اا#يالماخذ معزتك غصبن على الروح ..😔
امانة عليك لتخليني وحدي...
انه بلياك جسد ومفارك الروح..😥
وما يحتاج اكلك وانت تدري..
تدري شكد احبك والدليل وياك..💔
اذا تحتاج شاهد شاهدي بصدري..🙏
افتح باب كلبي واقرا المكتوب..🥀
مكتوب انه احبك يا بعد عمري

#فقرة_هل_تعلم
اذا اردت شيئا من الهدوء والسعادة فعليك باحد الامرين : مداعبة طفل صغير او مجالسة شيخ كبير فالاول لايعرف الدنيا والثاني اكتفى منها !

#قصة_عراقية

البارت الثاني


صفنتلها..
ولگيت بروحي چم فلاح
چم واحد نساني وراح

أنه الزارع عشرتي
بكل دروب الشوگ
چنت انشاف ما انلاح

انه الضويت چم ظلمة
و درب عاثور
وهسه بحسرة اتاني يمرني اي مصباح

العله متوني غفو
عافو بروحي الغيم
ما مرني بشر لا گلي هم و انزاح

يجيني محمل
وياخذ ضحكتي وياه
يبوگ السكته مني يعوف بس صياح

اثاريني محطة
الناس بيه تعيش
و موعد هجرتي لمن يحس مرتاح

علي : يمه هذا ابويه يباوع عليه
انعام : قابل راح ياكلك واذا باوع انطيني اصبعه
علي: حرك ايده وطفرت يمه تحرك
انعام : وجع بگلبك ولك تعال يلخبل خلي نفضها
علي : اخاف من ابويه شوفي شون يباوع
انعام : اوف الله خلفت مطي عقل مابراسه ولك ابوك لا ايد ولا رجل ميسويلك شى تعال
علي : يومه اني طالع والله قطره دم ماضلت بيه
انعام : من امداك وامده بطني الشالتك ولك لو جايبه جلب هم يفيد اكثر منك ولك تعال قبل مااحد من اخوتك يحس اخ منك
علي : يابه اعذرني حكم القوي
انعام : صخونه اي والله يله خلي الحبر زين
لتباوع هيج حسين هذا حك تعبي وحك ولدي مكافي انطيته ذاك البيت كولش كافي على ابن رازقيه

علي : يمه انتي مو تكولين لا ايد ولا رجل شو كعد تسولفين وياه
انعام : بس عيونه المعصبه افهمها عشره ٢٧ سنه شون مااعرفه ادري بيه واعي لگلشي يصير
بصمت كل الاوراق
علي : يمه ابويه تنزل دموعه
انعام : مسحتهن وبسته من راسه هذا الصح حسين كافي العشته طول هاي السنين واني اربي ابن ضرتي كل ما اشوفه اتخيلك شون تحضنها وتبوسها وتشمها كل ما اشوفه بحضنك شون شايله وتشمه وتغمض احسك تشم امه مو هو عشت سنين واني اشوف الحصره والقهر بعيونك من تشوفه وتحضنه حيل احسك تحضنها تتمناها ترجع حتى تعوضها عيشتني حركان الدم واني مامجبوره اعيشه

حتى حبيتة وفضلته على ولدك حصره اذا لزمته وعطت لتضربي تشتري الزين اله وبكولشي تكوله صار حتى من تطلع وتاخذ الولد الوحيد التلزمه من ايده واشوفك شون تخاف عليه من الشارع خليت حتى علي يكرهه لان حسسته هو الجبير مو علي
لا عبالك ممنتبه على تصرفاتك وكلت ميخالف اصبري ياانعام هسه يحس هسه يبطل وانته حاطته جوه جناحك
كافي سنين متنعم بخيرك الباقي لولدي فلس واحد ميشوف ابن رازقيه انطيته بيت ينجب ويكعد بيه غير شى حق تعبي وياك وحق ولدي

علي : يمه كافي ابويه جنه تعب
انعام : خليني ولك ٢٤ سنه واني كاتمه الضيم بقلبي من يوم ماعرفت برازقيه مرته
عشت بس ٣ سنوات متنعمه بحبه وتالي الكاه متزوج عليه وفوكاهه تعيش بصفي
علي : ميخالف بس هو هسه مريض والردتي صار خلي نطلع
انعام : انجب انت واطلع عوفني وياه
علي : يمه اخاف تأذي
انعام : من صخونه اي والله شون أذي ولك بس اريد اسولفله البگلبي وحركته انت رجال مثله ماتحس بلوعه المره امشي ولي
علي : طالع هو اني شمحصل غير الرزايل
انعام : تعال اخذ الاوراق يلثول وباجر هذا المحامي الجبته نص ردان خلي يكمل الاجرائات
علي : ليش نص ردان والله خوش محامي
انعام : امشي لك انت شفت شكله شون مهتلف
علي : مالج دخل بلشكل يمه المهم هو عبقري بهاي السوالف وراح يسويها واحنا هنا كاعدين
انعام : اذا راد فلوس بعد اركعه بلنعال العندي انطيته وخلي يكملهن بسرعه
علي : صار خلي اطلع اروحله حتى يلحك باجر يكمل المعامله
انعام : روح ولتتأخر
علي : صار

حجي طه : كاعد على الساتر وصوت المدافع يهزنا هز والطلقات مطر فوكانا وكل شويه وانطونا تعليمات بلتنقل لمكان لحد مستقرينا هنا ليل وكمريه واباوع للسما
واتذكر ابويه وضحكته طلعت السبحه من جيبي ريحتها عنبر ريحته الدوم يحط منها ومابطل بيوم يحط كون اشوفك يابه واشبع من ريحتك گلبي ناغزني عليه شون حاله دخيلك ياابا الحسن شافي وعافي بعده اتيتم واتأذه منو الي بعدني محتاجه حيل
انحطت ايد على جتفي مسحت الدمعات النزلت من عيوني واني ادعي
ها خويه شو وحدك
كمت وكفت نائب ضابط عمر
عمر : اكعد اخذ راحتك ورحمه لأهلك صيحلي عمر من نكون خارج الواجب
بيك شى ليش وضعك مو زين من الصبح منتبه عليك
حجي طه : گلبي طاك على ابويه صار شهر هنا ومااعرف شى عنه
عمر : مضل شى كلها اسبوع وتنزل
حجي طه : الله كريم تعشيت
عمر : الْحٍمَدٍ للـّہ وضميت حصتك
حجي طه : مجوعان نفسي مسدوده
عمر : كولشي بيد ربك ادعيله بلصحه والعافيه الاب عزيز وميحس بلوعته بس الفاقده
حجي طه : الله يرحم ابوك اعتذر خاف ذكرتك
عمر : ليش هو الاب وفركته ينسي يبقى يحفر بروحك وكل متكبر تحتاجه اكثر

حجي طه : خايف على ابويه حيل وضعه موزين من عفته
عمر : انت مو عندك اخوان لتخاف اكيد عينهم عليه
حجي طه : بس مو مثل ما اني موجود
سمعنا صوت انزلو انزلو
نزلنا نركض اني وعمر
ها خير
نائب ضابط رشيد : اجتنا تعليمات نتحرك مجموعه كامله ضاربيها واكو دبابتين لازم نروح نصلحهم عطلانات بمكان طايح حظه
حجي طه : اني مااعرف اصلح
رشيد : اعرف بيك بس اني وعمر لازم نروح نسيت احنا اصلنا بكتيبه الدبابات ولازم نروح نصلح
حجي طه : شسمها الدبابه

رشيد : تي 55
عمر : وهاي شعطلها
رشيد : حظنا امشو يله ماطول ليل والمكان مو بعيد لازم نكمل كولشي قبل ميطلع النهار
عمر : منو راح يجي ويانا
رشيد : احنا ٦ نروح ونرجع بسرعه بس الضابط كال اخذو طه وسام وياكم
عمر : طه اذا خايف ابقى
رشيد : اي مو احنا بستان الوالد على الشط نزكف سمج واذا معاجبه ليجي ياكل هاي شبيك عمر غير تعليمات
حجي طه : لا اجي هي الاعمار بيد الله واكيد منخالف التعليمات
عمر : شبيك جوله (يعني حاروكه ) قابل شگلت
رشيد : يمعود امشي مو وكت سوالف تأكد من العده بلسياره
حجي طه : مشينا والطريق متعرج تصعد وتنزل السياره بينا واحنا والسما الصافيه وحدنا لو نرجع لو لا اذا لمحتنا قوات العدو راح تصفينا بلحظتها
وصلنا للمكان نزلو جنود من الدبابه حدود ١٠ بيهم سلمنا عليهم من شافونا تكول شافو الجنه ممصدكين اباوع اكو قريه حدوديه اشوفها من بعيد
هاي شنو سيدي هناك ومنو كاعد
رشيد : ناس حالهم من حالنا
حجي طه : ميخافون
عمر: اكثر هاي البيوت عافوها اهلها من القصف ادمرو دمار ونزحو للمناطق البعيده من المواجهه يعني كل هاي البيوت فارغه لو تلكه احد بيها لو متلكه

