضيتو بالباطل

- فرقتنه الطاىفيه
جانت الخطه للسيطره على العراق هي التفرقه ونجحو بهذا الشي
زمان باايام عبد الكريم قاسم كلها صفقت لعبد الكريم قاسم لان رئيس نقذ معاناتهم ونطاهم حقوقهم لكن حقيقة الامر تولى الرئاسه على حساب دم شاب كل ذنبه تولى عرش ابوه
هاي العداله وهذه المحبه؟

لما غمضنه عيونه من الحقيقه وفتحنها على حقيقه احنه اصطنعناها بس لانها تتصالح مع ضروفنه هنا بس بين انه البعض مايستاهل تضحيات ولا بلد امن
اكو بيهم هم باعو بلدهم وهم صعدو ناس فاسده وهم اذو ناسهم

بالاخير يهتف ويكول الحكومه
لا مو الحكومه الحكومه مجان صارت لو مانت وهو تخلوهم بالحكم لو ماهذا وعدك بوضيفه وهذاك وعدك بكذا مليون وهذا كرايبك وهذاك ابن عمك
والاقبح صارت حتى الشيوخ تعقد جلسات بمضايفها حتى ينتخبون فلان لان من عشيرتهم

فلان لازم يصعد لان حترتقي العشيره اكثر وتتوضف ابناءها ويكون الها كرسي بالبرلمان
وتصير عشيره قويه
زين انت يالشيخ مافكرت هذا يستحق هلمنصب لو لا

حيكون
جدير بهذه المهمه
حيوكف بوجه الباطل لو يبوس الايد حاله حال غيره
انه ننظرلها للحقيقه من جانب بينما هي من جانب ثاني بعيييييييييد كل البعد عنهم

- يعني لو جانت حكومه زينه احنه جان حالنه غير

- اي
مازن بدال مايشتغل عماله ويروح محافضات علمود الرزقه الزينه جان هسه هو يشتغل بمعمل او حتى لو عامل بس عنده راتب اذا مو حك شي فعلى الاقل حك النفط

- مادري شكلج خاله بس اول مره اعرف هالاشياء

- قيدو عقولكم حتى مااتتوعون

- زين انتي شعرفج بهاي الامور

- جنت مدرسة تاريخ
بزماني اشتغلت مدرسه وجنت سعيده جدا بوضيفتي
صار الاحتلال وسقط النظام اخويه جان حزبي بعثي جبير قتلو ولان اخويه بعثي فصلوني من الخدمه

- خطيه

- اي جانت عندي بنتي زينه ومازن صغار كعدت وسكتت بالبيت وربيتهم تالي البنيه تزوجت وراحت والولد هاي شوفة عينج

ندكت الباب
اكوم اشوف خاله

- اي شوفيلنه منو

- رحت فتحتها وجانت بنيه صغيره

بيبي هنا

- اي منو انتي

- اني سميه جيرانهم امي دزتني تكول خل تجي بالقرايه باجر ب 3






- قرايه؟ منو انتو

- هي هنا لو لا

- اي

دوخري خل اكلها
فاتت واني باوعتلها اتبسمت جانت بنيه صغيره بعمر ال 8 سنوات لسانها بطول كصيبتها الي نازله وي طول ظهرها راحت على ام مازن وكلتلها
وراها راحت

اجيت يم الحجيه
خاله هاي شنو تقصد شنو قرايه

- ههههه يمه يعني مجلس عزه يسوون

- قصدج نسوان تبجي وتلتم مووو

- اي

- شفت مره هيج نسوان بس مفتهمت ليش كالي ليو مجلس عزه هذا

- وين شفتي ومنو ليو هذا

- هااااا
ا
ا
( توترت) بالميتم اي جان طفل صغير وشفناه لان احنه الميتم صاير قريب على البيوت وشفناهم

- ها اي يمه هذا مجلس يسوون النسوان بمحرم على مصاب سبط الرسول الي ذبحوه الي كلمتج عنه

- ها

اي لهسبب راح اخذج واشوفج وهم تتعلمين

- ماشي

ثاني يوم اخذتني وياها لبست عبايه زينبيه جانت مال الحجيه ولبست شيله هم مالتها وهي لفتها الي مجنت اعرف الفهه واخذتني وياها

همست بأذني
شسوي سوي مثلي راح اكلهم هاي بنت اخوي لتحجين شي

- اي

رحت وياها وجنت اباوع بوجوه الناس احسهم حيعرفوني وحيكولولها للحجيه وحتطردني
دنكت ومشيت وياها دخلنه وجان المجلس يضج بالنسوان واكو مره يسموها الملايه واكفه وتقره وكل شويه تسد الكتاب الي تقره بي وتدك عليه يصدر صوت اقوه بالدك الي جانو النسوان يدكون على صدرهم صارت تنعي والنسوان تبجي شي الي تذكرت ابنها وعلى صوتها وصارت تصرخ وتسمي بااسمه يمه وليدي كتلوك وانت بعز شبابك
يمه والله مامسوي شي
رايح للكليه يدرس وتصرخ
للحضات اجه بالي

معقوله هاي ام واحدمن الولد الي كتلهم ابو غضب
اولي شكد تعذبو
شكد تبهذلو

جنت اتمنه اساعدهم افتحلهم الباب واكلهم انهزمو بس جنت اخاف من ابو غضب وسعدي
باوعت للثانيه تذكرت ابوها
صارت تبجي وهم تصرخ يابه عفتنه
يابه تعبنه بعدك
الله ينتقم من المجرمين شسوينه

ابويه بگال( بقال)
ذنبه واكف بالسوك يبيع تجي مفخخه تطشره
شلناه لحم دفناه مو جسم كامل

