وو وشنوو اني بالنسبه الها

أمنيه : حبيت رعد م̷ـــِْن گـ❈ٍـْلٍ قلبي صار روحي والنفس الي عايشه بيه مااعرف ليش بسرعه حبيته وبهاي الطريقة الجنونيه گـ❈ٍـْلٍ الي اعرفه اني اعشقة وماكو احد بعيني غيره وبيوم اجيت متأخره اخذتني الغفه ومكعدت وبعدين ماما كعدتني وركض للكليه رحت للمكتبه كبل لان جنت متفقه ويه رعد يدرسني اليوم بالمكتبه وراح تصير ساعه 11 ومواصله

واني امشي صاحني طالب مااعرفه شو هذا حاب يتعرف ومن هاي الكلاوات بعدني ممجاوبته شفت رعد جاي م̷ـــِْن بعيد وعيونه تجدح نار وكام يعيط عليه كدام الولد

رعد : حضرت جنابج هنا واني مثل الزمال انتظرج بالمكتبه مجان خابرتي بلغتي على الاقل ماانتظر واخليج براحتج تلعبين لعب

أمنيه : شنووو شبيك رعد
احمد : امنيه تعرفي لهذا اذامتعرفيه العب بيه طوبه واعرفه يحترم لان مبين ممحترم

رعد : وانت منوو حتى تتجاوز هيج
أمنيه : رعد يصيح وهذا الي يصارحني اسمه احمد كام يعيط وناس تغلط على ناس واني مثل الثوله بهتت لا بيه امشي واعوفهم لان اخاف على رعد ليأذيه احمد لان اجوي اصدقائه اثنين جانوا منتظريه يصارحني

وركضوا م̷ـــِْن سمعوا صياحه واشتغل المصايح وناس لزمت ناس واتضاربوا واني بس ابجي مااعرف اصرف

شفت هند اجتي تركض هي وزيد وياهم ولد اصدقاء رعد وفاككوهم بس رعد ضارب الولد بخشمه مأذيه والولد هم ضارب رعد ضربه قويه بس ينزف م̷ـــِْن حلكه وخشمه واني شفت الدم كمت ارجف اني اخاف م̷ـــِْن الدم ومحسيت بروحي غير اغمى عليه

رعد :فقدت اعصابي وكمت اغلط م̷ـــِْن شفتها ويه هذا الولد مو بيدي اني عصبي وبسرعه افقد اعصابي والغيره صعدت براسي احبها مااريد بشر يشوفها لو بيدي اضمها بقوطيه ومااخليها تطلع وتضاربنا وكوه الولد فكونا ومحسينا غير هند ونجوان يعيطون وامنيه خربانه بالكاع م̷ـــِْن حلاة روحي م̷ـــِْن شفتها هيج شلتها اركض للمستوصف القريب م̷ـــِْن الكليه ومحسبت حساب عيب شلون اشيل بنيه وبنص الكليه گـ❈ٍـْلٍ الي ظل بالي امنيه ومنظرها الوجهه اصفر والشفه بيضه ولاحس ولانفس

واني قلبي يريد يطلع م̷ـــِْن ضلوعي وخايف عليها كلش وارجف وصلنا وطببناها للمستوصف
الدكتور : ليضل بالكم مجرد هبوط بالضغط هسه شكلنالها مغذي وبس يخلص تكدرون تاخذوها وترحون حمدلله على سلامتها

أمنيه : صحيت لكيت نفسي نايمه بالسديه ويمي نجوان وهند
شصار )
هند : شصار يمعزايه اشكال والوان م̷ـــِْن عركت رعد لحد مااغمى عليج
أمنيه : كمزت م̷ـــِْن مكاني رعد شلونه صار بيه شى
هند: والله انتي مو طبيعيه ولج مابيه شى لتخافين عيني خافي على روحج جان متي
نجوان : هند على كيفج وياها
هند : يله عيني سكتنا
أمنيه : منو جابني هنا
هند : حبيب القلب
أمنيه : منووو
نجوان : ولج ام لسان شويه لسانج خبله
حبيبتي رعد جابج
هند : وابشرج شالج وجابج طياره ومقبل احد يشيلج غيره ارتاحي جنتي بحضن حبيب القلب والكليه كلها تباوع

أمنيه : شنووو صدك تحجين كدام الطلاب شالني
هند : اي عيني قابل كدام امي طبعا كدام الطلاب كلها وشايلج عبالك بنته ويرجف وخايف عليج ابشرج مبين يحبج مثل ماانتي تحبيه
نجوان : هند على كيفج ويه البنيه اكلتيها حاصل فاصل خلي تستوعب متشوفيها شلون مخروعه
هند : نجووو حـبـٌـيّ هاي صديقتي م̷ـــِْن الطفوله واعرفها مثل مااعرف نفسي الخاتون تحب رعد واليوم تأكدت رعد هم يحبها والله وشعلتي النار بيدج ياامنيه

نجوان : صدك انتم واحد يحب الثاني
أمنيه : ولكم كافي دخت اريد استوعب الي صار وانتم لوك لوك
هند : احمدي ربج مشافوج الحمايه واله جان صارت مصيبه بس هسه اخابرهم حتى يجون ياخذوج للبيت انتي تعبانه مو مال ترجعين للدوام

زيد : نكدر ندخل
هند : تفضل عيني زيد البيت بيتك
زيد : الحمدلله على سلامتج ان شاء الله احسن
أمنيه : تسلم زيد وشكرا تعبتكم
زيد : بالعكس احنا الي خوفناج م̷ـــِْن وره رعد
أمنيه : هو وين
زيد : كاعد بره ضمدنا ايده وخشمه
أمنيه : بيه شى

زيد : شبيه سبع ارواح خطيه ذاك الولد مكسور خشمه وينزف ربج مشتكه عليه جان دخلوه سجن
أمنيه : ياستار الحمدلله فضت
زيد : يريد يدخل وطلب مني استأذن منج
هند : خلي يدخل عيني ميحتاج الاذن
أمنيه : كرصت هند غير تسكت
طب رعد شو كلها طلعت جلبت بهند دفعت ايدي وشاورتني

هند : ادري بيج تحبيه بس حطي بالج اهلج مستحيل يقبلون بهذا الحب وهو اول واحد راح ينضر واحتمال يخسر حياته بسببج اذا تحبيه خافي علي بستها من راسها وطلعت
اني اخاف على امنيه لان اعرف اهلها وتفكيرهم نفس اهلي اهم شى عدهم المستوى المادي ناس عدها الفلوس وبس
وهاي امنيه راح ادخل نفسها بحفره الله ليعلم شلون تطلع منها

رعد : متت رعب عليها وردت بس اطب اطمأن عليها مااعرف اني الي غلطان وكبرت الموضوع هي بنيه وحلوه ومستوى واكيد الف طالب راح يتقرب منها بس الغيره عمتني حسيتها مالتي وماله حق اي واحد ينظر الها وبنفس الوقت كبرت السالفه والطلاب كلها تباوع وتحجي والي كملها اغمى عليها حسي

ت روحي طلعت ردت اعتذر منها وبعد مااشوفها وجهي كافي اني دااموت م̷ـــِْن وراها واعرف مو م̷ـــِْن حقي اتقرب منها او افكر مجرد التفكير بيها

حمدلله على سلامتج
أمنيه : درت وجهي منه انقهرت منه لان جرحني بالكلام وانقهرت بنفس الوقت عليه لان اتأذه
رعد : حقج اديرين وجهج الكلام الي كتله مو م̷ـــِْن حقي احجيه انتي حره وهاي حياتج وجان المفروض ماادخل
أمنيه : انت شنوو الي سواك هيج نار لان تأخرت
رعد : بله هاي شأحجي وياها (احجي بداخلي) محبيت منج هذا التصرف مهما كان اني زميلج ومثل اخوج على الاقل احترميني ( مااعرف شلون طلعت م̷ـــِْن حلكي مثل اخوج )

أمنيه : اخويه انت مو اخويه افتهمت ومالك علاقه بيه بعد
شكد انجرحت م̷ـــِْن كلامه بس كلمه اخويه احسها كسرت ظهري وكأنه ديگلي انتي لا شى عندي ومااحبج

رعد : امنيه فهميني اني اسف اتسرعت جان المفروض ماادخل
أمنيه : عوف المفروض اني اصلا اجيت متأخره اليوم وجيت اركض وهذا وكفني وماانكر جان ديصارحني بس اني بعدني ممجاوبته بالرفض وانتي اجيت تعد وتغلط وتتجاوز حتى مسمعت مني ليش لهاي الدرجه اني رخيصه بنظرك وكمت ابجي كلش مقهوره م̷ـــِْن رعد
رعد : لتبجين لخاطر الكعبه لتبجييييين وكمت اعيط وكفت على حيلي
أمنيه : وانت لتعيط احنا بالمستوصف لو نسيت
رعد : امنيه فهميني مااريد اشوف دموعج مو كتلج دموعج تحركني حرك
وكعدت بصفها
أمنيه : لعد ليش تجرحني والله ممسويه شى موزين ولا اسوي
رعد : ادري والله بس مو بيدي م̷ـــِْن شفتج وياه
أمنيه : اي شبيك احجي ( احترك عمي غير يحجي مو راح اموت احجي بداخلي )

رعد : سكتت شأكول شأحجي ياامنيه وانتي ابعد م̷ـــِْن الامنيه عليه حتى بالخياال مااكدر اتمناج (احجي بداخلي )
أمنيه : احجي رعد ليش ساكت
رعد : كومي امنيه خلي نروح
أمنيه : يعني متحجي
رعد : شأحجي
أمنيه : ماكوو شى صيحلي هند خلي تكومني
رعد : اني اكومج
أمنيه : اياك رعد تلمسني
رعد : شبيج امنيه
أمنيه : انت الي شبيك ليش الي بقلبك متحجي ليش تخاف احجي اصرخ بس احجي
رعد : امنيه مااكدر مااكدر گـ❈ٍـْلٍ واحد وقدرته واني مااكدر يابنت الناس الي بقلبي اذا اطلعه احرك الاخضر واليابس خليني كاتم احسن الي والج

أمنيه : الك احسن مو الي انت تخاف على نفسك مو عليه ولك انت متحس اله اني احجي اله اني اعترف شكبرها اكولها واني الي اعترف الك ليش تسلبني اهم حق م̷ـــِْن حقي منك
رعد : حقج
أمنيه : اي حقي اريده منك اريد تگلي ليش تمنع قلبك م̷ـــِْن الحجي عبالك مااعرف شبيك ولا حاسه بيك بس مبين انت الي محاس بيه
رعد : كافي سكتي
أمنيه : شسكت رعد اذا سكتت لساني قلبي شلون اسكته روحي شلون اهدأها
رعد : اباوع على امنيه مصدوم احسها بدت تنهار عرفت تحبني مثل مااحبها بس هي متعرف احنا شراح يصير بينا اذا عرفوا اهلها بحبنا مستحيل يقبلون هي وين واني وين

أمنيه : رعد لتسكت احجي كوول داانطيك فرصه لتضيع احساسك واحساسي كافي سكوت
رعد : امشي خلي نطلع
أمنيه : هذا ردك ماشي بس خلي بالك شى انت ضيعت احلى احساس ممكن نعيشه اني وياك
هند : دكيت الباب شفتهم تأخروا بس م̷ـــِْن طبيت لكيت امنيه منهاره عرفت صار وقت الاعتراف شبيج منوش.
أمنيه : هند طلعيني منا بعد مااتحمل
رعد : خلي اسندج
أمنيه : لتلمسني عمرك متسندني انت تهدمني عفته ومشيت وقلبي مجروح وينزف دم وخذلان م̷ـــِْن رعد اتوقعت يعترف بحبه لان ادري بيه يحبني والي ثبتلي اليوم لان جانت عيونه ماكلتها الغيره بس هو يخاف ماالومه بس اني احبه وشلون بقلبي الي حب رعد م̷ـــِْن دون الناس كلها

