ابتسامه خفيفه بتعب واني اباوع للنار.. يارب تصليها على جسم مالك وارتاح مثل ما حرك كلبي بمثل هاي النار لما اخذ بنتي..

رتب التدفئه. وكام راح.. جرت دموعي على بنتي.. ادعي وارد ليوره ترجع لحظني واشم ريحتاها..

بقيت مكابله النار وابجي.. حسيت على جياد وهو يجي.. جايب 2 سنوديش توست بالجبن وكلاصين جاي

خله كدامي.. كتله ما اريد..

-بدك تاكلي مو ع كيفك..

-صدقني ما اشتهي

-طيب الشاي بيدفي بطنك..

-جريت الكلاص.. وشربت.. ونباوع للنار ونسمع طقطقة الحطب وهمه يحتركون.. جر جياد المسجل من فوك المدفئه ..

وشغل اغنيه لوائل وبقى يدندن وياها اغنيه تبكي الطيور تذبل زهور ترحل شموس وتبقى ظلام..

ضاع الكلام والله حرام.. كدر ينسى وعيونو تنام..



خليت راسي بين رجليه ولميتهم بيدي وبقيت ابجي..

-شوووو عم دندن لتتمتعي مش لتبكي..

-جياد من اريد اوصف حياتي ويه مالك فعلا يضيع الكلام.. تعرف شنو انسان تحبه من كل گلبك يسوي بيك كل هذا..

انسان تركت اهلك وناسك وكذبتهم كلهم وصدكته.. جياد من اتذكر مالك.. اكول مستحيل ذاك هو نفسه.

كان يعشقني.. كنت احس بحبه. احس بكل همسه منه. احس بأهتمامه.. لو تجيني قبل سنتين وتكلي هيج مالك راح يسوي بيج مستحيل اصدك..

والله جنت احس بحبه.. كنت اعرف هو نار.. بس جنت اعتقد اني المي.. كان كلما يعصب اتخبى بحظنه لحتى اهرب من غضبه يروح ينسى كل اعصابه ويعتذر مني ويلمني.

كنت اعتقد اعتقد شكد ما تعلى ناره.. اكدر اطفي بمي حبي.. كان ملحد.. وقررت اتركه واجه واشهد بالشهادتين

وترك شغله بس لحتى ابقى وياه.. ورحت اني وياه ع مكه وحجينا وكلت تاب.. جيت هنا اللبنان.. ما اعرف شنو اللي صار..

احسه مو هو... لك جان يتخبل اذا يشوفني مزعوجه او زعلانه.. مكان يقبل اروح لاهلي لان متعود ينام ع ايدي..

كنت احسه طفلي.. قوي كدام الناس وضعيف كدام حبي. ما اعرف شنو اللي صارله.. اتحول من انسان لحيوان خنزير ما يمتلك من الشرف والغيره ذره..

جياد مصدووومه.. جد مصدومه بيه.. هيج يبيعني ويدمرني وياخذ بنتي.

جياد:- هه مصدوومه بكد ومش بنطئ ولا عارفه ارد مصدومه عشان شكلو بعيني بئا مش ولا بد..

يا عيني طلعت حقيقتو مش اكتر.. قتل الناس الابرياء بيقسي القلب وبيخلي الانسان يوم عن يوم يفقد كل الرحمه يلي بقلبو..

متستغربي.. انسان نكر ربو .. واغتصب نساء بريئات وقتل ناس كتير.. مش غريب عليه يجي دور مرتو لينكرها وبيبيعها.

-زين وبنتي..

-متخافي باخذها منو وعيونك..

-اخذت نفس ان شاءالله.. انطيته الجاي.. وتمددت على المخده وكتفت اديه.. وبقيت اباوع للنار وهو كاعد.. جاب الحاسوب مالته وكعد يبحث..

اني نمت.. دقايق وحسيت عليه يخليلي بطانيه فوكايه... نمت.. للصبح احس تشنجات بجسمي.. كعدت على الالم

اباوع المكان جياد ماكو بس اني نايمه..الم بيه مو طبيعي.. اخذت جكاره على ريكي.. ما خف..

كمت على حيلي.. اريد الوجع يخف ماكو.. جسمي كله يبزز.. متت احس براسي بسامير.. احك رجل برجل من الالم..

ساعتين يلا كعد.جياد.. طلعت اني كاعده من ال6 هو كعد ب8.. بس من الالم حسيته تأخر..

-بونجور..

-صباح النور..

-شو فيكي.

-الالم ديذبحني جياد.. جسمي دمرني جاي امووووت..

-ثواني لالبس..

-راح لبس واجه.. كال دخلي البسي.. رحت لبست ملابسي كوه وطلعت وياه.

كال علاج الادمان عم تاخدي.. كتله بس البارحه ما خذيته...

اخذني للمسشفى.. ساءت حالتي بالاكثر.. اول ما وصلنا ونزلنا باب المستشفى اتخربطت..

ما صحيت غير بغرفه.. محد بيها.. بس اسمع بيها دقات قلبي بالجهاز.. فتحت عيوني كوه.. بس الالم بعده بجسمي..

كمت ابجي واصيح جياااد.. اجه الممرض.. وراه دخل جياد.. كتله كاعد اموت.. ارحموني

جياد:- لجين حولوكي ع مصح لعلاج الادمان.. الكلاب كانو عم يعطوكي المخدرات كل يوم ومبتعرفي..

-ما اريد مصح جياااد اريد بنتي .. لازم اطلع ادور عليها..

-اطمني.. مالك مخرج برا لبنان.. بعدو هون. وبدو ينمسك.. والمستودع تبع ميشيل اتصفى هو كل الحرس يلي فيه .. والفضل لألك..

بنتك حترجعلك اكيد.. سو لازم تبئي قويه وتتعالجي لتخلصي من الادمان..

هو يحجي واني اصرخ من الالم وابجي اريد بنتي واصرخ انطوني ابره بساع رجعت نمت

غيرها ما حسيت غير ينقلوني بسيارة اسعاف لمصح لعلاج المدمنين.. ما كان جياد موجود.. بس الممرضين..

نقلوني هناك.. ومنعو عني المخدرات.. جنت حاسبتها هينه بس الكلاب هارين جسمي هري.

الكبد التهاب.. والكلى ثنينهم ضعفو.. والم الادمان كل هذه الالام طلعت عليه. بقيت بالمصح كل يوم اشيل روحي الف مره واركعها من الالم وهمه ينطوني مهدئات.

شهر كامل اني بالمصح.. جياد يجيني مره باليوم.. كل اخبار عن مالك وبنتي ما اعرف.. شهر ضعت بيها بسبات

لحد ما تحسنت حالتي وتوسلت بجياد يطلعني لان متت من المصح اكل لعبان نفس وملابس مرضى وبس نوم والم

كوه كوه قبلو اطلع بعد شهر ونص تقريبا.. اللي عرفته بهذه الفتره جياد طل

ق مرته.. وحضانة ابنه صارت لامه وهو يكدر يشوفه كل اسبوع..

كانت خلافات بيناتهم هو يعاني من هوسها وهي تعاني من عدم تواجده بالبيت.. واخيرها تاهمته بالخيانه عود ويايه. ومطلقين.

اخذني للبيت مالته.. محظرلي غرفه نومني بيها.. كال ارتاحي واعتبري البيت بيتك.. كتله ممجبور تتعرض للخطر بسببي

-هيدا شغلي متعتلي هم. بدياكي تصحصحي كرمال اقوالك بقضية تجارة الاعضاء..

-مالك ما لكيتو

-لا لسه.. ولهلاء ما طلع برا لبنان.. حظرنا الجواز تبعو.. وفتحناه عن جوازك بس باقيه اجراءات كرمال قضية الاعضاء.. اصحي وان شاءالله كلشي ينحل

- ان شاءالله ... جياد.. اريد شغله ولو تعبتك

-لا ولو قولي

-اريد حاسوبك.. افتح سكايبي لاتصل بأهلي.. من يوم اللي راحت بنتي ولليوم ابد ما خابرتهم.. تلكه بالهم يمي مشغول..