رشيد : انطي الدرنفيس وتعال ساعدني ورانا شغل هوايه وانت طه اخذ وسام و٣ من الولد واكفو احمو ظهرنا اخاف يجي احد
حجي طه :اباوع ناس تركض يمنه وناس يسره بس يردون يكملون صار شى
عمر : انطونا تعليمات بالاستعجال لازم نكمل بسرعه كالو اكو مجموعه استطلاع ايرانيه قريبه من المنطقه لازم نكمل قبل ميصير ضوا اذا لكونا يحركونا حرك
حجي طه : بلعت ريك وخفت وتشاهدت الايام العشتها هنا خلتني انام واكعد اتشاهد لان على لحظه تموت صحت ولك وسام تعال واجوي ولد ويانه
اكولك وسام انت متزوج
وسام : لا والله حجي بس خاطب وعرسي على هاي النزله ادعيلي اتزوج متدري صار ٣ سنين احبها وكوه اهلها انطونياها وانتظر يوم يوم نتزوج
حجي طه : ترجع بلسلامه ونحضر عرسك هم
وسام :مايحلى العرس اله بيكم
اباوع على الجندي بصفي يهز براسه
ها خويه شبيك
اباوع على حظي على اساس نزلتي البارحه والضابط اجلها
حجي طه : لتضوج تهون
شتهون خويه واني اريد اشوف ابني مريتي ولدت وهذا اول ولد صار سنين انتظره
حجي طه : الله يحفظه الك وتشوفه عريس
رجعنا نراقب وكل شويه ادير وجهي

اباوع عليهم ماشاء الله السرعه العدهم كارثه بس هنا الدقيقه محسوبه من عمرنا بقينا مركزين الدنيا ظلمه بس شويه الكمريه عاكسه وكفنا نباوع لمحنا من بعيد حركه مو طبيعيه
نزلنا نركض
سيدي الحك قريبين من عدنا
رشيد : بسرعه جمع العده ونادي على تعزيزات
حجي طه : يعني منرجع
عمر : شون نرجع نعتبر متخاذلين والدبابتين تصير الهم
حجي طه : بدوا ينادون على تعزيزات قريب موصلو قطعو اي اتصال حتى ليحسون اكو احد
عمر : شنسوي رشيد التعزيزات تتأخر واذا بقينا هيج تالينا لو نتأسر لو ننگتل
رشيد : واذا رجعنا هسه هم احتمال يصيدونا وهم نعتبر تخاذلنا عن ايداء الواجب توزعو ياولد اذا صارت وحده من اثنين لازم نتواجه الموت ولا الاسر
تشاهدو
حجي طه : تشاهدنا ولزمت سبحه ابويه وبستها جانت لحظات مرعبه اشوف الموت لحظه لحظه يتقرب من عدنا

١٠ دقايق واشتغلت الاشتباكات صعدنا على التله سيطرنا عليها اقلها نرميهم من فوك اذا صعدو التل وسيطرو عليه نصير مكشوفين وكلش سهل كتلنا بقى عمر يصلح بلدبابه كال اقلها تفيدنا
جان عددنا ١٦ واحد والموت بينا وبينه شعره ذولاك فدائين يشمرون بروحهم ولا يهتمون اباوع واحد وره الثاني من جماعتي يتصوب ويموت استلمونا قنص همه مجهزين بناظور ليلي واحنا ممستعدين يشوفونه واحنا كوه نلمح منهم المسافه قريبه كولش صارت والرمانات تتشمر بكل مكان سونا طشار بهاي اللحظه عرفت عمري انته

ركض عمر حتى يساعدنا ملحك حتى يكمل تصليحها محسيت غير رمانه قريبه علينا ركضنا واطشر منو المات اباوع رشيد غركان بدمه واني الدم ينكط من راسي ركضت على رشيد احركه شفت رجله مكطومه والنفس مكطوع شسوي ياربي الخوف سيطر عليه اول مره اشوف الموت بعيني ذوله القبل شويه جنت اكل واشرب واسولف وياهم واحد واحد ينكتل كدامي جان يجرني عمر حيل مصدوم ماافهم بهاي الشغلات
عمر : ولك تحرك
حجي طه : كمت ابجي ماتو
عمر : مو وكتها

سحلني عمر من ياختي ونركض بأتجاه القريه بكل سرعتنا نريد بس نوصل بدون ميشوفونا
اركض واتشاهد صار رمي قوي يمكن لمحونا
سمعت طبه ورايه اندار الكه عمر متصوب
عمر : روح طه اركض
حجي طه : شون اعوفك
عمر : ولك روح راح يلزموك
حجي طه : لو نموت سوه لو نعيش سوه شو تعال وتجيته متصوب برجله وشمرنا نفسنا بيت عتيك
عمر : ولك عوفني وانهزم بيها مجال الفلته
حجي طه : لو ما انت تسحلني من التله جان هسه متصوب اسكت وخليني اشوف مكان نختل بيه
اباوع البيت مهجور وصغير وين نولي دخيلك ياعلي احضرنا اباوع هذا مدد وينزف واني حاير يمكن دقايق ونلكاهم فوك راسنا الوب بلبيت ادور على مكان انضم روحنا بيه
عمر : طه بداعت ابوك عوفني اني ميت ميت اذا مو من وراهم من ال

نزف
حجي طه : سحبت البدله مالتي نزعتها ونزعت الفانيلا الداخلي ورجعت لبست البدله
عمر : شسوي
حجي طه : انطيني صبر
شديت رجله حيل
عمر : اااخ
حجي طه : صوتك ليسمعون بلكت النزف يقل
عفته ورجعت ادور على مكان نضم روحنا فتحت اكو باب من الجهه الثانيه للبيت فسحه جبيره باوعت تنور طين مديت ايدي مليان خشب صغار وكبار وسعف يابس
فرغته بلكاع ورجعت ركض اله
كوم
عمر : وين
حجي طه : لكيت مكان اضمك بيه
عمر : وانت
حجي طه : خلي بس أمن عليك واني ادور لنفسي كوم ساعدني
عكزته على جتافي ويمشي صوت سياراتهم واضحه بس مو قريبه اكيد حارو بلدبابه والولد الي ماتو اخاف بيهم عايش
شلته
عمر : ادخل هنا
حجي طه : واليرحم اهلك تحمل الموت گبالنا
عمر : ليش متختل انت لك لتعاند اني ميت
حجي طه : وداعت ابويه ما اعوفك كتلك اذا الله كاتبلنا الموت نموت سوه يله كول ياالله دخلته حشر روحه بلتنور وذبيت الحطب والسعف واسمعه يكول ااخ
تحمل اخويه تحمل راجعلك عمر وداعت ابويه ما اعوفك
ركضت ادور مكان اختل بيه اركض واتختل بين البيوت سمعت سياراتهم قربت شمرت نفسي مثل الساكيه مال مي بس خايسه كلها طحالب المجاري انطف منها الموت من يجي تسوي المستحيل حتى ميصيرلك شى اتجاهد حتى تعيش
بقيت متمدد على ظهري ولحظه اتنفس ولحظه لا حتى ليحسون اكو احد حتى النفس كمت اخاف اخذه ليشوفوني

الكاتبله عمر رب العالمين يعيش لو جيوش العالم كلها كدامه ما اعرف شكد بقيت على هذا الحال بس وقت مو طويل واسمع صار رمي ياالله ارحم بحالنا
وادعي وابجي اي ابجي الروح عزيزه وهم خايف على عمر ليلكوه تندمت عفته هناك لو شامره يمي بس اني متوقعت الكه هيج مكان واشتغلت الاشتباكات بحدود الساعه ونص اذا مو اكثر واخاف امد راسي ليطلع احد ايراني كدامي
سمعت صوت ناس تركع بلبيبان وكطعت النفس
وسمعت حجينا ولدنا يسولفون اروح فدوه لصوتكم سمعت واحد كال سيدي ماكو احد هنا
طفرت من مكاني واصيح اني هنا اني
اجوي يركضون وموجهين السلاح عليه
انطيتهم اسمي وبيا فرقه اداوم عرفت همه التعزيزات الي طلبناها قبل ساعتين
وروحي مفرفحه لزمت الضابط من ايده واكوله سيدي صديقي هنا
ركضو الجنود ويايه
وصلت للمكان ركضت مثل المخبل وخرت السعف لكيت عمر ولا نفس