رعد : انقهرت كلش اوًًًووًفــօƒƒــف ياامنيه ولج والي خلقج احبج ومجنون بحبج بس اخاف عليج م̷ـــِْن اهلج اكيد مراح يرحموج اذا عرفوا بحبنا (احجي بداخلي ) وقبل متطلع امنيه واني عيوني عليها بكل حركه تتحركها اندارت عليه
أمنيه : رعد
رعد: نعم )
أمنيه : انت واحد جبان وعفته ومشيت
رعد : كعدت متحملت حجايتها صح اني جبان هي اسبعً مني مبقى بس تكولي احبك واني مثل الصنم واحسب للمستقبل ليش هو المستقبل بلياها ينراد طلعت وراهم ملحكت عليها صعدت لان هند خابرت الحرس الخاص مالتها واجوي اخذوها وظليت اباوع على السياره وهي تروح بعيد
زيد : لتباوع خويه متفيدك انت كاعد تلعب بالنار

رعد : شلون احبها ولك كامت تمشي بدمي
زيد : نشف دمك واكعد واسكت تره ذوله مو مثلنا كتلك كم مره ذوله مو م̷ـــِْن ثوبنا وحبك لاامنيه اكبر غلطه بحياتك تسويها لهذا ياخويه عوفها احسن الك ولمصلحتك ولمصلحتها

رعد : ثلاث ايام وامنيه ماكو ادك عليها متجاوب احس روحي مثل السمجه المزوهره روحي تلوب حتى هوا كمت مااعرف اتنفس احس روحي تنسحب مني عرفت هاي هيه بعد فات الاوان بان انساها او اطلعها م̷ـــِْن حياتي اتملكت روحي وصارت هي الهوا اليي اتنفسه مااكدر لازم اشوفها

أمنيه :3 ايام عدت واني النوم ماعرفه بس ابجي احس بخذلان رهيب م̷ـــِْن رعد اني احبه مواحبه اتنفسه مااكدر بلياه بس شلون وهو يخاف ي

تقربلي م̷ـــِْن يدك عليه احس ويه گـ❈ٍـْلٍ دكه تضرب نبضه قلبي واجاني مسج بالوحده بليل

رعد : هاي هيه لو حبج يحيني لو يموتني
دزيت رساله الها بالوحده بليل
جاوبيني ضروري ودكيت وراها وسمعت الوووو مالتها روحي ذابت وحتى الكلام كله طار م̷ـــِْن عقلي وسكتت

أمنيه : أُلؤْؤٌ📞ؤًِّؤٌٍٓ رعد احجي بيك شى
رعد : اي بيه
أمنيه : شبيك
رعد : بيه انتي
أمنيه : سكتت ردت اسمع منه
رعد : تسمعيني أمنيه
أمنيه : اسمع احجي واني اسمع

رعد : اني احبج بس انتي لحد هسه متدرين شكد احبج اني اريد اكون قريب منج اني عاشق لكل تفاصيلج اني اريد تكونين ملكي بيني وبين نفسي انتي ملكي ..

ملكي الي وحدي محد اله حق بيج نهائياً لامن قريب ولامن بعيد بقلبي انتي كلشي انتي
وبعقلي انتي رقم واحد لان عقلي مسلم الج ويفكربس بيج وعلى لساني بس اسمج وبأذني بس صوتج ماكو صوت بالدنيا كلها يجذبني وتخليني افصل عن العالم وبعيوني متشوف بس صورتج بأختصار انتي كلج عايشه بيه بدمي تمشين

امنيه انتي أمنيتي الي عايش حتى احصلها امنيه اني والله اتنفسج

أمنيه : اسمع كلام رعد وابجي م̷ـــِْن الفرح لان يحبني بكد حبي ويمكن اكثر
كافي كافي رعد اني اعشقك واموت بيك ياروح امنيه وقلبها

رعد : اااااه ولج شسويتي بيه ملكتي كلشي بيه احبج وحق ربج احبج
أمنيه : واني اموت عليك ياعمري

مرت الايام واحنا احلى اثنين مشاعرنا وحبنا يخبل صح منظهره كدام الطلاب حتى ليوصل الموضوع لااهلي جان رعد يحبني بطريقة تخلي الوحده تحس روحها اميره يخاف عليه م̷ـــِْن الهوا ويغار ماانكر احب غيرته بس هو متشدد حتى حجاب راد يحجبني بالكوه قنعته مااتحجب لاخاف اهلي يحسون مكافي همه ملاحظين شكد تغيرت بطريقة لبسي وكلامي وحتى طلعاتي قللتهم ومردت اجلب الشك اكثر

مصطفى احد حراس امنيه :ابو ليث كاعد تشوف الي اشوفه
ابو ليث حرس الخاص مال امنيه والسايق بنفس الوقت : شبيك مصطفى

مصطفى : شوف امنيه ويه هذا رعد اتوقع بينهم علاقه شوف شلون تتمضحك وياه وملاحظها يوميه وياه ومرات صديقتها هند تعوفهم ويمشون وحدهم
ابو ليث : احنا شعلينا
مصطفى : شلون شعلينا احنا مكلفين بحمايتها
ابو ليث : حمايتها مو نتجسس عليها شعلينا تحب او تسوي علاقه المهم سلامتها والباقي لتتدخل بيه
مصطفى : بس اخوها جبار كلي تنقلي گـ❈ٍـْلٍ تحركاتها

ابو ليث : اسمع مصطفى اذا سمعت ناقل كلمه م̷ـــِْن الي شفته والي خلقك اكتلك خلاص بأيدي
مصطفى : انت ليش ادافع الها احنا شعلينا بيها گـ❈ٍـْلٍ الي علينا انفذ الاوامر وناخذ رواتبنا ليش تصعبها بعد
ابو ليث : كتلك اكعد راحه ومالنا علاقه ماشي

رعد : عشت ايام مثل الحلم ويه امنيه كمت مااكدر اتنفس الهوا اذا مااتنفس عطرها مرات اغار عليها واضوجها مو بيدي م̷ـــِْن غيرتي عليها احبها هي حلوه والعين عليها واني جمر بصدري م̷ـــِْن يفوت واحد ويباوع عليها لوبيدي اضمها بضلوعي

رعد : منوش
أمنيه : هااا قلبي
رعد : اني احبج
أمنيه : ادري ههههه شبيك اليوم مو على وضعك م̷ـــِْن الصبح صافن وضعك مو طبيعي صاير شى قلبي
رعد : احنا شنو نهايه حبنا
أمنيه : سؤالك غريب وطريقة حجيك اغرب شبيك رعد
رعد : تدرين اصفن تالي الليل اكول الى متى زين يجي يوم وامنيه تنام بحضني
أمنيه : ان شاء الله قلبي
رعد : مااعتقد يجي هيج يوم
أمنيه : صدك تحجي شجاك
رعد : تتوقعين بهذا مستواي اهلج يوافقون علينا )
أمنيه : وشبيه مستواك
رعد : أمنيه انتي تعرفين كلش زين انتي وين واني وين ليش نغالط روحنا
أمنيه : اكلك شنوو السالفه قلبي كام يلعب
رعد : خايف
أمنيه : منوً شنوو ياعيني
رعد : اخاف تنامين بحضن غيري يمكن اموت ولج اني اذا فات واحد بصفج انجن مو عاد تصيرين لغيري شلون اني كاعد اموت موت بطئ

أمنيه : قلبي صاير شى سامع شى اليوم وضعك غريب وصدك كمت اخاف م̷ـــِْن كلامك وتعال كلي هو شنوو الجديد اعرفك انت شنو واني شنو بعد على شنو هذا الكلام الزايد كمل كليه واتوضف وبلكت الله يفرجها واذا تريد تطفر م̷ــني ومتريدني روح م̷ـــِْن هسه
رعد : خبله هو اني اكدر اتنفس بلياج حتى اكدر اعوفج اذا النوم ضيعتي م̷ـــِْن عيني اني العاقل كمت امشي واغني م̷ـــِْن وره حبج اما الورده كطعتها بوس م̷ـــِْن وره العطر مالتج
أمنيه : ههههه صدك رعد اريد اسألك سؤال بس استحي
رعد : كوولي ياعيون رعد وقلبه وروحه
أمنيه : انت ليش متتجرأ ... وسكتت

رعد : شو سكتي
أمنيه : هاااااا لا ماكو شى انسى
رعد : قصدج ليش ماابوسج او اخذ راحتي وياج
أمنيه : شكد استحيت اي رعنه تنلام هند م̷ـــِْن تكول خفيفه بله هذا سؤال ينسأل (احجي بداخلي)
رعد : شوو سكت الحلوو هو السؤال موو
أمنيه : موووو

رعد : ههههههه فديت الخدود الحمر وفديت الي تخجل ولو كمت اشك تخجلين وانتي تريديني ابوسج
أمنيه : خلي اروح احسن
رعد : هههههه لا كعدي قلبي اشاقه وياج راح اجاوبج
منوش انتي حبيبتي وروحي واعتبرج عرضي وقطعه مني مستحيل اسوي شى يغضب رب العالمين اريد

يوم ماالمسج واخذ راحتي وياج بالحلال لان اني اعتبرج زوجتي مو صديقتي حتى اخذ راحتي وياها ماانكر م̷ـــِْن اكعد وياج وخاصه بهذا القرب جدي ميستلك والشياطين تشتغل شغل معدل بس شسوي احاول اصبر نفسي ومااتهور هي بس ريحتج ادوخ الواحد واتخليه يتخيل اشياء م̷ـــِْن نزوج اكلج عليها

أمنيه : هههههههه والله متت ضحك على سوالفك
رعد : زين بما ان انتي طلبتي بوسه اني مااردج وذنبها عليج
أمنيه : لا والله وين طلبت لا رعد لتنصب عليه
رعد : انتي بدمي تمشين منوش ولتتوقعين مرتاح واني بجانبج ومااكدر المسج بس إٱللـِْﷻـِْﮭﮧ ليعلم بحالي بس م̷ـــِْن حـبـٌـيّ وعشقي الج مااريد اسوي اي شى بالحرام وياج ياام بيتي
أمنيه : اروحلك فدوه ابو بيتي

هند : هااا انتوو هنا عصافير الحب
رعد : اجتي هادمه الملذات
هند : هيج صارت استاذ رعد لعد شوف منو تعوف امنيه يمك وتسويلك جوو
رعد : لا عمي العفو انتي وين اكو منج
هند : اي هيج جر عدل وانتي خاتون كومي ورانا محاضره لو عاجبتج الكعده يم حبيب القلب
أمنيه : ولج انتي ليش لسانج متبري منج
هند : على اساس غلطت بشى شوفوا حالكم ناسين الدنيا كلها واحد صافن بوجهه الثاني لو صاروخ ميفززكم
رعد : انتي اقوى م̷ـــِْن الصاروخ ارتاحي
هند : هههه شعبالك عيني يله خاتون كومي راح نتأخر
أمنيه : حبيبي اني اروح دير بالك على نفسك لا اله الا الله
رعد : ياعمري وانتي هم ديري بالج على نفسج محمد رسول الله
هند : شنوًوو راح نحارب لو عدنا هجوم بله انتم م̷ـــِْن گـ❈ٍـْلٍ عقلكم حسيت بلحظة راح نستشهد
أمنيه : امشي بس تنتقد باي حبي
رعد : باي قلبي

هند : منوش الى متى
أمنيه : شبيج هند شنو هو الى متى
هند : لتغالطين روحج انتي ميته على رعد وتعرفين هاي العلاقة مصيرها الفشل
أمنيه : لامتفشل احبه اموت عليه ومااعوفه للموت ولو هو لو ماازوج

هند : مو بكيفج انتي مو كد ابوج ولا كد اخوتج وخاصه جبار والله اذا عرف يشرب م̷ـــِْن دمج زين عوفج انتي بنتهم واحتمال ميسون شى الجج
بس مخفتي عليه مخفتي يأذوه

أمنيه : اسم الله عليه ليش هيج تحجين
هند : هذا واقع وانتي عايشه بعالم وردي صارلكم 5 أشهر سوه حب وعشق وارقى المشاعر بس حسبتي احساب اهلج انتي عبالجً م̷ـــِْن يعرفون ياخذوكم بالاحظان والله زين اذا بقوه عايش

أمنيه : شصار قابل حبيت واحد ويريد يزوجني مسويت شى خطأ
هند : بقاموس اهلي واهلج اكبر جريمه
منوش اهلنا عدهم اهم شى الفلوس والمستوى تعاي كليلي شتكوليلهم هو ابن منوو وشيملك
أمنيه : يملك قلبي
هند : مشكلتج تعرفين حجي صحيح وتعرفين وره هذا الحب كوارث بس انتي تريدين تعيشين مغيبه بعالم انتي صنعتيه عالم بس انتي ورعد بيه بس اصحي ياصديقتي اصحي يااختي تره نهايتكم سوده مصخمه واني عايفتج كلت بلكت تصحى وانتي يوم بعد يوم اطمسين اكثر وتعشقيه اكثر منوش والله خايفه عليج وحتى عليه خطيه راح تجنين على هذا الولد

أمنيه : كافي كافي سكتي مااريد اسمع
هند : راح اسكت بس يجي يوم واگلج هااا شفتي هاي نتيجه حبج لرعد

أمنيه : كملت المحاظره واني عقلي اصلاً يمً كلام هند ماانكر كلامها صحيح بس اني مااكدر اعوف رعد اموت بلياه
وبيوم اتصلت على رعد وجان تطلعلي بنيه
أُلؤْؤٌ📞ؤًِّؤٌٍٓ
تفضلي
ممكن رعد
منو نكوله
امنيه زميلته بالكليه
هااا أوگيـ Ok ـگ هسه اصيحلج زوجي
رعودي رعد حبيبي تعااال
أمنيه : شنووو زوجته
يتبع....


