كلبي مثل اثياب اهلنه
مشكك وشايل محنه💔

#فقرة_هل_تعلم
‏أشخاص لا تخسرهم في حياتك :
- من تحملك وأنت غاضب
- من دافع عنك وأنت غائب
- من أسعدك وأنت مهموم
- من ناصرك وأنت مغلوب
- إنسان وضع فيك ثقته
- إنسان اخلص لك بالحب
- إنسان وفى لك بالوعد
- من كان سنداً لك في ضيقك

#قصة_عراقية
#عبق_الماضي

البارت الاول

خاويت الحزن والدمع صار سنين
وذبيت الفرح وما يوم خاويتة
وعشت من الزغر يجرحني صوت ابچاي
وجرحي شكد نزف ومايوم شديته
اباوع عالصور وابجي على عمري الفات
ما اذكر ابد فد يوم هنيته
اذكر بس حزن رافكني كل دنياي
لاهو اليهدني لاني هديته
اعاتب كل محب حبيته بخلاص
واعاتب كل شخص بكليبي خليتّةّ

ليش اني م̷ـــِْن دون الناس عمر الفرح مادام الي ليش الفرح لحظات محسوبه بحياتي وتنتهي وانجرح م̷ـــِْن گـ❈ٍـْلٍ انسان حبيته
(تقى)

الام : يااابني وتالي وياك مراح تنساها مو عمرك خلص وانت تركض وراها كافي شوف حالك متستاهل گـ❈ٍـْلٍ الي كاعد تسوي علمودها خسرت كلشي بسببها وراحت بعد شلون بيك تموت روحك وراها معايش مثل الناس مااعرف ادعي عليها لو اكول الله يسامحها

اعرفكم بنفسي اسمي محمد ينادوني ابو الشباب نادرا مااسمع اسمي كلها بالمنطقة تصيحلي ابو الشباب لان ممبقي واحد ممصادقة عندي اصدقاء م̷ـــِْن عمرهم سته سنوات للسبعين سنه كلها اصدقائي م̷ـــِْن افوت للمنطقة ميبقى واحد ميسلم عليه احب الناس واحب اساعد الكل قلبي ابيض مااحقد على احد لهذا گـ❈ٍـْلٍ الي بالمنطقه يحبوني ويريدون خاطري

مواصفاتي طويل 180 سم اسمر عيوني عسلي وجهي رجولي جدا جسمي معضل مو لان العب حديد لا ولابحياتي داخل قاعه حديد بس م̷ـــِْن الضيم الي شفته بحياتي

يوم اشتغل عماله يوم تورنجي يوم نجار اركض على العيشه منا ومنا اهلي متكونين م̷ـــِْن امي الحنينه الله ينطيها العافيه واخويه رعد اصغر مني واختي اخر العنقود ام لسان والدم العسل ياسمين

والدي متوفي اتوفى واني عـُـّــٓمري 19 سنه لهذا تحملت مسؤوليه اهلي بس خلصت اعداديه صناعه وبديت ادور على شغل حتى اعيش عائلتي

اني بطبيعتي احب اصدقائي وفي ويه الكل بس اكو اصدقاء مميزين بحياتي والي همه نصر وحسين وذوله اخوه وصديقي عباس نصر وحسين بيتهم بصف بيتنا حايط على حايط ابوهم خوش رجال وامهم طيبه وخوش انسانه احنا تقريبا نعتبر عائله وحده

خلي احجيلكم بدايه قصتي
جان عـُـّــٓمُْري 13 سنه م̷ـــِْن انولدت يمكن اني اول واحد شلتها بأيدي حسيت احساس غريب شى خاص احسها ملكي لعابه صغيره عيونها تخبل كبار رغم هي طفله رضيعه ضليت صافن بوجهه ياربي شنو هاي اللعابه الحلوه هاي مالتي

ام حسين : نصر روح صيح محمد هاي هديل متقبل تنام اله يشيلها محمد اوًًًووًف منك حمودي شعلمتها لهديل اله تنام بحضنك
محمد : ها خاله صحتيني

ام حسين : يمه بله هاي سوايه سوايتك تعلم الطفله الا تنام بالحضن وفوكاها تعال شيلها وافتر بيها كل عمرها 6 اشهر ومرمرتني م̷ـــِْن تكبر شلون

محمد : خاله اني موجود لو العمر كله اشيلها هاي بنتي واني مسؤول عنها واذا تريدين يوميه اجي اشيلها وافتر بيها لحد متنام وارجعها الج

ام حسين : والله يايمه تسوي فضل عندي كومه شغل وهاي الوكحه مرمرتني بس مو تلتهي عن دراستك عيب م̷ـــِْن امك وابوك
محمد : لا خاله ماالتهي لتخافين ()

جنت م̷ـــِْن اشيلها احسها بنتي مسؤوله مني وظلت سنين وهي بحضني اطلع اشتريلها واشيلها على ظهري وافتر بيها وهي جانت طفله تًجٌـــنن بيضة وعيونها عسلي فاتح والشعر جوزي بيه خيط شگار ومدبدبه تخبل تنكرط ماكو واحد ميشوفها ويايه ميبوسها ومن يسألوني شصير منك اكلهم بنتي يضحكون وبعدين يعرفون جوارينا

كبرت هدوله وصارت بالمدرسه اني وديتها بأيدي جانت تصيحلي عموو ومتمسكه بيه كأني ابوها وخايفة هسه صار عمري 19 سنه بديت الشغل والضيم لان والدي اتوفى اخذت ايام وليالي ماانام م̷ـــِْن التعب لان مجنت اعرف اشتغل والدي موفرلنا كلشي وفجأه مات وصار الحمل عليه بس رغم گـ❈ٍـْلٍ تعبي جانت هدوله بلسم لتعبي اضحك واشاقة وياها وهي وكحه يوميه ضاربه جاهل وتجي تشتكي

هديل: عموو حمودي
محمد : هااا هدوله شبيج
هديل : عموو ضربوني
محمد : منو ضربج اني اله

كمشت الجهال كلها ضربتها لخاطرها احسها م̷ـــِْن تبجي تمرد قلبي ومرات ادري بيها هي الي تتعدى على الجهال بس شسوي قلبي رهيف عليها هاي بنيتي
هديل : حيل 😜 ضربكم عمي
محمد : وٌلًــًّجٌ هدوله عيب هيج تعيبين عليهم
هديل : عموو لعد تقبل يضربوني
محمد : ادري بيج انتي الي بديتي بس بعد لتعيديها انطيني بوسه وروحي اقري
هديل : حبيبي عموو اموت عليك امووح

مرت السنين واني على وضعي گـ❈ٍـْلٍ الي تغير بدوا الجهال يكبرون ويكبر همهم ومصاريفهم اخوتي مصاريفهم هواي وماالحك عليهم جنت اتعب بس اكول ميخالف المهم يتربون احسن تربيه وافرح بيهم تحملت انواع الاهانات والضرب م̷ـــِْن الاسطوات في سبيل العيشه

جنت مااجيب حلويات اذا مو علاكه هدوله وحد حتى ياسمين حبيبتي اختي الصغيره تغار م̷ـــِْن هدوله لان نفس العمر هواي عانيت م̷ـــِْن ياسمين لحد مقنعتها بان همه نفس المعزه بقلبي

مرت سنين وراها سنين وهسه صار عمري 25 سنه
اجاني فديوم عمي
عم محمد سعدون : باوع محمد انت ابن اخوي وعزيز على قلبي ومن ريحه الًـغالي اني عندي مع

مل بالبصره واجاني شغل بالكويت ولازم اعوف المعمل وماامن بأحد م̷ـــِْن العمال كلها حراميه اريدك بس سنه تبقى ادير المعمل لان اذا سديته راح ينكسر وتروح سمعته واخسر ملايين ترضاها عمي الخساره الي

محمد : لاعمي بس اني شلون اعوف اهلي واروح للبصره وانت تدري همه برگبتي ومااكدر اعوفهم
()
سعدون : شوف اني عندي بصف المعمل مشتمل صغير جيب اهلك وعيشوا هناك وهذا البيت اجروه هم تستفاد بأيجاره وانطيك راتب محترم تكون نفسك بيه احسن ماظال مكفخه عند هذا وذاك

محمد : والله ياعمي مااعرف اسأل الوالده واشوف وانطيك خبر

ام محمد: يمه ياريت شفايتلنا تكون روحك يمه الى متى تضل تشتغل على كد اللكمه وانت كبرت ولازم تتزوج وبضروفنا هاي محد تقبل
محمد : يمه يازواج خلي اوكلكم بالاول وبعدين ازوج
ام محمد : شفت يمه هذا قصدي لازم تكون نفسك وهي كلها سنه نروح ونرجع بلكت الله يوفقك وتكدر تفتح بيت وامورك تتحسن

محمد : ظليت ايام افكر بعيشتنا وبالمعمل واذكرت بنوتي هدوله هسه هي سادس ابتدائي واني اقريها
هديل : عموو😭 صدك راح ترحون ومتجون
محمد : لاحبيبه عمها هي سنه وارجع
هديل : حيل هوايه

محمد : لتبجين كافي مو ملختي قلبي
ودعت اهل حسين ونصر وبنوتي واخذت اهلي ورحنا للبصره

بالبدايه اتأذينا وخاصه جو البصره موت اكشر حراره ورطوبه بس البيت الي سكنا بيه جان جديد وشغلي ممتاز وراتبي زين ومشت وسنه جرت الثانيه والثالثه والرابعه ومكدرنا نرجع

لحد مابيوم رجع عمي يعيط ويصيح ويتهمني بان اني بكته
سعدون : شلون هيج تسوي اني مو كتلك صفقه الخشب هاي تنطيها لحجي خالد
محمد : عمي حجي خالد واحد مغلواني يريدها بتراب الفلوس وميخاف إٱللـِْﷻـِْﮭﮧ

سعدون : وانت شعليك قابل المعمل معملك والمال مالك لعبالك صدكت انت صاحب المعمل انت هنا عامل وبس افتهمت

محمد : عمي طبعا عامل لعد كالولك اني صاحب المعمل بس والله لخاطرك حتى لينكسر الشغل وخاصه هو يريد الطلبيه كلها وطلبيه حجي عبدالله هم يريدها
سعدون : المفروض تنطيها اله شوف اني صبرت عليك هوايه هاي ثالث صفقه ضيعها عليه انت لهنا وشغلك انتهى عندي
محمد : عمي شتكول غير اني اشتغل لمصلحتك
سعدون : لا مصلحتي ولا شى ضيعت ملايين حلوه عليه اخذ اهلك وارجع شغلك انتهى يمي
محمد : ماشي عمي رحم إٱللـِْﷻـِْﮭﮧ والديك بس انطيني الفلوس مالتي الي يمكً

م̷ـــِْن الاغلاط الي سويتها جنت اخذ ربع الراتب وابقي الباقي يم عمي عود يلمهم الي حتى اكون نفسي واصرف الربع على البيت وطلبات اخوتي لهذا مجنت الم اي شى مأمن بعمي عندي فلوس يمه خير م̷ـــِْن الله وجان رعد يطلع ويايه بالعطله هم يساعدني وهم يريد يلم نفسه بالبدايه رفضت بس هو ظل يلح لحد موافقت وخطيه يشتغل وهم ياخذ ربع الراتب

سعدون : ماعندك فلوس يمي
محمد : شنووو عمي رواتبي مال اربع سنوات يمك اخذ الربع والباقي انت تضمه يمك وفلوس رعد هم
سعدون : هاي حق قليل مقارنه بالي خسرتلياه والله اعلم شكد بكت م̷ـــِْن فلوسي واني ماادري لهذا ماعندك فلوس يمي يله ولي
اخذ اهلك ومااريد اشوف وجهك

