سلامة ياروح اختك
بست راسها وطلعت صارت بوجهي اشواق
هلو طه
حجي طه : هلو شوقه شونج
اشواق : الْحٍمَدٍ للـّہ شفت مرتك شسوت اليوم
حجي طه : انتي هم مقصرتي
اشواق : هاا يعني اني موزينه ومرتك الزينه
حجي طه : كافي لغوه وروحي نامي مو وكت هاي السوالف
اشواق : اي عيني اكيد ادافع عليها
حجي طه : اشواق شنو يحكج جسمج قبل شويه سحلت ذيج تحبين اسحلج مثلها
عافتني وطبت لغرفتها تركض
نهر هنا عمرها ١٨ سنه كملت اعداديه وانعام بطلتها مخلتها تدخل كليه بحجه منو يساعدني وتعبانه بطلت واستلمت البيت واشواق بعمر سندس ١٦ سنه

رجعت للبيت سبحت ونمت حتى مااكلت
وثاني يوم بقيت بلبيت معجبني اروح لأي مكان بس العصر اجوي ناس تعزي خلصت الفاتحه بس الناس منكطعت رجلها من البيت
خلصت اليوم خطار ومجاملات لحد مرجعت هلكان ومن الفجر طلعت ذيج المره ودعت ابويه هلمره منو اودع بس خطيه جعفر لكيته واكف هو ونهر بلباب ساعه ٥ الصبح وبيدها دولكه مي بستهم ودعتهم وذبتها ورايه واسمعها تدعيلي من كل گلبها المفروض مرتي هيج تسوي بس الْحٍمَدٍ للـّہ كولشي قسمه حتى الفرح والراحه قسمة واني ممقسوم اشوفهن

مشيت لراس الشارع ركبت فورتات ولكراج العلاوي اباوع هواي جنود مثلي ملتحقين منو راح يستشهد منهم ومنو يرجع لأهله واني رجعت هلمره امشي بطولي المره الثانيه شون ارجع ملفوف بعلم لو اصلاً ميلكولي جثه
كعدت منتظر السياره تقبط وتمشي بينا للموت اسبح بسبحة ابويه واستغفر
مشينا ساعات وصلنا للمقر
التحقت حالي حال الالاف الجنود مندري شنو مصيرنا
كاعد وصافن على الفراغ الكدامي صحراء على مد البصر وصوت الهاونات البعيد الي صارت عادي عدنا اصلاً متاخذ عيونا النوم اله نسمع صوت الهبد والركع والقاذفات
اجوي جماعه من غير فرقه انقلو علينا تعرفت عليهم خوش ولد نزار ومحسن وسلمان عدنا نزار يضحك للهوا وصوته يخبل دوم يغني بليل صوته ريفي حنين من اهل الناصريه كاعد واشرب جاي وبنص العاشر صارلي ١٥ يوم هنا كولشي مااعرف لا عن اهلي ولا عن مرتي
محسن : شوكت الله يخلصنا والله طكت روحي اذا اطل واحط طلقه براس الضابط احد يلومني
حجي طه : شبيك محسن صاير نار اكعد يمعود
سلمان : ولك على اساس عرسه اسبوع الجاي والامر مقبل ينزله وهو تخبل عدنا انذار
حجي طه : هو اصلاً العراق كله انذار هذا شبيه الضابط
نزار : تلكه مرته طارته لان مينزل واجه يذب حركته بينا
محسن : ولكم اذا متزوجت هذا الاسبوع ابوها الحقير يخرب كولشي
حجي طه : هي غير مرتك شيخرب
محسن : ابوها عمي اخو ابويه واخذ كلمه من عدنا نهايه هذا الشهر اذا مصار الزواج كل واحد يشوف دربه
سلمان : والله احسن الك شلك بلزواج هاك كدامك متزوجين جنا دبابه ضاربها هاون ومعطبه واحدنا اذا تاخذ راشدي منه يكولك رحمه الله والديك الثاني اقوى
النسوان مثل البك مال الاهوار من يوكفن على الواحد ميكعدن راحه اله تمص دمه وتخلي مثل المخبل يحك

نزار : احجي على نفسك اني اسد
سلمان : امشي لك لتخليني اقسملك هو انت اذا انضرب هاون قريب تطلع من الحمام حزام البنطرون متشده وتتعثر بلكاع
نزار : اهو هي مره صارت وجلبت بيها
محسن : ولكم عوفو الحزامات والهاونات اريد اتزوج زوجوني لا احرك روحي
حجي طه : ههههههه خلي اروح احجي ويه الضابط
نزار : هاك راح يحلها السيد طه دخيل جدك
حجي طه : تستهزأ مو هسه تشوف
نزار : اذا قبل ابقى اغنيلك للصبح
محسن : واني اشد وصله واصيرلك فيفي عبده بس اقنعه رحمه لأبوك
حجي طه : كولشي مااريد منكم بس جفوني شركم ولتتعاركون
كمت رحت للضابط اخذتله تحيه هو يعرفني من شغله عمر
استريح
حجي طه : سيدي جايك بخدمه وعلى الله وعليك
كول طه
حجي طه : سيدي جندي اول محسن عريس ويريد يتزوج اقبل بنزوله
اني مو كتله بعد اسبوعين تنزل
حجي طه : فهمته الوضع ضل صافن
سيدي ذيج المره من صارت الاشتباكات جان اكو جندي ويانا امنيته يشوف ابنه محروم سنين منه والامر مالته مأخر نزوله لو قابل جان يمكن هو عايش وشايف ابنه يعني حرمه من الحياه ومن ابنه ترضاها تتحمل خطيته احنا ورانا تنقلات ومنعرف حالنا خلال هاي المده واخاف يصير عليه شى وتتندم طول عمرك واني مستعد ابقى مكانه ماانزل شهرين او ٣ الي تريده بس نزله خلي يتزوج تكسب اجر بيه وهي اجازته يعني ممخالف القانون
خوش محامي عنده
حجي طه : والله مو محامي بس اتذكرت الشهيد واجيت ابلغك
صفن دقايق اخذ اسمه وانطه ورقه بنزوله تشكرت منه جانت شبه معجزه وافق يمكن هذا الولد اله خبزه بلدنيا
ويتزوج
رجعت اتمشى اجه يركض
محسن : بشر حمامه غراب
حجي طه : السيد طه ميحط ايده بشى اله يصير
جان يشيلني ويبوسني
واني اضحك على سوالفه

واجه نزار يغني
ويردح كافي اسكت يمعود مااريد اسمع اغاني تدري بيه حزين على والدي
محسن : الله يرحمه مشكور والله انت اخ والنعم منك
حجي طه : تدلل وشايف كل الخير
راحو الولد كعدو مسافه عني ويدندن بيهم نزار واني صافن اجت اذني يمه صوته حنين غصب عنك تسمعه والليل طويل وين تروح
واسمعه ي

غني ياحريمه

ياحريمه انباكت الجلمات من فوك الشفايف
ياحريمه ياحريمه
ياحريمه اسنِينَكّ العشرين مامرها العِشَك والعشك خايف
ياحريمه ياحريمه
لا ولك - - لا لا على بَختَك مانّي سالوفه صَرت بين الطوايف
ياحريمه ياحريمه
يازلف بتغاوي ويه الليل بطراف الكِصِيبه
هاك رُوحي الّما غُفت والطيف مامره حَبيبه
هاك جَرحي الّما تعَطَب وانتَ عطابه ولهيبه
هاك عُمري الظاك حَنضَل وانت بَرحي
ياحريمه ياحريمه

ادندن ويااه من ضيم قلبي تعبت وكل عمري ٢٤ من اوصل للخمسين يمكن ميت
مرت الايام واسبوع جر اسبوع صارلي ٣ اشهر هنا المن انزل انطب معركه نطلع من الثانيه لعبت روحنا الي مات والي تصوب شفت ايام سوده بس الموت مبين معاجبه اني مكعد يتقرب مني نزلت تعبت اشتاقيت لأهلي

طبيت للبيت واباوع عليه مهجور هاي اكيد سندس موصلت لهنا سبحت على السريع وطلعت على بيتنا دكيت الباب طلعت نهر بس شافتني عاطت وحضنتني وتبجي
ولج شبيج
نهر : عبالي صار بيك شى وجعفر مثل المخبل يدور عليك من فرقه لفرقه كل شويه داز جماعه يسألون عليك
حجي طه : لتخافون عايش مميت
نهر : اسم الله عليك يابعد روحي شونك صحتك شونها
حجي طه : بخير بستها من راسها لكيت انعام كاعده بلكاع بلمطبخ والجو بارد شهر الواحد ١٩٨٣ كعد تنظف خضره دنجت عليها بست راسها شونج يمه
انعام : هلا بيك الحمدلله على سلامتك
حجي طه : الله يسلمج كعدت على الكرسي واجتي اشواق هم سلمت وسلام بس علي وجعفر بلمطعم بلشغل
انعام : شونها صحتك
حجي طه : يم الله
انعام : ليش تأخرت منزلت
حجي طه : حتى ترتاحون مني
انعام : واحنا شكو غير عندك بيت ومره
حجي طه : هي وينها المره
انعام : غير انت سيبتها بيت اهلها ومرتك صغيره وكحه يرادلها كرصه كعدها بيتك واكرصها
حجي طه : الله كريم اليوم اجيبها
كعدت وياهم حيل مشتاق الهم جان الوضع طبيعي مصار اي شى كملت الغدا ورحت لبيت سندس دكيت الباب طلعلي اخوها الصغير سلم
اجتي تمشي من بعيد بطنها طالعه كبرانه ابتسمت من شفتها حضنتها وهي هم حسيت باشتياق الها رغم مشفت يوم عدل وياها
يله امشي نروح للبيت جانت هادئه كولش يمكن هاي ٣ اشهر اجت من صالحي
رجعنا للبيت ونظفته وساعدتها لان حيل وصخ ورتبنا كولشي
بقيت تقريباً ٤ ايام بلبيت يمها جانت هادئه هدوء عجيب ومطيعه بشكل تمنيت تبقى هيج والله اعيشها بخير بس ابو طبع ميغير طبعه غير الجفن
خامس يوم اجتي كعدت بصفي
اكولك حبيبي طه
حجي طه : كولي محتاجه شى
سندس : مو محتاجه بس انت متشوف وضعنا
حجي طه : شبيه
سندس : بس مو تعيط مثل ذيج المره اسمعني للاخير وافهمني
حجي طه : الله يستر احجي
سندس : هسه شبيك بعدني محاجيه ضجت
حجي طه : احجي وفضيني
سندس : متشوف اخوتك شون يلعبون بلفلوس لعب شفت علي اشترى سياره سوبر ٨٢ منيله هاي الفلوس كلها
حجي طه : ليش اشتره سياره
سندس : هاي شنو مشفتها بلباب
حجي طه : اي شفتها بس معبالي مالته
سندس : لا عيني مالته ولازم مطعم ابوك ومحلات باب الشيخ عدا ايجارات البيتين
حجي طه : انتي منين تعرفين هاي الشغلات
سندس : ماكو شى ينضم بله همه يلعبون بلفلوس لعب واحنا هذا حالنا هسه البيت وافتهمنا لأمك باقي الورث
حجي طه : تردين اداعي بورثي وابويه سنه مكمل
سندس : عمي لداعي اقلها شارك بلخير اطلع اشتغل مثل قبل بلمطعم انت هسه من اصحاب المال مو عامل عند ابوك مثل قبل يعني يصير خواتك مترسات ذهب واني حصره عليه
حجي طه : ليش مو اشتريتلج نيشان
سندس : قحط كم قطعه روح شوف اشواق ونهر يحيرن شيشترن من الذهب عدا امك الله اعلم شعدها
حجي طه : انتي ليش هلكد مركزه وياهن

