شكد متأذي ليش تموتيني بيدج ماهنت عليج مفكرتي بيه مكلتي هذا المكرود تعبان تجين تزيدين تعبه

ام محمد: يمه اني لان حاسه بتعبك اريد اريحك
محمد : اني مااتزوج وحتى اذا بيوم فكرت اتزوج مستحيل اتزوج اخت هديل
ام محمد: لا تتزوجها هاي الي تفيدك سباعيه وقويه وراح تراعي الله بيك وفوك گـ❈ٍـْلٍ هذا راح تكسب اجر بيها تعرف اخوتها موتيها سويها لله يمه بروح الغاليه
محمد : لتلزميني من ايدي التوجعني وتحلفيني بيها واني مو مصلح اجتماعي واسويها لله هذا زواج يووم زواج واني ممستعد اصلاً هسه )

ام محمد: شوف محمد اذا متزوجت تقى لاانت ابني ولااعرفك واغضب عليك ليوم الدين
محمد : لتخبليني حرام عليج مااكدر والله مالي نفس بالحياه مو بالزواج وتريدين اكون عائله واني اصلاً قلبي وروحي ميتين قابل حيوان ماعندي احساس احب وحده وتموت وراها بأشهر اتزوج اختها يمه الي سويته مااسامحج عليه ورطتيني وكسرتي ظهري بمره مااحبها ولا عـُـّــٓمري راح احبها وفوكاها اخت حبيبتي
ام محمد: حلفتك بالغاليه وبيه تقبل لخاطري تكسر كلمتي كدام العالم وتخجلني ترضاها لاامك

بس حتى لااكون عااق راح اتزوجها والي يصير بهاي البنيه برگبتج انتي تتحملين

رعد : شبيك محمد اول تالي تعيط على امي استهدى بالرحمن
محمد : انت شفت امك شسوت فوكاها حطتني كدام الامر الواقع وتلزمني من ايدي الي توجعني تدري بيه مااكدر على غضبها وزعلها ورطتني ورطت بنت العالم بيه ولازم هسه ادوس على قلبي واروح اخطب بله الله يقبلها
رعد : كول ياالله امك ادور مصلحتك وخايفه عليك يجوز بعدين تحبها
محمد : انت تكدر تحب هسه غير امنيه

رعد : اووف يامحمد والله كلامك صح بس تره الدنيا متوكف على واحد ولازم تعيش وماكو غير هاي الطريقه لان اذا عافتك امي مراح تتزوج طول عمرك ولا راح تتغير حياتك )

محمد : اضطريت اوافق مااعرف السبب مرات اكول لخاطر الوالده لان مريضه ومااكدر ازعلها خاصه هي بس تزعل يصعد السكر والضغط سوه وتتخربط ومرات اتذكر تقى ومعاناته واكول اسويها لله واخلصها
وخاصه من يوم وفاة المرحومه وحسين مثل المخبل بس المشاكل وايده والضرب والغلط
ياسمين : رحت لتقى بلكت اقنعها
هلوو ياحلووه اكدر ادخل
تقى : ياحلوه هي ضلت حلاه بهاي المصايب الي عايشه بيها هو اني اصلاً متعزايه ومتصخمه وهسه كملوها بخطوبتي من اخوج شلون اصير حلووه بعد
ياسمين : انتي تخبلين بس شويه خيط وكم حركه مكياج اطلعين لوز

تقى : قصدج اطلع قرقوز
ياسمين : فدوه تقاوي وافقي على محمد والله تخلصين من مشاكلج وانتي شفتي حياتج جحيم هسه اخوتج مراح يرحموج ولاحتى يخلوج تكملين دراستج انتي ياصف وصلتي
تقى : سادس واخذت النتيجه ومعدلي 75 بس مقدمت ذوله مخلوني الي ميخافون الله اكمل كليتي
ياسمين : ولا راح يخلوج ولا يرحموج اقلها نبقى سوه لااني عندي اخت ولا انتي انصير خوات وصديقات ومحمد طيب وحباب وامي شفتيها وراح تشوفين اخويه رعد ورده والله ترتاحين ً ويانه

تقى : داافكر بكلام ياسه بيه هوايه كلام صح شنو هسه حياتي خدامه الهم ومكفخه وماعندي مكان اروح اله وامي هبه تخابرني وتبجي بس مابيدها شى ولا اني بيدي شى وذوله يوميه شغله شكل مطلعيلي واخاف بيوم يذبوني بمصيبه لاالها اول ولا الها اخر

دخلت ام محمد وام حسين يحجون يحجون لوك لوك واني ساكته بس اسمع واليوم جمعه الساعه 11 الصبح والعقد ساعه 5

سكتت كلشي محجيت وصارت ساعه 4 ونص ودخل حسين ونصر عليه
يله بدلي العالم اجوي
تقى : مالكم علاقه بلبسي هذا الموجود
حسين : تقى والي سماج تقى اندمج على يوم الي انولدتي بيه اذا سويتي شى هسه او خجلتينا كدام الناس

ام حسين : هاايمه فدوه اروحلج وافقي والله خوش قسمه وخوش ناس

صفنت عليهم والكل ينتظر رأي

: هو بقت عليكم هي الدنيا من تظلم واحد تظلمه ومترحمه لحد متشوفه ميت واني ظلمتني الدنيا واني بطن امي بقت على هااي يله سهله
اني موافقه (
)

تم كلشي خلال ساعه وحده واصلاً مشفت محمد ولا هو شافني حتى بعد العقد كملو كلشي وطلعوا وماكو هلاهل اكيد لان عدنا حاله وفاة

مر شهر بعده شهر وصارت السنه مال هديل اني مرحت مااعرف السبب بس مردت اروح كافي هي يوميه تجيني بالحلم
وبعد السنه بشهرين تزوجنا زواج يخبل ههههه يمكن اهدأ زواج بالعراق
لا هلاهل ولا مزيقة ولا كولشي هو اني اصلاً حتى بدله مردت البس لوما ياسه وامها خطيه انقهرت على ام محمد كامت تبجي وتتوسل بيه البس تريد تفرح بأبنها ولان ياسه وامها كلشي جهزوا حتى الفراش والملابس واني مطلعت ولا الي خلك اطلع

واندك الباب
ياسمين : اكدر ادخل اشوف عروسه اخويه الي تخبل
تقى : هو انتي بعد دخلتي وين اخبل وجهي عبالك علوه مال مخضر گـ❈ٍـْلٍ الالوان بيه احمر اخضر شنوو هااي
ياسمين : هههههه والله عليج سوالف تقااوي ولج والله تخبلين والبدله تموت عليج

تقى : ياتموت باعيها كل شويه اكصفها من الضعف ولا كعد تكعد جانت اكو وحده بالمدرسه ويايه تصيحلي معصعصه اليوم اتذكرت كلت ولا متنلامين صدوك معصعصه

وعوده مال مطيرجيه هم
ياسمين : ههههههههه اول مره اشوف وحده تحجي على نفسها حتى المحلووه تكول اخبل
تقى : يمعوده على شنو اعرف نفسي زين احسن مااقشمر روحي واكول اني نانسي عجرم واصلاً شعبان عبد الرحيم احلى مني
ياسمين : هههههههه ولج كاافي المكياج راح يسيل من الضحك يله حضري روحج ربع ساعه واهلي هنا )

تقى : من رخصتج ياسه شوي واجيج
طلعت من الغرفه وحسين ونصر كاعدين بالصاله ويحجون وامهم تحضر الكيك والعصير بالمطبخ
دخلت المطبخ شافتني
ام حسين : اللهم صلِ على محمد وال محمد طالعه تخبلين مبروك يمه شايفه گـ❈ٍـْلٍ الخير
تقى : تسلمين وضلت تبجي وتبوس واني ولا اهتميت تعالي شوي عوفي كولشي
واخذتها وكفت كبال حسين

حسين وين الاوراق
حسين : باوعت على تقى مااعرف شنو احساسي اعرف بروحي ظلمتها واذيتها بس موبيدي الي سوته هديل كرهني حتى بنفسي وكمت مااشوف كدامي بس من شفتها بدله العرس حسيت ولااول مره تقى اختي يمكن متندم لان عاملتها هيج يمكن لازم جان اتصرف وياها حتى متعيد نفس غلط هديل
المهم گـ❈ٍـْلٍ الي سوته هديل تحملت الذنب تقى
يااوراق
تقى : مال تنازل
حسين : تفاجأت بكلامها
ميحتاج عوفي هسه مو وقته هسه شويه ويوصل محمد
تقى : دااكولك جيبهم رجاءاً

جابهم حسين وهو متفاجأ مني ونصر وامهم كلها ساكته لزمت الاوراق وقعت
هااك الي ردته صار اني ردت اثبت الك شى واحد لافلوس ابوكم ولا فلوس الدنيا كلها تعوضني يوم واحد عن الخوف والعذاب الي عشته بس انت معرفت تتصرف صح وعبالك اني هديل لا ياابن والله حتى لساني ميكدر ينطقها بس راح اكولها ردت اكولك ياابن امي وابويه بس شلون تطلع واني مااحسها ولا احسكم اخوتي وتمنيت ولو يوم واحد احس بعزوه الاخوه جان مو بس الورث انطي الك انطيك روحي واكولك ترخصلك ياخوي بس يله تهون
هااك اكل حرام بالعافيه عليك

وعفتهم مصدومين ولا كلمه منهم طلعت وامهم بس تبجي وشيفيد البجي

واجه محمد واهله ورحت وياهم للبيت وهاي اول دخوليه الي لبيتهم

ودخل محمد واول مره نكون بيها لوحدنا

محمد : اتزوجت تقى واني گـ❈ٍـْلٍ مااباوع عليها اتذكر هديل جنت اتمنى ادخل لهذا البيت واخذ عروستي منه بس مو تقى اتزوج هدوله بس القدر مو بصالحي واخذ حب عمري وهي بالنجف واني اتزوج اختها

