اعيش بسلام وليش مكتوب عليه الحزن ومكتوب دوم اكره هديل حتى وهي ميته

وصارلي خمس اشهر متزوجه وقرب موعد الدوام وبليله سمعنا صوت طلقات
دخيلك ربي شصاار
رعد ومحمد مو بالبيت
كامت خالتي ام محمد لبست عبايتها ومدت راسها اجي ولد يركض ويصيح
الكهوه الي براس الشارع طبوا مسلحين وكتلو گـ❈ٍـْلٍ الي بيها
منحس غير خالتي واكعه وتصيح يمه ولدي راحوا
واني لطمت محمد هناك
يتبع ....

ههههههه لا دخيلج يومين تأذيني واحجي عليج
تقى : تستاهل حتى لتكول معصعصه وتره اطلبك عضه لان هسه عدتها
محمد : عمي راضي اخذي اثنين مو وحده بس تاكلين
تقى : اكلت وياااه واني مرتاحه لوجوده وبعدها ردت انام تمددت وغفيت من التعب
وحلمت بأمي هبه وكأني بكااع جبيره كلها طين ورجلي بطين اريد اطلعها ماكو واصيح طلعوني وفجأه اجتي ماما وطلعت رجلي من الطين واخذتني من ايدي وصلنا لبوري مال مي يجري بارد عذب ودنجت تغسلي رجلي واني اكولها عوفي ماما اني اغسل

بنتي انتبهي من هذا الطين تره يدمرج واذا هلمره دمر رجلج مره ثانيه يدمر كل جسمج
ومشت وعافتني
ماما وين رايحه
هبة : لازم اروح بنتي بس لتخافين اني يمج تشوفين ذيج الكااع الخضره روحي يمها لازم تعبيرها ولترجعين لهنا لان مره ثانيه مااكدر اطلعج
وفزيت اعيط وارجف
محمد : متمدد بصف تقى منايم بس اتصفح بالتلفون وجان تعيط
اسم الله بيج شى هاااج اشربي مي
تقى : بدموع شفت امي محمد شفتها عافتني وراحت

محمد : كاافي ياعيني مو عيونج من الدموع انتهت بقت تبجي بهدوء تعاالي
تقى : وين
محمد : اشرت على صدري
تعاالي هنا حتى ترتاحين وسحبتها بهدوء على صدري وحضنتها
اول مره اكون قريب من تقى هيج مااعرف هي محتاجه هذا الحظن لو اني
بقت بحضني والعب بشعرها بهدوء وهي تنزل دمعاتها على صدري وشوي شوي هدأ تنفسها باوعت غفت
ابتسمت على نومتها ومااعرف ليش موخرتها من صدري يمكن اني جنت محتاج حضنها واني تعبان حتى اكثر منها وغفيت وهي بحضني
تقى : كعدت الصبح وشفت نفسي بحضن محمد رفعت راسي وصفنت على وجهه
والله طلع حلوو اول مره ادري وشفايفه حتى احلى من شفايفي ههههههه (احجي بداخلي وابتسم)
محمد : كوون دوم هيج تضحكين
تقى : طفرت انت كاعد
محمد : اكيد كاعد اذا حاضن عظام شلون انام
تقى : يافدووه عظام هاي رشاقه الكل يحسدوني عليها خوما مثلك كلك لحم

محمد : هذا اللحم هو الي خلاج الليل كله حضرت جنابج نايمه ومرتاحه تكول نايمه على دوشك اسفنج ضغط عالي
تقى : ههههههههه والله تشبيهك حلوو المهم نمت مرتاحه ومالي علاقه بيك تحضن عظام حجار المهم اني

محمد : ميخالف وتدللين المهم تكونين مرتاحه
تقى : شكراً محمد مقصرت وكفتك ويايه ماانساها
محمد : انتي زوجتي تقى وهذا واجبي
المهم تصيرين زينه ولو اكيد صرتي متشوفين لسانج وصوتج رجع يلعلع
تقى : فديتني اخبل

محمد : قصدج خبله مو تخبلين هههههه
تقى : مرت ايام واني ومحمد وضعنا كلش زين وكل الي بالبيت يحاولون يفرحوني
انتبهت على نفسي بديت اشتاق لمحمد من يطلع انتظر جيته دقيقه دقيقه
ومن موجود احب اكون يمه اضحك ونسولف احس بروحي اطير وتروح اله يمكن كمت احبه مااعرف الحب ولا جربته بيوم

محمد : تقربت من تقى وشفتها بنيه حبابه رغم وكاحتها بس گلبها ابيض وشاطره وتحاول تساعد امي وتتعلم منها شغل البيت
وبيوم راجع من الكهوه ساعه 11بليل ودخلت للغرفه شفت تقى تبدل ملابسها واتخربط وضعي مااعرف ادخل اطلع اتجرأت ودخلت وهي صارت طماطه من الخجل

وكلشي محجينا بس سألت عن الاكل وكتلها متعشي وراها تمددت وهي بصفي بقى منظرها بعقلي وكل شويه استغفر مااريد اتقرب منها رغم هي زوجتي وحلالي بس بعد فقدت السيطره على نفسي وسحبتها بهدوء وتقربت منها

تقى : متت خجل بدخوله للغرفه وحاولت ابين الوضع طبيعي واثناء مااحاول انام سحبني اله عرفت يريد يتقرب مني الصراحه
ردت قربه زوجي ومن حقي وبديت احبه واتلهف لمسته

وهو يحضني ويبوس بهدوء ورقه ومندمج ويايه واني هم مندمجه جان يكوول اااه شكد مشتاقلج هدوله
فتحت عيوني وانصدمت وهو حس على نفسه قربت شفايفي من اذنه وهمست اني مو هدوله اني تقى هدوله ذيج سكنت كبور النجف تكدر تروحلها اذا مشتاق ودفعته وكمت

محمد : مااعرف شلون صار هيج وشفت هديل بتقى وطلع اسمها بلساني وجرحت تقى جان موقف حتى الاعتذار منه ميصلح شى ودفعتني وكامت وطول الليل الوم بروحي وانتظرتها تصعد ماكو
نزلت لكيتها نايمه يم يااسه
انقهرت عليها مو بيدي الرغبه جابتني لتقى بس قلبي بعده لهديل

انجرحت من محمد وهلمره جرحي قوي لان حبيته وجرح الحبيب مأذي بشكل مرات كلمه من الحبيب ادمر القلب وتگلب الاحوال بقيت ايام انام يم يااسه الحلو بهاي العائله متدخل يعني خاله مسألت ليش نايمه وعايفه زوجج بس طبعاً يااسه اكلت گلبي شكد فضوليه بس احب سوالفها

ورجعت ويه محمد لنقطه الصفر بس هلمره قلبي بيه شعورين مره الحقد عليه لان جرحني وفوكاها لكيت بكنتوره كومه صور لهديل وبمحفظته يعني حتى مراعه شعوري والشعور الثاني حب بس من طرف واحد


وبيوم من حركت قلبي ومن غيرتي اي كمت اغار على محمد من وحده ميته كمشت گـ❈ٍـْلٍ الصور وصعدت للسطح وجبت طاسه مال عمااله ونفط وحركت الصور
احركهم واحجي ويه هديل

كاافي اطلعي من حياتي دمرتيني واني صغيره وهسه كاعد ادمريني وتهجمين بيتي حتى الانسان الوحيد الي رجف قلبي اله وحبه يحبج وميريدني كاافي عايشه ومدمره حياتي وميته ومدمرتها شلوون كوليلي شلون اخلص منج تعبت

وبهاي الاثناء جان يصير محمد فوك راسي
محمد : ايام مرت واني بعيد عن تقى مردت ادخل بصراع وياها او انطيها امل موبيدي مااحس روحي مستعد صح تقربت منها واحتويتها بس كشفقه مو حب

وبيوم راجع دخلت الغرفه شفت كنتوري مفتوح والصور كلها ماكو تخبلت وشفت باب السطح مفتوح

وريحه شى يحترك ركضت وشفت تقى تحرك بصور هديل تخبلت مضل عقل بيه
لزمتها من ايدها بقوه واهز بيها لو بيدي اشرب من دمها انت شسوين ومنو سمحلج تلعبين بالصور وغراضي وشلون تحركيهم
تخبلتي

تقى : بعياط اي تخبلت وحده ميته شنوو محتفظ بصورها اقلها احترمني احترم وجودي ولازم ميكون لهديل اي وجود الها بحياتك واولهم الصور

انتي منو حتى تسمحين وتحركين الصور وتريدين تتحكمين بحياتي

ياسمين : يمه شبيه محمد عياطه وعياط تقى اخذ الدنيا
ام محمد: صيحي رعد بسرعه وتعالي نروح نشوف شبيهم
صعدنا ركض يمه ياستار شبيكم تهدوا بالرحمن محمد يمه عيب منا الجيران لتنسى انت بالسطح

سحبت تقى بقوه من ايدها وكبل شمرتها بالغرفه وامي وياسه ورعد يردون يهدوني ميكدرون ناار وگابيه بيه لو بيدي اجيب النفط واذبه عليها واحركها مكان الصور

تقى : عوفني
محمد : شوفي لج لتشوفين انطيتج اكبر من حجمج انتي هنا صح زوجتي بس مااحبج ولا راح احبج بيوم حطيها ترجيه بأذنج

تقى : لك كاافي اصحى الى متى ماتت هديل شلون تحب وحده ميته وفوكاها باعتك وباعت اهلها انت شنوو من بشر تحب الي يذلك

محمد : لزمت شعرها ايااج بيوم تجيبين طاريها اكتلج خلاص
تقى : دفعته تگتلني خلاص من وره وحده رخصت نفسها ورخصتك ومحسبت احساب لااي احد وباقي مثل المخبل متمسك بحبها