اضرب بوجهه تهسترت ولك عمر اكعد اكعد اجونا فتح عيونه وسدها ياابا الحسن ياعلي عايش
اخذوه الجنود وشالوه واني اركض وياهم وگبل على الطبابه المتنقله بين منوصل
باوعت الكل مدد بشر على مد البصر
ليش ياربي شنو ذنبها هاي الناس كلها تموت جم ام هسه انكسرت بولدها وجم مره ترملت وجم طفل تيتم اذا من عدنا او منهم شكد عوائل تشردت لا اله الا الله
رجعت واني ساكت المريت بيه مو قليل الخوف والرجفه خلوني بحاله صدمه
رجعنا للمقر طبيت والدنيا صارت صبح اجوي جماعتي يركضون شافو حالي حتى مكدرت اسولف طلعنا ٦ رجعنا ٢ عدا العشره الماتو اباوع وسام البعده عريس
ومتزوج حبيبته لو هذا المشاف ابنه
امر الفوج دز عليه وانطاني نزول وامر يتسوى ارسال لعمر للمستشفى هو وكم واحد متصوب من غير مناطق

نزعت ملابسي المتعفنه وغسلت ولبست نظيف ونزلت حتى بدون ما اسلم احس المر عليه خلال الكم ساعه الفاتت الجبال ميحملها

رجعت وعيني صافنه على الطريق واتذكر كولشي صار اباوع جان هسه لافيني بعلم وراجع شهيد رحمتك يارب
نزلت بكراج العلاوي وركبت فورتات ونزلت براس الشارع وتمشيت لبيتنا وعيوني على كل حصوه بشارعنا
واشوف واحد يركض ويصيح لك طه باوعت جعفر حضني حيل وحضنته والدمعه بعيني
ابويه
جعفر : تعال شوفه هسه اكيد يفرح لان شافك
دخلت اله قبل حتى ما ادخل لبيتي جنت حيل محتاجه محتاج حضنه يرجعني طفل صغير ويخليني جوه عباته
دخلت لغرفته واشوفه مدد لا ايد ولا رجل منا اني اعصابي تعبانه ومنا شفت ابويه وضعه منتهي شمرت نفسي بحضنه وابجي مثل الجاهل
جعفر : شبيك طه خوفت ابويه شوف حتى كام يبجي
حجي طه : يابه اشتاقيتلك وابوس بيده ورجله يابه كوم محتاجك
جعفر : اذكر الله شجاك مو كتبتلك عن حالته بلرساله تقصدت ادزلك خبر حتى لتنصدم من ترجع تالي هذا حالك

حجي طه : عوفني وياه وحدنا محتاجه حيل
انعام : ها رجعت عبالي يجيبوك ملفوف بعلم
جعفر : ياستار يمه تصدكين تكذبين فوك متبوسي وتتحمدين بلسلامه على رجعته
انعام : شكو قابل حرر فلسطين
جعفر : يمه غير جان بلجبهه
حجي طه : عوفوني ويه ابويه
انعام : خوش والله تطردني من غرفتني
حجي طه : درت وجهي ومجاوبتها جان اسمع صوت ورايه تجي تركض وتبجي حضنتني نهر اختي
نهر : الحمدلله على سلامتك ياروح اختك
حجي طه : بستها من راسها الله يسلمج
انعام : اجت اللوكيه امشي ولي على شغلج
نهر : هسه يمه بس اشوف طه سوده بوجهي ليش هيج حالك ضعفان ومسود بيك شى
انعام : شبيه قابل مو كدامج
حجي طه : مابيه شى حبيبتي
باوعت الظاهر انعام متعوفني وحدي وياه واني حيل مابيه ومنايم صار يومين بست راس ابويه وكتله ارتاح واجيك عيونه تعبانه ومغوركه بلدموع

جعفر : وين
حجي طه : ارتاح

وبليل اجي
عفتهم وطلعت بلباب شفت سلام راجع من المطعم سلم من وره خشمه واشواق اصلاً منزلت تسلم مدرت بال اريد اروح اسبح وانام اريد ارتاح
طبيت للبيت فتحته ملكيت احد بيه صحت سندس سندس ماكو
رجعت طلعت وصحت جعفر
اكولك ويه سندس
جعفر : تعاركت ويه امي وراحت لبيت اهلها
حجي طه : على شنو تعاركن
جعفر : نسوان ناقصات عقل وعلكت بينهن
حجي طه : غير افهم شكو غير اني عايف مرتي امانه عدكم بيتها ارجع ما الكها
جعفر : مرتك اجت اداعي بمصرف تكول ماعندي وامي استلمتها روحي لرجلج هو ينطيج

حجي طه : بس اني عايف فلوس الها يكفيها شهرين مو بس شهر وهي وحدها بلبيت
جعفر : والله ياخويه مااعرف تالي ضلت سندس تعيط وانتم اهله وغصب عنكم تصرفون عليه اني جنتكم
وامي طردتها وكالت من يجي رجلج هو يصرف عليج
حجي طه : استغفر الله وتالي
جعفر : رحت كسرت قاصتي واخذت فلوس منها وحطيتهن بيد مرتك وبيدي وديتها لأهلها كلت زحمه تروح وحدها وهم اذا تبقى هنا وحدها راح تعلك بلزايد
حجي طه : شوكت هذا الحجي
جعفر : قبل ١٠ ايام
حجي طه : خلي اطب اسبح وانام ومن اكعد اروح اجيبها
جعفر : تريد اني اروح اجيبها
حجي طه : لا مالي خلك هسه كالت امك وحجت وعادت روحي بخشمي
جعفر : ارتاح وهسه راح اجيبلك اكل
حجي طه : كولشي ما اريد بس انام
جعفر : خوفتني حيل
حجي طه : لتخاف من انام راح اصير زين
طبيت للبيت وسبحت وكل ما اغمض عيني اشوف شكل رشيد لو وسام الغركانين بدمهم وارجع ابجي اريد يبرد گلبي مكعد يبرد

طلعت نشفت شعري وتمددت ومن التعب كولشي محسيت نمت نومه مو طبيعيه مفتحت عيني غير ثاني يوم الفجر سمعت يأذن باوعت حيل هلكد نمت
اوو حتى لا مصلي مال البارحه اعوذ منك يلشيطان كمت توضيت وصليت الواجبه والقضا وكعد اسبح تذكرت ابويه هسه كاعد اعرف بيه يكعد على صلاة الصبح
طلعت لبيت ابويه فتحت الباب دخلت من المطبخ
اباوع مكان الصلاه مالته فارغ اتذكرت هو مريض واكيدهسه صلاته تغيرت ومااكدر ادخل لغرفته وهمه نايمين قبل من جنت اعرف امي انعام ادخل عادي بس من عرفت هي مرت ابويه كمت حتى استحي منها

نزلت نهر وتفرك بعيونها وتبتسم
نهر : عرفت جاي على ابويه محد يطب هيج وكت غيرك والله اشتاقيت لشكلك انت وياه من تصلون سوه
حجي طه : صباح الخير وبستها
نهر : صباح العافيه عليك تعال نتريك سوه
حجي طه : اي والله جوعان بس بالاول اكعد ابويه يصلي
نهر : لا لتكعده
حجي طه : ليش غير يصلي ادري بيه ميكدر يتحرك بس على الاقل يحرك بعيونه واني اساعده
نهر : والله ياطه مااعرف شكول الك
حجي طه : امشي بلمطبخ واحجيلي وجهج ميتفسر
نهر : تعال كعدنا وحضرت القوري حطيته على النار وطلعت البيض والجبن والخبز هم نشرته حتى يموع لان جامد
حجي طه : احجي شصاير
نهر : ابويه الحاجتين جواه
حجي طه : وكفت على حيلي شون شكعد تكولين
نهر : انت شفته مدد بس متدري هو منتهي حتى حاجته ميكدر يگضيها وميسيطر على نفسه لهذا بطل الصلاه
حجي طه : ومنو ينظفله منو يدير باله عليه
نهر : امي
حجي طه : اوف يابه كل هذا صاير بيك واني ما ادري
اني شفته ذبلان وحاله كولش تعبان
نهر : امي متوكله هوايه حتى ليوصخ هوايه
حجي طه : انتي صدك تحجين
نهر : ابوس ايدك لتكول الها تره اطيح حظي

حجي طه : اني اخذه يمه واداري اني نازل اسبوعين واحطه على راسي
نهر : لتسوي مشكله طه انت هم وراك مره وعريس ومنو يكول مرتك تقبل تره سندس وكحه انت مشفت معدنها زين كلها يومين والتحقت
حجي طه : گلي جعفر على المشكله
نهر : مو بس المشكله ياطابه ياطالعه بخت وليش متساعدون اخوكم وليش بيتكم هيج مرمرت گلبنا بس امي متعرف بسوالفها هي بس تحجي كدامي لان تعرف بيه ما اردها واتجنب المشاكل
حجي طه : اني اعرف شون اتصرف وياها وابويه اجيبه يمي ميعجبها تبقى بيت اهلها
نهر : لزمت ايده وكتله عوف ابويه بحاله لا انعام راح تقبل تاخذه ولا مرتك لا تقبل تستقبله اني هنا وكدام عيني روح لبيتك يبعد اختك وعيش هاي الاسبوعين بحضن مرتك ولتسوي مشاكل انت لو راجع وبعد متروح اكول هوس تعارك شسوي سوي
بس هنه اسبوعين ونرجع مثل قبل ويجوز اتعس ابويه صحته على كده ومو حمل المشاكل والطلايب وامي ومرتك حيلهن حيل اسد بس يتعاركن

