وني
گلت لاامي وحسيتها مفرحانه
هااا يووم شبيج شو جنج مفرحتي مو تريدين تزوجيني

ام محمد: يمه يوم عيد وتتزوج واشوف جهالك بس هديل صغيره عليك وعوف العمر هديل بالذات متفيدك صح بتنا وربيناها بس مو مال زواج العجب ميعجبها
ومراح ترتاح بيوم وياها

محمد : يمه رحمه لاابوج لتوكفين بيها لازم اتزوجها ميحتاج اكولج اعرف كلش زين انتي تدرين بيه احبها مو بس احبها مجنون بيها
لهذا ساعديني يمه اتزوجها

ام محمد: اذا اتزوجتها تتوقع ترتاح
محمد : ارتاح يمه ارتاح لتخافين بس كولي مبروك وادعيلي تم على خير

ام محمد: الف مبروك يمه الله يتممها على خير وبركه والي بيه خير ربك يقدمه شعندي غير سعادتك وراحتك الله يحفظك بجاه محمد وال محمد ياابن بطني

محمد : بست راس امي وياسمين عاقجه وجها ومعاجبها الوضع اعرف بيها تكره هديل بس الظرف الي احنا بيه مو مال تأخير ولا عندي وقت اراضي واطبطب خلي اتزوجها وبعدين اراضي الكل

رعد اخو محمد : مبروك ياخويه الله يتمملك على خير بس انت تشوف هديل تستاهلك ومناسبه الك
محمد : اي اشوفها مناسبه الي
رعد : اتمنى متتندم على زواجك منها لان انت واني نعرف كلش زين هي ممناسبه الك ولا راح تناسبك بس نكول الله يوفقك
محمد : تسلم حبيبي رعودي يوم الك ونفرح بيك
رعد : الله كريم )

ومرت الايام وكل يوم عندي بسنه وبليل الخميس ساعه 2 بليل سمعنا عيطه هزت المنطقه هز وطلعنا كلنا ركض واباوع الصوت من بيت حسين دخيلك ربي توقعت ابو حسين لان مريض وتأزم وضعه بعد شغلة هديل
طبيت ركض والي متوقعت اشوفه شفته
منو الي مات شبيكم احجوا

تقى :
من سمعت الصوت الي جاي من غرفة هديل كمت على كيف والباب شوي مفتوح
دخلت وياريت مادخلت شفت ابشع منظر ممكن اشوفه بحياتي و راح تبقى اتعس ذكرى ترافقني طول مااني عايشه

شفت حسين يخنك بهديل ايد برگبتها والثانيه بمخده على وجهه وبكل قوته ويحاول يقتلها

الصدمه والخوف رجعولي والقوه الي جنت سنين ابني بيها واكبرها اختفت واني اشوف اخويه يقتل اختي مهما كان والي صار تبقى أختي وحسين اخويه لحظات وثواني تفصل هديل عن الموت واني اشوف شلون روحها تطلع كدامي وتستنجد بأيدها بحسين حتى يتركها ثواني وتقدمت واني افتح الباب

: داادخل على حسين لازم انقذ هديل هذا تخبل من گـ❈ٍـْلٍ عقله يريد يگتل اخته شنو هذا الاجرام صح الي سوته مو قليل وتستاهل گـ❈ٍـْلٍ الي يصير بيها بس مو مال يقتلها خلاص وبأيده وهي حامل فوگاها
انتفضت ودفعت الباب ومااحس اله لزمني نصر وگلي

نصر : لتدخلين تقى مالج علاقه
تقى : شنو ماادخل تخبلتوا انت هم ويااه عود انت الفقير المثقف مربي الاجيال شلون تقبل على اخوك يقتل اخته

نصر : تستاهل هي الي سوت بروحها هيج
تقى : وخر هد ايدي
نصر : اياااج كتلج لتدخلين واله مصيرج مثلها

تقى : انتم مو عقال اكيد تخبلتوا بابا هاي اختك لك هاي هديل حبيبتكم

نصر : لهذا تستاهل القتل لان مقصرنا وياها وشوفي هي شلون باعتنا
تقى : دفعت نصر ودخلت ركض وحاولت اوخر حسين وضربته

ولك عوفها راح تموت الله لايوفقك عوفها
وخر حسين فجأه ورفع المخده وشفتها اي هاي هديل الي طول عمري ادعي عليها واكرهها شفتها فاتحه عيونها وحلكها والنفس مكطوع حاولت اصحيها
فدوه هديل اكعدي هديل واضرب بوجها واحط اذني على گلبها عسى اسمع دكاته
منظرها ميفارق عيوني ماتت وهي تستنجد بأحد ينقذها

معرفت شأصرف گـ❈ٍـْلٍ الي سويته كعدت يم راسها وابجي بهدوء حسيت صوتي اختفى وجسمي بارد مثل جسمها وقلبي يدك بهدوء وكأن يعلن العزاء وبنفس الوقت تأنيب الضمير بأن اني السبب بموتتها لو مباشره دخلت ومتأخرت عليها يمكن جان عاشت

حسين ونصر كعدوا بالكاع يبجون عليها
باوعت عليهم مااعرف شأفسر تصرفهم صح او خطأ يحبوها او يكرهوها بس منظرهم مؤلم وبنفس الوقت حقير تقتلوها وتبجون عليها

بقيت امسح بوجهه واعدل بشعرها واباوع عليها واحجي وياها

تمنيتج تكونين صديقتي واختي تمنيت بيوم تكعدين يمي وتسولفين وتضحكين جنت اتمنى كلمه منج تبين احنا خوات صح كرهتج طول عمري بس بداخلي لو مره
مره وحده وبس حسستيني بأن اني اختج جان نسيت گـ❈ٍـْلٍ كرهي الج

غمضت عيونها بأيدي وغطيت وجها حاول نصر وحسين يلمسوها مخليتهم وبهدوء كتلهم ايااااكم تلمسوها ايدك كلها دم
دمها لهديل ومامسموح لواحد منكم يلزمها

حسين : والي سوته بينا مو حرام باعت شرفها ورخصت نفسها ليش متحجين الحق شتترجين منا اخوه يشتغلون من الصبح لليل ومكسور ظهرهم وناسين نفسهم وحياتهم لخاطرها حتى تصير احسن البنات ونفتخر بيها ومكان متجيبلنا الشهاده وتصير دكتوره اتجيبلنا طفل ابن حرام ومتزوجه زواج باطل ومتأمره علينا هي وذاك الحقير شتريدين نستقبلها بالاحضان لو انطبطب على ظهرها وانكول الها عاشت ايدج هاي مجازات تعبنا وسهر اليالي

تقى : احجي بصوت عالي وانهاريت
انت كلتها هي وذاك الحقير ليش بس هي تتعاقب ليش هي تتحمل الذنب وحدها ليش دوم البنيه اذا سوت غلط تنقتل

والشاب تصفكوله وتكولون يله شاب وب

هلكاع صارو مايرجعون

وصلنا واثناء الدفن نزلوها اخوتها بس محمد سبقهم ودخل للكبر وياها ونزلها
وضع محمد مثل المخبل ميعرف شيصرف عقل ماظل بيه بس الناس الموجودين عذروه لان يعرفون هو مربيها عبالهم يبجي لان يعتبرها اخته بنته ميدرون بيها حب عمره

وضلينا النهار كله بالمقبره ومقبل محمد يرجع مگابل المقبره وكاعد

كوم محمد دخيل ربك كافي الوادم تتفرج عليك
محمد : الزم ترابها واشيله بأيدي كاعد تشوف رعد هذا التراب حضنها قبل مااحضنها اني

شم عطرها قبل مااشمه
لامس خدودها وعيونها قبل لا المسهم يصير هيج يصير تنام هنا واني اتفرج عليها واعوفها وحدها وراح تصير ظلمه

رعد : كووم شوو كووم وكاافي راح تموت كلنا لهذا الطريق ادعيلها بالرحمه
محمد : ليش ماتت والله مابيها شى مثل الورد اخاف كتلوها اخوتها
رعد : شنوو ليش يكتلوها شسوت

جنا نسولف يم كبر هديل والناس اكثرها راحت واخوتها بعيدين وعاط محمد
محمد : حسين وينك ولزمته من ياخته
كتلتها موو انت كتلتها
حسين : شبيك محمد البنيه ماتت موتت الله ربك اخذ عمرها شنو كتلتها شجاك تخبلت

محمد : اني متأكد انت السبب هي كولشي مابيها احجي لا وروحها الي سكنت تراب النجف ادفنك يمها وانت عايش

نصر : ابو الشباب اذكر الله شجاك ومنا العالم راح تفضحونا كاافي عوف حسين ولتخلونا وره ماماتت ننفضح

كوه وخرنا محمد من حسين واصلاً محد حجه ويه ابوالشباب مقدرين وضعه بس بداخلنا احنا هم ماتت حبيبتنا صح بأيدينا بس هذا الي لازم يصير

تقى : اغمى عليه من الموقف كعدت شفت البيت مگلوب عياط وبجي والكل مصدوم شلون بنيه شابه مثل الورد تموت سكته قلبيه وبعد الناس ولكتلها شغله تتونس بيها اشكال الحجي

طول ايام الفاتحه مااحجي بس اباوع بعيوني
خالتي حمديه امها لهديل منهاره تعيط وتملخ بشعرها انقهرت عليها رغم گـ❈ٍـْلٍ الي صار بيه بس هذا الضنى والضنى غالي اعز من الروح اذا هي تنازلت عني لخاطرها لعد شكد تحبها

امي هبه جانت طول الفاتحه حاضنتني وكأنها تخاف عليه لتاخذني حمديه منها وحتى وقت النوم تنام يمي
مرت الايام تعيسه ناس تبجي وتلطم وناس ملتهيه تقشب شفتي فلانه وشفتي علانه
وناس حايره بالاكل وتبجي على بطونها ويدورون اللحمه الزينه تكول عدنا عرس مو فاتحه كون سم تاكلون

وكل هذا بس عيوني تتحرك وصافنه ومن اغمض اذكر عيونها المفتوحه وجهه الي انرسم الرعب والخوف والتوسل حتى لتموت
عليه حتى كمت احلم بيها شلون يخنكوها
اااه يادنيا بعد شضامتلي

رعد : مرت الايام ومحمد وضعه من سئ لااسوأ
صار اعصاب ولا اكل ولا نوم
واحنا كولنا مقدرين موقفه وحالته وهو بعد الفاتحه بكم يوم اختفى واندور عليه مخلينا مركز شرطه مستشفى ماكو وبالاخير تذكرت ومباشره ركبت تكسي وكبل للنجف ومن وصلت للمقبره شفته مدد يمها على كبرها
شكله وحاله يبجي الصخر مكدرت كولشي احجي اكتفيت اباوع عليه وابجي على حظه عود شوي راد يفرح مات الفرح والحب نهائي بقلب اخويه

يتبع ..