اني الف مره كتلج مالج دخل بيهم عيشتهم غير عيشتنا
سندس : هسه لتعيط كعد نتفاهم عوف الورث وعوف الذهب مااريد بس اقلها مصرف شون حالنا راتب الجيش هم راتب ربع الشهر ميكفي والفلوس الجنت ضامهن والي انطاكياهن ابوك هم خلصن واني كلها كم شهر واجيب متكولي شون نعيش ناكل حصو واهلك عايشين بلعز حتى الله ميرضاها روح للمطعم اشتغل امن مستقبلنا ابوك والله يرحمه منو يساعدك اذا وكعت غير جيبك

حجي طه : صفنت على كلامها هم بيه نوع من الصح اني وضعي بدا يدهور والعيشه صعبه والفلوس العندي شبه خلصت خلي ارجع للمطعم من باجر اقلها هلسبوعين الكاعد بيهم الم كم فلس يفيدوني مصرف الي والها قبل ما التحق
سندس : ها ياعيني شو سكتت
حجي طه : يجوز ارجع باجر للشغل
سندس : اي واخيراً وباسته من خده من فدوه لرجلي
حجي طه : اوف منج
ثاني يوم كعدت من الصبح انتظر الولد تفاجأ علي بوكفتي
علي : ها صباح الخير شو هنا
حجي طه : منتظركم حتى اروح وياكم للشغل
علي : ليش
حجي طه : شنو ليش غير مطعم ابويه واشتغل بيه طلع جعفر وحضني جان كل ميشوفني لو يبوسني لو يحضني كيف لان راح اطلع وياهم عكس علي انگلب وجهه استغربت منه صعدنا بلسياره كتله
بلخير على السياره
علي : الخير الي يصيبك
رجعنا للشغل جانت تصرفات علي مزعجه يعيط على العمال ويغلط ويكفخ واذا واحد وكع ماعون القيامه قامت مرت ٣ ايام اروح

ماطول الدنيا مطيحه حظي مااموت

طلعت ثاني يوم للجبهه وعفت فلوس على الميز لسندس كل فلوسي بقيت بس مال كراوي حتى مشفت وجهه بعد
احس الجبهه صارت احن عليه من اهلي حتى لو ريحه الموت بكل مكان الجو ثلج نهايه شهر الثاني ١٩٨٣ وداير مداير الجوله كاعدين اني ومحسن والحصره تاكلنه على نزار الي استشهد وسلمان المفقود كمت احس روحي نحس وشؤوم حتى على اصدقائي ياهو القربه مني يصير بيه شى
كمت ماانزل كل جماعتي تنزل واني باقي تكول اشتري الموت شرايه صرت ضعيف مكسور مهزوز كل مااتذكر نظره مرتي اليه بأستصغار لو نظره علي وانعام الحاقده اكره روحي شسويت اني حتى كل هذا يصير بيه

اشتاقيت لنهر وضحكتها ولجعفر وسوالفه حتى اشواق وسلام رغم ميتقربون مني بس احبهم

نهايه شهر الرابع الضابط گلي انزل ارتاح حسيت نفسي وصحتي تعبت وعندي راتب مال ٣ اشهر بجيبي مصرفت منهم وين اصرف واحنا بنص الموت گلت انزل انطيها لسندس وارجع التحق
نزلت بس مو مثل كل مره اقدم رجل واخر الثانيه عبالك ولا اريد اروح وصلت للبيت حتى بيتي احسه غريب بس جذبني صوت هذا منين طالع فتحت الباب عياط طفل
دكيت باب الهول فتحه اخو سندس حضني وگلي هلو عمو الحمدلله على سلامتك بسته بس عيوني ادور صوت الطفل هذا منين اجتي عيوني واشوف ام سندس متربعه بلكاع والطشت يمها وتسبح بأبن نفاس بس مااعرف ولد لو بنيه

اندارت عليها وصاحت هله يمه هله بجيتك والله واجت وجابت الخير وياها وجابت ابوها من الجبهه بلخير يمه ماجاك وكعت من ايدي الجنطه واشوف ام سندس تلفهه بخاولي ابيض وتكوم وتحطها بحضني لحمه حمره والخدود دم
هاك يمه بنيتك
فتحت عيني وممصدك صرت اب حطيت وجهي وشميتها من رگبتها بنفس قوي لو بيدي احطها بنص صدري واحضنها حيل بس اخاف عليها حيل صغيره بجت دمعت عيوني واني اشوفها
هاي بنتي
ام سندس : اي وليدي مرتك ولدت قبل ٣ ايام واجت بت ومنعرفلك طريق وماسميناها اله تجي وتسميها
شسميها
سليل اسمج سليل
شرفت اول غزلان الحجي طة

يخلي رگبتي جوه رجلها ويدري كولش زين هي متحبلي الخير
انعام : شوف طه اني تربيه وربيتك وزين مني وتحملت كل هاي السنين وابوك ومات وانت مالك اي شى يمي والمطعم والمحلات متوصل الهن واذا وصلت اشتكي عليك
سندس : تعزيتي يسندس مسحتي ايدج بلحايط
حجي طه : عطت بيها انجبي وروحي للبيت
سندس : هو انت كدرتك عليه وفوكاها ميخليني احجي عليها وخابصني اهلي واهلي ذوله اهلك شفت اكلو حقك وخلوك ولا فلس بجيبك وذلوك
جعفر : يمه لتسوين هيج طه اخونا وانتي ربيتي
انعام : ربيت وكافي خلي يحير بروحه
حجي طه : اباوع على نهر تبجي منهاره واشواق وسلام فاكين عيونهم
علي : اخذ مرتك ولطب لهذا البيت وبس اشوفك قريب من المطعم بيدي اسحلك بلشارع
طلعت والدمعه بعيني اول مره احس روحي ذليل ومكسور ومن اقرب الناس اليه حتى مكدرت ارفع عيني واحجي بعد اذا كولشي بأسمها وهي طردتني لشنو بعد باقي
سحبت سندس من ايدها وهي تبجي وتلطم على صدرها تكول ميت عدها
دخلنا للبيت وعاطت

هاي هيه ي طه طلعت ايدك الحايط لا فلوس ولا ورث ولا املاك وفوكاها مو ابنها اخاف بعدين تطلع مو ابنهم ابن حرام
جان اندار عليها وضربتها انركع راسها بحافه الباب وشاغت روحها لازمتها وتعيط
هو انت صير رجال براسي تضرب وتحاسب لو بيك خير جان كدرت تاخذ حصتك واني الثوله مأمنه عندك ورث واتحمل الفكر
حجي طه : تسكتين لا وروح ابويه اكطع النعال على راسج
سندس : هذا الفالح بيه تضربني من تعرف هاي مو امك شون تعوف ابوك الها هاك تنازل الها عن كولشي وانت بقيت حالك حال المجدي بطرك البيت ومنو يكول بيتك
حجي طه : عطت عيطه هزيت البيت هز
لج كافي حيوانه اسكتي اريد افتهم الصار
سندس : شتفهم يعين امك الاملاك وبح وكلها بأسم انعام وانت طردتك واخوتك حايرين بروحهم يعني راح اضل طول عمري ويه واحد حصره عليه اللكمه

حجي طه : شو تعالي جريتها وطردتها وسديت الباب عفتها بره حتى مااوصلها اني مصدوم ومكسور وما اعرف شون اتصرف وهي مثل المخبله تهسترت
كل مااغمض اتذكر الاوراق الي طلعتهم وكولشي بإسمها روحي تفرفح واضل افتر مثل المخبل عبالك احجي وياه واعاتبه ليش يابه هاي تاليها خليتني مضحكه الها
كعدت بلكاع وايدي على راسي احس راح يطك يمكن ضغطي صعد بقيت حوالي الربع ساعه
اندكت الباب حتى مكدرت اكوم بس سمعت صوت ام سندس
فتحته وشفتها جايه وبيدها بتها
هاك يمه هاي مرتك انت حير بيها وبعيشتها
حجي طه : صافن عليها مفهمت شتريد
ام سندس : اجتني وكدامك اكول الها اني معودت ازوجها اني مره على كد حالي طلعت بلدنيا بيها وبأخوها وابوها مات وخلصتها سنين اخبز للناس واوكلها واوكل اخوها انكسر ظهري عليهم ومن زوجتها كلت انشال الحمل عليه مو هسه راجعتلي وفوكاها حبله اني مره مريضه مااكدر اعيش مرتك وابنك
سندس : يمه طردني وضربني شون تقبلين ارجع
ام سندس : الرجال يضرب ويغلط ساعه عصبيه تنجبين وتركدين بيتج وانت يمه طه اعرفك عاقل وشزيناتك شجاك تطردها وهي حبله وادزها وحدها
حجي طه : شوفي شسوت هي وخلتني اتخبل عليها
ام سندس : اكعدي واسكتي غير بيت رجلج ماعندج تجيني تشوفيني هله بيج غيرها ماعندي
باوعت عليها هاي المره المسكينه هم ابتلت بتها بست راسها وكتلها عمه ميكون خاطرج اله طيب
وانتي ادخلي لغرفتج مااريد اشوف وجهج
سندس : شفتي مو گتلج
ام سندس : شگلج ضربج طلقه راد ادخلين بغرفتج ادخلي ولي