حجي طه : واعوفه هيج
نهر : ماعليه شى ذيج الفتره كلها هو هنا وبدونك لتخربطله النظاه واني گتلك عيني عليه وعيونك مااقصر وانت يوميه روح وتعال عليه المهم لتسوي مشاكل من يوم وكعت ابويه وامي مراحمه احد اي واحد يعاندها اطيح حظه خلص اجازتك بسلامه بداعتي عندك
حجي طه : وجعتي گلبي وظهري كسرتي
نهر : اسم الله على ظهرك بس هذا حالنا والحمدلله على كل حال
يله خلي نتريك سوه
حجي طه : اطب اشوفه
نهر : شويه وتكعد امي وادخلك تشوفه بس اكل حتى تكدر تتحمل اللغوه الي تصير
حجي طه : ماشي كعدت اكل وافكر بكل كلمه كالتها نهر ونار بصدري عليه هاي تالي عمره يصير بيه هيج شيخلص العسكريه الكشره واكابله واكعد واريد اشوف منو يفتح حلكه ويحاجيني

شويه وطبت انعام

انعا

م : هاا شرفتنا مبين مرتك مقبلت ترجع وياك
حجي طه : صباح الخير يمه
انعام : هلا
حجي طه : ابويه كعد
انعام : اي روحله
حجي طه : رحت ركضت مثل الجاهل ينتظر ابوه دخلت ومن شافني عيونه دمعت حضنته حيل كافي يابه شبيك بس تشوفني تبجي هياتني يمك مابيه شى
يأشر براسه والنطق شبه كاطعه
حجي طه : ماافهم والله شتريد جوعان يإشر لا عطشان لا صحت يمه تعالي شوفي ابويه شيريد
انعام : هااا شيريد قابل شبيك حسين
حجي طه : دار وجهه منها استغربت اول تالي ابويه يسوي هيج
انعام : هسه اوكلك جيبي الريوك نهر
نهر : اي يمه اجيت
كعدت بصفه تحط اللكمه بحلكه ساد حلكه ميقبل ياكل
انعام : يمعود افتح حلكك تره مالي خلك تضل تتعزز اكل وفضني

حجي طه : على كيفج يمه انطيني اني اوكله
انعام : هاك وكله اوي اروح اتريك فوك ما اداري والله متعافي
اخذت الصينيه منها شوربه دجاج مخبوطه كولش زين وخفيفه قربت الخاشوكه منه فتح حلكه وعيونه بعدهم يلمعن احس الدمع يتسابق حتى ينزل اخذت خاولي صغير قريب من راسه واوكله وامسح حلكه
يباوع عليه وعيونه بيهم الف كلمه وموضوع بس ميكدريحجي
حاولت اسأله بديت اسولف وياه وهو بس يهز براسه وياكل بس قليل كولش
كتله يابه الولد مسويلك شى
حرك راسه لا
انعام وياك حرك عيونه اي
شبيهه مأذيتك جان تصير فوك راسي
ها ولك ابن رازقيه تحرك ابوك عليه
حجي طه : يمه عيب هذا الحجي ليسمعج احد
انعام : قابل كذبت
حجي طه : انتي امي وعشت سنين واصيحلج يمه ومصار كم سنه يله عرفت انتي مو امي يعني ما اكدر الغيج من حياتي واعتبرج مالج وجود
انعام : اذا هيج تحسبلي خاطر ليش تحرك ابوك عليه لو تريد تسوي شى موزين
حجي طه : شسوي ابويه وتعبان واريد افهم شبيه وكعد اسولف وياه
انعام : عوف ابوك وروح رجع الزركه مرتك كالت نهر مرايح بعدك الهه
حجي طه : يمه انتي شبيج متفهميني انه مضوجج بشى تره البيه كافيني ومالي خلك مشاكل وطلايب
انعام : كول لمرتك خلي تنجب وتكعد بيتها لا اسحلها بنص المنطقه مبقت عليه بس بت الخبازه
حجي طه : مو انتي اختاريتيها هو اني الجبتها وسويتيها بس هي وبس
انعام : غير الناس كالت حبابه وفقيره
حجي طه : واني مشفت شى منها موزين
انعام : غير كعدت يومين يمها وماشاء الله كصتها تخبل عليك ذبتك بلجبهه اذا بقت منا لشهر يجوز يجيبوك مكطم

حجي طه : كولشي قسمه والحمدلله على كل حال خلي اروح ارجعها
انداريت على ابويه وبست راسه وايده راجعلك يابه اسبوعين اني يمك
انعام : سد الباب وراك
هااا حسين تشكيني لبن رازقيه هاي تاليها اله احرمك شوفته يله توب وروح ابويه اذا حسسته بشى حتى هنا ما اخلي يدخل ولتنسى البيت بأسمي واطرده طردت الچلب صير عاقل حتى لا اطلع قهرك بأبنك العزيز

حجي طه : باوعت ساعه ٧ الصبح هسه بس اني اروح للناس من السبعه شيكولون عليه خلي ارجع للبيت ارتاح وعلى الساعه ١٠ اروح طبيت اباوع للبيت تراب وصخ هسه انتي طلعتي زعلانه اغطي الغراض حتى ليصير بيها تراب
نفضت التخم واكو ماعون قديم محطوط على الطبله شلته وحطيته بلسنك همزين ماكو مواعين بس البيت وصخ
سحبت جنطتي مال العسكريه وطلعت ملابسي وطلعت الجيس البيه البدله كله خيسه جبت المعجانه وكعدت اغسلها اخاف هاي تلعب روحها من ريحتها وكعدت التهي بيها واغسل وعقلي مو براسي ساعه افكر بلصار بيه هناك وساعه افكر بأبويه شنو قصده انعام مأذيته شمسويه محسيت بروحي غير غاسل ملابسي كلها علكتهن بلحمام حتى يذبن ميهن وسبحت وبدلت باوعت ساعه ٩ ونص خلي اتمشى الهم

وصلت لبيتهم دكيت الباب طلعت امها لابسه دشداشه الخبز وخطيه مبينه هلكانه
شونج عمه
هله يمه الْحٍمَدٍ للـّہ على سلامتك هلا من جاينا ولج سندس خايبه سندس الحكي منو اجه
اجتي تركض شافتني ركضت حضنتني
اني خجلت لان امها واكفه
بستها من راسها شونج
سندس : شوني حال الضيم حالي
ام سندس : يمه على كيفج ويه الوليد توه وصل تعال ادخل يمه الحمدلله من رجعت سالم غانم
حجي طه : لا عمه تعبان اجيت اخذ سندس وارجع للبيت
ام سندس:شون ترضاها ادوس عتبت بيتي وماتدخل راح اسويلك احلى ريوك وخبز حار من يدي
حجي طه : بيت العامر بأهله عمه بس والله تعبان وهم متريك غير وقت اجي اني وياها ونتغدا هم
سندس : ليش شوكت اجيت
حجي طه : من البارحه
سندس : لا بالله واكيد امك كالت لترجعها ومااجيتني اول موصلت
حجي طه : اجيت روحي مشايلها كفيلج الله وبس گضيتها نوم ومن كعدت استحيت اجيج من الصبح كلت يصير ساعخ ١٠ واجيج
ام سندس : كافي ولج وامشي حضري غريضاتج وروحي ويه رجلج
حجي طه : لتباوعين هيج وامشي لبيتج العايفته صار ١٠ ايام
سندس : هو اني عفته لو انطردت منه
حجي طه : محد طردج منه واذا امي طردتج من ذاك البيت
سندس : ليش هو مو البيت واحد

لا مو واحد ذاك بيت ابويه وهذا بيتج هاي كدام امج اخاف ارجع التحق ممنوع عليج توصلين لذاك البيت لو شميصير تلزمين بيتج وتكعدين
سندس : غير بيت عيالي واروح الهم وشحتاج اخذ منهم
حجي طه : اني ممخليج بقصور وعايفلج مصرف

يكفي شهرين وانتي وحدج متكوليلي ليش رايحه اداعين بفلوس
سندس : هاي امك الحيه كالتلك مو
حجي طه : عطت بيها انجبي واياج تتجاوزين
جان امها تركعها على حلكها
اش اسگتي من صخم الله وجهج يمه امسحها بيه طفله وما تفتهم
حجي طه : اني افهمها امشي يله
سندس : ماارجع روح
ام سندس : انجبي وامشي ارجعي لرجلج
سندس : متشوفي شون من اول مطب يتأمر عليه
حجي طه : انه لا متأمر ولا طلبت شى كتلج بس ذاك البيت متوصلين اله ومالج دخل لا بأمي ولا بأي احد من ذاك البيت
عليج بيتج وبس
سندس : على اساس معيشني بقصر شعشوع
حجي طه : والله يابنت الناس هاي امكانيتي شبيدي لو عندي اجيبلج احد قصر
ام سندس : الله يرزقك وتجيبلهت أًاٌلاًحلى لاتهم يمه كله رزق من الله
حجي طه : ونعم بالله يله تعبت حيل
سندس : ماشي

