#فقرة_هل_تعلم
من الصعب نسيان شخص أعطاك الكثير من الذكريات . .🖤🥀🔗
𝙄𝙩'𝙨 𝙝𝙖𝙧𝙙 𝙩𝙤 𝙛𝙤𝙧𝙜𝙚𝙩 𝙨𝙤𝙢𝙚𝙤𝙣𝙚 𝙬𝙝𝙤 𝙜𝙖𝙫

#قصة_عراقية


من داخل صالة الولاده

الممرضه - مبروك اجاج بنات تؤم يخبلن

-بتعب وعرك الجبين:- الحمد لله

- اوديهن لابوهن وبيت جدهن خبصونه على الاطفال

بسم الله بنات اثنين يتربن بعزك

-الحمد لله يمه شوفي يخبلن مو

- مبارك يمه بس لو بنيه ولد

-شيجي نعمه يمه

شحتسميهن

- هذه الدبدوبه مريم والاضعف شويه سديم

- شنو هالاسم سديم شنو

- حلو عجبني

- هه اسماء اخر وكت سميها فطيمه على اسم بيبيتك

- يمه لخاطر الله هذا اسم

- لعد سديم اسم

- اي

- وانه شعليه شتسميها سميها

--------
بعد مرور سنه ونصف

سعد- يمه يمه لحكي

-شكو

- محمد اخذته المكافحه

- لطمت على خدها شنو ولك شداتحجي انت

- يمه لاكين بدفتره حجي على صدام سب وغلط واشكال وجروه علساس عو ضد النظام

- عزه ولك رحنه بالرجلين

- عمه شصاير

- ولج حماج محمد لاكين عنده كلام مو زين حاجي على الريس واخذته المكافحه يمه ابني يمه وليدي

- عمه هسه يجرونه كلنه

هذا الهامج وانه وليدي راح

- عمه شلون

- اسمعي بناتج. وديهن يم سليمه جيرانه خل تبقيهن يمها واذا اجت المكافحه احنه مأمنين على البنات على الاقل مايصير عليهن شي

- عزه عمه شتحجين اني اروح لااهلي مستحيل ابقه بناتي يمه الا بناتي

- ولج يجروووووج يطلعوج ويجروج ويجرون اهلج استري على روحج.ودي جهالج لبيت سليمه

- اوديهن لاهلي

- وديهن وتعالي

- اخذت البنات وراحت
لج عيني منار المكافحه يمكن حتجينه ونروح بالرجلين بناتي امانه يمج خاف يصير عليه شي

- يمه عيني
واذا المكافحه جرتنه بسبب البنات شون

- لا لا ميجروكم فدوه ديربالج عليهن اروحلج فدوه

- والله يجي اخوج واكله انه مااحمل هيج مسؤوليه

- جاي اكلج مكافحه تكليلي اخوي ولج ميكول شي
انه لو امي عايشه مااذبهن عليج

- جيبيهن امري لله

- ان نكطعت اخبارنه معناها رحنه بيها مااوصيج عليهن

-لالتشيلين هم

بعد مرور شهرين

- لاخبر عن والدة الطفلتين وبيت جدهم

منار:- الناس جاي تكول نعدمو

هاي تالي محمد وسوالفه شنو ذنب هالجهال هذوله

- شوف ارشد اني مابيه حيل اربي جهال غيري منا لشهر نوب اذا مابين عنهم خبر نوديهم لدار الايتام

- وشلون نوديهن ذني بنات اختي عرضي يعني

- اني شعليه مكافين عليه جهالي نوب حمل زايد

- يابنت الناس صارو ايتام تكسبين بيهن اجر

- اني ماعليه مااربي جهال مو جهالي

- ميخالف كل اسبوع يم احد مره يمنه ومره يم بيت اسعد ومره يم ريت احمد ارتاحيتي هسه

- اي هاهيه

كل اسبوع بيت واحد من الخوال
حمل ثقيل رغم انهن طفلتين صغيرتين جل قوتهما في المتطلبات صحن رز وفوقه القليل من المرق وثوبين يستران جسدهما
ماابشع بني ادم وجشعه وطمعه
مااقساه

الايام تجري يتبعها يوم بعدها يوم بعدها يوم وسنين
حتى ذاك اليوم الذي شائت الدنيا ان تفرق بين الاختين بااختطاف احداهما في عمر ال ٥ سنوات

،،،،،،،،

- عيون مشدوده وايد على فم الطفله طول الطريق
همس
اششششششش

- السايق:- فك العصبه عن عيونها سيطره ورانه

- صوت خشن مخيف:- لج راح افك عيونج اي حركه منج او بجي اقتلج واذبج للجلاب

افتهمتيييييي

- بدموع
اييي

- امسحي دموعج
انا راح اوديج لامج انتي مو كلتي وديني

- اي

- هاذ هو سكتي

مرت السياره بهدوء من السيطره وكأنه ماكو شي
وضلت تمشي طريق طويل
وطفله اصارت بين ايادي ليست برحيمه
انياب الذئاب ومخالب الضباع وخوف حمامة من ان تؤذيها قطه فكيف بالبشر!!!!

توقفت السياره عند احد البيوت
بيت بناء من الطين وسط البيت اطفال صغار ورضع

- هاج بدريه خلي هاي يمج

-ادري ماعدكم غير بنات تخطفولي جيبو ولد

- وبيش حيفدون الولد

- اكلك اكو واحد مريض صارله يومين وطكت حوصلتي منه الحجي كال التعبان دزو نبيعه اعضاء احسن مايموت ومانستفاد شي

- جيبي ياهو

- هسه جوه

- اخذو الطفل وراحو

شسمج لج

- مليم

- شنو

- ميم مليم

- يعني شنو وين اكو وحده اسمها ميم مدري مليم

- احد المتواجدات- خاله يعني مريم بس هي بعدها متعرف تحجي

- دمشي امشي شلون دلال هه

بيت شرقي بناء قديم مقسم الى غرف وسط هذا البيت حوش الترك الي يلعبون بي الاطفال
حسب ماكنت متوقعه!!
اليوم الثاني
صباحاا.....

الاطفال من السابعه فما فوق غير متواجدين في البيت بس الصغار وك اطفال مايفتهمون او يعرفون وين راحو وليش
مرت الايام وبدريه تكتل هذا وتجوي هذاك ويجي اخر النهار سعدي يلم الفلوس ويروح
مشت الايام هيج
ومرت سنتين وصار اليوم الاول للتسول!!!!!

بدريه- اسمعي مريم باجر ترحين وي صديقاتج تكدين
ترحين ا للهذوله الزناكين الي عدهم فلوس تكليله عمو انطيني انه يتيمه وجوعانه اريد اكل هسه ينقهر عليج وينطيج واذا احد كلج تعالي ويايه ابد لترحين واذا سألوج وين عايشه كليلهم وي بيبي عميه ومتشوف وماريد اروح وياكم خاف تقلق عليه
لتصدكين بحجيهم عود يبوكوج

- اي

- باعي لمي فلوس بهاي العلاكه انه خيطتها الج حتى متضيعيها الفلوس وكلما تجيبين اكثر كلما الحجي يجيبلج هديه افتهمتي

- اي

- يله روحي باجر واريد اشوف شطارتج بنيتي

- اي ماما

ربما اقنعوها باانها امك

الكل صعد بالسياره البيكم اب ودكت بينه السياره الى مدينه مزدحمه بالسيارات والناس عكس الي بمنطقتنه مابيها شي فارغه وهادئه
نزلنه وبديت اسوي مثل مايسون الجهال
يرحون على السيارات يكدون
وانه مثلهم

عمو نطيني جوعانه واهلي ماتو كلهم

- صرت اخذ فلوس واضم بالجنطه وانه اتخيل شراح يجيبلي عمو الحجي هديه
لعابه مثل مال هاي الطفله الي بسياره
اباوعلها يم امها وابوها وتلعب بلعابه جبيره شعرها اصفر
لو راح يجيبلي لفه مال لحم مثل هذا الي دايبيع
زين اشتري من هاي الفلوس
اي خل اشتري انه جوعانه

رحت حتى اشتري واكل
اشتريت اللفه وكعدت حتى اكلها على جانب من الرصيف بكل شراها مااشوف الا سعدي بغضب

- ولج منو كلج تشترين بالفلوس زقنبوت وتاكلين

-جوعانه

- جوعانه مو
وجرني من كصيبتي لواها ونفر اللفه من ايدي طاحت بالكاع وضربني وصرت ابجي بحركة
وجرني من اذني واني عيوني تصب دموع
اسمعي هاي جرة اذن الج حتى متعيديها نوب
مره ثانيه حسابج عسير يصير
امشي وي ربعج يلااااا

- مسحت دموعي من الخوف ورحت اركض
وكفت يمهم وكل شويه اتلفت لسعدي الي واكف بعيد ومخوصر يخوزرني
ارجع اباوع للشارع وللناس
ومشيت وي سراب وشتسوي اسوي اريد اتعلم وماريد اغلط وانضرب مره لخ