البارت الثالث عشر ...
أمنيه : زوجته ضليت فاكه عيوني اني اسمعها شلون تصيحه جان اسد الخط متحملت وضليت ابجي بهستريا وادعي عليه ليش كذب عليه

تقى : ايااااا خبله ولج شجاج شلون تسوين هيج
ياسمين : هههههههه دااشاقه وياهم حبيت اتحارش
تقى : لا ياسه هذا مو شقه وربج اذا عرف رعد يمكن يشنقج وتعالي انتي من شوكت تجاوبين على التلفون مال رعد
ياسمين : حظ المسكينه هههههههه شفت اسمها وكلت خلي شويه اهبطها
تقى : هي منو صدوك زميلته
ياسمين : هااي الحب بابا هاي منوش حبيبة قلب رعد وروحه من الدنيا
تقى : ضربتها على ظهرها لياسه اذا تدرين هيج شلون تحجين ويه البنيه وتحسسيها انتي زوجته بله انتي هم عندج عقل اكص ايدي اذا بيج ذره عقل

رعد : طلعت من الحمام جنت اسبح اكولكم سمعت التلفون مالتي يدك صح موو لو متوهم وهو وينه
ياسمين : ابتسمت ابتسامه خوف هاك اخذه
تقى : رعودي خابر حبيبتك هاي الخبله سوتلك كارثه
رعد : لا بربج شسوت
تقى : حسستها هي زوجتك وكاعد تصيحلك
رعد : لا يالله ولج ياسمين اليوم اذبحج والي خلقج اله اتوبج من التلفون مالتي ومن هذا شقاج الماصخ
اتصلت بمنوش ومتجاوب اكثر من مره اخر شى دزيت رساله وفهمتها الوضع ومقتنعت وجريت ياسه من شعرها حتى تحجي وياها يله صدكت وبقت تضحك والدموع بعيونها
لو تعرف شكد احبها مستحيل تتوقع احب او ازوج غيرها

ومرت الايام وخلصت السنه الدراسيه واحنا على وضعنا بس الي تغيير حـبـي لرعد صار بجنون وهو هم وبقينا على الرسائل والموبايل واريد العطله تخلص اول مره اكره العطله لان مابي

ها شوفت حبيبي

رعد : منوش مشتاقلجً بكد رحمه الله اريد اشوفج راح اموت على شوفتج صار شهر 30 يوم وكل يوم اعتبره سنه قلبي مورم عليج

أمنيه : اكدر اطلع بس وين نتشاوف
رعد : بأي مكان المهم اشوفج
أمنيه : اتصلت بهند حتى تجي ويايه مااريد احد يحس واتفقنا نروح بحيرة الجادريه

أمنيه : ابو ليث حظر السياره عدنا طلعه اني وهند
ابو ليث : ست امنيه بس انتي وهند لو اكو احد
أمنيه : ضجت م̷ـــِْن سؤاله انت ليش تسأل
ابو ليث : ست موقصدي ادخل بس اذا اكو شخص افضل مناخذ مصطفى

أمنيه : تعجبت م̷ـــِْن كلام ابو ليث حسيت يعرف متواعده واكيد راح يشوف رعد لان راح يبقى ينتظرنا بالكراج وليش ميريد مصطفى يشوفنا اتجرأت وحجيت
اي ابوليث اكو احد

ابو ليث : لعد اطلبي بس اني اروح وياج
أمنيه : صاير شى شبيه مصطفى
ابو ليث : ست امنيه اني احجي لمصلحتج انتي مره كتيلي اعتبرك اخويه الجبير ومن باب الخوه اكلج لتخلين مصطفى يروح ويانا
أمنيه : ماشي شكرا ابوليث

أمنيه : لبست وكشخت لحبيبي شعوري مااعرف واوصفه بس گـ❈ٍـْلٍ الي اعرفه اريد اتنفس رعد اريد اشمه اشتاقيتله بجنون

رعد : حظرت روحي ومن اطلع واني م̷ـــِْن الفرح احس روحي طاير
محمد : رعد هااك
رعد : شنوو هاي
محمد : هاي فلوس شنو قابل
رعد : ممحتاج عندي
محمد : ميخالف خاف تحتاج تاخذلها شى
رعد : منوو هاي
محمد : الي قلبت اخويه م̷ـــِْن انسان ميعرف وبحياته بس القرايه وحتى الضحكه ممنوعه منه الى انسان الضحكه متفارك وجهه ويغني وطاير طير اعرف شعورك هذا شعور العشق لتنسى اني استاذ بهاي السوالف
رعد : حضنت محمد اعرف بيك تحس بيه لان انت مربيني والله انت مو بس اخويه انت ابويه
محمد : زين عاد حلوه لو جكمه
رعد : تخبل بكل شى تخبل
محمد : إٱللـه يحفظكم ويجمعكم بالحلال ومتضوك الي ضاكه اخوك
رعد : ادعيلي محمد تصير الي اموت بلياها
محمد : ان شاء الله تتزوجون ويجون جهالك يخبصون الدنيا يله روح راح تتأخر عليها

رعد : رحت اركض اجرت تكسي وركض لمنوشتي وصلت وتفاجأت بيها باقيه بالسياره يعني الحرس راح يشوفونا
نزلت م̷ـــِْن ڤًـدوه لحبيبتي لوما العيب يمكن احظنها واشمها بنص الشارع شفت الحرس نزل وسلم استغربت بس مهتميت اهم شى اشوف رويحتي وعفنا ابو ليث وحده ينتظر بالسياره لانً مجابت هند كالتً خاف تنك براسها وعرفت ابو ليث يعرف بعلاقتنا يعني متحتاج هند تجي ويانه

شلونج ياروح رعد
أمنيه : بخير اذا انت بًخٌـًير يانبض امنيه
بقينا نضحك ونسولف واگلنا بس الوقت وياها صاروخ بقينا حدود اربع ساعات بس احسهم ربع ساعه
أمنيه : حبيبي اني اروح
رعد : منوش
أمنيه : عيونها
رعد : مااعرف شلون اتجرأت عليها وكمشت وجهه وبستها على كيف وهي ذابت بأيدي
أمنيه : كمش وجهي واني انتهيت اريد اوكف مااكدر وضل يبوس برقه وحنان اوف منك رعد بكلشي تجنن وتالي باس راسي
رعد : يله قلبي روحي
أمنيه : شاورته احلى بوسه اموت عليك ياابو بيتي
رعد : ولج راح اموت كافي روحي لا اجرم بيج هسه كافي كوه لازم نفسي منج
أمنيه : ههههههه باي قلبي

صعدت للسياره وشفت ابو ليث وكف يم رعد ويسولفون على شنوو ماادري
ابو ليث : اسمع رعد اني مااعرفك بس سألت عليك وعرفت بيك خوش ولد وابن ناس مستورين وماعندك مكسرات
رعد : وليش تسأل
ابو ليث : اكيد راح تكول بصفتي منوو وادخل بس اني اعتبر امنيه اختي الصغيره صح اني مجرد حرس الها وبراتب بس الها مواقف بحياتي ماانساهم ولها فضل جبير لهذا اعتبرت سلامتها مسؤوليتي ومن شفتكم وعرفت عدكم علاقه سألت م̷ـــِْن باب خوفي عليها والصراحه احنا مكلفين بنقل گـ❈ٍـْلٍ تحركاتها

رعد : مااعرف شأكلك ابوليث بس گـ❈ٍـْلٍ الي اكوله الك امنيه حبيبتي وعمري ونيتي والله شاهد عليه زواج واخاف عليها م̷ـــِْن الهوا
ابو ليث : اعرف وانتبهت عليك وبتصرفاتك وياها حتى هي تغيرت للاحسن بسببك بس ياابن الناس مو گـ❈ٍـْلٍ الناس مثلي عندي واحد م̷ـــِْن الحرس اسمه مصطفى اكثر م̷ـــِْن مره راد ينقل علاقتكم لااخوها جبار وهذا جبار متعرفه واحد ميعرف الله بأختصار مجرم ميهزه شى واني اخاف عليك وعليها لهذا انصحك وانت بكيفك انت تعرف علاقتكم ممتكافأه ومستحيل اهلها يوافقون لهذا توقعً ڰـْـْـْـڷْشْـْشْ منهم مراح يرحموك ولا يرحموها نصيحتي واعتبرها م̷ـــِْن اخ اكبر منك عوفها
رعد : مستحيل اعوفها شتحجي انت اموت بلياها
ابو ليث : وتموت وياها اذا بقيتوا مصرين على هاي العلاقة
رعد : مااكدر ابد مااعوفها لو يموتوني
ابو ليث : اني الي عليه كتلگ وانت بعد بكيفك اتمنى تكدر انت وياها تواجهون الطوفان الي جايكم اروح اني شفتها شلون قلقه لان تأخرت وياك واكيد راح تفتح تحقيق وياي
رعد : ممكن اخذرقمك
ابو ليث : تفضل
رعد : تسلم ابوليث وصيتك امنيه دير بالك عليها
ابو ليث : لتوصي حريص انت ديربالك الي جايك مو هين الله يعينك

رعد : ظليت ايام افكر بكلام ابو ليث بس هذا ميغير شى م̷ـــِْن حبي لمنوش ولا تعلقي بيها وگمنا يوميه نسولف للصبح وحتى

اذا تعبان م̷ـــِْن الشغل امسي عليها مااكدر انام اذا مااسمع صوتها
وبدت السنه الدراسيه الجديده وهسه اني مرحله رابعه وحبيبتي ثاني واحنا مثل العسل الحلوو بيها تسمع كلامي وهواي م̷ـــِْن تصرفاتها غيرتها

وبيوم داومت وهو ماكو تأخر ادك عليه مغلق وبليل خابرته حجه شويه وراح مفهمت منه وقلبي لعب حسيته مو طبيعي خفت كلش

هند : هااا منوش شبيج دايخه وبس عيونج تفتر مثل المطيرچيه
أمنيه : هند رعد اليوم ممداوم وقلبي يوجعني عليه احس بيه شى
هند : لا ان شاء الله مابيه
أمنيه : امشي الله عليج نروح للقسم مالته نسأل زيد عليه اكيد يعرف وين
صباح الخير زيد
زيد : صباح الانوار هلو امنيه هلو هند
أمنيه : هلاوات فدوه رعد ليش اليوم ماكو
زيد : اني هم ظل بالي تعرفين هو ابد ميغيب لو تنگلب الدنيا وظل بالي وفوكاها صار انفجار قريب م̷ـــِْن منطقتهم وادك ومغلق
أمنيه : يمه اسم الله ربي سترك كمت ارجف واعرك م̷ـــِْن الخوف
هند : شبيج امنيه صدك جذب كولي ياالله راح تخربين
أمنيه : فدوه زيد تندل بيتهم امشي نروح الهم
زيد : اي شلون مااندل واحنا جواريين بس اوكفي خلي اخابر اخوه محمد اطمأن
زيد : هلو حبيبي حمودي ظل بالي على رعود شو ماكوو هااا هيج ماعنده اله العافيه سلملي عليه
أمنيه : احجي شبيه
زيد : يمعوده شبيج راح تموتين مابيه شى مصخن افلاونزا ونايم بالفراش وتلفونه اخوه مطفيه حتى ينام ويرتاح
أمنيه : اريد اروحله للبيت
هند : لا اكيد تخبلتي
زيد : ميحتاج امنيه اكيد هو زين بس فلاونزا ليضل بالج يصير زين واخاف هو ميقبل ترحين
أمنيه : كتلكم اروح يعني اروح متجون ويايه بكيفكم هسه أســــأل واروح وحدي
زيد : لا عمي اجي وياج
هند : نروح بس والله انتي تخبلتي رسمي شنكول لااهله مو عيب خاف العالم تنحرج
أمنيه : اني رايحه
هند : تعاي ولج جايين وياج
أمنيه : ابوليث اخذنا لبيت رعد
ابو ليث : لبيته
أمنيه : اي لبيته عندك اعتراض
ابو ليث : لا العفو ست بس موووً
أمنيه : لا موو ولا شى يله زيد اصعد بصف ابو ليث وانتي هند يله صعدي
رحنا والطريق كله قلبي يوجعني عليه يوم مشفته متت