بس تدري حيل بيك ابقى حبها ابقى خلي سنين عمرك تركض بيك وباقي بلا روح تستاهل العذاب الي عايشه وتسوى عمرك فضلت الي عنده فلوس عليك

ياسمين : احنا نسمع الكلام ومصدومين ومنعرف شنو الموضوع و رعد كامش محمد بكل قوه لان گـ❈ٍـْلٍ شويه يريد يجيت عليها ويضربها وهي حسها عالي وتحجي بقوه وهي متخبل

محمد : والي خلقج ياتقى اله اندمج على الي سويتيه اليوم

تقى : شسوي سوي الي بيدك والي تكدر عليه سوي وهااا حركت صورها واني مستمتعه اشوفها تحترك گبالي ولو بعد اكو صور وذكريات الها هم احركهم اني اكرها
اموت منها وانت هم اكرهك وتستاهل گـ❈ٍـْلٍ الي صار بيك
ياسمين : لزمت حلكها ولج كاافي راح يموتج

تقى : لو بيه زود مو جاي عليه ويطلع رجولته براسي جان احترم نفسه وكرامته واتذكر هديل شسوت مو يحبلي وحده باعته اول واحد

اني مااعرف من الغيره من الحقد على هديل كمت احجي بلا وعي وحتى اتجاوز من اعصابي فقدت من كثر مكمت احبه كمت اغار عليه من هديل واموت قهر من حبه الها رغم ميته

ومن حجيت هيج صار بارود ولزم الحزام وراد يضربني بيه لو ما وجود رعد واهله يمكن جان موتني

محمد : اني الج تقى اله اندمج واشوفج منو الرجال
تقى : عياط وصياح وغلط تكول حرب عدنا بالبيت وراها طلع اخذه رعد وطلعوا
واني طبيت للحماام بس ابجي انهاريت
ابجي على حظي الي جبته واني جايه اسود مصخم وتاليها حبيت واحد گلبه ميت ميحبني ويحب اختي الي هي سبب دماري

مر يومين على الحادثه واحنا حتى السلام ماكوو بينا وبعد اليومين شفته كاعد بالصاله ويشرب چكاير يطفي وحده يشغل الثانيه
وكفت گباله
تقى : اني مراح اتأسف على الي سويته لان لو ينعاد الوقت هم ارجع واحرك صورها

محمد : تقى وخري مني لان مااعرف شنو ردت فعلي اني بحياتي مضارب مره واعتبر الي يضرب مره مو رجاال بس اكتشفت انتن مرات اطلعن الواحد من روحه وردت اكطعج لوما رعد وامي گبالي لهذا وخري مني هسه تره اذا الزمج محد يخلصج من ايدي

تقى : راح احجي الي عندي واروح
ارجع واكول مراح اعتذر على حرگ الصور
بس اعتذر على طعني برجولتك اسفه انت رجال والنعم منك

محمد : لعد اسمعي الي عندي اني رجال وغصب عن الي خلفج وصور هديل الي حرگتيهم يجي يوم واحرك گلبج مثل محركتي الصور

واذا على علاقتي بيج
انتي زوجتي بس مااحبج ولا راح احبج بيوم ولتتوقعين بيوم يكون الج قلبي انسي قلبي لهديل وبس وتبقى حبيبتي لااخر عمري وهذا الي عندي واحترمي نفسج ولسانج ضبي هلمره تجاسرتي مره ثانيه تشوفين شى ميعجبج احترمي نفسج حتى احترمج

تقى : ماشي محمد وصلت رسالتك من رخصتك
طلعت وقلبي يبجي دم ليش حبيتك هو اني ناقصني ضيم ناقصني قهر هلمره احب من طرف واحد حسيت بحقد بقلبي وخاصه بكلامه الاخير انزرع اول بذره حقد بداخلي لمحمد

مرت الايام والبرود بينا وكلامي ويه محمد محدود وحياتي جافه مابيها اي جديد بالعكس دوم تعبانه ومخنوكه

محمد : تقى تقى وينج تعالي راح اطلع محتاجه شى اكو نقص بالمسواك بغراض البيت تره مااطلع بعد
تقى : لا سلامتك بالورقه كولشي كتبت
صافنه بعد مطلع محمد واتذكر شلون فرني الزمن وجابني هنا

اغسل بالمواعين وارجع للذكريات الي ربطتني بشخص قلبه وروحه ميته ومابيوم راح يعيش وشون اتصرف واني الحقد مالي قلبي وكل مااتذكر الي صار بيه ازيد حقد وكره
وتالي ياذكريات شوكت اتركوني

#يسعد_اوقاتكم_بكل_خير
#توقعات_الابراج_ليوم_الاربعاء

#الحمل
مهنياً: تطالب اليوم بزيادة على الراتب بعد فترة من الجهد والعمل، بعض المفاجآت السارّة في العمل تنعشك.
عاطفياً: إنطلاقة جديدة تساعدك على تحقيق استقرار عاطفي، ولا سيّما بعد الركود الذي عرفته أخيراً.
صحياً: قراراتك الصائبة على الصعيد الصحي تكون دافعاً إلى جعل الآخرين يجارونك في كل ما تقوم به رياضياً.

#الثور
مهنياً: القمر في برج القوس يتحدث عن بعض التشويق وعن تغيير يكون بالإجمال لمصلحتك، وتشعر بالجرأة وترغب في استلام زمام أمورك، وحسنًا تفعل.
عاطفياً: ابتعادك عن الشريك أكثر من المعتاد يولد الشك لديه، فحاول تمضية أطول وقت إلى جانبه.
صحياً: وضع صحي ما يقلق راحتك ويوتر أعصابك، صارح المقربين منك به فتريح نفسك نوعاً ما.

#الجوزاء
مهنياً: لا يناسبك وجود القمر في القوس لذلك كن أكثر تروياً لئلا ترتكب الأخطاء في الحكم على الأمور، وتجنّب النزاعات مع المسؤولين والزملاء كما مع العدالة.
عاطفياً: الغيرة تهدد مستقبلك مع الحبيب وأنت متسلط تجاهه، فكن اكثر ليونة في تعاملك معه.
صحياً: لا تعتذر عن المشاركة في رحلات أو نزهات، فهي من بين الحلول القادرة على إراحتك نفسياً وجسدياً.

#السرطان
مهنياً: تبدو اليوم منفعلاً أمام بعض الأحداث والتطوّرات لكن ثمة تجديد في أوضاعك وتغيير في ظروف حياتك.
عاطفياً: تحاول أن تنجح علاقتك بالحبيب لكن تشعر أن هذه المحاولات بلا جدوى، ابحث عن الأسباب.
صحياً: أنت غريب الأطوار بعض الشيء بالنسبة إلى الرياضة وتعتقد أنها غير مفيدة، لكنك على خطأ.

#الاسد
مهنياً: تمارس جاذبية نادرة وتتاح لك فرص كثيرة للتعبير عن نفسك بلا قيود، وتعالج كل المسائل بحنكة وذكاء.
عاطفياً: عليك ان تكون مستعداً للمرحلة المقبلة، وخصوصاً أن متغيرات كثيرة تلوح في الأفق، فحاول ان توظفها لمصلحة علاقتك بالشريك.
صحياً: النصائح التي يقدمها بعض الاختصاصيين في البرامج التلفزيونية تعود عليك بالفائدة إذا تقيّدت بها بحذافيرها.

#العذراء
مهنياً: مهما حاول بعضهم النيل من عزيمتك فلن يفلحوا لأنك الأقوى والأكثر ثباتاً بين سائر المنافسين والمتربصين بك شراً.
عاطفياً: تزدهر الصداقات وتتعدّد الرغبات، فيميل القلب الى وجوه كثيرة، وقد يحتار في الخيار.
صحياً: قد تحتار في اختيار المشاريع المعروضة عليك للترفيه والترويح عن النفس، فحاول أن تشارك في جميعها.

#الميزان
مهنياً: مبادرات ومغامرات مدعوماً بقوة جسدية ومعنوية، وقد تقدم على إنقاذ احد الأشخاص فتلاقي الاعجاب والتقدير.
عاطفياً: يوم ممتاز للقاءات الرومانسية البعيدة عن الأجواء الصاخبة، ويسمح لك بالاعتماد على الحبيب وقدراته وجهوده.
صحياً: تكون الإرادة صلبة جداً وعزيمتك لا تلين امام جميع المغريات المضرة بالصحة.

#العقرب
مهنياً: يشير هذا اليوم إلى تغيير إيجابي، فيأتي بأخبار حول حملة إعلانية أو سفر مميّز تكون نتائجه غير متوقعة وتدهش الجميع.
عاطفياً: الحوار الهادىء يمكّنك من حلّ العراقيل، إلا أنّ الشريك قد لا يقتنع بسهولة، فلا تستسلم أمام الضغوط.
صحياً: الإرهاق قد يورطك في مشاكل صحية كثيرة مثل فقدان المناعة والشعور بالوهن.

#القوس
مهنياً: العودة إلى ملفّات الماضي قد تفتح أمامك آفاقاً جديدة تساعدك على مواجهة بعض المصاعب في العمل.
عاطفياً: تحتار بين علاقتك العاطفية وانتمائك المهني، أو تضطر إلى حسم علاقتك بالشريك أو الاتفاق على الخطوات المستقبلية.
صحياً: التدخين من أكثر الأمور خطراً على الصحة، والأخطر منه تدخين النارجيلة.

#الجدي
مهنياً: عامل الوقت قد لا يكون في مصلحتك، لذا يستحسن أن تبادر فوراً إلى إنهاء كل الأمور العالقة.
عاطفياً: يختبر هذا اليوم علاقة زوجية ويضعها على المحك، فإما الاستمرارية او الانفصال.
صحياً: لا تفسح في المجال أمام أحد لينغص عليك حياتك ويستفزك ليثير عصبيتك ويبقيك في حالة من التوتر.