صرنه نلم الفلوس كل يوم وبااخر النهار ياخذونه بالسياره البيك اب
جانت بدريه تلم الفلوس وسعدي يمها يوكف يراقب
جان سعدي شايخ علينه بس لما يجي الحجي كلها تخاف وتخنس وسعدي الي جان نافش ريشه يصير جنه حشره ويخنس
يدخل الحجي جان رجال يطلع بنهاية الاربعينات
يمشي بكل ثقه والجكاره جوزيه كبيره يدخنها اباوع لايده محابس باليمنه محبسين واليسره محبسين وزنجيل فضه حول الرقبه
استغربت شنو كل هالاكسسوارات هو رجال مو مره

الحجي؛- سعدييييي

- وكف يمه طابك الايد على الايد مدنك خايف
امر حجي

- شخبار الشغل اليوم الويلاد خو مايتعبوكم

- حجي يشتغلون علمتهم انه

- عفيه ( ويضرب على كتفه بهدوء) عفيه عفيه سعدي

- اخذ. الفلوس من بدريه وراح
عبالي راح ينطينه فد شي هديه لعابه لان جبناله فلوس بس كلشي مانطانه
صاحت بدريه يله تعالو نامو

- اجينه كلنه مددنه وكورت روحي مثل مامتعوده ونمت

الايام تمشي ويوميه على هذا الحال جنه بس يوم الجمعه منطلع بااعتبار الحركه خفيفه بالشوارع
الاطفال اليوم كلها تلعب الي جنت الاحظه انو كل بين فتره واخرى يختفي طفل ومحد يسأل وينه كلها تخاف بدريه جانت تجوي الي يسأل والي يضم فلوس جانو بالحي شباب هم جنت اشوفهم يطلعون شي مثل الطحين ويخلو على ايدهم ويقربون خشمهم منه مجنت اعرف شنو هذا
مره وثنين وتلاثه اني اراقب واشوف
لما كان مايجيني نوم اتسلل بعد مااشوف بدريه طلع صوت شخير بنومها اكوم على كيفي واطلع
طفله فضوليه مشيت وختلت وره براميل النفط وطلعت نصف وجهي حتى اشوف
الولد كلها كاعده وبنات يمهم ويشربون واغاني وضحك اتعجبت اول مره اشوف هيج شي
تدخين وناس تتمايل واشياء تقززت نفسي منها وخلتني ارجع من مكان ماااجيت بركضه وخوف
شمرت روحي على فراشي وكورت نفسي واني تنعاد عليه المشاهد الي شفتها
بس فضولي ماتوقف بعد هالليله صرت اتابعهم على طول اوكف نفس الوكفه واتفرج
مرات مااشوفهم يسهرون اشوفهم يفرغون صناديك التفاح ويطلعون اكياس بيضه منها والحجي واكف يمهم يوجههم

- يولد بسرعه خفو ايدكم

- حجي نتأكد من البضاعه لو الجماعه امان

- عود نطوني كيس اجرب واشوف

- استغربت ليش هاي الاكياس جوه التفاح بالصندوك ليش؟
شويه وصار يحجي بالتليفون

- اي انه نطيتكم وكتلكم مريض

وانه شعليه تتطابق ماتتطابق

اي انه الي علي ردتو وجبتلكم
لاهسه ماعدي واذا تردو عضمه گوي كلشي بسعره
هاذ هو

- باوع لسعدي وكله
انته ياهو نطيت الهم

- ابو الخمس سنين

- ابتسم بسخريه وخله ايده بجيبه والثانيه لازم بيها الجكاره ويشرب صار يروح ويجي بحيث مبقيت اركز ويا وركزت وي الولد وشلون يشتغلون
ماشفت غير احد لزمني من يم ركبتي من خلف بحيث تفززت لزمني من ثوبي كأنه معلكه بس بأيده
عاقد حاجبه بغضب عيونه حمرررر
حمرررررر تخوف
حجه من بين اسنانه
انتي شمكعدج
شتسوين هنااااااااااا

سديت اذاني من الصوت وارتعبت بجيت حجيت بخوف

م م ما كدرت انام ا ا ا ا ا عطشت اي
اي عطشت

- صاح بصوت هز المكان هز
سعدييييييييييييي

- اجه يركض طابك الايد على الايد امر حجي

- شتسوي هاي مكعديها لهسه

- باوعلي بغضب وباوعله
والله مادري انه عفتها على بدريه انه مو مهمتي هاي

- صيحها لبدريه
صاحها شويه واجت
بلي حجي امر

- نايمه وتعرفين شي عن الجهال نامو لو لا

-اي حجي نامو

- وهااااااااي
هاي شتسوي كاعده

- باوعتلي بودها تاكلني
والله تخلصين مني اليوم والله

- باوعلي بنظره من فوك لجوه همس جيبولي اني اخليلها اثر بعد متعيدها
امشي جيبلي شيش حامي

- بجيت وصرت اكمز وهو لازم ايدي
لا لا لا والله ماعيدها والله بعد مااسويها والله ابد والله توبه

- منو معلمج هيج توكفين وتباوعين شدراج احنه منايمين لهسه

- سمعت صوتهم والله

- بدريه:- هاي ماتفيد بعد انه اكول لو نتخلص منها

- باوعلي بتركيز وتكلم بهدوء
هز راسه بالرفض
لا تفيد. لمن تكبر خوش ربح يجي من وراها حليوه هاي

- سعدي جاب شيش حامي مبين من لونه مائل للحمار اني من شفته خفت وصرت ارتعش وابجي
عمو والله ماسويها بعد
والله ماعيدها
الله يخليك
واكمز واتلوى بين ايده هو ضاغط على ايدي بقوه همس
شششششششششش
اخذ الشيش من سعدي وخلاه على رجلي اني كمزت بصرخه صوت هو ضغط على حلكي
سكتييييي
اششششش
صم حلكي واني عيوني تجري دمع بألم بألم
وجع شاغت روحي
همس يم اذني
حتى متعيديها نوب
اخذتني بدريه وفوتتني جوه بالغرفه
واني الوب من الوجع
ابجي وعيوني جمر تصب وي الوجع ليلتها مانمت وابجي بسكوت واعض بالمخده من الالم خاف اطلع صوت ويجوني نوب
كعدو الكل حتى يكدون وانه ماكدر مكان الجويه وارم ويألم بيه وجع وجع
صرحت بيه صوت

كوووومييييي يله وياهن

- ماما حموت وجع
باوعتلي تنهدت راحت فاتت جوه شويه وطلعت بيدها شاش و ابره خياط غرزت المكان الي وارم طلع مي وجراحه خلت تعقيم عليه ولفته بالشاش

-يله هسه ترتاحين كومي

- ارتحت شويه احسن من السابق وكمت وياهم بس بعده الالم بعده الوجع
كضيت النهار بالتقاطعات نوبه اوكف ونوبه اكعد ماكدر ابقه واكفه ويومها مالميت هواي فلوس عدنه سعدي يحاسب اكثر من الحجي ويدور ويانه
جنت لمن اوكف واشوف الناس دائما توكع عيني على الاطفال خصوصا لمن يرحون للمدرسه
اشوفهم مبدلين ونظيفين وحذاء نظيف واني لااروح ولااتعلم ولاشي كلشي ماكو
جنت اتمنه لو عندي ام واب واعيش مثلهم
شيصير لو مثل هاي الطفله الي امها تمشي وياها توديها مدرسه
دائما اعلق امال للمستقبل لمن اشوف الناس واكول معقوله يجي يوم واصير مثل هالناس

اخر اليوم نرجع ونام الي جنت الاحظها البنات الي حلوات كلش بعمر ال 14 يختفن ماعرف وين يروحن
جان عمو الحجي يحب البنات ويخاف علينه ماعرفت شنو السر وليش.

تمر بينه السنين وصار عمري 12
سنة وتعودت على الشوارع وعلى التسول وعلى الوكاحه
جريئه واتكلم مثل الولد شخصيتي شخصية ولد ماتحسها بنيه صرت اتصرف مثلهم والي يمسني بكلمه ارده بعشره
حتى الولد كانو يتجنبوني بالقاطع محد يندك بيه
عكس البقيه من البنات
تقاطع احد الشوارع.......