محمد : لزمت عمي وردت اضربه واشتغل المصايح والغلط وتالي هديته مااكدر مهما كان هذا عمي واكبر مني

انت اخذت حقي ومانطيتنياه رغم اربع سنوات انطيت صحتي وقوتي لشغلك وكبرته وسويته م̷ـــِْن احسن المصانع بالبصره ودينار واحد مااخذت منك عدا راتبي وهسه بكته ونكرته عليه روح حسبي الله ونًعــٌٓمُٓ الوكيل

اخذت اهلي ورجعت لبغداد بعد ماانطيت خبر للمستأجر الي بيتنا يفرغه النا رجعت مثل مارحت واني ميت قهر وحاير شلون ومنين ابدي حياتي وششتغل وهذوله الي بركبتي وخاصه اخوتي كبروا ياسمين بالرابع اعدادي ونصر سادس وامي تعبانه ومريضه وعدها السكر

اول مطبيت اشتميت ريحه بغداد صار اربع سنوات بعيد عنهم صح اكو اتصالات بسيطه بيني وبين حسين ونصر ومرات هدوله اتسلم عليه بس جنت ميت على شوفتهم

واول موصلت للبيت دخلنا الجنط ورحت ركض اريد اشوف الولد واشوف بنيتي شلون صارت اكيد تغيرت وصارت مخبله بعد اكثر لان دائما نصر يشكي م̷ـــِْن وكاحتها
دكيت الباب
هديل : منووووو

محمد : كمشني قلبي واني اسمع صوتها شلون متغير ضحكت ولج فصعونه فتحي الباب اني ابو الشباب
هديل : عموووو وحضنته بكل قوتي مشتاقتلك عمووو
محمد : فتحت الباب هديل واني جمدت شفت بنيه شابه كامله الانوثه كدامي وطويله رغم هي ناعمه م̷ـــِْن عفتها حضنتني واني هم حضنتها بس اول مره احس بخجل منها

هديل : شلونك عموو واخيرا رجعتوا
محمد : صافن عليها مااعرف شأحجي وعلى شنو اباوع على الطول الوجهه الشعر كلشي بيها يخبل
وٌلًــًّجٌ هاي شنوو شكبرج هيج
هديل : شعبالك تروح وترجع تلكاني بعدني طفله
محمد : بس مو هيج هذا الطول منين جبتي
هديل : ههههه طلعت عليك انت مو طويل وانت ربيتني لازم اطلع عليك
حسين : هديل ويامن تسولفين
هديل : تعال شوف منو بالباب

حسين : لك ضلع ابو الشباب الًـغالي شكد مشتاقيلك تعال ادخل تعال امي ونصر راح يطيرون بي

شغله وبده الشغل يتحسن
وبديت اصرف على البيت بشكل احسن واوضاعنا بدت تتحسن

جنت افتح ساعه 8 الصبح واعزل ساعه 4 العصرارجع اتغدى وانام واكعد اطلع يم الولد بالركن نسولف ونضحك والجمعه ماافتح

بدت تتحسن ايامي والي محليها بنتي جنت يوميه اشوفهاالعصر بحكم صداقتنا عادي ادخل عدهم وابقى يمهم بس الي محبيته بنفسي كمت انظر لهديل بغير نضره

جنت قبل اعتبرها بنتي اختي هسه لا انظر الهه بحب لحبيبته وهذا الشى اعتبرته خيانه مني بس مو بيدي هاي مشاعري ومااعرف اتحكم بيها وهي حلوه وتتموع قلبي يلوب عليها كمت حتى مرات ارزلها مااحب تلبس براحتها كدامي تلبس قصير وكصيف واني روحي تلوب مااحب انظر الهه بنظره رغبه اريد ابقي مشاعري نظيفة تجاهه
مااعرف ليش احس روحي مراهق وياها كمت حتى اغار عليها مااحب احد يشوفها لو بيدي اظمها بضلوعي شلون بيج هديل شراح يصفى الدهر وياج وشلون حياتي راح تصير م̷ـــِْن وراج )
...
اعرفكم عن نفسي اني هديل محسن بنيه حالي حال كثير من البنات لكن الي يميزني ثقتي بنفسي وغروري وحبي للحياة وطموحي الي ماله حدود ومحاولتي لتغير حياة مااحبها انفرضت عليه

شكلي حلوه واخبل ومغروره بشكل بسبب اهتمام اهلي الكل يهتم بيه الكل عدهم بس اني وبس مواصفاتي بيضه عيوني عسلي كبار صاحبه وجهه طفولي معاني وجهي نازكه وشعري جوزي رشيقة شى على شى اخبل اي حلوه ومغروره بروحي وبكيفي

عائلتي تتكون م̷ـــِْن ابويه رجال متقاعد عسكري سابق نائب ضابط وامي ربت بيت مخلصه ثالث متوسط واخويه حسين خريج اداره واقتصاد واكيد ممتعين ويشتغل بأسواق ونصر خريج تربيه رياضيات ياخذ دروس خصوصيه ومعيش نفسه منها ومرات يصرف على البيت واخت وحده اسمها تقى مااشوفها بس بالاعياد عايشه عند خالتي بيني وبينها سنه امي اول ماولدتها انطتها لخالتي لان ميصير عدها اطفال لهذا ماعندي اي تقارب وياها بالاحرى مااعرفها اصلاً ولا يهمني المهم اهلي كلهم رغم بساطة الحال يحاولون يرضوني

رغم اهتمام اهلي بيه بس اني مراضيه على عيشتنا ليش هيج نعيش
اني اداوم بمدرسه مال متميزات لان شاطره كلش وحسين يوديني ويجيبني بس المدرسه مالتي بيها عيب وهي المدرسه بمنطقه راقيه واكثر البنات الي بيهم مستواهم المادي ممتاز الي بنت دكتور والي بنت مهندس ومستشار وبنت سفير وغيرها وغيرها م̷ـــِْن المستويات التوب اكو بيهم حتى حرس وراهن وبنات اشكال والوان الي اني مااجي مستواي ربع الهم وهذا الشى جان مدمرني ويوم بعد يوم اكرهه عيشتي واكره اهلي اريد فلوس اريد اصير مثلهن وخاصه جنت اشوف بنات ميسون فلس وشكلهم محلوو بس مستواهن المادي احسن مني وهذا الشى يخليني اتخبل واكره كلشي وماارضى بأي شى يقدموه اهلي حتى م̷ـــِْن يسألوني ابوج شيشتغل اكلهم عسكري متقاعد جان لواء وهو اصلاً نائب ضابط وامي استاذه جامعيه اتقاعدت لخاطر بابا واصلاً امي كوه عدها شهاده ثالث متوسط حتى بيتنا منطيتهم عنوانه كتلهم بيتنا بزيونه واحنا بيتنا بمنطقه شعبيه جنت اتحفظ ڰـْـْـْـڷْشْـْشْ ويه البنات حتى ليسألوني واخاف يحرجوني ويكولون عزمينا يمج
لهذا قررت ابني حياتي ومااعتمد على اهلي لان اذا ابقى عليهم راح ابقى طول عمري فكر

فكرت بيني وبين نفسي مشفت احسن م̷ـــِْن الطب مهنه كلها فلوس شغلتين هسه بالعراق تجيب فلوس بكثره خاصه بعد السقوط بعد 2003 هم الطب والحرام وبماانً. مااكدو اشتغل بالحرام اختاريت الطب وذبيت روحي على القرايه اقرأ وارجع ليوره متت الكتاب مااتركه اله احفظه كله مو حباً بالدراسه والمستقبل وهاي الكلاوات لا
اريد اصير دكتوره حتى اجمع فلوس هوايه واغير عيشتي الكارهتهه

وراح اغيرها واعوف گـ❈ٍـْلٍ الفكر الي عايشه بيه مستحيل ابقى بهيج وضع لو اعرف ادوس على الكل في سبيل يصير براسي خير اسويها ومااتردد اني مامفروض اعيش هيج عيشه البنات الي اشوفهم مو احسن مني ولا احلى ولا اذكى مني بس الفرق حظهم احسن من حظي وهذا الحظ راح اغيره لو مهما صار

أي مشتاگلك
توجعني واحجيها 💔
بس توصل لهاتي
وأختنك بيها
والزمها واخاف الوادم
يسمعون
اسد شفتي وتصير بعيني وابجيها..

محمد : لو تعرفين شكد اشتاقيتلج ليش عفتيني ليش ربي صبرني تعبت من الاشتياق والالم 😔

يتبع

ك
نصر : هله بااخويه حبيبي ابو الشباب شلونك
محمد : سلمت عليهم كلهم وعيوني ممصدكه الي اشوفه هديل صايره مره وتجنن طولها جسمها معانيها كلشي بيها متغير احس موهيه بنتي الي عفتها

هديل : اي عموو كلي شلونك شخبارك خوش قشمرتني سنه وترجع
محمد : شسوي موبيدي الْحٍمَدٍ للـّہ على گـ❈ٍـْلٍ حال تعاي كليلي هاي شصاير بيج
هديل : اخبل مووو
محمد : شحالج جنج زرافه
طبعا بقلبي اكول غزال

هديل : اوف عموو بدينا هستوك اجيت وجاي تعيب عليه زعلت
محمد : هههههه ولج بعدج تتزعلين شلون بيج
هديل : معليه زعلت
حسين : ولج هدوله كعدي راحه عوفي الرجال بحاله جاي م̷ـــِْن السفر وتعبان
هديل : معليه اله يراضيني
محمد : عـُـُيٌُــٍٍُـُوُنُـٍي الج ادللي
هديل : باجر اطلعني للزوراء محد يقبل يطلعني
نصر : ولج رعنه الرجال تعبان جاي م̷ـــِْن طريق طويل وسفر وصار 4 سنوات مشايفيه وانتي ثاني يوم تكوليله وديني للزوراء
هديل : مالي علاقة اريد اروح واله مااحجي وياه بعد
محمد : ادللي غالي والطلب رخيص بس مو باجر عكب باجر ماشي
هديل : ماشي تسلم يااحلى عمووو

محمد : رجعت للبيت واني مثل الي مضروب على راسه هاي منووو وليش وشلون دخت م̷ـــِْن شفت هديل صح عفتها اربع سنوات واكيد اتوقعت كبرت بس مو هيج

رجعت للبيت وحاولنا انكمل تنظيف وترتيب البيت اني وامي وياسمين ورعد وارتاحيت بعدها بيوم رحت لبيت هديل وحاولت اخذ ياسمين ويايه مقبلت بالبدايه لان هديل ويانا متحبها شكد حاولت متصير هاي الحساسيه مكدرت المهم قنعتها واخذتهم ودكيت الباب

نصر : منووو
محمد : اني ابو الشباب
وين هديل
نصر : اجتي والله عليك سوالف هو انت تعبان وجايين م̷ـــِْن طريق طويل خلي تولي
محمد : لاخطيه تزعل مااريد تزعل
نصر : هاي منووو
محمد : ههههه ولك شبيك ياسمين
نصر : شنووو ياسه مستحيل

محمد : هههه مثل ماشفت هديل نفس الصدمه
ياسمين : شلونك نصر
نصر : زين انتي شلونج
ياسمين : الْحٍمَدٍ للـّہ
هديل : هلوووو اني اجيت 😌
محمد : طلعت وعبالك كمر ماادري ليش ضجت م̷ـــِْن ملابسها وهي طالعه تخبل
اخذتهم واني عـُـُيٌُــٍٍُـُوُنُـٍي مثل الصقر اخاف واحد يتحارش بيهم اتندمت لو مطالع وياهن احسن والمصيبه الطلعه كلها وحده مطيق الثانيه وتعال راضي هاي وطبطب على الثانيه
يمعودات وتالي وياكم موتوني بس تزعلون لو ادري ولا مطلعكم ويايه