-تكرم عينك.. ثواني وبجيبو..

-راح جاب الحاسوب وانطانياه.. فعلت سكايبي. راسلت ماما.. ماكو.. بعثتلها رسائل كومه..

رجعت فعلت الفيسبوك.. راسلت ماما منه. هم متجاوب.. شفت مخلد مخلي حداد على صفحته..

الصوره الشخصيه انا لله وانا اليه راجعون.. وعلامة حداد... خفك گلبي .. يا ستار ياربي منو اللي ميت من عمامي.

باوعت التعليقات كانت قليله بس 3 ... كاتبين البقيه بحياتك وخاتمة الاحزان.. يربي منو..

راسلت مازن ميرد.. راسلت بنات خالتي محد بيهم موجوده..

بقى بالي مشغول.. تركت الحاسوب يمي ولا غفت عيني.. ساعات يلا رد عليه مازن..

كاتب هلو لجين.. البقيه بحياتج وان شاءالله اخر الاحزان.

رديت.. مازن منو ميت..

-متعرفين ؟! ما خبروج

-لا منو..

-عمي شاكر انتقل الى رحمة الله شعجب متدرين..

-مازن شنو بابا .. انته تحجي صدك.. كاتب بكل برود اريد اباوع بالكلام واكتب الدموع كامت تجري حيل.

مازن من شوكت بابا.. لا مازن الله عليك مو مقلب

-لج والله مو مقلب صارله 5 ايام من مات .. وامج هنا ابغداد.. شمرت الحاسبه وخليت اديه على وجهي وكمت اصرخ لاااااا بابااااااااا

لاااااا مستحيل ابوووووويه .. كمت اضرب على راسي واصرخ بابا مات واني ما اعرف بيه. مات ومراضي عني لااااااا بابااااااا عفيه لااااااا

اجه جياد.. واني واكفه بالغرفه واصرخ ابويه مات ابويه..

-شو عم تحكي..

-لازم اروح لبغداد جياد بابا مااااااات جيااااد.. لازم اروح..

-بس اهدي لاعرف شو متأكده.. راح للحاسوب..

نزل جاب رقمي.. كال اتصلي بامك.. لنتأكد..

-امسح الدموع من عيني اريد اشوف الارقام. كتله جياد ما اشوف طلعهم انته اسمها ماما..

طلع واني افتر وابجي بابا راح ومراضي عني يا الله لا والله تعبت لاااااا..

-لك بس اهدي وفهميني امك وينا

-ببغداد

-طيب رقمها العراقي عندك..

-لا ...عندي بس ارقام بيت عمي..

-هيدا مكتوب عمي عسمان هو عمك ..

-اي هو.. اريد اهدئ جسمي من فوك لجوه يرجف ودموعي تجري.. رن كال احكي..

اخذته.. رد عمو صاح الو.. كتله الو عمو اني لجين. احجي وابجي

-هلا بنيتي.. على كيفج باباتي اهدي ..

-عمو كول الخبر مو صحيح فدوخ.

-عمو هذا يومه شتسوين الله يرحمه .. اترحميله.

-كمت اصرخ حيل واضرب على راسي.. لك بابا لتعوفني ما الي احد غيرك بالدنيا لاااا تروح.. جياد نزل يركض يجيب علاجي لحتى اهدى

سمعت عمو يصرخ.. رديت. كال على كيفج يا عمو امج هنا يمنه ابغداد.. والله عمو مات وراضي عليج قبل لا يموت وهو يصيح بنيتي مشتاق لبنيتي..

اني سمعت هيج كعدت بالكاع اصرخ بكل علو صوتي وراسي بين رجليه وادك على راسي.

اجه جياد يحاول يهديني يحاول ينطيني علاج.. كمت اصرخ لحد ما تخربطت بين اديه.

ما حسيت غير بالمستشفى.. والدكتور وجياد.يمي.. كمت بسرعه.. اصرخ اريد بابا.. اريد بنتي جيبولياهم تعبت اررررررريدهم..

كمت اصرخ حيل.. ابنتي وابابا .. وجياد يهدي بيه.. بقيت اتوسل بيه لحتى اروح لبغداد.. كال بحجز ونطلع بكرا ان شاءالله بس اهدي...

-بقيت ابجي بمكاني رجعو انطوني مهدئات وسطروني سطر جمدو حتى دموعي بس كلبي يسعر..

لليل.. اجه جياد كال حجزت بطاقتين ع بغداد.. واخذت اجازه ليومين بس... نروح ونرجع فيهون..

مبقدر اكثر.. شغلي هون والقضيه لازم تسجلي اقوالك.. هم ناطريكي لتتعالجي من الادمان وتصحي..

المهم قبلت حتى لو يومين المهم اروح ع بغداد واحظر مصاب بابا..

الليل كله خلصته بجي.. صوتي بح جفوني ورمو الليل بطوله ما هديت.. بابا مات وهو ما راضي عني

ابويه اللي عفته على مود مالك.. كال بس ترجعيله تنسين عندج اب.. ومن يومها رفض يحجي ويايه..

شكد احاول احجي ويه ماما تنطينياه ما يقبل يحجي ويايه.. خسرت كولشي صرت اني والكاع سوه.

اذا كان ضني اخلص من هلشده واروح اشد ضهري بأبويه واطلب رضاه واعيش عنده فهسه صدك انكسر ضهري لا اهلي ولا بنتي ولا كلشي

لثاني يوم اني يمكن غافيه ساعتين بسبب المخدر واكعد.. لبست الاسود من الصبح وتوجهت اني وجياد للمطار..

جنت اتجى وامشي على جياد كل حيل مابيه.. التهاب الكبد والكلى اذوني هوايه.. من

امشي كلياتي يأذوني..

كعدنا بصالة الانتضار.. الرحله ب8.. واجلوها بسبب الانواء الجويه.. خلوها ب11.. اني كل هاي دموعي ما جفو.. ابجي باستمرار..

الاجراءات خلصها جياد اني كلشي ما ادري بالدنيا صعدنا الطياره.. وهو الطريق كله لازم ايدي ويقوي بيه

متبكي قوي حالك.. انتي قويه .. ما بدياكي تضعفي.. بنتك ناطره ترجعي تاخديها وتخلصيها من ابوها الظالم.

كل هذا الكلام يسمعني حتى ما ابجي.. بس اني صوت ما ضل عندي من البجي هلكت.. نزلنا مطار بغداد..

اجراءات تلعب النفس كوه يله طلعنا من المطار.. اخذنا تكسي للاعظميه.. ابو التكسي مشغل كاظم.. استعجلت الرحيل وارحلت في غير اوانك.. ..

جياد طفى خاف ابجي.. بس يا عين تهدى ويا قلب يسكن واني باوع لشوارع بغداد. كل شارع بيها يذكرني بأبويه..

اتذكر دلالي عنده حبهم حنيتهم خوفهم.. ريحتهم كل هاي خسرتها..

صدقا صرت احس نفسي وحيده بهذا العالم بعده.. حتى لو ما كان يحجي وياي بس مأمنه عندي اهل..

وصلت لشارع بيت عمي عمران.. دموعي تتساقط بحرگه.. كل دمعه تنزل ما تمشي على خدي من عيني وللكاع بكد حرارتها

نزلت لبيت عمي.. دكيت الباب شفته مفتوح.. فتحته وكعدت اصرخ بالطرمه ولك باباااااااا ليش تعوفني باباااااا

كسهرت ضهري والله يا بويه كسرت ضهري... وحيدتك تتركني لييييش.. على صوتي طلعت امي وعمامي يتراكضون..