جنت واكفه لما صار حادث بالشارع والناس التمت وثنين يتعاركون اصحاب السيارات
شفت واحد طويل وضخم يريد يضرب واحد والناس واكفه بينهم ولازمين الرجال الضخم عرفت هذوله اصحاب السياره الي مسوين الحادث

وكفت على مقربه منهم وسمعت الصياحات جان هذا الرجال الضخم يصيح ويغلط

- اعمى انت متشوووف سايد مو سايدك شطببك بي

- شارع مال ابوك اني بكيفي

- بكيفك والله اليوم لاادفنك انت وعايش استهتار هو سيارتي فلشتها اليوم انعل رسك

-اذا انت رجال تعال

- نفر ايده عن الناس بقوه وراح دايكمشه ويضربه وردت الناس تحاجز والصياحات اشتغلت وهذاك يستفز بي اخر شي طلع مسدس وضرب طلقتين بالجو الناس ابتعدت
عرفت هذا مثل الحجي مبين
وراح على هذا ابو السياره الثاني بعد ماتجمد بمكانه وخنس مثل الخنفسانه بحركه خفيفه ضربه وبعدها كله براسه ماعرف شلون هذا وكع بالكاع
اجت الدوريه بعد ماشبعو عركات وهو ماعرف وين اختفه وابو السياره الوكع اخذو ووهو متخربط والناس تطشرت كلمن راح بطريقه حتى السياره الي ندعمت مال رجال الضخم ماكو اختفت

صرت اشوف اشكال بالشارع يوميه حادث ويوميه مشاكل ومرات اتعاكس بس بطبعي ارد مااسكت
صافنه على السيارات
واتذكر اختي هسه صارت بكدي زين تشبهني؟ لو لا؟

سديم.....
في عمر العشر سنوات استقريت بيت خالي الجبير
وعشت عدهم بعمر ال13 سنه توفه خالي وصرت شبه غريبه على بيت خالي مع ذلك بقيت عايشه وياهم مرت خالي مره طيبه وقبلت ابقه عدهم
جانت عدها ولد ثنين وبنيه واني وياهم
بعد وفاة خالي تعب الحال كلش صار حسره علينه المصرف ولدها عطاله بطاله لاشغل ولاعمل ومرت خالي ظهرها نحنى من كعدت المكينه والخياط دتعيشنه
مرات تتعب والحال بتعسر اكثر وتحجي على الولد الي لادراسه ولاشغل

- ولكم يمه شوفولكم شغله ميصير كاضيها نوم بالنهار سهر بالليل انه تعبت مابيه حيل بعد

- محد كلكم تجيبونه لهاي الدنيه
اذا متكدرون على مصاريفنه ليش خلفتونه

_ هذا شلون حجي وانه ادري هيج حيصير بينه انه ادري حيموت ابوكم ويعوفكم بهذا استهتاركم عليه
وين اروح وين انطي وجهي
فاتت للغرفه وسمعتها تبجي
فتت وراها

لكيتها مخليها ايدها على جبينها وتبجي

- خاله لتبجين انه من باجر اشوف شغله واشتغل واساعدج

- يمه تاليتها النسوان تعيش الزلم هاي وين صايره

- شنسوي قدرنه هذا

- واحدهم بسمن الثور مدد ونايم وانه ظهري انكسر من كعدة المكينه مايكول واحد منهم خطيه امي

- بعدهم شباب وميعرفون

- وانتي شكبرج على هذا كلامج توج 14سنه وهيج تحجين وتحسين

- خلص عمه انه اشوف شغله واشتغلها

- لا يمه انتي بعدج صغيره اخاف عليج
اهتمي بدراستج بلكت تفيدينه بشهادتج

- الله كريم ان شاء الله

- جرت نفس تنهدت
تدرين لو امج عايشه وتجي هسه تشوفج كبرتي وشلون صرتي جان مالمتها الدنيا من الفرحه

- هاهيه نصيب حتى اختي الي بقت من ريحة اهلي ماوعيت عليها

- اختج فص ملح وذاب منعرف وين ماوين هي
اوووووف لتذكريني يوم اسود جان

- شلون خاله سولفيلي

- جانت بيت خالج ارشد داتلعب بالباب
تأخرت بيومها عن دون الجهال بقت بالشارع ومبتعده شويه عن البيت وانفقدت
بيومها دورنه الديره كلها ماكو ماهي خوالج كلبو الدنيا على روسنه ويصيحون عرضنه محافظنه عليه ياسوادة وجهنه من العشيره
واكلو كلوبنه اكل شبدينه يمه

- عمه منار عمرها ماحبتنه طبيعي يصير هيج

- للامانه بيومها جنتي انتي بالحمام جاي تسبحج وهي وحدها بالدرب واختفت وندور عليها ايام واسابيع وشهور لاخلينه مستشفى تعتب لاخلينه مراكز كلشي ماكو ماهي

- يعني عمه وين تعتقدين هي

- باارض الله هاي الواسعه لو ميته ومندري عنها شي

««دائما يكولون الموت صعب بس الاصعب من الموت فراق الاحبه
قالها سيدي علي ابن ابي طالب
صعب من تفقد شخص ماتعرف شي عنه ميت او عايش جوعان اوشبعان بردان او دفيان وين راح وين صفه بي الدهر تبقه بحيره ومتعرف شنو تسوي
يمكن بكل دكة باب تتخيله هو
يفز كلبك وي كل دكه ويرجع بخيبته من جديد»»

#يسعد_اوقاتكم_بكل_خير
#توقعات_الابراج_ليوم_الاحد_والله_اعلم

#الحمل
مهنياً: يوم جيد جدا فلن تظل وحيداً ولن تتعثّر خطواتك، بل المطلوب منك تكرار المحاولات والتقدّم حتى لو شعرت بثقل الضغوط او تردّدت في اتخاذ الخطوة.
عاطفياً: لقاءات رومنسية مع الشريك، لكنك تتخوف من الموضوعات الحساسة معه.
صحياً: استفد من الطقس وانطلق في نزهة في أحضان الطبيعة.

#الثور
مهنياً: قد تعاني شعوراً بالإحباط والملل وهذا ربما بسبب الجمود المسيطر على اجوائك، لا تقلق، فهذا أمر طبيعي في هذه الفترة.
عاطفياً: يبدأ الحظ المعاكس بالتراجع، وينصح لك الفلك عدم القيام بأي مغامرة جديدة إذا كنت تصبو إلى ذلك.
صحياً: وفر طاقتك ونشاط للقيام بما يعود عليك بالفائدة صحياً ولا تهدرهما في ساعات العمل الإضافية.

#الجوزاء
مهنياً: مشروع ناجح نتيجة سهرك وحرصك على كل خطوة كنت تقوم بها وتنال التهنئة.
عاطفياً: توتر في العلاقة بينك وبين الشريك لأنك متشائم، لكنه يحاول أن يزرع الأمل فيك.
صحياً: استمر في ممارسة رياضتك المفضلة وحاول أن تشرك الآخرين معك.

#السرطان
مهنياً: النقاشات غير المجدية لن تكون عاملاً إيجابياً لتبديل بعض الأمور التي تلوح في الأفق.
عاطفياً: اذا كنت تريد تحسين وضعك العاطفي، عليك بذل جهود أكبر لتحقيق الهدف الذي حددته لنفسك.
صحياً: يجب أن يكون الفراش والوسادة مدروسين طبياً بسبب آلام ظهرك ورقبتك.

#الاسد
مهنياً: قد تحصل على ارباح غير متوّقعة، وتتلقى دعوة لمناقشة مشروع معيّن وتكتشف العديد من القواسم المشتركة مع أحد الاشخاص.
عاطفياً: تميل إلى شخص تعرفه يوقظ مشاعرك وتعود إلى الماضي وتبحث عن حب قديم.
صحياً: لكي يكون يومك مريحاً عليك النوم الساعات الضرورية لتستيقظ نشيطاً.

#العذراء
مهنياً: عناوين مهمة وكبيرة للمرحلة المقبلة، لكنّ الإنجازات قد تتطلب بعض الوقت، فلا تتسرّع حتى لا تدفع الثمن.
عاطفياً: الوضع العاطفي يشهد جدالاً وخلافاً لا يلبثان أن يزولا، وتكون الأجواء أكثر إيجابية معك وتحمل إليك المفاجآت.
صحياً: لا تغامر بوضعك الصحي مقابل حفنة من الأموال ستجنيها مقابل ساعات عمل إضافية.

#الميزان
مهنياً: نظّم اعمالك وراقب أرقامك وحساباتك ولا تتكل على الحظ، وربما عليك الانسحاب أو الانعزال للتفكير.
عاطفياً: تكون جريئاً في طرح الموضوعات والدفاع عن حقك مع الشريك، لكن شرط التحرك في الإطار الصحيح.
صحياً: حذار انفعالات وتصرفات خاطئة مع الآخرين تسبب لك مشاكل صحية أنت بغنى عنها.

#العقرب
مهنياً: يحمل القمر المتنقل في برج الحمل آمالاً جديدة وانفراجات في بعض المجالات تمتد آثاره الأيجابية لتطال محيطك المهني.
عاطفياً: قد تصلك أخبار جيدة وتكون مفيدة لك على كل الصعيد العاطفي وتبدو متحمساً وتصبح شغوفاً وكثير الرغبات.
صحياً: تجنب قدر الإمكان إرهاق نفسك في أمور لن تعود عليك إلا بوضع صحي متوتر.