ياسمين : اني شعليه محمد متشوفها شكاعد تسوي تضوج بيه
هديل : اني مالي علاقه بيج انتي حاطه فكرج يمي
محمد : بس كافي يله امشوا اعشيكم وارجعكم
خلص اليوم على خير بعد ماصارت الف مشكله بسببهن وحلفت مااطلعهن سوه ابد التوبه

مرت الايام ولكيت شغل يم نجار خوش انسان فقير ماعنده ولد بس بنات اثنين وجان ملزم المحل بأيد عامل والعامل يبوك بيه حتى المحل كسره وطرده العامل واجيت اني اشتغل اول ايام كلشي ماكو فلس احمر ممطلعين واني مااقبل اخذ يوميه منه هو هم رجال فقير وبركبته 3 نسوان زوجته وبناته الاثنين واني قلبي طيب مااحب اضغط عليه هاي هيه
ابوحنان صاحب المحل : ابني محمد هاي يوميتك

محمد : عمي شنوو السالفه شلون تنطيني يوميه واني ممشتغل
ابوحنان : ابني صار اسبوع تشتغل عندي ومتاخذ يوميه شنو مجبوريتك وانت هم برگبتك عائله ويرادلهم مصرف

محمد : عمي م̷ـــِْن يشتغل المحل اخذ
ابو حنان : والله ياابني انت ذهب صافي وين اكو منك بهاي الايام التعبانه لو غير واحد ياخذ يوميته ولا يهمه اشتغل مااشتغل
محمد : خليها على الله عمي ابوحنان ربك يرزقنا
ابو حنان : ونًعــٌٓمُٓ باإٱللـِْﷻـِْﮭﮧ

محمد : مرت 10 الايام والحال كما هو عليه حتى شكيت بروحي فكر على الرجال هم جان يطلعله 5 او 10 باليوم هسه كلشي ماكو
وكاعدين اني وابو حنان قررت بداخلي اعوف الشغل لان مامنه فايده والفلوس الي عندي خلصن ميمشني اسبوع اكل للبيت وطبكت سياره يمنا وبيها ناس مبينين ثگال
انت ابو حنان

ابو حنان : تفضل خويه اي اني
وصفوك الي وكالو خوش نجار اريد منك مكتبه بس مكتبه م̷ـــِْن نوع خاص
شلون يعني م̷ـــِْن نوع خاص
بيها مجرات وخانات سريه
ان شاء إٱللـِْﷻـِْﮭﮧ مقضيه
محمد : وافقنا على الشغل بس ابو حنان بس لزم العده تعبت ايده الرجال قلبه يوجعه مو مثل قبل يكدر يشتغل

ابو حنان : راح اخابرهم وارفض الشغل
محمد : كول ياالله عمي الشغله خوش فلوس بيها واحنا كاعدين نهش ذبان اكثر م̷ـــِْن 10 ايام جيب اني اشتغل

ابوحنان : ابني هذا مبين رجال واصل ومااريد اتفاشل وياه وانت خاف مدبرها
محمد : عمي اني اشتغلت 3 سنوات بالنجاره و4 سنوات ويه عمي بمعمل خشب وتعلمت اشكال والوان اسوي بالخشب خليني اشتغل وانت انطيني ملاحظاتك وان شاء إٱللـِْﷻـِْﮭﮧ خير
اشتغلنا وكملت المكتبه وتخبل ابو حنان على الشغل

ابوحنان : عمي انت فنان واني ماادري
محمد : العفو عمي لوماتوجيهاتك متطلع بهذا الشكل واستلمها الرجال وكلش عجبته وانطانه خوش مبلغ وقسمه بالنص ابو حنان واتفق ويايه بعد كلشي بالنص مو يوميه وجتنا شغله وره

#يسعد_اوقاتكم_بكل_خير
#توقعات_الابراج_ليوم_الاربعاء

#الحمل
مهنياً: تحاول أن تنهي مهمة تشكل عائقاً بالنسبة إليك لتنطلق بمشروع جديد مهم جداً تبرهن من خلاله ما أنت عليه في الواقع.
عاطفياً: تبادر إلى الانطلاق بحيويّة كبيرة، وتسعى إلى الإمساك بزمام الأمور وتشعر بأنّك مسيطر على الأوضاع.
صحياً: التمارين الصباحية مفيدة قبل تناول الطعام أو أي مشروب منبّه.

#الثور
مهنياً: تتخلص من بعض خيبات الأمل، وتكون قادراً على النهوض مجدداً والمضي قدماً في إنجاز ما خططت له.
عاطفياً: الاستفزاز مع الشريك غير مستحب على الإطلاق، لأن رد فعله سيكون مكلفاً وتدفع الثمن غالياً وتندم.
صحياً: لا تجازف بصحتك من أجل مكاسب مادية رخيصة، لأن الصحة هي الأغلى.

#الجوزاء
مهنياً: تتراجع الحظوظ تحت تاثير المربع الفلكي بين القمر من العذراء والشمس من القوس فتضطر إلى أن تتكيف مع ظروف جديدة، تطورات في حياتك المهنية تتطلب الكثير من الحرص.
عاطفياً: تنتابك شكوك تجاه الحبيب وتشعر أنه غامض، بينما الحقيقة أنت من يكتنفه الغموض.
صحياً: خفف قدر الإمكان من تناول المشروبات الغازية ولا سيما خلال تناولك الطعام.

#السرطان
مهنياً: يجعلك هذا اليوم اكثر قدرة على اتخاذ قرارات مادية مناسبة، تتبادل الآراء مع اشخاص قادرين على نصحك، وقد تتبنى وجهة نظر جديدة.
عاطفياً: لا تقدم اليوم على مغامرات عاطفية جديدة، بل أنت مدعو إلى التأني والحذر في هذا الشأن.
صحياً: نفذ قدر الإمكان الإرشادات الغذائية، وإذا أحسست بالانزعاج راجع أخصائي التغذية

#الاسد
مهنياً: أنت مدعو الى التّحفظ ولو انّ الفرص المهنية جديدة متاحة امامك، امور طارئة قد تحصل وحظوظ لم تخطر بالبال.
عاطفياً: أخبار حلوة وتطورات زاهرة، تخوض غمار علاقة فريدة من نوعها وتعرف تطوراً يفرحك ويريحك.
صحياً: كما تحرص باستمرار على تفقد رصيدك في المصرف، تفقد وضعك الصحي أيضاً لدى الطبيب المختص.

#العذراء
مهنياً: تحديد الأهداف في مسيرتك المهنية مهمّ جداً ويوفّر عليك الكثير من الجهود غير الضرورية، وتقديم التبريرات التي قد لا تنفع.
عاطفياً: قد تكون بعض تفاصيل المرحلة المقبلة سبباً في عدم علاقة ما فحاول أن تتغاضى عن التفاصيل الصغيرة.
صحياً: العقبات الصغيرة لن تشكل عائقاً أمام إصرارك على متابعة تمارينك اليومية.

#الميزان
مهنياً: تتابع بدقة ما يحصل حولك، وتتوصل إلى النتائج وتفرض أسلوبك على الآخرين وتحسم قضية ما بسرعة.
عاطفياً: تغييرات مفاجئة تطال وضعك العاطفي وتضعك أمام مسؤوليات كبيرة قد تعجز عن القيام بها.
صحياً: أنت دائم التوتر ومعرض لاضطرابات نفسية ما يجعلك تعتقد أنك تشكو أمراضاً خطيرة.

#العقرب
مهنياً: قد تفرض رأياً أو تحقّق رغبة، كأن تُعيّن في منصب أو تحتل مركزاً أو ما شابه، فتبرهن للجميع أنّ العلم سلاح الإنسان.
عاطفياً: كن ناضجاً واترك الأمور تسير بهدوء وتكيّف مع الأمر الواقع ولا تقاومه، وكن مستوعباً لكل ما يصدر من الحبيب من تصرفات.
صحياً: مارس برودة أعصابك على محيطك ولا تفقدها، وخذ الأمور بروية.

#القوس
مهنياً: قد يكون السبب المباشر أو الوحيد لأجوائك المشحونة بالقلق هو الاضطراب بشأن أمور مهنية.
عاطفياً: تظهر للشريك حبك الصادق رافضاً المواقف المتشددة وتنجح في إنعاش العلاقة بينكما.
صحياً: تمر بضغوط كبيرة ومن المستحسن طلب المساعدة والنأي عن المغامرة بالوضع الصحّي.

#الجدي
مهنياً: أجواء ساحرة ومصالحات في الأفق، إنّه يوم جيد تكثر فيه الاتصالات واللقاءات الناجحة، وتتبنى فيه أفكاراً مفيدة على الصعيد المهني.
عاطفياً: لم يعد باستطاعة الشريك تحمل المزيد من تصرفاتك السيئة، الأمور تسير نحو الأسوأ.
صحياً: لا تتذمّر من كثرة الطلب منك لتطبيق الإرشادات الصحية، فالكل يقلق على صحتك إلا أنت.

#الدلو
مهنياً: تحقق رغباتك أو تعبّر عنها اليوم بالطريقة التي تراها مناسبة وتريحك نفسياً، وتكون قادراً على استقطاب التأييد من أكبر المراجع.
عاطفياً: لن تجد نفسك إلا مطواعاً لآراء الشريك وهي دائماً ما تكون في مصلحتك وتضعك على السكة الصحيحة.
صحياً: وضعك الصحي الحرج والدقيق لم يعد يحتمل أي تراجع، سارع فوراً إلى طبيبك.

#الحوت
مهنياً: مشاكل بسيطة لكن في المقابل فرص محتملة لاسترجاع حق أو للعودة الى الماضي كي تحاسب مَن اساء إليك.
عاطفياً: تتجدد العواطف وتشتد الروابط متانة وتستيعد ثقة الشريك وتقرر تمضية أطول وقت ممكن معه.
صحياً: عليك التخفيف قدر الإمكان من تناول اللحوم النيئة والسوشي لأنها المسبب الأكبر للكوليسترول.

#فقرة_شعر
ذبحني بنضرة عيونه ورماني
جميل وصابغ الشفه رماني
جتلني العطش بس مايه رواني
منحظنه مدري شنهوا يصير بيه

تدري شكد احبك والكلب يهواك
احبك مثل ادم من عشك حوى
طبع كلبي ترف مايحمل اللجمات
ومرات يتسودن حيل من يهوه
اذا عينك بحيرة ورمش عينك سيف
من يعطش دليلي شلون يتروه
شيفيد العمر لوما اعيشه وياك
حياتي بلايه حبك والله ما تسوه..

ﮘضيت الليل ويلي مايويلي
عله الراحو لهسه مايوالي
ﮔلي البين عني مايولي
امحلت ﮔاعه وڸﮕه المسراح بيه

#فقرة_هل_تعلم
‏في الستينيات وبالتحديد عام 1963 كانت حديقة حيوان "برونكس" في نيويورك تضع مرآة عند مخرج الحديقة كُتب عليها:

"أنت تنظر إلى أخطر حيوان في العالم!"