كلمات جانت تذوب الگلب وانت كاعد بينهم لو حتى مالك ذنب بس فكرة جنت عايش بوسط هيج نماذج هاي مصيبه واحساس بأنك مجرم
فكرت ابلغ الشرطه
اي
هم جانو دائما يخافون من اسم
جهاز مكافحة الارهاب
اشوف وين واروح ابلغ

انتهى المجلس ومن دااطلع وي احساس بالذنب الي جنت احسه بنيه قدمتلي جيس بي قطعة كيك وعصير كالت
هذا ثواب ابا عبد الله تفضلي
باوعتلها
واخذته من سكوت
اني لااعرف ابا عبد الله ولا رب ابا ابا عبد الله
اني مجرد كائن خلق بنص وحوش ماتعرف الرب
مثلت كلشي اعرف ومشيت وي الحجيه
اكثر شي حبيته بالحجيه فطرتها
جانت معلكه سوره بالبيت
كالت هذا الامام






- وانتو شايفي؟

لا
بس يكولون اقرب شبه هاي الصوره

- معناها نور الله بيهم

- اي
هواي احبها لهاي الصوره اخويه من جان بالحزب يكلي انتو بطرانين شلكم بهاي السوالف جان على امي مايقبل لان امي شيعيه وابوي سني قبل ماجنه نعرف شنو شيعي شنو سني لان بالنهايه متفقين الله ربنا ومحمد نبينه وخلفاىنه الراشدين اربعه
لكن
الله يلعنهم للي بثو سم التفرقه والطائفيه

- تفرج خاله تفرج

- الا يصفيها ابو صالح ويظهر
رغم مافهمت منو ابو صالح ولا سألت ودققت جنت تعبانه واريد ارتاح والالم الي عشته من رحت للمجلس كرهني بنفسي ردت انهزم من روحي وانهزم من واقعي وانهزم من كل هاي الحياة
يارب الموت والحياة

ان كنت مااستحق الحياة ليش اعيشها
لشوكت ابقه هنا ناس لشوكت حتبقه تتحملني
هم يجي يوم ويضوجون
وفعلا اجه هاليوم

كان راجع مازن من السماوه وبين عليه علامات انزعاج من عقدة حاجبه
لحد ماسمعته يكلم امه

- يمه احنه بلدنا عشاير وخاف هالبنيه وراها طلابه تاليتنه احنه نوكع بيها

- يمه لو وراها عشاير ليش محد سأل

- يمه تلكيها مهزومه وعشيرتها تدور عليها تاليتنا نوكع بطلابه شكبرها مو بعيد يكتلوني واني مالي ذنب

- هااااا والله مادري شكلك يمه بس خطيه البنيه

- بقت يمج يمه

جنت اسمعهم واني بالغرفه
صح نقهرت بس نطيتهم حق الحجي وجماعته لو سمعو خبر هسه يكتلوهم ويكتلوني

اطلع باجر واروح ولااجيبلهم مشكله
الله اعلم ماضرغام مات
لله اعلم شنو هسه صاير
كعدت ثاني يوم الصبح رجعت لملابسي الي اجيت بيها ورحت للحجيه لكيتها بالمطبخ تتريك
جانت مخليه بالصينيه جاي وكعك وجبن وعالكه قرايه يوليدي يعبد الله لحمزه الصغير
وتبجي وتدك بايدها على رجلها وي الدكه الي بالقرايه

صباح الخير خاله

- هله يمه هله بيج تعالي تريكي الجاي حار

- مااشتهي ماريد

- ليش يمه بيج شي؟

- لا بس اني حروح

-سمعتي لمازن صح؟

- خاله حقه انتو مالكم ذنب لو صار شي

- انتي مو من ميتم

- دنكت وسكتت

- مو من الميتم صح؟

- لا خاله اني سالفتي سالفه وماريد ادوخج راح اروح قبل لايصير شي

- منو انتي ومنين جيتي احجيلي يمه بلجن اكدر اساعدج

- باوعتلها لدقائق بعدين بديت اسولفلها.........

- دكت على صدرها
يايمه هاي انتي هيج والله ماعوفج يمه ذوله ناس متخاف الله

- لهسبب حروح

- وين ترحين

- ارض الله واسعه خاله مو انتي هيج علمتيني الله ميعوف احد

- والله مو هين عليه ترحين

- خاله ادعيلي فدوه رايده بس دعوتج كون الكه اختي وبيت خوالي اني مااتذكرهم وين

- يمه ان شاء تلكيهم

- كمت حتى اروح كالت ليش رجعتي لهذا لبسج

- مشكوره خاله ماقصرتي

- لا تنزعين حجابج يمه

- كامت جابت شيلتها والعبايه ودشداشه كالت لبسيها

لفيت الشيله لخاطرها وخليت العبايه وخلت ملابس الي بعلاكه

هاي فلوس خاف تعوزين

- عندي خاله

- ميخالف خليهن يمه عندج متزيد

- عاشت ايدج خاله

- بجت لان راح اروح
بستها من راسها كتلها خاله اشكرج تعلمت منج هواي

- يمه امانه لو استقريتي وكدرتي تجيني مريلي طمنيني عليج

- اطمنج عليه اطمنج

- حنطيج رقم مازن خلي يمج خل اكعده اصبري

- راحت شويه وجابته بورقه
خابري خل يبرد نار كلبي

ماشي خاله
بستها من راسها
وطلعت جنت مخنوكه خنكه مايعلمها الا الرب
كابرت ولما طلعت ومن يم بيتهم نزلت دمعتي لااراديا
مسحتها
كسره بصدري وخنكه
مشيت ومشيت وابتعدت اخر شي تعبت من المشي وكفت واحس الدنيا تفتر بيه وين اروح لمنو اتوجه
منو حيكلي اني عندج ولتخافين
كلها تخاف من القانون من العشاير
زين اني مجرمين وراي
واذا اروح حكون اني السبب بأذيتهم
زين شلون
رفعت راسي للسماء والدمعه بطرف عيني
ورديت دنكت اباوع محتاره
كلت والرب
والي خلق هالسسماء مثل مابهذلوني لاابهذلهم
والا اروح ابلغ عليهم
مشيت
واخذت تكسي