#الدلو
مهنياً: تبحث هذا اليوم عن الفرصة المناسبة التي تساعدك على تحقيق مشاريعك الكبيرة لتبرهن أنك على قدر المسؤولية.
عاطفياً: تستعيد والشريك بعض الأحلام الماضية، أو يعيد إليك أمراً قديماً، او يجعلك تراجع ما فات.
صحياً: الصحة سيف ذو حدين: إذا أهملتها أنت الخاسر، وإذا اهتممت بها ربحت نفسك.

#الحوت
مهنياً: تشعر بالانكماش وتحتاج الى مساعدة معنوية، قد تكون الدبلوماسية واللباقة ضرورتين للتعاطي مع الآخرين.
عاطفياً: خذ احتياطاتك من تفجر وضعك العاطفي وحاول استدراك الأمور بأسرع ما يمكن.
صحياً: حدد أهدافك وأولوياتك الصحية وكن دقيقاً في تنفيذ التمارين الرياضية المفيدة لك.

#فقرة_شعر
ما شفتـك نعم بــس كلبي صاح اهواك
من ريحت احساسك كلبي كام يشوف
تخيلتك كمر والنجم كلـــــه ويـــــــــاك
تخيلتك شمس والدنيه بيك تطـــــــوف
تخيلتك نهر والجـــــرف حب ممشــاك
شفت غيرك غدر ونته ابرزت معـــــروف
وشريد اوصف بعد ونته الله حار ويــاك
شما اوصف يصيح اللللللللله مــــا موصــــوف
،،

بعد ماراح اشوفك ونته تدعيلي
هوة الماخذك مو مايحبك حيل
ليش شويه منك مايبقيلي
ليش الناس ماتعرف تغنيلي
وذا شديت جرحي شلون اشد حيلي

أجيت ابالي مره وصدگت جاي
بچيت وشبگة مسودن شبگتكــ

شبعد عندك حچي وشرايد تگول
تريد تعوفني ؟؟
وصلت فكرتكــ !!

#فقرة_هل_تعلم
‏"حاول دائما أن تكون متفائلاً وواثقاً من نفسك لا تدع كلام الغير يؤثر عليك إن أردت النجاح ."

#قصة_عراقية
#عبق_الماضي


البارت التاسع

تقى : ارجف من الخوف اريد اوكف مااكدر قلبي نار على محمد واحنا وحدنا بالبيت ومنعرف شنصرف نتصل بالولد محد يجاوب وخاله ام محمد منتهيه على ساعه تموت وبهاي اللحظه طب رعد يركض

رعد : محمد وين
ام محمد: يمه ولدي تعاال يمه بيك شى صارلك شى واخوك وينه

رعد : دااكولكم محمد مااجه
تقى : ليش هو مو وياك طلعتو سوه

رعد : اني جنت بالكهوه واجاني زيد وطلعنا بشغله وبلغت محمد مااتأخر وهسه من رجعت شفت المنطقه مطوقيها وكوه خلوني ادخل من شافوا مستمسكاتي وعرفت الكهوه طابين مسلحين وضاربين الي بيها واجيت اركض گلت بلكت محمد بالبيت لان هو كال تعبان وراح ارجع من وكت

ام محمد: يمه راح ابني
تقى : اسم الله خاله فدووه اسكتي لتفاولين عليه
رعد : رايح اشوف شكوو بلكت يقبلون يدخلوني انتم سدوا الباب عليكم ولتفتحوا لااي احد واذا اجه تفتيش البسن مستور وخابروني بسرعه

تقى : طلع رعد وكل دقيقه تمر واني قلبي يتكطع من الخوف واروح واجي وياسه وخاله بس يبجون اني من كثر الالم والخوف الي بيه مكعد تنزل دمعه مني

ومرت ساعه وبعدها ساعه وهسه صارت بالوحده ولا رعد بين ولا محمد

ويااسه تخابر على رعد وميجاوب وساعه وحده ونص خابرت جان يجاوبها زيد صديق رعد

زيد : هلوو ياسه
ياسمين : احجي اخوتي بيهم شى محمد منعرف شى عنه ورعد طلع يدور على محمد وراح ومرجع وامي هنا راح تموت بس تلطم

زيد : على كيفج تره محمد متصوب
ياسمين : عزه محمد مات مو
زيد : انتي ثوله دااكولج متصوب جبت طاري الموت اني
ياسمين : لا اكيد ميت وانت تكذب عليه

تقى : سمعت كلام ياسمين وكعت بالكااع اريد اتحرك ماكوو
ياسمين : إٱللـِْﷻـِْﮭﮧ عليك احجي الصدوك
زيد : ولج بابا متصوب وهسه بالعمليات بس يطلع اطمنج عليه
ياسمين : انتم بيامستشفى هسه نجيكم
زيد : وين جايين بهليل والوضع موزين اكعدن ً واسكتن والصبح عود اني اجيكم اخذكم للمستشفى

ياسمين : وشيصبرنا
زيد : يااسه كلت الصبح ويله بعد لتخابرين وتخبصينا من يطلع من العمليات اني اخابر واطمنكم
ياسمين : زين رعد ۆيـِن
زيد : رعد راح يجيب دم وشغلات رادوها منه الاطباء وكاافي يله روحي

ياسمين : وثول سده بوجهي انداريت واشوف تقى ترجف وزركه ومتتنفس
ركضت عليها اسم الله توته شبيج واضرب على وجهه وتحجي برجفه وماافهم منها
شنوو
تقى : مات موو
ياسمين : لااسم الله متصوب
تقى : لا اني متأكده مات مستحيل يعيش دوم حظي هيج يا هو الاحبه الله ياخذه

ياسمين : لا قلبي تنفسي شوو ارفعي راسج وباوعي عليه وعيونج محمد متصوب مو ميت والصبح نروح وانطمأن عليه فددوه توته كومي صيري قويه تره هذا مو بس اخويه وابويه هم وهو الي رباني ومنهاره مثلكم بس لازم اني وياج بالذات نكون قويات لخاطر امي تره بس تسمع تموت فدوه ساعديني انتي قويه اعرف بيج كوومي كولي ياالله وامشي نروح يم امي ونطمنها
تقى : رفعت راسي يعني هو زين
ياسمين : اي وهسه بس يطلع من العمليات زيد يخابرنا ويطمنا

تقى : مر الليل وساعاته واني اروح واجي مثل المخبله وخاله كلنالها مابي شى بس راح يسعف الجرحى واكيد مصدكتنا وبقت الليل كله تقرأ قران وتصلي حتى يرجع محمد بالسلامه

وصارت ساعه 6 الصبح وخابرت يااسه على زيد ورفض يجينا بحجه ميكدر يعوف رعد وراح يجينا الظهر وياسه تحاول تقنعه وهو ابد رافض ومن حلات روحي جريت التلفون من ايد ياسه
السلام عليكم اخويه
زيد : وعليكم السلام والرحمه منو ويايه
تقى : اني تقى زوجة محمد
زيد : هله بيج خيتي
تقى : استحلفك بعزيز گلبك تجي تاخذنا هسه للمستشفى

زيد : اختي بس افهميني اني مرافض جيتكم والله اجيكم واخذكم بس مو هسه احنا بالطوارئ مال مدينه الطب ويه حادثه الكهوه صار انفجار بأكثر من مكان والمكان مگلوب جرحى وين اجيبكم واحير بيكم هنا بوسط الزلم بس يهدأ الوضع والله اجيكم واخذكم تشوفوه

تقى : شوف اخويه اذا مأجيت هسه واخذتنا راح نجي بتكسي لان مال ابقى انتظر شوكت تفرغ الطوارئ معناها مراح تجي اصلاً لان ماشاء الله الانفجارات مستلمتنا استلام والطوارى مثل النجف متفرغ ولا راح تفرغ لهذا تعال اخذنا وصدك منتعبك وبسرعه نرجع

زيد : ماشي ساعه وارجعكم مو اكثر
تقى : هاي هيه ساعه رحمه الله والديك
يله يااسه بدلي وخلي خاله هم تبدل هسه جاينه زيد
ياسمين : اني الك ابو خشم اذا ماالعب بيك طوبه هين اصبرلي
تقى : ولج منو هذا ابو خشم
ياسمين : زيد افندي بعيني يخليني اتوسل بيه وميقبل

يله يمعوده كملي بسرعه مو وقتها راح يجي
واجه زيد ورحنا للمستشفى والطريق عبالك للبصره من كثر القلق اريد بس اوصل اول مدخلنا شفت حسين ونصر هناك مااهتميت ومشيت من يمهم وجان يلزمني حسين من ايدي

حسين : شسوي هنا وشلون تجين ويه ولد غريب لج انت متخافين شوو طالعه عينج
تقى : جريت ايدي منه بقوه

اسمع حسين انت مالك حق تحاسبني لتنسى اني متزوجه وامري هسه مو بيدك بيد زوجي واني اصلاً مااجيت وحدي خالتي
ويااسه ويايه وارجع واكولك مالك علاقه

بيه افتهمت ومشيت وعفته يدردم ويه روحه

وصلت وشفت محمد اوويلي ياقلبي شتتحمل بعد رغم گـ❈ٍـْلٍ الاذيه الي شفتها منه والقسوه وجرحني ويحب هديل وبعدني احبه
نسيت گـ❈ٍـْلٍ هاي الامور لحظة من شفته مدد وجسمه كله صوندات وبين الحياة والموت يمكن بلحظتها لو يريد روحي انطيها اله

الحب عجيب وحساباته غير متوقعه شكد متكون مجروح من الحبيب وتنقهر من تصرفاته بس من توصل لمرحله تشوفه بين الموتً والحياه هنا يتغير كلشى ويبقى بس الحب الي يتحكم بالمشاعر والخوف من الفقدان بقيت ساعه ابااوع عليه وابجي بهدوء لان الصاله كلها رياجيل وخاله مقصرت بس تبجي وتعيط كوه سكتناها ورجعنا للبيت وبقينا على اتصال ويه رعد