#قصة_عراقية
#عبق_الماضي


البارت الثاني

محمد : مرت الايام ويوم بعد يوم يكبر حب هديل بقلبي مرات الوم نفسي ومرات لا اكول هاي مشاعر مو م̷ـــِْن حق احد يحاسبني عليها حتى عيوني مرات ابعدهم عنها بس يرجع قلبي ينبض الهه وهي يوم بعد يوم يزداد جمالها ودلعها عليه صح مرات اضوج م̷ـــِْن تصيحلي عمو لان احس هاي الكلمه منها تبعدني عنها وتذكرني بوضعي وياها

هديل : عمووو فدوه اريد اروح للسوك والولد ميكدرون اليوم خلي نطلع اني وياك
محمد : هديل مااكدر اطلع وياج
هديل : ليش
محمد : بابا انتبهي على نفسج انتي كبرتي وصرتي مره ومن نتمشى سوه عبالهم حبٌيــبتي.
شوو اني احجي وياها ومن كتلها عبالهم حبيبتي ضلت بس تضحك مااعرف ليش حزت بقلبي حسيتها اهانه
شبيج تضحكين كافي

هديل : ههههههه والله ياعمو صاير دمك خفيف ههههه عبالهم حبيبتك هههههه
محمد : كتلج كافي
هديل : سكتت هههههههههههه
محمد : رايح اني
هديل : تعال عموو العفو مو قصدي بس وعيونك الشغله تضحك
محمد : وشنوو الي يضحك بيها ليش مو م̷ـــِْن مستواج
هديل : هاااا شنوو قصدك
محمد : ماكو شى رايح
هديل : متوديني للسوك عموو عمووو
طلع حتى مندار عليه

اني جنت حاسه نظرات عمو محمد اليه اني مو طفله وافتهم نظره الرجال وخاصه هو نظراته مفضوحه

واليوم شبه تأكدت بله هذا م̷ـــِْن گـ❈ٍـْلٍ عقله بس اني احبه لمحمد بس كأبويه اخويه مااعرف شعور حلوو بس كقريبي مو حبيبي وهو شلون يفكر بهيج شى مفكر بفرق العمر الي بينا مفكر اني شنو وشأريد اصير وطموحي بله هذا من گـ❈ٍـْلٍ عقله لازم اتحفظ بالتعامل وياه بس اني احتاجه يكملي شغلاتي اكرب عليه هو اكثر واحد يتحمل طلباتي يله ابقى استفاد منه والله كريم

محمد : بديت اعشق هديل وكمت حتى اتحسس منها وازعل واغار مااعرف شلون اتصرف وياها وهي عقلها كله بالفلوس والطلعات وبوقت الدوام بالدراسه اخاف اتصرف تصرف يجذب الانتباه كمت حتى مصرف انطيها مااقصر اقسم شغلي نصه عليه وللبيت واهلي وطلباتهم ونص عليها
وهي تاخذ مني عادي وشتحتاج انطيها حتى لو نظر عيني فدوه الهه
هسه منتظرين شهاده السادس

هديل : عموو ميته قلق قلبي راح يوكف
محمد : لتخافين ان شاء إٱللـِْﷻـِْﮭﮧ ناجحه
نصر : ولك ابو الشباب هاي تريد طبيه يانجاح
حسين : هاجً خاتون تقرين والاشهر كلها وهذا معدل مع الاسف
هديل شنوووو
محمد : راح گلب هديل يوكف ويغمى عليها م̷ـــِْن الهبطه
حسين : هههههه ولج لتخافين معدلج 98 الف مبروك رفعتي راسنا

هديل : لوبيدي اركص واخيراً مبقى شى على تحقيق حلمي وقدمت وطلعلي طبيه واخيراً كلها كم سنه والعب بالفلوس لعب بس هنا الحياة غير المدرسه لبس وكشخه اضافه لمصاريف الكليه والكتب شلون راح اكمل 6 سنوات اوف مااتحمل بقيت مااختلط بأحد اخاف كلمعتاد يسألوني اني منو وبنت منو وهاي الاسئله السخيفه ويوم بعد يوم اكرهه عيشتي وفوكاها اشوف هنا حتى البنات يسوقون سيارات واشكال المستويات والبنات اشكال يلبسون تكول رايحات حفله ويوميه ملابس تختلف ومن ارقى الماركات

واني المصرف ميكفي والوضع بدأ ميعجبني
اتعرفت على صديقة تقريباً نفس مستواي المعيشي تأقلمت وياها بس اني شنوو البس واكشخ الي يشوفني يكول بنت رجل اعماال حسين من شغله يشتريلي ونصر هم حتى محمد اخذ فلوس منه واشتري ملابس مااريد احس اني اقل منهم وينظرولي بالعين الصغيره

وبيوم كاعده بالكافتيريا عندي امتحان ومخبوصه لان هاي الماده كلش صعبه وكاعد اشرب چاي وانتبهت على الوقت ركضت واني امشي بسرعه وبيدي الجاي حار انطخ بجتفي ولد ماادري وكع على هدومه وهو حار الولد عاط وذيج الرزاله بالبدايه تعذرت ومن شفته مهتم بالاعتذار ويعيط متحملت عيطت عليه

اعرفكم بنفسي اني ياسر عمري 25 سنه طالب مرحله رابعه السنه اخلصها بسنتين لاتهمني دراسه ولا اي شى وبقائي لحد هسه بالكليه مبطلت من وره وزارة الداخليه ( قصدي الوالده ) لان تريدني اطلع طبيب كوه واني مااحب الدراسه وتشتغل الواسطات ويه العميد كوه وصلت لمرحله رابعه شكلي عادي اسمر طولي متوسط الطول 175 سم ومعاني اقل من العاديه اصلاً محلوو ليش اجذب شكلي اقل من العادي بهوايه بس البنات كاتلين نفسهم عليه متبقى وحده متحاول تتقرب مني الي يميزني وضعي المادي واذا مستفادت من وضعي المادي تتقرب مني بسبب والدتي لان رئيسه قسم بالكليه وهي شخصيتهاحاده وقويه ومتنجح بسهوله لهذا البنات يتوسلون بيه اتوسط الهم عدها علمود النجاح طبعاً مو الكل بس اغلب البنات وخاصه الي مقضياتها بالكافتريا وطلعات ومجاية تدرس جايه تتونس مثلي

اني ابويه استاذ بكليه الصيدله وحالتنا الماديه جداً ممتازه
دكاتره وعدكم الحساب واني وحيدهم ماعندي لااخ ولا اخت
كولشي متوفر الي السيارت بأنواعها وفلوس وماكو بنيه تعجبني مااحصلها لاعب لعب ممبقي بنيه تعتب عليه شريفة موزينه مومهم المهم اتونس

وبيوم جاي امشي للكافتريا وطلعت بنيه وانطخيت بيها مااشوف غير الجاي بصدري شاغت روحي ردت اكطعها بالبدايه اعتذرت بس اني

صرت اعصاب متحملت وتجاوزت عليها
ج

ولج عميه متشوفين
هديل : اسفه مو قصدي
ياسر : هو انتي مبينه ثوله لو ما ثوله جان انتبهتي حرامات ادخلون بهيج كليه

هديل : انت احترم نفسك شلون تتجاوز
تعرفني اعرفك خطأ وصار على شنو بعد صوتك عالي وتتجاوز كلت اسفه وانتهى
ياسر : شنو اسفه وانتهى بابا تعرفيني اني منوو

هديل : اي اعرفك واحد ماعنده اخلاق ومامحترم وحيل بيك الجاي الي وكع عليك ولو باقي شويه منه ارجع اذبه فوك راسك
عفته ومشيت واحد ولا عنده اخلاق

ياسر : هاشنًو اول مره اشوف وحده بهيج جرئه تحجي ولا تخاف وفوكاها تجاوزت ومشت ردت اروح وراها والعب بيها طوبه بس اصدقائي منعوني وضلو يتوسلون
مهند صديق ياسر: ولك بابا عوفها خلي تولي

ياسر : شفتها شحجت وفوكاها كدام الطلاب
مهند : خلي تولي مبينه مرحله اولى ومتعرفك انت منوو
ياسر : والي خلقها اله اندمها اني الهه
مهند : بس لو تجي على الحق البنيه اعتذرت وانت اكلتها بالحجي والغلط
ياسر : حركتني حرك بالجاي
مهند : قابل متقصده بس انت شفتها تره صاكه

ياسر : باع هذا اني بياحال وهو بيا حال امًشي نروح لأي صيدليه بلكت دهن مال حروق م̷ـــِْن احتركت ان شاء الله

هديل : مريت الايام واني بالكليه ماكو شى جديدبس الي اختلف لاحظت هذا الولد الي وكع الجاي عليه يباوع عليه والفضول كتلني ردت اعرف هو منوو وخاصه اشوف البنات كتلو نفسهم عليه وهو شكله جداً عادي اسمر وعيونه جنهم دكم وخشمه اكبر من خشم جدي ولا بيه شى مميز شبيهن البنات وياه لازكين بيه والي تسلم والي تضحك تكول عبالك جورج كلوني

رحت سألت وحده م̷ــن البنات الي بشعبتي لان شفتها تسلم عليه
زينه : ولج صدوك متعرفيه

هديل : هاي شبيج زينه كتلج مااعرفه منوو هو
زينه : هذا ابن الدكتوره رجاء رئيسة قسم

‏Surgery (قسم الجراحه )
هديل: رجاء الحقنه بربج
زينه : قابل اكذب عليج
هديل : وانتي منين تعرفيه
زينه : ااعرفه اخويه صديقة ولج هذا فد واحد طاك طكه للستار فلوس وسيارات وسفرات عدا طبعاً البنات وشفتي جميلات الكليه ميتات عليه
هديل : وعلى شنو فدوه لو حلو جان شسوه
زينه: تعاالي ويايه
هديل : وين يمعوده عندي محاظرات اخاف اتأخر
زينه : ماأخرج لتخافين
شوفي ست ذيج السياره الي بالاخير جوه السقيفه

هديل : شلون جماال وفخامه يبووو تموت
زينه : شفتي هذا قصدي
ياسر واحد يلعب بالفلوس لعب وسفرات وطلعات عايش الحياة بالطول والعرض لهذا البنات يتمنوه اضافه امه رجاء وهاي وحدها مصيبه
تدرين اكو بنات ميقرون مكضيها بس كافتريا وطلعات ولا ينشافون وبنهايه السنه تلكيها ناجحه من الدور الاول شلون متعرفين وهي حتى اسم الماده متعرفها

هديل : لتخبليني وين اكو هيج شى بابا احنه طبيه مو لعب جهال ولا كليه عاديه
زينه : انتي تكولين هيج هسه مع الاسف گـ❈ٍـْلٍ الكليات صارت بيها هيج وخاصه بعد تدهور الاوضاع

صح اكو الي يتعب ويقرأ ويسهر الليالي وينجح وهذا يستاهل لان تعب وبمجهوده حصل الشهاده
لكن اكو بالمقابل نماذج بحياتها ملازمه ملزمه وهم تنجح وهذا النجاح امثال ياسر وغيره يوفره للبنيه

هديل : مقابل شنوو
زينه : مااعرف حسب طلبه واكو بنات مستعدات كولشي يسون لخاطر مصلحتهم
لهذا تشوفين ياسر واكو بعد كم واحد نفسه وربج حتى اكو اساتذه يستغلون الطالبات
اهنا بحر جبير والشاطر يسبح ويطلع بدون خسائر

هديل : اريد افتهم هي كليه للدراسه لو للحب والعلاقات وتعاي كوليلي احنا طب عام شلون واحد يلحك يقرأ ويحب ويسوي علاقات وربج مرات سبح انسى اسبح م̷ـــِْن القرايه

زينه : هاي انتي عيني هيج تكولين اكو بنات يكولون شكو بيها اخذ شهادة ورجال بأيدي احسن مااعنس متشوفين اكثر الدكتورات معنسات م̷ـــِْن وره القرايه تكضي حياتها تقرأ وترجع ليوره وتاليها شافت عدها فد 10 شهادات ولا رجال ولا طفل لهذا الموديل الجديد شهاده ورجال سوه واذا مابيها خير واتعب نفسها بالقرايه تلتجأ لهواي طرق وحده منها تنال رضا استاذ ياسر او الاساتذه حتى تنجح

هديل : والله نظريه خوفتيني تكول كاعدين بغابه
زينه : صيري ذكيه وراح اطلعين منها ربحانه
هديل : يله عندي محاظره عملي اروح باي