- وين

- اريد اروح لمكافحة الارهاب وديني

- ياستار الله يسترنه

- وديني الله يخليك

- ماشي يابه

وداني لمركز شرطه ورحت
فتت للمركز حتى ابلغ وبعد تحريات على تثبيت اقوالي ودوني لجهاز مكافحة الارهاب الاقسام الخاصه فتت بمكان غرفه مضلمه ضوه خفيف
وكعدت على ميز بي مرايات جان المكان مثير للقلق كلش
وتندمت بلحضتها لان خبرت.......

#يسعد_اوقاتكم_بكل_خير
#توقعات_الابراج_ليوم_الاربعاء_والله_اعلم

#الحمل
مهنياً: ترغب في تقديم خدماتك وتنوب بملء إرادتك عن زميل لتحمّل مسؤوليات كبيرة وصعبة.
عاطفياً: يوم مربك جداً وقد تحمل النقاشات تدهوراً في العلاقة ولا سيما إذا كانت متأرجحة أو جديدة.
صحياً: ربما تسافر أو تحضّر لسفر للحصول على راحة نفسية أنت بحاجة ماسة إليها.

#الثور
مهنياً: تميل الى توسيع رقعة نشاطاتك فالمشاريع الكثيرة والنشاط موجود، خلافات حول ميراث قد تتطور وأخبار بعيدة تحمل البهجة.
عاطفياً: يكون للحوار الصريح بينك وبين الشريك مفعول إيجابي في إنجاح العلاقة بينكما.
صحياً: تحتار بين اتباع حمية غذائية صحية أو اتباع حمية عشوائياً، اختر الحل الأول.

#الجوزاء
مهنياً: تنشط الاتصالات المثمرة وتنفرج الأوضاع على نحو ملحوظ، استثمر طاقاتك الإدارية ومواهبك في سبيل استغلال الفرص.
عاطفياً: الخلاف مع الشريك يجب ألا يدوم طويلاً، فهو الوحيد القادر على مساعدتك في كل الظروف.
صحياً: لا تدع نصائح الآخرين العشوائية تقنعك بأن ممارستك الرياضة لن تجديك.

#السرطان
مهنياً: قد تعيش حالة من الغيرة والتملكية والانفعالات الشديدة، وقد تفرض عليك ظروف العمل الخضوع لدورات تأهيلية خاصة.
عاطفياً: لن تعاني العلاقة المتينة المصاعب، لكنك مدعو إلى صونها من التحديات والاستفزازات.
صحياً: تكون محط أنظار الجميع، وتلفت برشاقتك وبنشاطك الميحطين بك.

#الاسد
مهنياً: أُبشرك بأجواء جيدة هذا اليوم، فلن تتعرّض للإرهاق والاشمئزاز، لكن عليك أن تنتبه من عملية بيع أو شراء يمكن أن تتعثّر.
عاطفياً: العلاقة بالشريك في أفضل أيامها، وهذا مؤشر جيد إلى إمكان بناء مستقبل واعد وأكثر إشراقاً.
صحياً: السبيل الوحيد للقيام بأي نشاط ترفيهي هو التخفيف من ساعات العمل الإضافية.

#العذراء
مهنياً: مهما عاندتك الظروف في العمل، لا تستسلم لتتمكن من تمرير هذا اليوم الصعب، فالمقبل قد يكون أفضل.
عاطفياً: لا تترك الشكوك تؤثر في علاقتك بالشريك، وهذا من شأنه أن يوصلك إلى أماكن لا ترغب في الوصول اليها.
صحياً: استفد من حالة الطقس الجيّدة وانطلق في نزهة أو رحلة استجمام للتخفيف عنك.

#الميزان
مهنياً: تعيش هذا اليوم تجدداً وتتاح أمامك حرية التصرف كما تريد في مجالك المهني، فتحاول الاستفادة من الفرصة لتحسين سير العمل.
عاطفياً: حبّك ينمو مع الأيام فحافظ عليه قدر الإمكان وأعطِ الحبيب كل ما تملك.
صحياً: تناول المشروبات الساخنة مع اقتراب موجات البرد يساعد على التخفيف من الإصابة بالزكام.

#العقرب
مهنياً: تستعيد هدوءك وتضبط أعصابك، لأنّ الأجواء لا تبشر بالخير، ولا سيما أن التوتر هو سيد الموقف في العمل منذ مدة.
عاطفياً: تنشأ مشكلة بينك وبين الشريك بسبب تدخل أحد أفراد العائلة في شؤونكما الخاصة.
صحياً: تناول اللبن مفيد شرط عدم الإكثار منه، لأنّ كل شيء زاد عن حدة أصبح مضراً.

#القوس
مهنياً: تشعر بالارتباك وتخاف على موقع أو علاقة، لكنّه أيضاً يدفعك إلى ارتكاب بعض أعمال التهوّر وسوء تقدير قدراتك.
عاطفياً: لا تستفز الشريك بمواقف متشدّدة فالظروف الحالية لا تسمح باختلاق المشكلات لأنّ الغيوم قد تصبح داكنة.
صحياً: تسعى جاهداً لإقناع العائلة بمرافقتك في رحلة ترفيهية، على الرغم من توضيحك لهم أهميتها صحياً.