دخلت للغرفه مالي نفس بهاي البنيه مدااتقبلها اصلاً فكرت الزواج كلها ممتقبلها
بقيت صافن شلون بهاي اللحظه يله حسيت روحي سويت اكبر جريمه بحق نفسي وبحق هاي البنيه الي مالها ذنب

تقى : شوو هذا ساكت بس يباوع واني استحي ارفع وجهي ومااعرف شلون اتصرف اكوم ابدل او انتظره لو شنوو اووف شنوو هذا الشلعان القلب

محمد : تكدرين تاخذين راحتج اني نازل جوه والحمام على ايدج اليمنى

تقى : شكراً
شبيه هذا كوه يحجي يله بعد احسن اريد اغسل المكياج احسه جبل على وجهي وشعري مليان سبري شًٌگـوو ذبانه بالمنطقه وكفت عليه )
سبحت وكملت ومشطت شعري فتحت الكنتور هااي شنو خرب ببليسج ياسه هاي هم ملابس البسهم لو امووت كله دلع ومشلح دورت لكيت برمودا اي هاي زين
لبستها وكعدت انتظر المزيون ساعه ساعتين والاخ ماكو تعبت گلت خلي انام احسن

محمد : طلعت بره البيت بدون محد يحس بيه اكو متنزه بعد عن شارعنا بشارعين رحت كعدت على المسطبه واشرب چكاير وصافن على حياتي وكل الي مر بيه واتذكرت بنتي موبيدي هاي حب العمر صارت ساعه ٣ الصبح وحدي بالشارع گلت خلي ارجع اول مفتحت الباب صارت امي بوجهي
ام محمد: يمه محمد اسم الله وين جنت
محمد : طلعت اشتم هوا ليضل بالج
ام محمد: شو تعاال سحبته من ايده للغرفه
ها يمه بشرني
محمد : شبشر
ام محمد: ولك اخذتها لا وين البياض
محمد : يمه لابياض ولا سواد متقربت منها اصلا مالي نفس بيها ولا بالزواج كله

ام محمد: عزه الي عزاني تريد تسود وجهنا اذا اجوي اخوتها باجر شنكول الهم والله حميدان ماله نفس بأختكم خوش حتى تصير مضحكه بين الزلم
محمد : يمه شنو هذا الحجي قابل الزلمه ينقاس بهاي الشغله كدر ياخذ مرته لو لا
ام محمد: كون ابوك عايش جان خوش جاوبك شوف ياابن بطني تروح هسه تاخذ مرتك وبياضها يوصلني واله والعباس ابو فاضل لاانت ابني ولا اعرفك

محمد : شطلعت مو خبلتيني گـ❈ٍـْلٍ حلفان يكسر الظهر يعني شلون ابقى وياها واعاشرها بعد گـ❈ٍـْلٍ حلفان الج تره هاي مو عيشه
ام محمد: هذا الحجي الي عندي تروح هسه واني كاعده اصلي صلاة الليل والفجر وادعيلك الله يهديك على هلمسكينه

محمد : صعدت واني صاير نار امي غاليه عليه هاي مصيبتي اخاف على زعلها
فتحت الباب لكيت تقى نايمه اباوع عليها مثل الجاهل نايم
تقى تقى اكعدي
تقى : هااا خير رايد شى
محمد : رايد لفة فلافل شنوو رايد شى نسيتي اليوم زواجنا
تقى : فتحت عيوني لا انت الي نسيت وطلعت وعفتني
محمد : شويه لسانج تره صرت زوجج يعني اثگلي شوي
تقى : بله هذا شحجي ويااه سكتت مجاوبته واحد يباوع للثاني شوي وحسيت محمد تقرب اني هنا رجفت مهما كان اني مااعرفه ولا بيوم كاعده وحدي ويااه لزم وجهي اني بداخلي ا

فيج براحتج وتلعبين لعب واذا قبل اهلج منطيج حريه اني لا

انتي زوجتي ومحسوبه عليه وفوكاها اختي ويااج لهذا اذا متخافين على سمعتج خافي على سمعت البيت الي ملفيج

تقى : انصدمت ورجفت وعيوني مترمش من الصدمه وجاوبته
ملفيني صح كلامك صدوك ملفيني بس حابه اكلك شغلتين يازوجي المصون
اولاً اني متربايه احسن تربيه وابد مابيوم خالتي وزوجها مخلوني العب دومهم محافظين عليه واني محافظه على نفسي ولو اريد العب مثل متكول مجان گلبت السوك على الولد جان اخذت الرقم ومشيت بس لخاطر البيت الي ملفيني گلت لازم احط حد الهم واحافظ على نفسي وعلى اختك
وثانياً : تقربت مني واني ابجي دم من قلبي وارجف وهمست بأذنه بهدوء لتكول انتي زوجتي اني زوجتك مع وقف التنفيذ اتزوجت حتى تكسب اجر بيه لتضيع اجرك وانتبه لكلامك

صعدت ركض للسطح اريد هوا احس مدااتنفس
باوعت للسما مو كافي تره تعبت والله تعبت هم لو اختبار هم جان خلص بس اني اخلص عمري اصبر واتأذه من گـ❈ٍـْلٍ الناس ارحمني طاقتي بدأت تخلص وابجي
ارحمني انت ارحم الراحمين

يتبع ...

رجف لازم اهدأ حتى اكدر انطي نفسي هذا زوجي لازم اراعي الله بيه واكون عائله ويااه ويجوز بمرور الايام احبه

محمد : تقربت عليها صفنت بوجهه لمست وجهه ناعمه وترفه عيونها تحجي ودوم تخليني اصفن بيهم وهناك تقربت من تقى حاولت اكون هادئ وياها بس اني ممتقرب من مره استحرم لهذا ماعندي خبره بالتعامل واذيتها بس هي رغم الاذيه جانت هادئه وبعدها كعدت ادخن وصافن اووف كون هديل بمكانج جان اسعد ليله بحياتي اخذت البياض ونزلت لاامي

تقى : أذاني لكن قاومت حتى اعدي هاي الليله على خير دخلت سبحت وبجيت اتمنيت امي هبه يمي خابرت عليها حتى ابلغها بزواجي حتى تحضر طلعلي قاسم الحقير يكول طالعه وناسيه التلفون بالبيت واتصل وراها مغلق ظليت يومين اخابر ومحصلتها حتى زواجي مو مثل الناس لاام وكفت ويايه ولاعرس مثل البنات وركص وهلاهل حتى هاي الليله بارده خاليه من اي مشاعر طلعت من الحماام بدلت گلت خلي اسلم على خاله لان اكيد نزل محمد الها وراها اصعد انام وبنزولي سمعت محمد

محمد : لهنا وكافي زواج وزوجت بياضها وشفتي بعد مالج اي علاقه بيه انام وياها اهجرها مو كلتي اتزوجها اكسب اجر بيها اتزوجت وكسبت الاجر لهنا وبس

ام محمد: يمه بس هاي زوجتك
محمد : مالي نفس بيها تعرفين شنوو مالي نفس اني احب هديل وابقى العمر كله احبها لتوجعين قلبي وقلبج وعوفيني بحالي وذيج تقى يمج واني فكي ياخه مني بروح ابويه لتخليني اهج من الدنيا كلها

ااااه ياتقى ليش مامكتوبلج الفرح صح مااحب محمد لكن جان عندي امل احبه واخلي يحبني واكون ويه العائله الي انحرمت منها احس كلامه خنجر يضرب بقلبي وفوكاها هم هديل ولج متي وماخلصت حتى وانتي ميته تاخذين كلشي الي
وبقيت ابجي بالغرفه بهدوء مااعرف شعوري شنو متناقض اريد اعيط املخ روحي هم ميبرد نار قلبي
صفنت على حالي شو حتى اذا عفته هو جنت بنيه ومحد ملفيني واحد يشمرني على الثاني لو رجعت مطلقه شلون

بقيت للصبح افكر ومحمد اصلاً بعد مرجع للغرفه وقررت اعيش حياتي ومالي علاقه بيه على كد واجباته واعوفه لازم اكون نفسي حتى يوم مااعوفه اكدر اعيش براحتي ومحد يتحكم بيه ولا اكون تحت رحمه اي واحد

وصار الصبح واجتي ياسه وخاله يباركون وراها بكم ساعه الخاتون امي واخوتي الشفيه ولا طلعت الهم كلت لياسه كوليلهم نايمه مااريد اشوف اي واحد منهم

ياسمين : ولج تقاوي صار ٥ ايام من اتزوجتوا شو لاتحطين مكياج لا تبدلين ملابس كومه جبت الج شجااج انتي مو عروس
تقى : ههههههه احلى نكته عروس اسكتي ياسه لتضحكيني

ياسمين : خباال ولج غير عروس
تقى : بح ماكوو عروس طارت
ياسمين : يمه اسم الله ليش ولج صاير شى
تقى : باعي ياسه الي اريده منج تكونين اختي وصديقتي ونگضي اليوم نشتغل ونضحك ونسولف بس موضوع اخوج وعلاقتي بيه ابد مذكريها
ياسمين : ماشي براحتج

مرت الايام وصار شهر ونص وعلاقتي ويه محمد على كد السلام واغسل ملابسه احظر اكله رغم انام بغرفه وحده وعلى سرير واحد بس ابد ولا مره حاول يتقرب مني
اخوه رعد حباب هادئ دوم اضحك وياه هو وياسمين امهم طيبه مالها شغله بأي شى وتعاملني مثل متعامل بتها يعني اني اتزوجت عائله محمد مو محمد حتى اهلي مااوصل الهم رغم حمديه تجي بس مااطلع الها ولا اريد اشوفها قررت ارجع للدراسه وطلبت من خاله تحجي ويه محمد وهو ولا اهتم كلها شتريد تسوي عادي المهم متتجاوز الممنوع
وهاي جان الشى الوحيد بعد مرور شهرين ويه محمد افرح بيه )