الليالي الي مابيها محمد كمت انام بمكانه اشتم عطره بالمخده وابجي لان مو يمي حبيته من گـ❈ٍـْلٍ گلبي رغم اعرف بيه ميحبني بس المشاعر الشى الوحيد الي بالحياة منكدر نتحكم بيها

اندكت الباب اتفضلي يااسه
ياسمين : شمدريج اني
تقى : هاي دكتج واعرفها وثانياً ماكو غيري وغيرج وخاله بالبيت وخاله متصعد الا نادراً فأكيد انتي تعاالي شبيج محتاجه شى
ياسمين : اكووول
تقى : ياستار كوولي

ياسمين : طلعتي تحبين محمد واني ماادري
تقى : هااااااا شنووو شبيج
ياسمين : شوفي حالج شلون ميته قهر عليه وبس تبجين وحتى اكل متاكلين

تقى : باعي مابيه حيلج ومالي خلك لااحجي ولا اوضح كومي انزلي وعوفيني اناام
ياسمين : والله تحبيه وتموتين عليه وحتى من اتخربطتي گلتي احبه

تقى : اي احبه يله لان اعرف مراح تعوفيني وفضولج راح يگتلج
ياسمين : هله هله وكعت الحلووه بالمصيده

تقى : وشنوو الفايده حب من طرف واحد اخوج ميحبني ولا راح يحبني بيوم
وانتي ادري بيج تعرفين بيه يحب هديل الله يرحمها لهذا حبي فاشل مابيه امل

ياسمين : شوفي ماانكر اخويه يحب المرحومه بس انتي كلتيها يحب وحده متوفيه يعني بأيدج تخليه ينساها او على الاقل يحبج ويحس بيج
تقى : اووووف شلون متكوليلي وهو قافل على قلبه وروحه وماكو غيرها بداخلهم
ياسمين : تقربي منه حتى لو يرفضج مره مرتين لحد ميحس بيج
تقى : واذل روحي

ياسمين : الحب مابيه مذله وهذا زوجج وحقج ولازم ترجعيه لحضنج تره معركتج سهله لان الي يحبها ميته مو عايشه وعوفي سالفه انذل وهذا الحجي الي مراح يجيب نتيجه اذا تحبين محمد حاربي واخذي ورجعي لحضنج

تقى : الله كريم بس خلي يكووم بالسلامه
ومرت ٧ ايام وطلع محمد من المستشفى الاصابه جانت بالايد طلقه والثانيه بالرجل ولو ما ستر رب العالمين جان مات

محمد : جنا بالكهوه نلعب طاولي ويه الولد ونضحك ومحسينا غير طلقات علينا واحنا عزل ماعندنا لا سلاح ولا شى بهاي اللحظه تحس بينك وبين الموت شعره حاولت انهزم اني وعباس صاحبي من باب الوره لان الكهوه بيها باب صغير يطلع على الشارع العام وركضنا وبركضتنا عباس انصاب بجتفه واني جنت وراه انضربت بأيدي وبقيت اركض رغم الضربه وراها محسيت غير طلقه برجلي وكعت بس عباس رجعلي يركض وحااول يسحبني اصعب شى من تشوف الموت يركض وراك وكأنك بسباق لو تعيش لو هاي هيه انتهت حياتك

وصلنا للشارع العام ومن قوه النزف لان الضربه بأفخاذي وكعت ومحسيت وغير اني بالمستشفى هواي من جماعتي الي استشهد والي تصوب جانت كارثه والي صار الله مايرضاها شنوو ذنب الشباب الي ماتت جانوا بس يردون ينفهون عن نفسهم بضحكه او بلعبه بعد يوم متعب من الشغل وكلها شباب صغار مشافوا شى من حياتهم
بس هذا الارهاب ميعرف لارب العالمين ولادين ويحللون بكيفهم قتل النفس
الله منتقم جبار وحوبه هاي الشباب متروح

واني احجي الي صار لااهلي انتبهت على تقى كاعده بعيد ومنزله راسها ودموع على خدودها مااعرف ليش قلبي نبض من شفت شگلها هيج لو من شفت لهفتها بدخولي للبيت وحسيت بخوفها عليه يمكن شفقه منها عليه او انقهرت مثل اي شخص اذا سمع واحد مات او تصوب ينقهر بس عيونها ولهفتها بيهم كلام ومكعد اعرف افسره

تقى : اووف ياگلبج ياتقى ادري بيه يحب اختي وگلبي يرجف عليه لوبيدي اول مدخل اركض ابوسه اشمه اكوله من عمري على عمرك بس ادري بيه مراح يحس بيه ومن يحجي الي صار موبيدي بجيت واني اتخيل منظره والموت وراه

مقبل يبقى جوه بغرفه رعد لان ميرتاح اله بفراشه وهمزين اكو حماام فوك لان ميكدر يمشي والاصابه الي بأيده سببت كسر بالعظم وجبسوها اضافه العظم متأذي واضطروا بجزء من الايد يخلون بلاتين وهاي مشكله الي واجهتنا بعدين بسبب اصابه ايد محمدبعد ميكدر يطلع للشغل لان هو نجار والنجار شغله كله بأيده لهذا لازم يبقى اقل شى ٤ اشهر ميحركها او على الاقل حركه بسيطه مو مال شغل

صعدوا للغرفه واول ايام ينام رعد يم محمد واني يم يااسه حتى يساعده وبيوم عصر واني جوه اشتغل سمعت محمد يصيح
محمد : رعد وينك رعد

تقى : صعدت اركض بيك شى محتاج شى
محمد : وين رعد
تقى : راح للشغل ساعه ويجي كول اذا محتاج شى اني اساعدك
محمد : عزت عليه نفسي اخلي تقى تساعدني احتاجيت ادخل للحمام ورعد ماكو كتلها مااريد شى بس اسأل ومرت ساعه

عوفها كووم
رعد : مااشي على كيفك لتعيط
ام محمد: تخبلت شجاك البنيه راح تموت من وراك هاي فوك متكولها خلف الله عليج لو ماانتي جان ضاع مستقبل اخوتي جان صرنا بعازه الفلس هيج ربيتك هاي تاليتها اطلع قوتك على هلمسكينه

محمد : اسكتي يمه (بعياط)
كمت اضرب على وجهه تقى تسمعيني واغسل وجهه واباوع عليها الوجهه اصفر وشفتها بيضه لحظه حسيت اريد اخذها بين احضاني واكولها اسف والله مو قصدي بس اكعدي بقيت فوك راسها وعطت على رعد يجيب تكسي حتى ناخذها للمستشفى جان تصحى

تقى : اغمى عليه محسيت بشى منا اني اصلاً تعبانه من الشغل ومنا الهبطه مال محمد من عرف وكملها بكلامه السم واخر شى من ضربني حسيت الدنيا ظلمت وفتحت عيوني شفت محمد يعيط على رعد يجيب تكسي وخاله تبجي ومحمد بصفي

مابيه شى ميحتاج
محمد : فتحت عيونها وگلبي كمز الها ردت بس اطمن عليها بيج شى تحسين بشى كوليلي امشي ويايه اخذج للمستشفى

تقى : ميحتاج كعدت دوخه وراحت
محمد : كولي تحسين بشي متأكده زينه لو اكو شى يوجعج
تقى : اشرت على گلبي اي هذا يوجعني
محمد : نزلت عيوني مكدرت اباوع بوجهه شلون الي عين بعد الي سويته بيها
تقى : محمد
محمد : هاا عيني
تقى : طلكني

يتبع

وساعتين ورعد ماكو انتهيت اخر شى متحملت صحتها
تقى : هاا عيني
محمد : خجلان كلش منها رغم زوجتي بس نفسياً مدااكدر وهم سكتت
تقى : رغم سكت محجه بس افتهمته يله محمد كووم ساعدني خلي اوصلك للحماام

محمد : لا انتظر رعد
تقى : رعد يتأخر يله بدون عناد
محمد : كتلج انتظره

تقى : دنجت عليه شووف اعناد مااريد تكوم وغصب عنك موزين عليك لتخليني اكومك بالقوة

محمد : تقى لسانج لتشوفيني مريض ومااكدر الزمج تره والله متعرفين شأسوي

تقى : تقربت منه اكثر وانفاسنا صارت وحده
تقصدت اتحارش ههههههه
شسوي يعني
محمد : تقربت مني تقى واني انتهيت عطرها وانفاسها ثارتني كلش وهي تحجي بهدوء
وخري تقى من يمي
تقى : اوخر بشرط تخليني اساعدك
محمد : اوووف كااافي (بعياط) كتلج مااريد مساعده وروحي مني
تقى : مااااا احجيها بدلع وهدوء
محمد : اوويلي الله هاي البنيه راح تخبلني
يله ماشي كوميني

تقى : اضحك بداخلي عليه اعرف بيه متحمل قربي منه لهذا استسلم بعيني اني الك وساعدته وصلته للحمام واني المسه احس من المسه بفرح اووف يالحب شسوي بالواحد
محمد : دخلت للحمام واني تعبان من قربها ومن دااطلع اتزحلكت وافترت رجلي وعطت
تقى : سمعت طبه قويه طبيت ركض شفته واكع هبطت وهو ضخم اريد اكومه ماكوو
محمد : من شفتها تريد تكومني ضجت وصرت ناار لان مااحب احد يستخطيني دفعتها كله منج ولي روحي مني وخلي ياسه تخابر رعد يجي يكومني

تقى : انقهرت منه وكعدت بمستواه وتقربت منه محمد اني اريد اساعدك لتنسى اني زوجتك شفت من ماتت امي ابد مرفضت مساعدتك بالعكس اتمسكت بيها وكدرت اجتاز الحزن بمساعدتك ولا فكرت ليش تساعد او رفضتها وما كتلك عوفني اترجااك خليني اساعدك ودمعت عيوني