#الجدي
مهنياً: مشاريع جديدة بالجملة، لكنّ المطلوب خطوات مدروسة ومؤكدة تعيدك الى دائرة الضوء مجدداً.
عاطفياً: استقرار وسعادة لافتة في العلاقة مع الشريك، وهذا ما يترك انعكاسات ايجابية إضافية، ويولّد ارتياحاً.
صحياً: تناول كوب من الزهورات أو اليانسون مساء مفيد للمعدة ويساعد على النوم.

#الدلو
مهنياً: قد تواصل عملية ناجحة، ويهبك القمر من الجوزاء والزهرة الذي يصل برجك اليوم لينضم الى زحل وعطارد حلاً وانشراحاً بعد قلق وتوتر.
عاطفياً: تواجهك مشاكل صعبة مع الشريك، لكن تجنب أي مناقشة حادة معه وخصوصاً اليوم.
صحياً: أبذل كل ما في وسعك لتبقى محافظاً على رشاقتك، ولا سيما أنك معرض للبدانة بسرعة.

#الحوت
مهنياً: التصرّف بعشوائية لن يكون سهلاً، وقد تكون له انعكاسات سلبية غير مضمونة النتائج، فكن أكثر جدية.
عاطفياً: يلتقي فينوس جوبيتير في برج العذراء، ما قد يعني مفاجأة سارّة أو عرضاً أو مناسبة جيّدة واحتفالات، ويطرب قلبك لمن يحصل.
صحياً: لا تحاول أن تختار من الأدوية ما يحلو لك، بل تناولها كلها كما أوصاك الطبيب بذلك.

#فقرة_شعر
#لگمة_خبز_وعضام_جلب_وذكرهن

#والعاشريته_سنين_كلهن___نكرهن👌

برد كلشي وبقن جوياتك بكلبي

من عينك لحد عينك ... وما مش ورا عيونك بعد

يا خبــز ريـف اليشـمك يشتهيـك،،،

راس السنة اجت شو ما اجيت
كلها فرحت واني منتظرك بُقيت
شعلوا الشمعات من نار الضلوع
ونفخوا ، وطفوا سنيني ويا شموع
همة غنوا واني بدموعي التهيت
راس السنة اجت شو ما اجيت
وانتظرت العام يخلص يوم يوم ،
گلت فُرصة وترجع تراضيني
ولا اجيت ولا اجة العام الجديد
لان بس جيتك عمر تنطيني ،
وعنك يسألوني لو تدري شگلت ؟
ادري ناسي بس آگول تأخرت
واحس بالنظرات گالوا چذبت
ولان ممچذب گبل غير استحيت

بهيدة ، ابوس عيونها برمشة عيوني
چانت تگلي السهر وياك يحلى
وما تهمني الناس اذا يمك نسوني
ولا اريد الدنيا لو جيت اعلة بآلي
وهاك اخذ من شعري الاسود
بيدك وصوغه ليالي ،
هاك اخذ شامات نحري
وصوغ من كل شامة نجمة
واخذ كل شذرة گلادة
ضوي بيها الليل اذا يزداد ظلمة
چنت اشوفنها قصيدة
واحس باقي الناس كلمة .

#فقرة_هل_تعلم
‏معلومة نفسية :

ألم الرأس ، آلام العضلات و العظام ، آلام الظهر ، آلام المعدة ... وغيرها من الآلام و الامراض هي رسالة من جسدك ، تخبرك أن حالتك النفسية سيئة بسبب أفكارك ومشاعرك السلبية

عندما تتعب النفس يتكلم الجسد !

#يسعد_اوقاتكم_بكل_خير
#توقعات_الابراج_ليوم_الخميس_والله_اعلم

#الحمل
مهنياً: من كان يتمتع بصفاتك يجب الا يستسلم للأمر الواقع، فأنت قادر على النهوض والسير مجدداً نحو مستقبل أفضل.
عاطفياً: يجب أن تفهم تصرّفات الشريك مهما بلغت حدّتها، وخصوصا انه تحمل الكثير بسببك.
صحياً: كثرة الضغط الذي تتعرض له يسبب لك وضعاً صحياً غير مستقر.

#الثور
مهنياً: مشاريع جديدة بالجملة، لكنّ المطلوب خطوات مدروسة ومؤكدة تعيدك الى دائرة الضوء مجدداً.
عاطفياً: استقرار وسعادة لافتة في العلاقة مع الشريك، وهذا ما يترك انعكاسات ايجابية إضافية، ويولّد ارتياحاً.
صحياً: تناول كوب من الزهورات أو اليانسون مساء مفيد للمعدة ويساعد على النوم.

#الجوزاء
مهنياً: تعيش هذا اليوم تجدداً وتتاح أمامك حرية التصرف كما تريد في مجالك المهني، فتحاول الاستفادة من الفرصة لتحسين سير العمل.
عاطفياً: حبّك ينمو مع الأيام فحافظ عليه قدر الإمكان وأعطِ الحبيب كل ما تملك.
صحياً: تناول المشروبات الساخنة مع اقتراب موجات البرد يساعد على التخفيف من الإصابة بالزكام.

#السرطان
مهنياً: على الرغم من التراجع الحاصل في العمل، حاول أن تكون أكثر ابتكاراً لتحتفظ بموقعك المتقدّم مجالك المهني.
عاطفياً: عليك أن تساعد الشريك ليتمكّن من التعبير عن حقيقة مشاعره، وخصوصاً بعد يوم من الترقّب بينكما.
صحياً: قم بما هو مطلوب منك بعد تعرضك لنكسة صحية أثرت كثيراً في قدرتك على العطاء أكثر من طاقتك.