#القوس
مهنياً: تكون مفاعيل المثلث الفلكي الناري هذا اليوم إيجابية جداً ويساهم عامل طارئ في حل بعض العراقيل الصغيرة.
عاطفياً: محاولات الشريك للسيطرة عليك متواصلة، لكنّك لن تكون مقتنعاً بما سيقدّمه من اقتراحات، فكن حذراً.
صحياً: التقلبات الصحية التي أنت عرضة لها سببها إهمالك المتواصل وإرهاق نفسك أكثر من طاقتك.

#الجدي
مهنياً: يدعوك هذا اليوم إلى الهدوء والابتسامة وبيشر بعلاقات حلوة اجتماعية ومهنية وغيرها.
عاطفياً: بانتظارك أجواء عاطفية مرضية، ولو انك تعيش تناقضاً بين خياراتك وحياتك العائلية وأعمالك ومسؤولياتك.
صحياً: لا تقدم على أي مشروع ترفيهي كبير وحدك، بل تشارك به مع الآخرين.

#الدلو
مهنياً: كرمك وجودك وإحسانك إلى الآخرين صفات تميزك وترفع من رصيدك بين الناس، وبانتظارك حدث سعيد قد يكون نجاحاً باهراً.
عاطفياً: المساواة بينك وبين الشريك تكون لمصلحتكما، وهذا ما يعزز الثقة والتفاهم بينكما.
صحياً: لا تؤخر البدء بممارسة الرياضة الصباحية إلى الغد، فخير البر عاجله.

#الحوت
مهنياً: أوضاع مالية وترتيبات تُفرض عليك وبعض المفاوضات المهمة جدًّا، والتي تتعلّق بممتلكاتك ومكتسباتك.
عاطفياً: تُبدي اهتماماً كبيرًا بالشريك وتطّلع على بعض الامور التي قد تبقي العلاقة على أفضل ما يكون.
صحياً: لا تتسرع في الموافقة على اتباع نظام غذائي قبل أن تدرسه من جوانبه كافة، لأن الندم قد لا يفيدك لاحقاً.

#فقرة_شعر
ولا تگــول الفـرگـة هينــة
الـشيبــة مـن تدخـل گصيبـة؟
تـودي جيل لغيـر جيل......💔

صَح متعوبة
بس بيّها الحِسن يسوه
ألحزن حاضنهّا چيّ حلوة

#عله هذا التعب والشوگ🥀

همزين العمر يگضي💔

#فقرة_هل_تعلم
‏ :

الإحترام يحافظ على عمر العلاقة
ليس احترام الالفاظ فقط ، وإنما احترام
مشاعر غيرك ، احترام طموحه ، احترام رأيه
وعقليته ، احترام وتقدير حالته النفسية .

#قصة_عراقية
💍من اجل عينيك 👆عشقت الهوى:
#بارت٢

الغرق ليس السقوط بالماء
لا احد يصف السماء بالغارقه
لكنها تغرق في الهواء
الغرق معنى وصفف قاتل
الغرق ان تسقط بمكان ليس لك
أن تتقمس شخصية لاتعود لك لاتناسبك
الغرق أحيانا ألم
يوجع الروح لا الجسد
ـــــــــــــــــــــــــــــــــــــــــــــــــــــــــــــــ

مرريم.....

كلمة انو احنه دانكبر مو كلمه عاديه
نكبر معناها نتغير نتعلم نبدي من جديد صرت احس كل يوم اكبر سنين من الي اشوفه واسمعه صرت اعرف وين يروحن البنات الي بعمر ال 14 سنه
بعد ما سمعت بدريه تحجي وي سراب وتعلمها

- اسمعي انتي حتخلصين منا وترحين يم وحده حتعلمج شلون تشتغلين كلشي دكلج عليه سوي لاتكلين لا فكي عينج واذاناتج زين

- شنو راح اشتغل

- هي تعلمج راح تشتريلج ملابس تخص الشغل وراح الفلوس تكوم تطش عليج طش تصيرين مو بحال فلس هسه اتفقنه عرفتي شتسوين

- اي

استغربت شنو هذا الشغل الي راح يخلي الفلوس هيج تتناثر عليها اجه بالي الموقف لما مره شفت الولد سهرانين واحد منهم كام يركص والثاني طش عليه ويضحكون ويتشاقون
سألت دعاء

- اكلج سراب وين حتروح

- هاهيه حيجهزوها للشغل

- ياشغل

- تسكن بشقه تخبل وتشتغل راقصه
اووووف شوكت يجيني السره واخلص من بهذلة الشوارع

- كشت روحي وخفت
بس بس هيج يعني

- لا واشكال بعد

- زين انتي شمدريج

- سلام حجالي

- انتي محتبطلين وساختج ويا

- احبه ويحبني

- اي وتتزوجين وتجيبون جهال يكدون مثلنه

- اوي يازواج بطرانه انتي

- فتحت عيني بوسعها شنو لعد

- هيج بس حب
اكلج يوميه بالليل يكعدون ويجتمعون الولد تمشين نروح يمهم بالليل

- وشنسوي

- نغير جو وهم ابد ميحجون ميكلون للحجي ابد

- انتي شنو رحتي بمهم وهيج تدرين

- اي مره اخذني سلام وسهرت يمهم
شلون اكل وشلون كعده تخبل

- لا. لا الحجي اذا اجه وشافنه يموتنه كتل

- ولج ميكلون وحتى اذا اجه يضموج عنه ميخلو يدري يدرون بي ميقبل

- ماعرف

- لتخافين وهذا الحجي اصلا فد واحد اناني ولئيم يريد يكرسنه لشغل توالي الليل مو حبا بينه ميقبل

- بلعت ريك وسكتت

- اصلا مره سولفلي سلام كالي لو تجيبين وياج كم حديثه جان نطيتكم هواي فلوس وتتونسون وترحون ولج امشي قابل نبقه هنا مكابلين بدريه وناكل المرك التسوي جنه مي حار بس لون ولج لو تشوفين شياكلون كله مشاوي وفواكه وفلوس ويشربون شي يريحها للاعصاب هذاك اليوم جان سلام فد ضايج طلعه للبطل وشرب شرب جان يكوم يضحك ردت منه بس كالي لا هذا بخليج بس ترتاحين وتضحكين ويكشفج الحجي

- صدك

- اي والله
باعي اليوم اكله لسلام راح نجي يمهم وره متنام بدريه

- يله ماشي

خوش

انتظرنه الكل ينام وبدريه طلع صوت الشخير مالتها عرفنه غطت بنومه كمنه اني ودعاء وحده تهمس للثانيه

- يلا

يلا امشي

مشينه بهدوء وعلى كيفنه لحد ماطلعنه بره
وجان سلام واكف ينتظرنه اول مالمحته من بعيد حلت ضفيرتها كرصت خدها حتى يصير وردي واني صافنه عليها فاكه حلكي هاي شجاي تسوي
جان تلتفت عليه
امشي امشي

مشيت وياها ورحنه سلام ابتسم من شافها ومشينه سويه رحنه للبيت الي هم كاعدين بي جانو كاعدين بالطرمه ( الكراج)
الطرمه جانت جبيره توسع لهواي اشخاص وجانو

الكاعدين تقريبا كلهم عدا الحرس الي يفترون بالحي
بال30 واحد كاعد مابين كبار وصغار بالعمر جان اكبر واحد بيهم ب 40 سنه واصغر واحد ب 20 سنه
ريحة الدخان النراكيل والجكاير ماليه المكان بحيث من كثر الدخان حتى تحجب النظر
كعدنه يم سلام الي قدمنه الهم عبالك طبق فاكهه
وكلها فرحت من شافتنه
كعدنه اباوعلهم الي يشم والي يبلع حبوب والي يشرب والي يدخن شويه وعلكو اغاني وكوموها ل دعاء حتى تركص واني اباوعلهم متقززه من الي شفته رغم مو جديد عليه المنظر تذكرت لما شفتهم وكت كنت صغيره والحجي جواني رفعت ثوبي شويه شفت اثر الجويه ورجعت غطيتها انتبهت لسلام مركز وياي سويت نفسي مانتبهت

- همس: كومي وياها

- لا لا ماعرف

- لج يطشون عليج فلوس وتاخذيها الج

- لا ماعرف

- سمعنه الي يمي كاعد جان رجال بعمر 45
ليش متقبلين تستحين؟

- لا بس ماعرف

- تعالي انه اعلمج وسحبني من ايدي وتلمسني برحكات مقززه من جسمي لعبت روحي وكمت عنه نفرته وطلعت اركض ولحكني سلام ودعاء

- تعاي وين رحتي

- اني اركض وسلام ركض بسرعته لزمني
ولج يواش يواش
وين رايحه لايشوفج الحجي تردين تبلينه