أمنيه : وصلنا لمنطقتهم المنطقه شعبيه هوسه بس زين بيوتها عاديه صغار واكو كبار بس هوسه وجهال وصلنا لبيتهم نوعاً ماا شايل نفسه بنسبه لبيتنا لاشئ تعبان جدا بس هذا كله ميهمني المهم اشوف رعد
دگينا الباب طلعنا اخوه شاب مرتب واحلى م̷ـــِْن رعد سلم على زيد ومن شافنا وياه تفاجأ ودخلنا
محمد : شفت زيد جاي على رعد عادي لان هو متربي عدنا بس شفت بنات اثنين وياه اتوقعت حبيبة رعد وحده منهن بس الي تفاجأت عليه السياره الراگبيها وضع البنات مبينات بنات خير كلش طببتهم عرفت منو منهم حبيبة رعد لان وحده تباوع على البيت وكأن معاجبها لان قديم والثاني ادور بالوجوه وعيونها مدمعه والقلق كاتلها عرفت هاي حبيبة اخًويه م̷ـــِْن عيونها مبينه خايفه عليه
زيد : اي حمودي وين رعد نطمأن عليه ونروح لان عدنا محاضرات
ام محمد : هله يومه زيودي هله بيك هاي منو وياك
زيد : هله بيج يمه شلونج يمه هاي زميلات رعد جايات يطمأنون عليه
ام محمد: هله بيجن يمه البيت بيتكم تشرفونا
أمنيه : هله بيج خاله وبوستها اوف بيج ريحة حبيبي
ام محمد : الي باستني اول وحده عرفت حبيبة ابني م̷ـــِْن لهفتها ولك فلك طرك رعد وين لكيتها هاي تخبل (احجي بداخلي )
محمد : تفضلوا ادخلوله للغرفه هو نايم بلكت م̷ـــِْن يشوفكم يصير زين لان البارحه كلش خوفنا عليه وصخونه وابر ومستشفى الحمدلله عدت سلامات
أمنيه : اشوف بعيون اخو رعد كأن يعرفني اني شنو بالنسبه لرعد م̷ـــِْن كال دخلوله لو بيدي اركض اول وحده طبينا لغرفته كانت مرتبه رغم بساطة الاثاث بس كلش نظيفة ومرتبه شفته نايم يمه م̷ـــِْن فدوه نومتك جان امنيتي اشوفك شلون نايم ظلينا فوك راسه محس بينا
هند : عوفوه خطيه نايم امشي خلي نروح
أمنيه : اوكفي لج هسه انكعده
محمد : اباوع عرفت احساسي صح هاي امنيه الي البارحه يهذري بأسمها ردت اخلي اخويه يفتح عيونه ويشوفها بس شلون اعوفهم وحدهم خاف عيب شويه وحس رعد
رعد : كتلتني الصخونه والفلاونزا گـ❈ٍـْلٍ الي اذكره حجيت ويه امنيه مكدرت اطول خاف تحس مريض وراها محسيت اله واني بالمستشفى ومن رجعنا نمت واني نايم اشتم عطر امنيه ولج منوش شسويتي بيه حتى واني مريض ونايم وضارب كومه ابر اشم عطرج سمعت صوتها لا اكيد متوهم واكو اصوات بعدبصفها كوه فتحت عـُـُيٌُـوني واشوفها گبالي سديتهم كلت اكيد احلم
بس سمعتها تكول حمدلله على سلامتك رعد
رعد : طفرت م̷ـــِْن مكاني
محمد : اسم الله على كيفك
رعد : هاي انتي هنااا
زيد : واني وهند حمدلله على سلامتك خويه
رعد : بين الفرحه بين الحزن الفرحه بشوفتها والحزن لان شافت وضعنا وبيتنا صح اني مااستعر م̷ـــِْن وضعي وافتخر بهذا الشى بس ماادري ليش ضجت م̷ـــِْن جيتها
أمنيه : بالبدايه شفت عيونه تلمع ومكيف وراها ضاج حبيبي واعرفه

ظلينا نسولف وزيد يضحك بيه كلها تضحك اله اني صافنه بو

ي وينزلون اربعه منها جتفوني واخذوني وهمه عضلات وضخام حتى مكدرت اقاوم ضربوني على راسي فقدت الوعي

يتبع .

جهه مااريد اي شى يلهيني عن شوفت وجهه
هند : يله عيني رعد نعوفك ترتاح ونشوفك بخير
محمد : زيودي تعال اگلك عندي شغله وياك
طبعاً ردت اسوي مجال لاامنيه لان احسها راح اطك اذا متحجي ويه رعد وفوكاها رعد مغندب عليها بس صديقتها شلون واتفاجأت الحجيه امي هم طلعت لوتيه وافتهمتني
ام محمد: يمه بنيتي لاامر عليج بنيتي بالكليه هسه ومرت محمد نايمه
عندي بس قطعه اقماش كاعد اخيطها بس الزميها الي ونظميلي الابره خالتج عيونها تعبانه
هند : اي خاله ادللي
أمنيه : الكل طلع بقيت اباوع بوجهه رعد وهو ميباوع داير وجهه
رعد : عافونا وحدنا عرفت امي ومحمد طلعوهم لخاطري بس مااكدر اباوع بوجهه مااعرف ليش
أمنيه : حبيبي بيه ولا بيك
رعد : ليش اجيتي امنيه
أمنيه : اجيت اشوف حبيبي مريض وروحي فرفحت عليه ومتحملت مااشوفه
رعد : لو اجيتي تشوفيني شلون عايش شفتي هنا انام هنا عايش اكيد لعبت نفسج م̷ـــِْن بيتنا اكيد هسه گلتي اني شحبيت حبيتلي واحد حافي ماعنده شى
أمنيه : شبيك رعد تعيط عيب م̷ـــِْن اهلك ليسمعون
رعد : خلي يسمعون يدرون بيه احبج بس ميدرون احب بنت منوو ميدرون اني نظرت للعالي ورگبتي انكسرت تمنيت القمر والقمر لو اموت مااوصله امشي بالغرفه متهستر واحجي بصوت عالي
شفتي حياتي هاي حياتي واحد كحف حصره عليه الفلس الغرفه الي مال الحرس الي بحديقة بيتكم احلى م̷ـــِْن بيتنا

أمنيه : اوكف ليش هيج عصبي وتحجي بكيفك اقلها اكعد انت بعدك مريض
رعد : ولج اني مريض بيج تعرفين شنوو مريض بيج حبيت وتندمت جان لازم ماالعب بالنار ولعبت تقربت لشى مو م̷ـــِْن حقي حتى انظر اله مو احبه والمسه
أمنيه : انت شجاك اليوم البارحه جنت طبيعي شغيرك عليه
رعد : م̷ـــِْن شفتج بيتي صحيت بس صحيت متأخر كلش
كعدت وحطيت ايدي على راسي واني ميت
أمنيه : انقهرت كلش م̷ـــِْن كلام رعد كعدت كباله قرفصت ورفعت راسه بأيدي
حبيبي شوو خلي اشوف عيونك الي اموت عليهن
رعد : امنيه دخيل ربج روحي
أمنيه : ماروح ياعمر ونبض امنيه
تعرف انت شنو بالنسبه اليه انت الهوا هذا وجريت نفس قوي شفت هذا النفس الي جريته هذا انت شفت هذا القلب وحطيت ايده على قلبي هذا انت رعد
يابيت ويافلوس يا مستوى تحجي عنهم
انت بالنسبه اليه روحي والروح اذا راحت يموت البشر واني اموت بلياك مستعده انام على هاي الجربايه حتى لو نفر المهم انام بحضنك مستعده اعيش على حصير المهم اصبح بوجهك واعيش وياك لو تعرف شكد اعشقك مجان جرحتني هيج بس اني احسن منك راح اسامحك تعرف ليش لان احبك اكثر مما تحبني والي يحب يسامح حبيبة
رعد : سمعت حجيها وعيوني بعيونها وعيونها كلها حب ودموع متحملت وحضنتها
أمنيه : الله اموت على حضنك تروحلك فدوه امنيه كله ولاتزعل مني
رعد : انتي لتزعلين مني م̷ـــِْن حبي والله حجيت هيج لزمت وجهه وبست راسها
تدرين ممصدك انتي بين ايديه وبغرفتي
أمنيه : ههههه ولا اني وجنه الشيطان هلمره كام يلعب بعقلي مو بعقلك
رعد : شنوو قصدج
أمنيه : حضنت رعد وبسته بالاول تفاجأ وبسرعه انسجم ويايه ورحنا بغير عالم كأن بس اني وهو بالدنيا وفجأه اندك الباب وخرت
محمد : سمعنا عياط رعد مخليت زيد يدخل اله حتى صديقتهم ضلت تلوب بس مدخلت بعدين صار هدوء عرفت اتصالحوا كلت خلي ادخل كافي هههه الشيطان شاطر
دكيت الباب
رعد : جفلت وخرت امنيه
محمد : رعوده الجماعه يردون امنيه
أمنيه : هااا اي مًـُاُشي ماعندك اله الصحه والعافيه كاعد تطلع لزمت ايدها وبستها م̷ـــِْن راسها كدام محمد خجلت كلش اموت عليها م̷ـــِْن تخجل وشاورتها
ديري بالج على نفسج ياامنيتي
أمنيه : شكد استحيت وفوكاها اخوه واكف واني كتله بس بهمس وانت هم دير بالك على نفسك يانبض امنيه ودعته وطلعت م̷ـــِْن غرفته
محمد : امسح حلگك قبل متطلع وراهم كله حمره
رعد : ههههههه شكد خجلت بس اني ومحمد بقينا نضحك طلعت ودعتهم وشكرتهم على جيتهم
ام محمد: هاك يمه هاي صاحبتك جابتلك ورد اخذه لتروح اختج تجي م̷ـــِْن الكليه وتاخذه لو تموت متنطي الك
رعد : هو بكيفها غير هذا الورد م̷ـــِْن رويحتي
ام محمد : الله يجعلها م̷ـــِْن نصيبك يمه مبينه بنت خير وحبابه وتحبك وفوك گـ❈ٍـْلٍ هذا. تخبل
محمد : والله يمه انتي هم طلعتي لوتيه عرفتي شلون اطلعين صديقتها
ام محمد : جاااا شبيه اني امك يامحمد افرها فر اهم شى عندي ولدي يرتاحون واشوف الفرح والرضا بعيونهم
رعد : بست راس امي ومحمد
محمد : عمي لو ندري ست امنيه هيج اطيبك جان جبناها م̷ـــِْن البارحه ولا نفتر بالمستشفيات
رعد : هههههه لو تعرف شكد احبه محمد
محمد : الله يجمعكم خويه
رعد : الله يسمع منك

تقى : نزلت من فوك جنت اسمع اكو احد بس مابيه حيل اسلم خلي ابقى بالغرفه احسن
اكلكم منو جان هنا
ام محمد: حبيبة رعد
تقى : لا حرامات مشفتها خرب ليش مصحتني رعودي والله جان نزلت اركض اشوفها
محمد : وانتي شعندج شايفتها
تقى : فضووول
محمد : بطلي فضولج الفضول محلوو
رعد : شسويتها قصه محمد مرادت شى تقاوي
م