ورجعنا للبيت واول مطبينا كتلها
نظفي البيت تره حيل وصخ
سندس : لو ادري تجي جان نظفته بس تعال كولي مشتاقيت اليه
حضنته وبديت ابوس بيه بهدوء
حجي طه : تعبان سندس كملي شغلج وبعدين النه كعده سوه
سندس : انت شبيك ولا جنك عريس عاف مرته ثالث يوم عرسها توقعت تجي مشتاق طاير عليه
حجي طه : حضنتها حبيبتي اعذريني وضعي مخربط يوم يومين واصيرلج احسن من قبل
سندس : براحتك اروح اكمل شغلي احسن ودفعته وخرت من حضنه
حجي طه : بقيت اليوم كله نايم شكد ماانام احس اتعب اكثر لحد ماحسيت بسندس تتقرب مني وتبوس بيه تكعدني
فتحت عيني
سندس : متتعشى مجعت
حجي طه : قربها مني وريحتها واني صار اكثر من شهر ممتقرب منها ثارني وجريتها وتقربت منها حسيت هلمره مو مثل قبل مندمجه ويايه وتحس بيه
سبحنا واكلنا جان بوكتها شهر التاسع ١٩٨٢ واحنا كاعدين ناكل جان تكولي
سندس : طه
حجي طه : هاعيني
سندس : اني حامل
حجي طه : ذبيت اللكمه من ايدي ممصدك الكالته صدك حامل يعني راح اصير اب
سندس : اي ان شاء الله
حضنتها حيل وبستها
سندس : متوقعتك هيج تفرح
حجي طه : شون ماافرح وهاي امنيه ابويه
سندس: كولشي وكلت ابويه والله موتتني
حجي طه : شوفي يابنت الناس اني ذيج المره جنتي عروس وكلت ما اكسر بنفسها وبعدها صغيره
سندس : وهسه شنو كبرت ٢٠ سنه
حجي طه : شوفي حتى طريقه كلامج مال وحده عمرها ٦٠ سنه مو مال وحده صغيره طفله كل كلمه اكولها ترديها بعشره لتنسين اني رجلج وعيب تحجين بهاي الطريقه متحمل وساكت واكول بعدها ممتعلمه عليه
سندس : هسه ليش صرت اعصاب
حجي طه : سامعه احذر الحليم اذا غضب شكد تشوفيني بارد بس اذا صرت عصبي مااشوف كدامي تحترمين وتجرين عدل اشيلج على راسي تعوجين اطيح حظج صيري عاقله كبرتي واتزوجتي وراح تصيرين ام
سندس : زين بعدك تتذكر حامل
حجي طه : يعني متكدرين تسكتين
سندس : وانت متكدر اله تلعب روحي عوفني احجي ميصير هيج اني هم مرتك والي حق عليك
حجي طه : واني بشنو مقصر
سندس : خلي نعيش هناك
حجي طه : هناك منعيش ذاك البيت تنسي
سندس : ليش مو بيت ابوك والك حصه بيه حقك ورثك
حجي طه : ولج ابويه عايش وتردين اورثه تخبلتي
سندس : مو ورث قصدي
حجي طه : اسكتي سندس لو ما حامل جان عرفت شسوي
سندس : شو كمت
حجي طه : لعبتي نفسي ما اريد اكلي وحدج
كامت تبجي اوف والله مالي خلك
سندس : انت ليش متحبني وتحب اهلك اكثر مني ليش حصره اجيب طاريهم تتعصب عليه
رجعت وحضنتها اسكتي كافي موزين انتي حامل
سندس : هو انت خايف على الطفل مو عليه
حجي طه : لا عليكم اثنينكم وكافي لتبجين
سندس : كله من وره امك غاسله راسك مني
حجي طه : تره هي الخطبتج اليه انه لا شايفج ولا اعرفج
سندس : شون وهي اجت كالت هو طلبج بالاسم
حجي طه : صفنت انه
سندس : هي من خطبتني كالت شافج وكال اريد سندس واني كيفت وافقت
حجي طه : سكتت لا اكدر اكذبها لأنعام لان سندس تدري امي ولا اكدر اكول صحيح بقيت ساكت وكتلها امشي شيلي المواعين وتعالي بحضني
وهي كيفت مرات احسها طفله متفتهم ومرات احسها مره كامله بعدني ممتعلم على تصرفاتها

بقيت يوميه اروح لأبويه الصبح وبليل مرتين بليوم ويوم بعد يوم اشوفه ذبلان بشرته بحمل سندس وابتسم ابتسامه خفيفه عرفته فرح كمت كل ما اكعد وياه انعام متعوفنا ابد مگابلتنا وكاعده
وبعدلي ٤ ايام والتحق وبدت نفسيتي تتعب هم ارجع للضيم
وبليل متمدد وسندس بحضني ونسولف هي سوالفها كال ذاك البيت وحجت امك واني اسمع الها بس كولشي ما احجي الظاهر ميفيد وياها واني من كثر ما روحي بخشمي ساكت اريد تخلص اجازتي بدون مشاكل
اندكت الباب حيل ركضت حافي ياستار شصار
واسمع عياط قوي فتحته
واشوف سلام گبالي ويصيح ابويه مات

يتبع ..

#توقعات_الأبراج
ابراج اليوم الاثنين, 9 ايلول 2019 عاطفياَ ومهنياً وصحياً
الحمل
برج الحمل
مهنياً: تفكر أكثر من مرة حتى تخوض تجربة جديدة على صعيد العمل، ويساعدك صديق مقرب في اتخاذ القرار السليم

عاطفياً: علاقتك بالشريك مستقرة بعد تصفية الخلافات التي حدثت بينكما، لديك فرصة ذهبية للوصول بالعلاقة إلى مستوى متقدم




صحياً: حالتك الصحية على ما يرام ولا تشكو من آلام العظام التي أصابتك في الآونة الأخيرة، ربما تحتاج إلى تنظيم الوجبات لئلا تكتسب وزنًا زائدًا
الثور
برج الثور
مهنياً: لديك الكثير من الأعمال التي عليك إنجازها في وقت قياسي، ربما تحتاج إلى مساعدة زملائك في العمل قبل نهاية ساعات العمل الرسمية

عاطفياً: تميل للجلوس بمفردك اليوم للتأمل في الطبيعة في مكان مفضّل لك، لكن لا تترك الشريك بمفرده وشاركه اهتماماته

صحياً: أنت بصحة جيدة وتواظب على التمارين الرياضية الخاصة بك، وتتبع نظامًا غذائيًا صحياً بامتياز
الجوزاء
برج الجوزاء
مهنياً: تتغلب على الصعاب التي تواجهك في عملك، وتنتظر الفرص المتاحة حتى تكتسب المهارات التى تؤهلك لتولي منصب أكبر في وقت قريب

عاطفياً: تبحث عن شريك مناسب للحياة، ولا مجال للعزلة عن الآخرين أو الشك الزائد فيهم، عليك التغلب على مخاوفك من دخول علاقة عاطفية حالياً فأنت في حاجة شديدة لها




صحياً: حالتك الصحية جيدة وتتغلب على الصعاب التي واجهتك في اتباع نظام غدائي صحي، ولديك اليوم فرصة كبيرة لممارسة التمارين الرياضية مجدداً
السرطان
برج السرطان
مهنياً: تتسرع في العديد من ردود أفعالك اليوم مما يؤدي إلى خسارتك أقرب الشخصيات لك، تجنب التوتر واعتمد على خطط ناجحة

عاطفياً: ربما تعاني الشعور بالوحدة اليوم ويترتب على ذلك بحثك عن شريك مناسب، فكّر جيدًا قبل اتخاذ خطوة الارتباط، وقيّم سلوكياتك باستمرار




صحياً: حالتك الصحية جيدة بخلاف شعورك بارتفاع درجة حرارتك بعض الأحيان، تعامل مع الأمر بهدوء واستشر طبيبك الخاص
الاسد
برج الاسد
مهنيًا: كن صادقًا وواضحًا مع الزملاء وأرباب العمل لأنك بذلك تكسب احترامهم وثقتهم، وهذا أمر لا يستهان به

عاطفيًا: يطالبك الحبيب بالمزيد من الاهتمام، فأنت كنت بعيدًا عنه في الآونة الأخيرة بسبب انشغالاتك المهنية