#الاسد
مهنياً: ترغب في تقديم خدماتك وتنوب بملء إرادتك عن زميل لتحمّل مسؤوليات كبيرة وصعبة.
عاطفياً: يوم مربك جداً وقد تحمل النقاشات تدهوراً في العلاقة ولا سيما إذا كانت متأرجحة أو جديدة.
صحياً: ربما تسافر أو تحضّر لسفر للحصول على راحة نفسية أنت بحاجة ماسة إليها.

#العذراء
مهنياً: مهما عاندتك الظروف في العمل، لا تستسلم لتتمكن من تمرير هذا اليوم الصعب، فالمقبل قد يكون أفضل.
عاطفياً: لا تترك الشكوك تؤثر في علاقتك بالشريك، وهذا من شأنه أن يوصلك إلى أماكن لا ترغب في الوصول اليها.
صحياً: استفد من حالة الطقس الجيّدة وانطلق في نزهة أو رحلة استجمام للتخفيف عنك.

#الميزان
مهنياً: تميل الى توسيع رقعة نشاطاتك فالمشاريع الكثيرة والنشاط موجود، خلافات حول ميراث قد تتطور وأخبار بعيدة تحمل البهجة.
عاطفياً: يكون للحوار الصريح بينك وبين الشريك مفعول إيجابي في إنجاح العلاقة بينكما.
صحياً: تحتار بين اتباع حمية غذائية صحية أو اتباع حمية عشوائياً، اختر الحل الأول.

#العقرب
مهنياً: المشاركة في العمل تساعد على تأمين فرص النجاح وزيادتها، كما تخلق نوعاً من الانسجام التام بين الزملاء.
عاطفياً: أيّ نجاح للعلاقة بالشريك يلزمك أن تقدم بعض التنازلات، وهذا ليس معيباً أو مهيناً.
صحياً: لا تحاول الإكثار من تناول المأكولات الدسمة، ولا سيما في المناسبات.

#القوس
مهنياً: قد تعيش حالة من الغيرة والتملكية والانفعالات الشديدة، وقد تفرض عليك ظروف العمل الخضوع لدورات تأهيلية خاصة.
عاطفياً: لن تعاني العلاقة المتينة المصاعب، لكنك مدعو إلى صونها من التحديات والاستفزازات.
صحياً: تكون محط أنظار الجميع، وتلفت برشاقتك وبنشاطك الميحطين بك.

#الجدي
مهنياً: عليك أن تكون أكثر ديبلوماسية في العلاقة بالزملاء، وهذا يضمن النجاح للمجموعة عموماً.
عاطفياً: لن تجد أفضل من الشريك لشرح الظروف التي تعاكسك، ومن المؤكد أنه سيساعدك على تخطيها كلها.
صحياً: تخرج من أزمة نفسية صعبة وتنطلق في مسيرة حياة جديدة تريحك في محيطك.

#الدلو
مهنياً: تتطوّر الأمور إيجابياً لمصلحتك في زمن قياسي، وهذا ما يرفع من معنوياتك لتُقبل على الأعمال بحماسة كبيرة.
عاطفياً: حان الوقت للبحث عن علاقة جدية مع شخص تشعر تجاهه بمشاعر حقيقية وجادة.
صحياً: ترتاح نفسياً بعد أزمة حادة مررت بها أخيراً، ويحيطك الجميع بالعناية اللازمة.

#الحوت
مهنياً: قد تشعر بعدم الاستقرار، ومع ذلك تجد هدفك يتحقق لأنك صاحب إرادة صلبة ولا تخاف من المواجهة إذا متسلحاً بالحق.
عاطفياً: استقرار ومراوحة في العلاقة بالشريك، وخصوصاً بعد توضيح الأمور ووضع النقاط على الحروف.
صحياً: تنفذ بانتظام وعناية ما يطلبه الطبيب منك، فتشعر بأن صحتك نحو المزيد من التحسن.

#فقرة_شعر
يا رُخص الليالي البيها .
چنت وياك ..
واقرالك قصيدة بصوتي
المطبك .

اشمك من لذيذ
شفاك واتغنة
وآسكر من اضوگ البيك
چنك خمرة الجنة .

شمسَي أنتَ وباقي هلدنيَا ضَلام .

وشتهيتك
تعثر بحضني
مثل عثرة ضرير

#فقرة_هل_تعلم
‏مدينة ‎#برشلونة فتحها القائدان طارق بن زياد وموسى بن نصير عام 92هـ،
ونصبوا عليها حاكماً اسمه: سليمان الأعرابي.

سقطت من يد ‎#المسلمين عام 185 هـ بحملة من الجيش الفرنسي حتى استردها الحاجب المنصور: عام 375هـ
وهدم أسوارها وأسر ملوكها..

#قصة_عراقية

#بارت١١

الدنيا ضلمه ليل؟
لا
السماء نهار ليش طريقي اظلم
اريد. امشي ماشوف شي
مشيت وكلت بلكت يطلع نهار ضوه
مشيت ومشيت لكيت بنهاية الطريق
رجل واكف ماد ايده بااتجاهي وكأنه يكلي تعاي اوصلج للمكان التردي باوعت جان يشبه ادم بس مو ادم نفسه ومره يطلع يشبه شخص وياي بالجامعه
بحيث تاهت عليه منو هذا الرجل...
مشيت وفجأ حسيت بشي يخنكني رغم ماكو شي حول رگبتي اباوع لهذا الرجل يباوع وميعرف شيسوي الا اني اصارع الموت وخنكه لازمه ركبتي فزيت من الحلم حتى الكه نفسي على سريري ومابيه شي......