محمد : انقهرت عليها هي شنوو ذنبها فوك متساعدني

يله تعالي ساعديني تحااول اني طويل وضخم وهي ضعيفه بس قويه كدرت ترفعني واني ارفع نفسي وياها حتى ليصير الثكل عليها ومن وكفت تقربت ودنجت

صدمتني بتصرفها غسلت رجلي وسمت عليها لان بالحمام اخاف توصخت وغسلت ايدي واني بس اباوع عليها كولش كبرت بنظري وبنفس الوقت لزمت ايدها تثيرني

تقى : يله كملت تعاااال
وطلعته من الحماام
محمد : شكراً تعبتج
تقى : تعبك راحه ودااطلع جان يكولي
محمد : هم طلع بيج بله
تقى : ليش
محمد : معصعصه وكل الحيل بيج
تقى : ضحكت بصوت على كلامه
محمد : اوويلي اول مره اسمع ضحكتها دووم تبتسم اول مره تطلع من گلبها وبصوت والحلوو بيها رنه تدخل الگلب ضحكت على ضحكتها

تقى : انت بس طيب وبعدها وعد منه اله اعضك واتوبك من كلمه معصعصه
محمد : ههههههههه مااتوب
تقى : مرت الايام واني كمت اعتني بمحمد مرات احس قربي منه يوتره وحتى يصير عصبي ومرات احسه يحب قربي مااعرف شيريد موتني

واني نازله سمعت خاله وياسه يحجون على المصرف
ام محمد: ولج دبريني شلون بيه الفلوس الي ينطيهن الي گـ❈ٍـْلٍ شهر محمد لمصرف البيت خلصن ورعد يوميته متكفي هو بس الكراوي مال الروحه والجيه تاخذ نص اليوميه وراه دوام بعد كم يوم وانت هم دوام وخط وهاي البنيه هم واني القهر كاتلني كطع بينا محمد سوده عليه ولا جان محسسنا بعازه ومن يوم مكعد من الشغل وحال الضيم حالنا

تقى : انقهرت عليهم وتمنيت عندي فلوس اساعدهم ودعيت على حسين الحقير الي طمع بورثي هم كم فلس يساعدون واجه رعد وسمعته يحجي ويه امه واخته

رعد : اسمعوا هاي السنه راح أجلها واشوفلي شغله الصبح ويه شغله الظهر بلكت يطلعلي خوش يوميه اكدر اصرف بيها على البيت

ام محمد: لو تنگلب الدنيا مااخليك تعوف گليتك هو اخوك ينتظر ساعه ساعه علمود تتخرج ويفرح بيك وانت تريد تأجل سنه
ياسمين : واني هم أجلها ونوفر مصاريف الكليه وان شاء الله السنه الجايه نكمل بذاك الوكت محمد يصير احسن
ام محمد: ولكم تعب اخوكم تريدون تضيعوه
رعد : لعد شلون يمه دبريني اليوميه الي اخذها متجيب علاكه اكل للبيت وبعدنا ممداومين لو نداوم شلون

تقى : سمعت كلامهم وبقيت افكر واتذكرت شى وصعدت لغرفتي دخلت بسكوت حتى ليحس محمد لان نايم فتحت الكنتور طلعت عندي كم قطعه ذهب صح مو ثگال بس هم يسون شغل
ودخلت للغرفه عليهم
اني احلها الكم
ام محمد: بسم الله الرحمن الرحيم ولج كمزتيني بس لا انعديتي من يااسه وتتسنطين مثلها
ياسمين : يمه مو خوش سمعه تره

ام محمد: اسكتي قابل كذب مرض بيج شوكت اتوبين ماادري وفوكاها يمكن عديتي تقى
تقى : ههههههههه لا خاله لا عدوه ولا شى جنت نازله وصوتكم عالي وسمعت حجيكم
ام محمد: كولي يمه شلون تحليها
تقى : هااج خاله ذوله كم قطعه ذهب انبيعهم ونشتغل بيهم

ام محمد: شنوو تبيعين ذهبج ولج لو ميته ولا سامعه هذا الشى منج
تقى : اسم الله خاله هو شنو قيمته اصلاً اني ماالبسه وممحتاجه اله بداعت محمد عندج اخذي
ياسمين : وشنشتغل بيه
تقى : اني اعرف الف گبه بأنواعها واسوي معجنات وخاله الحشوه مال الكبه مالتها رهيبه هي تسوي الحشوه واني الف ونبيع للمحلات
ياسمين : والله خوش فّگًـــــٌرًهُٓ

رعد : مستحيل شلون

حب المحل ابو حنان لان ميكدر هاي الفتره يشتغل وخطيه الرجال قدر ظرف محمد وگله شوكت متصير زين مكانك موجود
محمد بدأت عليه اثار العصبيه ودوم يسأل امه منين تصرفون منين تاكلون ومصاريف رعد وياسه واني ليش مدااداوم ونحاول يوميه كذبه شكل نطلع

لحد مابيوم جان طالع محمد وكال اتأخر واصلاً عندي طلبيه جبيره گبه ومعجنات ٣ انواع وقوزي واشتغل والهث من التعب واحس بروحي كوولش تعبانه بس لازم اكمل هاي الطلبيه لان بيها خوش فلوس وكلت وره هاي الطلبيه ارتاحلي يومين لان احس صحتي مو تمام اخذهم رعد وطلع

مااحس اله باب المطبخ انفتح ودخل محمد طبعاً المطبخ هوسه لان هسه رتبت الاكل بالصواني وبعدها الجدوره والمواعين صاير فلم المطبخ

محمد : طلعت من البيت افتريت شوي وضجت گلت خلي ارجع للبيت احسن شفت رعد من بعيد جاي بسياره ويحط صواني مسلفنه شى بالصندوق وشى بالكشن الي وره كميه جبيره مشيت سريع ملحكت عليه
دخلت للمطبخ ردت اسأل شفت الدنيا مگلوبه يعني تقى الي مسويه هذا كله

شنوو الي صاير هنا
تقى : كمت ارجف مردته يعرف وسكتت
اجتي امه تركض
ام محمد: هاا يمه محتاج شى

محمد : يمه كلمه ومااثنيها شديصير من ورايه واني مااعرف
ام محمد: حبيب فدوه على كيفك صحتك بعدها لتعيط
محمد : يمه جاوبيني
وبدأت تحجيلي امي على كلشي واني عـُـُيٌُــٍٍُـُوُنُـٍي كمت مااشوف بيهم صرت نار
شنو هذا الحجي الي سمعته
وبكيفكم تتصرفون ولكم بعدني مامتت وانتم تخوطون وتخربطون ولا كأن اكو رجال بالبيت وكمت اكسر الغراض الي كدامي وادفر بيهم واعيط

ولكم لو ميت شلون كولولي وفوكاها اسألكم منين الكم مصرف تكولين ضامه كم فلس وطلعت الست تصرف علينا ليش يمه ليش هاي تاليتها تخلين مره تصرف على ولدج وبيتج

تقى : اني ساكته ومقهوره من كلامه رغم عياطه للشارع واصل ومبقى ماعون وكلاص كدامه مكسره واني متحركت من مكاني احس ديكسر بگلبي مو بالغراض

محمد : وانتي منو سمحلج تتصرفين هيج لزمتها من ايدها بقوه
ولج شلون بيج كوليلي الله بلاني بمره لاتحترم وكحه وتريد الكل يمشي بمزاجها
كوليلي منين اجتج الجرأه تتصرفين هيج

تقى : احجي بهدوء رغم ايده لازمه ايدي بقوه واعصاب ويعيط وفاقد
ليش اني شسويت

محمد : وتكولي شسويت تتصرفين بكيفج وتمشين الكل بمزاجج انتي مامسموح الج تصرفين علينا ولا تسوين فضل براسنا انتي بالذات مااريد شى منج وتحملينا بعدين منيه شتريدين تصيرين رجال البيت وادوسين عليه وتوصلين للكل شوفو محمد مابيه خير كاعد بالبيت مثل النسوان واني اشتغل واصرف عليه موو هيج تريدين

تقى : سحبت ايدي وحجيت بهدوء شوف محمد اني لا لغيت وجودك بالبيت ولا صرت رجال البيت انت رجال البيت وغصب عني وعن الكل واذا حبيت اساعد فهذا مو فضل هذا واجبي ومره كتلك اذا تتذكر بفاتحت امي انتم اهلي واذا اهلي بضيق انطيهم روحي ومااقصر واذا اشتغلت فهذا مو الك لااهلي هذا الشى وخلي ازيدك علم مو بس اني اشتغل ياسه ورعد يوصل الطلبات ويتعب بالروحه والجيه وحتى خاله نص الاكل هي تساعدني بيه لهذا احنا كلنا تساعدنا
واذا انت تحس بنقص وعبالك گـ❈ٍـْلٍ الناس مثلك تريد ادمر وتستغل فهاي مشكلتك مو مشكلتي
جان يضربني راشدي فر راسي بيه واني تعبانه واصلاً راسي يوجعني فضربته جان جداً قويه ومكدرت كلشي اجاوب لان مباشره غوشت عيوني

رعد : تقى نسيت عنوان الي رايدين القوزي وينه طبيت احجي بصوت عالي وشفت بهاي اللحظه محمد يضرب تقى
شبيك محمد ليش تضربها
ام محمد: يمه بنتي شجاك تخبلت

محمد : كتلج لسانج ضبي واحترمي نفسج سكتت هواي الج انتي وحده ممتربايه

رعد : لا محمد لهنا وبس صح انت اخويه الجبير وهي زوجتك بس ماتكولها ممتربايه لا عيب اصلا تقى متربايه احسن تربيه