عده صغير يتزوج ويعقل لو هو شاب وحقه يمتع روحه بأي شرع وبأي دين البنيه وحدها تتحمل ذنب شيطان غواها بس انتم جبناء خفتم من اهله حالكم حال هواي ناس تذب الصوج بالبنيه وتغسلون عاركم مثل متسموها ونسيتوا اصلاً تعاقبون الي دنس شرفكم وداسه وعفتوا عايش يتمتع بالحياة حتى يشوفله صيده جديده وبنيه غبيه جديده وتنعاد مأساة هديل

لهذا مااعتبر الي سويتوه رجوله الي سويتوه جبن وقلة حيله حتى تقنعون نفسكم هاي هي غسلتم عاركم وتخلصتوا منه ومتدرون هو هسه العار ركبكم من ساسكم لراسكم لان مااخذتوا حق اختكم الي غواها واحد شيطان ميخاف الله وذاك هو يضحك عليكم وتخلص منكم ومن مسؤوليه اختكم

حسين فتح عيونه على جرأتي ونصر بعده بالكاع يبجي

بهاي اللحظه انطلقت صرختي واعلنت بيها موت اخت مجانت اختي في يوم ولكن الدم يحن فعلاً هسه عرفت وحسيت بالدم الي يربطنا وعطت بكل قوتي وبعدها محسيت بشى

محمد : وصلت لبيت ابو حسين
اصيح اريد اعرف منو الي مات

عاطت ام حسين يمه هدوله ولج اخذتي روحي وياج ليش هيج حركتي قلبي عليج يمه عفتيني محروك قلبي عليج وعلى شبابج يوووم شلون تغمض عيونج وتنام بالتراب

محمد : وكعت بالكاع اريد استوعب الي ديصير شويه وركزت وعرفت هديل الي ماتت
كمت ركض ودفعت الباب ودخلت لغرفتها ومحسيت منو لزمني دفعت الكل ودخلت وصلت يم راسها مغطين وجهه
وخرت الغطا وشفت بنتي نايمه والوجه ازرك وبارده ثلج مديت ايدي عليها وتلمست وجها هدوله حبيبتي اني حمودي اكعدي ليش هيج نايمه

اني ابوج واخوج وصديقج مو تكولين اني احبك لان ربيتني تقبلين تعوفين ابوج
اتلمس بشفايفها صايرات بيض واتقرب منهم يمكن تتنفس يجوز تحس عليه

هدوله فتحي عيونج لتحرگين قلبي عليج اني مااتحمل اعيش بلياج اني راح اتزوجج ومااخلي احد يأذيج والله بس اكعدي لتعوفيني

لتضيعين تعبي انتي ميصير تنامين وهاي العيون الحلوه والرموش والخدود يرحون بالتراب

حضنتها واشم بيها وابجي واحجي وياها فقدت وانعي مثل النسوان نسيت الدنيا ونسيت اني وين بس كل الي احسه هديل بين ايديه ولازم تكعد وتروح ويايه

رعد : كوم محمد كوول ياالله منا العالم شجاك اذكر الله كلنا لهذا الطريق
ولك رعد هاي بنتي تربات ايدي وراحت ياناس هاي الي جنت اتمناها من الله
والله مارحمني واخذها مني

رعد : استغفر ربك شنو هذا الحجي هاي عود انت المؤمن الصايم المصلي كوم العالم تتفرج عليك ميصير هيج امك حايره ويه امها واختك ويه اختها ولازم احنا نوكف ويه ابوها واخوتها ميصير لتنسى ذوله مثل اهلنا
محمد : واني منو يوكف ويايه منووو كولي اني الي ماتت روحي

رعد : كافي بجي وعياط وغطيها ميصير هيج حتى حرام عليك تلمسها والناس اطب وتطلع تتفرج عليها ميصير كوم غطيها وخلي ناخذها للمستشفى انطلع شهاده الوفاة

محمد : محد يلمسها فدوه رعد بقيها الليله يمي اريد اشمها حسو بيا ياناس حسوووو

رعد : الك الله ياخوي حقك مو هينه راح اشوف حسين ونصر وانت غطيها كافي اقرأ قران فوك راسها احسن من النوح واللطم مثل النسوان

رعد : بداخلي احجي حقك يااخويه مو هينه الي تمر بيه اني الهوا اذا مر من يم امنيه انجن مو عاد يصير بيها شى الله يساعد قلبك ويعينك على الايام الي جايه

محمد : هدوله تذكرين من جنت اكتل كل الجهال لخاطرج اكعدي وعيونج كل واحد اذاج ادمره ليش تعوفيني وحدي والله جنت ناوي اتزوجج حتى تبقين عايشه منو سوه بيج هيج شى ليش متي وعفتيني

ﻋﻠﻰ ﻭﺍﻫﺲ ﻓﺮﻛﺘﻚ ﺍﺷﺘﻬﻴﺖ ﺍﻟﻤﻮﺕ
ﺍﺑﺎﻭﻉ ﻉ ﺻﻮﺭﺗﻚ ﻛﻞ ﻋﻘﻠﻲ ﺍﺗﺮﺟﺎﻙ
ﺑﻠﻜﺖ ﺍﻟﻠﻪ ﻭﻳﻄﻠﻊ ﻣﻦ ﺍﻟﺼﻮﺭﺓ ﺻﻮﺕ
ﻣﺴﺘﻐﺮﺏ ﻋﺸﺖ ﻟﻴﻬﺴﻪ ﻣﻦ ﻓﺮﻛﺎﻙ
ﺍﻟﻤﻔﺮﻭﺽ ﺑﻐﻴﺎﺑﻚ ﺍﻧﻪ ﺷﺎﺑﻊ ﻣﻮﺕ
...ﺑﺎﺟﺮ ﻫﻢ ﻳﺠﻲ ﻭﻣﺎ ﺗﺮﺟﻊ ﺍﺷﻠﻮﻥ
ﺍﺻﺪﻙ ﺑﺎﺟﺮ ﺍﻣﻦ ﻳﻜﻠﻲ ﺭﺍﺡ ﺍﺗﻌﻮﺩ
ﻣﻦ ﻛﺜﺮ ﻣﺎ ﺩﻛﻴﺖ ﺑﺎﺑﻚ ﺭﺩ ﻋﻠﻴﻪ ﺍﻟﺒﺎﺏ
ﻳﻤﻌﻮﺩ ﺣﺒﻴﺒﻚ ﻭﺍﻟﻠﻪ ﻣﺎ ﻣﻮﺟﻮﺩ..

رعد : كوه شلت محمد من يم هديل للصبح يم راسها مره يبجي وينعى ومره يسولف وياها حسيت اخويه راح افقده شلته غصب من يمها واخذناها للمستشفى بس الغريب بالموضوع اخوتها طلعوا الها شهاده وفاة بأقل من ساعه زين ليش مشرحوها وعرفو سبب الوفاة صح البلد هسه تايهه وكلمن اله بس بالمستشفى من تجي هيج حاله وخاصه هي شابه وصغيره لازم يشرحوها سألت نصر كال ميحتاج كالوا العلامات ادل سكته قلبيه
مقتنعت وحسيت الشغله وراها شى بس محجبت حتى كدام محمد كتله شرحوها بسرعه واعطونا النتيجه سكته قلبيه
مردت اكوله على شكوكي الي بيه كافي
مثل المخبل

اخذناها للنجف لمقبرة وادي السلام
اوف يالنجف شكد بيج اعزاز

بعد شلك يكلبي الراحو اعزاز
شبقو من التحبهم واليوافون
كظو والموت اخذهم ترسو الكاع
اباوع كل كتر بي غالي مدفون
صفو ذكرى وصورهم بين الكبور
وبقت ذيج السوالف تنسي اشلون
كعدنه اهواي يمهم نشكي الهموم
وبجينه اشكد عتبنه ومايكعدون
بعد ياعين دمعج هاذه شيفيد
بجيتي شكد عليهم مايردون
لوجان الدمع بيه رد الاحباب
بجيت ابدم عليهم وعمي العيون
اشحلات الكاع جانو من يمرون
عليهه اعزاز تمشي وبيهه يزهون
عمت عين الوكت من صفه الاحباب
بحظن

#يسعد_اوقاتكم_بكل_خير
#توقعات_الابراج_ليوم_الاحد

#الحمل
مهنياً: لا تتردّد في فرض وجهة نظرك والدفاع عنها وتأكّد من أنك على طريق النجاح.
عاطفياً: تعبّر عن أفكارك وآرائك أمام الشريك بصراحة تامة، فتزداد قيمة في نظره ويزداد تعلقه بك أكثر فأكثر.
صحياً: لا تترك الغضب يسيطر عليك، انتبه من عنف او من مواجهات قد تؤدّي إلى الأسوأ.

#الثور
مهنياً: بعض الأشخاص يضغطون عليك لتغيّر قراراتك، فتقع في حيرة بين مجموعة من القرارات التي يجب أن تتخذ موقفاً تجاهها.
عاطفياً: إذا كنت لا تحتمل فراق الحبيب، بادر إلى الاتصال به كلما سنحت لك الفرصة واطمئن إليه.
صحياً: لا تعتمد على النصائح لتحسين صحتك، بل حاول أن تمارس التمارين الرياضية.

#الجوزاء
مهنياً: يشير هذا اليوم إلى فرص جديدة آتية وإعادة تنظيم أفكارك والتخطيط للمستقبل المهني الذي تطمح إليه.
عاطفياً:عليك أن تكون اكثر تسامحاً في تعاملك مع من تحب وإلا فقدت العلاقة معناها الحقيقي.
صحياً: تراكم الأوجاع من دون إيجاد العلاج اللازم لها يزيد وضعك الصحي تأزماً.

#السرطان
مهنياً: تبدأ بتنفيذ مشروع جديد يحقق لك طموحاتك وأحلامك في العمل ويضعك على الطريق الصحيح.
عاطفياً: حضورك الخفيف يسهم في توفير الإعجاب بك، لكنّ ذلك يثير غيرة الشريك فلا تبالغ.
صحياً: ابتعد قدر الإمكان عن المنبّهات ولا سيما في المساء لأنها تسبب لك الأرق.

#الاسد
مهنياً: كن هادئاً لتستعيد المبادرة سريعاً في عملك، ولا تترك الإحباط يتسلل إلى داخلك ويحط من عزيمتك فتبدو خائر القوى ضعيفاً.
عاطفياً: إبق على تواصل مستمر مع الشريك في هذا اليوم المميز الذي يدخل البهجة والأمل مجدداً إلى حياتكما.
صحياً: الشكوك قد تولّد الأرق ومشكلات صحيّة وأوجاعاً وآلاماً أنت بغنى عنها.