طبت للغرفه تبجي تعرف مالها مكان تروح بيه بعد حچي امها
طلعت امها اني احس روحي بكابوس ومخنوك وما ادري وين انطي وجهي طلعت من البيت وصار بوجهي جعفر يتعذر
انت شعليك قابل العركه وياك
جعفر : بنص هدومي هسه والله حجيت وياها هلمره ياهو تلزمه اذا ميسمع كلامها تنومه بره
حجي طه : اني عندي بيت وساترني وعلى الشغل تدبر بس انت مالك مكان ابقى تحت جناحها تره علي راح ياكل الاول والتالي صير سبع واخذ حقك
جعفر : شون اخذ حقي وهمه حالي من حالك اكلوه كولشي بأسمها
حجي طه : العتب مو عليها على ابويه النطاها كولشي موتزعل مني
جعفر : شزعل لو بيدي هسه احركهم على سوايتهم وهاي نهر بس تبجي مسويتها مناحه
حجي طه : مااكدر اطب اطيب بخاطرها سكتها خطيه تتأذه باوعت على البيت رفعت راسي تالي عمري انطرد من بيتك يابه ترضاها استغفر الله واتوب اليه
جعفر : لتضوج ايام ويهدا كولشي وترجع مثل الاول
حجي طه : لا اول ولا ثاني امك مخططه لكولشي بس انتظرت الوكت المناسب مبين هسه صار الوكت الجانت تنتظره من سنين حتى تنتقم من رازقيه
جعفر : امك شعليها
حجي طه : محد يعرفها بكدي بس الي الله واذا ابويه سجل كولشي برضاته الها بلعافيه عليها بس اذا اكو شى او مغصوب لا محالل ولا موهوب والله موجود وحبله طويل يجي يوم ويطلع الحق
اني باجر التحق

جعفر : يمعود وين رايح بعدها اجازتك
حجي طه : اريد بس منك عينك على سندس هاي خبله ومتكعد راحه راح اخلي مصرف عدها عندي جم فلس بس انت كل كم يوم مر عليها اخاف تحتاج شى
جعفر : طه بروح ابويه ضل والله قلبي وجعني لتروح
حجي طه : لتخاف

#توقعات_الأبراج
ابراج اليوم السبت, 14 ايلول 2019 عاطفياَ ومهنياً وصحياً
الحمل
برج الحمل
مهنياً: تشعر برغبة كبيرة في أداء كمية كبيرة من العمل، ذلك أمر جيد جدًا، لكن لا تدع نفسك تنغمس في الأعمال بشكل أكبر من اللازم حتى لا تهمل الأمور الأخرى في حياتك

عاطفياً: تعامل مع الطرف الآخر بحرص كبير، الأمور بينكما لم تصل بعد إلى الدرجة التي تجعلك تتعامل معه بكل هذه الأريحية



صحياً: حاول أن تكتشف طرقًا أفضل لفهم جسدك، وكلما فهمت جسدك بطريقة أفضل استطعت التعامل معه بشكل أفضل، وبالتالي حفظته من الضرر الذي قد يصيبه
الثور
برج الثور
مهنياً: نظّم الشؤون المالية وقيّم الحسابات وامتنع عن المخالفات القانونية ولا تهمل واجباتك حتى لو شعرت بالتعب والتوتر

عاطفياً: أمامك طريق سالك نحو الاستقرار في العلاقة العاطفية وتجنّب الخلافات وابتعد عن كل ما قد يسيء إليك

صحياً: التخلص من حالة القلق ليس بالأمر السهل، ما يؤرقك ويسبب انزعاجاً لا يحتمل
الجوزاء
برج الجوزاء
مهنياً: يوم مناسب ويتحدث عن فرصة آتية إليك عبر بعض الزملاء تجعلك سعيداً وفرحاً ومطمئناً إلى أقصى حد

عاطفياً: سارع إلى الاعتذار إلى الشريك فأنت حكمت عليه جزافاً بعدما بات الشك والوسواس هاجسك وسوء الظن رفيقك



صحياً: لا تدع الأفكار المتشائمة تسيطر عليك نتيجة مرض مفاجئ، المشي هو أفضل الحلول للترويح عن النفس
السرطان
برج السرطان
مهنياً: تتمتع بسرعة بديهة وبأفكار ذكية، كثّف اتصالاتك، وكرّر المحاولات ومارس جميع صلاحياتك

عاطفياً: ربما تعيش أجواء عاطفية ترفضها وتتعارض مع كل القيم التي آمنت بها، وتسود سماءك أجواء غير مشجّعة على التعبير عن عواطفك

صحياً: قراراتك الصائبة على الصعيد الصحي تكون دافعاً إلى جعل الآخرين يجارونك في كل ما تقوم به رياضياً
الاسد
برج الاسد
مهنياً: تظهر قدرة كبيرة على التأقلم مع الأوضاع الطارئة والمستجدة، وتتخلص ببراعة من كل العقبات التي تقف في وجه تقدمك

عاطفياً: شخص ما يحاول التقرب منك أعطه فرصه، واندفاعك قد يؤثر سلباً في علاقتك بالمقربين منك، فكن حذراً



صحياً: حافظ على هدوئك ولا تدع المجال لانفعالك في السيطرة على طريقة تعاملك
العذراء
برج العذراء
مهنياً: إذا كنت تنوي السفر، يجب الانتباه للمشكلات الطارئة كالفوضى والالتباسات والتأخير في المطارات

عاطفياً: الوقت مناسب لتحسين علاقاتك بالشريك وإيصال أفكارك إليه بطريقة واضحة، واكتساب ثقته أكثر فأكثر

صحياً: تتابع أمراً صحياً أو أمراً طارئاً ينعكس على وضعك الصحي، وكن واعياً في التصرف حياله
الميزان
برج الميزان
مهنياً: تبرز في الضوء، ويحمل إليك هذا اليوم مجداً أو مركزاً أو مسلكاً جديداً تختاره في حياتك

عاطفياً: تحاول قدر الإمكان ممارسة سحرك على الشريك وتنجح في ذلك، لأنك تدرك مكامن ضعفه تجاهك

صحياً: محاولة القيام غير مرّة في الأسبوع بتمارين رياضية خفيفة لا بأس بها على الصعيد الصحي
العقرب
برج العقرب
مهنياً: تسهل المحادثات وتزدهر، وتشعر أنك تحررت من قيد وتضع اللمسات الأخيرة على مشروع خاص

عاطفياً: تحرّك واتخذ قراراً بتحسين وضعك والعاطفي، وإذا كنت وحيداً تفرح بازدهار العلاقات، ولن تعاني الوحدة بعد اليوم



صحياً: كُن حذراً وانتبه لصحتك وصحة الزوج أو الزوجة، قد تقلق بسبب ما يخصّ أحد المقرّبين


القوس
برج القوس
مهنياً: لا تكون مرتاحاً هذا اليوم بسبب كثرة المشكلات العملية والضغوط، إضافة إلى مطالب أرباب العمل المتكررة التي ترهقك

عاطفياً: أنتَ بطبعك إنساني ومتسامح، أطلق العنان لخصالك الإيجابية لتحافظ على استقرار العلاقة واهتمام الحبيب أو مودته لك

صحياً: اندفاعك وحماستك يدفعانك إلى الطلب من الآخرين مشاركتك في ممارسة الرياضة اقتناعاً منك أنها خير علاج
الجدي
برج الجدي
مهنياً: يعلن هذا اليوم عن انطلاقة جديدة، وتبدواتصالاتك ناجحة جداً وتتخذ بعداً جديداً، ما يشعرك بالقوة

عاطفياً: مهمة صعبة تنتظرك لإقناع الشريك بوجهة نظرك، فحاول أن تواجه الأمور بهدوء ولا تتسرع في التقدير

صحياً: تخوض مغامرة تعكّر وضعك الصحي بعض الشيء، لكنك سرعان ما تستعيد عافيتك
الدلو
برج الدلو
مهنياً: يحاول بعضهم دفعك إلى ارتكاب الخطأ، لكنّهم لن ينجحوا لأنك أكثر إدراكاً وإلماماً بما يحصل حولك

عاطفياً: تشاور مع الشريك، ولا تفرض عليه آراء مزاجية وغير واضحة، بل عليك أن تتحلّى بالجرأة

صحياً: بعض توابع المشكلة التي أصابتك كان من الممكن جدًا تجنبها لو أنك اتبعت تعليمات الطبيب، لكنك الآن تكون مضطرًا للتعامل مع تبعات أكبر
الحوت
برج الحوت
مهنياً: يدخل كوكب مارس إلى الثور لكي يبارك أعمالك ويعلن عن فترة مميزة تخدم مصالحك، وتتبوأ مركزاً مهماً

عاطفياً: تحتاج إلى رضا الشريك ولا سيما أنك تمر بمرحلة حاسمة في حياتك معه

صحياً: من المفيد أن تختبر قدرتك على التحمل، وهذا سيظهر لك مدى سلامة صحتك

#فقرة_شعر
كالولي راح الوفه كلت..بسلامه يعود
كالولي سافر مايرد.كلت..الامل موجود
كالولي تحبه صدك.كلت..السنين شهود
كالولي تبقه تنتظر كلت..العمر ويزود ❤

تنسه العايفك ويفززك صوته
حلاة الميت اليختار زاتوته

مرات اليكتلك منه بيك هواي
مثل طبع الثلج بالماي تابوته

اذا اردت شيئا من الهدوء والسعادة فعليك باحد الامرين : مداعبة طفل صغير او مجالسة شيخ كبير فالاول لايعرف الدنيا والثاني اكتفى منها !