هديل : بقيت طول المحاظره افكر بحجي زينه صدوك ليش مااحصل شهاده ورجال وارجع اكول شأسوي بالرجال اني اريد فلوس فلووووس

وبعدين ارجع اتذكر هذا الي اسمه ياسر شوو مال وهو الي اريده ودااتعب علمود احصله وابن عائله ليش مااصيده هم فلوس وهم مستوى وفوكاها الف وحده تتمنى كلمه منه

بقيت ايام اكشخ واخطط اوكع ياسر هو بس النظرات كلشي ماكو حقه اذا الف وحده تتمناه اوف شأسوي اريد الفت انتباهه
اجتني فّگًــره

ثاني يوم بدلت وكشخت وانتظرته يطلع بس طلع وهو بيه طبيعه يسوق سريع متهور سيارته حديثة وعنده اثنين مو وحده ويتباها بيهن

تحركت وشويه م̷ـــِْن حرك طخيت بسيارته تأذت ايدي بس مو حيل صح طلع دم منها بس متوجعني حيل بس ردت اخليه يتعذر واتعرف عليه

هديل : شبيك متشوف متكول اكو طلاب يمشون
ياسر : اس

ف بيج شى الْحٍمَدٍ للـّہ على سلامتج
هديل : وشأسوي بأسفك
ياسر : الي تكوليه والي تأمرين بيه ادللي حاظر اني ياسر طالب مرحله رابعه

أسمي هديل مرحله اولى
ياسر : نورت الكليه ست هديل كولي شتأمريني تعويض عن الي صار

هديل : كولشي مااريد بس اريد تنتبه على الطريق هاي ارواح ناس مو لعبه

وعفته ومشيت طبعاً متقصده ماانطيه عين لان هيج نماذج اعرف بيهم م̷ـــِْن تثكل عليهم بنيه يتخبلون
ياسر : بله هاي م̷ـــِْن گـ❈ٍـْلٍ عقلها شفتها شلون عافتني ومشت

مهند : هاي شبيك البنيه جان انداست جوه التاير وانت حاير عافتني ومشت

ياسر : تدري حطيتها بعقلي عجبتني وراح اوكعها بس جيبلي السي في مالتها واني الهه اله اكسر خشمها اليابس مااصير ياسر اذا مااخليها تتوسل بيه اموت على الثكيل

مهند : ولك ياسر مصار شهرين م̷ـــِْن طلعت م̷ـــِْن مصيبتك الاخيره راح ترجع لسوالفك

ياسر : لتخاف هنودي اني ابو اليسر االف بنيه متهز شعره مني وشعدنا خلينا نتونس طول ماعندك فلوس لازم تونس نفسك
مهند : إٱللـِْﷻـِْﮭﮧ يستر منك ومن سوالفك

هديل : بقيت ايام يفوت ياسر م̷ـــِْن يمي ويسلم مره اجاوبه بضحكه ومره لا خبلته
وطبعاً زينه صارت صديقتي كولش وعفت ذيج صديقتي لان متحب زينه واني مااريد اخسرها لان تجيبلي معلومات عن ياسر واني ابيع اهلي لخاطر مصلحتي لهذا عفت صديقتي ومشيت ويه زينه ويوميه اسمع اخبار ياسر منها

مر ثلاث اشهر على دوامنا واحنا هسه بشهر الواحد والجو بارد ومطر وفد يوم كاعده بالكافتريا واضحك ويه زينه

وياسر وصديقة مهند الي ميفاركه سوه كاعدين وياهم اخو زينه وصديق رابع بالميز الي بصفنا بينا مترين او اكثر

واني اسولف ويه زينه ومااشوف غير محمد فوك راسي جفلت ومعرفت شلون اتصرف

محمد : جان الجو بارد ومطر اتصل خط هديل على اخوها ميكدر يوصلها سيارته عطلانه ولان حسين عنده شغل ونصر محاضرات للطلاب وميكدريعوفهم اتصلو بيه حتى ارجع هدوله

رجعت للبيت بسرعه لبست ملابس نظيفة صح مو راقيه بس ملابس زينه نظيفة ومكويه م̷ـــِْن وصلت للكليه دورت عليها اتصل ومتجاوب اضطريت انزل ادور عليها بالكليه سألت بنات على المرحله الاولى ومن وصلت سألت وحده كالت احتمال هديل بالكافتريا ودلوني عليها رحت بس ردت فعلها معجبتني ارتبكت ومعرفت شتحجي وخاصه م̷ـــِْن سألتها صديقتها هذا منوو

هديل : متت بدمي م̷ـــِْن الخجل م̷ـــِْن شفت محمد بله هذا شلابس م̷ـــِْن گـ❈ٍـْلٍ عقله وفوكاها جايني للكليه وهاي زينه هذا منو ووهذا منوو ومعرفت شجاوب سكتت
محمد : هديل الخط مالتج ميجي اليوم اذا خلصتي اني اوصلج

هديل : أوگيـ Ok ـگ عموو يله باي زينه
زينه : ولج هذا منووو احجي
هديل : بعدين بعدين يله باي
محمد : شبيج اصفريتي وليش مجاوبتي صديقتج وكتيلها اني منوو
هديل : عموو شجابك

محمد : كتلج خطج ميجي والولد ميكدرون يمرون عليج وخابروني
هديل : جان اتصلت واني اجيك
محمد : خاتون شوفي كم مره اتصلت انتبهي على التلفون مالتج

وتعاي كوليلي شصار واذا نزلت شنوو ميعجبج انزل لو تستنكفين مني
احجي شووو ساكته عود م̷ـــِْن يسألوج كوليلهم السايق مال الخلفوج

هديل : صوتك عموو احنا مو بالبيت احنا بكليه ولو انت متعرف شنوو معنى كليه لو تعرف جان منزلت بهذا منظرك

محمد : شبيه منظري بنت ابو حسين اذكري الله قابل انتي بنت منوو لتنسين نفسج هديل هذا الي تعيبين عليه ياما وياما شالج على قلبه ويتمنالج الرضا حتى على حساب نفسه
هديل : اهووووو هم رجعنا لهاي القوانه والله مليت اوف
محمد : العفو دكتوره بعد مااجيج حتى لا احرجج كدام زملائج وراح اسكت واذا سألوج كوليلهم السايق مالتنا يله صعدي بالسياره
وطول الطريق ساكتين احس روحي انهانت وانجرحت بسبب تصرفها مجان لازم تحجي هيج ويايه

وصلنه نزلي لبيتكم ياحضره الدكتوره

هديل : نزلت واني شابه نار اعرف جرحت عموو بس مو بيدي مااريد احد يعرف اهلي ولا وضعهم استنكف منهم مو بيدي

وفعلاً بقى ايام محمد زعلان مني وميجي واني متعلمه گـ❈ٍـْلٍ شويه ادزه احتاج شى لو طفل ميروح بكده اضافه اكو شغلات هو يشتريهم بدون ماادفع فلس بيهم شلون بيه لازم اصالحه مااريده يزعل تنكطع هواي م̷ـــِْن الامدادات

رحت لبيتهم رغم مااحب اروح مااحب ياسمين اموت منها بس شأسوي لازم اصالحه
وصالحته ورجع ينطيني مصروف ويكملي شغلاتي

محمد : صح انجرحت م̷ـــِْن هديل وبقيت اياام قلبي يبجي دم على تصرفها ويايه بس م̷ـــِْن اجتني للبيت كلشي نسيت احس روحي طفل وشاف امه احاول ارضيها بكل الطرق حتى امي معجبها تصرفاتي اعرف بيها تقراني وتعرف بيه متعلق بهديل حتى رادت تخطبلي اكثر م̷ـــِْن مره وارفض تريد بس تبعد هديل عني شلون ابعدها واني احسها مو بس حبٌيـبتي احسها بنتي

هديل : بديت اتقرب م̷ـــِْن ياسر بس بخطوات متردده مااريد يحس كاتله روحي عليه كله بثكل حتى السلام

ياسر : مهند هاي راح تموتني ولك صار شهرين اكثر وحده طولت ويايه كلهن ميعبرن اسبوع اسبوعين وكلشي يخلص
مهند : يجوز ا

لبنيه شريفة ومدور علاقات متشوفها الاولى على مرحلتها هاي جايه بابا تدرس مو تلعب
ياسر : وداعتك كلهم نفس الشى بس اني هم احب الصعب اشتري مشتراه
خلي اخت حمزه تحجي وياها
مهند : منو قصدك زينه

ياسر : اي زينه واذا مقبلت شوفلي شنو مي هاي زينه لازم احطها جوه ايدي حتى استفاد منها بهذا الموضوع
بعد كم يوم
ياسر : هلو زينه شلونج اريد احجي وياج بموضوع
زينه : هلوو ياسر تفضل
ياسر : اريد منج هديل

زينه : شلون يعني تريدها مني وضح
ياسر : م̷ـــِْن الاخير اريد اصادق هديل اقنعيها الي
زينه : شنوو هذا الحجي ياسر اني شعليه ذيج هديل وروح الهه
ياسر : شوفي ست زينه عندج اسبوعين وبس 14 يوم 15 ميصيرون اريد هديل تكون صديقتي واله وربج اندمج
زينه : شنو تهددني اكول لحمزه اخويه عليك
ياسر : عادي كوليله واني اكوله على مصطفى السايق وعلاقتج بيه
زينه : شنوو شمدريك وثاني هذا شى قديم وانتهى
ياسر : حتى لو انتهى صورج عندي ياحلوه شوفي
زينه : عزه الي عزاني
ياسر : متوقعتج تنزلين لهيج مستوى على كلاً كتلج عندج اسبوعين غيرهم ماكو واله صورج تلكيها منشوره بالكليه كلها يله باي

زينه : ياربي دخيلك اكول لااخويه عليه شلون اكوله واذا نفذ تهديده غير اخويه يكتلني خلاص شجابني ورطني وصادقت هديل

بقيت ايام اقنع هديل بياسر وهي ابد قافله
هديل : شخبصتيني بياسر اكلتي راسي م̷ـــِْن الاخير مااصادقه وانتهى
رحت لياسر

فدوه ياسر دخليلك والله قافله شكد حاولت
زينه : وروح ابويه قافله وكمت ابجي
ياسر : اشش كافي هاي هيه روحي واذا احتاجج تجين ركض
زينه ماشي ادلل

ياسر : مهند شكد حاولت ماكوو صدوك قافله
مهند : كتلك عوفها خسرت الرهان ياحلوو
ياسر : عمري مااخسر اكو طريقة بس بيهه مجازفه بس تفيد
مهند : بس لا الي في بالي
ياسر : اي هي اخطبها واسوي الي اريده وافلت

مهند : ولك متجوز مو سويتها قبل ورادت تصير كارثه لو ما امك واسطاتها والبنيه بنت عائله فقيره وسكتوو والله اعلم البنيه شصار بيهه هسه

ياسر : شوف مهند لو اني لو هاي هديل لتخليني اخطفها واسوي الي اريده مو اني الي ارفض واني سألت عنها م̷ـــِْن عائلة فقيره بس هي مسويه نفسها بنت وزير وهي فلس متسوه لهذا ماكو غير حل اخطبها كم يوم وبعدها اعوفها

مهند : ومنوو يكول امك تقبل وخاصه هاي تعرف امك يعني مو مثل ذيج تجيب ام صديق النه تخطبها وتقشمر العالم وتفلت بعدها

ياسر : مالك علاقه اني احلها هاي اعرف شنوو ذبتها واعرف شلون تجي للطريق
مهند : إٱللـِْﷻـِْﮭﮧ يهديك