اخذتني امي واني ثاني رجليه وكاعده بالكاع واديه بين رجليه واصرخ باااابا..

حظنتني امي وتبجي حيل.. عمامي يبجون كلهم حسيت بصوت بجيهم فوكاي فوكاي.. عماتي دارو حواليه..

يمسحن على راسي وينشغن ويه بجيتي.. ليش مكلتولي ماما ليش.. ليش خليتو شوفته حسره بگلبي ليييش .

الام:- والله يا ماما اتصلنا بيج كومه حتى هو اتصل كال مشتاقلها بالي يمها.. ومتردين حاولنا نتوصل الج بكل طريقه ماكو حتى رقم مالك مقفول..

بقيت ابجي بحظن امي بصياح.. بضياعي حتى ابوي ما لحكت اشوفه.. ادمرت.. كلها بقت تصيح ذكري الله هذا يومه والله يصبرج وتريد تكومني..

حجه جياد.. لجين ما تعملي هيك بحالك.. ئلتلك كوني قويه.. مش منيح كرمال صحتك..

هو حجه كلها باوعتله استغربو اللهجه بيناتهم.. حجه عمو عثمان منين هذا الرجال .. اني راسي بحظن امي ابجي ما بيه اجاوب..

جياد:- انا ولجين لفئات صحتا مش منيحه كرمال هيك رافئتا لبغداد مشان اضمن سلامتها....

مخلد:- يعني شنو رفئات اصدقاء.. زين رجلها وين بتها وين..

عثمان:- هسه بدون اسئله الرجال ضيف.. كرمو وضيفو ونعرف الاخبار بعدين.. اهلا وليدي تفضل..

-شالوني عماتي دخلوني جوه.. كعدت بالهول اول ما دخلت جوه الشباك.. كعدت امي يمي.. واخذت راسي بحظنها ونبجي اني وياها..

الام:- لا تبجين يروح امج سوده عليه لج دادا صوتها رايح.. والله يا ماما مات وهو راضي عليج.. وهو يريد منج ترضين عليه وتبري الذمه لان يكول ضلمتها بزعلي وما سندتها..

-تحجي واني ازيد بالبجي ما احجي.. رفعت راسي شجابكم لبغداد..

-هو طلب نزور اهله يكول مشتاقلهم بس ما تحمل الطياره 4 ايام ومات هنا..

بقيت ابجي بحظنها.. اخذت عمتي ايدي.. كان بيها بلاستر.. كالت شنو مريضه انتي..

هزيت راسي..

الام:- شبيج ماماتي ..

-هو جنت بالمستشفى التهاب الكبد.. والكلى عندي متأذايات.. احجي كوه صوت ماكو

-يا يم اسم الله بنيتي.. ولج ابوج مات من وره الكبد.. شنو ماما منين اجاج

-ما رديت بس دفت راسي بحظنها احس ريحتها تريح اعصابي.. سمعت صوت عمي عمران وعثمان فوك راسي عمو لجين اكعدي خل نفتهم.

-عدلتني امي وكعدت..

-منو هذا الرجال الجاي وياج.

-صديق من لبنان تكفل جيتي لهنا لان مريضه من المستشفى اجيت.. احجي بصوت مبحوح

مخلد:- رجال غريب يجيبج ورجلج وينه

-راح رجلي..

مخلد:-هو شنو راح رجلي علي صوتج خل نفتهم شنو السالفه.. تبحبحين.. هذا الزلمه منيييين

عثمان:- شبيك يا مخلد دتشوف البنيه تعبانه على كيفك وياها

مخلد:- شسويت يا عمي اكلتها قابل.. نريد جواب افتر راسنا لا بتها لا رجلها حالتها هي والميت شنو القصه غير نفتهم..

الام:- هسه يا عيني متشوفوها تعبانه خل ترتاح وتعالو

عمران:- هسه احنه كاتليها دعلكيفكم خل نفتهم الزلمه شنو جيته شنو طراطير بتنا جايبها رجال غريب وجايه واحنه لا حس ولا خبر

-عمو رجلي طلع كلب.. مديون وشمر الدين براسي واخذ بنتي وشرد.. وصفيت هيج

مخلد:-ولج اوكفي اوكفي.. هو شنو مديون شنو اخذ بنته وشرد. وحده وحده خل نفهم

عثمان- يابه نسوانه فد كلاص كنداغ سوولها خل ييطلع صوتها نريد نفتهم..

-يا الله شحجي وششرح.. شكول..

-خليت راسي على رجل امي.. ما جاوبت ما بيه.. بعدتهم عمتي كالتلهم هسه وكتكم وكفتو على راسها مثل منكر ونكير تحاسبوها خل تاخذ نفس

طشتهم كلهم.. اتصل جياد عليه رفعت خط.. نسوان عمي وامي وعماتي كلهم كاعدات..

رفعت خط.. وما حجيت بس اسوي اممم .. هو كمل.. لجين اهلك عم يسألو ع قضية جوزك..

ما تشرحي كتير.. قوليلهم ترك عليه دين واخذ بنتي وهرب

وهلاء انا رافعه عليه قضية لحتى اطلع من دينو اللي وقعني عليه بدون علمي..

-وراح يصدكون..

-ازا ما حكيتي غير هيك.. بدوهن يصدئو غصب عنون

-مراح يتركوني ..

-هلاء انتي قولي هيك.. ولكل حادث حديث.

-ان شاءالله.. سديت الخط منه.. امي تهمس شكو ماما شصاير.. هزيت راسي بعدين تعرفين. بس اريد اروح لقبر بابا..

-باجر من الصبح نروح اني وياج..

-هزيت راسي.. اجت طيبه مرت مازن.. باست راسي البقيه بحياتج حبيبه.. خاتمة الاحزان ان شاءالله..

-ربي ما يشوفج شر.

-اكلج لجين خيه.. باجر السابع مال عمي والناس تجينا لليوم واليجي ويشوفج بالبنطرون والقميص
يستنقدج

هنا الناس عليها الضاهر ولا يكولو جايه سفر ولا تعبانه هسه يكولون هي مهتمه طاكه البنطرون ومتمدده. ولا جن ابوها ميت..

ناسنا ما ترحم تعرفيهم تردين اجيبلج گلابيه.

-على بالي هلشي بس ما عندي

-انطيج من عدنا..

-لا ما اريد.. شوفي امي عدها گلابيات.. اخذ منها..

-سألت امي كال هي وحده والثانيه مشروره علحبل ما عندي..

طيبه:- اروح ازرك هسه للمجمع اجيبلج واجي..

الام:- اي والله ياريت اني انطيج فلوس. وروحي جيبيلها اثنين .. بس كون مرتبات مو مبهذلات تره يستنقدوها..

طيبه:- ادللي عمه.. لجونه تصعدين فوك ترتاحين بالغرفه. زحمه الولد تفوت منا وانتي امدده بالبنطرون.

حجت عمتي.. لا راح اغطيها بعباتي خطيه شيصعدها انتي زرگي بساع وتعاي لا تتأخرين وكلي لمازن مو يروح يعرس علينا ما بينا حيل.

طيبه:- صار

-راحت اجت مرت مخلد باست راسي وعزتني بوفاة والدي.. سلمت عليها.. كعدت يمي.. ما حجيت اي شي ما بيه اطلع كلمه التعب ماكلني

نص ساعه واجت مرت مازن.. انطت العلاكه لامي كالتلها يا طيبه بعز البرد جايبتلهة كلابيات بقماش فانيله

كالتلها بس هذا موجود.. ماكو اسود بالمحل.. دارتلي.. ها حبيبه تكومين تبدلين. هزيت راسي ردت اكوم.

صاحت عمتي شيكومها دسديلها بعباتج وخل تجكها بعد رايحه ادور مكان وتفتر حتى تبدل شكو وهي تعبانه

ردت البرده من وراي.. وسوتلي بعبايتها وكالت نزعي البلوزه بساع ولبسي وعلى راحتج نزعي البنطرون.