وقدمت وطلعت لغات انكليزي محبيت القسم بس گلت ميخالف المهم اكمل شهادتي طلعنا اني وياسه نشتري ملابس للدوام وبالسوك ومااحس غير واحد يتحارش بالبدايه مهتمينا بس كام يتجرأ يحط الرقم بأيدي وصديقه بأيد ياسه اني هنا صرت نار وجان اندار عليه
تعاال لك انت متستحي ماعندك خوات ماعندك شرف لشوكت تبقون ملطلطين

حمزه : لسانج تره اكصه شلون تتجاوزين
تقى : هاي منو تكص لسانها ولك انت لو شريف ورجال متصجم بنات العالم وحجايه مني والثانيه منا وجان تكب العيطه والناس التمت ومااحس غير ايد تجرني وتسحبني شكوو تقى صاير شى باوعت محمد
تقى : ماكو شى واحد ماعنده اخلاق
وذاك يحجي ومحمد يحجي ومااشوف غير محمد يلزم الولد يشبعه كتل
صفنت يمه من فدوه طلعت متزوجه بروسلي واضحك
عاط محمد بيه وبياسه ورحنا للبيت واحنا نمشي الله ذب عليه كل الضحك اريد اسكت ماكو وهو صاير بارود
ياسمين : ولج هم الج واهس وتضحكين سكتي الله يستر من نوصل للبيت شراح يصير
تقى : ههههههه ولج مو بيدي شفتي شلون طار تكول سوبر مان بس هو ليش تعب نفسه جان اني كتلته للولد
ياسمين : خبال والله هذا ضحكج هسه يطلع من خشمج اصبري بس نرجع للبيت

اول مدخلنا كاام يعيط عادي مهتميت ليش طالعات ومتأخرات للمغرب وحجي دوخني وخالتي ورعد يحاولون يهدأون محمد
بس من شافني ممهتمه جان يضربني مو ضرب بالايد يااريت مكطعني بس ضربني بقلبي وضرب وكسر القلب اقوى من كسر العظام
محمد : طبعاً ممهتمه احجي ويااج ولا يهمج تلكين نفسج متعلمه على حرشه الولد وتحبيها ودوم اهلج عاي

#يسعد_اوقاتكم_بكل_خير
#توقعات_الابراج_ليوم_الثلاثاء

#الحمل
مهنياً: لن يعاكسك الحظ هذا اليوم أو يدخلك في مأزق أو في مشكلة أو في تصرف خاطئ وكلام قاسٍ.
عاطفياً: تعزيز العلاقة مع الشريك أمر ضروري، وهو يرفع منسوب الثقة بينكما.
صحياً: تسرّ لما تحصل عليه من تفهّم ودعم لتحرّكاتك على مختلف الصعد، وخصوصاً على الصعيد الرياضي.

#الثور
مهنياً: كن عادلاً ومنصفاً مع الآخرين، ولا تحاول إرغامهم على القيام بما لا يرغبون القيام به.
عاطفياً: الشريك معنيّ بما يدور في خاطرك، فصارحه اليوم قبل الغد بحقيقة نياتك وخطواتك المستقبلية.
صحياً: العصبية الزائدة ليست في مصلحتك على الإطلاق، والهدوء هو مفتاح الحل لكل المشاكل.

#الجوزاء
مهنياً: وجود القمر في القوس في مواجهة برجك يطرح بعض المسائل الماضية ويجعلك تواجه قضية إدارية وتضطر إلى إخفاء معلومات أو وثائق.
عاطفياً: تقف مع الحبيب في موقف صعب مما يزيد من إعجابه وحبّه لك وشعوره بإخلاصك الحقيقي تجاهه.
صحياً: ساعد نفسك قبل مساعدة الآخرين وتوجيههم في كيفية المحافظة على صحتهم.

#السرطان
مهنياً: أوضاعك في العمل تتحسن والأمور المالية تزدهر ويسير كل شيء كما هو مخطط له.
عاطفياً: لا داعي إلى الغضب وفسّر وجهة نظرك للحبيب بهدوء فهو حتماً سيتفهمها ويستوعب الأمر.
صحياً: تجنّب قدر الإمكان المأكولات الدسمة واختر من اللائحة تلك الغنية بالبروتيينات.

#الاسد
مهنياً: تدور أحاديث سرّية وتخشى مناورات وتركّز على قضايا مالية واتفاقات واستثمارات أو صفقات .
عاطفياً: العلاقة بالشريك في أفضل أيامها، وهذا مؤشر جيد إلى إمكان بناء مستقبل واعد وأكثر إشراقاً.
صحياً: تابع البرامج التثقيفية ذات العلاقة بالاهتمام بالصحة فهي مفيدة جداً.

#العذراء
مهنياً: تحذّرك تاثيرات القمر من برج القوس من تغييرات ويتحدث عن مجازفات وعروض وتغييرات مربكة قليلاً قد تبقيك في حال من اللااستقرار.
عاطفياً: تعبّر عن نفسك بطلاقة هذا اليوم، وقد تتأثر بشيء من الماضي يعاد على بساط البحث.
صحياً: حين تعود من عملك إخلع عنك همومه ومشاكله وارتد ملابس الرياضة وانطلق.

#الميزان
مهنياً: يفتح أمامك هذا اليوم أبواباً كانت موصدة وتطل على آفاق مشرقة وواعدة، وتضع قيد التداول مجموعة أفكار جديدة.
عاطفياً: أنت قادر على تلطيف الأجواء وتسكين الخواطر بينك وبين الشريك، فتنتعش العلاقة مجدداً بعد فتور العواطف.
صحياً: قد تصاب بعارض صحي وأنت تقود السيارة، لكنك لن تتعرض لأي أذى.

#العقرب
مهنياً: حيويتك فائضة وتعلن عن شراكة ما وتتألق بشخصية مميّزة وتبدو متزنًا في خياراتك.
عاطفياً: لا تنبش أوراق الماضي فهذا لن يفيدك بشيء بل قد يزيد الأمور صعوبة مع الشريك.
صحياً: لا تستغل جميع طاقتك في العمل، بل وفّر قسماً كبيراً منها لممارسة الرياضة والتخلص من عناء التعب.

#القوس
مهنياً: قد تنطلق المشاريع بقوة، وقد تظهر مسائل مصرفية أو معاملات إدارية، حتى لو تأخرت بعض المساعي، فإن الأمور تسير جيداً.
عاطفياً: تنجذب إلى شخص ناضج تعتبره مرجعاً لك وتثير علاقتك به بعض الحساسيات.
صحياً: آلام جانبية وميل إلى استهلاك الأدوية بكثافة وفي غير محلها.

#الجدي
مهنياً: حاذر النزاعات الحادّة والمواجهات فهي قد تثير بعض المتاعب وتولّد شعوراً بالإحباط ينعكس سلباً على معنوياتك ويظهرك عاجزاً.
عاطفياً: كوكب الحب يكسبك جاذبية نادرة ويفتتح دورة من الدعوات والمناسبات الحلوة، وقد تحمل إليك الأفلاك مفاجأة.
صحياً: لا تدع أحداً يشوش أفكارك ويثير قلقك لغاية في نفسه.

#الدلو
مهنياً: أوضاع مالية وترتيبات تُفرض عليك وتخوض بعض المفاوضات المهمة جدّاً، والتي تتعلّق بممتلكاتك ومكتسباتك.
عاطفياً: تُبدي اهتماماً كبيراً بالشريك وتطّلع على بعض الامور التي قد تبقي العلاقة على أفضل ما يكون.
صحياً: لا تتسرع في الموافقة على اتباع نظام غذائي قبل أن تدرسه من جوانبه كافة، لأن الندم قد لا يفيدك لاحقاً.

#الحوت
مهنياً: يحمل هذا اليوم تغييراً مفاجئاً وطارئاً ويؤسس لسفر او لعلاقة مع الخارج مهمة او لتغييرات ايجابية مناصب.
عاطفياً: ينتقل فينوس إلى برج الجوزاء، فيتغير المناخ العاطفي إلى الأفضل وتبصح أكثر تناغماً مع المحيط وتثير انتباه الشريك.
صحياً: لا تترك نفسك تنجرف وراء المغريات التي تدفعك إلى الإكثار من تناول الطعام في المناسبات، انتبه.