حمد : تعالي ويايه
تقى : صعد للغرفه واول مدخلنا
اسمعي شقه زايد ويه رعد مااريد وميانه ماكو
تقى : : انت صدوك تحجي هذا مثل اخويه وانت تعرف معزته عندي عيب عليك هذا الحجي
محمد : مو عيب ولا گلت شى كلت خففي شقه ورعودي وتقاووي مو عيب شنو هاي الخفيه
تقى : مجاوبته اووف خوش طلعلي بموضوع جديد لازم يغثني ميكدر

أمنيه : رجعت وطويل الطريق ساكته وصافنه واذكر حظن رعد وحنيته وبوسته اوف الله يجي يوم وانام بحضنك واصير زوجته يمكن م̷ـــِْن الفرحه يوكف قلبي
هند : شبيج صافنه
أمنيه : ماكو شى راح اوصلكم للكليه واني اروح للبيت مااريد اكمل
هند : رجعيني وياج مااروح للكليه
زيد : لعد نزلوني هناا
أمنيه : عيب عليك زيد نوصلك ونروح للبيت قابل طاير
وصلنا زيد وبالرجعه استلمتني هند

هند : شفتي بيتهم عزه ولو منطقتهم ولا مستواهم
أمنيه : اسكتي هند ولا كلمه
هند : ولج شسكت انتي شفتي وضعهم ابوج يحرگج ومينطيج الهم
أمنيه : هند لدوخين روحج لو اعيش وياه بقفص دجاج هم راضيه ومااعوفه لو اموت لهذا لدوخين روحج ولا ادوخيني
ابو ليث : ست امنيه ولو تدخل مني بس سمعت كلام ست هند وهي تحجي صح
أمنيه : اسمعوني اثنينكم رعد مااعوفه لو على كص رگبتي وسدوا الموضوع

مرت الايام وحبنا ارقى حب لحد مااجه اليوم الي گلب حياتي وحياة رعد استاذ ويايه رايح لوالدي وطلب ايدي وهو استاذ ابن عائله وامكانتهم ممتازه والدي فتح الموضوع ويايه واني رفضت بس مبلغت رعد حتى لينقهر بس مااعرف منوو كايله واجاني شايط

رعد : سمعت م̷ـــِْن ولد ويانا بالقسم استاذ خالد متقدم لاامنيه واني نار وشبت بقلبي
انتي ليش مگتيلي
أمنيه : رعد على كيفك ليش هيج صوتك عالي حصره صار موضوع واشتغل عياطك ابد ماعندك تفاهم
رعد : ولج شتفاهم وانتي جاي يخطبوج وگبال عيني وفوكاها متگوليلي
أمنيه : رعد انتهى لتكبر الموضوع الولد اتقدم ورفضته لتضوج
رعد : لج انتي شبيج اني نار تاكل بيه وانتي تگوليلي لتكبر الموضوع

أمنيه : طبعاً لتكبر الموضوع لان تعرف اني اموت عليك وماابدلك بألف واحد بعد شنو هذا الحجي الزايد
رعد : منوش لتستفزيني بالحجي اني قلبي نار وانتي ولا مهتمه
أمنيه : ولا راح اهتم وانتي تدري كلش زين اني بنيه حالي حال الف وحده لازم يجوها خطابه لهذا ماله داعي هاي الضوجه كلها
حبيبي اني الك وروحي بيك وميلمسني بشر اله ميته ويدفنوني لهذا سد الموضوع بداعتي تره اخذ اكبر م̷ـــِْن حجمه

رعد : ماشي حبي راح اسكت
حسيت بضيق وقلبي يوجعني صح سديت الموضوع بس حسيت هاي اشاره بأن لازم اسوي شى الى متى اضل بس اتفرج والعرسان اشكال الوان يوميه واحد متقدم الها وقررت اروح اتقدم الها يمكن هذا الشى الي خطأت بيه وكان لازم احسب اله الف مره قبل مااتقدم بهاي الخطوه وندمت عليها عمري كله

محمد اريد احجي وياك
محمد : كوول رعودي محتاج مصرف
رعد : محتاج وكفتك ويايه
محمد : ابشر حبيبي روحي الك
رعد : سالمه روحك يااخويه اريد اروح اخطب امنيه
محمد : انت واعي لكلامك
رعد : ليش مجرمت اني البنيه احبها واريد اخطبها وهذا شى طبيعي
محمد : طبعاً طبيعي بس مو وحده مثل امنيه وانت بعدك طالب شتكول لاابوها لااخوها مستحيل يقبلون
واني ماالوهم وحده مثلها ويجيها طالب كلشي ماعنده حتى شهادته بعده ممحصلها شلون ينطوه مره اني ماانتقص منك حبيبي انت اخويه ورفعت راسي بس ميصير كلشي بالعقل والاستعجال بهاي الامور حتى تصير نتائجها كارثيه
رعد : يعني مراح تجي ويايه
محمد : اكوله ثور يكلي حلبه
بابا غلط هسه تخطبها راح تفتح على نفسك باب جهنم
رعد : ماشي إٱللـِْﷻـِْﮭﮧ كريم
محمد : اقتنعت بكلامي لو لا
رعد : اي اقتنعت
طبعاً ابد مقتنعت كنت مغيب ردت بس اريد اثبت حـبـٌ💞ـيّ لاامنيه ومااعرف شلون عقلي تسرع بهاي الطريقة حبها حتى عقلي طيره واني العاقل الرزن كمت مااعرف اتصرف لهذا مسمعت كلام اي احد ورحت لبيت امنيه بدون ماابلغ احد واولهم منوش
اعرف الجمعه ابوها موجود رحت بكامل اناقتي ورحت الرجل بيه عرفته زميل بنته بالكليه واخذنا نتكلم بهدوء واول مكتله
عمي اني اجيت اليوم اطلب ايد كريمتك امنيه
ابو أمنيه : اهلاً وسهلاً بيك ابني بس فهمني بالاول اهلك وين هو الي يخطب يجي بهاي الطريقة اني عبالي زميلها تريد شغله او محتاج مساعده مو جاي تخطب
رعد : اسف عمي بس حبيت بالاول اعطيك خبر وفي حال الموافقه اجيب مو بس اهلي الدنيا كلها
ابو أمنيه : ماشي ابني اترك عنوانك يم الحرس والي بيه خير ربك يقدمه
رعد : حبيت والدها حسيته بسيط ومو يخوف مثل مجانت امنيه مصورته اليه

أمنيه : اجه رعد وسمعت كلامه ويه ابويه واني دكيت ولطمت ميدري شلون فتح النار علينا ليش يارعد هي هاي سوايه تسويها بيه
وظليت ابجي لان عرفت جهنم انفتحت ومراح تنسد صّـْْ(☑)ـْْحّ احنا واحد يحب الثاني ولازم هذا اليوم يجي بس مو بهذا الوقت وهو كلشي ماكو لا شهاده لا منصب
خابرت هند
هند لحكيلي رعد اجه خطبني
هند : عزه العزاج وعزاه شلون يسوي هيج
أمنيه : لحكيلي راح اخ

رب مااكدر اوكف على رجلي
هند : رحت ركض لاامنيه واني يمكن ارجف اكثر منها
ها وٌلًـ😳ـًّجٌ يامعزايه مو كتلج اخ منج ولا تسمعين كلام
أمنيه : مو وكتج ولا وكت العتب راح اموووت شلون بيه واذا سألني بابا شأكول
هند : شوفي منوش اذا سألج كوليه خوش ولد درسني فتره وراها مشفته
أمنيه : ليش مااكول مااعرفه
هند : غبيه اكيد ابوج راح يسأل ويعرف هو الي درسج
أمنيه : هاااا اي صح ولج شلون بيه ليش رعد هي هايه سوايه
هند : والله اللوم عليج حبيتي واحد لو تموتين متصيرين اله
أمنيه : اجه والدي وسألني وكتله نفس الكلام الي اتفقنا عليه
وراها بيومين داومت ورحت ركض لرعد
ليش رعد هيج تسوي بيه
رعد : صبحي بالاول صباح الورد يااحلى امنيه عايش حتى احققها
أمنيه : مو وكت الغزل مالتك اني طعم النوم مضايكته وحتى تلفوني سديته خفت لااخابرك واحد يحس ليش هيج
رعد : شبيج لوك لوك م̷ـــِْن الصبح شسويت هو رحت خطبت حبيبتي حتى تنور بيتي
أمنيه : انت عبالك بهاي السهوله
رعد : انتي الي تصعبين الامور هي سهله والدج انسان هادئ
أمنيه : هادئ لان بأعتقاده حالك حال اي شخص اجه يخطب بنته وينرفض وانتهى
رعد : لعد شنووو اني
أمنيه : مو وكت شقاك انت تعرف اذا والدي عرف علاقتنا شراح يصير ً
رعد : ميصير شى لتصيرين جبانه
أمنيه : اوًًًووًفــօƒƒــف مراح تفهمني ادعي م̷ـــِْن إٱللـِْﷻـِْﮭﮧ يعدي هذا الموضوع على خير
رعد : م̷ـــِْن فدوه لهاي الخدود والخشيم الي يخبل جنه مصقوله ينكرط
أمنيه : والله انت موطبيعي
وراها بأيام والدي انطه الرفض بس عيون جبار مرتاحيت الهم حسيت وضعه وكلامه ويايه واسئلته مو راحه منين تعرفيه وهم تسولفين وياه وشنو طبيعه كلامك وياه تكول كاعد بتحقيق بس طريقة الاسئله كلها شك اخويه واعرفه حسيته ممرتاح رغم م̷ـــِْن خطبني الاستاذ وقبلها طالب بالكليه مسوه هيج

جبار : ابوليث تعال انت ومصطفى ورايه
ابو ليث : قلبي لعب م̷ـــِْن اجه رعد حسيت هاي هيه لهنا وهاي نهايتهم
جبار : شخبار امنيه بالكليه احد يضايقها تصرفاتها شلونها
ابو ليث : والله استاذ جبار ماكو شى جديد نفس يومياً
جبار : متأكد
ابو ليث : اي متأكد
جبار : ماشي تكدر تروح ابو ليث وانت مصطفى عندي كم شغله انطيهم الك ابقى حتى تاخذهم
ابو ليث : طلعت واني قلبي يلعب هذا مصطفى مستحيل يسكت
جبار : اي مصطفى غرد اريد اسمع
مصطفى : نعم استاذ
جبار : منوو رعد وشنوو علاقته بأمنيه اعرف ابو ليث ميحجي صدك لان واحد مثل رعد مهتلف يجي وبهاي الجرأه ويتقدم معناه عنده شى وضمان ومتأكد راح نوافق
مصطفى : حاظر استاذ راح احجيلك كلشي
جبار : اني الها الحقيره حضرت جنابها رايحه تدرس لو تصادق وانتم وين جنتوو
مصطفى : استاذ جبار اعصابك والله ردت اكلك بس ابو ليث مخلاني
جبار : خلي اخلص الي بأيدي وبعدين افرغ الكم انت وذاك الكلب ابوليث تضمون عليه بعيني