نزعت ولبست.. راد يطب مخلد. كهربنا بالصوت كلها تصيح لا تدخل لا تدخل لاااااا.. صاح شكوووو امريكا طبتنا..

هزيت راسي استغفرك ربي.. مابيه اضحك.. بس همه ضحكو .. كملت كتلها خل يطب كملت..

طب هو.. كال هي وينها .. كالله هاي كدامك شبيك.. صاح خرب بيومج .. ادري مره لو عصفور مبلل هلكدوتج كافي رجيم راح تنكطمين..

عمتي:- يا عزا العزاك صوتك العالم منا شيكولون فارغين جاي يضحكون وما مهتمين لمصابهم..

-شبيج يا عمه قابل حاط وصله واركص .. جاي اكلكم البنيه كاضيه.. انتو انطيتوها غدا لو لا..

طيبه:- لا والله ما صبينالها..

-دروحي جيبي يابه هاي تلكيها من البارحه مماكله هلتشوفيها كاشه هلكدها صايره..

-هسه جنها على غده تدلل

-راحت هو تقرب كعد كبالي وكعد احمد ابنه بحظنه.. لابس دشداشه سوده ..حجه شلونج.. هزيت راسي. بمعنى زينه..

-يابه حجاب حطو على راسها صدك جذب ولا بيجن وحده تنتبه شيكولون عليها مفرعه بمصاب ابوها

شالو شال.. وخلوه على راسي.

-ابليسه بتج اشونها.. هي اسمها ابليسه مو

الام:- يااااا مخلد شجاك بيلسان بتها شنو ابليسه

-والله عبالي ابليسه نفس الاحرف.. ادور ولا تنطي ردت فعل ولج بابا شمسوين بيج. دحجي فضيها

-مخلد شحجي.. الكلب مديون وشمر الدين براسي اني اوفي.. اخذ بنتي وشرد بين ليله ويوم.. وما رد..

رفعت عليه قضيه وهسه ديدوره.

-اكلج هلحجي ميخش بالمخ.. تره كدامج ضابط مو كديش وتصفطين عليه. شلون شمر الدين براسج وشلون رفعتي عليه قضيه..

رهميها..

-هو موقعني على اوراق بلا ما اعرف وكربسها براسي

-اي طبيعي الثول مالتج معروف من زمان مو شي جديد.. كملي

-بقيت اباوع بوجهه.. اخذت نفس ودرت وجهي بعد.ما حجيت..

-استلم زعلت.. ولج بابا تزعلين من اكلج ثوله اوراق توقعيهن بليا ما تعرفين شنو مخبله

-ما جنت واعيه لما وقعني..حجيتها طلعت مني بسرعه بدون ما احسبلها الكلمه.. بس هو لكفها.

-لحظه اكفيلي دقيقه شنو يعني مو واعيه.. شمسويلج هذا الغيره سز.. مشربج عرك لو مكبسلج..

-صفنت بوجهه و بقيت حايره شلون اداري الجواب.......يتبع

☆☆☆☆☆☆☆☆

#زينب_ماجد

#خطوات_نحو_الجحيم

////بقلم الكاتبه زينب ماجد////

الحلقه_39

مخلد:-لحظه اكفيلي دقيقه شنو يعني مو واعيه.. شمسويلج هذا الغيره سز.. مشربج عرك لو مكبسلج..

-صفنت بوجهه و بقيت حايره شلون اداري الجواب....

-شو صفنتي.

-مخلد تعبانه والله.. يعني شوقعني جنت مريضه والكلب استغل مرضي ووقعني على الاوراق..

شعرفني يطلع هيج نذل ..

-هسه عرفتي نذل لجين..

-اخذت نفس ودرت وجهي.. ما رديت..

-زين وشسويتي..

-رفعت عليه قضيه ان هو وقعني على الاوراق بالخدعه.. وهو منهزم وديلاحقو..

-الشرطه لا تحمي المغفلين ما اعرف .. احس الشغله مو مفهومه..

حجت عمتي.. خاف ال

قوانين هناك بلبنان تختلف عن هنا..

مخلد:- ما اعرف والله .. هناك شلونها القوانين

-ما رديت عليه.. مددت على رجل امي.. باس ابنه وكاله حمودي سلمت على عمه لو لا..

روح بوسها.. اجه باسني بخدي.. ابتسمتله.. ومسحت على خده فدوه حبيبي الله يحفظك..

زمن مرت مخلد جانت واكفه بالباب.. كتلها مو سمعت صار عندج بعد ولد لاخ..

كالت اي.. محمد.. عمره 6 اشهر..

حاجتها امي.. صدك هسه انتي حامل..

زمن:- اي عليه 3 اشهر..

الام:- يا داده ابنج بعده صغير شلج بي حبلتي

زمن:- اني.. غير مخلد.. مذممني ما استخدم شي

هو مغلس ع الحجي مسوي نفسه يلعب ويه ابنه ويحجي وياه.. من سمع مرته حجت هيج..

مخلد:- هو مو صوجكم.. صوج الكاعد يمكم الا اليكعد يم النسوان شيحصل غير السوالف البايخه.

صاحت عمتي.. يا بايخه ولك انطي للبنيه فنتك.. شلها بالجهال.. هز ايده وطلع ما رد..

ردت عليها عمتي شلج بي بره.. شنو تجيبين وتكومين..

زمن:- عمه ما يقبل يكول احنه المن متزوجين غير نخلف هي هاي الحياة الزوجيه..

كرجيه:- شبيج يا صبيحه رجال متمكن وعنده خير ليش ما يخلف.. عسى ما يجيب 10.. هو الاحسن..

امي:- يا كرجيه هي بس خلفه.. دتخلف بشر مو حيوانات.. يحتاجلهم تربيه اعتناء مو بس جيب وخلي بحلكهم.. محد مات جوع.. والعراق وضعه للاسوء..

صار شي لا سامح الله.. يبقون يجرجرون..

گرجيه:- هي هاي بعد سنة الحياة الخلقهم هو يحميهم.

الام:- يا شنو سنة الحياة.. بشر احنه لو بزازين.. خاله نصيحه خلفي هذا وروحي دكتوره شي تمنع حملج

اذا تبقى ع الرياجيل ما عليهم شي.. اسمه مبروك جالك طفل.. و الوكعه براسج..

كرجيه:- يا شنو تكطع خلفة وليدي شحدها .. المن ماخذها يباوعلها ..

شو لا مقصر عليها ولا على وليداتها شيردون يدللون يجيب ويحط بحلوكهم.. شتريد بعد..

الغيرها تتحصر على مخلد.. فدوه الطوله كمره بين الرياجيل.. العافنه تحسرن عليه..

حجت عمتي ها كرجيه خيرج. شوصينا..

كرجيه:- هسه اني حاجيه بس واحد يحجي بخته لجين ما تحسرت على مخلد من عافته.. لو ما خذها هذا حالها

بس هي تعافت ... تستاهل من وكاحتها وعرامتها انتحرت وتصيح ما ريده تالي حوبة وليدي طلعت بيها..

عمتي:- يا كرجيه شنو هلحجي الماصخ.. دسكتي..

امي دنكت راسها منها ما حجت ولا ردت عليها..

كرجيه:- شحجينه يا صبيحه.. كلمة الحك ما تنراد.. تكبرت عليه تالي الله كاللها اصبري .. وهسه هي تتمنى مخلد بداخلها ومتندمه جي ما خذته..

اني اذا الحايط رد.. اني رديت.. شحجي.. حيل وياي استاهل الشماته.. الزامطت بيه باعني شريد احجي بقيت بس مدنكه راسي..

بس عزة الدمعه بعيوني.. ما نزلتها بس اختنكت بالعبره... من كلامها..

حجت وياها بنتها.. يمه شجاج مرته منا كافي قبل يومين اجت هم ترديلهم مشكله..