- كمت ابجي
اريد اروح ما معليه وانتي دعاء اني اعلمج

- كبر شوفي شكد حصلت

- سلام. اوكفي خل اخابر الحرس اشوف الحجي خو ماجا للحي ابقي

- خابرهم وماجاي طلع كال
يله امشو ولتفت لدعاء
بعد لاتجيبيها لهاي الجبانه وياج

- اني مو جبانه ولتحجي عليه مااسمحلك

- شبيج مو مره شكو كمتي تتنعوصين

- مااجي والا لااكول للحجي

- التفت عليه وخزرني يريد ياكلني
اقسم بالله اذا حجيتي وكتيله وصار شي ماتلومين غير نفسج

- عفته وصرت امشي بهروله خفيفه وهم وراي
وصلنه لبيت بدريه ودخلنه جوه وبعدها على نومتها
مددت بفراشي وخليت الغطى على راسي رغم صيف وحاره
وكمت ابجي بخنسه لحد ماغفيت
وثاني يوم طلعت هم للشوارع من الصبح نكضيها وي الغروب الا نرجع لاريوك مثل البشر ولاغده ناكل خبز وطماطه هيج ب العشره هو غده هو ريوك وهاهيه
عيوني كمت احسها تغوش ماعرف من الجوع ماعرف من حرارة الشمس اتعب اكعد استظل الظهريات بالفياي عن الشمس والهوى اللاهب يضرب بينه عينه يمنه ويسره فد لايجي سعدي شيخلصنه
اباوع لهدومي هتكت من الحر وكثر ماابقه بيهن
امسح عرك الي على الجبين وارجع للشارع
وهيج اكضي اليوم صرت
مرات نرجع للقطاع من وكت نلكه الولد ماهم ماموجودين ومنعرف وين يروحون الا نص الليل نحس عليهم ونسمع صوت سيارات وبيها صناديك مخضر ومن تجي هاي السيارات الحراس ساحبه اسلحتها ويمنه ويسره يباوعون والحجي يفتر يمهم يروح ويجي وعينه على الساعه بهذا الوقت كمت اشوف الحجي لمن تجي هاي السيارات ومره شفت نزلو ثنين مربطين عيونهم مشدوده ودخلوهم جوه
صرت اتعود اشوف هيج مناظر فصارت عادي
مشاهد الخطف تتكرر هواي كمت اشوف شباب مربطين وعيونهم مشدوده ويدخلوهم لبيت من البيوت قطاع كامل كله تحت امرة الحجي
بيوت بس البيوت تابعه اله ومالته كم بيت نعرف شبي مابي بقية البيوت منعرف سرها شنو غموض خارق رغم ربيت بنصهم
مرت الايام والشهور صرت اتعلم من كل موقف من كل يوم من كل شخص
صحيح صغيره بس محد يكدر يتحارش بيه من الولد عكس البقيه وكلها تجفه شري ومتتقرب مني
من بعد الي صار هذاك اليوم صرت اذا احد يمد ايده اكسرها
صرت سليطة اللسان واليطخني بكلمه ارده بعشره حتى بالشارع لما مره تحارش بيه شاب كان يقود سياره مبينه فخمه وغاليه

- تعالي وياي اصعدي وانطيج فلوس شكد متردين

- جر منا مافيدك

- وعيونج تفيديني

- كتلك جر منا هوينه يله

- اموت بالحلوات وام لسان ولج ماالله يهديج وتصعدين

- باوعتله وهو منزل الجامه السياره خطيه عباله نعجبت بي فرح بصقت بالكاع ومشيت

باوعلي سعدي بتمنن مبتسم ومشيت
كمت احس روحي دااصير اكثر نباهه بحيث عن الاولاد الصغار اني ادافع عنهم مره ولد ضرب حمودي كان طفل صغير عمره 8 سنوات بقيت امشي وراه لحد مالزمته وضربته طيحت حظه رغم الولد جان بعمري لكن اني ابين اكبر بطولي وجسمي
واستمريت هيج لااحد من الولد بالقطاع يتدنالي ولا بالشارع عبالك رجال مو مره بيوم جنت طالعه من الحمام الي هو اساسا خارجي وبي ثقوب فلمحت عنتر يباوعلي من الثقوب طلعت وتعاركت ويا ضربني بكف رديته بخشبه على ضهره ودايردني تلكاه سعدي

عوفها

- هاي المسترجله اذا ماتربيها اربيها انه

- شجابك يم حمامها

- دااجيب الطير بحالها بحال خلقتها انه

- عوفها يله امشي

- سعديييييييي وخر عنيييي

- يجي الحجي واكله هي هم كبرت مالها مكان بينه بعد لما اجه الحجي للقطاع صاحلي

باوعلي من فوك لجوه مخلي رجل على رجل ويدخن وينفخ الجكاره فوك بالهوى يحجي برود

- هي هاي الكتولي عنها

- اي حجي

- لويش ضاربه الولد على ضهره

- جاوبته بحديه مخليه عيني بعينه ولاخفت
يباوعلي واني بالحمام

- صاح عليه
وين هذا العوينجي ولك وينك

- نعم حجي

- ليش تباوعلها من قحطت النسوان

- حجي جذابه جنت اجيب الطير

- التفت رد برود جان يجيب الطير ليش تتهمي

- واني شلون عرفت بي وره الحمام لو ماشفته دايباوعلي

- باوعله ونزل عينه ماحجه
بعدين حجه بنتره
انه مو كايل بنات القطاع تشيلون عينكم منهن نسوان داجيبلكم شنو التردو بعد

- سعدي:- حجي صارت بعد متصير

- شوف ولك اذا بعد دنيت يم الحمام اطير لوزتك البنات هنا مايقترب عليهم احد افتهمت

- سعدي:- حجي مو تشوف هي هم كبرت ومفروض مالها مكان هنا يعني القطاع كله زلم وهي حليوه هم اعذرهم

- باوعلي واحسه مو نظره طبيعيه
رد برود
لا بعدها هاي خليها
ويله روحو وصيح بدريه

- ماشي حجي

- رحنه واني فرحت لان مراح اطلع وياهم عرفت الي تروح منا يشتغلون عليها بتوالي الليل الجديه ارحم من هاي الدروب

شويه واجت بدريه وصارو يتهامسون هي وسعدي

كال الحجي اجهز الحديثات عدا مريم

- ليش مايقبل وفوكاها هي حلوه يعني خوش شغل تجيب

- مادري عجيب

- خاف حيخليها اله

- يمكن كلشي جايز لو لواحد من ولده

- هم ولده وينهم وين هذا الشغل ماعتقد

- هي تبين

بكلبي كلت عزه بس لاصدك يستكعدني الي وهذا بكد ابوي جبير خفت هواي وبليلتها منمت على عكس البنات الي مكيفات حيروحن منا ومن ضمنهم دعاء

- فرحانه دعاء حتروحين؟

- كلش كلش بس قاهرتني شغله

- شنو هي
- سلام بعد مااشوفه وراح اشتقاله وانتي هم

- دعاء ديري بالج على نفسج

- لتخافين عليه بس انتي شعجب ماقبل الحجي ترحين

- ماعرف دخت

- غمزت خاف مخلي عينه عليج

- لا فدوه شنو يخلي عينه عليه اموت روحي غير

- هههههه يله يولو شبيج غير تصير كلشي تحت امرتج وسيطرتج
صيري سبعه وجري خلي يتزوجج مو كضية كم يوم

- ولج يتزوجني شنو بكد ابويه بكد ابويه داتفتهمين شنو يعني

- ولج غبيه سلطته تخليج تشوفي زغير امداج

- ماعليج بيه عليج بروحج

- اني اوووووووف( باوعت لفوك وجرت نفس بفرحه بتأمل ) اني الا اوكع واحد ثكيل بشباكي واتزوجه واعيش

- وسلام

- سلام هيج حب ويروح بمرور الوقت

- وهو حيسكت

- شحده شيريد بعد ماعنده شي يمي

- هسه كلتي حشتاقله

- اي بس مو اشتياق اتزوجه واعيش ويا مايفيد بهاي

- لعد

- لا حبيبتي شوفي
راح اكلج شغله وخليها ترجيه بااذنج
تحبين شي وتزوجين شي ثاني
احبه لسلام اي بس اتزوجه لا

- هاي شنو

- اي شبيج مستغربه يعني خل اكلج
سلام يشتغل عند الحجي شهريته يادوب تكفي عيشه نفرين بالزايد واني طموحي واحلامي متخليني افكر بواحد مثل سلام اتزوجه
يعني تخيلي تزوجنه وخلفنه شراح يطلعون

- حسب متربيهم

- حيطلعون مكادي يالفهميه مكاااااااااااديييييي

- ليش خو تبنون حياتكم بحب وتخلفوهم وتعلمومهم الحب

- اي وشوكلهم شلبسهم الحب مالتج
بابا الحب مو كلشي انتي شبيييييج فكي لهذا هذاااا وتأشر على دماغي وتحجي بشمخره جنها ولد