#فقرة_شعر
مشتهيلي اوجوه تبقه

كافي بس تبقه الصور

مثل مرجوحه روحي
تصير تالي الليل ،

تهز گلبي لحد ما يغفن جروحه.💔

مشتاق أشوفك تبتسم
واشبع حجي وياك
يل خذت مني النفس
مدگلي وين الگاك. .......💗

#فقرة_هل_تعلم
‏نفسياً:
كلما حاول الإنسان التركيز في محاولة النوم كلما طار النوم من عينيه أكثر، أفضل حل هو عدم الذهاب للفراش الا اذا شعرت بالنعاس فعلاً.
أشياء تساعد على النوم:
- إستحمام بماء دافئ
- شراب البابونج بالعسل
- الإسترخاء والتنفس بعمق
- سماع القرآن بصوت جميل وهادئ
- قرآءة كتاب قبل النوم

#قصة_عراقية
#عبق_الماضي


البارت الثامن

محمد : انصدمت من كلام تقى وجرأتها اعرف بيها وكحه ولسان بس مو هيج وكلامها خلاني صافن وبلحظه حسيت بالندم صدوك شلون اكول الها هيج سكتت
تقى المميز بيها شكد متكون عصبي وتحجي تكدر تسكتك بكلام يخلي عقلك ميستوعب قوه ردها على كلامك

رعد : ليش هيج ابو الشباب خطيه والله زوجتك شسوت حتى تجرحها وهي والله سباعيه كدرت ترد على الولد بدون خوف ولو صدوك متخاف على سمعتها ولا تخاف على سمعتنا جان اقلها اخذت الرقم ومشت
محمد تره زوجتك سباعيه وشريفة وثكيله ومتخاف من اكبر واحد اني هواي منتبه عليها وعلى تصرفاتها لهذا لتضلمها لتصير انت والزمن عليها

ام محمد: يمه ليش هيج مو يتيمه ليش تكسرها حرام عليك ماسوت شى حتى تحاجيها هيج وشنو البيت ملفيج هذا بًيــّـُــتُٓ رجلها يعني بيتها شلون تعيرها

محمد : كاافي اسكتو مااريد احد يدخل الموضوع بيني وبينها وشأسوي بيها مالكم علاقه
عفتهم وصعدت لغرفتي دخلت ادور عليها ماكوو دخلت للحمام هم ماكو
شفت باب السطح مفتوح دورت عليها رفعت راسي واشوفها فوك البيتونه بله هاي شصعدها فوك اباوع عليها كاعده على طرف البيتونه ومنزله رجلها وتحركهم مثل الجهال رافعه راسها للسما وتباوع ابتسمت على منظرها الدنيا شبه ظلمت بس وقت غروب والشمس بدأت تغيب
صعدت كعدت يمها وهي حتى مندارت تباوع منو بصفها
بقيت صافن مثلها للسما وساكتين بحدود ال10 دقايق
وجان اكول الها تقى هي ردت بهدوء وصوت حزين جداً
نعم
محمد : اني اعتذر مو قصدي اجرحج
تقى : مصار شى عادي
محمد : شلون عادي وانتي شوفي حالج عيونج حمر من البجي اعرف بروحي جرحتج بس انتي السبب
تقى : باوعت صفح عليه
محمد : لتباوعين هيج تره افكسهم لعيونج
تقى : هسه انت جاي تعتذر لو تفكس عيوني حدد
محمد : ضحكت لا جاي افكس عيونج واكص لسانج هم

تقى : انداريت عليه تفضل يله كدامك
محمد : صفنت عليها مااعرف ليش صار عندي رغبه بيها وتحركت مشاعري تجاهه
وضليت صافن بعيونها وهي هم صافنه

تقى : محمد انت شتريد بالضبط
محمد : شنوو قصدج شأريد
تقى : انت ضايع ومتعرف شتريد وحتى حياتك مابيها معنى الصبح بالشغل الظهر تتغدا وتنام ومن العصر لتالي الليل بالكهوه وترجع وراها تنام انت مقتنع بحيااتك
زين وحتى اذا مقتنع الى متى تبقى هيج

محمد : اااااه ياتقى مااعرف الى متى
زين ليش سألتي هذا السؤال
تقى : مااعرف فضول
محمد : هاي صفه جديده اضافه لصفاتج المتعدده
تقى : ياصفات
محمد : اول شى لسان وكحه عرمه
تقى : اوكف اوكف اضرب بريك شنوو هاي استلمتني حاصل فاصل وشنو هاي الصفات التعبانه
محمد : خلي اكملج ست
وماعندج احترام وصوتج اويلي من صوتج فديوم افرك حلكج من وره صوتج
وهاا شفتي هاي نظرتج هسه مال استهزاء فديوم افكس عيونج من وراهم
تقى : هلووووو شحدك
محمد : لزمت ايدها حيل ولويتها وسحبتها عليه بقوه
تقى : اااااخ شبيك محمد هدني
محمد : شفتي حتى لتكولين شحدك
تقى : عوفني
محمد : اطلبيها بأدب وبهدوء
تقى : مااااااا
محمد : ضغطت حييل على ايدها وهي ابد مصره متطلب بأدب اخر شى حيل ضغطت عاطت
تقى : راح اطلب هدني اذيتني
محمد : اسمع
تقى : ممكن تعوف ايدي اذا مصارت زحمه
محمد : اي هيج نسوان متجي الا بالعين الحمره طبعاً اني بداخلي ابتسم على سوالفها
تقى : خووش اعتذار ردت تكسر ايدي لو تريد تعاتبني شسوي تكسر رگبتي
محمد : ضحكت على سوالفها
تقى : تضحك موو اضحك شعندك هو اني الي ايدي توجعني
محمد : تعالي كوليلي شصعدج هنا
تقى : المكان حلوو والجو هادئ حبيت اكعد وحدي
محمد : بعدها توجعج
تقى : اي
محمد : انطيني ايدج وبقيت افرك بأيدها وهي صافنه عليه بس نظرتها مو مثل كل مره

تقى : ليش رجفت من لزم ايدي احس قلبي يدك سريع اول مره احس بلمسه محمد وخاصه مره وحده لمسني بليله الزواج وراها شعرايه ملمس مني بس هلمره حركاته وضحكته وهدوئه واول مره نكعد هيج وحدنا بقيت صافنه عليه اول مره اشوف محمد يبتسم وكأن هسه كاعد اتعرف عليه

محمد : تقى لتضوجين مني واتحمليني اني شويه هاي الفتره تعبانه نفسيتي لتاخذين گـ❈ٍـْلٍ كلمه مني جرح الج
تقى : انت هم على كيفك ويايه وانداريت ورفعت راسي للسما واحجي
اني تعبانه بحياتي رغم صغر عمري ومابيوم ارتاحيت دوم المشاكل والمصايب تلاحكني
مااريد حياتي الجايه كلها مشاكل

محمد : شتريدين لعد
تقى : اريد هدوء وراحه وامان والصراحه بيتكم هنا بديت احسهم لهذا يامحمد لتعكر حياتي اذا انت تعبان مره اني الف مره

محمد : احاول ماازعجج بس انتي هم شويه الزمي لسانج وثگلي وكافي تجاوبين كلمه بعشره يابه شكد وكحه
تقى : ابتسمت على كلامه
واريد شى ثاني
محمد : شنوو
تقى : جعت اريد اكل
محمد : ههههههههه ايا خبله مو دنحجي مواضيع مهمه وانت تفكرين بالاكل
تقى : بربك هو اكو احلى من الاكل
محمد : ياريت مبين عليج معصعصه
تقى : تدري اخر مره سمعت هاي الكلمه من وحده ويايه بالاعداديه تدري شسويت بيها
محمد : شسويتي
تقى : شلعت تراجي

ها وخليت اذنها تجري دم
محمد : ايا متوحشه واني حجيتها شراح تسوين
تقى : مااسوي شى بس شنو هاي الي بصفك درت وجهج ومااحس غير تقى تعضني من ايدي بقوه وتركض
محمد : ايا خبله ولج اذيتيني
تقى : حتى اتوب وميته ضحك لان عضيته واخذت حيفي منه
محمد : نزلت تضحك واني اضحك على سوالفها حسيتها طفله مجروحه ترضى بأي شى المهم ترتاح وتضحك
تندمت اكثر على كلامي وجرحي الها وعدت نفسي احاول ماازعجها صح بداخلي ممتقبلها كزوجه بس اقلها احترمها واحاول اسعدها

تقى : نزلت اضحك وبدلت والضحكه مفاركتني وطلعت من الغرفه وجان تصير بوجهي يااسه
ياسمين : هاا ولج بشريني بالي كله يمج
تقى : لتخافين اخذ حقي من اخوج
ياسمين : عزه شلوون
تقى : عضيته ههههههه
ياسمين : والله مو صاحيه صدوك تحجين وجان ينزل محمد يضحك يمكن من يوم وفاة هديل واني مشايفه محمد يضحك وبقى يتوعد يعضها حسيتهم شلون الاصدقاء تمنيت محمد يحبها لتقى هي فقيره وحبابه وتستاهل الحب

مرت الايام بهدوء تاام علاقه محمد وتقى هادئه بالعكس دااحس تقى كاعد تميل لمحمد استاذ رعد حاير بالحب مالته
واني حديقة كلشي ماكو
وبيوم سمعت عياط ومديت راسي واشوف هوسه وناس واكفين بيت اهل تقى رجفت كلت بس لا امها او واحد من اخوتها ركضت على تقى

ياسمين : ولج تقى تقى وينج الحكي
تقى : خير ياستار شبيج تعيطين
ياسمين : عياط بيت اهلج مااعرف شصاير والدنيا مگلوبه بابگم
تقى : ياستار شكوو ودااحجي جان يدخل محمد
كومي البسي شى فوك ملابسج وامشي نروح لبيت اهلج
تقى : شصاير وانت تدري بيه مااروح الهم
محمد : ضروري تقى البسي بسرعه وامشي
تقى : رجفت صح ماعندي مشاعر الحب والانتماء لهاي العائله بس يبقون اهلي

محمد : اخذت تقى واني اعرف راح تتأذه بس لازم تعرف
تقى : طبيت لبيت اهلي توقعت احد مات باوعت حمديه كاعده تبجي وتلطم
يعني مابيها شى باوعت الجهه الثانيه نصر وحسين كاعدين ومنزلين راسهم شكوو لعد على شنو هذا العياط

شلونج تقى
انداريت واشوف عله قلبي وسبب دمار طفولتي قاسم
شجابك هنا خير
قاسم : اكعدي واني افهمج
تقى : كعدت شتفهمني شصاير وانتي خاله شبيج تعيطين والدنيا مگلوبه من وراج

قاسم : تقى البقيه بحياتج
تقى : بمنو
قاسم : امنا هبه انطتج عمرها
تقى : ههههههههههه لا خوش صاير دمك خفيف
قاسم : مدااشاقه تقى ماما هبه توفت اليوم الصبح واني هسه جاي ابلغج لان جانت وصيتها تحضرين الدفنه مالتها واني اجيت اخذج لديالى حتى نروح ندفنها

