#فقرة_شعر
وآنه اعرفك تنجرح
ماريد ڪَلمة تجرحك
وراح آوڪَف بباب
الحجي واسمع الناس شسولفو
وآختار ڪَلمة تفرححك ♥.

لك غير انت ما منتبه
من گتلي صاير حلو
ليهسة جاي اضحك ♥️"

صرت مثلك مو حنين
وبعد متردني الاغاني
هاي اول مرة
من اشتاگلك ابقى بمكاني
ضوگتني الخوف يمك
بعد شتفيد الاماني

#فقرة_هل_تعلم
‏“على هذا الكوكب ، يجب أن تستعمل كل ذكائك لتعيش ، وكل غبائك لتتعايش.”

-

#قصة_عراقية
ورى بيتنا اكو مدرسة مال بنات … من اصعد فوك بسطحنا اكدر اشوف البنات بالصف و اشوف حتى المعلمة .. بس الوجوه ما تبين يعني ما اكدر اميزها لان بعيده شوية المدرسة .. اكو وحده چانت بالرحلة الاولى هي حالها حال الطالبات لابسة صدرية زرگة و قميص ابيض بس الفرق چانت تلبس قمصلة سمائية و الياخة حمره .. چانت مميزة و كل ما اصعد فوك اباوع عليها .. و هي و لا منتبهه عليا .. و لا اصلا دايره وجهها .. طبعا اني چنت خريج بذاك الوكت و اشتغل بليل بمطعم بحافظ القاضي .. المطعم مال اخوية و شغله خير من الله و يوفرلي اضعاف اي راتب موظف بذاك الوقت .. حافظ القاضي چانت تفتح ليل و نهار لان بيها مكاتب نقليات و سفر من بغداد الى عمان و سوريا ..
المهم .. اني چنت احب الطيور و لان سوق الغزل قريب چنت كل جمعه انزل اخذلي طير لو طيرين .. و هالسبب الرئيسي الي چان يخليني اصعد بالسطح .. و بيوم من الايام اني واگف يم ولد صديق بيتهم بصفحة باب المدرسة و هي طلعت و عرفتها من القمصلة .. والله العظيم داومت كلية و تخرجت .. طول وقت دوامي ما شفت بنوته هيج حلوه و ناسكة .. بلا وعي و بدون تفكير سلمت على صديقي و عفته و مشيت وراها .. بقيت امشي و اندليت فرعهم و لان اني ولادتي و كل حياتي بهل المنطقة .. جان عندي ولد ثنين بهل الفرع اصدقائي من ايام المتوسطة .. واحد بيهم لاعب مال طوبة و يلعب فرق شعبية و الثاني يشتغل بالتأسيسات الصحية .. بس بالضبط وين بيوتهم ماعرف بس الي متاكد منه بنفس الشارع .. و بديت انتظرها من تطلع من المدرسة و طبعا المدرسة الاعدادية مالتها بعيده عن بيتهم شي ربع ساعه مشي .. و كدرت احجي وياها اكثر من مره .. بس دائما اكون حذر لان هم مو بس المراه عدها سمعه حتى الرجال سمعه .. و سالفة الطيور اني مو مطيرچي لان بذاك الوكت المطيرچي سمعته محلوه .. اني چنت مربي لطيور الزينه فقط .. يعني سمعتي و سمعة اهلي بالمنطقة حلوه و اخاف لا اجيب حجايه للبنية و لنفسي .. و مثل ما كلت حاجيتها .. و كدرت انطيها رقمي و طبعا هالحجي كومة رسايل كتبتلها و كومة لحكتها يله اقتنعت بسالفة الرقم .. حتى اتذكر جملة چنت انهي بي كل رسالة (الى شمس الشتاء المشرقة رنا) اسمها رنا .. و جانت كل رسائلي باللغة العربية