مجلة حبيبتي

: اي افتهمت
وكام من يمي والصدمه على وجهي من كلامه وهو ديطلع اندار عليه وكااال
اعرف بيج بريئه وقاسم النذل حاول وياج
وعاشت ايدج لان دافعتي عن نفسج تربيتي بيج مضاعت

من سمعته هيج شمرت نفسي بحضنه وابجي وكتله شكراً بابا لان صدكتني
وخر مني بهدوء وكال هذا الكلام الي صار هسه بشر مااريد يعرفه حتى امج واليوم راح اسويلج قفل من جوه حتى تقفلين باب غرفتج عليج واتجنبي قاسم افتهمتي
تقى : افتهمت

وطلع بعدها وبجيت من الفرح لان صدك بيه وحيل ضجت من روحي لان شكيت بيه صح بعدها بقى يتعامل برود وقسوه ويايه بس موقفه ماانساه طول عمري

بسبب موقفه تغيرت شخصيتي وتحولت من تقى الهادئه الفقيره الي الكل تهينها وتحتقرها
الى تقى الوكحه الصلفه الي متحترم اكبر واحد اذا تجاوز عليها وقلل ادب وياها

والي يحجي ويضوجني ولو بكلمه بذاك اليوم امه داعيه عليه ابتلي بيه
صار الكل يخاف مني يوميه كاتله طالبه بالمدرسه وساحلتها بنص المدرسه
المديره صاحت الغوث مني وكل فتره ادز على ولي امري وتروح خالتي وتتعذر وميفيد الشى الوحيد الي جان يشفعلي وميخلي المديره تفصلني هو شطارتي
جنت شاطره والاولى على مرحلتي لهذا المديره گـ❈ٍـْلٍ مترزلني تكول لوما شاطره جان من زمان طردتج ومااخليج لحظه بالمدرسه

وقاسم گـ❈ٍـْلٍ ميحاول يتقرب مني العب بيه طوبه وحتى ضرب اضربه كمت مااخاف منه يوميه ضاربته بمكان وجارحته لحد مكام يخاف وميتقرب

وسنه بعد سنه وتزداد وكاحتي وجرأتي وصار عندي صديقات لكن بس بالمدرسه مو مقربات حيل ويوميه شكوى شكل عليه وصلت مرحله رابع اعدادي وبيوم صارت عركه وكتلت اثنين بنات ضوجوني وحده منهن شلعت ترجيتها من اذنها وضلت تجري دم واشتكت عليه حيل بيها تستاهل يطبها مرض ليش تندك بيه تصيحلي معصعصه زركه شوو تعالي خلي اشوفج المعصعصه شسوي

وكالمعتاد صاحوا ولي امري رغم گـ❈ٍـْلٍ المشاكل الي جنت اسويهم خالو محمود ابد مدخل ولا كال ليش هيج تسوين او ليش توكحتي بس خالتي اكلت راسي يومياً محاضره شطولها
لحد مصارت الشكوى الاخيره ورجعنا للبيت وعياط خالتي اخذ الدنيا

هبه : اني تعبت منج ومن مصايبج خزيتيني يوميه مشكله يوميه مصيبه شجاج مو جنتي عاقله وهادئه شخبلج هذا هم حضي راح تعب السنين بتربيتج صرتي شقاوه المدرسه وسمعتج زفت
تقى : شحده الي يحجي على سمعتي اكص لسانه والله

هبه : ولج كافي صلافه عليمن طالعه هيج صلفه ومتخافين يعني شأسويلج كبرتي صرتي بطولي حتى عيب امد ايدي عليج
شلون فهميني تره گلبي خلص منج ومن سوالفج

تقى : الكل جان موجود قاسم ومحمود وخالتي تعد وتعيط وجان اكول الها
رجعيني لااهلي وخلصي
هبه : شنووووووو يااهل شبيج تخبلتي

تقى : كاافي ماما اني اعرف كلشي لو اكلج خاله بكيفج
محمود : بصدمه انتي من شوكت تدرين
تقى : حيل من زمان من جنت يمكن بالخامس ابتدائي سمعت ماما وخالتي حمديه يحجون وعرفت المفروض امي هي حمديه مو هبه ولو متستاهل كلمه امي جنتوا تسولفون وافتهمت كولشي

احجي والكل مصدوم قاسم يعرف اني مو اخته من زمان بس متجرأ يكولي لان مهدده محمود اذا حجه يطرده من البيت وهو مستحيل يعوف هذا الدلال واني احجي ومااحس غير خالتي هبه وكعت اغمى عليها
ونقلناها للمستشفى صارت بيها جلطه بس عبرت والحمدلله بلحظتها يله حسيتها هي فعلاً امي وخفت عليها بشكل رهيب وحسيت بقيمتها وشكد تحبني بحيث متحملت صدمه بأن اني اعرف اجيت يم راسها وبوستها وابجي

انتي امي الي ربت وتعبت وسهرت الليالي الي ضحت بوقتها وصحتها لخاطري انتي امي ماعندي غيرج بالدنيا

هبه : يعني متروحين وتعوفيني
تقى : مسحت دموعي اكو بنيه تعوف امها لتخافين ماما مااعوفج ابد انتي امي وحبيبتي ومراح يتغير شى ومحمود بابا وقاسم النذل اخويه الله يشيله

هبه : ههههههه بعده لسانج متبري منج
تقى : خليني هيج يووم حتى اعرف اعيش ولتخافين لخاطرج راح احاول اقلل المشاكل مكان مجانت المشاكل يومياً راح تصير بين يوم ويوم
هبه : خبله والله بس تبقين بنتي حبيبتي ربي ميحرمني منج
تقى : ولا يحرمني منج ياماماتي

مرت الايام بهدوء وعائلتي الاصليه عرفوا بالموضوع ومشى الوضع هادي وعادي جداً محسيت اصلاً احد تأثر بس حمديه والي عرفته بعدين الكل جان يعرف بس اني ضامين عليه

ومشى الوضع كما هو بس الكره والحقد الي بقلبي يوم بعد يوم يزداد على حمديه وعائلتها كلهم كرهتهم واولهم هديل لان احسها هي السبب

لحد مصارت مصيبتها واني هسه طالبه مرحله سادس اعدادي كملت امتحاناتي وتفاجأت بجيه حمديه تريدني اساعدها مرفضت لان حسيت اكو شى مو طبيعي والفضول دفعني ان اروح الهم وخاصه اول مره اشوفها هيج منهاره وترجف

وصلت لبيتهم وبمرور الايام عرفت بمصيبه هديل والي سوته
ماانكر مفرحت حيل بيها تستاهل ممقدره النعمه الي بين ايدها بس شوي شوي حسيت الوضع تأزم واكو مصيبه راح تصير وفعلاً الي حسيته صار

وبليله الكل نايم واني بالصاله نايمه قريب من غرفه هديل واسمع صوت من غرفتها وكأن واحد يستنجد او عياط مخنوك

443 views21:22