دااطلع من المطبخ باوعت عليه اشكرك يازوجي صدوك اني ممتربايه لان حاولت اساعد رجلي واهله
صدوك ممتربايه لان اعتبرت اهله وضيقهم اهلي وضيقي
صدوك ممتربايه لان حاولت اكون حزام ظهرك بتعبك واسد مكانك بين مترجع وتكول صدوك عندي مره وقت الشده توكف ويايه
صدوك ممتربايه لان لان وسكتت
لان حبيتك
وعفته وطلعت
محمد : هاي البنيه راح تخبلني لكلشي عدها جواب ولسانها مينكدر اله من سمعتها تحجي مهتميت لان صاير نار بس الكلمه الي هزتني من كالت حبيتك احس اخذت حيلي كله من كالتها بعدني صافن عليها وامي تعيط ورعد ومااشوفها غير وكعت اغمى عليها
من شفت منظرها هيج واول مره اشوف تقى القويه توكع حسيت بكسرتها وخفت عليها وركضت مثل المخبل اريد اشيلها بس ايدي مساعدتني

رعد : وخر محمد اني اشيلها
محمد : من گال هيج رعد انجنيت حسيت بلحظه رغم هو اخويه واعرف بيه نظيف ويعتبر تقى اخته بس مكدرت اخلي يلزمها وخاصه هو راح يشيلها يعني جسمها كله بحضنه كمت اعيط عوفها اني اشيلها

ورجعت احاول اشيلها وهم مكدرت حسيت بلحظه عظمي راح ينكسر دفعتني امي ورعد شاال تقى ودخلها لغرفه يااسه على الهوا ويجيب مي ويذب على وجهه ويمسحه اول مره احس روحي اغار عليها اني مااحبها ليش هيج اغار وخرت رعد بعيطه

تريدين اخليجن تشتغلن اذا محمد تعبان اني موجود مامتت
تقى : اسم الله عليك رعودي والله مو قصدي اقلل من قيمتك انت الخير والبركه بس لازم نتساعد واصلاً انت الك اهم دور
رعد : شأسوي يعني

تقى : تفتر على المحلات وتتفق وياهم على الطلبيات وتسلم وتستلم
ياسمين : وليش مو هنا

تقى : يافهيمه هنا منطقه شعبيه وكل النسوان الي بيها تعرف تسوي انواع الكبه يعني منو تشتري ام راضي لو ام مصطفى لو ام عباس شوو كلها هنا تخبز واشكال يسون ممحتاجات الكبه مالتنا بس بالمناطق الراقيه فايخات ميتعبن نفسهن اكثرهن يشترن جاهز واذا حبو الاكل مالتنا وشافو شكد طيب ونظيف اكيد راح يصير طلب قوي عدنا بس كولو ياالله وخلينا نتوكل ونبدي من باجر نشتغل

وهاا انت رعد تبقى بكليتك وانتي سوسه البله هم تبقين واني مو شرط هاي السنه على السنه الجايه اكمل

ام محمد: مستحيل يمه اخليج تضحين بمستقبلج وفوكاها ينكسر ظهرج علينا
تقى : لا خاله بالعكس اني اعرف وياكم ميضيع شى انتم اهلي ولازم اوكف وياكم

حضنتني خالتي وكامت تبجي
الله يوفقج بنيتي مغلطت من گلت هاي البنيه هي راح تصير حزام ظهر ابني

ياسمين : واني اساعدكم بأن اضوك الكم الاكل طيب لو لا
تقى : كفختها ماكوو عليج غسل المواعين مال گـ❈ٍـْلٍ الوجبات ومواعين الشغل

ياسمين : لا ياالله راحت اظافيري
رعد : نسيتوا شغله محمد شلون بيه مستحيل يقبل

تقى : محمد لازم ميعرف وهو حالياً اكثر الوقت بالغرفه ونزوله قليل لهذا مراح ينتبه
وانتم كونوا حذرين المهم رعد تاخذ هاي الكم قطعه تشتري بيهم مواد ومستلزمات الشغل راح اكتبهم الك بورقه
والله يوفقنا

بدينا نشتغل اول كم يوم نبيع قليل بعدهم محد يتجرأ يشتري شغلنا لان بالبيت وممعروفين صار احباط عند الكل بس اني جنت مصره اكمل الي بديته

وصدوك مرت ١٠ ايام وكدرنا نكسب ثقه كم محل بالمنصور والجادريه وبدت الطلبات تزيد حتى اكل مال عزومات كام يطلبون يعني قوزي ودولمه للحفلات وهم بلغت رعد نسوي بس ناخذ عربون بالاول حتى لنخسر اخاف ميستلمون الشغل خالتي اكلها يخبل وهي ويايه ويايه صح تعبانه بس بكل خطوه وحتى ياسه العجوزيه كامت تشتغل ويانه واضافرها كلها تكسرت ههههههه

محمد : كامت تقى تنزل ساعات ومتصعد مااعرف ليش اريدها تكعد يمي حتى لو مااطلب شى منها بس احب وجودها وسوالفها ومن تصعد كوه تجر النفس من التعب تكول عماله تشتغل والله حتى العماله مو مثلها اسألها ليش تعبانه تكولي اشتغل لو اغسل هدوم حتى لو بس مو بهذا المجهود الي اشوفه على وجهه ومرات تنام على وجهه من التعب صح ممقصره ويايه شحتاج تجي تركض بس مااشوفها بالساعات
تقى وينج
تقى : رحت اركض مااريد يحس بشى

هاا عيني محتاج شى

محمد : على كيفج شبيج تلهثين
تقى : هااا لا ماكو شى بس اجيت ركض كلت اخاف تحتاج شى
محمد : شو جعت رغم قبل شويه تغديت بس شو صار مده اشتم اشكال روائح مال اكل وهسه شميت ريحه لحم بعجين واشتهيته

تقى : يمه قلبي شكد حاولنا متوصل ريحه الاكل ليفوك مفاد
مو اني دااسوي لحم بعجين للعشا تريد اجيبلك
محمد : هاا صايره نادره ولج خاف نتسمم من وراج
تقى : اذا تسممت موجوده الطوارئ غسله غسلتين للمعده ترجع تمام

محمد : يله عمي جيبيلي خلي اجرب اقلها تصير بيه هم مكسر وهم متسمم
تقى : اسم الله لتكول هيج هسه راح اجيبلك وضوك
محمد : طيب كولش والله عاشت الايادي متوقعتج نادره عبالي بس نادره بلسان الطويل والصوت العالي
تقى : تقربت مني ودنجت عليه عجبك موو
محمد : كمت ابلع ريك اوويلي الله غير تبطل سوالفها كمت ارجف من قربها
محمد : هااا اي عجبني
تقى : تقربت بعد وهمست عاافيات على گلبك
محمد : تقى
تقى : نعم وبهدوء احجي
محمد : اريدج
تقى : هاااا طفرت وخرت منه شتريد يعني
محمد : تعالي تقربي
تقى : تقربت
محمد : اريدج زوجتي تصيرين
تقى : ليش احد گلك اني اختك اني مو زوجتك
محمد : اويلي من الغباء تعالي تقربي اكثر

تقى : تقربت اكثر صرنا وجهه بوجهه
محمد : اريدج حلالي ولمست جسمها
تقى : من لمس جسمي طفرت

محمد : ههههههههه جبانه لعد بس بيج خير تتقربين مني وتثيريني مبقى شى واكوم على رجلي واعرف شلون اكمزج

تقى : انداريت عليه انت كووم بالسلامه ونشوف منو يكمز منو وركض ليجوه اريد اجر نفس ماكو

محمد : حلوو احب التحدي انتظريني هههه
تقى : اووف يامحمد من فدوه لضحكتك من گلي هيج احس گلبي شكبره صار
مرت الايام وصار شهر ونص على شغلنا واحوالنا تماام والحمدلله الرزق كولش زين صح نتعب بس خير من الله وصار عدنا معاميل توب وحتى ينطون فوك السعر من يشوفون الترتيب ويضوكون الطعم

بدأ دوام الكليات وياسه داومت ورعد هم ماانكر منقهرت لان مداومت بس گلت يجي يوم واحقق حلمي خاله تطلع واطب تبوسني لان اتعب وشايله الحمل وصدوك ظهري ورجلي بألم مستمر من الحركه
محمد كاام على رجله وصار زين حاولنا من هو موجود منشتغل ومن نايم وطالع نكمل گـ❈ٍـْلٍ الطلبات لان كام يكدر يطلع

ايده تحسنت بس لازم ميحركها بقوه اعتذر من صا

#يسعد_اوقاتكم_بكل_خير
#توقعات_الابراج_ليوم_الخميس

#الحمل
مهنياً: يضغط عليك القمر من برج الجدي والكسوف الحلقي وتاثيراته المباشرة عليك المواجهة لبرجك فما عليك الا أن تحسن أداءك في العمل فكل الأنظار موجهة إليك، وقد تواجه بعض العراقيل التي تشعرك بالارتباك.
عاطفياً: تسمح لك الظروف بتخطّي الكثير من الحواجز التي أعاقت ملاقاة الحبيب أو المصالحة.
صحياً: يوم مهمّ للمشاركة في مختلف الأنشطة وعدم رفض تلبية الدعوات بغضّ النظر عن مضمونها.

#الثور
مهنياً: تبدأ مرحلة جديدة مليئة بالتحديات مدعوما من الكواكب مجتمعة في برج الجدي الترابي الصديق فحاول أن تكون على قدر من هذه المسؤولية.
عاطفياً: تنسجم مع الحبيب وتعيشان أجواء عاطفية رائعة تترجمانها بتجديد شهر العسل في مكان هادئ مفعم رومانسية.
صحياً: تخصيص الوقت اليومي للرياضة، يوفر عليك الكثير من المطبات الصحية.

#الجوزاء
مهنياً: وجود القمر في برج الجدي يساندك لذلك لن تكون وحيداً ولن تتعرقل محاولاتك في زيادة رصيدك الشعبي أو تحسين الانطباع عنك.
عاطفياً: لا تتهور اليوم في تصرّفاتك مع الشريك، بل تقرّب منه واسأله عما يحب أن تقوما به معاً.
صحياً: لا تتجاوز الخطوط الحمر في زيادة الوزن، وابدأ منذ اليوم القيام بما يلزم.