سديم...... مر شهر ونص على دوامي بالجامعه وخلال هالفتره عانىيت هواي بالمواصلات وبضيق الوقت والتعب حتى دراستي قلت مو مثل قبل اذب نفسي على الدراسه
وصارت تجي ايام مااكدر اروح للصالون لو مااروح للجامعه حتى اكدر اوازن لان من كثر الضغط احس راسي حينفجر
لحد ما قررت اترك اما شغل او الدراسه
وحرت بين هالامرين
من جهه الشهاده حلوه ومن جهه الشغل هو الي حيخليني اكمل دراستي
كلت اقاوم واتحمل بس جان صعب حيل صعب
جنت اروح مرات اشتغل والتعب مبين بملامح وجهي

ست سميره:- شنو سالفتج سديم مو مثل قبل تشتغلين وتجين

- تعب ست كوه دااوفق بين الشغل والدراسه

- تعبانه من الطريق صح؟

- اي

- شوفي ادم محتاج سكرتيره وكلي قبل كم يوم اشوفله سكرتيره بس راح عن بالي وهسه داشوفج انتي احق بهذه الشغله

- ست مشكله مو بنوع الشغل المشكله بالشغل اني مداكدر متبهذله بالطريق وبضيق الوقت

- اعرف ولهسبب حخليج تشتغلين عند ادم
ادم قريب على جامعتج بعد شارعين اكثر من الجامعه شركته هناك

- ليش هو شنو يشتغل

- قبل سنه افتتح شركه يتسوق منتجات تجميل وعنايه بالبشره وهالامور من دبي
يعني وكيل معتمد لهاي المنتجات بالعراق وهم شغلها حلو وراتبها احسن شتكلين اكله

- ست انتي مو كتيلي ديربالج من ادم

- اي وبعدني اكلج بس مو معناها متتعاملين ويا او تشتغلين كتلج لاتصدكين بلسانه المعسول يبيعه على هاي وهذيج زلاطه عنده

- ماعرف زين اني وين اروح اقسام خاف ميخلوني اروح واجي براحتي

- اي طبعا ميخلوج بس اكو شقق خارج الجامعه تستأجرين وتكعدين






- معناها شغلي حذبه على الايجار

- ولج مو وحدج هاي الشقق تخص الطلاب وانتي حتكونين وي طلاب مو وحدج

- زين اكلها لمرت خالي خاف ماتقبل

- كليلها واني هم اشوف ادم خاف لكاله سكرتيره

- ماشي

بعد مرجعت من الصالون للبيت تعشيت وكملت وجنت حايره شلون افتح الموضوع منين ابدي
اخر شي كلت اكلها وشيصير خل يصير

- خاله

- كولي حبيبتي

- خاله اني لكيت شغل غير الصالون

- وين هذا وشنو الشغل

- خاله اشتغل موضفه بالشركه الي يشتغل بيها ابن عمتها لست سميره هي دلتني عليه وكالت خوش راتب ينطوج

- ليش تردين تبطلين من ست سميره

- لان المكان هناك قريب على الجامعه

- يعني تردين تبقين هناك؟

- اي

- باوعت وسكتت جانت نظرة عتب وحزن

- عمه اجيكم كل اسبوع بس والله متبهذله بالطريق والروحه والجيه مداكدر حتى ادرس

- يمه وين هاي الشركه منو صاحبها شنو يشتغلون

- منتجات يتسوقون من دبي وصاحبها ادم هو ابن عمتها

- يمه ابن عمتها هذا ماارتاحله احسه ملعب يمه اخاف عليج

- عمه نسخ هواي داشوف مثله بالكليه بس اني شعليه عليه بنفسي مالي علاقه

- الي تشوفي مو مثل الي تتعاملين ويا

- يعني؟

- يعني ماعرف بقت يمج

- عمه فدوه اقبلي والله متبهذله

- شوفي يمه حكلج جلمتين وخليها ترجيه بااذانج
احنه طول عمرنه الناس تحمد بينه وبأخلاقنه طكنه العوز مامدينه ايدنه لاحد ولا ضحكنه لاحد حتى نمشي شغلنه ولانطينه مجال
هياتها بنت خالج جم واحد صار خطبهه واني ارفض الناس لو ماتعرفنه احنه خوش تتكرب علينه
حوصيج هالوصيه ديربالج يستغلج ويستغل عوزج
اكو ناس عينهم مالحه ويتصيدون بالماي العكر يشوفوها للوحده وحدانيه ومالهه احد يستفردون بيهه ويستغلون ضعفها

- ترباتج اني عمه

- اني واثقه منج واعرف لو اخليج بوسط زلم تبقين محافضه على نفسج

- يعني انتي قابله اروح

-روحي بنتي مااوكف بطريقج اني

- حظنتها بقوه وفرحت وتشكرت منها
وخابرت ست سميره وكتلها

- ست مرت خالي قبلت بشري خابرتي ادم

- اي خابرته وبعده ماعنده سكرتيره






- اني جاهزه شوكت اداوم

- كال راتبها ٣٠٠ وقابل للزياده حسب شطارتها

- ماشي

- تحبين نروح باجر وخير البر عاجل

- عادي

- اوك باجر يجينه ادم حضري كل امورج

حضرت ملابسي بالجنط وكل اغراضي وهيأت نفسي حتى اروح باجر
شوية شعور القلق جان مسيطر عليه
نمت وكل شويه اكعد قلق ماعرف شجاني
الصبح حسيت على صوت المنبه الظاهر اخذتني نومه عميقه الفجر
كعدت وتحضرت ساعه اكثر اتصلت ست سميره ورطلعتلها بعد ماسلمت على بيت خالي ودعتهم

- صباح الخير
جانو هي وادم بالسياره

صباح النور

ادم - هله بال boy friend مالتي

- ههههههه كول secretary (سكرتيره)