الفصحى وماعرف ليش … و بديت احجي وياها بالتلفون و بوقتها جان عدهم رحلة مدرسية و اتفقنه التقي بيها هناك .. و بذاك اليوم الي هو بسنة ١٩٩٧ .. چانت اول مره بحياتي الزم ايد بنية و هي هم اول مره الها ولد يلزم ايدها .. بيومها جان شعوري شعور زوج و حبيب و صديق و حسيت البنية هاي صارت عرضي و شرفي لان امنت بيا و طلعت وياي وحدنه .. و بنفس اليوم قررت افاتح اخوي لان هو چبير البيت بعد وفاة والدي … و كلتله اريد اتزوج و كيفلي كلش و كال اني اساعدك بكل شي .. بذاك الوكت اخويه كالي شوكت متريد نروحلهم .. و بنفس الاسبوع تواعدت وياها يم مدرستها حتى افاجئها بالموضوع .. و دنتمشى اني وياها و بعدني اريد افتح الموضوع جان هي تعوفني و تركض و ماعرف شلون انداريت وي فرة راسي حسيت شي يتقرب على وجهي و طبببب توثية نامت براسي .. و راسي طك دم .. منو شكو ؟؟ اخوها و جايب وياه صديقه الي هو لاعب الطوبة الي اني اعرفه و بالگوه جره لان سگطني بالتوثية كسرين بيدي لان جنت ارفعها و احمي وجهي … راحو و اني خطيه ولد من المنطقة خلاني بسيارته و ذبني يم بيتنا راسي كله دم .. و طلع اخوي يصيح و التمو المنطقة و اخذوني للمستشفى چبسو ايدي .. اني كل الي صار و الوجع ممهتمله … جنت خايف على رنا .. مرعوب شراح يسوي وياها اخوها ..
و طلعت من المستشفى و حاولت اتصل عليها تلفونهم ماكو و عرفت كلت هاي حاجية لاخوها كل شي .. و رحت بسيارة ولد صديقي بقيت كاعد ليورى و خليته يفوت للفرع و تواصلت وي لاعب الطوبه جان اسمه حيدر .. ركبته ويانه بالسياره .. هو حجالي كالي لك لو مو اني جان موتك هذا مخبل .. و سالني تندل بيتهم كلتله لا و حلفت ما شايفك .. ما تكلي انت متستحي ماعندك خوات .. كلتله لك بابا البنية اريد اتزوجها و روح اسال نصير اخوي فاتحته بالموضوع و اصلا بيوم العركة اني رحت اكلها .. كالي انسى بابا والله مينطوكياها بعد الي صار .. كلتله ليش قابل شمسوي ؟؟
كال لا ابد ممسوي شي بس مصادق بنتهم و تفتر بيها بالظهاري بفروع المنطقة .. سالته عالبنية كلتله متعرف اخوها شسوالها .. كالي ورمها تورم من الكتل و بطلوها من المدرسة .. اني من كالي هيج عفته و رحت لاخوية كلتله باجر تخابر كرايبنه و نروحلهم .. و ثاني يوم خمس سيارات عبيناها زلم و رحنالهم … و طبعا اخوها موجود و ابوها .. رحب بينا ابوها و اخوها ما طب للصاله ابد .. واني كاعد ههههه داير وجهي صفح لان راسي مورم و ايدي مچبسه .. طبعا الاب عرفني مو من ملامحي لان ملامحي مخربطة .. بس مبين شابع كاتل .. و طلبنه ايدها و قبل الاب … و ورى ٣ اشهر تزوجتها .. و طبعا اخوها ورى سنه من صار عندي شموسه الغالية يله فات بيتنا و باركلي و رجعت علاقتي بي ..