#السرطان
مهنياً: القمر الجديد في الجدي المواحه لبرجك بالتغيير المفاجئ في عملك قد يؤثر في معنوياتك ويشير الى بعض السلبية حولك، لكن ثمة ما يشير أيضاً الى جديد آت اليك.
عاطفياً: تناقش اليوم الكثير من القضايا المهمة بشأن مستقبل علاقتك بالحبيب وتتوصلان إلى نتائج مرضية.
صحياً: المشكلات المتواصلة تعكّر صفو حياتك وتبقيك في حال من التوتر والعصبية.

#الاسد
مهنياً: وجود القمر الجديد في برج الجدي والكسوف الحلقي يسهل أمامك المفاوضات المهنية والشخصية، وتسعد من حولك وتحسن الكلام والتعبير والمجاملة والثناء.
عاطفياً: تستعيد ذكريات الماضي والقصص القديمة وتصطدم بالشريك، فتلتبس عليك الأمور وتغوص في التفاصيل المزعجة.
صحياً: إنتبه لصحتك وصحّة بعض المقربين، فقد تكونون عرضة لوضع طارئ.

#العذراء
مهنياً:وجود القمر الجديد الى جانب الكواكب في برج الجدي الصديق يجعلك تتمتع بحيوية كبيرة للإقبال على العمل والانفتاح على الناس والقيام بالمبادرات والمساعي من دون تقاعس أو تردّد.
عاطفياً: تكون قادراً على فرض آرائك وقناعاتك على الشريك، ويقنعك بدوره بما يدور في خَلَده.
صحياً: تستعيد عافيتك ونشاطك بعد فترة من الإرهاق وتتخلّص من عوامل الضعف النفسي .

#الميزان
مهنياً: القمر الجديد والكسوف يؤثران عليك بشكل مباشر ما يجعلك تنزعج من بعض التصرّفات الطائشة، وتجد أن هنالك شخصاً ما يحاول العرقلة أو المماحكة أو وضع العصي في الدواليب.
عاطفياً: تستعيد حماستك وتتمتع بسرعة بديهة وقدرة على الاستيعاب وتحليل الأمور بذكاء حاد.
صحياً: استرخ ولا تكثر من المشاريع والتحركات المهمّة وحاول أن ترتاح قدر المستطاع .

#العقرب
مهنياً: يوم غني بالايجابيات، تنكب فيه على تسوية ما كان يزعجك، فتلاحق الحلول الحكيمة وتجد نفسك في المكان الصحيح.
عاطفياً: إذا واجهت متاعب في العلاقة بالشريك، حاول أن تراهن على الوقت ولا تضخّم الأمور.
صحياً: إياك وإهمال الأعراض المفاجئة فهي قد تتفاقم بحيث لا تعود قادراً على احتمالها.

#القوس
مهنياً: تمارس سحراً كبيراً وتتمتّع بكاريزما تجذب الآخرين إليك، فتشع ببريق خاص وتستعيد الثقة بالنفس.
عاطفياً: حاول أن تجنّب الخلافات والكلام الجارح، ولا تتطرّق إلى موضوعات حسّاسة تزعج حبيبك وتثير قلقه.
صحياً: قد تعاني وعكة صحية او تعرّض نفسك لحوادث أنت بغنى عنها اليوم.

#الجدي
مهنياً: يدعمك القمر الجديد من برجك ويقدم لك الانتصار فتقوم بنشاط كبير هذا اليوم على مستوى الاتصالات وتبادل المعلومات والخبرات، وتقوم بعمل مشترك ومثمر مع أحد الزملاء.
عاطفياً: تبدو أنانياً بعض الشيء، ولا تريد الخير للشريك، لا تفكر في أي مشروع وانتظر الأيام المقبلة لترى ما ستؤول إليه الأوضاع.
صحياً: حبك المفرط للطعام يؤدي إلى زيادة في الوزن يتطلب التخلص منها حمية قاسية.

#الدلو
مهنياً: لا يناسبك القمر الجديد في الجدي فهو يسبب لك بالتوتر كن عاقلاً ولا تتسرّع في اتخاذ المواقف أو القرارات السلبية والحاسمة واستشر الأصدقاء المخلصين أو الذين تثق بهم وبآرائهم.
عاطفياً: بانتظارك أجواء عاطفية مرضية، ولو انك تعيش تناقضاً بين خياراتك وحياتك العائلية وأعمالك ومسؤولياتك.
صحياً: لا تقدم على أي مشروع ترفيهي كبير وحدك، بل تشارك به مع الآخرين.

#الحوت
مهنياً: لن تزعجك تاثيرات الكسوف الحلقي من الجدي بالعس ان القمر الجديد من الجدي ايضاً يترك أثراً في كل ما تفعله، ويكون توقيعك أي عقد مهماً جداً لك في مسيرتك المهنية وفي سجلك العملي.
عاطفياً: كن متسامحاً مع الشريك ولا تتردد في تنفيذ بعض مطالبه، فهو لا يسألك الكثير ويحاول أن يريحك قدر المستطاع.
صحياً: راهن على هذا اليوم، واحلم بإمكان

#فقرة_شعر
#الـنـضـرة بـغـيـر #وجـهـك

###تـعـتــبر ###تـبـذيـر

بعدني اشتاگ و ادعيلك ،
بعدني ليهسه اغنيلك
بعدني من اگعد لوحدي ،
مكان بصفي اخليلك 🖤
.
.

شمسوي انته وياي هل كد #احبك😘
شايل بخت اهنود لو خرزه #عنده😉
بحبك صرت مجنون اصرخ #وريدك💋
لو متت بين الناس ادفني #بيدك😊

#فقرة_هل_تعلم
‏نفسياً :

كثرة الكتمان :
والتظاهر ب القوة .. يجعل قلوبنا هشة
هشة جداً و تبكي من أتفه الأسباب .!

#قصة_عراقية
#عبق_الماضي


البارت الحادي عشر

اني رعد اخو ابو الشباب محمد قصتي غير اخويه وعقلي وتصرفاتي تختلف اختلاف كلي عنه اني وعيت على الدنيا ومحمد هو الاخ والاب شايل همنا م̷ـــِْن الصغر احبه يمكن حتى اكثر م̷ـــِْن ابويه حنين وقلبه طيب بس مرات الطيبه بهذا الزمن متنراد وخاصهً ويه ناس امثال عمي وغيره ناس متخاف الله عدها الفلوس اهم شى ادوس الصغير والجبير لخاطر مصلحتها م̷ـــِْن رحنا للبصره لحيت على محمد اشتغل وياه اقلها بالعطله ردت اساعده واشيل شويه وياه مهما كان هو تعب وخطيه الي بجيبه كله النا شو حتى ملابس ميشتري لخاطر يسد طلباتنا

اني شكلي عادي مثل اي شاب
طويل 183 سم ورشيق اسمر مابي شى مميز غير عـُـُيٌُــٍٍُـُوُنُـٍي كبار ورموشي طوال ولونهم جوزي فاتح يعني الي يشوف وجهي كله عيون ورثتهن عن امي اني وياسمين نفس العيون حتى اصدقائي جان دووم يكولون عيونك عيون بنيه حلوات وكبار جنت اضوج بالبدايه هسه لا كمت اضحك واتقبلها بروح رياضيه

اشتغلت وشفت الويل واني صغير وتحملت التعب وشيل الخشب واتجرح بالايد وجان محمد يعاملني حالي حال العمال حتى لحد يحجي عليه ويكلوله تفضل اخوك عنا وبيوم الي رجع عمي ومقبل ينطينا تعبنا تعب 4 سنوات ضيم وقهر وحر وطيحان حظ اكلها علينا واشوف اخويه يتعارك بس ميبرد قلبي ردت شى احرك گلب عمي ولك 4 سنوات واحنا مثل الحيوانات نشتغل لا ليلنا ليل ولا نهارنا نهار تالي يطلعنا حراميه وياكل فلوسنا بليل اخذت بانزين ورحت للمخازن كلت اليوم اله احرك گلب عمي مثل محرك گلبنا

محمد : اعرف رعد ارعن ومتسرع وشفت نظرات عينه قلقتني كلتً هذا مستحيل يعديها على خير راقبته بدون ميدري وشكي طلعً صحيح المخبل يريد يحرك المخازن ويطب سجن
تعال لك وين رايح
رعد : عوفني محمد اليوم اله احرك گـ❈ٍـْلٍ المخازن هذا واحد حقير وميخاف الله
محمد : اذا هو ميخاف الله احنا نخاف عوفه ربك يجازيه

رعد : شنو ربك يجازيه اذا انت متريد تتورط وخر خلي اطفي نار قلبي بيه
محمد : انجب وجيب الدبه الي بأيدك
رعد: حجايه مني حجايه م̷ـــِْن محمد تعاركنا
انت جبان وتخاف واني مو مثلك متشوف الله مطيح حظك ومابيك خير
محمد : خلف الله عليك اخويه وسندي وحزام ظهري صحيح اني جبان لان امنع اخويه الصغير يرتكب جريمه ويدخل السجن ويضيع مستقبله
حظي طايح لان افكر بيكم قبل ماافكر بروحي وكل مااشوفكم مرتاحين ونايمين شبعانين ودفيانين اكول اهم شى همه لان انتم حياتي وراحتي وحظي الزين م̷ـــِْن الدنيا
ومابيه خير لان اكول يجي يوم واخويه وسندي يجازي تعبي ويوكف ويايه مو يعيرني

رعد: حظنت اخويه وبجيت اترجاك سامحني انت ابويه مو بس اخويه م̷ـــِْن شفت شلون اكل حقنا متحملت ردت ابرد نار قلبي وقلبك بروح ابويه لتزعل مني انت تاج راسي وكلشي بحياتي اني اللي طايح حظ لان تجاوزت عليك