زمن:- لا عوفيها تعودت على حجي عمتي بعد.. من جانت لجين مو هنا تقارني بيها واطلعني اني والقرده سوه..

وهسه تكلها هاي حوبتها.. والله لو ما عندي جهال وحق الله بكبره اشرد مثل ما شردت لجين واخلص من مخلد وهلعيشه السوده..

حجت وبجت.. ردوها ياااا شجاج انتي الثانيه.. تهدو بالرحمن..

زمن:- هو مخلد بشر ينعاش وياه.. ما لزميني غير هلجهال ذوله والله يا خاله روحي طلعت..

يكعد هيج هيج من اهلج وينام وهو يسب بيهم.. ومن احجي اكله لا تسبهم يصيح تردين بوجهي ويكتلني

من ادافع عن نفسي وارفع ايدي لو ادفعه مني اذا يضربني يكول اتعدت عليه ورفعت ايدها بوجهي ويكلب الدنيا فوك راسي..

لا خلصانه من السان مخلد ولا من السان عمتي والله واحرك روحي واموت..

كرجيه:- ترحيله فدوه بنت الفكر.. لو ما يباوع لحلكج.. شكيتيله مره خليتي ينزل يتخبل علينا شلون نحجي عليج

وراح بيومها عزلج فوك وسوالج مطبخ وهول.. من سواهن الج الخلفج ...

زمن:- لا اريد بيت ولا اريد افلوس ولا اريد اي شي.. متت اريده بس يحترمني.. يغلط ويسب 24 ساعه

ممخليلي اي رأي اعيش واني ساكته شيكول لازم اكول اي حتى لووما يعجبني واذا حجيت تصير مشكله الها اول ما الها تالي..

ولو راد شغله يحسبلي ل3 اذا ما نفذت يكتلني.. يا فلوس يا ملابس اعصابه نار ما تنحمل عيشتيش هاي..

انهدت تحجي وتبجي ويهدون بيها وما تسكت مثل واحد وانفجر.. اني منتجيه ع الحايط ولامه رجليه لصدري واستمع للوضعيه..

كامتلها امي وعمتي يهدون بيها.. امي مسحت دموعها وكالتلها محد يستاهل دموعج والله. صيري قويه اشكال شفنا وتحملنا.. تصير سوالف..

خطيه كسرت خاطري.. تمسح بدموعها وتجري وابنها حمودي وكف كبالها يباوعلها لان تبجي ودموعه يجرن..

مديت نفسي وسحبت ايده وكعدته بحظني.. ليش حمودي الحلو يبجي.. ما يحجي بس يباوع لامه.. ويمسح بدموعه

كاعده يمي طيبه.. كالت خطي والله شايفه الضيم وياه.. اشافت ينطيها فلوس وطلعه ماكو وبس للجهال عيشتها تسكت بهذا و تنوم بهذا ولو راضي

-اخذت نفس.. هو هذا مخلد ما استغرب من الكلام ضرب وغلط وسب رغم طيبة گلبه بس هلصافت عامه عليه.

طيبه:- لج قبل فاتحة عمي بي

ومين جابوها من اهلها رادت الطلاك.. بس كلها وكفت ضدها.. ما قبلو على مود الجهال

ليش.. دا اسئل بطيبه.. انتبهت على زمن لما جابت اسمي وهي تكول..

والله اباوع اللجين بالتلفزيون شلون حلوه تخبل وعايشه حياتها ومستمتعه اكول حقها من شردت من مخلد هي وين ومخلد وين..

امي:- لا خاله مخلد صدك يضرب ويغلط بس ريت الناس كلها مثل كلبه..

زمن:- خاله امنت بالله.. الشهاده لله لا يقصر بمصرفي لا بمصرف جهال لا بأكلنا لا بملبسنا.. بس خاله ما يحترم..

واحد يكوم يكعد يسب اهلج ع الصغيره والجبيره وتبتلي لو طلعت احجايه.. اقل شي ذاك اليوم..

اجه الضهر تعبان.. محمد مريض يبجي.. صاح طلعي بره اريد انام.. كتله الدنيا بارده وين اخذه هنا مدفيته بالغرفه.

شلون تكولين هيج وتردين بوجهي كتلج كلمه تكولين اي صلفه.... شالني اني وجهالي وشمرني بره الغرفه ويصيح بنت الكلب ما تكول تعبان يريد يرتاح

واني والله خاله ايام ما شايفه النوم من هلطفل وتحملت ونزلت للمغرب يله نزل مبدل وطلع..

اخذت الجهال وصعدتهم.. للعشره اجه.. شلون ممنومه الجهال.. وسب وغلط وصياح .. اكله محمد مريض يبجي واحمد يكعد على صياحه...

ما يفهم. لازم اسكتهم وانومهم.. حتى ينام وراه دوام.. نومت احمد كوه ونزلت جوه منه انوم محمد ل3 كوه يله غفه..

صعدت اول ما خليته بكاروكه فز.. من التعب صرخت بوجه الطفل .. شلون تصرخين بوجهه لزمني من شعري والله ما خله عظم صاحي..

كتلهم اريد اطلك ما اريده.. كلها وكفت ضدي وتصيح عندج جهال.. ما ينحمل والله خاله مينحمل..

هي تحجي وتبجي وامي وعمتي يهدن بيها وكرجيه كوموها منها بناتها كاللها عوفيها مابينا حيل مشكله.. هسه يجي ويتخبل ويسويها هوسه ستري علينا..

لحد.ما كامت زمن اخذت جهالها وصعدت.. دارتلي امي..تهز براسها.. وتكلي شفتي..

- هزيت راسي مو غريبه ماما.. هذا مخلد.. منعرفه قابل اني بس بنت عمه مو مرته جان ايده والضرب وياي والغلط مشهودله.. بنت الكلب ما توكع من حلكه..

-والله يا دادا ما ادري كسرة خاطري.. بس خوش انطتها بوجه كرجيه وردتها العوبه جايه تتشمت بيج على حور ابنها قحط رياجيل وتتمنين مخلد

-ماما اتركي هسوالف.. على كد عقلها.. مو بحالها.. بس مصاب بابا شال راسي.. ما بيه حيل افكر بيها..

دنحجي طبو نسوان .. كعدو بجو بقيت ابجي وياهم.. شويه واجتي مرت مازن كالت كومي

كمت من يمهم رحت للمطبخ.. صابين اكل.. كالت كعدي اكلي.. كتلها ما اريد مشكوره..

-دكعدي يمعوده حتى لو بس سوب اشربي يفتح صوتج.. جبرتني اكعد اكل.. الصينيه بيها صحن ثريد وعليه لحم..

وتمن عليه حشو وشعريه ولحم.. وكاسة سوب وزلاطه.. ابتسمت شكد مشتاقه لهيج كعده عراقيه وصينيه وبالكاع..

وريحة الاكل العراقي والتشريب تموت رغم ما احب اللحوم.. وما الي نفس بالاكل.. لزمت الخاشوكه وكمت اشرب بالسوب مال اللحم.

حار يريح بلاعيمي.. دا اشرب.. انعصرت امتوني صحت ااااخ.. كعد مازن يمي.. اي شلونج..

-الحمدلله.

-اكلج شو بالقناة اطلعين جنج نانسي عجرم هنا مدري شلونج شو متغيره..

-يا خيي من الخير.. يكله المرض بيك لو بالحايط.

-السلامه ان شاءالله.. وهذا الولد.. شنو علاقتج بيه..

-صديق خطيه وكف ويايه وكفة اخ.. من تركني الكلب وحدي حايره..

-مبين خوش ولد.. بس عفيه شكد مرتب.. شكله ارتب من حياتي..