محمد : اباوع على تقى هدأت وعيونها انفتحت وشفتها مباشره صارت ترجف وجهه ازرك والنفس مكعد اتجر طفرت عليها واضرب بوجهه اريدها تتنفس
تقى تقى باوعي عليه اتنفسي اتنفسي
احجي وماكو لزمت ايدها قطعه ثلج وشفتهابيضت بلحظه حسيت قلبها راح يوكف من كثر صدمتها حتى رمش مترمش ومتتقبل تتنفس صدوك خفت عليها

تقاوي تنفسي ياعيني تقربت عليها امج ماتت تعرفين شنو هبه ماتت
تقصدت احجي هيج حتى اوعيها اريدها تعيط تبجي المهم الي بداخلها يطلع اذا بقت هيج احتمال يصير بيه سكته قلبيه
من الصدمه
حست وجان تعيط هزت البيت هز وتبجي
تقى : ماما ليش عفتيني يوم ليش يتمتيني
لزمت قاسم
كوولي شلون ماتت جان كلشي مابيها لتخبلني
قاسم : قبل مده عرفت بيها المرض الخبيث (السرطان) حاولت تتعالج وكامت تاخذ
الكيمياوي بس مفادها المرض منتشر بكل جسمها
تقى : وليش محجت ليش يايمه مگلتي
قاسم : هي مقبلت تكولج تخاف عليج وبنفس الوقت جانت متأمله اطيب بس كلمن ويومه
تقى : كمت ابجي واصرخ يمه ليش عفتيني ليش يتمتيني هسه يله حسيت باليتم
انداريت على محمد
فدوه محمد وديني الها ابوس ايدك وديني اريد اشوفها لااخر مره

محمد : بعيني كومي امشي للبيت حضري نفسج ونروح
اخذت تقى وطلعنا لديالى طول الطريق وهي تبجي رغم وجود امها الحقيقيه واخوتها بس ولا كأنهم موجودين ولا كأن تعرفهم بس تنادي بأسم خالتها
دخلنا للمنطقه وبعدني مموكف السياره وطفرت تقى اريد الحك عليها مااكدرگلبت الدنيا بالعياط والبجي انهارت
ولزمت زوج خالتها وتعاتبه

ليش بابا هيج هنت عليك هيج تنساني زين مگلت اقلها اطمأن عليها لهاي الدرجه تكرهني
محمود : بدموع عمري مكرهتج دوم اعتبرج بنتي
تقى : اذا بنتك ليش مگلتلي على مرض ماما
محمود : هي مقبلت وجانت وصيتها تحضرين دفنتها
تقى : اني خابرت عليها اكثر من مره ومجاوب
محمود : جانت تاخذ علاج ومردت تتعب من تحجين وياها
تقى : والله حرام عليكم ليش مخليتوني اساعدها ليش اقلها حق تربيتها اني بنتها دوم تكولي من اكبر اريدج عكازتي وسندي بالحياة انتم السبب اني متأكده رادت تتصل وانتم مخليتوها وخاصه قاسم

قاسم : لتذبين الصوج بينا الي صار صار شنو بأيدنا بعد ماتت والله يرحمها
تقى : ولك هاي تاج راسك الي ربتك وتعبت عليك وانت تحجي برود وممهتم حرامات التعب بيك اعرف بيك انت ولد عااق ومراح يغزر بيك الربى

قاسم : ولج منو العاق وهجمت عليها
محمد : تحجي تقى ومنهاره وعياط وتتعارك ويه هذا الي اسمه قاسم شو هذا ه

جم عليها يريد يضربها وجان الزمه

ولك ايااك تمد ايدك عليها افتهمت اذا لمست شعره منها مكان الجنازه تطلع وحده تصير جنازتين صير عاقل اني راح احترم عدكم حاله وفاة ومااحاسبك على تهجمك على زوجتي مره ثانيه اذا تكررت شفت هاي ايدك الي لزمت شعرها اصبع اصبع اكسرها

تقى : من تهجم عليه قاسم لزم شعري راد يضربني بس الي فاجأني ردت فعل محمد وكلامه وجداً احترمته على موقفه
وراها هدأ الوضع واخذنا امي للمغيسل
الكل يطلع مااريد ولا وحده منكم ويايه

حمديه ام حسين : اني اختها بنتي لازم اكون موجوده ويااج
تقى : واني بنتها ومااخلي احد يلزم امي ويغسلها غيري لازم اليوم ارد رباها الي
وتعبها وهي رادتني لهيج يوم محد يدخل

بقيت واغسل الها وابجي هاا يالحبيبة هاا يابعد روحي ونظري ليش ماما هيج عفتيني ليش يتمتيني تعرفين بيه بدونج اضيع واتعب جنت متأمله بيوم ارجع لحضنج هيج ينطيج قلبج تعوفيني تعوفين تقاوي حبيبتج
عفتيني ياكلون بيه ومالي سند وظهر غيرج حبيبتي

اكعدي من فدوه اروحلج والله اعقل والله الي تريديه اسوي بس ارجعي انتي امي ونظر عيني وهسه بعمري اشتري كعدتج وضحكتج اااااااه يااايمه حرگتي قلبي من عفتيني شكد حاسه بقيمتج من عفتيني هسه اضعاف ومتعرفين شكد متحتاجتج

گوميلي ييمه بگلبي تسعر نار
محتاج لحنانچ فدوه ضميني
گوميلي ييمه عيوني اجت خطار
تشكيلچ عذابي وغربة سنيني
اسمعيني اسمعيني اسمعيني
اريد بگبرج اغفه ،، وياچ خليني
گوميلي ييمه وداعتچ تعبان
بس بشوفچ ابره وتبتسم عيني
بس انتي الوحيده القادره بهالكون
بتراب الچفن يحبيبه تشريني
اسمعيني ييمه وگومي اترجاچ
مامرجيه منچ هيچي تاذيني
گوميلي آنه جيتچ ماأريد اعذار
طشرني الوكت يايمه لميني

محمد : طول فتره الفاتحه واني عيني على تقى اعرف بيها منهاره وتعبانه وهي التزمت الصمت طول ايام الفاتحه وبعد الفاتحه بيوم بليل اجيت يمها كعدت بعد ماراحت كل الناس وجان حالها يصعب على الكافر لابسه اسود بأسود ومدنجه وتعبانه ولا اكل ولا نوم
تقى تقى
رفعت راسها
هااا محمد
شلون صرتي
تقى : الحمدلله يم الله
محمد : بيج شى
تقى : كعد محمد يمي ومن سألني بيج شى وكأن واحد وفتح قلبي وگلي يله طلعي الي بيه
اااااااااااه (بصوت مخنوك وبحسره) بيه ضيم محد حمله وبيه نار لو تطلع تحرك الدنيا وبيه الف ليش وليش يادنيا بس اني ظالمتني وتاخذين مني الي احبهم وبيه خوف من الجاي واني وحدي

محمد : سلامتج ياعيني لتكولين هيج احنا وياج اني وامي وياسه اختج ورعد وحتى امج واخوتج
تقى : محمد اني امي ماتت تشوف هذا الاسود اللابسته ودكيت على الكااع تشوف هذا المجلس الي كاعده بيه هاي فاتحت امي واني تيتمت دفنتها بأيدي واجيت لهذا لتكول امج ماعندي ام غير هبه واخوه مااريد اسمع عنهم اي شى ظلمه ميخافون الله لهذا انتم عائلتي وبس ماعندي غيركم

محمد : كومي نرجع لعائلتج يله كومي بقائج هنا يأذيج
كمت وقبلها دخلت لغرفه ماما هبه واخذت شال منها وعطرها ردت تبقى ريحتها يمي
ومن دااطلع لزمني زوج خالتي

محمود : تقى هذا بيتج شوكت متريدين تعالي

تقى : البيت الي مابي امي ميتسمى بيت وانت بيوم شمرتني ودرت وجهك وتهمتني بشى انت اكثر واحد تعرف مااسوي وشلون محافظه على نفسي انت نسيت اني تربيتك ونسيت شلون نصحتني ومشيت على كلامك ونسيت حتى كلمه بابا مني وحبي الك لهذا من راح اطلع منا بعد متشوفني

هاااا نسيت اكولك شى شكراً الك على كلشي شكد جنت تكرهني وقاسي ويايه وفضلت دوم قاسم عليه بس ربيتني وراعيت الله بيه ومتجاوزت حدك واني تره احبك لو مهما كان اعتبرك ابويه انتبه لصحتك ونصيحه من بنتك لتأمن لقاسم تره هو مو حزام ظهرك هو الي راح يكسر ظهرك

وعفته وطلعت وعيوني على البيت الي ربيت بيه والي شفت ايام حلووه ومحلووه

وصلنا لبغداد ساعه 10 بليل واستقبلتني ياسه وخاله ام محمد رغم جانوا ويايه بالفاتحه بس رجعوا قبل ساعات

محمد : يله تقى اصعدي ارتاحي اخذي حماام وجايج هسه
صعدت تمشي كوه يووم فدوه سوي لكمه لتقى صار ايام مماكله واذا ماعدكم شى ممحضرين اجيب من بره
ياسمين : لا اكو صاج قبل شويه جابه رعد وبقيت الكم توقعت ترجعون وياه ببسي وهي تحبه

اخذت الاكل وصعدت الها لكيتها هستوها طالعه من الحماام وكوه لازمه المشط تمشط من التعب والبجي حتى حيل مابيها توكف
اخذت المشط من ايدها مااعرف ليش هيج اتصرف وياها احسها طفله صغيره ومحتاجه حنان وبديت امشط الها وهي مغمضه
وهادئه
تقى : اول مره احس بشعور غريب تجاه محمد خوفه واهتمامه بيه حرك احساس عمري محاسته وبنفس الوقت مرتاحه لتعامله ويايه بهاي الطريقة ومن يمشط شعري احس وكأني طايره ومرتاحه بشكل عجيب
محمد : كملته بس مااعرف اشده
تقى : ابتسمت شكرا انيي اشده
محمد : تعاالي اكلي
تقى : مااكدر والله
محمد : تقى لازم تاكلين
تقى : والله مااكدر نفسي متتقبل اي اكل
محمد : لخاطري حتى ناكل سوه اني هم جوعان وهم يامعصعصه راح تنكطعين من الضعف

تقى : ابتسمت مبين حبيت العضه مال ذاك اليوم
محمد :

اعيش بسلام وليش مكتوب عليه الحزن ومكتوب دوم اكره هديل حتى وهي ميته

وصارلي خمس اشهر متزوجه وقرب موعد الدوام وبليله سمعنا صوت طلقات
دخيلك ربي شصاار
رعد ومحمد مو بالبيت
كامت خالتي ام محمد لبست عبايتها ومدت راسها اجي ولد يركض ويصيح
الكهوه الي براس الشارع طبوا مسلحين وكتلو گـ❈ٍـْلٍ الي بيها
منحس غير خالتي واكعه وتصيح يمه ولدي راحوا
واني لطمت محمد هناك
يتبع ....