و حاليا كل ما نصفن اني و ام شمس نكعد نضحك .. لان بيوم خطوبتنه اني مورم و هي مورمه .. و الحمدلله حاليا شمس متزوجة و سميتها شنس نسبه للاسم الي جنت ادلع بيه امها .. شمس الشتاء المشرقة .. و عندي غيرها علاوي و صفاء و رعد و مريم و اخر العنقود ببش .. اسم دلعها ببش بس هي اسمها براء … و الحمدلله على كل حال ..

#يسعد_اوقاتكم_بكل_خير
#توقعات_الابراج_ليوم_الاربعاء_والله_اعلم

#الحمل
مهنياً: تتحسن الاجواء الفلكية مع انتقال القمر الى الاسد الصديق فيكون الوقت مناسب لدرس المعطيات والملاحظات التي أمامك، ستساعدك في بدء مشروع جديد
عاطفياً: تتهرب من مناقشة مواضيع حساسة مع الشريك ما يزيد من شكوكه تجاهك والابتعاد عنك
صحياً: تكثر العوامل التي تشعرك بالوهن لكنها تختفي أسرع مما كنت تتوقع

#الثور
مهنياً: يحذرك القمر المواجه لبرجك من الاسد من المواجهات الصعبة اليوم، ويطلب إليك التفكير ملياً قبل أي تصرف، وانتبه مما يحاك خلف الستار
عاطفياً: الجهر بمشاعرك تجاه الشريك مهمّ جداً، لكنّ لا تكشف جميع أوراقك في هذا المجال
صحياً: شدة الضغوط اليومية تبعدك عن الأجواء الإيجابية وتبقيك في حال من القلق الشديد

#الجوزاء
مهنياً: يوم مميز تسمع أخباراً جديدة تتعلق بمشروع مهم، صدقك واستقامتك قد يؤثران في الآخرين، حاول أن تحوّل شيئاً ما في غير مصلحتك إلى ما يفيدك
عاطفياً: منح الشريك المزيد من الراحة والتفكير يساعد جدياً في حل المشاكل، وإيجاد مخرج لكل معضلة
صحياً: وضعك الصحي يبقيك في وضع مضطرب وتشعر أن ثمة شيئاً غير مريح يثقل كاهلك

#السرطان
مهنياً: تركّز على علاقة شراكة تبدو مميّزة ومهمة، وخصوصاً أن هذا اليوم قد يفتح أمامك أبواباً مهنية في الأسابيع اللاحقة
عاطفياً: الشريك هو الأقرب إلى تفكيرك، وهذا من أبسط قواعد العلاقة الناجحة بينكما
صحياً: الجهد الذي تبذله في العمل غير سهل، وتكون له انعكاسات سلبية أبرزها الإرهاق الذي يلوح في الأفق

#الاسد
مهنياً: يساعدك محيطك العائلي والأصدقاء على إنجاز مشروع كبير تجني ثماره سريعاً وتكون نتائجه ممتازة
عاطفياً: لا تركّز على الجمال لدى اختيار الشريك، ستكتشف أنه ليس أساسياً على الإطلاق
صحياً: إذا كنت تشعر بأنك في وضع صحي ممتاز فهذه نعمة نادرة اليوم

#العذراء

مهنياً: لا تقدم على عمل أنت غير مطمئن إليه لأنه سيؤدي حتماً إلى الفشل، وأنت لم تعتد الفشل في حياتك يوماً
عاطفياً: لا تتخذ القرارات من دون تفكير طويل وخصوصاً في ما يتعلق بالشريك
صحياً: أنت بحاجة ماسّة إلى الراحة للتخلص من الضغوط المهنية والعاطفية

#الميزان
مهنياً: تعيش تاثيرات ناجحة بحيث يكون الحظ حليفك هذا اليوم وتحقق أرباحاً كبيرة لم تكن تتوقعها أو تحلم بها
عاطفياً: لا تستمع إلى أقاويل الآخرين ولا تحكم على الحبيب قبل أن تتعرف إلى شخصيته
صحياً: تعاني قلّة النوم، فحاول أن تعالج الموضوع سريعاً قبل تفاقمه وانعكاسه سلباً على صحتك

#العقرب
مهنياً: تتبدّل الأجواء قليلاً، ويولد بعض التشنّج في حياتك المهنية وربما بعض المشاكل في النصف الثاني من الشهر
عاطفياً: التشكيك في مدى جدية الشريك ليس جيداً، لأنك قد تكتشف يوماً ما أنه أكثر جدية منك
صحياً: لا تعط أي أمر تافه أهمية، فهو قد بسبب تعباً نفسياً، وهذا ليس في مصلحتك على المدى الطويل

#القوس
مهنياً: يوم جيد ناري بامتياز يجعلك تقوم بأعمالك باندفاع وحماسة ما يشجع المحيطين بك على العمل بجهد أكبر
عاطفياً: تقع في شباك أحد الأشخاص من الطرف الآخر وتشعر بأنك لا تستطيع الافتراق عنه أبداً
صحياً: لا تخف من التعبير عن أوجاعك ومصاعبك، الخطأ مكلف ولن يكون سهلاً

#الجدي

مهنياً: تستقطب الاهتمام، وتعمل بنشاط كبير وثقة بالنفس وتشرق بشخصية مميّزة ويهتم بك المحيط
عاطفياً: طريقتك المميزة في الإقناع تحيّر الشريك، فيصبح متخوّفاً من فرض ضغوط غير معلنة عليه لتحقيق أهدافك
صحياً: سوء التفاهم مع الآخرين يولد مضاعفات خطيرة، لذا، يفضل أن تأتي المعالجات هادئة