محمد : كافي لك تبجي انت رجال والرجال ميبجي عوفه يجي يوم والله يجازيه على اللي سواه بينا وانت اعقل مخبل مو اظل اركض وراك والم مصايبك اكبر وهاي العصبيه بطلها

رعد : ومن يوم رجوعنا لبغداد واني احس نار قلبي ميطفه لان بسبب عمي رجعنا للصفر ورجعنا بعازه الفلس وضيعنا 4 سنوات بدون اي فائده

درست وتعبت مو لخاطري لا لخاطر محمد واني اشوف شلون يرجع يون م̷ـــِْن التعب والضيم وظهره مكسور ويحط الفلوس الي يربحها بجيبي وبجيب امي وياسمين لو شما اسوي لااخويه مااجازيه
نجحت سادس اعدادي وطلع قبولي هندسه مدني جامعه تكنلوجيه حولت لاادنى وهو هندسه حاسبات لان اعرف هسه المستقبل للحاسبات مو للمدني مع الاسف وداومت وايام تجر ايام واني گـ❈ٍـْلٍ الي بعقلي شلون انجح واتخرج بسرعه حتى اساعد اخويه ونجحت اول سنه بتفوق والثاني على مرحلتي وماانسى نظره اخويه والفرحه الي بعيونه ويتباهه بيه واني گـ❈ٍـْلٍ الي بيه بسبب تعبه

والسنه الثانيه هم نجحت وبتفوق وهاي المره الاول على مرحلتي صار حلمي اكون استاذ جامعي ونجحت للثالث وداومت مجان بعقلي غير الدراسه وبس وحتى جماعتي يصيحولي السجاج الاكشر م̷ـــِْن كثر مااقره بس يحبوني لاني طيب واساعد الي يحتاج م̷ـــِْن ماده او امتحان والكل البنات والولد اصدقاء واخوه اليه حتى العلاقات ماافكر بيها ابد هو اني بوضعي مال علاقه حتى الملابس مااهتم بيهم عندي هدف ولازم اوصله

لحد مااجه اليوم الي گلب حياتي وشفتها طبت مو بنيه ملاك ويمشي والكل تباوع عليها هي جميله بشكل بس الي يجذب بيها اكثر لبسها الفاضح وكميه الذهب الي لابسته تكون جام خانه مال صايغ تمشي وكأنها وحدها بالدنيا مالها علاقه بأحد رافعه خشمها

زيد صديق رعد : ولك شفت هاي الحاته يماي تموت
رعد : بس شايله خشمها
زيد : حقها عمي متشوفها شكد حلوه وشلابسه
جاسم : شبيكم فاتحين حلكم
زيد : شفت هاي الصاكه
جاسم : قصدكم أمنيه
رعد : الله اسمها يخبل امنيه
جاسم : عيني ابتعدوا عنها هاي بنت واحد جبير بالدوله ستروا على روحكم حمايه وراها ومحد يكدر يطخها
رعد : وانت شمدريك بكل هاي المعلو

مات
جاسم : هاي أمنيه مرحله اولى هندسه حاسبات مثلنا ابوها صادق الاحمدي تعرف منو صادق الاحمدي
زيد : لا بربك بس لا الي بالي

جاسم : اي هو الي بالك وهي البنيه الوحيده عنده وعدها اخوه اثنين وصديقتها هند نفس مستواها الاجتماعي يعني بين قوسين ناس طاكه للستار
رعد : مكتلي منين تعرف گـ❈ٍـْلٍ هاي المعلومات عنها
جاسم :صديق عندي مرحله ثانيه حاول يندك بيها ثاني يوم استدعاه العميد وراد يفصله لوما توسلاته وكتب تعهد ميتقرب منها وراح سأل عنها وعرفنا كلشي يعني البنيهً خط احمر الي يريد يضيع مستقبله خلي يتفضل الله وياه

زيد : والله اني لا اعرفها ولا تعرفني كله ولا دراستي اريد بس اتخرج تالي م̷ـــِْن وره وحده دلوعه اضيع مستقبلي
جاسم : وانت رعد
رعد : تعرفني مال هيج سوالف اني بس البنيه جذبت انتباهي لان مشايفيها لااكثر ولا اقل

مرت الايام وان اشوف امنيه صح يعجبني شكلها وضحكتها الي ترد الروح بس لبسها ابد مااحبه وخاصه اني اشوف الطلاب تاكل بيها اكل م̷ـــِْن اطب بمكان وخاصه الكافتريا الكل تظل تباوع وخاصه الولد اكو بيهم عيونهم قذره وهي تلبس لبس يلعب النفس كله گصيف وكصير والرجل بيضه ومرصوصه رص وفوكاها تلبس حجل ناعم الرجل تنوكل گـ❈ٍـْلٍ مااباوع عليها استغفر رِّبًـــ♡̨ـــٍْيٌٓ وادير وجهي عنها اكول خاف اظل اباوع والله يطلعها بعرضي

وبيوم كاعد ويه زيد نضحك ونشاقه واسمع صوت جنه كناري السلام عليكم بلا زحمه انت رعد واندار واشوف امنيه

اني أمنيه صادق الاحمدي عمري حاليا 19 سنه مرحله اولى هندسه حاسبات والدي رجل مهم بالدوله وبحكم شغله دائما حياتنا مهدده بالخطر لهذا الحرس دوم ويايه
اني بالذات الي معزه خاصه بقلب والدي لان الله رزق بابا وماما اثنين ولد وبعد ماما مكامت تخلف حارت شسوت كان امنيتها يصير عدها بنيه وبعد 6 سنوات ولدت لهذا سموني امنيه حياتي دلال بدلال كلشي مجاب اليه بأشاره مني الي اريده يصير
عائلتي تتكون م̷ـــِْن بابا حبيبي وانتم عرفتوه وماما خريجه اداب بس ربة بيت واخوتي اثنين

جبار وهذا اخويه الجبير قاسي بشكل والايد الايمن مال بابا ميرحم عنده حياة الناس تساوي طلقة وحده لهذا الكل تخاف منه

واخويه حازم شويه حازم احسن م̷ـــِْن جبار اهون بس بكل الاحوال اثنينهم مالهم حق يحجون ويايه تعليمات الباشا بابا لهذا البس اطلع محد اله شى عندي بس بشرط الحرس ويايه يخافون عليه

شكلي حلوه بيضه طولي وسط 163 رشيقة اني سافره مو محجبه ولون شعري تمري فاتح بيه خيط شقار طوله لكتفي
ملامحي لطيفة الي مميز بوجهي خشمي صغير جدا وحلوو عبالك مسويه عمليه تجميل وكل يسألني عمي والله خشمي م̷ـــِْن البلادي خشمي الي يصدك والي ميصدك بشكل عام الي يشوفني ينعجب بنزاكتي وجمالي

بديت اداوم وكلمعتاد الكل يطلب رضايه للتقرب م̷ـــِْن والدي او الاستفاده مني هوايه يصارحون واردهم الي راح بأدب والي يترزل والي توصل المرحله بيه اشتكي لبابا وهو ياخذ الاجراء المناسب
بدت الدراسه وجانت صعبه كلت لبابا

صادق ابو امنيه : باباتي عيب احجي ويه العميد صح صاحبي بس اني كتله بنتي شاطره وانتي بعدج اول شهرين وبجيتي اجي اخابره واكله بنتي متريد تقرأ وتكول الماده صعبه
أمنيه : بابا اني زينه بس ماده صعبه مكعد افهمها اسمها Electronics الكترونيك ومااحبها حباب بابا سويلي حل

جبار : وتالي وياج عدنا شغل يله يابه خلي تولي تأخرنا على الاجتماع
أمنيه : بابا شوف جبار شلون يحجي ويايه

صادق : جبار مالك علاقه بأمنيه كم مره احجي تعاي باباتي هسه اخابرلج

أمنيه : خابر بابا العميد وطلع رئيس قسم الماده مالتي مشاحنات بينه وبين العميد والعميد كال لبابا اذا ادخلت خاف يخبث عليها وبابا صار عصبي شلون ومن يتجرأ يخث على منوش

العميد : عندي اقتراح ابو جبار اكو طالب مرحله ثالثة مجتهد جدا يكدر يساعد امنيه يقريها خلي تروحله وتكله م̷ـــِْن طرفي واكيد راح يساعدها
صادق : شلون ترضاها اخلي طالب يقري بنتي اكدر اجيبلها 100 استاذ مو استاذ واحد

العميد : صدكني ابو جبار الولد الاول على مرحلته وجدا شاطر ومن خيره الطلاب واخلاقه عاليه لهذا رشحته الك وحتى تنجح بذراعها ومحد يكول واسطه ابوها والله لمصلحتها اني لو غير ماده اخلي الفرع كله يقريها بس هذا الفرع بالذات اني على خلاف ويه استاذه وهو واحد حقير اذا حط امنيه بعقله يرسبها وتدري هاي الفتره انتخابات العماده واكيد راح تصير مشاحنات

أمنيه : ظل والدي يعيط ويتوعد تالي حجيت ويه بابا قنعته على الطالب عمي اي شى المهم افتهم بهذا الخريط الي كلشي مداافهم واخذت اسم الطالب وباي مرحله وافتهمت ولد حالته الماديه تعبانه مو مهم المهم يقريني ورحت دورت عليه ودلوني عليه سلمت ومن شافني كأن انصدم

أمنيه :السلام عليكم بلا زحمه انت رعد
رعد : هاااااا
أمنيه : شنو هااا انت رعد لو مو انت
رعد : اي رعد تفضلي
أمنيه : تفضل
رعد : هاي شنووو
أمنيه : ورقه م̷ـــِْن العميد

رعد : قريت الورقه وبيها توصيات حتى اقري ام