أمنيه : ليش قلبي مقبوض احس النفس كوه اجره كعدت حلمانه حلم مزعج وراسي يوجعني باوعت ساعه 4 الصبح
سمعت يأذن واني تاركه الصلاة بين سطر وسطر يوم اصلي وعشر اترك مااعرف بذيج اللحظه احتاجيت رب العالمين وقلبي مقبوض توضيت وصليت وبجيت ومااعرف سبب دموعي بعد الصلاة كلت خلي اخابر رعد ادري بيه يصلي وملتزم مو مثلي
أُلؤْؤٌ📞ؤًِّؤٌٍٓ تقبل الله
رعد : حبيبي منا ومنج شو كاعده خفت م̷ـــِْن شفت اتصالج
أمنيه : حبيت اصبح عليك وجنت اصلي
رعد : هاي منوو تصلي منوش
أمنيه : ليش عيني احد كلك كافره
رعد : هههههه لا مو ادري بيج يوم تصلين ويوم لا وشكد حجيت وياج بس ميفيد بس كلت م̷ـــِْن نتزوج اجرج م̷ـــِْن شعرج وغصب عنج اخليج تصلين
أمنيه : ويطيك قلبك تجرني م̷ـــِْن شعري
رعد : أمنيه تهدي بالرحمن هستونا صلينا لتتموعين بالكلام اني قلبي رهيف ومااتحمل جنتي زينه وصليتي لتشتغلين شيطان بعد الصلاة احجي عدل بدون تموع
أمنيه : هههههههه فديت الي روحه تموع م̷ـــِْن يسمعني احجي بهدوء
رعد : اشتعل الي خلفج على هاي الضحكه امووت عليج روحي ارتاحي بعد كم ساعه اشوفج يااحلى صباح
أمنيه : رعد
رعد : عيونه
أمنيه : اموووووت عليك
رعد : واني اعشقج لحد الجنون يله روحي كافي شيطاني الصغير
أمنيه : لقب جديد هههههه بس ليش شيطان اني ملاك
رعد : مخابرتني اربع ونص الفجر وتتموع وتضحك وتكولي ليش شيطان اوف لو يمي حتى ابليس ميخلصج مني
أمنيه : هههههههه روح مبين انت تحولت شيطان باي حبيبي
رعد : باي امنيتي
أمنيه : نزلت الصبح اشوف الوجوه مگلوبه والوضع متكهرب
صباح الخير جميعاً
صبحوا بس الوضع مو طبيعي رحت للكليه والوضع طبيعي ورعد والغزل مالته ميخلص ورجعت طايره م̷ـــِْن الفرح وطبيت ولكيت الكل مجتمع السلام عليكم
ابو أمنيه : تعاي بابا اكعدي يريدون اخوانج يحجون وياج
أمنيه : نعم تفضلوا خير وضعكم مو طبيعي
جبار : اجاج عريس صديقي ازهر وهو خوش ولد واحنا موافقين والخطوبه الجمعه الجايه

أمنيه : اني صافنه عليهم وخاصه جبار هذا شيحجي شنوووو وانتم بكيفكم توافقون
ابو أمنيه :

نصي صوتج نسيتي نفسج لو شنووو

أمنيه : بابا كاعد تسمع شيكول جبار
ابو أمنيه : احد كلج اني اطرش سمعت واعرف بالموضوع وكلنا موافقين وماكو نقاش الجمعه الجايه خطوبتج
أمنيه : احس واحد وضربني على راسي لا اكيد هذا كابوس وراح اصحى كمت اعيط تهسترت مستحيل مااوافق ومو بكيفك مااتزوج

جبار : لعد شتريدين تتزوجين هذا المهتلف رعد مووو
أمنيه : هنا اني قطره دم ماضلت بيه لا ياربي دخيلك معناه عرفوا كلشي
أمنيه : رعد منووو انت شكاعد تحجي

جبار : عبالج مااعرف بسوالفج بس خلي اخلص م̷ـــِْن سالفتج الجمعه واني اعرف شلون اربي لهذا الكلب رعد
أمنيه : اخ هد ايدي شجاك اخ
ابو أمنيه : عوفها جبار سمعي امنيه الجمعه خطوبتج وانتهى الموضوع مااريد هذا الموضوع ينفتح اصلاً
أمنيه : بابا حرام عليكم مااريد اتزوج وشلون اتزوج هيج انت عمرك مجبرتني عفيه بابا احجي وابجي منهاره حسيت بديت اخسر كلشي
ابو أمنيه : صوتج مااريد اسمعه انتهى النقاش
أمنيه : لا منتهى مو بكيفكم مااتزوج لو اموت
جبار : لتعلين صوتج بين ابويه معرف يربيج اني اليوم اربيج كمشت شعرها
أمنيه : كمشني م̷ـــِْن شعري على لحظة احس فروه راسي راح اطك بأيده بس هذا ميهمني الي يهمني مااتزوج نزلت يم رجل ابويه ابوس بيها
فدواتك بابا مااريد اتزوج شتريدون اني حاضره بس زواج لا دخيلك
ابو أمنيه : انتي الي ضيعتي فرصتج بأيدج معبالي هيج تخونين ثقتي فضلتج على اخوتج ودللتج وكلت هاي وحيدتي وجوهره قلبي بس جنت غلطان وجان لازم اسمع كلام جبار واضغط عليج وهاي تالي دلالي تصادقين بالكليه وصايرتلي جوليت الكليه وفوكاها واحد طايح حظ مهتلف وفكر وناس الخدم مالتنا احسن منهم هي هاي تربيتي الج لهنا وكافي جبار هو يتكفل بيج لحد متتزوجين وتروحين لبيت رجلج ومنا لهذاك الوقت حسج مااسمعه واله والي خلقج اكتلج خلاص بأيدي
أمنيه : صافنه على بابا ودموعي عشره عشره هذا مو بابا واحد قاسي جامد اي رحمه بوجهه ماكو لو بيده يشرب م̷ـــِْن دمي وفوكاها سلمني بأيد جبار الي بدون كلشي لو بيده يشرب م̷ـــِْن دمي ربي دخيلك محتاجه رحمتك وضليت ابجي واعيط تالي سحلني جبار للغرفه مثل الحيوان ودك تكفخ وراشديات واخذ موبايلي وقفل الباب عليه

ضليت مااعرف كم ساعه ابجي وامي م̷ـــِْن وره الباب تحاجيني امي مره فقيره وجبانه لاحول ولا قوه الها حتى كلامها قليل بس حسيت بوجودها وره الباب وتبجي ويه بجيتي ومتعرف كلشي تتصرف
ضليت ابجي بحركه ساعه الطم على وجهي ساعه املخ بشعري مااعرف شأسوي وتذكرت رعد كلت راح يموتوه دخيلك ربي وتهسترت ولك جبار بابا حمزه دخيلكم لتسون شى

اجه حمزه وفتح الباب طبعاً حمزه اخويه اصغر م̷ـــِْن جبار ويساعد بابا بالشغل بس اقل م̷ـــِْن جبار بالاعصاب يعني يكدر الواحد يحجي وياه اله ذاك المجرم اي رحمه بقلبه ماكو
حمزه : وجع شكووو حسج لبره وحرس اكووو
أمنيه : دخيلك حمزه شتريدون اسوي بس رعد لتسوله شى
حمزه : اذا تدرين هيج شى شلون تجازفين بسمعتنا لازم نربي وانتي هم نربيج حقه جبار انتي متنطين عين
أمنيه : فدوه شسون وياكم بس رعد عوفوه والله ماله ذنب عوفوه اروحلكم فدوه
حمزه : ولج والله انتي فاجره اكو وحده تحجي هيج ويه اخوها متخافين اكتلج خلاص
أمنيه : راضيه بس لتسون بيه شى والله ذنبي مو ذنبه
حمزه : انسي لو تموتين هاي اذا مو جبار قطعه وصل ودزه لااهله بكونيه
أمنيه : م̷ـــِْن سمعت هيج متحملت دفعت حمزه وجان الباب مفتوح ونزلت حافيه ركض للشارع واعيط وفاقده والكل تركض ورايه يريدون يلزموني ميكدرون حتى الحرس تفاجأوا بوضعي ولك جبار لا حرام عليكم لتحركون قلبي رعد راح ياخذوك مني واعيط والطم
ومحسيت غير واني بالمستشفى
أمنيه : اني وين
ام أمنيه : الحمدلله حبيبتي شلون صرتي
أمنيه : ماما رعد واعيط
ام أمنيه : اشش اسكتي ابوج واخوتج بره فدوه بنيتي سكتي وستري على روحج
أمنيه : ماما حبابه كوليلهم ليأذون رعد
ابو أمنيه : الْحٍمَدٍ للـّہ على سلامتج والي سويتي اليوم بعدين احاسبج عليه
أمنيه : بابا فدوه بداعتي انت مو تحبني لتأذون رعد
ابو أمنيه : شكد صلفه وممربايه مع الاسف معرفت اربيج وتستاهلين الموت
أمنيه : اي استاهل وراضيه بس رعد عوفوه دخيلك بابا
ابو أمنيه : اسكتي هسه احنا بمستشفى حسابج بالبيت
أمنيه : ضليت اعيط واعطوني مهدأ وبقيت يومين بالمستشفى وطول مااشوف بابا لو حمزه اتوسل بيهم حتى ليسون شى لرعد وطلعوني م̷ـــِْن المستشفى واليوم اربعاء وبقى يومين على خطوبتي واني الدموع تنزل دم م̷ـــِْن عيوني
رعد : داومت طبيعي بس اليوم حبيبتي ماكو ظل بالي ادك وماكو رحت لهند كالت تلفونها مغلق واني هم يطلع مغلق اكلني قلبي عليها تذكرت م̷ـــِْن اجتني للبيت عرفت وعذرت لهفتها عليه

رعد : حاولت اتصل طول فتره الدوام وماكو اتصلت هند بأم امنيه وكالتلها مريضه فلاونزا وتلفونها ضايع متدري وينه مااعرف ليش قلبي لعب رجعت للبيت مكملت دوام مالي واهس وحبيبتي ماكو وفوكاها مريضه واني امشي محسيت غير سياره تطبك بصف

#يسعد_اوقاتكم_بكل_خير
#توقعات_الابراج_ليوم_الثلاثاء

#الحمل
مهنياً: حذار أجواء هذا اليوم فالمعاكسة شديدة، قد تكون على مقربة من توقيع احد العقود، إنتبه للتفاصيل.
عاطفياً: يوم إيجابيّ لأنّه خالِ من المشاحنات والظروف الضاغطة، وبالتالي تسود سماءك أجواء لطيفة ومشجّعة على التعبير عن عواطفك.
صحياً: تشكو الإرهاق الشديد بسبب الضغوط الكثيرة التي تعانيها، المطلوب الكثير من الديبلوماسية في التعاطي.

#الثور
مهنياً: تتخلص من بعض النقاشات المهنية العاصفة، وتعيد جدولة مشاريعك المستقبلية كي تختار منها الأفضل لك.
عاطفياً: التصرفات الصبيانية تضر العلاقة وقد تزعج الشريك وتجعله ينفر منك كلما حاولت التقرب منه.
صحياً: ثمة ما يشير إلى قضية صحية تحتاج معها إلى الرعاية المتواصلة والدقيقة.

#الجوزاء
مهنياً: تمالك أعصابك وتحاشَ التسرّع في الدفاع عن نفسك، قد تتعرّض لظلم أو قمع، لكنّ الجوّ السائد لا يسمح لك بمواجهة المسؤولين.
عاطفياً: لا تعجبك انتقادات الشريك الدائمة لك، اصبر حتى تجد فرصة مناسبة أكثر لك.
صحياً: عليك المحافظة على هدوئك وأعصابك في أكثر الظروف حرجاً وصعوبة.

#السرطان
مهنياً: تتمتع بسرعة بديهة وبأفكار ذكية، كثّف اتصالاتك، وكرّر المحاولات ومارس جميع صلاحياتك.
عاطفياً: ابتعد عن النقاشات ولا تتخذ قرارات فجائية، قد يكون حديث عن انقطاع في العلاقة.
صحياً: اتخذ القرار المناسب في ما يتعلق بوضعك الصحي، ولا تتسرع في خطواتك.

#الاسد
مهنياً: تبدأ مرحلة جيدة من العمل، ويلقي هذا اليوم الضوء على قضية رسوم مهمة او سلفة او ضمان او قضية ارث محتملة.
عاطفياً: كن أكثر لطفاً مع الشريك، فهو أقرب الناس إليك وأكثرهم تفهماً لوضعك عموماً.
صحياً: الإكثار من تناول المكسّرات والمشروبات الروحية يضر كثيراً بالكبد.

#العذراء
مهنياً: تجنّب إلقاء التهم واختلاق المشكلات، وحاول الاعتزال أو العمل خلف الستار والتفكير ملياً في مستقبلك المهني بعيداً عن أعين الحساد والمتطفلين.
عاطفياً: تحاشَ مواجهة الحبيب بكل خطأ يقترفه بغضّ النظر عن السلبيات التي تراها فيه، وحاول لفت نظره إلى ضرورة عدم تكرار الخطأ.
صحياً: لا جدال ولا نقاش في أن الرياضة تخلّص من الكثير من الآلام والأمراض.