#العذراء
مهنياً: كن منفتحاً على كل أنواع الاحتمالات والنقاشات والمفاوضات، واستمر في ما تخطط له حتى النهاية.
عاطفياً:لا تراهن على فشل الشريك، بل حاول أن تكون صاحب المبادرة، فتصبح أكثر قدرة على الإقناع.
صحياً: ثابر على الاهتمام بوضعك الصحي، ونوّع بين حين وآخر في النشاطات المفيدة لك.

#الميزان
مهنياً: تتمتع بكل المقومات لإحداث تغييرات ضرورية ومفيدة في مجالك، وتجتاز كل العقبات وتتوصل إلى المرتجى.
عاطفياً: اختلاف في الرأي بينك وبين الشريك، لذلك أدعوك الى احترام الالتزامات على أنواعها.
صحياً: تجد نفسك قادراً على معالجة نفسك من بعض الامراض التي قد تصيبك نتيجة عوامل خارجية.

#العقرب
مهنياً: يوم واعد وتأكد من أوضاعك المالية، قد تجد نفسك في صراع بين الأرقام والتقارير التي يجب أن تقدمها.
عاطفياً: مزيد من الانجذاب تجاه الشريك، بسبب التصرفات الإيجابية التي تبذلها وترضي طموحه.
صحياً: تقوم بغير عمل في وقت واحد فتعرّض نفسك للارهاق وربما للانهيار.

#القوس
مهنياً: قد تعاكسك الظروف أو تجدك غير قادر على مواكبة ما يحصل في العمل أو تكون منتفضاً على واقع ما.
عاطفياً: عودة حب قديم الى حياتك، وإعادة نظر في بعض المشاريع العاطفية، واهتمام بالماضي.
صحياً: يوم مثالي للتخلص من الأفكار التشاؤمية أو الإحساس بالضعف الجسدي.

#الجدي
مهنياً: آفاق واسعة واحتمالات شتى وتنسيق يريحك من قلق ويصحّح بعض الأوضاع، في الجو مصالحة أو لقاء أو عودة قديمة الى حياتك.
عاطفياً: سرعان ما تظهر النتائج الوخيمة على العلاقة بالشريك، وتكون سبباً في ابتعاده عنك، تدارك الامر قبل فوات الأوان.
صحياً: إذا كانت الأمراض تخيفك عليك القيام بكل ما يجعلك لا تصاب بها.

#الدلو
مهنياً: اهتمامك ببعض التفاصيل المهمة يدفع أرباب العمل إلى منحك مزيداً من الثقة وحرية التحرّك والقيام بكل ما تراه مناسباً للطرفين.
عاطفياً: تتحرر من قيد إذا كنت مرتبطاً، وتتخلى عما يزعجك، وتخوض تجربة جديدة تحفزك جداً.
صحياً: مشاكلك الصحية المتراكمة تبعث اليأس في نفسك وتدفعك إلى اتخاذ قرار قد لا تحمد عقباه.

#الحوت
مهنياً: تتمتع بحضور مميز وتعزز موقعك وتتشجع على التقدم والمثابرة وتزدهر الآمال وترتفع المعنويات.
عاطفياً: تركّز على قضية تثير قلق الشريك وتستحوذ على كل تفكيره واهتماماته وتبعده عنك.
صحياً: مجرد التفكير في التخلص من المشاكل الصحية الناجمة عن السمنة أمر يدعو إلى التفاؤل.

#فقرة_شعر
جلمات المعاتب كضن
وأنت أعلى طبعك ذاك
ﻻنفع بيك الوفه ...
ولا عتب فاد وياك ...

#هضيمــه_الشــوگ_يكــتلــني

#اعلــــه_وادم

#_حــاضنـــه_الغــربـــة💔

المايسوة العتب ماسمعة كلمة ليش ؟
مااحطلة اهتمام ومنتهي امرة!!!!!
ولا اكلة شعجب شو مختلف وياي.......
ماغزر الملح..........شتغزر العشرة...

#فقرة_هل_تعلم
‏نفسياً:
عندما يكون الشخص على حافة الإنهيار النفسي يحتاج للإحتواء أكثر من حاجته للعتاب والنصح ..

#قصة_عراقية
#عبق_الماضي

البارت السادس

مرت الايام وصارت الاربعينه والوضع كما هو ابو حسين من سئ لااسوء وامهم تعبانه كوه تتحرك واخوت هديل حتى حجي ميحجون

اما محمد شوكت منضيعه نلكاه بالمقبره وبعد الاربعين بأيام مات ابو حسين وهم رجعنا تعب وفاتحه وكأن هاي العائله مكتوب عليها الموت

وره موتت ابو حسين الوضع هدأ منسمع الهم حس ومحمد رجع يشتغل وليله الخميس والجمعه يم هديل
مرت 9 اشهر على وفاتها ويوم يشبه الثاني ماكو اي تغير

تقى : صار 9 اشهر على وفاة هديل مرجعت لبيت خالتي مقبلت حمديه وتمسكت بيه وبقت تبجي وتلطم مردتها تتأذه صح ماعندي تجاها عاطفه الام وبنتها بس عندي عاطفه البنت وخالتها

البيت عباره عن بيت اشباح اي حياة مابيه نصر وحسين يطلعون من الصبح لليل يله يرجعون يتعشون وينامون ومن الصبح يطلعون اي كلام ماكو بينا غير جوعان سويلي عشا اريد مي اريد جاي وهذا المسواك غير هاي الكلمات طول 9 اشهر مسمعت غيرها لا اكو كلمه لطلعين وهاي من اكثر الكلمات الي جنت اسمعهم ومااجاوب طبعاً وبس اباوع بطرف عيني وادخل للغرفه

طبعاً سوتلي حمديه غرفه نصر انام بيها ونصر ينام يم حسين وغرفه هديل مسدوده ويومياً تدخل امها تبجي وتنعي عليها وتطلع وهي لحد هاي اللحظه گـ❈ٍـْلٍ اعتقادها سكته قلبيه ماتت من القهر متدري من وره ولدها اخوها الجبير كتلها بأيده

حسين دووم نظراته الي بحقد تكول اني الي كتلت هديل لو اني الي جبتلهم العار ليش يحملوني ذنب مو ذنبي
تمر ايام بهدوء ومثل ميكولون الهدوء الي قبل العاصفه

وبيوم اجه حسين ونصر من وكت وهذا مو عادتهم دوم بليل يتواجدون
حسين : تقى تقى وينج تعالي

تقى : نعم
حسين : وقعي هنا
تقى : هاي شنو
حسين : مالج علاقه وقعي بدون كلام ولا سؤال
تقى : على اي اساس اوقع واني مااعرف هاي الاوراق مال شنو مااوقع اله اعرف
حسين : كتلج وقعي ولزمت شعرها بقوه

تقى : ااخ هدني شبيك تخبلت كتلك مااوقع اله اعرف هاي الاوراق شنو
ام حسين : شبيكم يمه حسكم واصل للشارع شبيك حسين ويه اختك شجاك عوفها
حسين : يووم كوليلها خلي توقع لا والي خلقها اكتلها خلاص
تقى : اي مو تايهه الك لو استحليت الشغله وعجبتك
حسين : شويه لسانج
تقى : عوف شعري كطعته والله مااوقع اله اعرف هاي شنو
ام حسين : لتخبلني على شنو توقع

نصر : يمه بيت جدي باعوا المزرعه واخيراً وطلع ورث ابويه ونريد تقى توقع تنازل عن حصتها
ام حسين : بعد كل هاي السنين والانتظار وفوكاها بعد مراحوا الغوالي شنسوي بالفلوس والي ردت الفلوس الها هسه هي جوه التراب
تقى : هو هذا الي هامج گـ❈ٍـْلٍ الخرابيط الي كالها مركزتي بس على هاي انتي سمعتي ولدج شنو يردون مني

يريدون اوقع عن تنازل لحصتي بالورث
حسين : يله فضيني
تقى : لو تموت مااوقع وعناد بيك والله
ام حسين : يمه شجاك ليش تاخذ حصة اختك هي هم الها حق لو نسيت هي اختك
حسين : هي هاي المصيبه اختي ومجابلي الخوات بس العار

تقى : مو اني الي جبت العار وانت تعرف اني اشرف من الشرف واذا اجاك العار هاي مو مشكلتي روح عاتب الي دمها بعده بأيدك وكولها ليش هيج جازيتي تعبي
ام حسين : شنو قصدج يمه تقى
حسين : اليوم ادفنج بصفها شو تعالي

تقى : كمشني حسين وكام يضربني بس الي ميعرفه بأن اني مو مثل هديل استقبل الضرب واسكت وكما ارد الضربه بضربه ونسيت هو اخويه الجبير وعياطنا للشارع ونصر وامه بينا ميعرفون شيسون وضربات حسين بقوه وحقد ومن كثر متأذيت واحاول ادافع عن نفسي شفت نفاضه مال جگاير يمي شلتها وركعتها براسه ودمه صار بطوله وحتى كاام ميتوازن بالحركه واشتغل عياط امه ونصر واني ركض للغرفه قفلت الباب عليه ومااعرف شراح يسون بيه وادور على موبايلي بره بقى على الشحن خرب بالحظ جان خابرت ماما هبه تجي تاخذني

مستحيل ابقى لحظه هنا بس شلون اوصل للتلفون بقيت بالغرفه وبس اسمع عياط حسين وهو يحلف يكتلني خلاص ومن بين گـ❈ٍـْلٍ العياط والاصوات سمعت صوت غريب ركزت وسمعت حمديه تكوله يمه محمد اروحلك فدوه عقل حسين وخلي يجوز من اخته

محمد : سمعت عياط بيت حسين وركضت اني ورعد جنا بالباب واكفين ومن دخلنا شفت حسين غركان بدمه عبالي متعارك ويه نصر او بالشارع لان الضربه كولش قويه
ومن اداحجي انصدمت بأمهم تكولي خلي يجوز من اخته

يااخت خاله

ام حسين : بنتي تقى رجعت تعيش ويانا
محمد : تقى اي اتذكر عندج بنيه عايشه يم خالتها لتكوليلي هي الي سوت هيج
ام حسين : اي يمه هي اووف ماتسمع الكلام شون بيه
وفجأه انفتحت الباب وجان تطلع بنوته منها

مواصفات تقى طويله طولها 168 وضعيفة ذات بشره حنطيه مائله للسمره مو مثل هديل بيضه لا حنطيه وشعرها لونه جوزي طوله وسط لحد ظهرها وملامحها ومعانيها لا بأس بيها عاديه مثل هوايه بنات بس الي مميز بيها شى واحد عليها عيون عبالك عيون الصقر كبار ورموش طوال وهذا مايميز وجهه عيونها وبيهم نظره حاده قويه وبنفس الوقت خاليه من الرحمه وكلها حقد وكرهه جذبتني عيونها عجيبه