-ابتسمت.. كعد مخلد.. ولك غير يلمع.. يمكن امه مخلفته بكلنس مثل حالنا بجيس زباله لفونا.. بس ولا حبيته احسه ملعب ويدور نسوان

-شلقضيه.. بالعكس خوش ولد

-هو شيشتغل

-عارض ازياء

مازن:-من هااااااااي مرتب حيل

مخلد:- مو كتلكم ملعب هلطلع عارض ازياء رب اللعب..

-مخلدددد شبيك بطل نظرتك السيئه اتجاه الناس ان بعض اضن اثم

-وانتي ضلي بثولج وابقي صدكي بالعالم وخل يطيح حظج..

-ما رديت عليه.. نزلت راسي منه... مد ايده ياكل هو ومازن وطيبه ياكلون .. واجو جهال مازن.. صاح مخلد كومو منا خلي يصبولكم.. كوووومو

-هاي شبيك.. قابل هم منين.. كعدو حبايبي خل ياكلون..

-ولج يبقون يلوطون بالاكل ..

-خل ياكلون بالعافيه.. دا اكل وابن مازن صفن بوجهي.. ابتسمتله.. جان يكول انتي حلوه.. صحت يحبيبي مو بحلاتك.

ضربه مخلد على علباته.. كوم ابن المطي من هسه يدور حلوه ومو حلوه..

مازن:- شرايد منه.. انعجبت بيها بابا تره تحل عليك وبلايا رجل هسه تريدها كدامك..

لجين:-لك لا مازن لتزرع بعقله هيج سوالف.. هو يا صف..

علي- اني صف اول ابتدائي..

-يفدوه.. شتصير من تكبر

-اصير معلم

-يحياااتي فدوه شلون يحجي.. دا احجي هيج جان ينطينياها بوجهي والله انتي حلوه اني احبج..

مازن وطيبه خربو ضحك.. طيبه اشرتله وهي تضحك.. وتكله لمازن حب من الطفوله بيمن يذكرك.

مازن:- ههههههههههه يذكرني باللي انضرب بوري..

مخلد:- هز راسه وابتسم..

-اني منطيت اي تعبير غلست.. بقيت اشرب..

مازن:- خرب يومج طيبه خجلتيهم..

مخلد:- خرب بأعراضكم اذا عدكم شرف جاي ناكل ليش تخلوني اهينكم..

طيبه:-

يحين صفو الكلوب.. معليكم بخبال مخلد..

دخلنا للبيت.. كعدنا بالهول وي النسوان.. للعصر واحنه كاعدين لحد ما دك موبايلي شفته جياد..

كمت للممر.. رديت الو صاح لجين بدي البشاره.. صحت شكو.. صاح انمسك ميشيل والله انمسك..

صحت يا الله.. اوووف ربي الحمدلله.. صدك والله جياد..

-لك والله بكرا راجعين انا وياكي ع بيروت لتثبتي اقوالك.. عليه وعلى يلي اسمو جوزك..

الحمدلله يااارب الف الحمدلله... دا احجي نزل مخلد صدت عيني بعينه غلس ما كأن شافتي بس عاقد حواجبه..

يارب الحمدلله من انمسك الكلب.. اني بخير دام انمسك.. يارب بقت بس بنتي..

-بنلائيها متعتلي هم خلصنا من اكبر هم بقى القليل

-الحمدلله يارب

قفلت الخط ورحت كعدت يم امي.. لحد.ما صبو العشا اني كمت رحت للمطبخ.. العبايه لافتها على خصري ومشمرتها على اديه..

وحجابي على راسي.. ردت اساعدهم ما قبلو.. بقيت ابحث بالموبايل على خدمات الانترنت.

فعلت خدمة نت لان بالعراق ما متواجده الشبكات المفتوحه بكثره...قله.. وبيت عمي ما عدهم..

اول ما تفعل نت.. اجت رسائل ع الواتساب.. باوعتهم مالك انهبط كلبي.. عفتهم وطلعت الطرمه.. كااتبلي اريد احجي وياج.

اتصلت بيه ممتصل نت.. دزيتله رساله انطيني بنتي يا كلب الله ينتقم منك.. يا حقير.. اريد بنتي..

بقيت اراسله ماكو.. كعدت على نار يصيحون ما ارد عليهم عقلي انشغل بمراسلته.. اتصلت بجياد.كتله هيج وهيج راسل مالك..

كال ثعلب راسلك من الواتساب كرمال ما ينمسك ع الشريحه لان شريحتو مراقبه.. بس تنفتح نعرف مكانو

كتله وهسه.. كال راسلي واعرفي شو بدو منك..

بقيت بالساعه واكفه بالطرمه بعيد عن استقبال الخطار.. طلعت امي كتلها مالك راسل .. كالت يا الله بلكي الكلب كلبه حن وينطيها الج

ان شاءالله واطلو اعرفه كلب عنده مصلحه...كلبي احسه ينبض ما هدا غير كون اهدئ و وادخل يم النسوان ابد لساعتين يلا رد مالك..

اتصل بيه.. اول مكلت الو.. كال اسمعي اخر حجي الي وياج.. بنتج ابعثلجياها بشرط.. تتنازلين عن القضيه واطلعيني منها وما تصفيني ويه جماعة ميشيل..

غير هلحجي.. تحلمين تشوفين بنتج اهربها واخليج بحسرتها وتعرفين اني كد كلمتي .......يتبع

☆☆☆☆☆☆☆

ها مخلد شبيك منو يمك دنقصد على علاوي ولجين هو مو يحبها..

-لزمت خشمه لعلاوي وكتله فديته للي يحبني.

مخلد:- طاح حظك عمو.. الله يكون بعونك..

حجاها وكام.. وهم يضحكون.. دك جهازي.. حجه مازن شنو عندج خط عراقي..

-اي من يم المطار اشترى جياد.. كمت من يمه.. ورحت للترك.. كعدت على قنينة الغاز وجاوبت جياد..

جياد:- شو كيفك..

-الحمدلله زينه..

-صار المغرب بدي روح بس ما فيني اتركك ضل بالي يمك.. اخذتي علاجك..

- هسه راح اخذ..ليش تروح..

-خطي قالولي الليله بتضل عنا.. بس مبعرف مبحس بالراحه..

-اهاا .. شكد اجازتنا

-لبعد بكرا..

-ما بيها تمديد..

-ما فينا القضيه بتحكمك لازم تكوني شاهده فيا.. ودلي باقوالك.. ومتنسي بنتك..

-اخذت نفس.. ان شاءالله..

-لجين متعبي حالك كرمالي.. ارتاحي اد ما بدك..

-تسلملي.. ما اعرف شلون اشكرك.. يعجز الساني صدكني.

-ما بيناتنا شكر ولو.. اخدي راحتك ومتنسي علاجك.. لما بدي روح انا بخبرك..

-ان شاءالله... قفلت منا.. وبقيت اباوع بالموبايل.. اجه عمي عثمان.. حظني.. ها بنتي شلون صرتي..

-هزيت راسي..

-لا تزعلين ولا تهتمين من الصبح باجر اخذج لكبره..

-عمو جنت اتمنى اشوفه واحظنه والله مشتاقتله.. بجيت

-حظني لصدره وباس راسي .. بنيتي حبيبتي ترحميله كلنا على هلطريق.. لا تبجين .. بس عمو ليش هيج ضعفانه شبيج..

عضماتج طالعات..

-من المرض عمو..

-شبيج خير..

-التهاب الكبد والكلى عندي متأذايه..

-متستاهلين عاد انتي ورده..

-تسلملي عمو..

-ترحين وياي لبيتي..

- وين متبقى ماما ابقى وياها..

-امج هنا تبقى علمود سبعة ابوج باجر.. تعاي انتي ارتاحي حللي ..

-عساك سالم عمو الله يحفظك ويخليك..

-حبيبتي والله يا عمو شكثر وصاني بيج المرحوم بالمستشفى واخر كلماته يصيح بنيتي دير بالك عليها بنيتي..