ههههههه لا دخيلج يومين تأذيني واحجي عليج
تقى : تستاهل حتى لتكول معصعصه وتره اطلبك عضه لان هسه عدتها
محمد : عمي راضي اخذي اثنين مو وحده بس تاكلين
تقى : اكلت وياااه واني مرتاحه لوجوده وبعدها ردت انام تمددت وغفيت من التعب
وحلمت بأمي هبه وكأني بكااع جبيره كلها طين ورجلي بطين اريد اطلعها ماكو واصيح طلعوني وفجأه اجتي ماما وطلعت رجلي من الطين واخذتني من ايدي وصلنا لبوري مال مي يجري بارد عذب ودنجت تغسلي رجلي واني اكولها عوفي ماما اني اغسل

بنتي انتبهي من هذا الطين تره يدمرج واذا هلمره دمر رجلج مره ثانيه يدمر كل جسمج
ومشت وعافتني
ماما وين رايحه
هبة : لازم اروح بنتي بس لتخافين اني يمج تشوفين ذيج الكااع الخضره روحي يمها لازم تعبيرها ولترجعين لهنا لان مره ثانيه مااكدر اطلعج
وفزيت اعيط وارجف
محمد : متمدد بصف تقى منايم بس اتصفح بالتلفون وجان تعيط
اسم الله بيج شى هاااج اشربي مي
تقى : بدموع شفت امي محمد شفتها عافتني وراحت

محمد : كاافي ياعيني مو عيونج من الدموع انتهت بقت تبجي بهدوء تعاالي
تقى : وين
محمد : اشرت على صدري
تعاالي هنا حتى ترتاحين وسحبتها بهدوء على صدري وحضنتها
اول مره اكون قريب من تقى هيج مااعرف هي محتاجه هذا الحظن لو اني
بقت بحضني والعب بشعرها بهدوء وهي تنزل دمعاتها على صدري وشوي شوي هدأ تنفسها باوعت غفت
ابتسمت على نومتها ومااعرف ليش موخرتها من صدري يمكن اني جنت محتاج حضنها واني تعبان حتى اكثر منها وغفيت وهي بحضني
تقى : كعدت الصبح وشفت نفسي بحضن محمد رفعت راسي وصفنت على وجهه
والله طلع حلوو اول مره ادري وشفايفه حتى احلى من شفايفي ههههههه (احجي بداخلي وابتسم)
محمد : كوون دوم هيج تضحكين
تقى : طفرت انت كاعد
محمد : اكيد كاعد اذا حاضن عظام شلون انام
تقى : يافدووه عظام هاي رشاقه الكل يحسدوني عليها خوما مثلك كلك لحم

محمد : هذا اللحم هو الي خلاج الليل كله حضرت جنابج نايمه ومرتاحه تكول نايمه على دوشك اسفنج ضغط عالي
تقى : ههههههههه والله تشبيهك حلوو المهم نمت مرتاحه ومالي علاقه بيك تحضن عظام حجار المهم اني

محمد : ميخالف وتدللين المهم تكونين مرتاحه
تقى : شكراً محمد مقصرت وكفتك ويايه ماانساها
محمد : انتي زوجتي تقى وهذا واجبي
المهم تصيرين زينه ولو اكيد صرتي متشوفين لسانج وصوتج رجع يلعلع
تقى : فديتني اخبل

محمد : قصدج خبله مو تخبلين هههههه
تقى : مرت ايام واني ومحمد وضعنا كلش زين وكل الي بالبيت يحاولون يفرحوني
انتبهت على نفسي بديت اشتاق لمحمد من يطلع انتظر جيته دقيقه دقيقه
ومن موجود احب اكون يمه اضحك ونسولف احس بروحي اطير وتروح اله يمكن كمت احبه مااعرف الحب ولا جربته بيوم

محمد : تقربت من تقى وشفتها بنيه حبابه رغم وكاحتها بس گلبها ابيض وشاطره وتحاول تساعد امي وتتعلم منها شغل البيت
وبيوم راجع من الكهوه ساعه 11بليل ودخلت للغرفه شفت تقى تبدل ملابسها واتخربط وضعي مااعرف ادخل اطلع اتجرأت ودخلت وهي صارت طماطه من الخجل

وكلشي محجينا بس سألت عن الاكل وكتلها متعشي وراها تمددت وهي بصفي بقى منظرها بعقلي وكل شويه استغفر مااريد اتقرب منها رغم هي زوجتي وحلالي بس بعد فقدت السيطره على نفسي وسحبتها بهدوء وتقربت منها

تقى : متت خجل بدخوله للغرفه وحاولت ابين الوضع طبيعي واثناء مااحاول انام سحبني اله عرفت يريد يتقرب مني الصراحه
ردت قربه زوجي ومن حقي وبديت احبه واتلهف لمسته

وهو يحضني ويبوس بهدوء ورقه ومندمج ويايه واني هم مندمجه جان يكوول اااه شكد مشتاقلج هدوله
فتحت عيوني وانصدمت وهو حس على نفسه قربت شفايفي من اذنه وهمست اني مو هدوله اني تقى هدوله ذيج سكنت كبور النجف تكدر تروحلها اذا مشتاق ودفعته وكمت

محمد : مااعرف شلون صار هيج وشفت هديل بتقى وطلع اسمها بلساني وجرحت تقى جان موقف حتى الاعتذار منه ميصلح شى ودفعتني وكامت وطول الليل الوم بروحي وانتظرتها تصعد ماكو
نزلت لكيتها نايمه يم يااسه
انقهرت عليها مو بيدي الرغبه جابتني لتقى بس قلبي بعده لهديل

انجرحت من محمد وهلمره جرحي قوي لان حبيته وجرح الحبيب مأذي بشكل مرات كلمه من الحبيب ادمر القلب وتگلب الاحوال بقيت ايام انام يم يااسه الحلو بهاي العائله متدخل يعني خاله مسألت ليش نايمه وعايفه زوجج بس طبعاً يااسه اكلت گلبي شكد فضوليه بس احب سوالفها

ورجعت ويه محمد لنقطه الصفر بس هلمره قلبي بيه شعورين مره الحقد عليه لان جرحني وفوكاها لكيت بكنتوره كومه صور لهديل وبمحفظته يعني حتى مراعه شعوري والشعور الثاني حب بس من طرف واحد


وبيوم من حركت قلبي ومن غيرتي اي كمت اغار على محمد من وحده ميته كمشت گـ❈ٍـْلٍ الصور وصعدت للسطح وجبت طاسه مال عمااله ونفط وحركت الصور
احركهم واحجي ويه هديل

كاافي اطلعي من حياتي دمرتيني واني صغيره وهسه كاعد ادمريني وتهجمين بيتي حتى الانسان الوحيد الي رجف قلبي اله وحبه يحبج وميريدني كاافي عايشه ومدمره حياتي وميته ومدمرتها شلوون كوليلي شلون اخلص منج تعبت

وبهاي الاثناء جان يصير محمد فوك راسي
محمد : ايام مرت واني بعيد عن تقى مردت ادخل بصراع وياها او انطيها امل موبيدي مااحس روحي مستعد صح تقربت منها واحتويتها بس كشفقه مو حب

وبيوم راجع دخلت الغرفه شفت كنتوري مفتوح والصور كلها ماكو تخبلت وشفت باب السطح مفتوح

وريحه شى يحترك ركضت وشفت تقى تحرك بصور هديل تخبلت مضل عقل بيه
لزمتها من ايدها بقوه واهز بيها لو بيدي اشرب من دمها انت شسوين ومنو سمحلج تلعبين بالصور وغراضي وشلون تحركيهم
تخبلتي

تقى : بعياط اي تخبلت وحده ميته شنوو محتفظ بصورها اقلها احترمني احترم وجودي ولازم ميكون لهديل اي وجود الها بحياتك واولهم الصور

انتي منو حتى تسمحين وتحركين الصور وتريدين تتحكمين بحياتي

ياسمين : يمه شبيه محمد عياطه وعياط تقى اخذ الدنيا
ام محمد: صيحي رعد بسرعه وتعالي نروح نشوف شبيهم
صعدنا ركض يمه ياستار شبيكم تهدوا بالرحمن محمد يمه عيب منا الجيران لتنسى انت بالسطح

سحبت تقى بقوه من ايدها وكبل شمرتها بالغرفه وامي وياسه ورعد يردون يهدوني ميكدرون ناار وگابيه بيه لو بيدي اجيب النفط واذبه عليها واحركها مكان الصور