ياسر : هديل ممكن احجي وياج
هديل : تفضل ياسر
ياسر : هديل اني معجب بيج كولش
هديل : عادي وشتريد
ياسر : اريد اخطبج
هديل : اني اعرف وكعت ياسر بس متوقعته يخطبني بهاي السرعه جمدت ومااعرف شكوول صدوك هذا يصير م̷ـــِْن نصيبي واطلع م̷ـــِْن الفكر الي اني بيه

ياسر : هديل شو سكتي شنوو جوابج
هديل : هاااا افكرر وانطيك جواب
ياسر : انتظرج موتتأخرين عليه
هديل : الله كريم
رجعت للبيت واني ممستوعبه الي صار خلال شهرين انخطب م̷ـــِْن اكثر واحد مرغوب بالكليه وفوكاها فلوس ومستوى زين ياترى يعرف اني بنت منو خاف ميدري بس هو شلون يخطب بدون ميسأل اكيد سأل
مرت يومين واجه ياسر عليه

اني موافقه ياسر بس انت تعرف ظروفي
ياسر : كولشي اعرف اهلج اخوتج وراضي بكولشي وبكل طلباتكم واعيشج ملكه ان شاء الله

هديل : ضحكت واني بقلبي طايره م̷ـــِْن الفرح
ياسر : بس عندي مشكله صغيره
هديل : شنوو
ياسر : امي مموافقه تدرين فرق المستوى لتزعلين هدوله هذا واقع بس لان احبج اي لتصفنين بوجهي حبيتج م̷ـــِْن اول عركه
هديل : هههههههه حلوه هاي م̷ـــِْن اول عركه زين والحل

ياسر : اخطبج بدون حظور امي لحد منتزوج وبعدها اكيد راح تحبج
هديل : صفنت بكلامه حقها امه اني منوو حتى اصير زوجه ابنها بس مستحيل اطير هاي الفرصه مني
عادي بس لازم باقي اهلك يجون عماتك خالاتك
ياسر : احنا ماعدنا اقارب هوايه كلها مسافره راح اجيب والدي وعمي ومهند
هديل : كولش كافي هذا هو

ياسر : احسبي حسابج الجمعه احنا يمكم
هديل : بهاي السهوله
ياسر : وليش نصعبها خلي نتوكل مااكدر اشوف هذا الجمال كدامي واعوفه

هديل : خجلت م̷ـــِْن كلامه ورجعت للبيت حتى محاظرات مكملتها رحت بلغت اهلي بس اخوتي رادوا عنوانه واني مااعرف عنوانه وثاني يوم داومت واخذت عنوانه
وحسين ونصر تكفلوا بالسؤال عنه
حسين: ولج م̷ـــِْن گـ❈ٍـْلٍ عقلج جايبتنا هيج واحد تردين تتزوجيه

هديل : شبيه شوو ابن عائلة ومال ومكانه شريد بعد وفوكاها بعد سنتين يتخرج ويصير طبيب

حسين : هديل سمعته زفت واحد ابو نسوان وممبقي شى يعتب عليه ممسويه نسوان وشرب وحتى قماار
هديل : عادي يتوب وره الزواج
حسين : انتي عاقله تعرفين شكعد احجي
هديل : اني اريده مالكم علاقه اني اتحمل اختياري
حسين: مستحيل اوافق
ابوهديل : شبيكم صوتكم واصل للشارع
حسين : يابه الحك بنتك جايبتلنا واحد ساقط وتريد تتزوجه

هديل : هذا الي تكول عليه ساقط

شهاده احسن م̷ـــِْن شهادتك وعائلته احسن م̷ـــِْن عائلتك هو اصلاً احسن منك لهذا تخبلت

حسين : ولج هاي عليمن وضربتها راشدي
هديل: شوف تضربني تكطعني مااتزوج غير ياسر وربكم اسويلكم كارثه هنا

ابو هديل : ولج شو انتي طولان لسانج متستحين لا تحترمين وجودي ولا اخوج يمكن احنا معرفنا نربيج لتشوفين نفسج صرتي بكليه الطب تره هذا كله مجهود اخوتج وتعبهم وسهر امج لهذا مو انتي صاحبه فضل علينا الي انتي بيه احنا الي وصلناج اله

هديل : االي عندي حجيته وانتهى
حسين : دوام ماكوو انتي مو ادميه
هديل : مو بكيفك
حسين : هسه انشوف بكيف منووو شو تعاااي
هديل : ااااخ عوف شعري كطعته لحكيلي ماما
ام حسين : وٌلًــًّجٌ دومج شالعه قلبي ليش تعاندين اخوتج

هديل : هو هذا الي إٱللـِْﷻـِْﮭﮧ كدرج عليه
ام حسين :هو هذا لسانج الي عام عليج لو حاجيه وياهم بهدوء وبدون نتر مجان وصلتي لهنا وفوكاها راح تضيعين كولشي حلف ابوج واخوج ميرجعوج للكليه لو تموتين

هديل : ماما فدوه ساعديني
ام حسين: شبيدي وانتي تدرين سوالف حسين اذا كال لا بعد لو تنگلب الدنيا عنده ميغيرها وابوج يسمع كلامه
هديل : احرك روحي وابليكم ولكم حسوا بيه ممسويه شى غلط ولد واتقدملي وفوكاها ابن خير وراح يطلعني م̷ـــِْن هاي العيشة الطايح حظها

ام حسين : ايا طايحة الحظ ولج گـ❈ٍـْلٍ هذا الدلال والتعب والسهر وعيشناج احسن عيشه اني وابوج واخوتج تأمرينه ونكولج حاظر في سبيل تكونين احسن وحده حتى اختج ضحيت بيها لخاطرج

هديل : اهوووو والله موتيني گـ❈ٍـْلٍ شويه اختج اختج منو كلج تنطيها اني شعليه انتي صرتي كريمه وانطيتي بنتج لااختج اني شكوو بعد گـ❈ٍـْلٍ ميصير شى وتذبيها براسي

ام حسين : ولج اني لخاطرج جان عمرج سنه واجتي للدنيا خفت عليج لتتأذين وتغارين منها واخاف اقسم اهتمامي بينج وبينها وتتأذين صح هم لخاطر اختي لان متخلف بس انتي جنتي عندي اهم

هديل : فدوه ماما مو وقت هذا الموضوع عوفي هاي الي اسمها مدري شنوو اختي
فدوه شوفيلي حل رحمه لاابوج
ام حسين : ماعندي بس اكول الله يهديج ويسامحنا لان طلعنا عينج

هديل : يوم يوم وين عفتيني ورحتي
اوًًًووًفــօƒƒــف لازم الكالي حل ماابقى هيج مااضيع هاي الفرصه م̷ـــِْن ايدي
مر يومين واني على نفس الحال منعوني م̷ـــِْن الدوام وموبايلي اخذوه واني حابسه روحي بالغرفه ومااكل ولا اشوف احد
بعدين تذكرت اني شلون نسيت ماكوو غيره هو يحلها الي شلون راح م̷ـــِْن بالي لازم احصله واتوسل بيه ادري بيه يحبني وراح يسوي المستحيل حتى يقنع الولد
لازم اتصل بيه.

هديل : حاولت بكل الطرق اتصل بمحمد مكدرت التلفون ممنوع عني
ماما فدوه بس انطيني تلفونج
ام حسين : ماكو اخوتج ميقبلون
هديل : وعيونج مااخابر ياسر اخابر عمو محمد اريد يجيبلي كم شغله

ام حسين : الي تريديه اخوتج يجيبوه مكافي لعبتي روحه للولد خلفج ونساج شلون متحمل خبالاتج ماادري

هديل : اروحلج فدوه بعد مااطلب شى بس اخابره احجي وياه وبعدها كولشي مااطلب وداعتج
ام حسين : هاج بس بسرعه ليجون اخوتج شيخلصني م̷ـــِْن لسانهم
أُلؤْؤٌ📞ؤًِّؤٌٍٓ هلوو عموو
محمد : هدوله هذا تلفون امج بيج شى صار بأمج شى احجي
هديل : عمووو تعال فدوه الحكني محتاجتك
محمد : احجي نشفتي دمي
هديل : ميفيد بالتلفون لازم تجي للبيت وتعاال هسه ماطول الولد ماكوو مااريد احد يعرف اتصلت بيك ابد عموو ڤًــدوه
تعال هسه

محمد : جاي دقايق ويمج
خابرتني ترجف وتبجي واني حيلي راح

كوله ولا هديل الدنيا بجفه وهي بجفه ربي لتشوفني بيها شى موزين عفت الشغل والمحل وطلعت ركض بس اريد اوصل
وصلت للبيتهم طلعت امها

ام حسين : هاخاله حمودي شبيك اسم الله وجهك اصفر
محمد : خاله فدوه طمنيني على هديل
ام حسين: شبيهه المصخمه كولشي مابيها بس المصايب وراها تعاال ادخل اكيد خابرتك علمود شغلتها
محمد : هاا شبيج
هديل : عموو الحكلي

محمد : شمرت نفسها بحضني واني انتهيت وفوكاها تبجي ولج فهميني شبيج مو راح يوكف قلبي احجي

هديل : تعاال اكعود عموو واني احجيلك
محمد : وبدت هديل تحجيلي كولشي اني حسيت فجأة كأن الدنيا اظلمت واذني انسدت ومااسمع بيها واطرافي ثلج اريد ارمش مااكدر صدوك هديل تروح مني وفوكاها هي متمسكه بيه

هديل : عموو احجي جاوبني تكدر تساعدني
عموو عموو
محمد : هااااا
هديل : فدوه عمو ساعدني راح اموت
محمد : لهاي الدرجه تحبي
هديل : مو قضيه حب بس هو الانسان المناسب الي ومستحيل اتخلى عنه لازم تساعدني اني مو بنتك ساعدني

محمد : صفنت عليها مااعرف شأجاوبها
عفتها وطلعت ظليت اليوم كله افكر وامشي بالشارع مااندل دربي

اصفن اكول هاي مالتي م̷ـــِْن حقي اني اني الي ربيت وتعبت وسهرت الليالي واجيب واشتري واداري مستحيل تروح لغيري
وبعدين اتعوذ م̷ـــِْن الشيطان وارجع واكول م̷ـــِْن تصير طبيبه راح تباوع لواحد مثلي خلك نجار وخريج صناعه اذا اني بس نزلت للكليه مالتها رغم كنت مرتب وملابسي نظيفة تخبلت شلون تفكر بيه زواج وهي طم

وحها اكبر مني اصلاً اني مجرد وسيله لهذا الطموح اعرف بيها تستغلني بس لان احبها احس استغلالها مثل العسل على قلبي

ظليت افكر رجعت للبيت لا اكل ولا نوم بس چكاير وكله بجفه والنار الي بقلبي بجفه
بقيت سهران للصبح احس جبال فوك صدري
بس طلع الصبح وشفت الولد راحوا لشغلهم دكيت الباب عليهم لازم احجي وياها

ام حسين : ها يمه شبيك م̷ـــِْن الصبح خباش بيك شى وليش عيونك حمر
محمد : خاله كعديلي هديل بسرعه
ام حسين : تعال ادخل وراح اكعدها
هديل : هاا عمو اكو شى ليش م̷ـــِْن الصبح جاي وشبيك وضعك مو طبيعي

محمد : تعاي اكعدي راح اسألج وجاوبيني
هديل : كعدت اسأل وراح اجاوب
محمد : تحبي لهذا الولد الي متقدملج
هديل : اي احبه
محمد : اوًًًووًفــօƒƒــف ربي احس طلقه ودخلت صدري
زين واذا متزوجتيه
هديل : اموت روحي
محمد : انت صدوك تحجين

هديل : والله عموو ورب الكعبه اذا موافقوا اخوتي اموت نفسي وطبني مرض

محمد : شبسرعه حبيتيه وانتي مصار 3 اشهر م̷ـــِْن عرفتيه هديل انتي تربايه ايدي واعرفج زين انتي متحبيه انتي تحبين فلوسه ومركزه وتحسيه هو الي راح يحقق احلامج
بس تره غلطانه هيج واحد يدمرج يعتبرج حشره يتونس بيها فتره ويشمرها
شهادتج هي الي تحقق احلامج لو نسيتي كلامج