- ااااخ هاي شبيج

- شوفي انه رايحه ويمكن نتشاوف مره ثانيه ويمكن لا بس حنصحج نصيحه
الحب مو كلشي انتي حلوه وتبينين اكبر من عمرج توكعين اكبر شارب ارسمي مرتسم حلو وتزوجيلج واحد ثكيل واطلعي من هالخيسه هاي وانه وداعتج متسمعين بيه غير موكعتلج واحد ثكيل وعود تجيج اخباري 1

-دعاء منو يباوع لمثلنه حتى لو حلوات نبقه مكادي بالنهار ونسه بالليل كل عقلج

- بيدج افتهمتي بيدج وانه حعرف شلون اخلص روحي عبالج انه حصير مثل المره الي جابتني للدنيه وذبتني بالشارع لاااااااا انه مو هيج

- وعيانه دعاء

- جنت انتظر هذا اليوم بفارغ الصبر اصطبري بس وتعرفين

- الله يوفقج دام امنيتج تستقرين وتعيشين

- ماكو وحده ماتتمنه تستقر وتعيش بس الظروف ااااخ الظروف

- تنهدت وجريت نفس
نامي باجر ترحين

- حنام تصبحين على خير
نامت وبقيت حايره وافكر وقلقه مرت عليه اوجاع الماضي والضياع وكأني اعيش اليوم الي خطفوني بي واني صغيره وفاركت اختي سديم الله اعلم هسه شلون عايشه وشنو ضروفها 2

سديم.....
ظروف صعبه نعيشها ومرت خالي تعب حيلها السكر والضغط مخليها تكون خامله حتى على المكينه مكاعد تكعد مثل قبل
ثالث متوسط والامتحانات على الابواب اروح وارجع للمدرسه افكر شلون حندبرها ولدها لااحساس ولاضمير هه ويكولون الولد عزوه
عزوتيش وهم اكل ونوم واستهتار اني بنيه وافكر احسن منهم
بيوم جنت كاعده يم البنات بالساحه وسمعتهم يحجون جانت وحده ابوها مدير دائرة

- اني بس اكمل ثالث اتوضف على شهادة الثالث

- معوده وين اكو وضيفه على شهادة الثالث

- اكوووو بابا عنده موضفين على شهادة الثالث

- ماعرف بس يعني تفيد

صفنت وسرحت بخيالي اييييي خوووش اشوفلي وضيفه على شهادتي واشتغل بقت الفكره مجلبه براسي خلصت امتحانات وكعدت كلشي ماعندي
والوضع يزداد سوء وافكر شلون اكضيها وشراح اسوي صرت الليل ماانامه افكر ششتغل شلون اروح اشتغل بالدائره مال ابو سهى واكلها اي اكلها ليش لا
ثاني يوم الصبح لبست ورحت لبيت سهى حتى اكللها
تكل لاابوها

- سهى اني جايتج بشغله

- كولي

- اني محتاجه شغل تعرفين صارت عندي شهادة ثالث وابوج مدير داىره ف بلكت يشوفلي شغل

- اي بعيني يجي واكله
زين انتي عندج موبايل اتصل لو شلون اردلج الخبر

- اني باجر امرلج

- ماشي تدللين

رجعت على امل الاكي شغله واشتغلها وثاني يوم من الصبح رحت الهم

- ها بشري

- والله ماعرف شكلح سديم بس ابويه ماقبل
كال انتي بعدج صغيره
بس اكدر اشتغل

- بس العمر يلعب دور

- ( بخيبه) ماشي اشكرج تعبتج

- اعتذر منج

- لا ولو مصار شي

مشيت وخيبه جبيره داهمتني حايره شسوي
شايله هم عائله هي بالاساس مو عائلتي بس ربيت عدهم كل هاي السنين لازم احير لازم اشتغل لازم نعيش
وكتتتت بنيه تحير بالعيشه وذكور دور مصرف من النسوان
تمشيت ولفت انتباهي صالون للحضه اجه بالي افوت واكللها اشتغل وياهم
اي ليش لا اروح واجرب الشغل مو عيب احسن من ما نمد ايدنه للعالم
رحت فتحت الباب جانت مره وهي ام الصالون لابسه برموده وكيمونه ورافعه شعرها مكياج مخليه وتعلج علج ويمها ثنتين عاملات يشتغلن وياها وزبائن بالمحل وكفت على جنب خجلانه خاف احجي وتفشلني كدام هاي الناس وخاف اسكت وارجع وماالكه شغل بقيت كاعده انتظر الناس تمشي وافرك ايد بأيد من توتري
اشتغلت اشتغلت بعدين حجت وهي تباوعلي بالمرايه بدون ماتلتفت واني صايره كبال المرايه

كولي عيني ششتغلج عروسه وي العرايس تحفين تصبغين شو ماكلتي صار ساعه كاعده

- رفعت راسي واشرت على روحي اني

- اي انتي شنو حابه تسوين

- باوعت يمنه ويسره ودنكت باوعتلي بالمرايه وسكتت كملت شغلها وفرغ الصالون كعدت على الكرسي واني اجيت يمها قبل مااحجي تكلمت هي

- محتاجه مساعده مو عروس وماعندج تدفعين صح؟

- لا

- لعد

- اني جايه ادور على شغل اريد اشتغل

- وشنو تعرفين تشتغلين

- اشسور احف انظف الصالون لو تردين المهم تشغليني

- تغسلين شعر الزبائن وتشسورين بالشهر ٢٠٠ تفيدج

- فرحت) اي اي كلش تفيد من شوكت اشتغل

- من باجر تجين الصبح احنا ب 10 نفتح ونبقه للمغرب

- هاهيه باجر يمكم

- خوش هذا رقمي

- بس ماعندي موبايل

- هنيالي شلون اخابرج لعد اذا احتاجيتج تجين بوقت اجازه او مرات قبل ال10 شلون؟

- مرت خالي
اي مرت خالي عدها اجيبلج رقمها وخابريها

- ماشي

طلعت من الصالون فرحااااانه كلش كلش فرحانه
يالله والله خير من الله يعني 200 الف بالشهر وي الي تطلعه خالتي خير وزايد نعمه نعمه الحمد لله

- رجعت للبيت فرحانه لكيت عمه كاعده على المكينه تخيط حضنتها من خلف وعلى فرحتي

- عمه من اليوم بعد ماريدج تتعبين وتخيطين ابشري

- شنو عمه كولي

- لكيت شغل ومن باجر حشتغل

- شنو هو شغلج

- بصالون نسائي

- يالله
يافرج الله

- اي والله عمه الحمد لله تفرج ونرتاح

- شكد يحسبولج

- ٢٠٠بالشهر
- باعي لاتكلين كدام الولد يعتمدون عليج عود اني خابرت حمزه اخويه وكتله عليهم وراح يجي بالليل انتي لتحجين ولتبين داتشتغلين

- ماشي

شعور جميل من تبدي خطوه جديده خطوه نحو الافضل بيني وبين نفسي افكر شلون اشتغل ولازم اهتم ولازم مااتأخر حتى ماتبطلني حتى اتعلم المهنه هم اي لازم اتدرب على ايدها واكون قريبه منها

لليل اجه عمو حمزه وتلكته مرت خالي

- هله بااخويه هله زارتنه البركه

- هلا بيج شلونج

- الحمد لله الا والله ياحمزه هالولد حيجيبون اجلي

-- اني الهم وينهم

- جوه يلعبون بلي

- زعاطيط هم ويلعبون زعاطيط
فتح الباب وكف ويحجي وياهم بحديه بغضب

- متستحون مو عيب عليكم واحدكم بكد الثور كاعد مثل النسوان

- شبيك خالي صدك جذب شصاير

- اسكت
شوفو من باجر ب 6 الصبح امر عليكم تطلعون وياي للعماله

- ياعماله فدوه لكلبك خال وينه وين هالشغل هذا

- اي مو حضرتكم اكل ونوم وينكم وين هالشغل
باجر امرلكم والي مايطلع انعل رسه والله متخلصون مني وتعرفوني من اكلب على الوجه الثاني

- طلع من يمهم وعمه كلتله اكعد حمزه اشرب الجاي

- ممنون منج خويه
كعد واني رحت اسويلهم جاي وكفت بالمطبخ بين ما يصير الجاي
بيني وبين نفسي
والله خوش ظبهم بحجايتين واني كلت هسه يشمرله حجايه بالجذب ويمشي هاي اذا اجه
خدر الجاي صبيته الهم وخليته يم قطع الكيك بالصينيه.وديته الهم شفته ينطيها فلوس لعمه
زاد احترامي اله
بكلبي كلت
ماشاء الله ونعم الاخ بس كلتله اجه طاير اي شبيج ياعمه لو من الاول كايلتله

دااروح كالت عمه

تعالي سديم كعدي يمه

- اخذو راحتكم خاف تردون تسولفون

- مو غريبه انتي يمه كعدي

كعدت وتكلم هو

- كبرانه سديم صايره مره

- سكتت ودنكت راسي بخجل

- تنطيها خلود اذا احد رادها

- دااحجي هي حجت
بكيفها هي بس اذا قسمه زينه ليش لا

- باوعلي واني حجيت
لا عمو اصلا اني اريد ادرس واتخرج

- اكو واحد صاحبي مكلفني ادورله على بنيه يريد يتزوج وهو حالته زينه يعيشج عيشه مرفهه