#الميزان
مهنياً: حاول أن تعمل ضمن فريق ولا تتخذ قرارات منفردة، بل حاول أن تشرك فريق عملك واستمزج آراءه فهي قد تكون مفيدة جداً.
عاطفياً: أمور مثيرة للجدل تناقشها مع الشريك، وهي في معظمها مادّة دسمة لتزكية الخلاف المتفاقم بينكما.
صحياً: إحم نفسك وحافظ على سلامة وضعك الصحي من الضغوط المهنية المتواصلة.

#العقرب
مهنياً: تعالج اليوم بعض الملمات وتقارب المستجدات بروح إيجابية وأعصاب متينة، ولا سيما إذا اضطررت إلى المواجهة.
عاطفياً: تصطدم بشريك يحاول سحقك ويطرح التحديات فتجد نفسك وسط أزمة طارئة.
صحياً: تمر ببعض المصاعب غير الخطرة، لكنها قد تكون إنذاراً لإيلاء الوضع الصحي المزيد من الاهتمام.

#القوس
مهنياً: حاول ان تقرّب المسافات بينك وبين المسؤولين عنك في العمل، فهم ضمان أكيد لتقدمك مستقبلياً.
عاطفياً: النصائح التي يسديها لك الشريك صادقة، وهي تصبّ في مصلحتك لتمرير يوم غير مستقر.
صحياً: تشعر بعدم الاستقرار والقلق، لكنك تتخلص منهما بطريقتك الخاصة.

#الجدي
مهنياً: تدعو في العمل إلى اجتماع طارئ لبحث الآلية الجديدة التي تنوي اتباعها أملاً في تحسين الإنتاج ودخول مجال المنافسة.
عاطفياً: تتلقى بعض الاعترافات من الشريك وتجنّب حسم الأمور المصيرية والنزاعات.
صحياً: الاوضاع الصحية ضعيفة فلا تقدم على أي مشروع ترفيهي في الوقت الراهن.

#الدلو
مهنياً: تقوم برحلة مهنية مهمة ومفيدة وتشعر بالتحرّر، بانتظارك تأخير أو خيبة، ولن تسمع جواباً حاسماً.
عاطفياً: الوضع العاطفي يشهد جدالاً وخلافاً لا يلبثان أن يزولا، وتكون الأجواء أكثر إيجابية معك وتحمل إليك المفاجآت.
صحياً: لا تغامر بوضعك الصحي مقابل حفنة من الأموال ستجنيها مقابل ساعات عمل إضافية.

#الحوت
مهنياً: تطور مفاجئ يؤثر في أوضاعك المالية أو يتحدث عن تغييرات تحصل في هذا الإطار ولو على المدى البعيد.
عاطفياً: حذار الازدواجية في العلاقات وكن مخلصاً واصمد أمام سحر الجنس الآخر.
صحياً: حان الوقت لوضع حد للسمنة المفرطة واتباع حمية غذائية قبل فوات الأوان.

$
#فقرة_شعر
يكلبي ما هوا غيرك .هوا لك
فديت العمر لو ردته. هوا لك
يهول الضيم بفراكك يهولك
نسيس الشوك بحشايه سرى

كولولها الروح اشتهت

تغفه اعله ريحة شالها

كون #أمد❗️💢

ايدي على #كــلبي 💔🔕

وأمسح الخلوني #أضوج

في هذه الحياة ..
هناك أشياء نحتاجها و أشياء نتمناها ،
و بين الإحتياج و الأمنية يختار الله
لنا ما يناسبنا ..
فيا رب ارزقنا الرضا و القناعة
و راحة البال ..
ســاعة &$
وتـــــفصلـــنا عــن عـن نـــــهايــــــة...
الــســـــنة الـــــميـــــلاديــــــة 2019

🎊🎉 ليــــبدأ عـام 2020🎊🎉
كــل عــــام وانـــــتم بـــــــألــــــف خـــــير
احــبـائــــــي،اعــــزائي،حـبــايــــب قــلـبي
ســنة خــــير عــــليـــــكم ان شـــــاء الله🙏
🌟 #المدير 🌟

#قصة_عراقية
#عبق_الماضي


البارت السابع عشر



رعد : اباوع على نفسي شنو الي سويته بحياتي واعيش هيج لا بيوم اذيت احد ولا عاق الوالدين ولا اسوي المحرمات ليش الخير والزين منداس بهاي الدنيا
اني مردت شى كل الي ردته اعيش مرتاح بس الدنيا متقبل الفقير يعيش مرتاح لازم يوميه تأذي مترحمه ردت اخذ الشهاده واتخرج واشتغل واساعد اهلي وارد فضل اخويه وتعبه واجازيه هذا جان حلمي

وگالت الدنيا لا اصبر جبتلك الي اطير عقلك من راسك واجتني الي دمرت كولشي حلوو بيه وخلت اخر امل بأن اعيش مرتاح انتهى
اخذت فرحتي البسيطه الي گلت بيوم يجوز الدنيا تحن واعيشها واخذت شهادتي ومستقبلي واخذت صحتي وعافيتي واخذت روحي وخلتني انسان بلا روح ماعنده شى بالحيااه لاهدف ولا طموح ولا حتى اتمنى اعيش كرهت الكل وبقيت مثل الفاقد لا بيه ارجع مثل قبل واعيش ولا بيه اتصرف وكأني مااعرفها
گـ❈ٍـْلٍ الي اريده اتنفس هوا ماكوو اااااه ياامنيه شسويتي بيه ولج حتى الهوا اخذتي

بقيت ايام مصدوم وعايش على المهدئات
اكولهم مااريد مهدأ لان من اناام احلم بيها
مرات احلم تبتسم بهدوء وتواسيني ومرات اشوفها تركض وحيوان جبير يركض وراها ويعضها وينهش بلحمها واكعد اعيط لان مااكدر انقذها

هسه شلون عايشه ياترى تتذكرني تشتاقلي ليش هيج سويتي وعفتيني ليش
بس اسمع صوتها كلشي مااريد بس اطمن عليها ليش اكثر احلامي بيها تتأذه

راسلت زيد واجاني للبيت واتصلنا بهند لان زيد وهند علاقتهم طيبه اصدقاء وسأل عن أمنيه
هند : الحمدلله بخير ومرتاحه ويه زوجها رحت زرتها اكثر من مره وضعها كلش زين ًالله يسعدها ليش اكو شي ابو الزوز
زيد : لا سلامتج بس حبيت اطمأن عليها وخاصه هي مكعد اداوم
هند : شداوم غير بشهر العسل ههههههه ويجوز مترجع للدوام اصلاً لان احتمال يسافرون يعيشون بروسيا لان حماها هناك اني هيج سمعت منها
سلمينا عليها اذا شفتيها
هند : يوصل باي
اضطريت اكول هيج لان اعرف رعد يمه مبين مفتوح المايك الي سويته لمصلحتهم اثنينهم منوش اتزوجت واذا زوجها عرف بعلاقتها برعد ميبقيها لحظه عايشه وحتى هو يكتله بلا شى هو مريض بالشك واحد مجرم لهذا دااحاول اقطع اي تواصل بينهم من محبتي ولسلامتهم مع الاسف هذا قدرهم ولازم يعيشوه

رعد : من كثر حبي لاامنيه من سمعت كلام هند كمت ابجي مثل الجهال صح احبها واتمنالها الخير بس مو بحضن غيري مو ترتاح ويه غيري الي يحب ويعشق من كل گلبه يكون اناني واني اناني بحبي
كمت ابجي واعيط
شفتها هاي تاليه حبي وتعبي ولك خذلتني ودمرتني وعافتني مجروح ومسكط وهي نايمه بحضن رجلها ومرتاحه

زيد : شعبالك لعد تكابل الحايط مثلك وتبجي بابا انساها هاي البنيه حبتك صح بس حبت نفسها اكثر وشوفها تزوجت واستقرت وحياتها زينه يعني لو تموت متتذكرك وانت ابقى مكافي السنه الي ضاعت وصحتك الي يوميه مدهوره وايدك الي لحد الان منعرف شلون انعالجها

رعد : (بعياط قووي ) لييييييش ولج ليش هيج جازيني
زيد : لزمته لرعد على كيفك يمعود ليصعد الضغط وتموت
رعد : ليش اني مميت الي سوته امنيه بيه خلاني اكره الدنيا ولك وصلت مرحله بيه افكر بالانتحار تعباااااان ياناس حسوو بيه
رِّبًـــ♡̨ـــٍْيٌٓ ليش هيج معصيتك بيوم
ولا اعتديت على عرض واحد لان شريف هيج يصير بيه
لو سكط وطايح حظ جان وفقتني مووو
زيد : استغفر الله شبيك تخبلت
رعد : اي تخبلت طلعني زيد امشي نطلع
زيد : وين نروح
رعد : لجهنم الحمره

زيد : اكعد انت صاير اعصاب وهسه اذا طلعنه راح تتعارك ويه ذبان وجهك وسيطرات وامريكان ومبقى شى لحظر التجوال استر علينا اذا بالمنطقه نطلع عادي خارج المنطقه صعب
رعد : تطلع ويايه لو اروح وحدي
زيد : لا جاي ويااك امري لله

بدل رعد ويمشي بطئ بس حركته افضل من قبل وطلعنا بعد مبلغ امه ومحمد طالع ميدري بالبدايه امه مقبلت خطيه تخاف عليه بس هو اعصابه نار وكاام يعيط وتعهدت كدام خالتي ام محمد ارجع من وكت واني ويااه ومااتركه وحده يله خطيه سكتت طلعنا من البيت ونتمشى وصعدنا تكسي لغير منطقه شو هذا الخبل يدور مشروب
ولك رعد اول تالي تشرب بحياتك محاطه بحلكك
رعد : اشششش ولا كلمه
زيد : حاولت احجي ويااه وهو ولا يمه وبعد معاناه حصلنا الشرب وهو ميعرف يشرب الاخ ويكووم ويجر بلا وعي ويخلص البطل ويجر الثاني وفقد كاام يدردم جنا بمكان ختله على دجله وكف على حيله وكااام يعيط ويحجي ويبجي واني من كثر مامقهور عليه كمت ابجي

رعد : (عياط وبجي) شفت شربت سويت الحرام اريد هسه تكعد حظي اريد ترجعلي امنيه
زيد : صوتك يمعود
رعد : عوفني ولج منووووووش مشتاقلج بكد رحمة الله على الزنكيل لان الفقير ميرحمه
زيد : لا اله الا الله بابا حرام تخبلت
رعد : منوووووش ليش عفتيني والله احبج ارجعيلي داامووووووووت والله داموت
مدااتنفس والله بدونج
زيد : يباوع للسما ويحجي
رعد : اني هيج دومي كل مااكول راح تضحكلي ترجع توكعني تره مجرمت حبيت هاي جريمتي الوحيده عشقت والعشق مو حرام
زيد : من الاول تدري بيها متناسب ليش

تغالط روحك
هنا رعد انتهى كاام يهذري وفقد وحتى مشي ميكدر يمشي الشرب ڰـْـْـْـڷْشْـْشْ اذااه
اخذته واجرت تكسي وگبل للبيت واني ادك الباب جان يفتحه محمد

محمد : وين جنتم ورعد شبيه
رعد : مالك علاقه بيه كلكم مالكم علاقه
محمد : شوو تعاال سحبته ولك تشرب هيج تاليها احنا بحياتنا مدخل الحرام لبيتنا ادخل الشرب ولك
دفعني وهو يحجي ونص كلامه ممفهوم
شوو تعااال سحبته وگبل للحمااام وفتحت المي على راسه اطبب راسه بالمغسله وهو يدفعني ميريد يصحى
رعد : عوفني اريد ابقى سكران مااريد اصحى
محمد : مو هو بكيفك وحصرته ومي بارد وعلى راسه وجسمه وهو يرافس جوه ايدي ولازمي اني وزيد
اني الك زيد حسابي بعدين وياك شلون تشربه مخفت من الله
زيد : والله عاندني وشلع گلبي وخفت اعوفه

محمد : بعدين نحجي خلي بس يصحى وبعيني اني الكم
رعد : كاافي عوفني
محمد : اششش هاي تاليها تشرب ولك وين صلاتك وين صومك والتزامك هيج تعصى رب العالمين
رعد : ورب العالمين مرحمني واخذ كلشي مني