صحياً: أدعوك إلى الاهتمام بالوضع الصحي الجسدي والنفسي هذا اليوم، ولا سيما أن تداعيات المجال المهني تنعكس أحياناً على الصحة
العذراء
برج العذراء
مهنياً: تحسين وضعك في العمل يتطلب منك طي صفحة الماضي، والانطلاق مجدداً نحو مجالات أوسع وأكثر إنتاجاً

عاطفياً: تأجيل عمل اليوم إلى الغد لن يكون في مصلحتك، وأنت أمام اختبار جدّي مع الشريك هذه المرة وممنوع الخطأ

صحياً: لا تخالف تعليمات الطبيب بشأن الامتناع عن التدخين، لأن رئتيك ضعيفتان
الميزان
برج الميزان
مهنياً: يبّدد هذا اليوم المخاوف التي تراودك منذ مدة، وتحصل على تطمين وضمانات بشأن مستقبلك المهني

عاطفياً: إذا كنت تعمل مع الحبيب في وظيفة مشتركة تحقّقان عملاً ناجحاً يذهل الجميع وتكون المكافأة ترقية ورحلة ترفيهية في الخارج




صحياً: القلق الدائم ليلاً يرهق الأعصاب ويبقيك في حال من عدم التركيز والترنح نهاراً
العقرب
برج العقرب
مهنياً: مواجهة الصعوبات اليوم توفّر لك ظروفاً أفضل وأكثر استقراراً للغد وللتفكير في الخطوات المستقبلية الواعدة

عاطفياً: تراكم الخلاف مع الشريك يزيد تعقيد الأمور وتصبح المعالجة شبه مستحيلة إلا إذا تداركتما الوضع قبل الوصول إلى طريق مسدود

صحياً: الضحك والمرح، هما من أهم وسائل العيش لحياة أطول وأكثر استقراراً
القوس
برج القوس
مهنياً: فرص جديدة تتلقاها وتكون المحرّك الأساسي في عملك بغية تحريك عجلة المشاريع المجمدة في الأدراج منذ مدة طويلة

عاطفياً: حان الوقت للاهتمام بمظهرك الخارجي والانفتاح على محيطك، فتنال إعجاب الشريك وتلفت أنظاره

صحياً: مهما يبلغ حجم المشاغل اليومية، يبقَ أمامك بعض الوقت لممارسة الرياضة
الجدي
برج الجدي
مهنياً: ينشأ نزاع يتعلق بمستحقات مالية تحتاج إلى تسوية، لكن مساعدة فلكية قد تطرأ فيرتاح البال وتجد مخرجاً لبعض المشاكل

عاطفياً: يتجاوب معك الشريك بعد الاختلافات الطارئة بينكما، وتتغير بعض الأمور في حياتكما كما بعض القناعات

صحياً: حاول بين الحين والآخر الخروج في رحلة إلى الجبل وممارسة رياضة التسلق
الدلو
برج الدلو
مهنياً: يحمل هذا اليوم إليك لقاءات متعديدة يشكّل بعضها مفاجأة لك، فكن جاهزاً لمتغيرات أكثر تنوعاً

عاطفياً: يلقي هذا اليوم الضوء على قضية زواج أو شراكة أو خطبة وارتباط ويجعلها من الأولويات

صحياً: حاول تجنّب المغامرات الخطرة، لأن لها انعكاسات على صحتك
الحوت
برج الحوت
مهنياً: اللعب تحت الطاولة لا يفيد، وخصوصاً انك تمتلك الجرأة الكافية لتحديد أولوياتك في العمل

عاطفياً: لا تلتزم ما لا تستطيع تقديمه للشريك، فالمحاسبة قد تأتي في أي لحظة ومن دون سابق إنذار

صحياً: التخفيف من كثرة العمل بات يحتاج الى

أن يكون ضمن اهتماماتك الأولية، قبل فوات الاوان

عظم الله لكم الاجر في هذا المصاب الجلل والذكرى الاليمه
السَّلامُ عَلَيْكَ يا أَبا عَبْدِ الله وَعَلى الأَرواحِ الَّتِي حَلَّتْ بِفِنائِكَ، عَلَيْكَ مِنِّي سَلامُ اللهِ أَبَداً مابَقِيتُ وَبَقِيَ اللَيْلُ وَالنَّهارُ وَلا جَعَلَهُ الله آخِرَ العَهْدِ مِنِّي لِزِيارَتِكُمْ . السَّلامُ عَلى الحُسَيْنِ وَعَلى عَلِيِّ بْنِ الحُسَيْنِ وَعَلى أَوْلادِ الحُسَيْنِ وَعَلى أَصْحابِ الحُسَيْنِ .

#توقعات_الأبراج
ابراج اليوم الاربعاء, 11 ايلول 2019 عاطفياَ ومهنياً وصحياً
الحمل
برج الحمل
مهنياً: لا ترفض عرضاً للمساعدة من أحد الزملاء، فهو راغب حقاً في مساعدتك على إظهار قدراتك المهنية والمالية

عاطفياً: تشعر بروعة الجوّ ولن تتسرع في إلقاء اللوم على الشريك عندما تتدهور الأمور أو تتسع الهوّة بينكما




صحياً: تحب الطعام وهذا ما يؤدي بك إلى زيادة في الوزن، فكن حريصاً على صحتك
الثور
برج الثور
مهنياً: تتلقى عرضاً مميزاً من شركة ضخمة كي تتولى تنفيذ مشاريع كبيرة بسرعة، هذه الخطوة نقلة مهمة في حياتك المهنية

عاطفياً: حياتك العاطفية تحتاج إلى الكثير من الهدوء والحذر لأنها على حافة الهاوية، ومن الأفضل ألا تتسرع في اتخاذ قرارات بشأن الدخول في علاقة جديدة

صحياً: لا تدع التوتر النفسي يشكل خطراً على صحتك الجسدية، وعليك بتناول المشروبات المهدئة أو الخروج في نزهات مع المقربين
الجوزاء
برج الجوزاء
مهنياً: حذار النزاع مع أحد المسؤولين في عملك أو إحدى السلطات القوية والفاعلة، لا تلعب بالنار وكُن متحفّظاً جدّاً

عاطفياً: تكون سبّاقًا في الحب، وتقدّم أفضل ما لديك من طاقات ومواهب، وتتحمّس لبدء علاقة جديدة مبنية على الثقة المتبادلة




صحياً: حاول مقاومة الإغراءات التي تبعدك عن ممارسة الرياضة، ولا تجعلها تتغلب على ما يعود بالنفع على صحتك
السرطان
برج السرطان
مهنياً: تعالج أمراً مهنياً طارئاً في بداية الشهر ربما يحدد نجاحك المهني في المستقبل ثم تدخل في فترة من الأعمال المهمة والمنسجمة مع طموحك

عاطفياً: تواجه بعض الصعوبات والتحديات في علاقتك مع الحبيب، ولكن فهمك الصحيح لقوانين الحياة وصبرك واستعدادك للتضحية تحطم كل العقبات




صحياً: أكثر من شرب المياه بعد ممارسة الرياضة وحتى خلال ساعات النهار، ولا سيما إذا كنت تعاني مشاكل في المسالك البولية
الاسد
برج الاسد
مهنياً: لا تقلل من قيمة ما لديك، لا تعني الثقة بالنفس أنك قادر على اجتراح المعجزات وحل كل المشكلات التي تواجهك

عاطفياً: لا تدع شكوكك وهواجسك تدمّر علاقتك بالحبيب، فهو صادق معك ويكنّ لك المودّة الكبيرة وثقته بك كبيرة

صحيًا: يحتاج صديق قريب جدًا منك إلى مساندتك له في محنته الصحية، فلا تخيّب ظنه ولا ترفض ما يطلبه منك
العذراء
برج العذراء
مهنياً: تتلقى اتصالات متعددة لدعمك والوقوف إلى جانبك، فحاول الاستفادة من ذلك لفتح صفحة جديدة في حياتك

عاطفياً: عليك أن تبعث برسالة واضحة وحاسمة إلى الشريك بشأن تصرفاته معك قبل فوات الأوان

صحياً: إذا شعرت ببعض الألم في مفاصلك، لا تحاول معالجته عشوائياً، بل استشر طبيبك أولاً
الميزان
برج الميزان
مهنياً: خفف من تصرفاتك البهلوانية ومن استخفافك بكل شيء، من قال إنك الشخص القادر على فرض آرائك على الآخرين

عاطفياً: لا تجادل في أمور لا تفقه بها شيئاً، ووسّع آفاق معرفتك قبل المناقشة، ولا تحمل الحبيب ما لا يطيقه




صحياً: اعتماد نظام غذائي صحي يساعد كثيراً للحفاظ على الرشاقة والتخلص من بعض الأوجاع
العقرب
برج العقرب
مهنياً: إذا دخلت في مفاوضات تلفت الأنظار بنباهتك وسرعة بديهتك وقدرتك على الإقناع

عاطفياً: علاقة قديمة تهدد مستقبلك، لذا فإن الحسم مطلوب لتصحيح الأمور، لا تراوغ ولا تستسلم للخمول