تقى : عوفني
محمد : شوفي لج لتشوفين انطيتج اكبر من حجمج انتي هنا صح زوجتي بس مااحبج ولا راح احبج بيوم حطيها ترجيه بأذنج

تقى : لك كاافي اصحى الى متى ماتت هديل شلون تحب وحده ميته وفوكاها باعتك وباعت اهلها انت شنوو من بشر تحب الي يذلك

محمد : لزمت شعرها ايااج بيوم تجيبين طاريها اكتلج خلاص
تقى : دفعته تگتلني خلاص من وره وحده رخصت نفسها ورخصتك ومحسبت احساب لااي احد وباقي مثل المخبل متمسك بحبها

بس تدري حيل بيك ابقى حبها ابقى خلي سنين عمرك تركض بيك وباقي بلا روح تستاهل العذاب الي عايشه وتسوى عمرك فضلت الي عنده فلوس عليك

ياسمين : احنا نسمع الكلام ومصدومين ومنعرف شنو الموضوع و رعد كامش محمد بكل قوه لان گـ❈ٍـْلٍ شويه يريد يجيت عليها ويضربها وهي حسها عالي وتحجي بقوه وهي متخبل

محمد : والي خلقج ياتقى اله اندمج على الي سويتيه اليوم

تقى : شسوي سوي الي بيدك والي تكدر عليه سوي وهااا حركت صورها واني مستمتعه اشوفها تحترك گبالي ولو بعد اكو صور وذكريات الها هم احركهم اني اكرها
اموت منها وانت هم اكرهك وتستاهل گـ❈ٍـْلٍ الي صار بيك
ياسمين : لزمت حلكها ولج كاافي راح يموتج

تقى : لو بيه زود مو جاي عليه ويطلع رجولته براسي جان احترم نفسه وكرامته واتذكر هديل شسوت مو يحبلي وحده باعته اول واحد

اني مااعرف من الغيره من الحقد على هديل كمت احجي بلا وعي وحتى اتجاوز من اعصابي فقدت من كثر مكمت احبه كمت اغار عليه من هديل واموت قهر من حبه الها رغم ميته

ومن حجيت هيج صار بارود ولزم الحزام وراد يضربني بيه لو ما وجود رعد واهله يمكن جان موتني

محمد : اني الج تقى اله اندمج واشوفج منو الرجال
تقى : عياط وصياح وغلط تكول حرب عدنا بالبيت وراها طلع اخذه رعد وطلعوا
واني طبيت للحماام بس ابجي انهاريت
ابجي على حظي الي جبته واني جايه اسود مصخم وتاليها حبيت واحد گلبه ميت ميحبني ويحب اختي الي هي سبب دماري

مر يومين على الحادثه واحنا حتى السلام ماكوو بينا وبعد اليومين شفته كاعد بالصاله ويشرب چكاير يطفي وحده يشغل الثانيه
وكفت گباله
تقى : اني مراح اتأسف على الي سويته لان لو ينعاد الوقت هم ارجع واحرك صورها

محمد : تقى وخري مني لان مااعرف شنو ردت فعلي اني بحياتي مضارب مره واعتبر الي يضرب مره مو رجاال بس اكتشفت انتن مرات اطلعن الواحد من روحه وردت اكطعج لوما رعد وامي گبالي لهذا وخري مني هسه تره اذا الزمج محد يخلصج من ايدي

تقى : راح احجي الي عندي واروح
ارجع واكول مراح اعتذر على حرگ الصور
بس اعتذر على طعني برجولتك اسفه انت رجال والنعم منك

محمد : لعد اسمعي الي عندي اني رجال وغصب عن الي خلفج وصور هديل الي حرگتيهم يجي يوم واحرك گلبج مثل محركتي الصور

واذا على علاقتي بيج
انتي زوجتي بس مااحبج ولا راح احبج بيوم ولتتوقعين بيوم يكون الج قلبي انسي قلبي لهديل وبس وتبقى حبيبتي لااخر عمري وهذا الي عندي واحترمي نفسج ولسانج ضبي هلمره تجاسرتي مره ثانيه تشوفين شى ميعجبج احترمي نفسج حتى احترمج

تقى : ماشي محمد وصلت رسالتك من رخصتك
طلعت وقلبي يبجي دم ليش حبيتك هو اني ناقصني ضيم ناقصني قهر هلمره احب من طرف واحد حسيت بحقد بقلبي وخاصه بكلامه الاخير انزرع اول بذره حقد بداخلي لمحمد

مرت الايام والبرود بينا وكلامي ويه محمد محدود وحياتي جافه مابيها اي جديد بالعكس دوم تعبانه ومخنوكه

محمد : تقى تقى وينج تعالي راح اطلع محتاجه شى اكو نقص بالمسواك بغراض البيت تره مااطلع بعد
تقى : لا سلامتك بالورقه كولشي كتبت
صافنه بعد مطلع محمد واتذكر شلون فرني الزمن وجابني هنا

اغسل بالمواعين وارجع للذكريات الي ربطتني بشخص قلبه وروحه ميته ومابيوم راح يعيش وشون اتصرف واني الحقد مالي قلبي وكل مااتذكر الي صار بيه ازيد حقد وكره
وتالي ياذكريات شوكت اتركوني

#يسعد_اوقاتكم_بكل_خير
#توقعات_الابراج_ليوم_الاربعاء

#الحمل
مهنياً: تطالب اليوم بزيادة على الراتب بعد فترة من الجهد والعمل، بعض المفاجآت السارّة في العمل تنعشك.
عاطفياً: إنطلاقة جديدة تساعدك على تحقيق استقرار عاطفي، ولا سيّما بعد الركود الذي عرفته أخيراً.
صحياً: قراراتك الصائبة على الصعيد الصحي تكون دافعاً إلى جعل الآخرين يجارونك في كل ما تقوم به رياضياً.

#الثور
مهنياً: القمر في برج القوس يتحدث عن بعض التشويق وعن تغيير يكون بالإجمال لمصلحتك، وتشعر بالجرأة وترغب في استلام زمام أمورك، وحسنًا تفعل.
عاطفياً: ابتعادك عن الشريك أكثر من المعتاد يولد الشك لديه، فحاول تمضية أطول وقت إلى جانبه.
صحياً: وضع صحي ما يقلق راحتك ويوتر أعصابك، صارح المقربين منك به فتريح نفسك نوعاً ما.

#الجوزاء
مهنياً: لا يناسبك وجود القمر في القوس لذلك كن أكثر تروياً لئلا ترتكب الأخطاء في الحكم على الأمور، وتجنّب النزاعات مع المسؤولين والزملاء كما مع العدالة.
عاطفياً: الغيرة تهدد مستقبلك مع الحبيب وأنت متسلط تجاهه، فكن اكثر ليونة في تعاملك معه.
صحياً: لا تعتذر عن المشاركة في رحلات أو نزهات، فهي من بين الحلول القادرة على إراحتك نفسياً وجسدياً.

#السرطان
مهنياً: تبدو اليوم منفعلاً أمام بعض الأحداث والتطوّرات لكن ثمة تجديد في أوضاعك وتغيير في ظروف حياتك.
عاطفياً: تحاول أن تنجح علاقتك بالحبيب لكن تشعر أن هذه المحاولات بلا جدوى، ابحث عن الأسباب.
صحياً: أنت غريب الأطوار بعض الشيء بالنسبة إلى الرياضة وتعتقد أنها غير مفيدة، لكنك على خطأ.

#الاسد
مهنياً: تمارس جاذبية نادرة وتتاح لك فرص كثيرة للتعبير عن نفسك بلا قيود، وتعالج كل المسائل بحنكة وذكاء.
عاطفياً: عليك ان تكون مستعداً للمرحلة المقبلة، وخصوصاً أن متغيرات كثيرة تلوح في الأفق، فحاول ان توظفها لمصلحة علاقتك بالشريك.
صحياً: النصائح التي يقدمها بعض الاختصاصيين في البرامج التلفزيونية تعود عليك بالفائدة إذا تقيّدت بها بحذافيرها.

#العذراء
مهنياً: مهما حاول بعضهم النيل من عزيمتك فلن يفلحوا لأنك الأقوى والأكثر ثباتاً بين سائر المنافسين والمتربصين بك شراً.
عاطفياً: تزدهر الصداقات وتتعدّد الرغبات، فيميل القلب الى وجوه كثيرة، وقد يحتار في الخيار.
صحياً: قد تحتار في اختيار المشاريع المعروضة عليك للترفيه والترويح عن النفس، فحاول أن تشارك في جميعها.

#الميزان
مهنياً: مبادرات ومغامرات مدعوماً بقوة جسدية ومعنوية، وقد تقدم على إنقاذ احد الأشخاص فتلاقي الاعجاب والتقدير.
عاطفياً: يوم ممتاز للقاءات الرومانسية البعيدة عن الأجواء الصاخبة، ويسمح لك بالاعتماد على الحبيب وقدراته وجهوده.
صحياً: تكون الإرادة صلبة جداً وعزيمتك لا تلين امام جميع المغريات المضرة بالصحة.

#العقرب
مهنياً: يشير هذا اليوم إلى تغيير إيجابي، فيأتي بأخبار حول حملة إعلانية أو سفر مميّز تكون نتائجه غير متوقعة وتدهش الجميع.
عاطفياً: الحوار الهادىء يمكّنك من حلّ العراقيل، إلا أنّ الشريك قد لا يقتنع بسهولة، فلا تستسلم أمام الضغوط.
صحياً: الإرهاق قد يورطك في مشاكل صحية كثيرة مثل فقدان المناعة والشعور بالوهن.