#الدلو
مهنياً: يهدّد هذا اليوم ببعض القطيعة والجفاء، إحذر الانتقادات والشكاوى المتكررة عنك، وواجه المنتقدين والمشككين بالحقائق الدامغة
عاطفياً: تحقق اليوم ما كنت تخطط له منذ مدة طويلة، الشريك يصارحك برغبته في مساعدتك لتكون حاسماً في قرارات مصيرية
صحياً: استفد من هذا اليوم المشمش للقيام برحلة أو بنزهة في أحضان الطبيعة للترويح عن النفس

#الحوت
مهنياً: تعرف هذا اليوم كيف تستفيد من الفرص المتاحة أمامك ولكن لا تكن عنيداً ومكابراً أمام أرباب العمل، بل كن ليناً إلى أقصى الحدود
عاطفياً: حياتك العاطفية فارغة ما يزيد من توترك وانزعاجك من وضعك، لذا لا تبق على هذه الحالة مدة طويلة
صحياً: أنت صاحب طاقة كبيرة وصحة حديدية ومحب للطعام الشهي وصاحب إرادة قوية

#فقرة_شعر
ضآجت وشآلت شعرهآ
وگلت فدوه
هسه صآر الزعل يسوه ♥️

اشتهيت انشاف بعيونك
مليت الوجوه المو مثل لونك
انه لو بيك لو يمك ، هناك ارتاح
يعافيتي اربعينك مايشبهونك .

شلون بية ، شلون بيك
گلبي انه تعود عليك
وروحي مو يم جسمي روحي
وگمت احسها بـ بين اديك
وردت اگلك انت اني
ومثل سيف برگبتي تمُر الثواني
ليلي من دونك اخلصة
بالجگاير والاغاني .