#فقرة_هل_تعلم
ديدان البطن مشكلة شائعة عند الأطفال إليكم أعراض الإصابة بها وطرق الوقاية:
الأعراض:


- قد يظهر في البراز ديدان لونها أبيض وتكون على هيئة أشرطة.
- يشعر الطفل بألم شديد في الأمعاء مع وجود عسر الهضم والإمساك.
- سيلان اللعاب وجفاف الشفاه خاصةً في النهار.
- يلاحظ نقصان تدريجي في وزن الطفل.
- ارتفاع درجة حرارة الجسم مع الشعور بالصداع الشعور بالتعب والإرهاق المستمر وقلة النوم.
- ضعف جهاز المناعة والإصابة بفقر الدم من أعراض الإصابة بديدان الأمعاء.
- يصاب الطفل بالإسهال أحياناً وذلك تبعاً لنوع الديدان المصاب بها.
- تظهر علامات الطفح الجلدي على جسم الطفل
طرق الوقاية:
- يجب الحرص على نظافة المنزل ونظافة الطفل الشخصية.
- الاهتمام بغسل يد الطفل جيداً قبل الأكل وبعده الحرص على قص أظافر الطفل وتنظيفها باستمرار.
- يجب غسل الخضروات والفواكه جيداً لتجنب الإصابة بالديدان.
- يجب الاهتمام بغسل ملابس الطفل جيداً بالماء المغلي.

#توقعات_الأبراج
ابراج اليوم الاحد, 15 ايلول 2019 عاطفياَ ومهنياً وصحياً
الحمل
برج الحمل
مهنياً: يوم خلاّق وإيجابي في الأعمال وفي النجاحات والعلاقات الجيدة بالمحيط ولا سيما من كانت علاقتك به متوترة بعض الشيء

عاطفياً: العراقيل التي يحاول الشريك وضعها في طريقك تشكل لديك حافزاً لتتقدم بشكل أكبر في مجالك العاطفي




صحياً: أمر ما يقلق راحتك ويوتر أعصابك، صارح المقرّبين منك به فتريح نفسك نوعاً ما
الثور
برج الثور
مهنياً: يدعوك هذا اليوم إلى الانتشار والانفتاح على الأفكار الجديدة والمجتمعات الغريبة عنك

عاطفياً: إنه يوم هادئ عموماً ويكون ملائماً للقاءات الرومانسية البعيدة عن الأجواء الصاخبة

صحياً: السير في مخطط ترفيهي يبقي الأجواء جميلة ويخفّف من ضغوط العمل
الجوزاء
برج الجوزاء
مهنياً: لا تتأثر بآراء الآخرين ولا تجعلها تحيدك عن أفكارك، وبدلاً من ذلك، استخدم هذه المواجهة لإيجاد ما يدعم الحجج المؤيدة لمواقفك

عاطفياً: تبحث شؤوناً عاطفية تتعلق بك وبالشريك، لاطفه وليّن طباعك معه وصارحه بحقيقة مشاعرك تجاه، فهذا يريحه




صحياً: داء البدانة والوزن الزائد هو الرياضة والحمية الصحية والقرار الصلب وعدم التراجع
السرطان
برج السرطان
مهنياً: تزداد مسؤولياتك وواجباتك المهنية وتسير على طريق جديد من النجاح والتقدم نحو تحقيق أحد أهدافك

عاطفياً: تكتشف أنّ الخط البياني لعلاقتك العاطفية مع الحبيب في انحدار وتبحث معه عن الأسباب لإنقاذها كي تصلا إلى بر الأمان

صحياً: تسرّ لما تحصل عليه من تفهّم ودعم لتحرّكاتك على مختلف الصعد، وخصوصاً على الصعيد الرياضي
الاسد
برج الاسد
مهنياً هذا اليوم نهاية مرحلة وبداية مرحلة أخرى في حياتك المهنية، ويكون عنوان الأيام المقبلة النجاح والتميز والإبداع

عاطفياً: أي نتيجة إيجابية تحصل عليها تجرّ خلفها عدة إيجابيات، وأي حدث ملائم لمتطلباتك يحمل معه أحداثاً أكثر ملاءمة




صحياً: تقرر الانطلاق في رحلة العمر والقيام بجولة حول العالم للترفيه والتخفيف من الضغوط
العذراء
برج العذراء
مهنياً: استغلّ الوقت لإنجاز عمل مهمّ فشلت في إتمامه في السابق، وانطلق بمشاريع جديدة مهمك تكن كبيرة، فأنت على قدر المسؤولية

عاطفياً: تتسم علاقتك بالشريك بالجدية، وتنطلقان معاً في رحلة الزواج وبناء أسرة على أسس واضحة تكون الثقة المتبادلة قاعدتها الأساسية

صحياً: لا تخذل كل من يدعوك إلى مشاركته في رحلة إلى الطبيعة، فهي مفيدة لك
الميزان
برج الميزان
مهنياً: القمر المكتمل قد يحمل حظاً أو نجاحاً أوصداقة ممتازة، وتفيض حيوية ونشاطاً، وتحاول أن تسبغ هذا الواقع على محيطك

عاطفياً: تعامل بتواضع مع الشريك ولا داعي إلى التباهي، استمع إليه فقد تعجبك آراؤه وتطلعاته نحو مستقبل علاقتكما

صحياً: تشعر بين حين وآخر بصداع مزعج يجعلك عاجزاً عن القيام بأي حركة، استشر طبيبك
العقرب
برج العقرب
مهنياً: يمكنك الاستفادة من خبرة الآخرين، وهذا يكون مفيداً في الخطوات العملية الجديدة التي تنوي تنفيذها

عاطفياً: ترتفع معنوياتك بعد الدعم الكبير من قبل الشريك للمضي في ما أنت عازم على تحقيقه لمصلحة الطرفين




صحياً: الاعتماد على الخضراوات والفواكه، يعطي الجسم حيوية ونشاطاً بعد عناء العمل


القوس
برج القوس
مهنياً: القمر الجديد المتزامن مع خسوف، قد يفقدك بعض الشيء القدرة على التفاوض بمهارة أو يجعلك مشوش التفكير قليلاً

عاطفياً: تسمح لك الظروف بتخطي الكثير من الحواجز التي حالت دون لقاء الشريك أو المصالحة في المدة الأخير على الرغم من تدخل الكثير من سعاة الخير

صحياً: يوم مهمّ للمشاركة في مختلف الأنشطة وعدم رفض تلبية الدعوات بغضّ النظر عن مضمونها
الجدي
برج الجدي
مهنياً: عوامل إيجابية وجيّدة على الصعيد المهني، مترافقة مع مطالبك المالية المحقة، وقد تبلغ الهدف قريباً

عاطفياً: في الأجواء عشق وتعلّق وكلام كثير ودعوات متراكمة وسحر تمارسه أينما حللت

صحياً: الشعور بالخيبة أحياناً يولد حالة اكتئاب ورغبة في الانزواء واضطراباً نفسياً
الدلو
برج الدلو
مهنياً: يتحدث القمر المكتمل عن خيار يجب أن تقوم به بسرعة وعن التحضير لمستقبل واعد ما يشير إلى تغيير يفرض نفسه

عاطفياً: مهما سعى بعضهم للنيل منك أو تشويه صورتك أمام الشريك، فإنّهم لن ينجحوا في مسعاهم لأنك صلب ومتمكن

صحياً: حاول أن تسيطر على انفعالاتك وأن تضبط أعصابك قدر المستطاع، ووفّر جهودك للنشاطات المفيدة لصحتك
الحوت
برج الحوت
مهنياً: مشروع جديد يحدد مستقبلك في العمل، وخصوصاً اذا كنت تستعد لتأمين عمل مرادف يحميك من غدر الزمن

عاطفياً: تستقطب الشريك إليك أكثر فأكثر، وهذا ليس مصادفة فأنت تعرف كيف تضرب على وتره الحساس

صحياً: لا تهمل صحتك إطلاقاً على حساب أمور تافهة أخرى لن تفيدك بشيء

#فقرة_شعر
الصوچ يمكن بالعشڪـته

موشرط قسمه #ونصيب

#هـــواي وادم نطربلــها

وهي تطرب؏ #الغريب

عمري رحلة ولسة ما خاطيلي خطوة
وانت منجر من مشيت
تدري تتأخر رحلتي ؟
خايف اتعود غيابك
انت وينك !
الجرح ينغز بروحي
اشما اروفة بخيط صبري
تبقة جمرة تسوي رازونة بيسرتي
واااخ منك
اخ لو باقي بوقتها علاقل عاشت ضحكتي
وبغيابك جيب اليقنع ارداني
التمسح الزخات من كشفة وجنتي
آااااخ منك
يا جبل گدها اليدگ صدرة ويگف جدام ونتي

غيـر الـ مـا يطـيبن خاطـري شخـليت
و غـير الـ مـا تحبـهن مـا مسويـلك
شلـونك لا تگـلي
شلــوني بــيا لـون
ناگـص عـافية و بالعـافية ادعيـلك

#فقرة_هل_تعلم
قيل في الليمونْ "ومنافعه كثيرة غزيرة، ليس له مضرة تُخشى ولا نكاية ".⠀
فهل تعرف ماهي فوائده؟ 🤔⠀
إليك بعضها👇⠀
▪️تقليل الوزن.⠀
▪️تعزيز صحة القلب.⠀
▪️تقليل خطر الإصابة بحصيات الكلى.⠀
▪️قتل الخلايا السرطانية بالجسم.

#قصة_عراقية


البارت الرابع

مـاا نكتب شعر وانـورّج الناس
قسـه ويانه الحـزن خلاّنه نكتب
كتبنـه وبالشعر ماردنه مبـلغ مال
رسالة وردنة توصل گـلب الانحب
مرّات ابدمع من نكتب و خـوف
ومـرات الفرح فوك الورق ينصب
تألمـنة الجـروح ونرســم اعياد
ونفرح الحبايب شــرط نتـعذّب
كتـبنه اعـله الفرح بعناد شمـّات
مـن چانت خنـاجر بالضهر تلعب
وزرعنة اعله الورق ضحكات أطفال
سگينـاهة بدمـع والصـبر مايتعب....