هديل : عموو م̷ـــِْن الاخير لو ياسر لو اموت نفسي وذنبي برگبتكم كافي عوفوني اشوف طريقي متت م̷ـــِْن هاي العيشه ارحموني

ام حسين : ولج حقيره صوتج واصل لراس الشارع شبيها عيشتنا بنت محسن شبيها عيشتنا هاي الي تعيبين عليها سوتج دكتوره

هديل : اسمعوني زين اليوم تشوفولي حل لا والي خلقني وخلقكم تصبحون باجر تلكوني ميته
ام حسين : عساج واخلص منج
محمد : اسم الله كافي هديل اسكتي اني احلها بس لتسوين شى

هديل : اعتمد عليك عمو الولد راح يجي يخطب الجمعه واليوم اربعاء مبقى وقت فدوه لازم الجمعه يستقبلوهم اهلي عموو دخيلك

محمد : ليش قلبي احسه يطلع م̷ـــِْن ضلوعي واني اشوفها تبجي وتعيط وتهدد تموت نفسها اذا مقبلوا اهلها ماعندي غير حل لازم اقنعهم اهم شى صحتها وسلامتها
رحت لحسين حجيت وياه

حسين : ابو الشباب انت صدوك تحجي شلون نوافق عليه هذا ميناسبها اولاً مستواه اعلى م̷ـــِْن مستوانا وراح يبقى طول العمر يعيرها وفوكاها واحد مستهتر ابو نسوان وشرب والبلاوي مالته متنعد شتريد انطي اختي الي تعبنا عليها والي ننتظرها يوم يوم تكمل الكليه مالتها حتى تتخرج ونفتخر بيها دكتوره ونحس تعبنا مضاع نجي نشمرها بالتهلكه

محمد : بس هي تريده واخاف تسوي بروحها شى هاي حياتها وهي تتحملها وكافي الولد راح يتقدم رسمي معناه شاريها اختارها م̷ـــِْن دون گـ❈ٍـْلٍ البنات

حسين : ابو الشباب المفروض انت اكثر واحد ترفض لان انت ربيتها وتخاف عليها اذا مو بكدنا يمكن اكثر اتوقعت توكف بجانبنا مو بجانبها
نصر : السلام عليكم
حسين ومحمد : وعليكم السلام
نصر : شبيكم واكفين بالشارع مطبون جوه بالبيت تسولفون وشبيه وجوهكم متتفسر
حسين : تعال استاذ نصر شوف ابو الشباب شيريد

نصر : خير ابو الشباب عيوني الك
محمد : اريدكم توافقون على زواج هديل
نصر : انت اكيد مو طبيعي صدوك تحجي

محمد : هاي شبيكم گـ❈ٍـْلٍ واحد يكولي صدوك تحجي قابل اشاقه البنيه تحبه ورايدته واخاف تسوي شى بروحهه وانتم ولا همكم
حسين : عندي تموت ولا اشمرها بأيدي لهيج واحد
نصر : اني مموافق ابو الشباب غير نخاف عليها وهذا واحد مكسراته بلاوي

محمد : بقيت اقنع بحسين ونصر حوالي 3 ساعات يله اقتنعوا
حسين : ماشي نوافق بس بشرط لا طبه ولا طلعه خطوبه وبعدها بشهر الزواج
محمد : خوش حل هسه امشوا ندخل للبيت انبلغها وانتم بلغوا ابوكم

طبعاً بحكم ابو حسين رجال جبير ومريض الحل والربط بيد حسين ونصر وخاصه حسين لهذا اي قرار يصدره حسين يمشي على الكل

خاله صيحي هديل
هديل : صاحوني الولد واني متت بدمي خفت ليضربوني لان دخلت عمو محمد بالموضوع طلعت للصاله شفت حسين ونصر ومحمد
حسين : تعاي ست هديل
شوفي احنا موافقين على هذا الي تقدملج بس بشرط عدكم شهر واحد هو خطوبه وهو زواج
هديل : شلون شهر وين يكفي وفوكاها عندي امتحانات

حسين : هذا الي عندي وطبه وطلعه ماكو
هديل : سمعت شرطهم تخبلت اكيد مراح يوافق ياسر لان هو كال الخطوبه نطولها شويه حتى اخلي امي توافق على زواجنا

عفتهم وطلعت وبقيت افكر لازم اكو حل
الحل الوحيد الي وصلت اله هو خلي يخطبني هسه وبعدين اني أخر الزواج المهم اصير خطيبة ياسر

اجه يوم الجمعه واني على نار اخاف يصير نقاش ويخرب كولشي يـِْ♡̨ـِْا رَبّ عدي هذا اليوم على خير

اجه ياسر وابوه وعمه وصديقة وصار كلام اريد اسمع ماكوو
ام حسين : ولج يامعزايه ابتعدي عن الباب ليطلع واحد م̷ـــِْن اخوتج ويرزلج
هديل : اوكفي يوم اريد اسمع
حسين : والله يادكتور هذا الي عدنا شرطنا الوحيد خلال شهر يتم كولشي

ابوياسر : اني ماعندي مانع بس عدنا ظرف ياسر لازم يسافر لمده شهرين علمود امه عدها عمليه مال قلب متشوف مااجت

ويانه وانت ماترضى تتأجل عمليه امه ويتزوج
حسين : لعد تتأجل الخطوبه لحد رجوعه م̷ـــِْن السفر

ابو ياسر : ياابني هي مجرد حلقات يحطها بأيد بتكم وبعدها بأسبوع يسافر
حسين : زين هو مو عنده كليه
ابوياسر : معارف امه هوايه اخذ اجازه لخاطر امه

انتم الي تأمرون اني حاظر اسبوع الجاي الخطوبه واول ميرجع م̷ـــِْن السفر الزواج وهو اصلاً بعيد عنها ۆيـِن يشوفها بعد
محمد : حسين توكل على الله وخلي نقرأ الفاتحه
حسين : هااا يابه شتكول وانت نصر
كولهم كالوا بكيفك
ياسر : نقرأ الفاتحه
حسين : على بركه إٱللـِْﷻـِْﮭﮧ
هديل : م̷ـــِْن قرأت الفاتحه طرت لو بيدي اني اهلهل وامي مقصرت هي وخالتي گلبوا الدنيا وباركولي واخيراً راح اصير زوجة الدكتور ياسر ابن الحسب والنسب

ابوياسر : امشي اصعد بالسياره يله
الي عليه سويته اااياك بعد تسوي الي سويتهً وتهدد

ياسر : لا بابا كفيت وفيت تكدر تروح انتهى شغلك روح للصبايا مالاتكً

مهند : فهمني شلون ابوك اجه وشلون كدر يقنعهم وشنو سالفه سفر امك

ياسر : تعال افهمك يافهيم شوف قبل مده لزمت ابويه مصادق بنيه بكدي وعندي ادله عليه محجيت شى كلت لازم راح احتاجه
ومن ردت اخطب هديل هددته اكشف سالفه علاقته لاامي وهو قبل يجي ويايه وسالفه امي كذب لان خابرتني هديل الصبح وكالت على شرط اهلها وردت ابطل لااخر لحظه بس هي الشيطانه جانت خطتها حتى ننخطب وحبيت ذكائها وفهمت ابويه والباقي شفته گبالك

مهند : والله ينخاف منك وهاي الغبيه شلون تنطيك هيج خطه ضد اهلها

ياسر : شوف مهند بعد الي سوته هديل وانطت بأهلها تستاهل بلي راح اسوي بيها
يله امشي نروح نحتفل

هديل : بعد اسبوع اجه اهم يوم بعمري خطوبتي واخيراً راح تتحقق احلامي كعدت الصبح ادك واركص وامي فرحانه لفرحي اجتي خالتي وياها بتها قصدي المفروض اختي اوًًًووًفــօƒƒــف ولا اعتبرها اخت حقنه شايله خشمها على شنوو ماادري لو مااني احلى منها وشهادتي احسن منها سلمت م̷ـــِْن وره خشمها واني هم ميعجبني اسلم بس شأسوي امي اكلت راسي اختج واختج وماعندج غيرها

رحت للصالون وامي واختي اجوي كتلت روحها امي اله تجي للصالون
ورحنا وكملت كولشي طلعت اخبل

لبست فستان ذهبي طويل مفتوح الصدر والظهر مشبك جداً راقي وتسريحه نازكه
ومكياج هادئ واني حلوه طلعت اخبل

وهاي تقى اختي كلشي مقبلت تسوي وجهه البومه
وتالي خابرني حسين السياره عاطله يبوو على حظي ماكو غيره محمد عموو محمد يجيني
اتصلت عليه

نصر : اني واكف بصف محمد واشوف عيونه بيها نظره عجيبه اني عمري مشايف محمد هيج يباوع لهديل صح هو رباها بس هاي النظره مشفتها بعينه اصفن عليه ارجع اكذب نفسي واكول لا هو رباها وبحكم بنته وبعدين اصفن ياارعن يابنته هي كلها 13 سنه بيناتهم وهواي اكو ناس متزوجين وبينهم اكثر م̷ـــِْن هذا الرقم وره شويه اكول احتمال غلطان بس اني مو صغير حتى مااميز نظره الرجال اذاًجانت بريئه او موزينه ونظره محمد نظره شاب يحب وعيونه كلها الم وقهر ومضيع عمر

صرت بحيره منا غيرتي على اختي ومااتحمل فّگًــره محمد يباوع عليها بغير نظرته القديمه ومنا اني احب ابو الشباب هوحتى اعز عندي م̷ـــِْن اخويه حسين
يباوع عليها م̷ـــِْن طلعت م̷ـــِْن البيت حتى تروح للصالون ظلت عيونه تراقبها لحد مختفت السياره وهو رمش ميرمش بس يباوع عليها بقهر

كلت خلي اروح للبيت آحـــًًًًِـسن ماابقى وخاف اغلط بتصرف واتندم
م̷ـــِْن رخصت ابو الشباب رايح
محمد : إٱللـِْﷻـِْﮭﮧ وياك
محمد : بقيت اباوع على حب عمري وبنتي وهي تروح لغيري واشوف الفرحه بعيونها وهذا الي ذابحني اكيد تحبه واله مجان عاندت الكل وانخطبت اله واليوم النيشان مالتها واني واكف بالركن انتظرها تجي ومرت ساعه واثنين واكثر من 4 ساعات وهي ماكو وبقيت واكف كلت اليوم ماادخل اله اشوفها
وشويه ودك التلفون حبيبة ابوها شلته وممصدك هي كاعد ادك عليه
أُلؤْؤٌ📞ؤًِّؤٌٍٓ
هديل : أُلؤْؤٌ📞ؤًِّؤٌٍٓ عمووو فدوه تعالي للصالون
محمد : ليش ماكو احد وياج
هديل :لا على اساس حسين يجيني وهسه خابر سيارته عطلانه وكلي اخابرك حتى تجي تاخذني
محمد : صفنت م̷ـــِْن خرب حظك محمد دومك حظك اسود م̷ـــِْن يوم الي انولدت هيج عندي قلب اخذها م̷ـــِْن الصالون واجيبها لخطيبها وبأيدي اسلمها ولو ليش انقهر مو اني الي قنعت اخوتها حتى يوافقون )

هديل : الو الو عموو وينك تسمعني
محمد : جايج حبيبتي
هديل : أوگيـ Ok ـگ انتظرك راح ادزلك اسمه وعنوانه برساله باي

محمد : حيل ماظل بيه اني جنت انتظرها بالركن حتى املي عيوني منها بس مو اجيبها م̷ـــِْن الصالون وانطيها لعريسها مااعرف شلون سقت وصلت الها بين لهفتي لشوفتها وبين خوفي م̷ـــِْن خسارتها وطلعت وهي مغطايه مااشوف منها شى وكل حركه منها احسها تمشي وادوس بقلبي مو على الكاع

هديل : همزين عموو متأخرت فدوه لقلبك دومك ناقذني

محمد : وانتي دومج مدمرتني احجي بداخلي
اسوق وامنيتي اشوف وجهه زين ومااكدر اجرأ اطلب منها توخر الكبوس الي

على راسها طول الطريق وعيوني منزلت عنها مردت الطريق يخلص وصلنا ومن كاعد تنزل مكدرت لان لابسه كعب وتخاف توكع نزلت اسندلها ولزمت ايدي اوف م̷ـــِْن انكصت ايدي الي سلمتج لغيري
هديل : شكرا عموو مقصرت

محمد : اشكبره ذنبي
والله عاقبني وعشكتك...