#قصة_عراقية
من جان يرجع من الشغل ينطي مصروف لأمي و امي يوميا تنطينه اني و اخوتي مصروفنه … عدنا طاسه فرفوري عالثلاجه يخلي بيها فلوس من شغله … يوميا يسوي هالشي و جان حتى الجمعة مرات يطلع يشتغل …. و هم يسوي هالشي … احنا جان عدنا مصروف بس لان جهال نطمع بالزيادة دائما … فد يوم ابو المحل الي بمنطقتنه جاب ملاعيب و ردنا نشتري نفاخات و طوبة … امي كالت جمعو من مصروفكم اليومي و روحو اشتروها … و لأن احنا جهال و ماعدنا شي اسمه صبر … اتفقنا ناخذ فلوس من الطاسة الي عالثلاجة … جبنا كرسي و خليناه بصف الثلاجة و صعدنه ردنه نسحب فلوس من الطاسة .. و طبعا احنا اربعه … ثنين يراقبون الدرج لان امنا جانت تشر هدوم بالسطح … و ثنين ياخذون الفلوس الي عالثلاجة … سمعنه باب السطح انسدت ولان باب السطح حديد صوتها جان كلش واضح … جوي ركض اخوتي الي يراقبون الدرج و اني جنت مخلي ايدي عالطاسة اريد اسحب فلوس … من الخوفة و الرهبة مال الحالة ردت اتزحلك من عالكرسي و بالغلط الطاسة انجرت بيدي و وكعت و اتطشرت الفلوس … طبعا كلنه انهزمنه برى يم باب الحوش … و بقينا واكفين هناك و ما اخذنه الفلوس .. امي كامت تصيح و طبعا لمت الفلوس و حطتهم بطاسه غير هاي و شالت الكرسي من كبال الثلاجة … صاحتنه بس كل شي ما سوت النا … و احنا اربعتنه نبجي نكلها لاتكولين لبابا … و اجه ابوية من الشغل طبعا هم كالعادة خلى فلوس بالطاسة الجديدة و ما انتبه عالموضوع … و طب سبح و راحت امي كالتله … صاحنه للصالة و طبعا احنا عدنا الصالة تخوف لان من نسوي وكاحه هناك العقاب يصير …
صاحنه و كال كعدو .. كعدنه .. كال قبل من جنت بكدكم … جنت كاعد وي بيت اهلي … جان ببيتنا بس ٣ نفرات … اني و عمكم فائز و امي … ابوية جان متوفي و امي الي معيشتنه … وضعنه جان تعبان و امي متقبل تاخذنه نعيش ببيت جدي لان تخاف علينه من خوالي … متقبل احد يضربنه و تريد تطلعنه رياجيل … جانت الليل كله تبجي و تفتح الشباك مال البيت و تحجي … احنا جنا نسمعها … تحاجي رب العالمين و تشتكي … تشتكي من تعبها … و تشتكي من الناس و من ابو البيت لان يريد ايجاره و هو حقه طبعا … و تشتكي من وجع ظهرها … جانت تخبز للناس و تروح للمركز الصحي تنظفه .. يعني فراشة تقريبا … بس مو بمدرسة بمركز صحي بالمنطقة … و اني و اخوية جنا نداوم مدرسة … الناس بالمنطقة مجانو يساعدونه لان كل واحد ملتهي بحياته … بس جان اكو رجال عنده محل مال ادوات منزلية … رجال جبير كلش … كل شهر يجي جايب مسواك و جايب فلوس ينطي لأمي .. و امي شوية شوية بوجود هالرجال … بطلت تبجي من تفتح الشباك بليل … كامت بس تدعي انو الله ينطيها الصحة و السلامة و مياخذ روحها قبل منصير كبار .. لان اذا يصير بيها شي راح نصير اني و عمكم فائز ملطشه بيد كرايبنه … و كبرنه شوية و كمنا نشتغل … و ندخل وارد للبيت اني و فائز .. و الرجال بقى يجيب مساعدة …
و شوية شوية كدرنا اني و فائز نسد مصاريف البيت و شغلنه صار زين … و كلناله للحجي اكو ناس غيرنا محتاجين هالمساعدة .. كال زين بس راح ابقى بين فترة و فترة امر اسأل عنكم اخاف محتاجين شي … كلناله عمي كافي الي سويته طول هالسنين … كال مو فلوسي هاي .. كلناله لعد فلوس منو ؟؟
كال فلوسكم و حقكم … كال هاي الفلوس دين … اني انطيتها الكم و انتو راح تسددوها بيوم من الايام لغير ناس … احنا بوقتها مفتهمنا الي كاله … و منعرف اصلا منو الي يطلبنه و من منو اصلا احنا متداينين … و الحمدلله مشت الامور و وضعنا صار زين و المسكين الحجي توفى .. طبعا رحنا للفاتحه مالته و انصدمنا هناك … الناس الي جايه تارسين الجادر و واكفين برى ينتظرون ناس تطلع حتى يفوتون … و جوى بالجادر الكل تحجي عن هالرجال شكد مساعد عالم و شكد العالم تحبه … رجعنا للبيت .. بس بقت براسنه هالامور كلها … من كبرنا و تزوجنه … امنا تمرضت … و حرنا بيها بالمستشفيات بس ما فاد العلاج و توفت … من توفت امي اني و فائز تخبلنه … و منعرف شنسوي … فقدنا الشخص الوحيد الجان مخلي لون لحياتنه … حياتنه صارت ابيض و اسود .. نشتغل و نرجع للبيت محد يلتكانه من الباب … بليل كمنا نكعد مقابيل الشباك الي امي جانت تدعي يمه و نبجي … بذاك الوكت جنا مأجرين محل اني و فائز نشتغل بي فيترية … شغلنه كلش زين و الحمدلله ما نغش بالشغل .. اكو غيرنه هواي جانو يغشون بس احنا السيارة الي نصلحها مستحيل يرجعلنه … بيوم من الايام جتي مرية للمحل جايبه ابنها وياها … تريد تشغله يمنا .. من شفناها اني و فائز عفنا الشغل و ثنينه تذكرنه أمي … كلنالها وين ساكنه … جان تكول بفلان مكان .. كلنالها عوفيه هنا و كمنا شوية شوية نعلمه عالصنعه و مرات نروح نوصله للبيت و هم ننطي هالقاسمة الله للمرية ..