حجي طه : اباوع عليها هاي صدك الي بنتي
ام سندس : يمه شنهي سل ياستار مالكيت غير هذا الاسم
حجي طه : هههههه لا عمه اسمها سليل يعني صوت الغزال
ام سندس : وشلك بهاي الدوخه سميها غزاله شحلاته بعدشنهي نعوج حلكنا ونصيح سيل سل والله يمه صعب ماينهضم
حجي طه : لا عمه حلو وغريب اني مره جنت ويه صديق بلجبهه وكعد يسولف النه على الغزال وشون بيت جده عدهم جانو يربون وسمعت هذا الاسم ومن يومها يرن بأذني اريدبنتي غريبه بكولشي حتى بأسمها

ام سندس : والله ياوليدي براحتك انه اشوفنه صعب وهي بنيتك وانت تسميها
حجي طه : هذا هو انتي اسمج سليل وابوس بيها صوت الغزال انتي غزاله ابوج واول فرحته وحبيبته
ام سندس : انطيني البت اكمل لبسها
حجي طه : وسندس وينها
ام سندس : سبحتها ونومتها عبن البت نفاس وماتكدر توكف على طولها ونامت من التعب
طبيت على كيفي شفتها نايمه بستها من راسها محست عفتها وطلعت
ام سندس : تعال يمه ولو تعبان عندي شغيله وياك
حجي طه : امري عمه
ام سندس : لا يأمر عدو عليك وليدي انت بعد صرت اب
حجي طه : الْحٍمَدٍ للـّہ
ام سندس : نحمده ونشكره ياوليدي صارت بركبتك عائله لا كل شويه ماخذ جنطتك ورايح وماندري عنك وين ما وين انه اعرفن گلشي رستني سندس على كل شى انت عفت بت صغيره حبله ودرت وجهك ورحت مايصير يايمه
حجي طه : عمه انه لو باقي راح أذيها وأذي نفسي جفيت الشر ورحت
ام سندس : لو كل الزلم مثلك چا ولا واحد ضال يم مرتك
حجي طه : عمه الصار بيه ماينحمل الضيم والكسره فوكه فوكه ماندليت دربي
ام سندس : حگك يمه بس گلشي رزق وقسمه وانت هاي قسمتك من الدنيا ارضى بيها وماتعرف ربك شضام گلشي بوكته حلو
حجي طه : الله كريم
ام سندس : انه اكومن اصبلك اكيد جوعان
حجي طه : اي والله بس خلي اسبح بالاول

اباوع على بتي نايمه بلكاروك ملاك ونايم مااشبع شوف منها لو بيدي احطها بروحي ومااطلعها بس اخاف عليها صغيره حيل
كملت سبح وطلعت انشف شعري دخلت اخذ المشط حست عليه سندس فتحت عينها تقربت منها وبست راسها الحمدلله على سلامتج
سندس : الله يسلمك شوكت اجيت
حجي طه : قبل شويه شونها صحتج
سندس : الْحٍمَدٍ للـّہ شفتها
حجي طه : اي وسميتها هم
سندس : شنو اسمها
حجي طه : سليل
سندس : شنو هذا الاسم المعقد محلو
حجي طه : حلو ويخبل ومعناه بعد احلى صوت الغزال
سندس : هي مال اصوات جان سميتها اي اسم وخلص من ذني الموجودات
حجي طه : بنتي وعجبني اسميها بكيفي
سندس : هذا هو صحتك شونها
حجي طه : الْحٍمَدٍ للـّہ كمت ومديت ايدي بجيبي وطلعت الراتب
وقسمته بلنص وحطيته بيدها
سندس : هاي شنو
حجي طه : المفروض اجيبلج شى حلاوه سلامتج بس ماادري ولدتي گلت انطيج فلوس احسن اشتري شى يعجبج وعلى ذوقج
سندس : شكراً
حجي طه : حضنتها وبستها تكومين تاكلين ويايه
سندس : اي جوعانه
حجي طه : يله تعالي اكومج
بيومها جنت مرتاح راحه غريبه لان حسيت نورت حياتي بنتي العصر اندكت الباب وفتحه اخو سندس واني لازم الكاروك واحرك بيه ممصدك صرت اب واسمع صوت ورايه
جعفر : هيج بنتك الزرزور صارت اهم من اخوك
حجي طه : كمت حضنته هذا من ريحه ابويه حنين عليه
جعفر : هاي تاليها تنسى اخوك
حجي طه : ولك اكو واحد ينسى دمه وانت دمي
جعفر : من هيج اجيت الصبح وحتى ما مريت علينا
حجي طه : شنو نسيت الصار اخر شى
جعفر : لحظة عصبيه وراحت
حجي طه : بيت ابويه انطرد منه وتكول لحظة عصبيه انت تعرف كولش زين مالي مكان هناك بعد وتحرم ذاك البيت عليه
جعفر : واحنا شنو ذنبنا
حجي طه : مالكم ذنب الي يريدني هذا بيتي موجود يجيني اشيله على راسي بس هذاك البيت انتهى مات ويه موتت ابويه

جعفر : مااريد اضوجك اني اجيت اشوف الزرزور مالتنا
حجي طه : ولك شنو زرزور هاي غزال سميتها سليل
جعفر : اكولك خلي اشوف وجهه زين وخر هذا الغطا على راسها بس لا تطلع تشبه امها اذا تشبهه سميها عفسه ام الدهن
حجي طه : هههههههه شذكرك بيها
جعفر : هي تنسي تتذكرها من جنا صغار تفتر وبيدها جدريه دهن ومكوشه وتصيح نعله على ابهاتكم وين الاكل مالتي ونركض وراها
حجي طه : ضربته على راسه بخفه ايدي وانت شون تشبه بتي بعفسه شوفها شحلاتها العيد وهلاله
جعفر : هسه متبين بس تكبر اذا تشبه امها اطلعها ويايه بلسعدون اجدي بيها

حجي طه : ههههههه ولك شحدك وشبيها امها
جعفر : لهنا واسكت رحمه لأبويه ولك انت مظلوم وماتدري بروحك روح شوف النسوان التكطع بشارع النهر والشورجه تكول عارضات ازياء مو مرتك جنها ابو لهب منزلي جمعه وسبت ي

فتر ويرجعوه لجنهم وبس يكمز ممصدك
حجي طه : هههههههه ولك كافي چاي حامي
جعفر : الله عليك مو تشبهه شايفها من تمشي سريع لو من عصبيه جنهه حصان كفيلك الله هبشه
حجي طه : هسه تسمعك وتطلع عليك
جعفر : هو الحق ينزعل منه
حجي طه : باوعت عليه وسألته شخبار اخوتك خواتك امك
جعفر : قصدك اهلك
حجي طه : جريت حسره قويه وكتله جانو اهلي
جعفر : هاي شنو طه مامريوده منك هاي الحجايه اهلك ويبقون اهلك
حجي طه : شون اهلي ويطردوني من بيت ابويه تدري شون انكسرت نفسي تدري شون هاي الاشهر مرت عليه بس الله اليدري
اني من عرفت انعام مو امي مااكولك منقهرت بس مدرت بال گلت ماطول هي ربتني تبقى امي بس من وكفت بوجهي وطردتني ومدام مرتي وكدامكم گلكم شون بعد تريد اعتبرها امي ولك والله لهسه گلبي يوجعني من اتذكر وروح ابويه حتى اشتاق وگلبي مفرفح عليها انه ماعرفت ام غيرها جعفر
شگد اذتني بس ما عرفت غيرها ام اليه بس هي گلبها حجر فتحت عيني بحضنها وما يوم أذيتها بس هي تكرهني
جعفر : والله متكرهك
حجي طه : لتحلف جعفر كلنا ندري هذا الشى حتى من خطبتلي تقصدت تجيبلي وحده مثل سندس ولو هي خلقه الله حرام واحد يعيب بس جان تكدر تجيبلي زينه البنات بس متكدر رادت تأذيني وخلتني مااشوفها اله بيوم العقد وتدري بيه اخاف الله ومااكدر اكسر بختها والناس كلها تدري قريت فاتحتها بقيت عليها وفوكاها حبلت بعد كعدت وسكتت
جعفر : وتالي الگلوب مراح تتصافه
حجي طه : اني ماكو اصفى من گلبي بس گلوبهم متتوالم ويايه لان مو مثلي وشفتهم بعركتنا الاخيره حتى بيت ابويه حرمته عليه خليني هنا كاعد وساكت ومحترم نفسي اليجي هله بيه والميجي براحته
جعفر : براحتك شو انطيني هاي الزرزور عفسه الحلوه
حجي طه : ولك اذا مشيت عليها عفسه اكطعك
ها شنو جعفر شحطيت بكماطها
جعفر : شلك دخل اني وبت اخويه اطلع منها
حجي طه : لا مااقبل
جعفر : هو انت منو جاي يمك گتلك اني وبت اخويه بستها وانطيتها اله تتربى بعزك حبيبي
حجي طه : يوم الالك
جعفر : امي تريد تزوجني اني وعلي بليله وحده وادور على مره
حجي طه : بس ابويه بعدها السنه مطالعه مالته
جعفر : ااني هم كتلها ومقبلت تالي هي سكتت بطرانه هو اني بنطروني كوه البسه هلمره تعال حير بمره ودي علاكه وجيب علاكه
حجي طه : الله يرزقك بت الحلال
مشتاق لنهر
جعفر : هسه تجيك هاي تدري بيها روحها بيك
حجي طه : واني هم والله حتى اشواق رغم سوالفها مشتاق الها
جعفر : ان شاء الله تهدى الامور وكولشي يرجع مثل قبل
حجي طه : الراح ميرجع ياخويه يله الْحٍمَدٍ للـّہ على كولشي