صحياً: ممارسة الرياضة باستمرار توفر لك قدرة أكبر على التركيز وصفاء في الذهن
القوس
برج القوس
مهنياً: يوم مميّز يسلّط الأضواء على قدراتك الإبداعية والإنسانية، ولعلك تنال جوائز أو ميداليات تقديراً لجهودك

عاطفياً: إذا كنت غير مرتبط فهذا اليوم ملائم لإعادة النظر في هذا الوضع، أنتَ مقبل على أيام مهمّة وديناميكية من حياتك

صحياً: لا تكن من أصحاب القرارات الضعيفة، ولا سيما حين يتعلق الأمر بوضعك الصحي
الجدي
برج الجدي
مهنياً: يضعك هذا اليوم أمام خيار دقيق ويجعلك حائراً في قرار يجب أن تتخذه، وتمارس استقلالية وميلاً الى الانتفاضة والرفض والثورة

عاطفياً: تطوّرات مفاجئة تتطلّب عناية من قبلك بالشريك أو يقتصر الأمر على ضرورة الحوار وعدم الذهاب بالهواجس بعيدا

صحياً: لا تتوقع من أحد أن يهتم بوضعك الصحي سوى ممّن يهمهم أمرك وخصوصاً الشريك
الدلو
برج الدلو
مهنياً: تعيش حالة من الارتياح الكبير بعدما يأتيك من يفتح صفحة ماضية ويريك ما كان خافياً عنك

عاطفياً: لا تحاول اللعب على وتر الغيرة مع الشريك، لأنه لن يحتمل ذلك، وقد تدفع لاحقاً ثمن مغامراتك معه

صحياً: الخروج إلى الطبيعة أو التنزّه على شاطئ البحر من العلاجات المفيدة نفسياً
الحوت
برج الحوت
مهنياً: البحث في دفاتر الماضي يعيق تقدمك في العمل، الأمور تغيرت جذرياً نحو مزيد من التطور

مهنيا: مهما ضغط عليك الشريك لدفعك نحو ارتكاب أخطاء تجاهه، عليك أن تصمد بانتظار توضيح الصورة أكثر

صحياً: تحتاج إلى الراحة والهواء النقي والوحدة ما يدفعك إلى التنفس في مكان آخر

#توقعات_الأبراج
ابراج اليوم الخميس, 12 ايلول 2019 عاطفياَ ومهنياً وصحياً
الحمل
برج الحمل
مهنياً: تنطلق هذا اليوم وفي جعبتك مشروع مهني متطور جداً تعرضه على أرباب العمل بغية الحصول على الموافقة للشروع فيه

عاطفياً: تدرك جيداً أن أسس العلاقة الصريحة والمتينة هي الثقة، فإذا كنت تريد ألا تتزعزع فكن على قدر الثقة




صحياً: أنت تكره المستشفيات والدخول إليها، لذا انتبه لصحتك قدر الإمكان لئلا تضطر إلى دخول المستشفى
الثور
برج الثور
مهنياً: تعرف صداقات جديدة اليوم وتتمكّن من فرض سلطتك أو اتخاذ إجراءات قد لا يوافق عليها الجميع

عاطفياً: الجوّ العام يتحدّث عن عشق وتعلّق وكلام كثير ودعوات متراكمة وسحر تمارسه أينما حللت وتكون حديث الجميع

صحياً: الشعور بالخيبة أحياناً يولد حالة اكتئاب ورغبة في الانزواء واضطراباً نفسياً
الجوزاء
برج الجوزاء
مهنياً: تواجه معارضين لخططك، فتحلَّ بالصبر لتتوضح الصورة أكثر، وحاول إقناعهم بوجهة نظرك

عاطفياً: تبحث عن جديد في الحب لتخرج من المأزق العاطفي الذي تمرّ به، انتبه إلى طريقة حديثك مع الحبيب ولا تجرحه




صحياً: رياضة المشي ضرورية كلما سنحت الظروف في الشتاء، ونتائجها مضمونة ومهمة
السرطان
برج السرطان
مهنياً: تكون متفائلاً جداً وتتحسن ظروفك على نحو واضح، وتناسبك المستجدات وتتعامل معها بانفتاح كبير وصدر رحب

عاطفياً: أطلق العنان لخصالك الإيجابية لتحافظ على استقرار العلاقة واهتمام الحبيب أو مودته لك

صحياً: اندفاعك وحماستك يدفعانك إلى الطلب من الآخرين مشاركتك في ممارستك الرياضة اقتناعاً منك أنها خير علاج
الاسد
برج الاسد
مهنياً: حاول البحث عن حليف أو عن صديق ليلطّف الأجواء وليملأ بعض الفراغ، وجهّز الملفات للدرس الشامل

عاطفياً: لا تفرض على الشريك رأياً ولا تجرح كبرياءه ولا تضعه في مواقف محرجة، فهو يمرّ بيوم عصيب بسبب أحد زملائه في العمل




صحياً: إذا أرهقت نفسك أكثر من اللازم ستكون العواقب وخيمة عليك، انتبه
العذراء
برج العذراء
مهنياً: يخفف هذا اليوم الأعباء، ويحمل إليك التفاؤل مجدداً، ويغمرك الفرح بسبب سماعك خبراً يتعلق بأحد الزملاء

عاطفياً: إذا أردت الزواج فهنيئاً لك، شرط اختيار الوقت المناسب والشريك المناسب، ومعرفة ما يجب القيام به لإنجاح العلاقة مستقبلياً

صحياً: لا تكثر من الصراخ في وجه من تقابله، ما يرفع ضغطك ويزيد من عصبيتك
الميزان
برج الميزان
مهنياً: النيّات تجاهك ليست سليمة، فالحذر واجب ويوفر عليك متاعب عديدة أنت بغنى عنها اليوم ولا سيما أن استحقاقات كثيرة بانتظارك

عاطفياً: التنافس مع الشريك لا يفيد أحداً منكما، وقد يؤدي إلى صدامات غير مبرّرة قد تصل إلى الافتراق وربما إلى الانفصال

صحياً: أنت عنيد في قراراتك عن وعي، ولا سيما حين يتعلق الأمر بالوضع الصحي
العقرب
برج العقرب
مهنياً: يسهل أمامك هذا اليوم الأعمال ويخفف من الأعباء ويطرد الشكوك ويجعلك تثابر على ما تقوم به حالياً

عاطفياً: تنجح في تقوية الروابط مع الشريك، إنّه يوم ناجح وغني بالحوافز والشعور بالتفاؤل الكبير والإقدام على خطوات جديدة




صحياً: تحرّك بعض الشيء ومارس نشاطك المعهود ونظم بعض الرحلات الترفيهية
القوس
برج القوس
مهنياً: يتحدث هذا اليوم عن وضع يجب أن تحسمه لجهة اختيار المشروع الذي تراه الأفضل لك

عاطفياً: حذار الانجرار وراء الأحاسيس والأفكار السلبية حتّى لو شعرت بتحدّيات واستفزازات بغية الإيقاع بينك وبين الشريك

صحياً: معدتك الحساسة توجب عليك الانتباه إلى نوعية الطعام والتخفيف من تلك التي تسبب لك مشكلات صحية
الجدي
برج الجدي
مهنياً: تتخلص من خيبة أمل بسيطة واجهتك أخيراً، وتستوعب الأمور بجدية أكبر في محيطك المهني وتكون المرجع الصالح

عاطفياً: حاول القيام بخطوات جديدة تجاه الشريك لاستعادة ثقته بك، القرار لك لتحديد طموحاتك ومشاريعك المستقبلية معه

صحياً: الإهمال المتعمّد للوضع الصحي يرتد سلباً ويسبب مضاعفات خطرة في بعض الأحيان
الدلو
برج الدلو
مهنياً: المواجهة مع بعضهم باتت حتمية، وخصوصاً أنك جاهز في كل المجالات، لكن التسرّع يدفعك إلى ارتكاب الأخطاء

عاطفياً: ترتاح إذا عبّرت للشريك عن حقيقة مشاعرك، وهذا يساعدك أكثر، تأكد من أي أمر قبل إطلاق الأحكام المسبقة لئلا تظلمه

صحياً: حاول أن تستفيد من المناخ الجيّد، فالطبيعة أفضل علاج من ضغوط العمل
الحوت
برج الحوت
مهنياً: لا تحاول أن تؤلب الآخرين ضدك، فهذا لن يكون في مصلحتك بل سيؤدي الى خلق متاعب أنت بغنى عنها

عاطفياً: تواجه بعض المصاعب وفقدان الحيوية والنشاط، العصبية الزائدة لا تنفع في معالجة المشكلات مع الشريك، فهي تولّد العناد

صحياً: أنت بحاجة دائمة إلى المراقبة الذاتية ومعالجة إيجابية لحالة عدم استقرارك الصحي

#فقرة_شعر
#انا بكلشي اختلف
حته #بضحكتي هموم
#وانا بكلبي #سوالف
تجرح #البلعوم😔

حســبالـنه الشــايـل تعـــب
بـاجر تشــيـله اولايـــته

مانـدري ابــو گـلب الصدگ
لو طـاح تخلــص عــازتـه

..