محمد : طلعته من الحماام بعد ماشويه صحى وكعدته كبالي شوف رعد ربك مو ظالم حشى لله البشر ظالم ربك رؤوف بعباده ودوم الانسان المؤمن مبتلى
رعد : (بدموع) بس هذا البلاء صعب مدااكدر عليه داموت محمد انت مو اخويه مو ابويه اريدها تعرف شنوو بلياها مااعيش تتذكر من ماتت هديل شصار بيك مو ردت تموت وراها اقلها هديل جوه التراب اني حبيبتي بحضن غيري ويتلمسها شايف شديصر بيه والله لو ميته ولا لامسها غيري

محمد : حبيبي رعودي والله حااس بيك بس شنو الي بأيدينا نسوي لو تشوف بلاوي الناس ومشاكلهم راح تكول شكد اني لعد متبطر على نعمة رب العالمين شوف العالم والي كاعد يصير بيهم شباب حلووه بعمر الورد تموت مفخخات بالجمله وامهات تدفن ولدها الي يموت الها اثنين وتلاثه والي اصلاً ينفقدون وحتى جثه ميلكولهم والي يطلع بعد ميرجع للبيت ومحد يلكاه لا هو ميت ويترحموله ولا هو عايش ويندلون مكانه وينقذوه احنا بزمن الموت والعجائب والدنيا مخلصت اذا حبيت ومصارت الك صح راح تتأذه وتحس روحك انتهيت بس الدنيا تمشي بيك بدونك تمشي

تقى : اني وياسه وخاله واكفين قريب على الولد واسمع كلام محمد بالبدايه عجبني بس من كال الدنيا مخلصت اذا حبيت ومصارت الك عوجت حلكي ردت اكوله متكول لروحك موتتني يداوي الناس وهو عليل اووف منك يلساني خلي اسكت الوضع مو مال احجي

محمد : كووم اسبح وتعوذ من الشيطان واستغفر ربك كاافي تره الي كاعد تسوي مو رجوله وابونا خلف زلم مو نسوان

رعد : كمت سبحت وتعوذت من الشيطان وتندمت على گـ❈ٍـْلٍ الحجي الي كلته وضليت ابجي واستغفر واطلب من الله يصبرني
ياامنيه يجي يوم واشوفج واكولج شوفي هذا حبيبج انتي هيج دمرتي

تقى : هدأ الوضع صحى رعد واحنا ميتين قهر عليه وتمددت يم محمد
اكولك حمودي
محمد : شنوو شو حمودي ولج
تقى : هاي شبيك غير ادلعك
محمد : مااحب الدلع
تقى : مو بكيفك بكيفي وبعد يوميه اصيحلك حمودي
محمد : تحسسيني طفل صغير وبيده مصاصه ويركض بالشارع وتصيحيله حمودي
تقى : هههههههه اتخيل شكلك ولابس تراكسود والبجامه مال تراكسود نازله وتلعب بالطين ههههههه واصيحك اشبعك كتل لان وكح وموصخ نفسك
محمد : كفختها والله عليج سوالف واكيد تكتليني وطلعين گـ❈ٍـْلٍ قهره سويتها بيج
تقى : اووف يمكن بالصونده دك كتل
محمد : شو كمتي تتجاوزين
تقى : هههههه هاي شبيك دااتخيل بس حتى الحلم حرام
محمد : حلمج تضربيني لعد شكد كارهتني
تقى : تقربت منه اووف اني اكرهك لو تعرف شكد احبك متكول هيج ومديت ايدي على وجهه والعب بلحيته بهدوء وهو غمض
لتكولي نمت والله احرك روحي
وجان يطكها بضحكه وبصوت عاالي
محمد : والله انتي خبله الله بلاني بمره زعطوطه وخبله ولج استرخيت على لمست ايدج شفتي منو الي هسه بارد مو رومانسي

تقى : والله ياحبيبي الي يعيش وياك كلشي يتوقع والله كلت هسه اسمع الشخير مالتك
محمد : واذا سمعتيه شسوين
تقى : عادي حياتي انزل اجيب دولكه مال مي بارد مجرش واذبه عليك حتى تبرد وتنام مرتاح
محمد : هههههه اذا سويتيها اشمرج من السطح
تقى : شمرت نفسي بحضن محمد راضيه كولشي منك اعشقه بس لو تشمرني بحضنك مو احلى
محمد : والله انتي تخوفين طالعه عينج
تقى : تدري المفروض انزل ويه رعد اشرب واكابله واكعد واندب حظي وحظه
محمد : ههههههه والله شكد ضايج ضحكتيني تدرين توته
تقى : عيونها كوول

محمد : يمكن بديت احبج
تقى : كمت على حيلي شنووو شتكول
محمد : ولج شبيج وكفتي
تقى : بروح ابوك عيد الي گلته
محمد : هههههههه يمكن كمت احبج
تقى : وبعياط واخيراً
محمد : ولج فضحتينا شووو تعالي اليوم اني الج
تقى : احلى شعور بحياتي من حسيت محمد يحبني يمكن واحد ديموت والله اعطاه الحياه او عطشان لمده ايام واعطوه المي
اني زرعه بدت تذبل وتنتهي وبكلمه من محمد احتييت

ااااااااااااااااااخ لا حراااااااام عليك
أمنيه : تقرب مني ازهر يريد يحرك وجهي بهاي اللحظه اجتي ام علي تركض تريد بس تلزم ايده وهو يح

ط السجينه دفعته بس المره جبيره ومالها ذيج القوه بس بسبب دفعتها تحركت ايده ومكان ميحرك خدي الايمن نزلت ايده وحرك رگبتي من الجهه اليمني وجان اعيط

لك حراااام عليك الله ليوفقك
ازهر: حتى اتوبين اضوجيني هلمره برگبتج مره الثانيه احرك وجهج كله وانتي ام علي من الصبح تروح لبيتج متبقين هنا مالج شغل يمنا
محجت شى خطيه بس بقت حايره بيه واني اكمز واشوف جلدي احترك وتشوهت رگبتي وتحير شتخلي بس ميفيد اتشوهت

عافني وطلع ويومين وهو مرجع للبيت
ويومين واني اشوف رگبتي انتهت خطيه ام على معافتني ويايه ويايه وكالت مااعوفج اله اطيبين وهذا سكران اصلاً هسه ينسى شنو حجه حسبي الله ونعم الوكيل بيه
باوعت على روحي وسألت نفسي اني منوو وليش هيج صار ااااه يارعد تعال شوف رويحتك شصاير بيها تعااال شوف مكان ماتشتم عطري تشتم ريحه لحمي المحروك وعصارات الدهون مال الحرك وشكلي كله خرب تعاال ياروح وعمر امنيتك محتاجتك وابجي

دخل بهاي اللحظه ازهر للغرفه
ومسحت دموعي وشاف الحرك
شنوهذا وجهج
أمنيه : هههههه (اضحك بدموع ) انت تحجي صدوك هو منو سوه هيج
ازهر : اني سويت بس مو بهاي القوه ومجان قصدي اشوهج عبالي اخوفج بس
أمنيه : هيج حياة الناس رخيصه عدكم

ازهر : لدوخيني تعبان
أمنيه : تقربت منه وقربت رگبتي منه كتله هاااك بوسها شمها مثل مايوميه تسوي هيج وتتفنن بتعذيبي من تتقرب مني
دفعني
وخري لعبتي نفسي لو اموت
أمنيه : شفت شسويت بيه بس مو صوجك

ازهر : اي صوجج انتي تعاندين
أمنيه : عفته ومشيت واحجي وظهري عليه
احسب حسابك اهلي جايين على العشا عزمتهم
ازهر : وانتي بهاي الحاله اذا شافوج شلون شراح تكولين
امنيه : ميشوفون اطمن
ازهر : واذا شافوج عود كولي وكعت على النار او الجدر وكع عليه اي حجه عود طلعي
اني راح انام من يصير موعد جيت اهلج كعديني

أمنيه : عزمت اهلي على العشا اشتاقيت اريد اراويهم سعادتي وحرجتهم كتلهم عمي يكول الكل يجون حتى الولد
وحضرت نفسي وبدلت ولبست فستان رسمي راقي وحطيت شاال على راسي اتغطى الحرك وميبين اي شى منه
ودخلت امي وابويه وجبار وحمزه واستقبلهم عمي وازهر وراها بربع ساعه ونزلت شافوني باستني امي والدمع بعيونها

وتقربت من بابا راد يبوسني ابتعد منه وسلمت
شلونك بابا ان شاء الله زين
ابو أمنيه : تعااي باباتي مشتاقلج
أمنيه : ميحتاج من بعيد احسن حتى لتلعب نفسك
ابو أمنيه : تلعب نفسي من شنوو
من هذا وخرت الشاال
كلها وكفت على حيلها
ابو أمنيه : هاي منو مسوي بيج هيج شى اليوم اذبحه
جبار: احجي ولج منو اتجرأ ويشوهج هاي انت ازهر هيج تسوي بأختي وهجم على ازهر يريد يضربه وكفت كباله ورفعت اصبعي
ايااك تضربه مو هو السبب انت وابويه الي سويتوا هذا الشى
جبار : شبيج تخبلتي خليني اربي وخري شلون يتجرأ يمد ايده عليج ويحركجً

أمنيه : مثل متجرأت انت وشمرتني لواحد مجرم مثلك ومراعيت الله بيه
اباوع امي تبجي منهاره وابويه كعد من الصدمه وابو ازهر ساكت ومدنج راسه وحتى حمزه صوته مااسمعته

شوف ياصادق الاحمدي شوف منوشتك شسويت بيها شوف بنت العز والدلال شصار بيها مو ردت المستوى هااك هذا البيت الراقي والعائله الراقيه والزوج المستوى اخذهم اتفاخر بيهم كدام اصدقائك وكول زوجت بنتي لاازهر ابن الملياردير المعروف وصاحب النفوذ وحطيت طيرتي وحيدتي بقفص من ذهب ويه صقر وطلبت منه مياكلها ويراعي الله بيها
اوكف نسيت اراويك شى ثاني
فتحت السحاب شويه وانداريت وطلعت جزء من ظهري

شوف ظهر حبيبتك الي جنت تشمه وتبوسه وتكول انتي دلوعتي حبيبة البابا نفس الظهر يوميه يبوسه ازهر بحزامه شوفه شلون اللحم مفتوح وظهري كله بوسات ارقى الجلود مال الاحزمه مال نسيبك

ابو أمنيه : (بأنهيار) اليوم احرك البيت عليكم شمسوين بنتي وشتغل الصياح والعياط وجبار ضرب ازهر وابويه هو وحمزه سحبوا السلاح واني سديت السحاب وعفتهم ومشيت
ام أمنيه : بنيتي وين رايحه اليوم متبقين لحظه هنا
ابو أمنيه : حضري نفسج لحظه ماابقيج
أمنيه : انتم منوو
جبار : شبيج ولج شجاج انت شمسويلها حقير وركع ضرب بأزهر
حمزه : منووش حبيبتي جيبي غراضج وتعالي للبيت ومراح ترجعين ابد هنا
كتلكم انتم منوو
ابو أمنيه : لتخبليني ولج اني ابوج وهاي امج وذوله اخوتج احنا اهلج

أمنيه : اني ماعندي اهل اهلي ماتوا بيوم الي مفكرو بيه وفكروا بمصلحتهم وحياتهم والبرستيج مالتهم رغم تعرفون كلش زين منوو ازهر وبالذات انت جبار هو صديقك وتعرفه وتعرف اخلاقه ومكسراته شلون نمت الليل وانت تنطي اختك الوحيده لواحد ميخاف الله ولا اكو رحمه بگلبه
زين انت الي تكولي ابووج شلون نمت وغفيت وانت تعرف بنتك بنص ذيابه
مكلت شراح يصير بيها بس فكرت بمنصبك ونفسك وكلت يله چلبه وراحت
ابو أمنيه : بنتي ارحميني كلامج موتني

أمنيه : (بعياط ودموع ) وانتم ليش مرحمتوني كتلكم مااتزوج بس عوفوني مااسوي شى يضوجكم ليش مرحمت بنتك الوحيده بس اني ليش استغرب الي ميعرف الله شترجى منه
لهذا بدون مطرود الكل بره تعبت اريد