نهر : يمه لازم اروح اشوفه غير اخويه
انعام : انجبي واكعدي
نهر : جابت مرته مخليتيني اروح وكلت صار بس مال يجي طه وصار اكثر من ٣ اشهر مشايفته مااكدر
انعام : ولج بيج دوده اسمها طه كتلج انجبي واكعدي ماكو روحه
نهر : غير اخويه والله هاي حلوه اني رايحه
جان تجرني من شعري
اااااخ يمه شجاج
انعام : ولج گلبه اگلج مترحين وتعاندين وترحين شنو من خلفه عاقين انتم
نهر : صرت عاقه لان اسأل عن اخويه ومشتاقه اله
انعام : باعي لج لدوخين راسي روحه هناك ماكو
نهر : شفتها قافله وامي مو مال اعاندها كعدت يم رجلها وابوس بيدها يمه رحمه لأبوج وابويه اقبلي والله ما اتأخر ربع ساعه واجي والله گلبي طاك عليه
انعام : بس لو افهم شمسوي الج وهيج ترجفين عليه
نهر : يوم هو اكو احن من طه فدوه لعمره هو الوحيد من خوتي اليتفقدني ودومه حنين عليه من اشوفه اشوف ابويه بيه فدوه ابوس ايدج والله ما اتأخر
انعام : من انعل شيب الخلفتج على هذا العناد الشايلته ولي روحيله راحت روحج انتي ويااه
طفرت بستها من خدها وصعدت فوك ركض فتحت الكنتور طلعت العلاكه وحطيتها بصدري حتى لتشوفها ونزلت اركض
انعام : هاا شنو هذا بيدج
نهر : فتحت ايدي كولشي مابيها وطلعت اركض عرفت راح تركز على ايدي امي واعرفها

دكيت الباب الخارجي لكيته مفتوح طبيت وصلت لباب الهول دكيته
فتحه جعفر
نهر : ايا خاين واني وكعت دخيل لأمي حتى اجي وانت هنا ليش مأخذتني وياك
جعفر : شكد تلغين تعالي طبي
فتت وركضت لحضني
حجي طه : ولج هله بلحنينه گلت مستحيل تدري بيه نازل ومتجي
نهر : هله يروح اختك هله بريحه ابويه
جعفر : اني اروح عندي شغل وامرلك غير وقت
حجي طه : مو كاعد بعد وكت
جعفر : غير وكت اجي انت التهي بهاي ام لسان
نهر : طلعت لساني وعيبت والله احلى من لسانك
جعفر : اخ لو ما اخوج كاعد اله اكصه الج
حجي طه : شحدك هاي الحنينه محد يطخ شعره منها
نهر : شمرت روحي بحضنه واغور بجعفر وذاك يكولي وين ترحين تاليتج الكفج وحدج وعود عيبي
نهر : شسوي سوي مااخاف
حجي طه : ههههههه بعدكم جنكم رويسيه
جعفر : يله من رخصتكم
حجي طه : غالي
انداريت عليها وبستها من راسها ولج حليانه
نهر : منيلي العب النفس عوفك مني شونك صحتك شونها گلبي نار عليك
حجي طه : سلامة گلبج الْحٍمَدٍ للـّہ يم الكريم جان تبجي سليل يمكن جوعانه
نهر : طفرت واشوف بت طه كزكزت عليها اوي هاي

شنو شكدوتها تخبل
حجي طه : حلوه على عمتها
نهر : بس كون متطلع على امها وجان اطب وتكول شبيهه امها
باوعت عليها وكتلها محد حاجي وياج عيني
سندس : هسه اتذكرتي عندج بيت اخ وبنته صار ٣ ايام محد دك بابي
نهر : الْحٍمَدٍ للـّہ على سلامتج
سندس : بعد وكت خلي تصير اربعين يوم على وجهه
حجي طه : طبي جوه سندس انتي مو تعبانه
سندس : شعندي داخله بيتي وبكيفي لو هذا هم بيتهم ويتحكمون بيه
نهر : اني رايحه واجيك غير وكت
حجي طه : اكعدي وانتي كتلج طبي جوه ولتسويلج مشكله بهاي المغربيه وانتي تعبانه
سندس : يعني لشوكت انت تضل هيج ادافع الهم وتحاميلهم مكافي طردوك ذيج المره ومحد قدرك
جان تجي ام سندس تركض على عياط بتها
حجي طه : عمه اخذي بتج لا اجفص بطنها وازوعها دم
نهر : خلي اروح طه وبعدين ارجع
حجي طه : متتحركين من مكانج وانتي طبي جوه
ام سندس : ولج نفسه موزين عليج حركان الاعصاب
سندس : مشوفين كدامج شون يستقبل اخته وهمه طردوه من بيتهم واكلو ورثه
ام سندس : مالج دخل وامشي من صخام بوجهج
سندس : انطيني بنتي
حجي طه : ادخلين لو اكوم وانسى انتي جايبه واخليج تبجين دم تره وصلت لهنا واشر على خشمي
اخذتها امها ودخلتها
نهر : هاي شون جارعها
حجي طه : هو اني موجود يمها حتى اجرعها مو كدامج اجي چم يوم وراها التحق بالاشهر
شونها اشواق ليش مأجتي وياج
نهر : هااا نايمه
حجي طه : عادي اعرف بيها لاتجي تسلم ولا تحب توصل براحتها
نهر : لتضوج فدوه خلي اروح تأخرت
حجي طه : ولج هسه اجيتي
نهر : ماما حاسبه الوقت عليه لازم اروح
حجي طه : شونها هي
نهر : اوف يگلبك ياخويه ويلوموني ليش روحي بيك
حجي طه : شسوي مااعرف احقد متشوفين ماعندي حظ
نهر : لا عفيه لتكول هيج هاك حطيت العلاكه بيده
حجي طه : شنو هاي
نهر : عليك بروح ابويه الغالي وعليك الامير علي متفتحه الجيس اله وكت ميضيق بيك الحال وابد مترجعه احلفك بكل امام
حجي طه : اوكفي شبيج اگلتيني وشربتيني جنج عجوز شنو هذا
نهر : يجي يوم وتعرف بس لتفتحه هسه مثل مكتلك وضمه بمكان محد يعرفه غيرك وخاصه مرتك الحيه
حجي طه : هههههه ولج لسانج
نهر : شسوي هي تحجي الاخرس بسته من خده ونزلت بست بتها وكتلها حبيبة عمتج هديتج يم ابوج مااكدر احطها عندج تاخذها امج الشعنونه اوي صدقه لله تخبلين شكد ناعمه وترفه
يله اني رايحه
حجي طه : بستها من راسها وطلعت اجاني الفضول افتح الجيس بس گلت هاي حلفتني
صعدت للطابق الثاني ودحسته بين الغراض
ونزلت لكيت سندس ترضع بلبنيه
سندس : الفلوس الي بلكماط منو حطها
حجي طه : جعفر
سندس : لعد والمسعده اختك اجتي طبت وطلعت مكدرت تحط شى جوه راس الطفله
حجي طه : اني طالع اغير جو واشوف جماعتي محتاجه شى اجيب ويايه
سندس : اي انهزم لان الحجي مس اختك لو اني جان لسانك طلع شطوله عليه
حجي طه : عفتها ومجاوبتها ولا اليه خلك اجاوب

طلعت اتمشى وجان الجو زين باجر انطب شهر الخامس ١٩٨٣ وبعده الشارع بس يسولف على الحرب ومصايبه ويوميه نسمع زفه لشهيد

كعدت يم اصدقائي صار اشهر مشايفهم يسولفون على اشكال المواضيع الصارت واني ماكو بس اني صافن على وضعي شون ارتبه الراتب بعد ميكفي وهاي طفله ويرادلها مصرف واني الاجازه مااكدر اكضيها كاعد هم ما اتحمل لغوه سندس وهم لازم ادبر مصرف شون
سامي صديق طه : شبيك حجي شو صافن
حجي طه : والله انت اخويه مو غريب اريد ادور شغل بس على كد اجازتي الانزلها
سامي : وهاي منو يقبل يشغل عامل عنده كد ١٠ ايام كل شهر ونص او شهرين
حجي طه : متشوف دايخ
سامي : ليش مترجع لمطعم ابوك
حجي طه : صعب مااكدر بعد
سامي : حجالي كولشي جعفر حاول تصالح علي وتنهي هاي الشغله اقلها بمطعم ابوك معزز مكرم وماكو اي مشاكل ولا واحد يتعدى عليك
حجي طه : بلعكس هسه اذا ارجع راح يدوس راسي علي وادري بيه اخويه واعرفه اكثر منك
سامي : شون وانت برگبتك عائله
حجي طه : دايخ وحتى عيوني توجعني من التفكير
سامي : ليش متحاول تفتح محل الك
حجي طه : هاي شبيك سامي لو ما تعرف كولشي هو اني بطرك راتب الجيش الميكفي لنص الشهر وهذا البيت الساترني منين بعد اجيب فلوس محل هو لو عندي فلوس محل ادوخ هيج
سامي : تعال اشتغل ويه خالي عندي مطعم بلبتاوين
حجي طه : قريب على محل ابويه
سامي : شعليك بيهم هذا خالي حباب وخوش انسان المهم الاجازه مالتك اطلع جم فلس تسد بيها نفسك بين ما الله يفرجها
حجي طه : ضليت افكر ماعندي غير حل هذا هو بلغ خالك ومن باجر اطلع وياه
سامي : ارتاح كم يوم
حجي طه : يمعود مرتاح بس خلي اشتغل
رجعت للبيت استلمتني سندس
سندس : بعد وكت جان بتت بره هو انت اليوم اجيت متكول عندي مره طفله اكعد اشوفهم شيحتاجون
حجي طه : انتي تعبانه روحي نامي
سندس : محد راح يموتني بروده غيرك
حجي طه : وين غزالتي
سندس : هو هذا المحصلته منك اروح انخمد احسن
امج وين
سندس : رجعت لبيتها خلف الله عليها حارت بيه كل هاي المده خوما مثل اهلك الميخافون الله بابي ٤ اشهر محد دكه
حجي طه