عدها خمس جهال و زوجها موجود بس المسكين يشتغل بالبناء و واكعه عليه ستارة مال حايط و كاسره ظهره … و لازم يبقى مده طويله بالفراش … احنا بطيلة هالفترة ساعدناهم لحد ما وكف على رجله و الرجال صار مو صديق … صار اخ النا … و عن طريقة تزوج فائز … فائز اخذ بنت عمه للرجال … تعرفون خاله حنان زوجة عمكم .. تصير بنت عمه لهل الرجال الي جان ظهره مكسور … و طبعا بمرور الوكت فائز كدر يفتح محل لوحدة و قرر ينتقل لغير منطقة علمود ام زوجته … خطية جانت مريضة و كل بناتها متزوجات محافظات .. ماعدها ولد خطية .. كعد بنفس منطقتها حتى زوجته تساعد امها … واني هنا بقيت وحدي فترة .. و بعدين تزوجت امكم .. امكم مثل متعرفون جوارينه و جدكم يعرفني واني جنت بعمركم … و بقينا نساعد … اني و عمكم ..
مخلين هالطاسة عالثلاجة .. و نخلي بيها هالقاسمة الله من شغلنه … و كل فترة ناخذ الفلوس ننطيها لأصحابها … هالفلوس ميصير نمد ايدنا عليها … هالفلوس مو فلوسنه .. فلوس ناس محتاجتها … تقبلون مرية جبيرة تبجي الليل كله ؟؟؟ تقبلون جهال بعمركم ماعدهم حذاء (مكرم القارئ) لو ماعدهم قمصله لو ماعدهم بجامة ؟؟؟ تقبلون الجهال ينامون بدون عشى … طبعا بوقتها ابونه من جان يحجي احنا اربعتنه نبجي … نتخيل الجهال شلون ينامون بدون اكل و شلون امهم تبجي و نتخيل امنا يصير بيها هيج و ركضنه حضناها لأمي و امي كامت تضحك و تبوس بينا .. تكول حبايبي مراح يصير هيج بس بابا يكول تقبلون … احنا نبجي و نكول لا بابا منقبل … ابوية اجه بوس روسنه و كال عفيه … و كال من تكبرون اذا كدرتو هم خلو طاسه بالبيت … و كبرنه و الحمدلله كل واحد من عدنا عنده طاسه … و هم اذا تزوجنه و صار عدنا جهال هم راح نفهمهم قصة هالطاسة … و نعلمهم اذا كبرو هم يعلمون جهالهم على هالطاسه …
(

#يسعد_اوقاتكم_بكل_خير
#توقعات_الابراج_ليوم_الخميس_والله_اعلم

#الحمل
مهنياً: تمر بمرحلة ارتياح كبير في العمل وتصدق في مواعيدك، لكن لا تخف على مستقبل مشاريعك، فهي تسير بالاتجاه الصحيح
عاطفياً: البحث في دفاتر الماضي ونبش الذكريات قد يكون جميلاً أحياناً كثيرة، لكن لا تدع نفسك أسيراً له
صحيا: لا تنفعل أمام أي أمر تافه، فهو بسبب لك ارهاقاً واضحاً، وهذا ليس في مصلحتك على المدى الطويل

#الثور
مهنياً: تعيش يوما متقلبا متطلبا حاول ان تركّز على الأعمال التي بين يديك وابتعد عن الأمور التي يعدّ حلها مستعصياً
عاطفياً: أنت لا تقسز على الحبيب ولا تفرض عليه ما تراه مناسباً، بل أنت متفهم وتحاول القيام بأي شيء رضيه لئلا تخسره
صحياً: أبذل ما في وسعك لكي تتخلص من الوزن الزائد الذي يسبب لك ألماً في القدمين

#الجوزاء
مهنياً: يوفر لك هذا اليوم ظرفاً مناسباً للقيام بعملية تجني منها أرباحاً كثيرة، وتكون حافزاً لعمليات أخرى
عاطفياً: الإخلاص للحبيب الوسيلة الوحيدة لإيجاد السعادة وكسب حبه وثقته وتفانيه من أجلك
صحياً: ربما تفكر في سفر أو تخطط له برفقة أفراد العائلة، شعوراً منك بالترفيه والترويح عن النفس

#السرطان
مهنياً: تكون جريئاً في طرح الموضوعات والدفاع عن حقك، لكن شرط التحرك في الإطار الصحيح
عاطفياً: قد تصلك أخبار جيّدة وتكون مفيدة لك على الصعيد العاطفي وتبدو متحمّساً لمغامرة جديدة
صحياً: خبر غير سارّ يقلق راحتك، ويسبب لك تعباً نفسياً، لكن الأمر لن يطول