ادري قسمتك مو الي
بس والله احسك مالتي
اخ العشك لو بي عـدل
مــاجان شيب حــالتي💔

لو تعرفون شنوو شعوري م̷ـــِْن اسمع الهلاهل والموسيقى واتخيل منظرها وهي تضحك بوجهه لو لامس ايديها ويلبسها الحلقات لحظة الوم روحي شلون سلمتها بأيدي لغيري ولحظة اكوول هي اختارت ليش اوكف بطريقها يمكن هاي اللحظات اصعب لحظات حياتي مااعرف ابجي مااعرف اعيط اريدها احبها هاي بنتي حبيبتي ظليت مثل الخبل اروح وارجع بالفرع وكل هلهوله تزرف قلبي

هديل : صارت الحفله كولش حلوه رغم ماكو معازيم هوايه لان معزمت صديقاتي ميندلون بيتنا بس اتفقت ويه ياسر ثاني يوم م̷ـــِْن انداوم ناخذ علب جوگليت ونفتر على الطلاب ونعلن خطوبتنا

جانت فرحتي متنوصف واني اشوف احلامي تتحقق ويمي شاب تتمنى گـ❈ٍـْلٍ بنيه مال وعائله وعندي اهم شى المال جايبلي تخم مال ذهب روعه الكل تخبلو عليه وامي تمشي وتصلي على محمد حتى اني كمت اقرأ المعوذات وخاصه من عيون تقى اوًًًووًفــօƒƒــف شكد ثقيله على القلب
خلصت الحفله على خير رغم محد اجه م̷ـــِْن اهل ياسر بحجه امه مريضه بس هو دخل وصديقه مهند بقى بره يم الولد
كولشي مشه مثل مخططت وانتهت الحفله بخير

مهند : هاا ولك كملت الحفله
ياسر : اي واخيراً لعبت نفسي شنوو م̷ـــِْن مستوى تعبان

مهند : همه ناس فقره وعلى كد حالهم بس تدري م̷ـــِْن جنت يم اخوتها والله خوش ولد فد مؤدبين والله انقهرت عليهم ليش متعوف هديل بحال سبيلها تره والله اخوتها ميستاهلون

ياسر : اسكت مهند لتدخل الي اريده اسوي لو مو اخوتها ماطول خشت عقلي انتهى
هديل : مرت يومين وبعدها داومت وصارت ضجه بالكليه على خبر خطوبتنا واني فرحانه طايره وخاصه اشوف الغيره والحسد بعيون گـ❈ٍـْلٍ بنات الكليه واخيراً كدرت احقق ولو جزء بسيط م̷ـــِْن احلامي وراها بساعتين جان يجيني استدعاء الى قسم الجراحه هذا قسم الي مديرته ام ياسر اني مااخاف منها بس اخاف تخرب خططي لازم اكسبها
ورحت للقسم واول مدخلت شفت دكتوره رجاء والدة ياسر عيونها دم م̷ـــِْن الاعصاب احسها تريد تكطعني دخلت كعدت جان تكووم تعيط
يتبع
المستقبل:
عض اصبعك لو تكطعه
جمل الامك الم
هم شفت فد يوم دمعه
مسحت اثار الندم
تهنة بهمومك عوافي
ما الي بهمك سهم
تمشي فوك الجمر حافي
وتنسة بجدامك لحم
وحتى لو عضيت اصبعك
ولو بجيت بدمع دم
اشتظن من ايسيل دمعك
يحرك احساس الصنم
اشتنتظر والوكت فاتك
تريده يعزفلك نغم
هم شفت مرة بحياتك
ذيب يرحم بالغنم
بعد انت انكسر ضلعك
وسيفك الحاد انثلم
ابجي للمالانهاية
وارفع احزانك علم
هوه شط ونشف مايه
بعدشيفيد البلم..

هديل : ياربي ساعدني مستحيل لازم اسويلي حل وبأسرع وقت مااخسر بعد گـ❈ٍـْلٍ هذا
أُلؤْؤٌ📞ؤًِّؤٌٍٓ وينك تعال بسرعه موضوع ظروري
اذا مو مستعجل خلي غير يوم عندي شغل

دااكولك ضروري انتظرك مو تتأخر

يتبع ...

#يسعد_اوقاتكم_بكل_خير
#توقعات_الابراج_ليوم_الخميس

#الحمل
مهنياً:يوم جيد تتسارع الاحداث وتكون راضيا عن تطور الظروف وستلعب دورا في تنشيط المساعي وتحسين امورك
عاطفياً: قد تصاب بخيبة أمل بسبب صدمة عاطفية فجائية، فكن مستعداً لمرحلة مقبلة تحمل الكثير من المفاجآت.
صحياً: مزاجك السيّىء سببه الارهاق، فحاول أن تجد فسحة للراحة والاستجمام.

#الثور
مهنياً: تتعدّد المناسبات التي تعرّفك ببعض الأشخاص المميزين، وتمارس نفوذك وتلفت الآخرين بشخصيتك البراقة.
عاطفياً: لا تكوّن انطباعات خاطئة عنك أمام الشريك ولا تكن فضوليا فتقع بمشاكل أنت بغنى عنها.
صحياً: لا تتهرّب من المشاركة كلما عرض عليك القيام بنشاط رياضي وخصوصاً في هذا اليوم.

#الجوزاء
مهنياً: يقدم لك هذا اليوم فرصا مناسبة وارباح ارتياح تفاهم تعاطف عزيمة قوية ورغبة في توسيع مشاريعك الحظ يفتح لك ابوابه ويحملك الى شط الامان
عاطفياً: المشاعرالسلبيّة تتراكم لتثور فجأة وتعاني العلاقات المتأرجحة الأمرّين، وقد تزول نهائيّاً.
صحياً: تستعد بحماسة للانتقال في فصل الصيف إلى أحد المجمعات السياحية وتمضية معظم وقتك في ممارسة الرياضة.

#السرطان
مهنياً: تغمرك اليوم أجواء من الهناء والسعادة، وقد تبدأ جديداً على الصعيد المهني يكون عبارة عن منتوج جديد غير متوافر بكثرة في الأسواق.
عاطفياً: تشعر اليوم بالرضى عن الشريك وتفرح بالإنجازات التي حققتماها معاً في وقتها وبكفاءة.
صحياً: لا تبالِ كثيراً بالمطبّات التي تعترضك ولا تدعها تؤثر في وضعك الصحي وتكون ضحيتها.

#الاسد
مهنياً: تنعم بأجواء ساحرة ويكون مزاجك رائعاً، فتنهي اليوم وأنت في أحسن حالاتك النفسية، وتعود إلى محيطك العائلي منشرح الصدر مطمئن البال.
عاطفياً: حاذر خلافات مع افراد العائلة وابتعد عن الانتقاد وتوجيه الملامة والانفعالات، قد تعيش وضعاً عاطفياً معقداً.
صحياً: حاذر بعض الوصوليين المستفيدين من أوضاعك والذين يبتزّونك ولا تتذمّر.

#العذراء
مهنياً: سيكون الحظ الى جانبك والظروف تشجع على الحركة وعلى ادخال بعض التغييرات التي تعدك بانفراجات مالية ومعنوية
عاطفياً: يجب تقديم التنازلات والتضحيات كي تعود الأمور إلى طبيعتها بينك وبين الشريك والانطلاق بصفحة جديدة من التفاهم.
صحياً: قد تصاب بآلام موجعة في ظهرك وكتفيك وعنقك نتيجة الإرهاق، فما عليك إلا ببعض جلسات التدليك الطبية.

#الميزان
مهنياً: انتقال القمر الى برجك يتيح أمامك المزيد من الفرص للحلول أو الاجتماع ببعض الأفرقاء والأصدقاء والجماعات والتخطيط للمستقبل المهني الناجح.
عاطفياً: تنجح علاقاتك العاطفية وتزداد نسبة المشاعر المتأججة، وتمضي مع الشريك أجمل أيام حياتك.
صحياً: تشعر هذا اليوم كأنك تطير بخفة، بعدما بدأت ممارسة الرياضة تعطي مفعولها.

#العقرب
مهنياً: تعيش انقلابا واضحا وملموسا على مختلف الأصعدة يحمل لك نوعية وقت مهمة مهمة ويفتح أمامك أبواب المصالحة لتصحيح الأخطاء والخطوات
عاطفياً: بينك وبين الشريك قواسم مشتركة كثيرة، وهذا ما يجعل علاقتكما في أفضل حالاتها ويحسدكم الآخرون عليها.
صحياً: تحاش الجلوس ساعات طويلة تحت أشعة الشمس، واستعمل مستحضرات الحماية.

#القوس
مهنياً: يوم مهم جدا نشيط فعال ومنتج لبحث مسائل مهنية شخصية ومالية مصالحة محبة مساعدات حركة نشاط
عاطفياً: تسوي الأمور وتنجح وتقع في الغرام وتصارح الشريك بنياتك ولا تكون متملقاً معه.
صحياً: تستعيد قوتك ومركزك في الساحة وتثبت وجودك وتتخطّى معظم الحواجز والقيود.

#الجدي
مهنياً: لا تدع الآخرين يزعزعون ثقتك بنفسك، وكن حازماً في قراراتك اليوم، ولا تتردد في التعبير عن أفكارك مهما تكن جريئة.
عاطفياً: بادر إلى وضع حد لكل ما من شأنه أن يسيء إلى العلاقة بالشريك، بعضهم يحاول تشويه صورتك أمامه.
صحياً: طفرة جلدية مفاجئة قد يكون سببها الإكثار من المأكولات الحامية أو البهارات.

#الدلو
مهنياً: حان الوقت لتقبل موضوعات جديدة واعتماد أسلوب مَرِن وإيجابي تجاه الجميع، يُكافئك الحظ بتعاطف كبير ولن يخذل آمالك.
عاطفياً: التحرر من الخضوع يلزمك تقديم تنازلات للشريك ولا سيما أن الوضع قد تكون له تبعات سلبية عليكما.
صحياً: تمهل في الحكم على الآخرين بانفعال وعصبية، بل هدئ أعصابك واضبطها قدر الإمكان.

#الحوت
مهنياً: انت على موعد مع فرص مالية مفاجئة، وقد يشير هذا اليوم الى افتتاح مشروع كبير.
عاطفياً: اذا كنت على علاقة بأحد مواليد العقرب، الجدي أو الحوت، فقد يكتمل الحظ هذا اليوم.
صحياً: لا تلجأ كثيراً إلى المهدئات أو المنومات، واستعض عنها بالرياضة أو القيام بأي نشاط ترفيهي يخفف عنك.

#فقرة_شعر
عوف #معاتبك ياصاح

لاتعتب بعد... #عالراح

مرات #المطر لو زاد

يكسر واهس #الفلاح

#