: ليش جعفر ليش مو كل مره ينطيج مصرف اني حجيتها على الله ممتأكد بس مستحيل عايفها هو مكلي بس اعرف ميعوفها
سندس : هاااا اي شينطي تفاليس
حجي طه : والمسواك الطاب كل اسبوع
سندس : اي عيني اكيد سوه منيه براسك وضل يعدد شجاب موو
حجي طه : ابتسمت عرفت اخويه ميعوفها
سحبت الكاروك بستها لغزالتي وباوعت على سندس اني من باجر طالع للشغل
سندس : ويه منو
حجي طه : جماعه اصدقاء اشتغل الكم يوم حتى ما اخليج بعازه اللكمه على كولتج
سندس : اي انت بس شاطر تحفظ كلامي واهلك يحجون ويتجاوزون وتمسحه بلحايط
تصبحين على خير عفتها وطبيت نمت
وكعدت على صلاة الفجر كمت توضيت وصليت باوعت عليهم نايمين
عفتهم وطلعت امشي والشمس بعدها تريد تطلع على بروده الهوا ادندن ياحريمه وتذكرت نزار الف رحمه على روحك شكد سامعها بس مو مثل مجانت بصوته
ركبت نفرات ونزلت بلبتاوين
استقبلني خال سامي خوش انسان وفهمني على الشغل وبديت اشتغل
جان محل مال كبه شغلهم اكثر شى من الصبح كمت اثرم بلزلاطه واحظر الطرشي والمواعين اباوع على حالي واكول الْحٍمَدٍ للـّہ احسن من غيري

بس هم اتعب من اتذكر شون بمطعم ابويه مهما كان بمطعم الغريب من تشتغل مو مثل ميكون مال ابوك اتذكر شون يفتر هو ودشداشته وسبحته ومن يشوفني شايل ثكيل ميقبل ويحجي على العمال ومن يكعدني على الدخل راحت ايامك وراح الخير وياها سهيت واني افكر وجرحت ايدي
استغفر هو هذا وكته
ركضت جبت وصله وسديت جرح اصبعي حيل باوعت عليه شون ينزف وانكطع شويه شويه ياريت گلبي مثل اصبعي من ينزف اسده بوصله ويوكف نزفه
ابوحيدر خال سامي : يله بويه طه تحرك ليش واكف

حجي طه : اي حجي واركض هنا وهنا جان الشغل هلاك لازم ما اتأخر على المشتريه ولساني حلو وياهم اني اعرف ذبه اهل المطاعم غير خلصت عمري وياهم
جر يوم وره يوم وصارلي اسبوع يوميني زينه واضمها اقلها اجمعها وانطيها مصرف اخاف التحق
اجاني ابو حيدر طه روح جيب صمون عمي
حجي طه : ليش مجابو
ابوحيدر : لا وتأخرنا الناس تصيح تريد صمون
حجي طه : ماشي وركضت لابس هدوم الشغل وكلهن طرشي وطماطه وعبرت السايد الثاني وشلت الصمون بسلال على راسي واني اعبر وكفت سياره بصفي باوعت شفته علي نزل الجامه ويباوع عليه بنظره شماته ويبتسم ابتسامه حقاره تعجبت شون يكدر الواحد يتشمت بأخوه جان يكولي
علي : ها لو جار عدل وممدخل خشمك بكولشي مجان هذا حالك زين هيج تشتغل عامل عند الغربه

حجي طه : باوعت عليه وكتله لو ابويه عايش جان كدرت هيج تحجي بس صدوك لو كالو الما يسوگه مرضعه.. سوگ العصا ما ينفعه وانت بعد مايفيد شى وياك غسلت ايدي منك روح لشغلك وراعي الله بيه
علي : هههههه شوف حالك عامل عندي ما اخليك وها خاف تجي يوم وتطلب فلوس تحلم تشوف فلس مني
حجي طه : اموت جوع واشتغل بلتراب وما امد ايدي الك روح بدربك وادعي ربك مايصير بيك شى ويفرك الزمن ويشمرك عليه وانت التطلب مو اني روح

عفته ومشيت بينت اني قوي بس الريشه مو مثلي لو بيدي اعيط ابجي هيج علمود الفلوس تتغير النفوس ولك اني اخوك هيج تتشمت بيه صرت نار بس مابيدي شى اسوي وجهي بوجه الكريم ماعندي غيره
رجعت اكمل شغلي بس اني دمي محترك ماادري شون بيومها خلصت الشغل
رجعت اتمشى وبيدي المسواك والقهره بگلبي
خلصت ايامي لو شغل لو صافن على وضعي وحتى سندس من شافتني هيج بقت ساكته يمكن حتى ملت من النك

خلصت اجازتي ودعت غزالتي واني اول مره اموت قهر لان رايح كل مره اني انهزم ما اريد ابقى رجعت للضيم والتحاق الجيش اجت ايام صعبه وصارت الحرب اشد والشهداء يوم بعد يوم يزيدون صارت شوارعنا ماكو شارع مابيه شهيد
مر شهرين على هذا الحال خلصته خوف لا اموت جنت اتمنى اموت واخلص بس من شرفت حبيبة ابوها كمت احب اعيش اريد اكبرها واسويها احلى البنات
نزلت وهم نفس الروتين ورجعت اشتغل ويه خال سامي حالي صعب بس ملزكها وهاي سندس متسكت ياامك يااختك شيبت گلبي ومالي غير السكوت
وبلنزله البعدها دخلت للبيت هنا عمر سليل صار ٧ اشهر نشنشت حبيبة ابوها جنهه تفاحه الخدود طاكه وبيضه على حنطيه مو بياض ناصع بس تخبل والشعر اسود والعين عسلي طلعت بيها شبه مني ومن عمتها نهر
من تشوفني تضحك رغم مو كل الوكت يمها بس احسها تعرفني طبيت لكيت سندس حاطه ايدها على خدها
السلام عليكم كامت وباستني الله يساعدك
ها شبيج شو الوجه مگلوب
سندس : انت هسه وصلت ارتاح ونسولف
حجي طه : شصار يمعوده وكعتي گلبي
سندس : اني حامل
حجي طه : هاا الْحٍمَدٍ للـّہ بيها الخير
سندس : ياخير على هذا الفكر
حجي طه : ليش فگر الْحٍمَدٍ للـّہ تاكلين وتشربين وممخليج بعازه احد وكولشي موفر الج
سندس : بس اني ما اريد هسه
حجي طه : وشبيدي اني صار بعد وكولي الْحٍمَدٍ للـّہ هو رزق من الله خلي نخاوي غزالتي
سندس : هو انت شعندك انت قابل الراح تحبل وتتنسى وتتعب
حجي طه : اكولج شو ذابتها براسي مكان مامتخبله وتذبين الصوج بيه مجان اخذتي احتياط اذا متردين طفل
سندس : صار بعد
حجي طه : ماطول صار ال

عريس عوفوه فقير والله ماعنده شى
كولشي محجو دفعو امي وطلعو
من حلات روحنا طلعنا نركض وراه ونلطم وعلي ركض بدل حتى يروح لخال زوجته حزبي جبير بلدوله بذاك الوكت كعدنا بلكاع بحاله شبه جنون وبس نبجي ويومين منعرف جعفر وين وليش انأخذ لحد منزلت الصاعقه علينا وتحول البيت الي قبل كم يوم دك وركص الى دك ولطم

يتبع ..

من هاي اللغوه الزايده كولي الْحٍمَدٍ للـّہ اهم شى تكومين بلسلامه والخلقه التامه
سندس : بس لا تجي بنيه
حجي طه : وشبيهم البنات هاج شوفي وشلت سليل باعيها تسوه الف ولد
سندس : مااحب خلفه البنات بس الهم والضيم
حجي طه : خو كولي مااريد بنيه اخاف تطلع مثلج
سندس : هلوو وشبيه يمه
حجي طه : الله يسلط تره شوفي حالج ويه امج تره يجي يوم وخلفتج تطلع مثلج
سندس : لعد تطلع عليك ابو گلب رهيف كعد وسكت وگابلني ومعرف يجيب حقه من اهله
حجي طه : هسه اجيت عسى لا اجيت بدينا ولج متملين
سندس : اوي خلي اروح اكمل غدا
حجي طه : وجعوي روحي
افتر بغزالتي واضحك وياها ولج ديري بالج اطلعين على امج خبله وهي تضحك متفهم شحجي وياها واني اضحك على ضحكتها
افيش ياريحتج
مرت الايام يوم صعب ويوم زين ماشي من يومها واني مداخل بيت ابويه من انزل تجي نهر وجعفر عليه بس مره وحده اجت اشواق ومبين نهر جابرتها اما سلام لو اشوفه بلشارع يسلم لو ما اشوفه
بس جعفر من انزل بليل يمي شگد عرض عليه يساعدني اني رفضت اني ما احب اخذ من احد وخاصه وبهذا وضعي ما اريد احد يستخطيني حتى لو اخويه

تموز ١٩٨٤ اجه ابني للدنيا حسام فرحتي جبيره لان جانت امنيه ابويه اشيل اسمه
سليل معزتها خاصه بگلبي بس هم حسام احتل گلبي من شلته سبحان الله الگلب يشيل اكثر من واحد من يكونون جهالك
صار عندي حسام وسليل بعدها بشهر اندكت الباب طلعت افتحها شفت جعفر واكف
هاا ولك تعال طب
جعفر : قبل ما اطب كول وروح ابويه التريده مني اسوي
حجي طه : غير افهم شتريد شون احلف وما اعرف شتريد
جعفر : اليوم اروح امشي على مره
حجي طه : واخيرا ولك راح تتزوج حضنته وجان يكولي
اني تعاركت وياهم وگلت مااتزوج اذا متحظر انت الخطبه
حجي طه : ليش تحطني بهيج مواقف مو اني اخوك ترضاها اليه انذل باس راسي وجان يكولي
جعفر :ما عاش الي يذلك اني جوه رجلك بس لتكول هيج
حجي طه : اذا تحبني اخطب بدوني مااكدر اشوفهم واعرف بيهم راح يأذوني بكلامهم
وهو مصار شهر على دورت السنه مال ابويه لشنو هذا الاستعجال
جعفر :
اكلو راسي بس والله كتلهم الي يمسك بكلمه بنفس اللحظه اكوم واخرب كولشي
بروح ابويه تعال ويايه والله من تجي عبالك ابويه جاي
حجي طه : استغفر الله لك بابا لتسوي هيج
جعفر : حلفتك بلعزيز لتكسر بخاطري
حجي طه : باوعت عليه يريد يبجي مكدرت اقهره يله صار اجي وياك بس لتنقهر حضني ويبوس بيه
وركض رجع للبيت
دخلت
سندس : خير شبيه جعفر شفته واكف بلباب
حجي طه : اليوم خطوبته وراح اروح وياه
سندس : اجي وياك
حجي طه : وين وانتي الاربعين مطالع مالتج تخبلتي
سندس : شكو قابل صار شهر من جبت وصحتي حديد موكدامك اشتغل واتحرك
حجي طه : والجهال وين تعوفيهم الجو حار وابنج ابن نفاس يعني هيج ماعندج حس مسؤوليه
سندس : اهووو راح يطببها بحصص ودروس مالك دخل ادز على امي تضل يمهم
حجي طه : اكعدي واسكتي ابنج على صدرج اذا جاع شون
سندس : شوف طه لو اعرف اليوم تصير دمايه اروح اروح
حجي طه : وليش بله
سندس : غير اشوف منو هاي الاخذوها وحلوه لا
حجي طه : وانتي شعليج خال ولد عم بنيه انت بس مرت اخوهم
سندس : مالك دخل بسوالف النسوان المهم اشوفهم
حجي طه : ماكو روحه وانجبي واكعدي
بدت تفتر ولوك لوك يمكن ساعتين حركت شيب اهلي اريدها تسكت ماكو اخر شى عطت وكتلها امشي يمعوده امشي
لو بيدي هسه اروح للجبهه واذب روحي للايرانين حتى يكتلوني واخلص منج
سندس : نروح للخطبه الاول وراها وين متريد ذب عادي الله وياك