من طلعت اباوع عليها اح

سها لبوه جريحه وكاعد تقاتل گـ❈ٍـْلٍ من يتقرب منها وكحه ولسان بطريقة مستفزه ومتحترم احد اما الصوت اوويلي منه تكول دلاله عالي ومابي اي انوثه

تقى : هو هذا الي فالحه بيه بس تلوميني ومتسمع الكلام فوك مايردون ولدج يبوكون حصتي المفروض متقبلين الهم بس شلون هاي لو الحصه مال هديل مجان تخبلتي عليها ولعبتي بيهم طوبه لخاطرها

محمد : اشششش اسكتي شنو هذا اسلوبج ويه امج وهذا الصوت العالي متستحين
تقى : وانت منو حضرت جنابك وجاي تعلمني الاسلوب والحجي

محمد : دااكولج صوتج بابا نصي عيب انتي بنيه ميصير هيج عالي شيكولون العالم عليج ممتربايه

تقى : طز بالعالم ميهمني وانت هم لتدخل ممسموح الك وارجع واكول انت منو

ام حسين : يمه هذا محمد مثل ابني ومتربي ويه الولد واحد من عدنا
تقى : كلتيها واحد منكم مو مني لهذا مالك علاقه بصوتي وبأسلوبي ولتدخل
محمد : شكد شايف صلفات وكحات مثلج مشايف
تقى : مااجاوبك واتجاوزك بأخلاقي وعفته ودخلت للغرفه

ام حسين : شفت يمه الضيم الي اني بيه وحده جوه التراب والثاني لو بيدها تموتنا كلنا ومايرف جف الها تكرهنا كره العمى

محمد : متوقعتها هيج اني سامع بيها حاجيلي حسين عنها بس ليش هيج جسره وشنو سالفه الحصه احجي حسين شبيك ساكت
حسين : والله محمد دخت الضربه قويه وراسي مكعد يتحمل الالم وديني للمستشفى
محمد : كووم يله خلي نروح قبل ميخلص دمك

تقى : دخلت للغرفه واني گلي حقد على اهلي وضايجه بنفس الوقت من تدخل هذا الي اسمه محمد وافكار توديني وتجيبني وراها سمعت طلعوا للمستشفى يخيطون جرح حسين والله عاشت ايدي خوش فتحت راسه هههههه يستاهل
واني ابتسم اتذكرت التلفون مالتي وركض اخذته من الشحن واتصلت بأمي هبه
هلوو ماما حبيبتي

هبة : ياروح امج وقلبها شلونج شو صار يومين ماكو اتصل ومتجاوبين ظل بالي
تقى : ماما باجر تعالي لبغداد ضروري
هبة : شبيج صاير شى وكعتي قلبي
تقى : من تجين افهمج واحسبي حسابج ارجع وياج
هبة : ياريت متعرفين البيت شلون اظلم بدونج
تقى : يووم مو تتأخرين اذا مااجيتي باجر اني اجي حتى لو وحدي
هبة : لا حبيبتي باجر يمج

محمود : خير شبيها تقى
هبة : تكول لازم باجر نروح الها اتوقع اختنكت منهم ياريت ترجع ويايه قلبي مثل النار كافي هاي الشهور عفتها هناك يمهم ولو ما ظروف حمديه واشوفها ڰـْـلش تعبانه ولا ابقيها لحظه هناك
باجر نطلع من الصبح فدوه حظر نفسك

محمود : ماكو روحه لبغداد وتقى بعد مترجع هنا
هبة : شنووو شبيك محمود صدوك تحجي
محمود : فديوم اشاقيت وياج موضوع تقى انسي بنيه وربيتيها وتعبتي عليها والي عليج كله سويتيه ومقصرتي كبرت وصارت شابه كافي لازم ترجع لهلها واعتقد بظروفهم افضل مكان الها هناك

هبة : مستحيل محمود هاي بنتي يااهلها لو اموت مااعوفها الهم وباجر رايحين لبغداد

متفهمني ليش انت هيج وياها قلبك اسود مو حرام هي مو بنتك شنو هاي القسوه مااشتاقيت لكلمه بابا منها راح تخبلني ياارجال لو مربيلك بزونه كم شهر هم تحبها وتحن عليها ومتكدر تستغني عنها
وهاي تقى 18 سنه ويانا صارت بتنا وروحنا شلون اعوفها )

محمود اسمعي هبه من الاخير تقى مترجع هنا لو تنگلب السما على الكاع
هبة : متكلي ليش شمسويه (بعياط)

محمود : انتي عبالج مااعرف بسالفه هديل تره كلشي اعرف
هبة : (بصدمه وخوف) شتعرف وشتقصد
محمود : سمعتج من تحجين ويه اختج وعرفت كولشي شفتي هاي تربيه البنات من جنت اكولج مااريد بنيه مااريد تقى تاليها تجيبلنا العار
هبة : تقى شعليها لتظلمها بتنا اشرف من الشرف وانت اكثر واحد تعرفها ليش تظلمها بذنب اختها
محمود : كتيها اختها وطول ماالجبيره سوت هيج هي هم راح تسوي
هبة : والله هذا ظلم هي شعليها واصلاً احنا الي ربيناها حرام عليك
محمود : مااريد اصير نسخه ثانيه من حسين
هبة : حسين شعليه
محمود : انتي من گـ❈ٍـْلٍ عقلج ماتت سكته قلبيه بابا هاي حسين كتلها بنيه عمرها 20 سنه وكولشي مابيها تصبح ميته صح اكو حالات تصير بس بحاله هديل لا لان نعرف كلش زين هي مسويتلها مكسوره واني متأكد اخوتها كتلوها وبالاخص حسين لهذا مااريد يجي يوم واصير مثل حسين واكتل تقى مراح اتحمل العار

هبة : والله ظلم حرام عليك هي شعليها ليش تحملها ذنب اختها هاي بتنا احنا الي ربينا وتعبنا وشفتها شلون سباعيه ومحافظه على نفسها محمود احلفك بروح اهلك بداعت كل غالي عندك خلي نرجع تقى
محمود : موضوع وانتهى مااعيد بيه
هبة :هاي بتنا والله بنتي اني الي ربيت وتعبت وسهرت الليالي واحسب يوم يوم تكبر وتصير بطولي وتصير صديقتي قبل بنتي لتسوي هيج بيه وتحرمني من بنتي
محمود : (بعياط) مو بنتج مو بنتج نسيتي اني ميصير عندي اطفال نسيتي
هبة : وقاسم هم مو ابنك ليش متمسك بيه رغم كل سوالفه المكسره لان تحس روحك ابوه كاافي محمود ارحمني قلبي ميتحمل اعوف تقى )

محمود : شوفي من الاخير يااني وبيتج ياتقى انتي اختاري
هبة : شفت الحجي ويه محمود مابيه گـ❈ٍـْلٍ فائده واذا ابقى الح اعرف راح يحط يمين عليه يك

سر ظهري لازم اهدأ
زين نروح نشوف شبيها ونرجع ماارجعها ويايه
محمود : ماكوو لاروحه ولا اي شى وخابريها وكوليلها منجي
هبة : بقيت اتوسل واحلف اخر شى وافق بشرط مترجع
وطلعنا من الصبح لبغداد وقلبي نار على تقى ياناس هاي بنتي الام الي تربي وتتعب مو الي تخلف

تقى : رجعوا من المستشفى واني حابسه روحي بالغرفه مااريد اطلع وافكر بسوالف الولد ليش هيج يظلموني مكافي الي صار بيه لحد هسه وبنفس الوقت اريد اتذكر وين شايفه هذا الي اسمه محمد ماادري بس لو اتذكر

محمد : حسين ولو تدخل مني بس اني اعتبر روحي واحد منكم وتعرف معزتكم واذا متريدني ادخل عادي شنو هذا موضوع الورث وشبيك ويه اختك
اني احجي وكاعد نصر وام حسين

حسين : اكيد انت اخويه وتعرف شكد احبك واحترمك والك كل الحق راح احجيلك
تتذكر المزرعه مال بيت جدي الي بالخالص انباعت وطلعنا كم فلس منها صح مو هوايه بس بظروفنا تفيد ولازم خلال ايام نروح نستلم الفلوس ونوقع على البيع وبماان احنا الورثه بالقسام الشرعي دخلت تقى واني مااريد تاخذ فلس واحد وسويت معامله تنازل عن حصتها بأسمنا وياها تنازل عن حصتها بهذا البيت

محمد : وليش هيج تسوي هاي اختك ويتيمه وملزمه منك وانت بعمرك مجنت هيج شلون تاكل حق اختك

ام حسين : ليش ياابني هاي تاليها تاكل حصه اليتيمه تاكل حرام وانت نصر مواقف على سوايت اخوك

نصر : الي يكوله حسين اني ويااه
ام حسين : ولكم شجاكم تخبلتوا هاي اختكم ومسوت شى الكم هيج تعاملوها
حسين : (بعياط قوي) لحد يكول اختك اني ماعندي اخت وشحصلت منهن بس العار من الاخير تقى فلس واحد مالها من اي شى وغصب عنها توقع مو بكيفها

تقى : اسمع كلام حسين اذا عياطه يجيب التايهه متحملت من كال بس العار وغصب يريد ياخذ حصتي فتحت الباب وطلعت وصايره نار
اسمع حسين لتذب عاركم عليه اني مسويت شى بشر ملامسه شعرايه مني واشرف من الشرف واصلاً انت لتعبت ولا ربيت ولا صرفت لتسوي نفسك كاسر ظهرك عليه واني خذلتك انت اصلاً مافديوم اعتبرتني اخت ولا اخذت شى منك ولا انت انطيت ومامن حقك تحرمني من حقي واني مو على الفلوس ولا تهمني ولا بعيني بس طريقتك هي الي خلتني اعاند ولو جاي بهدوء وطالب مني جان شلت وانطيتهم الك لان اني اصلاً ميهموني وهاي الفلوس الي ترجف عليها متعوضني يوم عن اهمالكم اليه لو على شمرتكم الي وتخلون الغريب يربي ويكبر

محمد : اسمع كلامها رغم لسانها طويل وتحجي بعياط وماعدها اي احترام لفرق العمر بس حجيها صح واني ساكت اتفرج عليها هاي البنيه عجيبه رغم صغر عمرها بس تحسها لبوه قويه متخاف من اكبر واحد

وبهاي الاثناء دخلت خالتهم وزوجها وركضت وشمرت نفسها بحضن خالتها وتحجي وترجف رغم كل اعصابها بس ابد مبجت ترجف بس دمعه منزلت

ماما واخيراً اجيتي اخذيني منا فدووه ماابقى
هبة : تقاوي حبيبتي على كيفج خلي نفتهم شكوو
ام حسين : الحمدلله على سلامتج خيتي
شلونك ابو قاسم
هبة : الله يسلمج كوليلي ليش هيج تعيط تقى شجاها
ام حسين : تعالي بالغرفه واني افهمج
هبة : انتي صدوك تحجين هذوله شجاهم تخبلو ولدج عمرهم مجانوا هيج احسن تربيه مربيتهم
تقى : واضح احسن تربيه والنعم منها شكو حرام كاعد يسوه