#الاسد
مهنياً: يوحي لك القمر المتنقل في برجك ببعض الأفكار المهينة البنّاء والمفيدة جداً، وتقدم على حملة استقطاب للرأي العام وتشرح فكرة
عاطفياً: علاقة جديدة تلوح في الأفق، لكن من الأفضل أن تؤسس لها على قواعد صلبة لئلا تنهار عند أول اهتزاز
صحياً: السعي وراء المتاعب يرهق أعصابك، إحذر ما ينتظرك في الأيام المقبلة فهي قد تحمل الكثير من المفاجآت

#العذراء
مهنياً: لا تجعل نفسك ضحية للآخرين بتعهدك القيام بما لا تقدر عليه، بل كن جدياً في التعاطي على قدر المسؤولية
عاطفاً: تملك فائضاً من المشاعر الجيّاشة، تشاركها مع الحبيب لأنه يبادلك المشاعر نفسها
صحياً: إياك والتغاضي عما ينتابك من عوارض تزعجك ليلاً، واستشر طبيبك اليوم قبل الغد

#الميزان
مهنياً: تقوم بنشاط كبير على مستوى الاتصالات وتبادل المعلومات والخبرات، وتنجز عملاً مشتركاً ومثمراً مع أحد الزملاء
عاطفياً: الصراحة والصدق هما المفتاح لدخول قلب الشريك، فحاول أن تتمتع بهما لتكسبه حبيب العمر
صحيا: إذا شعرب بالألم في عنقك أو ذراعيك، عليك التخفيف من الجلوس طويلاً أمام شاشة الكمبيوتر، والقيام بالتمارين الرياضية اللازمة

#العقرب

مهنياً: حاول أن تتوصل إلى نتائج واضحة، ولكن بعيداً عن الالتباس والمشكلات، واعمل بصمت
عاطفياً: بعض التنازلات تؤسس لثقة كبرى مع الشريك، وتمنح الأفضلية لمستقبل مشرق ومستقر
صحياً: أظهر للجميع قدرتك على تنفيذ القرارات المتعلقة بوضعك الصحي، واجعلهم يتمثلون بك

#القوس
مهنياً: يوم من الانفراج يسلط الضوء على علاقاتك في العمل، فكن أكثر موضوعية في تعاطيك مع زملائك
عاطفياً: لا تفكر في خوض مغامرة عابرة لئلا تفسد علاقتك بالشريك، فأنت تدرك مدى إخلاصه لك
صحياً: تخطّط لرحلة طويلة تستغلها لممارسة هوايتك المفضلة والترفيه عن نفسك

#الجدي

مهنياً: تبدأ مسيرة يغمرها الحظ وتستمر سنة كاملة وتصحح بعض الأخطاء وتنجز المطلوب منك لتبقى مرتاحاً
عاطفياً: لا تحاول إحراج الشريك، لأن ذلك سيؤدّي الى عواقب ثقيلة قد لا تحتملها لاحقاً
صحياً: التخفيف من العصبية والتزام الهدوء أنجع دواء للبقاء مرتاحاً، ولا شيء يستحق منك أن تبقى على هذه الحال

#الدلو
مهنياً: تكره كل زميل مادي وتبتعد عنه قدر المستطاع، وتقيم حساباتك إذا كنت أمام خيارات مهنية معيّنة
عاطفياً: قد يخفّ الوهج العاطفي والإشراق بعض الشيء اليوم بسبب وضع مستجد، لكن الأمور تعود إلى مجاريها سريعاً
صحياً: عليك القيام بكل ما يعود على الصحة بالخير والانطلاق نحو الأفضل، ويبقى الخيار النهائي لك

#الحوت
مهنياً: تأتي الفرصة مرة واحدة في العمر فاستغلها إلى أقصى حدّ لكن لا تقع فريسة التسرّع
عاطفياً: تعيش مع الشريك علاقة مميزة وخصوصاً أنه يدعمك في جميع مواقفك ويدافع عنك أمام الجميع
صحياً: إحمِ نفسك من الأمراض وكن حذراً جداً من عدوى الإصابة يفيروس خطر

#فقرة_شعر
شايف من عطر محبوبك يظل بيك
اعز من روحك تصير قمصانك ♥️.

النكد والنرجسّية وذاك العناد
وضحكاتج التغلب طبعج الجاد
وذوقج بأختيار الاسود عِليج
جمالج جان زايد اصلاً وزاد .

انا المفطوم من سم العرابيد
ويريد يعلمني الغشيم عله الحياية