حجي طه : بدلت وكملت واجتي عمتي خطيه هلمره ابتلت بلوه بيها طلعت الخاتون هاي شنو
سندس : شكو
حجي طه : منيلج هاي الملابس
سندس : من انوار جدد وكتلها اكشخ بيهم وارجعها الها
حجي طه : مو عيب متستحين مو عندج ملابس
سندس : والملابس الي تكول عليهم هم يسمون ملابس ذوله خرك وصل مسح شون البسهم لازم اطلع اخبل حتى اسكت مرت ابوك وخواتك
حجي طه : باوعت عليها كامت متصيح امك كله مرت ابوك ليش لهسه احس هاي الكلمة ثكيله على اذني
وهذا شنو شعرج واكف جنه ديج هراتي
سندس : موده يمه شوف شون الكذله واكفه
انت شمعرفك
حجي طه : والله نفس الديج الهراتي ومنتول هم وتارسه روحج مكياج
سندس : لتبقى تعيب امشي راح نتأخر
صدوك شون نروح بسياراتهم
حجي طه : ما اصعد وياهم
سندس : لعد شون يمه
حجي طه : من وره شگلج مال ديوجه مضطر أجر تكسي امشي خلي يفوت هذا اليوم على خير
انطاني العنوان جعفر واخذت تكسي من راس الشارع وبس وصلنا تفاجأت جعفر بلباب حتى ميقبل يطب اله اجي

باوعت شفت علي هم ضارب قاط ومزين تكول هم عريس وانعام لابسه اسود بس تارسه روحها ترس ذهب باوعت عليه من فوك ليجوه وعلى سندس وهزت ايدها وطبت
اجتي نهر طالعه تخبل ومثل كل متشوفني لازم تحضني حتى لو بنص الشارع

اشواق : خوش قرقوز جايبين اليوم ويانه
حجي طه : متعرفين تسلمين
اشواق : هاا شونك طه وباسته
سندس : اي والله عليج غير
اشواق : ايا باخ شوفيني اخبل جني سهير رمزي بلحسن وال

اناقه
سندس : قصدج اسماعيل ياسين
اشواق : منين جبتي هاي الملابس خاف بگتيهن
حجي طه : اشواق احترمي نفسج واسكتي
اشواق : متشوف مرتك شون تحجي
نهر : تره احنا باب الناس والله عيب
سندس : اركعها على حلكها شوفها شون تتجاوز عليه
حجي طه : طبن لا اركع راس براس
نهر : ذني يراد واحد يحطهن جوه لوري ويدوس راسهن بلكت يعقلن

طبينا وتفاجأت الخطوبه لعلي وجعفر اخوه اثنين لثنين خوات اباوع عمام ابويه ولد عمه دمعت عينه واني اشوف مكانه فارغ طول الكعده وعلي حتى بوجهي مباوع اصلاً مبين مخنوك مني مدرت بال جاي لخاطر جعفر
وقرو الفاتحه وعلت الهلاهل
نهر : اباوع سندس تلوب وتباوع يمنه ويسره شكد فضوليه شجابج اعرف امي مراح تفوتها على خير وبيت العرايس حلو ومنطقه راقيه وهي عيونها هنا وهنا
قبلت يجون لان جعفر حلف يمين اذا طه محظر هو ميخطب وابو البنيه شارط اثنينهن سوه وعلي مچلب بوحده بيهن وميقبل يخطب غيرها اضطرو يوافقون على شرط جعفر بس حتى علي ياخذ الي يريدها

اباوع امي حطت رجل على رجل والنسوان كاعدات سوالف وضحك وطبن العرايس جان شگلهن حلو ومرتبات خاصه مرت علي كولش حلوه ولو مرت جعفر هم مو قاصره يعني اثنينهن حلوات اباوع على سندس طك وجهه من العصبيه ورجلها تضرب وحده بلثانيه من شافتهن وهنه بيض وهاي زركه تكول نار وشبت بيها اني بس عيوني تتحرك واراقب
جان تكول امي
هلا بجنايني يمه من فدوه لطولجن الحلو هاي النسوان الحلوه
ام العروس : ما اوصيج ام علي بناتي ذني العزيزات بنات مدللات
انعام : ولا تحجيها بعيوني عين غطا وعين فراش بناتي بعد ذني
وتباوع على سندس الگابه للستار
عمه العروس : بلخير عليج داده
انعام : الخير اليصيبج عيني
عمه العروس : اول جناينج ذني
انعام : جان تباوع على سندس اي اولهن واحسنهن ان شاء الله ويصيرن حالهن حال بناتي
ام العروس : ليش اني سمعت عندج ولد مزوجته وعنده خلفه
انعام : لتذكريني حظه الفگر اتزوج وحده متسوه بت فگر ومااعتبرها جنتي اصلاً ولا اباوع بوجهه
نهر : هلوو راح تعلك بعلي عرفت ميكعدن بمكان اله يحركنه

جان تحجي من يمها سندس حقج عمه متعتبريني جنتج
عمه العروس : ليش انتي جنتهه والله ماادري اعذرينا حبيبة
سندس : لا خاله على شنو هي هم حقها متعتبرني جنتها غير رجلي ابن ضرتها
نهر : الكل صفن وبهت وامي انتهت تكول حلبه مصراعه ونهت الجوله سندس بلضربه القاضيه لان امي كولشي عدها يهون اله تعرف العالم متزوج رجلها عليها اصلاً خلت طه بأسمها حتى تتجنب هيج موقف وخاصه بعد ما مر اكثر من ٢٥ سنه على هاي الشغله الناس القدامه اكثرهم ماتو والي عايش جبير بلعمر وشبه تناسو واليوم سندس خلت النسوان كلها صافنه بوجه امي
ام العروس : ليش داده المرحوم جان متزوج عليج
سندس : اي خاله وزوجي يصير ابن رجلها ابن ضرتها مو عمه لو عندج غير حجي
انعام : كامت على حيلها تريد تضرب سندس صاحو الولد العرسان راح يطبون يمكن بذيج اللحظه لو ما دخول الرياجيل جان علكت وتخزينا ويمكن حتى الخطوبه تنلغي
امي رجعت لمكانها بس بارود مدفع هسه مو مثلها

كامت سندس وطلعت ركضت وراها اشواق واني وراهن
اشواق : تعاي وين موليه ولج متستحين تخجلين امي
سندس : متكولين لأمج هيج مستحت من كاعده وتحجي عليه واذا هيج معاجبتها المن اجت وخطبتني لاخوج من ساعه السوده الخطبه الكشره
اشواق : اي والله لان جابت النا وحده وصخه مثلج
نهر : وكفت بينهن اسمعن لجن الولد هنا واي حجايه زايده وحق الله اخليهم يسحلوجن بلشارع متملن بس عراك ضراير انتن
جان يطلع طه الله جابك فدوه اخذ مرتك وروح
حجي طه : شصار
نهر : اذا بقيتو راح تعلكها امي فدوه ارجعو
حجي طه : شسويتي ولج
سندس : مسويت شى بس اخذت حقي منها
حجي طه : لج احجي
اشواق : مرتك ممربايه وفضحت امي كدام النسوان وكالت انت ابن ضرتها
حجي طه : فتحت عيني صدك هذا الحجي
سندس : اي واذا تريد هسه ارجع واعيده كدام الدنيا كلها
لزمها من ايدها حيل اني مو كتلج لتفتحين هذا الموضوع
امشي حسابج بلبيت
اخذها وراحو رجعنا طبينا وشفت امي وجهه ازرك من الاعصاب الله يستر

اول موصلنا للبيت دفعتها وكعت بلكاع ولج اني مو كتلج لتحجين كدام احد
سندس : لعد تقبلها تكول عليه بت فكر ومتعتبرني جنه
حجي طه : تنجبين وتسكتين واني اخذلج حقج
سندس : شون تاخذه ادز رساله بلبريد لمرت ابوك وتكول الها بعد لتعيديها بله متسكت هو انت يايوم اخذتلي حقي هو حقك ضيعته شترجى منك
حجي طه : انتي شنو من يا مله متكوليلي شسوي الج ميمله عينج حتى شغل بنزلتي اشتغل حتى احطه بحلكج الجايف وكل ماحجيتي وضيعت حقك شسوي اكتلهم خلاص ادخل السجن بيهم ابويه ومسجل كولشي الها شبيدي بعد
سندس : اي ابوك طلي وتسوكه سوك وسجلت كولشي بإسمها
حجي طه : هي كالت هيج لو عيوني بلحق صارن اني شكد احاول ما اضربها بس من تجاوزت على ابويه محسيت روحي غير ساحب الحزام ودك على جسمها وين مايوجعها وعياطها گلب الدنيا طلعت امها تركض

ام سندس : يمه دخيلك عوفها
حجي طه : موتتني