هبة : تقى اسكتي والزمي لسانج
ام حسين : هبه تدرين اني مااكدر على حسين وخاصه بعد وفاة ابوه وصدمته بهديل وبس احجي ياكلني ويشربني شبيدي بعد شأسوي والله منا حيلي مهدود على الي سكنت الكبور ومنا خايفة على تقى من اخوتها واني مريضه ومااعرف شأسوي كوليلي شنو بيدي

تقى : مابيدج شى بس تتفرجين على هاي المسرحيه الي مسويها ولدج وبالاخير عود صفكيلهم
هبة : وتالي وياج شنو هذا لسانج كافي احترمي وجودي وجود امج
تقى : ههههههه ضحكتيني امي والله ياالله
هبة : اطلعي روحي للمطبخ وخليني احجي براحتي يله ليش واكفه

تقى : طلعت واني صايره نار وتقربت من الصاله واسمع كلام بابا محمود

محمود : من الاخير حسين اختك وهي ملزمه منكم والي علينا سوينا ربينا وكبرنا ومافديوم طلبنا منك فلس احمر علمود مصرفها واعتبرناها بتنا بس هي كبرت واني مامستعد بعد هاي السنين كلها سمعتي تنزل بالحضيض

حسين : شنو قصدك ابو قاسم ياحضيض
محمود : مااريد الي صار بيكم من وره اختكم يصير بيه اني رجال جبير وتعبان وعندي اهم شى سمعتي ومااريد بيوم تصير سمعتي بحلك كل واحد بسبب
اختكم تقى لان الي سوته هديل يجوز تسوي تقى لهذا مثل ميكولون ابعد عن الشر وغنيله

محمد : اسمع كلام زوج خالتهم لو بيدي اكوم اكطعه وتفاجأنه يعرف بموضوع هديل وحسين ونصر يرجفون بس مابيدهم شى بس السكوت واني النار بقلبي

تقى : سمعت كلام محمود وعبالك واحد وضربني على راسي اريد اوكف ماكو ارجف
وصحت خاله خاله
وطلعت هبه وحمديه يركضون على صوتي لان كولش عالي حتى الولد طلعوا يركضون عبالهم بيه شى
هبة : هاايمه شبيج تصيحين
تقى : خاله اخذي زوجج ورجعي لبيتج مشكوره مقصرتي ربيتي وتعبتي والله يجازيج على كد تعبج

هبة : هاي منو خاله عليه
تقى : ليش هذا مو واقع مو انتي خالتي

وذيج امي
هبة : تقى كافي اني امج شلون تحجين هيج وياج لتنسين نفسج
تقى : اني مناسيه نفسي بس يمكن بابا نسى العفو قصدي زوجج خالو محمود نسى اني شنوو ونسى تربيته ونصائحه اليه وتوقع بيوم اسوي الي سوته المرحومه مع الاسف ربيتني وبيتك سنين وتتوقع هيج مني

محمود : بنتي فهميني

تقى : اني مو بنتك اني وحده ربيتها لوجهه الله واديت امانتك وصدوك ابعد عن الشر وغنيله

محمد : انقهرت على تقى تحجي بألم وقهر وترجف وبصوت عالي وعرفنا سمعت كلام زوج خالتها ورغم گـ❈ٍـْلٍ الي يصير واكفه صامده دموع بعيونها بس من كثر ماقويه ينشفون بنفس اللحظه ومنزلت ولا قطره رغم خالتها وامها يبجون على كلامها

هبة : انتي بنتي ومستحيل اعوفج هنا لحظه وحده
محمود : (بعياط) هبه كدام اختج ولدها لو اني وبيتج لو تقى

تقى : ميحتاج تخيرها وتحطها بهيج وضع راح تختارك عيطه منك تجيك ركض لتهتم راجعه الك ولبيتك وانداريت على ماما هبه

لزمت وجهه بأثنين ايديه وامسح دموعها
يووم انتي امي رغم كولشي انت اغلى انسانه عندي ومقصرتي ياغاليه تعبتي وكبرتي وتحملتي خبالاتي ومشاكلي اني مراح اشكرج لان انتي امي وهذا واجب الام تجاهه بنتها بس اكولج ابقى بنتج رغم كلشي وراح يجي اليوم الي ارجع بيه لحضنج لتخافين بس الي اريده منج تهتمين بصحتج وحضنتها صح مداابجي بس قلبي ينزف دم

انخذلت مثل گـ❈ٍـْلٍ مره بس احس هاي المره الضربه بالصميم يمكن جان عندي امل ولو بسيط ارجع وياهم لديالى وابتعد عن مشاكل حسين وخبالاته بس بسوايت محمود ذبني بنص النار ودار وجهه وراح

بقت ماما هبه تبجي وتتوسل وراها صار حجي وعياط اصلاً ميهمني عفتهم ودخلت للغرفه اريد ابجي اصرخ من كثر مااكو الم بقلبي حتى دموعي مكعد تنزل

ودعت حياتي الي مااعرف شنو اسميها حلوه معذبه احتمال راح تجي ايام اعتبر الايام الي فاتت حلووه واتمناها ترجع من كثر المصايب الي راح اشوفها

مرت ايام وبعدها ايام والهدوء سيد الموقف وبيوم اندك الباب دخلت مره وياها بنيه شابه حلووه نازكه وعرفت ذوله اهل محمد
محبيت ابقى كاعده بس شأسوي كله من وره حمديه
وشكد يلغن اووف دخت بس باوعت على هاي البنيه الي حتى اسمها مااعرفه وجهه بشوش وتبتسم مااعرف شلون ركزت بكلام ام محمد وخالتي ام حسين
والله ياخيتي ياام محمد مشلوع قلبي منا الولد وسوالفهم من يوم ماماتت المرحومه وهمه متخبلين ويوميه طالعين بشغله شكل

وتقى متتحمل وتسكت ويوميه عدنا هوسه احنا الي مابيوم طلع صوتنا بالشارع هسه يوميه الناس تسمعه واني مريضه ومحد يقدر تعبي ومرضي

تقى : شنوو قصدج اني جبت المصايب واجيت انتي الى متى تبقين متخافين الله اني شعليه تسون المصايب وتصيحون تقى السبب
ام حسين : بنتي اني مو قصدي اذب الصوج بيج
تقى : لعد شنو هذا كلامج هو اني غير حظي الاغبر الي ذبني هنا واهلي الي ربوني عافوني واله اني لو عندي مكان غير هنا ابقى لحظة وحده اصلاً اني الي مداتحملكم وامنيتي اليوم قبل باجر اخلص منكم

ام محمد: يمه تقى شجاج شلون تحجين هيج مكالت شى امج حتى تتخبلين هيج
تقى : خاله اني مااعرفج بس حبيتج رغم اول مره اشوفج بس الي كاعد ادافعين عنها هي سبب گـ❈ٍـْلٍ الي كاعد يصير

ام محمد: ميخالف يمه مهما كان هاي امج ومريضه والي صار بيها مو شوي فقدت بنيتها وهي شابه ومافرحت بيها غير هسه كون تراعين الله بيها واداريها

تقى : وكفت على حيلي واني خاله منو يراعي الله بيه كوليلي منو
ام تذب بنتها عمرها ايام وادير وجهه وتروح وتتعب وتربي وتكبر بوحده وتعوف الثانيه ولا كأنها انولدت اصلاً
ام حسين : بس اني ماذبيتج بالشارع انطيتج لااختي والخاله والده

تقى : صّـْْ(☑)ـْْحّ الخاله والده بس مفكرتي ولو مره بنتج شلون عايشه مكلتي هاي من تكبر زوج خالتها يحل عليها اخاف تحله بعينه مكلتي مره همه كاعد يربون ولد وياها اخاف بيوم ويتجرأ يلمسها مكلتي مره بنتي راح تبلغ ومحتاجه امها تشكيلها وتخاف عليها وتعلمها على المراهقه ومصايبها

ام حسين : منو متحارش بيج لتوكفين قلبي احجي
تقى : لتخافين اني مو مثل غير ناس انطي نفسي بسهوله بس فكري ياام حسين شلون عشت
خلي اكولج شى بسيط كوولش
شايفه بنيه صغيره بدايه شبابها
شنو شعورها من تدخل الحمام والرعب داخل قلبها اخاف الولد المراهق الي عايش وياها يباوع على جسمها
لو من تنزع وتلبس ترجف

اني اجتي عليه اوقات اسبح وارجف واخلي ملابسي على الشباك وعلى زرف الباب اخاف يباوع قاسم عليه
لو شتريدين اكولج من يجي الليل وغرفتي مفتاح مابيها واضطر البس ملابس هوايه حتى لتطلع رجلي او صدري من انام واتگلب اخاف يدخل عليه ويتلمسني واذا اسمع طكطكه اضل اقرأ ادعيه حتى ليصير شى

لو اكولج من جيت عليه وحااول يغتصبني
ام محمد: دخيلك ربي بنتي كولي ياالله شكعد تحجين
ام حسين : يمه بنيتي بس لا
تقى : اششش لتكملين اني اشرف من شرف اكبر واحد بس اني كتلج هذا الشى حتى لتكولين اني مشمرتج بالشارع لا ابشرج شمرتيني

العائله مو بس توفر اكل وشرب وملابس لازم

توفر الامان والراحه واني فقدتهم بيت اختج ماانكر يحبوني
وربتني وتعبت عليه وكانت فعلاً ونًعــٌٓم الام ومحمود رغم قساوته وتعامله دوم على اني انسانه مااستحق تعبه وفلوسه بيها لكن راعه الله بيه ومتعدى حدوده

بس تخيلي لو هو ميعرف الله وسوس اله الشيطان وتصير تره لتكولين متصير اشكاال هسه نسمع اب يتحارش بنته والعياذ بالله والخال والعم وانواع الكوارث يعني مو فدشى اذا حاول زوج الخاله يعتدي على الي رباها
بس هو انسان نظيف بس القدر ميرحم اذا هو نظيف الي رباه اوسخ انسان

لتبجين وتلطمين على شنو متأخره تره انتي كولش متأخره اني الي علمني الزمن شغلات ام الاربعين سنه متعرفها وكله بسبب اهمالج

ياسمين اخت محمد: اني ياسه اخت محمد ورعد الصغيره احب عائلتي كولش مشاغبه البيت احب اضحك اكمز مواصفاتي بيضه عيوني دكم ههههه اي دكم صغار شعري اسود
طولي جيد ١٦٠ مااعرف انحسب قصيره لو طويله حالياً اداوم مرحله اولى الجامعه المستنصريه كليه التربيه قسم الجغرافيه مااحبها بس معدلي حكمني بهذا الشى طول حياتي مبدأي بالحياة سوي صح يحتار عدوك بيك عندي صديقات بس صدقاتي بحدود وياهم اكثر انسانه جنت اكرهه هديل مااعرف اكول الله يرحمها مااعرف من زمان اكرهه
المهم بعد راحت لدار الحق