- بعدني صغيره على هيج امور لو شتشوف

- اشوف تزوجين انتي حتى كعدتج وي ولد خالج غلط منو يتقدملج باجر عكبه وانتي تعيشين وي زلم ثنين

- صلي على النبي خال مو هايتها عمه ويانه وبنتها قابل وحدي

- الناس تغض نظرها عن عمتج وبنتها وتخليكم انتي والولد بين قوسين

- ميهمني الناس الله على اليحجي

- فكري وبقت يمج

- لا عمو مستحيل

- حالته الماديه زينه

- متهمني الفلوس

- احجي وياها خلود
يالله اترخص اني

كام وطلع واني ضجت كلش ضجت هذا صدك يحجي يتشاقه
باوعت الساعه 11 كلت انام باجر وراي كعده
رحت مددت حتى انام وبعد تفكير باجر وحماس نمت وكعدت ب 7 من حماسي
كمت نظفت البيت وحضرت الريوك على نومت عمه كعدت على ريحة الجاي

- يااا شنو هاي مخلصه شغل اليوم من وكت

-حتى اتحضر هم يله اطلع للشغل مااريد اتأخر هذا اول يوم

- ريحة الجاي وصلت للغرفه وكعدت

- ههههه يله لعد خلينه نتريك
الولد طلعو؟

- اي اجه حمزه قبل ال6 كعدهم اجبار واخذهم

- اي كون عاد يستمرون

- ان شاء الله

- تريكت ورحت للحمام سبحت وبدلت لبست فستان طويل ولفيت الشال والجنطه ورحت داامشي تذكرت برقم عمه ورجعت حتى اخذه

- عمه رقمج نسيت اخذه تريده ام الصالون

- اكتبي بورقه

- كتبته واخذته
ورحت

صباح الخير ست

- صباح الخير جايه من وكت حتى بعدها 9 ونص

- اول يوم كلت ماريد اتأخر وهم شويه البيت بعيد بين ماتمشيت

- مشي اجيتي لو بسياره

- لا تمشيت

- هزت راسها بمعنى اي وكعدت كالت
روحي بدلي هسه يجون زبائن حتى نكون جاهزين

- العفو ست بس اني هذا لابسه شبدل شلبس يعني

- كالت بتعجب فاتحه عينها
شنوووووو
يعني نفنوف طويل لابسه وشال وتردين تشتغلين هيج تحجين صدك

- اي لعد شلبس هذا لبسي

- واني مثلا لبسي هذا؟!! لو ابدل من اجي هنا

- مادري مجنت اعرف

- اوووف امري لله كومي كومي تعالي وراي

- تبعتها وفوتتني بغرفة التبديل نطتني بنطرون وبدي وي المحزم لبسته رغم استحي البس هيج جان ربع ردن وهاي اول مره هيج البس مرت خالي جانت متقبل البس قصير او يطلع شعري كدام ولد خالي فمتحجبه اكثر وقتي
طلعت امشي بخجل اعض شفتي مدنكه

- اي هسه تمام شو تعالي هاي الكصيبه شنوووووو

كعدتني على الكرسي فلته سرحته خفيف ورفعته كله فوك ورتبته
اخذت كحل جرت عيني ومسكاره وحمره وردي بناتي خفيف
واني بس ساكته مثل التمثال كلشي مااحجي
شويه وكامو يجون زبائن والعاملات الثنين هم اجن وبديت اول يوم اشتغل اغسل الشعر وانشفه بالخاولي وبعدين اشسور ولما يفرغ شويه الصالون انظفه بدون مادكلي ست سميره ام الصالون
وياها وياها على ايدها اشتغل مااتعاجز استمريت هيج يوميه وهي جانت مكيفه
ولد خالي صارو يوميه يطلعون للشغل وي خالو حمزه وعمه قللت من الخياط لان مريضه
وهيج مشت ايامنه ك بدايه..............

ان تكون قويا وتكسب المعارك رغم جراحك افضل من ان تكون شاكيا منهزما مثيرا للشفقه........

#يسعد_اوقاتكم_بكل_خير
#توقعات_الابراج_ليوم_الاحد_والله_اعلم

#الحمل
مهنياً: تشعر بتميزك واذا حققت انتصاراً ما قد تعيش نوعاً من التباهي بالذات، وتتلقى خبراً جيداً يخص وضعك المالي ومعلومات جيدة، ويكون حدسك ممتازاً
عاطفياً: تتلقى جرعة إضافية لتعزيز وضعك العاطفي، لكن الحذر واجب من بعض المتضرّرين الذين لن ينجحوا في زعزعة العلاقة
صحياً: لا تخالف تعليمات الطبيب وطبقها بحذافيرها، فالنتيجة في مصلحتك

#الثور
مهنياً: يحمل إليك هذا اليوم انطلاقة جيدة نحو آفاق واسعة ونجاحات مهنية قد تساعدك على تطوير قدراتك
عاطفياً: أحداث سعيدة في طريقها إليك تظهر ملامحها في غضون أيام ولا سيما أن النيات صافية في هذا الاتجاه
صحياً: تنتقل من حالة نفسية مضطربة وقلقة إلى حالة من الفرح والسعادة تترك ارتياحاً لديك

#الجوزاء
مهنياً: حاول أن تتجنّب الإرهاق وكثرة المجهود غير المبرّر، لأنك قد تواجه بعض التعب في الأيام المقبلة، ويستحسن أن ترتاح
عاطفياً: تصرّفات غير مبرّرة من الشريك بسبب ردات الفعل التي ظهرت أخيراً منك
صحياً: عليك النهوض باكراً وممارسة الرياضة قبل القيام بأي نشاط أو عمل

#السرطان
مهنياً: القمر في برج الثور يتحدث عن ربح مادي تستفيد منه، وتتحسّن الأمور تدريجياً وينشط بعضهم من أجل إظهار حقيقة حاولت جهة نافذة طمسها في السابق
عاطفياً: التسرع تجاه الشريك لا يفيدك بشيء، لأنك قد تشعر بالوحدة إذا اتخذت قراراً بالانفصال عنه
صحياً: قد تضطر أحياناً إلى الإفراط في تناول المأكولات غير الصحية، لكن عليك الانتباه إلى النتائج

#الاسد
مهنياً: يستحسن أن تنفذ المطلوب منك بنفسك، ولا تعتمد على الآخرين وخصوصاً أنك ستدفع ثمن أي هفوة قد تنتج من ذلك
عاطفياً:عليك أن تقضي وقتاً أطول مع الشريك، فخسارته قد لا تعوّض بعد كل هذا الوقت الذي واجهتما خلاله ظروفاً صعبة
صحياً: قد تمر بأوقات متأزمة وعصيبة لكنها لن ترتد سلباً على وضعك الصحي

#العذراء
مهنياً: يضفي عليك هذا اليوم سحراً خاصاً وتعقد صداقات جديدة وتركز على علاقة لك ناشئة او قديمة قد تشرّعها
عاطفياً: لا تكن متعدد العلاقات و ابحث عن الاستقرار. عليك ان تنتبه اكثر الى طريقة تعاملك مع من تحب
صحياً: حاول أن تبقي روزنامة أيامك ملأى بالمواعيد الرياضية المفيدة

#الميزان
مهنياً: تميل إلى المشاركة في ندوات ومؤتمرات وإلى تلبية الدعوات الاجتماعية. حان الوقت لتهتم بقدراتك الفكرية ولتغني ثقافتك ولتصقل مواهبك
عاطفياً: تشعر بعواطف جميله تجاه شخص تعرفت اليه أخيراً. عليك ان تتخذ قراراً حاسماً بشأن علاقتك بمن تحب
صحياً: إذا كانت صحتك بخير فأنت بخير، حاول أن تبقى كذلك باستمرار

#العقرب
مهنياً: لا تكن متسلطاً في قراراتك تجاه الزملاء، ولا سيما أن بعضهم بدأ يتذمر من تصرفاتك غير المبررة
عاطفياً: عليك ان تمنح الشريك المزيد من الوقت لشرح موقفه من كل الأمور العالقة، وهذا يسهل كثيراً تخطي أي سوء تفاهم مستقبل
صحياً: الإكثار من شرب العصير الطبيعي مفيد، ولا سيما الليموناضة في هذا الطقس البارد

#القوس
مهنياً: تنهمك بجدول أعمال مكثف وعليك أن تنجز القسم الأكبر منه سريعاً، لكنك قادر على إنجاز المهمة على أكمل وجه
عاطفياً: أجواء ممتازة مع الشريك خلال هذه الفترة، ولعل الصدق يساهم في خلق هذه الأجواء
صحياً: انتعال الكعب العالي بكثرة يسبب آلاماً للظهر، يستحسن الاستعاضة عنه بكعب متوسط الارتفاع