دنكت راسي ونزلت دموعي.. طلعت امي.. اخذتني بحظنها.. لا تبجين حبيبة قلبي.. والله دموعج ييمه مثل النار احسها على كلبي..

حظنتها حيل وزدت بالبجي.. ما اكدر اكلها لو تشوفين حالي هناك بالغربه شلونه.. دموعي والمطر يجرون سوه

بقيت حااظنتها وابجي.. اجت عمتي باستني وعمي عمران هم كال.. هاهيه عمو كولي الحمدلله.. وارضي بقدره.. الله يصبرج..

حجه هيج.. انفجرت بالبجي وحجيت والله عمو راضيه بقدره بس تعبت.. اريد بنتي.. والله مشتاقه لبنتي..

ماما بس اريد اخذها بحظني واشمها وارتاح.. صار شهر وفوك كلبي نار عليها .. ما اعرف وينها اريدها ماما اريد بنتي

دمعت عيونهم عمامي وكامو يغلطون ويدعون على مالك.. وامي دموعها وي دموعي وتمسح بوجهي
وعمتي تمسح على راسي وهم تبجي وياي..

بهلموقف وصاحو من برا.. اجو رياجيل ونسوان.. كلهم مشو.. اخذتني امي غسلتلي وجهي .. ونشفته وعدلت شعري والشال وكالت تعاي نطب .

كعدت ويه النسوان بجي ونعي وادور صبو عشا.. بقينا لل10 بليل.. ناس طشت وناس نامت بايته عدنا..

طب مازن.. كتله جياد راح... كال لا فرشناله بالغرفه راح ينام..

-هااا.. تانيت هدء البيت.. ورحت لجياد.. لكيته وحده كاعد بالغرفه وحده.. ويباوع بموبايله.. هااا

-اهلين واخيرا شفناكي..

-التهيت وياهم.. ناس هواي تعرف..

-بعرف بعرف.. ما تركوني روح.. بئيت هون.. شكلك صاير حلو بالحجاب والثوب الطويل..

-ابتسمتله.. هاي عاداتنا بالعزاء لازم ثوب وحجاب..

-عادات حلوه.. بس خبريني.. ما حكو معك..

-حجه مخلد.. وكتله المختصر وخلص بعد ما سئلوني يمكن مخلد شرحلهم..

-مخلد ابدا ما حبيتو بعتذر بس ما بعرف.. ما حبيت اسلوبو...

-شلون يعني..

-بيغلط كتير.. وكلامو بلا زوء لك بينادي لابن خيو ابن الكلب..

- ابتسمت لا خوش ولد بس هو السانه متبري منه. بس من تعاشره تحبه.. دا احجي طب مخلد..

-انتي شعندج كاعده هنا..

-صارت صرخته وطبته بنفس اللحظه. بقينا اثنينا نباوع عليه.. جيت احجي شوي وي جياد قبل لا انام..

-اكلج تره هنا العراق بويه مو تكساس..

-اي كايمه شبيك

- فيك ما تصرخ لو سمحت.. وانا وياها رفئات عم بطمن عليها مش مستاهله كل هلعجئا

مخلد:- الحجي مو وياك لا تدخل وهاي رفئات نكعها واشرب ميها ما تمشي يمي

-مخلد شبيك.. عيب.. حجيت.. دفعني بثنين اديه للباب وكال امشي لج تعلميني العيب انتي. طبي جوه.. كاعده بتالي الليل ويه رجال غريب

كام جياد بسرعه واجه وكف كدامه
-ما بسمحلك تأزيها بهيدا الشكل.. بئى ياريت تحترم حالك..

-لك انته منو وما تسمحلي هااااا احترم نفسك واكعد وخليني محترمك تره كوه متجرعك

-عن جد بلا زوء.. ما فيني ابئى ..

-راد يطلع صحت جياد.. اعتذر جدا عن تصرفه.. ياريت متزعل..

مخلد:- ولج شنو انتي وتصيحين وره الرجال شو طالعه عينج شالني من ايدي حيل.. ويريد يمشي.. دارله جياد ودفعه عني

مخلد.. اندارله وتلازم وياه من ياخته ويصيح ابن الكلب تدفعنييي.. جياد.. اضربله رجل ووكعه للكاه. وخله ركبة رجله على صدر مخلد وحجه

-مش انا يلي بينئالي ابن الكلب بئى ياريت تحترم حالك..

البنت فاهمه وواعيه مبيحتاج لحدا متلك بيعلمها كيف بيكون العيب والزوء.. ومخلد.يتلاوه وياه

دفعه من صدره ويريد يهد عليه.. وكفت كباله مخلد والله عيب شبيك تخبلت دوخر.. خلي يروح خجلتني كدامه..

براشدي ووخرني من كدامه.. طب مازن بسرعه. لزم مخلد وطب عمي عثمان وراه... ويصيحون عليه.. لان اتعدى على ضيفه..

يكلهم من اول ما شفته والله ما ارتاحيتله حاط عينه عليها والله .. اكبر نسونجي ويريد يستغلها شافها بليه رجاله والثوله مصدكه هذا صديق..

هو يصيح ويسكتون بي.. جياد طلع فورا بمجرد دخول مازن.. تبعوه كاللهم بعتزر كتير صدقوني مكنت حابب اعمل مشِكله بس البنت مريضه وهو عم يأزيها..

اعتذرو منه وسلمو عليه للباب بعد ما رفض رفض تام ان يبقى.. اخذتني امي ورادت اطببني جوه.. اني دموعي تجري كعدت بالهول ابجي..

حتى لو صديق.. بس عيب يشوف اهلي بهيج وضع.. طب عمو عمران وصاح كله صوجج انتي... شعندج كاعده يم الرجال ما احترمتي

كتله عمو اوك اني غلطت وتناسيت الوضع هنا. اعترف بس مو بهلطريقه يدخل يرزلني كدامه..

اكو شي اسمه اسلوب يطب يصيح لجين تعاي اريدج. وعلى انفراد يعاتبني ويعرفني غلطي مو يصيح عليه كدامه..

الرجال اله فضل عليه ورفض اجي للعراق وحدي لان حالتي تعبانه ورافقني ... يروح يسوي بيه هيج

طب صاح اسمعي لج.. طلعه منا ماكو.. مو عبالج اعوفج ترحين البنان وتلعبين على حل شعرج.. رجلج اكسرها والله.

-ما اكدر اجازتي يومين وراجعه ع بيروت.. وما ابقى هنا لو خلصت قضيتي اطلع للسويد ما ارجع لهنا.

-اكسر رجلج والله .. لا اب لا رجل شنو ما عدنا شوارب مطلكه وتفترين دول براحتج..

-مخلد مو بكيفك بنتي هناك لازم اروح اجيبها

-انعل ابو بنتج.. خلها تروح لابوها .. شنو اول مطلكه تنطي جهالها.. ترحين تربين خلفت مالك الزفره لا نريده ولا نريد بنته.

تطلع مثله كح...... بنت الكو..... اكسر رجلج والله اذا اطلعين منا

-انته من شنو مخلوق تره مو ناقصتك والله بنتي هاي مو بنت مالك.. وما اعوفها واروح لو مدري شيصير..

-دجربي طلعي اذا ما رجلج اكسرها.. ولج عبالج طرن. مكربس دين براسج وفالت وعايفج للكوا......يد تتملعب على راسج..

يحجي واني احجي وعمامي يسكتون بي ويجرون بيه حتى دشداشته من الجر انشكت.. يريد ياكلني النار تكب من عيونه..

كتلها ماما.. كومي امش خل نروح لبيت عمي عثمان دخت هنا والله مو ناقصه بس همي البراسي كافي..

عماتي كامو يصيحون ومازن وعمي كالوله يتيمه ومصاب ابوها احترم.. يكلهم سوتلها زعله حتى تفلت. اعرف سوالفها ما تطلع والله..