بيوم طلبت مني امي نروح لبيت ابو حسين وعرفت عدهم اخت اسمها تقى طبعاً من هواياتي احب اتسنط على الكلام موبيدي مرض شكد احاول ابطله مااكدر

وسمعت عن تقى وانقهرت عليها اخوتها يردون ياخذون حصتها من الورث ومن كالت امي نروح نزورهم كيفت كلت اريد اشوفها وخاصه من سمعت محمد يكول لاامي فدوكحه وعرمه اخذني الفضول اشوفها
دخلنا رغم بساطه شكلها بس ليش دخلت قلبي وحبيتها ماادري ومن بدت تحجي عن معاناتها متت قهر وحتى بجيت وشفت امها انهارت ودكت ولطمت تتخيلت نفسي مكانها وعذرت تقى الله يساعدها وشفتها ترجف وصارت صفره لان تحجي بأعصابها مسحت دموعي وصلت يمها وبدون مقدمات سحبتها من ايدها واخذتها للمطبخ وهي مشت ويايه بدون اي كلمه

تقى : شتريدين
ياسمين : جوعانه
تقى : شنووو
ياسمين : جوعانه امي الله يسلمها طلعتي بدون اكل اريد اتريك كالت اله هسه نروح واني كله ولا بطني اهم شى عندي بالحياة الاكل وأشر على بطني
تقى : شكد كنت ضايجه واعصاب بس صدوك ضحكتني هاي البنيه انتي شسمج
اسمي ياسمين يصيحولي يااسه

تقى : عاشت الاسامي اكيد تعرفين اسمي
وتعارفنا وبقينا نضحك هااج هاي جبن وصمون مشي نفسج بيهم

وياسمين تاكل واني اضحك على سوالفها يمكن من يوم ما ماتت هديل واني بس المصايب واي ضحكه مضاحكه ويه ياااسه ضحكت سوالفها حلووه تحسها طيبه وحبابه قلبي ارتاح اله كولش
ومااحس غير واحد فوك راسي ويسحل بشعري وبكل قوه كولش تأذيت وكمت اعيط اريد اعرف منو ديجرني هيج رفعت راسي واشوف حسين يسحلني وبيده سجينه وعيونه دم وعياط ياسمين اخذ الدنيا وتركض امه وام محمد عليه بس يردون يدفعوه عني ماكو ميكدرون
شكد اني قويه ومااخاف بس بذيج اللحظه تذكرت هديل وشلون كتلها بدم بارد وشلون حركت ايدها من تحاول تلزم حسين وجسمها الي يصعد وينزل بقوه تحاول بس توخره وتستنجد حتى احد ينقذها وماتت وهي تتمنى نسمه الهوا
وكلت هاي هيه اجتي منيتي
بس اني شنو الي سويته حتى انگتل

يتبع

بيه صرخة صووت تصعد للسما
وبية حركة كلب محد حملهة
وبية شهكه نفس تاليهة مووت
وبية عبرة مخنوكة ارد اهلهة
وبعد بية هموم اشكال والوان
تشيب الروح لو احجيها كلهة
كل هذا وتكلي اضحك شبيك
طلكتني الضحكة وراحت لاهلهة

محمد : تقى تقى وينج تعالي راح اطلع محتاجه شى اكو نقص بالمسواك بغراض البيت تره مااطلع بعد
تقى : لا سلامتك بالورقه كولشي كتبت
صافنه بعد مطلع محمد واتذكر شلون فرني الزمن وجابني هنا

اغسل بالمواعين وارجع للذكريات الي ربطتني بشخص قلبه وروحه ميته ومابيوم راح يعيش وشون اتصرف واني الحقد مالي قلبي وكل مااتذكر الي صار بيه ازيد حقد وكره
وتالي ياذكريات شوكت اتركوني اعيش بسلام وليش مكتوب عليه الحزن ومكتوب دوم اكره هديل حتى وهي ميته

يتبع

#فقرة_شعر
ما حچينه ، بس بچينه
وبقت بس ترجف أدينه
ما نسينه !
بــس تجاهلنه ورضينه

تانيتك ومابينت ..
وشگد جبيره العازه..
وشلون امشيه الوكت!!
والگلب راد اعزازه💕 #

لــملــمني عله طــولك
ثوب مالت عيـد
فقيره رويحــتي
و تسـتاهل الفرحـه..

#فقرة_هل_تعلم
‏وضع اليدين على الخصر له عدة دلآلات تحليليه بلغة الجسد:
- الجاهزيه للدفاع عن النفس
- المطالبه بحق معين
- إبراز القوه والمكانة العاليه
- لفت الانتباه
- إثبات الوجود "انا هنا"
واذا كان وضع اليدين بميولها الى الخصر من الخلف مع عدم راحه بالوجه فيدل ذلك على محاولة تخفيف الم الظهر فقط .

#قصة_عراقية
#عبق_الماضي


البارت السابع

نصر : جنت راجع للبيت نسيت ملازم مال رياضيات وعندي درس خصوصي لطلاب سادس گلت اخذ الملازم وارجع للطلاب
ودخلت للبيت وجان اسمع تقى تحجي مااعرف شلون اتصرف ادخل افتهم منها وشنو هذا كلامها وهذا قاسم معتدي عليها لو شنوو ظليت ارجف من كلامها وعقلي وكف محسيت روحي غير امشي بسرعه لحسين لازم نفهم الي كاعد يصير
وحجيت لحسين گـ❈ٍـْلٍ كلام الي سمعته ومشفته غير يركض للبيت واني وراه اريد الحك عليه ماكوو
ويه دخوله للبيت سحب سجينه وسحل تقى اني بقيت واكف يجوز تلوموني او تعتبروه قله رجوله بس الي سوته هديل زرع بينا الحقد والاذيه وحتى وصلت بينا مرحله بروحنا منثق ونكره گـ❈ٍـْلٍ الناس والبنات كلهم مو شريفات هذا الي انزرع بداخلنا بسبب تصرف هديل

تقى : عوفني ااااخ شبيك تخبلت
حسين : اليوم اذبحج اني توقعت ورى هاي الجساره وحده ساقطه واليوم تأكدت
تقى : لك حرام عليك فهمني شمسويه هدني اااااخ كاافي لك فروه راسي تكطعت بأيدك

ياسمين : دخيلك حسين عوفها فهمنا شبيها تقى وادفع بيه وهو مثل الثور الهايج وهو طويل اريد الزم ايده بس اسحب شعر تقى منه ماكوو كطعها وسحل من المطبخ للصاله وعياط امي وام حسين اخذ الدنيا

ام محمد: يمه دخيلك بروح ابوك عوفها لك هاي يتيمه وانت كفيلها لتسوي شى يغضب ربك
تقى : (بعياط )بس فهمني شسويت
حسين : معتدي عليج قاسم مو يعني انتي مو بنيه وفوكاها من اجيتي لليوم تبيعين شرف براسنا اليوم بأيدي اذبحج
تقى : تخبلت ولك ولا لمس شعره مني عوفني (بقلمReem)
حسين : والكلام الي سمعه نصر ديكذب لو يتخيل
تقى : انداريت على نصر وشعري بيد حسين وارافس جوه ايده ولك الله لايوفقك غير تفتهم الموضوع زين شبيك اثول وجبان جان اجيت سألتني وافهمك لو متكدر تعلمتوا على الدم مترتاحون اله تكتلون خواتكم
ام حسين : يمه من فدووه اروحلك عوف اختك والله شريفه وماعدها شى كافي وحده سكنت الكبور تريدون الثانيه بصفها ولك كاافي قلبي ميتحمل الي ديصير لتتخبل اختك شريفة والله مستحيل احد لازمها والحجي الي سمعته قديم وكدرت ادافع عن نفسها
حسين : لا مستحيل هاي مو بنيه متشوف محمود شمرها علينا عرف ابن اخوه كسرها لهذا راد يطلع منها ويذب عارها علينا ولكم ياناس ياعالم ليش ديصير هيج ليش الله بلاني بخوات موزينات
ام حسين : لزمت حلك حسين مردت يكمل كلامه فقد يحجي ويعيط ونسى ياسمين وامها هنا
ولك كاافي اسكت خزيتنا وعوفها خلي تفهمك
حسين : شفتهم بنتج مكسوره مو بنيه
تقى : احترم نفسك والي خلقك ملمس شعره مني وكدرت ادافع عن نفسي والله وتكدر تسأل قاسم او محمود وكولهم شسوت تقى وشلون حافظت على شرفي

حسين : كومي سحلتها
تقى : اااخ ربي انقذني منه ولك كاافي ياظالم راح اموت بأيدك
حسين : كومي لبسي شى على جسمج واوديج لطبيبه تكشف عليج
تقى : شكد شفت ظلم بس مثل الظلم الي دامر بيه هسه ماكوو
هنا ولااول مره انهار وكمت الطم واعيط وابجي
لك حرام عليك دااكولك والله شريفه والقران شريفه والكعبه شريفه ومكدر ياخذ شى مني

نصر : هذا الحل الوحيد تقى انتي مو تكولين بعدني بنيه تكشف عليج طبيبه وينتهي الموضوع

تقى : لكم حرام عليكم انتم وحوش مو بشر شلون تكسروني هيج وتخلوني بهيج موقف صح متربيت عدكم بس اسألو عني يم خالتكم بالمنطقه مالتهم وشوفو شلون سمعتي ذهب
ام حسين : بنتي فدوه اروحلج على كيفج ويه نفسج راح تموتين
تقى : ياريت اموت يااريت ربي هاي روحي مو امانتك اخذها كافي تعبت البشر الي عايشه وياهم ظلموني وانت ماترضى بالظلم اخذ امانتك وخلصني صغيره وشفت گـ❈ٍـْلٍ العذاب هذا ليش شمسويه حتى اتعاقب هيج وابجي واعيط بهستريا

لاام مثل الناس لا اخوه يخافون الله حتى الي ربوني تخلو عني ضاعت حياتي ومستقبلي على شى ممسويته عشت طول حياتي برعب واني احاول احافظ على شرفي وتاليها تجون تسون هيج بيه

حسين : لا البجي ولا الدك واللطم مالتج والعياط يفيدج تروحين اليوم للطبيبه وتشوف عذريتج واله هسه اذبحج
تقى : اي اذبحني اني اكولك اذبح وخلصني
جيت حسين والسجينه بيده وجرح رگبتي والعياط اخذ الدنيا
وجيتت امه فوك راسي
ام حسين : يمه بنيتي ولك وخر عوفها
حسين : اليوم اذبحها
ام حسين : عوفها واني الي تريده اخليها تسوي بس عوفها بروح ابوك
تقى : انتي شنوو بس كوليلي انتي ام حرامات تتسمين ام شلون تريدين اتعرض لهيج موقف اني ممجبوره اثبت الج ولا اثبت لولدج اي شى