#الجدي
مهنياً: أجواء العمل الجيدة ضرورية، بهدف التمكن من إنجاز الأعمال المطلوبة منك بجدارة ونجاح
عاطفياً: تطورات كثيرة في العلاقة بينك وبينك الشريك وخصوصاً بعد الأجواء الإيجابية السائدة حالياً
صحياً: اختيار الأحذية الرياضية الطبية أمر مهم، واستشر أصحاب الاختصاص قبل اختيارها

#الدلو
مهنياً: قد يضعك هذا اليوم في موقف مُربك فلا تنجرف وراء الانفعالات. لا تفصح عن كل ما يجول في رأسك ولا سيّما اذا كان الامر سلبيّاً
عاطفياً: لا تترك الفراغ العاطفي يسيطر عليك وحاول ان تخرج منه. عليك ان تعمل بجهد اكبر كي تنجح علاقتك بمن تحب
صحياً: حتى لو شعرت بأن الطقس دافئ نوعاً ما، لا تخرج من المنزل بثياب خفيفة

#الحوت
مهنياً: يتميّز هذا اليوم بحصول لقاء مهمّ وانفراج على صعيد العلاقات العامة والامتحانات والتواصل مع الآخرين
عاطفياً: الغيرة لن تهدد مستقبلك مع الحبيب لأنك كثير الليونة في تعاملك معه، لكن راع شعوره في كثير من المواقف
صحياً: الصحة السليمة نعمة من الخالق، فلا تفرّط فيها

#يسعد_اوقاتكم_بكل_خير
#توقعات_الابراج_ليوم_الثلاثاء_والله_اعلم

#الحمل
مهنياً: يجعلك هذا اليوم أكثر قدرة على اتخاذ قرارات مادية مناسبة، تتبادل الآراء مع أشخاص قادرين على نصحك، وقد تتبنى وجهة نظر جديدة.
عاطفياً: : يوم ممتاز، يحالفك الحظ في إشاعة السلام والحب وتقريب وجهة نظرك بينك وبين الحبيب على مختلف الصعد.
صحياً: كن حريصاً على أن تنام الساعات المطلوبة لتكون نشيطاً في عملك.

#الثور
مهنياً: تحقق رغباتك أو تعبّر عنها اليوم بالطريقة التي تراها مناسبة وتريحك نفسياً، وتكون قادراً على استقطاب التأييد من أكبر المراجع.
عاطفياً: تبحث في بداية علاقة أو نهايتها وتقيم حسابات للمستقبل أو تستعد لمشروع سرّي كبير يريحك مع الشريك على المدى المنظور.
صحياً: تناول الطعام خلال مشاهدة التلفزيون لا ينصح به أخصائيو التغذية لأنه مضر

#الجوزاء
مهنياً: تتابع بدقة ما يحصل حولك، وتتوصل إلى النتائج وتفرض أسلوبك على الآخرين وتحسم قضية ما بسرعة.
عاطفياً: العقبات الكثيرة لن تحول دون تحقيق بعض الرغبات المشتركة مع الحبيب، والانطلاق في حياة عاطفية جديدة لا تشبه إلا نفسها.
صحياً: غالباً ما يراودك فكرة التخلص من الوزن الزائد، لكنك إرادتك الضعيفة تحول دون التنفيذ.

#السرطان
مهنياً: تشعر برغبة في السفر وربّما بناء علاقة مع شخص من خارج محيطك أو تحقيق أرباح من خلال صفقة تجارية أو تتعلق بالخارج أو بالجامعة أو بمحيط ديني.
عاطفياً: فرص المصالحة قوية ولا تقبل الشك، لكنّ النقاش قد يتطور ويحتدم، فكن صبوراً وموضوعيّا ولا تتسرع في إجاباتك.
صحياً: اضطراب في التنفس ناجم عن خلل ما في القصبة الهوائية، يستحسن مراجعة الطبيب.

#الاسد
مهنياً: تنتقل اليوم إلى مركز جديد يمنحك انطلاقة قوية وحماسية بسبب الرغبة الكبيرة التي تتملّكك لاقتحام الجديد والمجهول.
عاطفياً: تتمتّع بحيوية كبيرة، تصادفك الفرص وتُوفّق في علاقة جديدة مهمّة تحديد مستقبلل العاطفي.
صحياً: إذا أحسست برغبة دائمة في حك بشرتك عليك الإسراع إلى زيارة أخصائي الأمراض الجلدية.

#العذراء
مهنياً: ثقتك بالنفس قوية جداً على الرغم من مرورك ببعض المزاجية أحياناً، لكن إياك والتراخي والانحناء أمام المصاعب.
عاطفياً: كن من أصحاب الإرادة الصلبة أمام الشريك، وأظهر له قدرتك في التغلب على المصاعب.
صحياً: تبدو مرتاحاً نفسياً وجسدياً بعد الرحلة التي قمت بها في أجواء الطبيعة.

#الميزان
مهنياً: يشير هذا اليوم إلى فرص مالية جديدة وأسفار وعروض استثنائية، عليك التخلّي عن انتماء أو معتقد أو موقع للاستفادة من هذه الفرص.
عاطفياً: حاذر من إثارة غيرة الشريك، وكُن دقيقا في حواراتك ومراسلاتك وتعاطيك مع الآخرين، ولا سيما المقربين من الشريك.
صحياً: التقلبات في المزاج سببها نفسي والضغط الذي تواجهه نتيجة الإرهاق في العمل

#العقرب
مهنياً: تفتح صفحة جديدة ومناسبة من المشاريع، ويبشّرك هذا اليوم بتفاعلات مميزة تجعلك تلتقي أصدقاء جدداً وقدامى.
عاطفياً: إذا كنت عازباً هذه هي فرصتك لوداع العزوبية والارتباط رسميّاً والاستقرار وتأسيس عائلة كما كنت تخطط منذ مدة طويلة.
صحياً: الشعور المتقطع بالدوار قد يكون بسبب قلة النوم أو لضعف في النظر50

#القوس
مهنياً: تبدأ صفحة جديدة وتقطف ثمار جهودك، وتتمتع بسرعة خاطر وبقدرة على طرح الأمور بمهارة فائقة تدهش محاوريك أو مناقشيك.
عاطفياً: تحسم أمرك وتبدأ مشروعاً جديداً قد يتعلق بالعائلة أو بعلاقة عاطفية جديدة تعلق عليها آمالاً كبيرة جداً.
صحياً: القلق والاضطراب سببهما معروف، إما مشاكل مهنية أو عاطفية، والحل بين يديك.

#الجدي
مهنياً: يوم واعد على الصعيد المهني، وبانتظارك تغييرات جذرية وترتيب بعض الأمور ووضع حد نهائي لها.
عاطفياً: قد تهتم بشأن ما يزعج الشريك وتشتري له بعض الهدايا في محاولة منك للتخفيف عنه.
صحياً: تابع جيداً البرامج المهتمة بالشأن الصحي وحاول تنفيذ ما تعرضه من حلول للتخلص من بعض المشاكل الصحية.

#الدلو
مهنياً: تحاول الابتعاد عن المشكلات والمسؤوليات التي تضغط عليك، ويبهرك الجديد وتسعى إليه كأنه الشفاء لبعض الجروح السابقة.
عاطفياً: الأجواء خالية من التشنج، وعساك تتعرف إلى شخص يستحق كرمك ونبلك واحترامك وخصوصاً عاطفتك الجياشة.
صحياً: ابتعد عمّن يحاول إزعاجك قدر الإمكان واختر ما يناسبك من الأجواء المريحة والمرحة.

#الحوت
مهنياً: يشير هذا اليوم إلى تجربة مهنية جديدة وازدواجية ما وانفصام بين اتجاهين، حدد خياراتك وكن واضحاً ودقيقاً في خياراتك وأفكارك.
عاطفياً: تتخلص من الالتباس والغموض في حياتك العاطفية، نتيجة إدراكك ووعيك في تحديد خياراتك النهائية.
صحياً: آلام الظهر والكتفين حلها الوحيد هو المشي أو السباحة أو ممارسة تمارين خاصة للتخلص منها.

#فقرة_شعر
بأول يوم نتحاچة
اذكر من سمعت الصوت
تندمت اعله عمري الراح
چني بلا اذن عشته ♥️".

انا المفطوم من سم العرابيد
ويريد يعلمني الغشيم عله الحياية

النكد والنرجسّية وذاك العناد
وضحكاتج التغلب طبعج الجاد
وذوقج بأختيار الاسود عِليج
جمالج جان زايد اصلاً وزاد .

#فقرة_هل_تعلم
‏المالديف أول دولة مهددة بالإختفاء عن سطح الكرة الأرضية بسبب إرتفاع مستوى مياه البحر الناتج عن الإحتباس الحراري. إرتفاعها الحالي ١.٨متر فقط.