آشتريني بـ مَره آحبڪ"

وآشتريك بـ ڪلشي بيه ❤️

#فقرة_هل_تعلم
معلومة طبية

هل تساءلت يوماً عن سبب وجود وجهين بلونين مختلفين (أبيض و أزرق) في الكمامة الطبية..!؟

لقد تم تصميم الكمامة بلونين لغرضٍ معينٍ وليس لمجرد تلوينها وتزيينها..

ففى حال لو كنت أنت المريض فستقوم بارتدائها كي تحمي الناس من العدوى، وتمنع انتشار العوامل الممرضة لهم عن طريقك، لذلك يجب أن يكون اللون الأبيض هو الملامس لوجهك، واللون الازرق ظاهراً للخارج .
أما في حال لو كنت سليماً معافى... وتريد أن تحمي نفسك من العدوى ...فيجب ارتداء الكمامة بحيث يكون اللون الأبيض للخارج، والأزرق ملامساً لوجهك.. فالكمامة مصممة بحيث تكون فلترة الجراثيم تبدأ من اللون الأبيض باتجاه الأزرق وليس العكس...
ويجب أن يكون السلك المعدني للأعلى يلامس جذر الأنف والفتحات للأسف. 💯✔️💪

#توقعات_الأبراج
ابراج اليوم الجمعة, 13 ايلول 2019 عاطفياَ ومهنياً وصحياً
الحمل
برج الحمل
مهنياً: ساير الأوضاع ولا تعترض، وابتعد عن المواجهة حالياً، وانتظر ريثما تتضح الأمور وتتكشف الحقائق لتدلي بشهادتك

عاطفياً: عليك التنبّه من بعض الأخبار الكاذبة التي تؤثر سلباً في أوضاعك العاطفية، وابتعد قدر الإمكان عمن يسعى لتوتير العلاقة بينك وبين الشريك




صحياً: لا تدع الهموم العائلية والمهنية تؤثر سلباً في وضعك الصحي، بل اخرج من محيطك الضيق
الثور
برج الثور
مهنياً: تأثيرات إيجابية وجيّدة على صعيد العمل، وهذا يترافق مع مطالبك المالية المحقة وقد تبلغ الهدف قريباً

عاطفياً: تتحسن الأوضاع مع الشريك ولا سيما على الصعيد العاطفي، بعد سوء التفاهم الذي ساد بينكما بسبب تدخلات الآخرين

صحياً: لا تورّط نفسك في أمور لا ناقة لك فيها ولا جمل، وتسبب اضطراباً لوضعك الصحي
الجوزاء
برج الجوزاء
مهنياً: تبتسم لك الحظوظ، لكن عليك الهدوء والتروّي وعدم المواجهة، قد تبوح بسرّ إلى أحد المقرّبين، أو تخطو خطوة ترضي طموحك

عاطفياً: تملك الكثير من المؤهلات في الحب، ولكن عليك أن تعرف كيف تستغلها جيداً ولا تدخل في دوامة الشك وتأكد أن الحبيب يعشقك




صحياً: تبدو نشيطًا ذهنيّاً وجسديّاً، ولن تتأخر في بت الموضوعات التي أقلقت وضعك الصحي
السرطان
برج السرطان
مهنياً: تتجاوز بعض الظروف المهنية السلبية والأمور المالية المعقدة بفضل ذكائك وقوة إرادتك ومساعدة أحد الزملاء وتستطيع قلب الموازين لمصلحتك

عاطفياً: مبادرة إيجابية من الشريك تجعلك تعيش الاستقرار العاطفي والهدوء النفسي، ولكنك تنغمس بالعمل وتنسى واجباتك نحو الشريك الذي يكون بحاجة إليك

صحياً: يوم مهمّ للمشاركة في مختلف الأنشطة وعدم رفض تلبية الدعوات بغضّ النظر عن مضمونها
الاسد
برج الاسد
مهنياً: تعرف تشويقاً وعلاقات حماسية وأوضاعاً استثنائية، وتتمتع بسرعة بديهة وبأفكار ذكية تثير إعجاب الزملاء ودهشتهم

عاطفياً: لا تكذّب الحبيب في ما يقوله وثق بكلامه، لقد بدأت تتصرف بغرابة معه أخيراً، فكن حذراً قبل أن تصل إلى الهاوية معه




صحياً: بعض الالتهابات المفاجئة في أصابع القدمين سببه كثرة الوقوف أو الإكثار من الملح
العذراء
برج العذراء
مهنياً: تستفيد من ظروف جيدة وقد تكون مفاجئة وتولد في نفسك الغبطة، وتتقدم في مجالك المهني بشكل سريع

عاطفياً: يحتلّ الغرام مركزاً مهمّاً في حياتك، ويجعل إخلاصك محطّ أنظار الشريك، فتتبدل نظرته إليك ويبادلك أرق الشعور

صحياً: تشعر بوضع صحي ممتاز، حافظ عليه ولا تكثر من تناول الحلويات
الميزان
برج الميزان
مهنياً: يبشر هذا اليوم بمنسوب كبير من الحظ على الصعيد المهني، لكن تحسّب لأي طارىء ولا تصدّق بعض الوعود

عاطفياً: تطرأ اليوم الكثير من الأحداث السعيده التي تغير مسار حياتك العاطفية نحو الأفضل وتنشغل بقضية مهمة مع الحبيب

صحياً: رياضة المشي مهمة جداً، وتساعدك على التفكير أفضل وتبعد عنك الضغوط
العقرب
برج العقرب
مهنياً: يحمل إليك هذا اليوم بشرى، وتحقق أمراً تفتخر به، أو تسمع عن تطور يحدث في حياتك المهنية أو الشخصية

عاطفياً: تعيش أوقاتاً جميلة وداعمة من الشريك ومن معظم من تختلط بهم في حياتك اليومية، فتزداد ثقتك بنفسك وترتاح معنوياً




صحياً: تبدو في حالة من السعادة الدائمة والنشاط غير المعهود منك، السبب الرياضة اليومية والانتباه إلى نوعية طعامك
القوس
برج القوس
مهنياً: يتحدث هذا اليوم عن ضرورة تسوية وضع شخصي قد يستجدّ في مجال عملك ويمكن أن يتطور نحو الأسواء، انتبه

عاطفياً: أنصح لك تقديم بعض التنازلات أو إعادة النظر في بعض القرارات أو المواقف التي أثارت تحفّظ الشريك أو استياءه

صحياً: الأجواء الإيجابية المحيطة بك تكون عاملاً أساسياً في إبعاد الهموم والضغوط عن حياتك
الجدي
برج الجدي
مهنياً: القمر المكتمل في برج الأسد يتحدث عن وضع مالي متأزم أو طارئ، أو عن نقاش مادي مهم يدور اليوم، وعن خيار حاسم لا بد من أن تقدم عليه

عاطفياً: ادعاءات الشريك بالعظمة والتفوق عليك تثير غضبك وتستدعي معالجة حاسمة حتى تجتاز هذا اليوم بسلام

صحياً: التوتر الضاغط قد يسبب لك فشلاً او خسارة، فلا تنفعل ولا تسبب لنفسك أزمة صحية
الدلو
برج الدلو
مهنياً: يثير هذا اليوم قصة قديمة ويضعها على بساط البحث مجدداً، فتنكب على دراستها من مختلف الجوانب

عاطفياً: إلجأ الى حدسك لإيجاد الحلول، لكن الأفضل ألاّ تعالج الأمور بشكل علني، بل بينك وبين الشريك وفي الوقت المناسب

صحياً: يمكنك القيام ببعض الحركات الرياضية في المنزل، لتصبح أكثر نشاطاً وحيوية طوال اليوم
الحوت
برج الحوت
مهنياً: تحصل على معنويات غير منتظرة ترفع من منسوب حماستك وندفعك الى البدء بمشروع ضخم

عاطفيا: تهتم بمسألة تتعلق بالشريك وبمحيطك العائلي، ما يستوجب منك التأني في التعاطي معه

صحيا: تكون شديد العصبية وتستنفد الكثير من الطاقة، لكن حاول أن تكون حذراً بعض الشيء

#فقرة_شعر
لا تخلي الوادم اتعرفك حنين

صارت الطيبه ترى نقطة ضعف

وادم اتحبهم يحسبونك رخيص💔

اتشيل خشمك كلهه وي كلبك تصف

#‏يا گلبي اگطعك حيل
وأنثر #ملح بيك
شمالك تهم #ضليت🤷‍
بالما #يهم بيك💔

حســبالـنه الشــايـل تعـــب
بـاجر تشــيـله اولايـــته

مانـدري ابــو گـلب الصدگ
لو طـاح تخلــص عــازتـه