ام حسين : دخيلج بنيتي بست راسها وافقي وتعالي نروح للدكتوره وسكتي اخوتج وطمنيهم
تقى : هدني حسين وكفت على حيلي وأشر بأيدي )

سمعوني كلكم اني راح اروح اسوي الكشف بس من اطلع من باب العياده لااعرفكم ولا تعرفوني واذا مجبوره ارجع وياكم للبيت بس لان ماعندي مكان اروح اله وبعدها انتم ميتين بالنسبه اليه الله لايوفقكم ويجي يوم والله يطلع حوبتي بيكم

مشيت لبست جبه اسلاميه فوك البجامه ومشطت شعري واني تنزل دموعي بهدوء منتبهت انداريت واشوف ياسمين بالباب وتباوع عليه وتب

جي مااعرف ليش هاي البنيه دخلت قلبي وحسيت بدموعها ومااعرف من كثر متعبانه ومجروحه ردت بس واحد يخفف عني ركضت شمرت نفسي بحضنها وابجي

شفتي ياسه شفتيهم شلون يطعنون بيه والله اني شريفة وبنيه والله
ياسمين : والله مصدكتج فدوه اسكتي وجعتي قلبي من وراج كاافي ياعيني ربج منتقم جبار يجي يوم وينصرج عليهم

تقى : ذوله اخوتي وامي وهيج يسون لا عتب على الغريب
ياسمين : اسكتي كاافي ويله راح اجي وياج مااعوفج وامي هم
تقى : اي تعالي محتاجتج
ياسمين : لتخافين مااعوفج

تقى : رحنا لعياده دكتوره نسائيه بساحه بيروت وتفاجأت بطلبنا بس من شافت وضعي وحمديه ظلت تتوسل وافقت على الفحص
صعدت على السرير مال الفحص ومن بدت الدكتوره تكشف كل دمعه تنزل من عيوني بيها الف دعاء ودعاء عليهم
وبقلبي اردد
حسبي الله ونًعــٌٓمُٓ الوكيل
الدكتوره : خاله بنتكم مابيها اي شى مثل الورد
ام حسين : صدوك يمه الله يبشرج بالخير
تقى : باوعت صفح عليها وكتلها يعني جنتي شاكه بكلامي وتريدين اصيحلج امي ينكطع اللسان الي يكولج ماما
طبعاً حسين مقبل اله يدخل ويستفسر بنفسه واكدت الدكتوره كلامها ومن رجعنا طول الطريق هدوء ولا گٌٰـــــِلًمٌهّٓ واني راسي بحضن ياسمين وساكته

اول مدخلنا للبيت
حسين : سمعي لج طلعه لباب البيت ماكو تبقين هنا لحد ميجي الي يتزوجج وتروحين ونخلص واي كلام وصوت مااريد اسمع

تقى : من كثر التعب النفسي الي تعرضت اله مكدرت حتى اجاوبه واباوع بحقد عليهم
جان بهاي اللحظه تحجي ام محمد
يمه حسين وانت نصر ماطول موجودين وامكم والبنيه موجوده اني اجيت اليوم اخطب تقى لااخوكم محمد

تقى : لا كملت هاي شتحجي
فتحت عيوني على كلامها
حسين : گبعي واخذي ام محمد وين نلكه مثلكم ومحمد اخونه ونعم الاخ والصديق وانتم اهلنا )

ام حسين : يووم عيد خيتي شفايتلي تقى تصير مرت محمد الله ليعلم شكد احبه لمحمد واعتبره ابني الثالث
تقى : صافنه عليهم ذوله شيحجون

ام محمد: خووش على بركه الله ورسوله اليوم اربعاء ان شاء الله الجمعه جايين نخطبها رسمي ونعقد وره السنه مال المرحومه الزواج
والي تريده تقاوي احنا حاضرين هاي بنيتنا بعد وصارت مثل يااسه

تقى : عطت انتم بكيفكم شكاعد تسون احد گلكم اني رجل كرسي تنقلوه وين متريدون لو اموت مااتزوج وفوكاها محمد الي اصلاً مشايفته بس مرتين وبالمرتين ردنا نتعارك مااتزوجه لو اخر واحد بالدنيا

حسين : سمعي تقى صبرت عليج هوايه وصبرت على جسارتج والصلافه وقلة الاحترام لهنا وبس الجمعه قرايه الفاتحه مالتج واله راح اعيشج بجحيم اخليك تتمنين الموت على هاي العيشه بعدج متعرفيني )

وشاورتها تتذكرين هديل شلون خنكتها وشلون بعدين من ماتت فاتحه عيونها
انتي اعيشج مثلها نفس الشعور بس الفرق مااموتج خلاص يومياً اخنكج ومن توصلين الموت اعوفج اعيشج مراحل الموت بطأ واخليج كل ليله تشوفين ملك الموت وتترجي ياخذ روحج

تقى : مهما كنت قويه لازم تصير مواقف تهزني الرعب الي شفته بعيونه هديل بعده حتى بالحلم يجيني كدر حسين يزرع الرعب بقلبي مجاوبته ودخلت للغرفه ابجي على حظي ونصيبي

ياسمين : طلعنا من بيت ابو حسين واني مصدومه
يمه شسويتي انتي عزه عزه عزه
ام محمد: من عزه الي عزاج وجع شبيج
ياسمين : يمه خطبتي تقى لمحمد انت شفتي شسويتي ومحمد شراح يكول شنو موقفه انتي مو تدرين يحب هديل شلون يتزوج اختها واصلاً تقى مااطيقة ومحمد بوضع نفسي كارثه هو مال زواج بربج

ام محمد: لدوخيني وخابري محمد ورعد خلي يجون للبيت
خابرتهم وبالطريق الله يستر

محمد : خابرتني ياسه وصلنا للبيت وبدت امي تحجي انت ابني واول فرحتي وامنيتي قبل مااموت اشوف جهالك
محمد : يمه هسه اني عايف شغلي وهذا الولد عايف دوامه علمود هذا الحجي الي اسمعه من يوم مشبيت

ام محمد: يمه اني خطبتلك تقى والجمعه نعقدلك عليها
محمد : تقى منوو
ام محمد: تقى بنت ابو حسين اخت حسين
محمد : لا اكيد تتشاقين
ياسمين : لا ابشرك مكعد تتشاقه والجمعه الخطوبه )

واشتغل الصياح والعياط امي ومحمد ورعد يحاول يهدأ الوضع اني مدخلت كلت اخاف تجيني دفره بيه حيل بس اتفرج واول مره اشوف محمد هيج منهار وعاف البيت وطلع ولليل ماكوو نخابر وماكو

ام محمد: ياسه ياسه ولج غمه وينج
ياسمين : هاااا هسه غمه ليش
ام محمد: صحت ياسه مجاوبتي صح غمه كلتي هاا
دزي رساله بهذا الي بيدكم الطركاعه لااخوج
ياسمين : تتغزلين بيه فدوه يمه هي مال رساله هسه اذا ادزله يمكن يكطعني
ام محمد: دزي ومالج علاقه واكتبي
محمد اني امك احلفك بروح الغاليه وبروح الغالي ترجع للبيت وهسه
ياسمين : منو الغاليه ومنو الًـغالي

ام محمد: مالج علاقه اكتبي وسكتي
والله كتبت صدوك وره ساعه اجه محمد وعيونه دم واعصاب ودخل لغرفه امي وسد الباب واكيد هنا الاستخبارات مالاتي لازم تشتغل وكعدت اتسنط

ام محمد: شوف ابني اذا اني عزيزه عليك لتموتني بحصرتي
محمد : انتي ليش هيج سويتي يووم تعرفين شنو الي بيه وروح ابويه نار بقلبي وبصدري تدرين بيه

شكد متأذي ليش تموتيني بيدج ماهنت عليج مفكرتي بيه مكلتي هذا المكرود تعبان تجين تزيدين تعبه

ام محمد: يمه اني لان حاسه بتعبك اريد اريحك
محمد : اني مااتزوج وحتى اذا بيوم فكرت اتزوج مستحيل اتزوج اخت هديل
ام محمد: لا تتزوجها هاي الي تفيدك سباعيه وقويه وراح تراعي الله بيك وفوك گـ❈ٍـْلٍ هذا راح تكسب اجر بيها تعرف اخوتها موتيها سويها لله يمه بروح الغاليه
محمد : لتلزميني من ايدي التوجعني وتحلفيني بيها واني مو مصلح اجتماعي واسويها لله هذا زواج يووم زواج واني ممستعد اصلاً هسه )

ام محمد: شوف محمد اذا متزوجت تقى لاانت ابني ولااعرفك واغضب عليك ليوم الدين
محمد : لتخبليني حرام عليج مااكدر والله مالي نفس بالحياه مو بالزواج وتريدين اكون عائله واني اصلاً قلبي وروحي ميتين قابل حيوان ماعندي احساس احب وحده وتموت وراها بأشهر اتزوج اختها يمه الي سويته مااسامحج عليه ورطتيني وكسرتي ظهري بمره مااحبها ولا عـُـّــٓمري راح احبها وفوكاها اخت حبيبتي
ام محمد: حلفتك بالغاليه وبيه تقبل لخاطري تكسر كلمتي كدام العالم وتخجلني ترضاها لاامك

بس حتى لااكون عااق راح اتزوجها والي يصير بهاي البنيه برگبتج انتي تتحملين

رعد : شبيك محمد اول تالي تعيط على امي استهدى بالرحمن
محمد : انت شفت امك شسوت فوكاها حطتني كدام الامر الواقع وتلزمني من ايدي الي توجعني تدري بيه مااكدر على غضبها وزعلها ورطتني ورطت بنت العالم بيه ولازم هسه ادوس على قلبي واروح اخطب بله الله يقبلها
رعد : كول ياالله امك ادور مصلحتك وخايفه عليك يجوز بعدين تحبها
محمد : انت تكدر تحب هسه غير امنيه

رعد : اووف يامحمد والله كلامك صح بس تره الدنيا متوكف على واحد ولازم تعيش وماكو غير هاي الطريقه لان اذا عافتك امي مراح تتزوج طول عمرك ولا راح تتغير حياتك )