#القوس
مهنياً: العودة إلى ملفّات الماضي قد تفتح أمامك آفاقاً جديدة تساعدك على مواجهة بعض المصاعب في العمل.
عاطفياً: تحتار بين علاقتك العاطفية وانتمائك المهني، أو تضطر إلى حسم علاقتك بالشريك أو الاتفاق على الخطوات المستقبلية.
صحياً: التدخين من أكثر الأمور خطراً على الصحة، والأخطر منه تدخين النارجيلة.

#الجدي
مهنياً: عامل الوقت قد لا يكون في مصلحتك، لذا يستحسن أن تبادر فوراً إلى إنهاء كل الأمور العالقة.
عاطفياً: يختبر هذا اليوم علاقة زوجية ويضعها على المحك، فإما الاستمرارية او الانفصال.
صحياً: لا تفسح في المجال أمام أحد لينغص عليك حياتك ويستفزك ليثير عصبيتك ويبقيك في حالة من التوتر.

#الدلو
مهنياً: تبحث هذا اليوم عن الفرصة المناسبة التي تساعدك على تحقيق مشاريعك الكبيرة لتبرهن أنك على قدر المسؤولية.
عاطفياً: تستعيد والشريك بعض الأحلام الماضية، أو يعيد إليك أمراً قديماً، او يجعلك تراجع ما فات.
صحياً: الصحة سيف ذو حدين: إذا أهملتها أنت الخاسر، وإذا اهتممت بها ربحت نفسك.

#الحوت
مهنياً: تشعر بالانكماش وتحتاج الى مساعدة معنوية، قد تكون الدبلوماسية واللباقة ضرورتين للتعاطي مع الآخرين.
عاطفياً: خذ احتياطاتك من تفجر وضعك العاطفي وحاول استدراك الأمور بأسرع ما يمكن.
صحياً: حدد أهدافك وأولوياتك الصحية وكن دقيقاً في تنفيذ التمارين الرياضية المفيدة لك.

#فقرة_شعر
ما شفتـك نعم بــس كلبي صاح اهواك
من ريحت احساسك كلبي كام يشوف
تخيلتك كمر والنجم كلـــــه ويـــــــــاك
تخيلتك شمس والدنيه بيك تطـــــــوف
تخيلتك نهر والجـــــرف حب ممشــاك
شفت غيرك غدر ونته ابرزت معـــــروف
وشريد اوصف بعد ونته الله حار ويــاك
شما اوصف يصيح اللللللللله مــــا موصــــوف
،،

بعد ماراح اشوفك ونته تدعيلي
هوة الماخذك مو مايحبك حيل
ليش شويه منك مايبقيلي
ليش الناس ماتعرف تغنيلي
وذا شديت جرحي شلون اشد حيلي

أجيت ابالي مره وصدگت جاي
بچيت وشبگة مسودن شبگتكــ

شبعد عندك حچي وشرايد تگول
تريد تعوفني ؟؟
وصلت فكرتكــ !!

#فقرة_هل_تعلم
‏"حاول دائما أن تكون متفائلاً وواثقاً من نفسك لا تدع كلام الغير يؤثر عليك إن أردت النجاح ."

#قصة_عراقية
#عبق_الماضي


البارت التاسع

تقى : ارجف من الخوف اريد اوكف مااكدر قلبي نار على محمد واحنا وحدنا بالبيت ومنعرف شنصرف نتصل بالولد محد يجاوب وخاله ام محمد منتهيه على ساعه تموت وبهاي اللحظه طب رعد يركض

رعد : محمد وين
ام محمد: يمه ولدي تعاال يمه بيك شى صارلك شى واخوك وينه

رعد : دااكولكم محمد مااجه
تقى : ليش هو مو وياك طلعتو سوه

رعد : اني جنت بالكهوه واجاني زيد وطلعنا بشغله وبلغت محمد مااتأخر وهسه من رجعت شفت المنطقه مطوقيها وكوه خلوني ادخل من شافوا مستمسكاتي وعرفت الكهوه طابين مسلحين وضاربين الي بيها واجيت اركض گلت بلكت محمد بالبيت لان هو كال تعبان وراح ارجع من وكت

ام محمد: يمه راح ابني
تقى : اسم الله خاله فدووه اسكتي لتفاولين عليه
رعد : رايح اشوف شكوو بلكت يقبلون يدخلوني انتم سدوا الباب عليكم ولتفتحوا لااي احد واذا اجه تفتيش البسن مستور وخابروني بسرعه

تقى : طلع رعد وكل دقيقه تمر واني قلبي يتكطع من الخوف واروح واجي وياسه وخاله بس يبجون اني من كثر الالم والخوف الي بيه مكعد تنزل دمعه مني

ومرت ساعه وبعدها ساعه وهسه صارت بالوحده ولا رعد بين ولا محمد

ويااسه تخابر على رعد وميجاوب وساعه وحده ونص خابرت جان يجاوبها زيد صديق رعد

زيد : هلوو ياسه
ياسمين : احجي اخوتي بيهم شى محمد منعرف شى عنه ورعد طلع يدور على محمد وراح ومرجع وامي هنا راح تموت بس تلطم

زيد : على كيفج تره محمد متصوب
ياسمين : عزه محمد مات مو
زيد : انتي ثوله دااكولج متصوب جبت طاري الموت اني
ياسمين : لا اكيد ميت وانت تكذب عليه

تقى : سمعت كلام ياسمين وكعت بالكااع اريد اتحرك ماكوو
ياسمين : إٱللـِْﷻـِْﮭﮧ عليك احجي الصدوك
زيد : ولج بابا متصوب وهسه بالعمليات بس يطلع اطمنج عليه
ياسمين : انتم بيامستشفى هسه نجيكم
زيد : وين جايين بهليل والوضع موزين اكعدن ً واسكتن والصبح عود اني اجيكم اخذكم للمستشفى

ياسمين : وشيصبرنا
زيد : يااسه كلت الصبح ويله بعد لتخابرين وتخبصينا من يطلع من العمليات اني اخابر واطمنكم
ياسمين : زين رعد ۆيـِن
زيد : رعد راح يجيب دم وشغلات رادوها منه الاطباء وكاافي يله روحي

ياسمين : وثول سده بوجهي انداريت واشوف تقى ترجف وزركه ومتتنفس
ركضت عليها اسم الله توته شبيج واضرب على وجهه وتحجي برجفه وماافهم منها
شنوو
تقى : مات موو
ياسمين : لااسم الله متصوب
تقى : لا اني متأكده مات مستحيل يعيش دوم حظي هيج يا هو الاحبه الله ياخذه

ياسمين : لا قلبي تنفسي شوو ارفعي راسج وباوعي عليه وعيونج محمد متصوب مو ميت والصبح نروح وانطمأن عليه فددوه توته كومي صيري قويه تره هذا مو بس اخويه وابويه هم وهو الي رباني ومنهاره مثلكم بس لازم اني وياج بالذات نكون قويات لخاطر امي تره بس تسمع تموت فدوه ساعديني انتي قويه اعرف بيج كوومي كولي ياالله وامشي نروح يم امي ونطمنها
تقى : رفعت راسي يعني هو زين
ياسمين : اي وهسه بس يطلع من العمليات زيد يخابرنا ويطمنا

تقى : مر الليل وساعاته واني اروح واجي مثل المخبله وخاله كلنالها مابي شى بس راح يسعف الجرحى واكيد مصدكتنا وبقت الليل كله تقرأ قران وتصلي حتى يرجع محمد بالسلامه

وصارت ساعه 6 الصبح وخابرت يااسه على زيد ورفض يجينا بحجه ميكدر يعوف رعد وراح يجينا الظهر وياسه تحاول تقنعه وهو ابد رافض ومن حلات روحي جريت التلفون من ايد ياسه
السلام عليكم اخويه
زيد : وعليكم السلام والرحمه منو ويايه
تقى : اني تقى زوجة محمد
زيد : هله بيج خيتي
تقى : استحلفك بعزيز گلبك تجي تاخذنا هسه للمستشفى

زيد : اختي بس افهميني اني مرافض جيتكم والله اجيكم واخذكم بس مو هسه احنا بالطوارئ مال مدينه الطب ويه حادثه الكهوه صار انفجار بأكثر من مكان والمكان مگلوب جرحى وين اجيبكم واحير بيكم هنا بوسط الزلم بس يهدأ الوضع والله اجيكم واخذكم تشوفوه

تقى : شوف اخويه اذا مأجيت هسه واخذتنا راح نجي بتكسي لان مال ابقى انتظر شوكت تفرغ الطوارئ معناها مراح تجي اصلاً لان ماشاء الله الانفجارات مستلمتنا استلام والطوارى مثل النجف متفرغ ولا راح تفرغ لهذا تعال اخذنا وصدك منتعبك وبسرعه نرجع

زيد : ماشي ساعه وارجعكم مو اكثر
تقى : هاي هيه ساعه رحمه الله والديك
يله يااسه بدلي وخلي خاله هم تبدل هسه جاينه زيد
ياسمين : اني الك ابو خشم اذا ماالعب بيك طوبه هين اصبرلي
تقى : ولج منو هذا ابو خشم
ياسمين : زيد افندي بعيني يخليني اتوسل بيه وميقبل

يله يمعوده كملي بسرعه مو وقتها راح يجي
واجه زيد ورحنا للمستشفى والطريق عبالك للبصره من كثر القلق اريد بس اوصل اول مدخلنا شفت حسين ونصر هناك مااهتميت ومشيت من يمهم وجان يلزمني حسين من ايدي

حسين : شسوي هنا وشلون تجين ويه ولد غريب لج انت متخافين شوو طالعه عينج
تقى : جريت ايدي منه بقوه

اسمع حسين انت مالك حق تحاسبني لتنسى اني متزوجه وامري هسه مو بيدك بيد زوجي واني اصلاً مااجيت وحدي خالتي
ويااسه ويايه وارجع واكولك مالك علاقه