- لا صديقتي معناها

- تبسمت ودرت وجهي للجهه الثانيه سوالفه حلوه وتضحك

مشى بينه وصلنه لشقه كال
عيني سديم هاي الشقه الي راح تكونين بيها هسه تأجرين وي البنات وهي مو بعيده عن الشركه داتشوفين نهاية هذا الشارع والجامعه مو كلش بعيده دقيقتين بالسياره توصلين

- اوك

- رحنه سويه وحجزنه بالشقه جانو اكو بنات ثنين ويايه بنفس الغرفه طالبات ماجستير واني وياهم
حجزولي ورتبولي وضعي وراحو

بالبدايه استحيت كلش من البنات جانو انيقات ومرتبات
سألوني

- يامرحله

- اولى

- ياااا بعدج بااول الطريق شدرسين

- ادرس هندسه
وانتو

- اني ماستر تحليلات وهند ماستر تربيه عربي

- موفقات

- اعتبرينه خواتج واي شي تحتاجي احنه نساعدج

- شكرا

- شوفي احنه نظامنه هنا احنه نتسوك ونطبخ لانعتمد على تجميد ولا دليفري

- حلو

- اي نجمع بالنص من كل وحده اي شي نحتاجه نجيبه ونطبخ

- اوك متفقين

- تمام

جان كارت الحظ بالنسبه الي هو اني شايله هم شلون حدبرها ٤ سنوات دليفري لو اطلب من مرت خالي تسوي اكل استحي اني مصرف مدااخلي وياهم ففرحت كلش بقرارهم هن من النوع النظيفات كلش بحيث يرتبون الغرفه وكل اسبوع يكلبوها على البطانه مايخلون شي ماينظفو وغسل جرجف اللبطانيات كلشي كلشي يعدلو وبيوم الجمعه عنايه شخصيه حفيفه وتقشير وماسكات وعنايه بالشعر صرت اتعلم نفس نظامهم لان بصراحه عجبني
اجي على الفراش انام ريحة التايت والنظافه تخبل اجي لكنتوري ملابسي مرتبه فارتاحيت كلش جانت رباب تطبخ وهند تسوك رباب طبخها يجنن وهي تحب تطبخ وجنه نوكف على ايديها نساعدهها وهم منها نتعلم وجان طبخها بالليل وتظمه لثاني يوم لان عدنه دوام......






جنت بالكليه خلصت محاضراتي وتوجهت حتى اروح للشركه بأعتبار يومي الاول الي بلشت بي بعد استقراري بالشقه ب ٤ ايام
رن موبايلي باوعت رقم غريب فتحت خط اشوف منو

- تفضل

- هلو سديم اني ادم

- اهلا استاذ

- خلصتي دوامج

- اي

- خوش جايج لعد
وسده للخط جان المفروض اني اروح بس كلت يله يمكن حب يوصلني لان اول يوم
اجه وداافتح الباب الوره نزل الجامه كال عرفت حتصعدين وره مقفوله
تعالي يمي

- ارتبكت
شنو استاذ

- عيني سديم مو حلوه سياره فارغه تصعدين وره هاي مو تكسي

-سكتت وتوجهت يمه صعدت ودنكت جنت خجلانه ومرتبكه
- هذاك اليوم سويتيها هل المره هم ردتي تسويها الثالثه لاتعيديها

- اوك

- مشينه وعده الشركه

- هاي مو الشركه هنا

- اي بس هسه وقت غده نروح مطعم نتغده وهناك افهمج شغلج احنه ماصارلنه كعدة شغل

- هم سكتت كلت اشوفه لوين يريد يوصل وشنو براسه

صار يحجي
اني احب النظام بشغلي سديم
التفتت الي وكال
وانتي تحبين النظام
كالها وينتظر اجابه مني كتله اي طبعا

اي ثانيا احب كلمة اي
انتي هيج سديم

ان شاء الله

فتنه للمطعم وكعدنه على طاوله وطلب الغده بين مايجي الغده الفتره هذه القصيره صار يتكلم

هاي اول مره نحجي بيها على انفراد
خل اكلج شغله عني

اني شغلي شي وحياتي العامه شي ثاني
يعني بره الشغل اخويه وحبيبي بالشغل لااعرفك ولاتعرفني الا بشرط الي يدارينه نداري

تكاسل مااريد
يوم مااكدر يوم تعبانه يوم هيج كذا مااريد
الي يجي لو يجفص بطنج متضوجين تتحملين لان هذا شغلج
وظيفتج حتكون يم مكتبي الشركه صغيره مو جبيره هواي ولا موضفين مثل الي تشوفيهم بالمسلسلات
مجرد تضبطيلي شغلي مواعيدي والطلبيات تدونيهم يمج وتوصليهم الي اتفقنه؟

- اتفقنه

- وشغله ثانيه لبسج خليج دائما انيقه الناس الي تجي مو حي الله اي ناس تجار ومن محافضات ولازم يلكون السكرتيره الي تخص ادم مرتبه مثله
يعني لبسج هذا حقيقه مو ستايل مايليق بااسمي ومكانتي بس مشيتها الج هسه بااعتبار بدايتج

- هزيت براسي بمعنى اي

باوعلي ورفع طرف حاجبه
ماجنت متوقعج هيج مطيعه وتسمعين الكلام طلعتي بالشغل غير

- هسه اني سمعتك انت هم اسمعني
اني بنيه جايه ادرس وهدفي اطلع شهاده
وعلى كولتك شغلي شي وحياتي شي ثاني
يعني اني حريصه على شغلي ميحتاج احد يوصيني وتكدر تسأل ست سميره
ثانيا وان تكون مديري بالشركه اسلوبك المعلك هذا مااحبه اني مو جاريه عندك ولاجايه اجدي
اني هنا بتعبي حكون اما مسألت اللبس فهذا اني وهذا لبسي وانت شايفني قبل مايحتاج تسوي نفسك متعرفني من الاول جان ماقبلت اشتغل وفرت على نفسك وعليه جهد
واعتقد تسرعت لمن قبلت اشتغل وياك
كمت على حيلي
الضاهر اني غلطت
تحركت حتى امشي لزم ايدي وهو كاعد همس
ارجعي الناس جاي تباوع