محمد : اضطريت اوافق مااعرف السبب مرات اكول لخاطر الوالده لان مريضه ومااكدر ازعلها خاصه هي بس تزعل يصعد السكر والضغط سوه وتتخربط ومرات اتذكر تقى ومعاناته واكول اسويها لله واخلصها
وخاصه من يوم وفاة المرحومه وحسين مثل المخبل بس المشاكل وايده والضرب والغلط
ياسمين : رحت لتقى بلكت اقنعها
هلوو ياحلووه اكدر ادخل
تقى : ياحلوه هي ضلت حلاه بهاي المصايب الي عايشه بيها هو اني اصلاً متعزايه ومتصخمه وهسه كملوها بخطوبتي من اخوج شلون اصير حلووه بعد
ياسمين : انتي تخبلين بس شويه خيط وكم حركه مكياج اطلعين لوز

تقى : قصدج اطلع قرقوز
ياسمين : فدوه تقاوي وافقي على محمد والله تخلصين من مشاكلج وانتي شفتي حياتج جحيم هسه اخوتج مراح يرحموج ولاحتى يخلوج تكملين دراستج انتي ياصف وصلتي
تقى : سادس واخذت النتيجه ومعدلي 75 بس مقدمت ذوله مخلوني الي ميخافون الله اكمل كليتي
ياسمين : ولا راح يخلوج ولا يرحموج اقلها نبقى سوه لااني عندي اخت ولا انتي انصير خوات وصديقات ومحمد طيب وحباب وامي شفتيها وراح تشوفين اخويه رعد ورده والله ترتاحين ً ويانه

تقى : داافكر بكلام ياسه بيه هوايه كلام صح شنو هسه حياتي خدامه الهم ومكفخه وماعندي مكان اروح اله وامي هبه تخابرني وتبجي بس مابيدها شى ولا اني بيدي شى وذوله يوميه شغله شكل مطلعيلي واخاف بيوم يذبوني بمصيبه لاالها اول ولا الها اخر

دخلت ام محمد وام حسين يحجون يحجون لوك لوك واني ساكته بس اسمع واليوم جمعه الساعه 11 الصبح والعقد ساعه 5

سكتت كلشي محجيت وصارت ساعه 4 ونص ودخل حسين ونصر عليه
يله بدلي العالم اجوي
تقى : مالكم علاقه بلبسي هذا الموجود
حسين : تقى والي سماج تقى اندمج على يوم الي انولدتي بيه اذا سويتي شى هسه او خجلتينا كدام الناس

ام حسين : هاايمه فدوه اروحلج وافقي والله خوش قسمه وخوش ناس

صفنت عليهم والكل ينتظر رأي

: هو بقت عليكم هي الدنيا من تظلم واحد تظلمه ومترحمه لحد متشوفه ميت واني ظلمتني الدنيا واني بطن امي بقت على هااي يله سهله
اني موافقه (
)

تم كلشي خلال ساعه وحده واصلاً مشفت محمد ولا هو شافني حتى بعد العقد كملو كلشي وطلعوا وماكو هلاهل اكيد لان عدنا حاله وفاة

مر شهر بعده شهر وصارت السنه مال هديل اني مرحت مااعرف السبب بس مردت اروح كافي هي يوميه تجيني بالحلم
وبعد السنه بشهرين تزوجنا زواج يخبل ههههه يمكن اهدأ زواج بالعراق
لا هلاهل ولا مزيقة ولا كولشي هو اني اصلاً حتى بدله مردت البس لوما ياسه وامها خطيه انقهرت على ام محمد كامت تبجي وتتوسل بيه البس تريد تفرح بأبنها ولان ياسه وامها كلشي جهزوا حتى الفراش والملابس واني مطلعت ولا الي خلك اطلع

واندك الباب
ياسمين : اكدر ادخل اشوف عروسه اخويه الي تخبل
تقى : هو انتي بعد دخلتي وين اخبل وجهي عبالك علوه مال مخضر گـ❈ٍـْلٍ الالوان بيه احمر اخضر شنوو هااي
ياسمين : هههههه والله عليج سوالف تقااوي ولج والله تخبلين والبدله تموت عليج

تقى : ياتموت باعيها كل شويه اكصفها من الضعف ولا كعد تكعد جانت اكو وحده بالمدرسه ويايه تصيحلي معصعصه اليوم اتذكرت كلت ولا متنلامين صدوك معصعصه

وعوده مال مطيرجيه هم
ياسمين : ههههههههه اول مره اشوف وحده تحجي على نفسها حتى المحلووه تكول اخبل
تقى : يمعوده على شنو اعرف نفسي زين احسن مااقشمر روحي واكول اني نانسي عجرم واصلاً شعبان عبد الرحيم احلى مني
ياسمين : هههههههه ولج كاافي المكياج راح يسيل من الضحك يله حضري روحج ربع ساعه واهلي هنا )

تقى : من رخصتج ياسه شوي واجيج
طلعت من الغرفه وحسين ونصر كاعدين بالصاله ويحجون وامهم تحضر الكيك والعصير بالمطبخ
دخلت المطبخ شافتني
ام حسين : اللهم صلِ على محمد وال محمد طالعه تخبلين مبروك يمه شايفه گـ❈ٍـْلٍ الخير
تقى : تسلمين وضلت تبجي وتبوس واني ولا اهتميت تعالي شوي عوفي كولشي
واخذتها وكفت كبال حسين

حسين وين الاوراق
حسين : باوعت على تقى مااعرف شنو احساسي اعرف بروحي ظلمتها واذيتها بس موبيدي الي سوته هديل كرهني حتى بنفسي وكمت مااشوف كدامي بس من شفتها بدله العرس حسيت ولااول مره تقى اختي يمكن متندم لان عاملتها هيج يمكن لازم جان اتصرف وياها حتى متعيد نفس غلط هديل
المهم گـ❈ٍـْلٍ الي سوته هديل تحملت الذنب تقى
يااوراق
تقى : مال تنازل
حسين : تفاجأت بكلامها
ميحتاج عوفي هسه مو وقته هسه شويه ويوصل محمد
تقى : دااكولك جيبهم رجاءاً

جابهم حسين وهو متفاجأ مني ونصر وامهم كلها ساكته لزمت الاوراق وقعت
هااك الي ردته صار اني ردت اثبت الك شى واحد لافلوس ابوكم ولا فلوس الدنيا كلها تعوضني يوم واحد عن الخوف والعذاب الي عشته بس انت معرفت تتصرف صح وعبالك اني هديل لا ياابن والله حتى لساني ميكدر ينطقها بس راح اكولها ردت اكولك ياابن امي وابويه بس شلون تطلع واني مااحسها ولا احسكم اخوتي وتمنيت ولو يوم واحد احس بعزوه الاخوه جان مو بس الورث انطي الك انطيك روحي واكولك ترخصلك ياخوي بس يله تهون
هااك اكل حرام بالعافيه عليك

وعفتهم مصدومين ولا كلمه منهم طلعت وامهم بس تبجي وشيفيد البجي

واجه محمد واهله ورحت وياهم للبيت وهاي اول دخوليه الي لبيتهم

ودخل محمد واول مره نكون بيها لوحدنا

محمد : اتزوجت تقى واني گـ❈ٍـْلٍ مااباوع عليها اتذكر هديل جنت اتمنى ادخل لهذا البيت واخذ عروستي منه بس مو تقى اتزوج هدوله بس القدر مو بصالحي واخذ حب عمري وهي بالنجف واني اتزوج اختها

دخلت للغرفه مالي نفس بهاي البنيه مدااتقبلها اصلاً فكرت الزواج كلها ممتقبلها
بقيت صافن شلون بهاي اللحظه يله حسيت روحي سويت اكبر جريمه بحق نفسي وبحق هاي البنيه الي مالها ذنب

تقى : شوو هذا ساكت بس يباوع واني استحي ارفع وجهي ومااعرف شلون اتصرف اكوم ابدل او انتظره لو شنوو اووف شنوو هذا الشلعان القلب

محمد : تكدرين تاخذين راحتج اني نازل جوه والحمام على ايدج اليمنى

تقى : شكراً
شبيه هذا كوه يحجي يله بعد احسن اريد اغسل المكياج احسه جبل على وجهي وشعري مليان سبري شًٌگـوو ذبانه بالمنطقه وكفت عليه )
سبحت وكملت ومشطت شعري فتحت الكنتور هااي شنو خرب ببليسج ياسه هاي هم ملابس البسهم لو امووت كله دلع ومشلح دورت لكيت برمودا اي هاي زين
لبستها وكعدت انتظر المزيون ساعه ساعتين والاخ ماكو تعبت گلت خلي انام احسن

محمد : طلعت بره البيت بدون محد يحس بيه اكو متنزه بعد عن شارعنا بشارعين رحت كعدت على المسطبه واشرب چكاير وصافن على حياتي وكل الي مر بيه واتذكرت بنتي موبيدي هاي حب العمر صارت ساعه ٣ الصبح وحدي بالشارع گلت خلي ارجع اول مفتحت الباب صارت امي بوجهي
ام محمد: يمه محمد اسم الله وين جنت
محمد : طلعت اشتم هوا ليضل بالج
ام محمد: شو تعاال سحبته من ايده للغرفه
ها يمه بشرني
محمد : شبشر
ام محمد: ولك اخذتها لا وين البياض
محمد : يمه لابياض ولا سواد متقربت منها اصلا مالي نفس بيها ولا بالزواج كله

ام محمد: عزه الي عزاني تريد تسود وجهنا اذا اجوي اخوتها باجر شنكول الهم والله حميدان ماله نفس بأختكم خوش حتى تصير مضحكه بين الزلم
محمد : يمه شنو هذا الحجي قابل الزلمه ينقاس بهاي الشغله كدر ياخذ مرته لو لا
ام محمد: كون ابوك عايش جان خوش جاوبك شوف ياابن بطني تروح هسه تاخذ مرتك وبياضها يوصلني واله والعباس ابو فاضل لاانت ابني ولا اعرفك

محمد : شطلعت مو خبلتيني گـ❈ٍـْلٍ حلفان يكسر الظهر يعني شلون ابقى وياها واعاشرها بعد گـ❈ٍـْلٍ حلفان الج تره هاي مو عيشه
ام محمد: هذا الحجي الي عندي تروح هسه واني كاعده اصلي صلاة الليل والفجر وادعيلك الله يهديك على هلمسكينه

محمد : صعدت واني صاير نار امي غاليه عليه هاي مصيبتي اخاف على زعلها
فتحت الباب لكيت تقى نايمه اباوع عليها مثل الجاهل نايم
تقى تقى اكعدي
تقى : هااا خير رايد شى
محمد : رايد لفة فلافل شنوو رايد شى نسيتي اليوم زواجنا
تقى : فتحت عيوني لا انت الي نسيت وطلعت وعفتني
محمد : شويه لسانج تره صرت زوجج يعني اثگلي شوي
تقى : بله هذا شحجي ويااه سكتت مجاوبته واحد يباوع للثاني شوي وحسيت محمد تقرب اني هنا رجفت مهما كان اني مااعرفه ولا بيوم كاعده وحدي ويااه لزم وجهي اني بداخلي ا