باوعتله بقهره ونرفزه حجيت
ولمن تعرف الناس جاي تباوع ليش ماحسبت لهل الشي

- اكعدي

اريد اروح

- كتلج كعدي

نترت ايده وعفته ومشيت واجه وراي
شبيج تخبلتي

- مارديت عفته امشي وهو وراي ويحجي انداريت عليه
اذا تبقى تمشي وراي اصرخ والم الناس عليك اكلهم جاي يتحارش بيه عفته ومشيت وهو بقه بمكانه رحت للشقه
جنت مختنكه كلش
احس الدنيه ضاقت بيه حيل نكسر خاطري
ونزل من عيني هوايه
شافوني البنات

شبيج سديم ليش هيج مقهوره

باوعتلهم

اريد اشتغل تعرفون احد يشغل اي شي اشتغل

- محتاجه فلوس اني عندي

- هي مو شغلة يوم ويومين اني اريد اشتغل

- ماعرف بصراحه

جنت متوقعه هالشي هن طالبات حالهن حالي منين يعرفون شغل الليل كله ماكدرت انامه افكر شلون لازم ادبرلي شغله صبح الصبح صليت وتحضرت ورحت للكليه واني راجعه لحسن الحظ شفت اعلان على مطعم محتاج عامل
كلت اشتغل
جنت بس اريد اشتغل اي شي

رحت مباشرة للمطعم وقابلت صاحب المطعم

عمو اني شفت اعلان على المطعم محتاجين عامل اني اشتغل

- بس الكادر مالتي بس شباب بنات ماكو

- عمو اغسل مواعين بالمطبخ محد يشوفني ولااحد يدري بيه

- الله يسهلج بنتي ماكدر ادخلج بين الشباب

- الله يخليك والله محتاجه شغل

- تنهد وفر براسه كال
استغفر الله
الله لايوفق كل من وصل هالشباب هاي لهذا الحال
ماشي بنتي حشغلج مؤقت منا لما ادبرلج شغله

- ابدي من اليوم

- اذا تحبين مو مشكله بدايه يوميتج ٧ الاف

- اي ماشي

توجهت للمطبخ والشباب الي هناك كلها فتحت عينها مستغربين
لمهم الرجال وكال

هاي بنت صديق عزيز عليه الله يرحمه بنيه يتيمه بحسبة اختكم ماريد احد يزعجها شغلتها حتغسل مواعين

لبست مريولة المطبخ وكفت اغسل مواعين
بيومها هواي غسلت تعبت حيل
جانت مواعين غده والكادر شفتين نهاري وليلي
ومجنت ادري كال
بنتي هاهيه تكدرين ترحين حيجي واحد مكانج يشتغل

- ليش عمو بشنو قصرت

- لا هههههه عمو كادر مسائي

- يعني اروح

- اي وباجر تعالي بنفس الوقت

- ماشي

استلمت يوميتي ٧ الاف فرحت هواي اخذتها وخليتها بجنطتي وطلعت رحت للشقه قبل لاادخل لكيت ادم باب الشقه باوعتله ودنكت ردت ادخل استوقفني سديم احجي وياج...........






مريم......
ثم أصبحت كالسندباد المغامر
اتجول في الطرقات والمدن واخرج من مصيبة لااقع في الاخرى
ترى ماذا يخبىء لي القدر أيها الرب العظيم.....

خفت كلش جانت الغرفه كلها مرايات منين مااباوع اني وصوت اقدام تتمشى بخطوات بطيئه كعد كبالي وصار يسأل

- شسمج

- مريم

- الثلاثي

-شنو

- اسم ابوج وجدج الثلاثيييييي

- ماعرف

- شنو متعرفين

- ماعرفهم

- وين ربيتي ومنين عرفتيهم

- ربيت وياهم اختطفوني واني صغيره وهسه انهزمت

- شلون كدرتي تنهزمين

- نطاني لجماعته ونهزمت منهم

- منو تعرفين منهم

- كلهم

- الروس الكبار

- الحجي ومساعد مالته ابو غضب وبالجديد الضرغام وجان قبل وي الحوت وسعدي وعنتر وعريوش ووووو. الخ

- تعرفين منين يستوردون المخدرات

- لا

- زين الاطفال تعرفين وين يبيعوهم منو الاطباء الي يتعاملون وياهم

- لا

- شكلج حتعبينه

- هذا الي اعرفه

- كام وكف على حيله صاح على الي بره كال
اخذوها

خفت ودمي نشف
وين

- وين يعني بالسجن

- ليش شمسويه اني

- قيد التحقيق بنتي عصابه خطره هاي كل اعمال الاجرام تمارس مستحيل نهدج
اخذوها

- اخذوني ودوني لسجن جان بي سجينات وياي فتت كعدت
اجت وحده يمي

- شنو تهمتج دعاره؟

- دعاره بعينج امشي عن خلقتي مو ناقصتج

- باوعت وراها بدون متلتفت صاحت
بنات عبالك يرادلها تأديب

- لمنو تأدبين

- الج

- اذا شريفه كومي سويها دااعلمج النسوان شتجيب

ونطتني راشدي اني ماجذبت خبر رديته الها
ضربتني الثاني ورديته وصارت عركه وصراخات اشتغلت فاتو شرطه ثنين فكونه