-درتله.. اكلك شنو مات ابويه حتى انته تتحكم بيه.. لا تحلم والله نجوم السما اقربلك افتهمت اذا انفصلت مو معناها فرصتك..

والله لو تبقى اخر رجل بالعالم ما ادورك ولا اريدك فك مني تعبت والقران تعبت فك ملييييييت منين الكاها كلولي منين..

من رجلي العار لو من غياب بنتي لو مصاب ابويه لو امراضي

وين ما اروح المصايب كبالي شمسويه بحياتي وهلكد متعوسه.. عوفوني والله تعبت مكافي عليه فراك ابويه وبنتي.. عوفووووني

لا تحلم تحكمني ما اريدك افتهمت ما اقبل تدخل بيه... افتهمتتتتتتتت .. من بينهم مد روحه وضربني راشدي..

ويكلي اعلمج عليمن تعلين صوتج بنت الكلب.. هو نطقها واني كمت عليه صياح انته شنو وتسب ابويه بكبره ..

اصيح عليه وابجي وعمامي وهوسه ويصيحون عليه شلون سب ابويه .. متحملت الموقف والهوسه نهد حيلي بسرعه تخربطت.. يضربون يصحون يكعدون اني والميت سوه..

امي كامت تلطم وتصيح راحت بنتي الله لا ينطيكم راحت بنتيييييي.. وتشيل بيه وما اكعد...

نقلني عمي عمران بسيارته للمستشفى.. صاير عندي انهيار عصبي وارتفاع بالضغط ومن التعب واكعه..

انطوني مغذي. وعلاج وطلعوني امي رفضت تدخل بيت عمي كالتله اخذنا لبيت عثمان بقى يحجي عمي وما قبل..

اخذنا لبيته.. رفضت امي وحلفت والله ما تدخل وخابرت عمي عثمان كالتله .. ما اريد مصيبتين بأن واحد راح رجلي بنتي اريدها تجي تشوف ابن اخوك لو اخذها واهج والله

كاللها جاي فورا.. ثواني واجه.. اني بالسياره نايمه. طب متعارك وي مخلد وشايليني لسيارة عمو عثمان وماخذيني لبيته.

الليل كله امي تبجي على راسي.. وتصيح شاكر اطلع شوف بنتك شحالها.. شاكر بتنا راح تموت.

اني ضغطي موتني كوه اجر ايدها واحاجيها واكولها اني زينه .. بقيت نايمه بحظنها لل9 الصبح كعدنا زينه صبولي ريوك جبرني عمي عثمان اتريك..

وكال معليج بمخلد.. روحي خلصي قضيتج .. تحتاجين واحد.منا يجي وياج كولي.. دوري بنتج وتعاي..

كالتله امي ما تجي لهنا اروح وياها .. تخلص قضيتها واخذها للسويد تعيش وياي.. كاللها بعد احسن اهناك احسنلها..

كملنا ريوك طلعنا عمو لكبر بابا بعده تراب.. شمرت روحي على ترابه وكمت اصرخ ولك بابااا ليش عفتني باااابا..

صرخت وصيحت وبجيت لحد ما اختفى صوتي وهلكت.. للضهر يله اخذنا من كبره.

رجعنا لبيت عمي عمران.. رادت ترفض امي.. كاللها وداد انتو يومين ورا

#توقعات_الأبراج
ابراج اليوم السبت, 24 اب 2019 عاطفياَ ومهنياً وصحياً
الحمل
برج الحمل
مهنياً: بعدما مررت في حياتك المهنية بكثير من السقطات التي جعلت الحياة مليئة بالمشحانات، تكون اليوم مع الحلول التي تساعدك على تجنب ذلك في المستقبل

عاطفياً: من الأفضل أن تخصص للحبيب الوقت الكبير حتى لا تغفل عنه وتكون العواقب وخيمة




صحياً: أنت من الأشخاص القادرين على الصمود أمام الأمراض، لكن ذلك لا يعني عدم إيلاء الوضع الصحي العناية التي يستحقها
الثور
برج الثور
مهنياً: روحك المرحة والجذابة تساعدك في اكتساب صداقات مهنية متعددة، الفرص سانحة أمامك لتتقدم وتنتج وتثبت للجميع مهاراتك

عاطفياً: بما أنك تبحث عن الأفضل لذا فمن الصعب حصولك على علاقة عاطفية، على الرغم من إعجاب الكثيرين بك بفضل شخصيتك الساحرة، لكنك لا ترضى بأي شخص




صحياً: عليك ممارسة الرياضة لتحافظ على النجاح الذي وصلت إليه بخسارة الكثير من الوزن الذي كان سببًا في إحباطك وعدم ثقتك بنفسك
الجوزاء
برج الجوزاء
مهنياً: لديك اليوم في عملك أكثر من طريقة لتجاوز الصعوبات الحالية، ولكنك تتبع أسلوب الهدوء عند التعامل مع المواقف الصعبة

عاطفياً: علاقتك بالشريك تتأثر بالتوتر والانفعال الذى يسيطر عليك اليوم، ربما عليكما عدم التحدث حتى تهدأ أعصابك، ولا تدع الآخرين يتدخلون بينكما




صحياً: تبحث عن أساليب مختلفة للاستجمام والفصل بين مشاكلك الشخصية وبين حالتك المزاجية
السرطان
برج السرطان
مهنياً: ضغوط العمل محيطة بك اليوم ولا تعرف من أين تبدأ، وربما تتعثر خطواتك بسبب ضياع تركيزك

عاطفياً: تناقش اليوم الكثير من القضايا المهمة بشأن مستقبل علاقتك بالحبيب وتتوصلان إلى نتائج مرضية

صحياً: المشكلات الصحية المتواصلة تعكر صفو حياتك وتبقيك في حال من التوتر والعصبية
الاسد
برج الاسد
مهنياً: الوضع المتوتر يجعلك تشعر بالقلق والخوف من كل شيء محيط بك، ولكن يجب أن تتغلب على كل هذه المشاعر السلبية التي يمكن أن يكون لها أضرار سلبية على العمل

عاطفياً: الأوضاع السيئة تُشعرك بأنك غير قادر على الدخول في علاقة عاطفية اليوم، وبأنك فقدت قدرتك على الحب والعطاء، ولكن كل هذا ينتهي قريباً وتجد الحبيب إلى جوارك




صحياً: تشعر في ظل تقلبات الطقس بالتهاب في الحلق، فحافظ على نفسك وتجنب الإفراط في المشروبات الباردة واهتم بنفسك فهي تستحق
العذراء
برج العذراء
مهنياً: تفكر على الدوام في التقدم في عملك، لكن الأمر يتطلب المزيد من الجد والاجتهاد، وأنت لا ينقصك شيء في هذا المجال

عاطفياً: حاول أن ترضىيالحبيب بكل الطرق الممكنة وغير الممكنة، ولا تعتمد أسلوب المراوغة والمماطلة في تنفيذ الوعود التي قطعتها له

صحياً: رفّه عن نفسك وتجنب الارهاق والمشاعر السلبية وافعل ما تستطيع القيام به من دون ضغوط
الميزان
برج الميزان
مهنياً: حان وقت توضيح الأمور، وهذا ينطبق على المهام المؤجلة وأيضًا على سوء التفاهم بينك وبين الزملاء

عاطفياً: لا تسبح عكس التيار ولا تسمح للضغوط ان تتزايد، بل دع الأمور تسير على سجيتها ولا شك في أنك سترى التعقيدات تزول من تلقاء نفسها




صحياً: استخدم طاقتك في الأنشطة الرياضية، إذا لم يكن لديك الحافز السليم من قبل، يمكنك البدء اليوم
العقرب
برج العقرب
مهنياً: تطلق أعمالاً جديدة أو مشاريع أو منتوجات تستمر حتى أواخر الشهر جيدة ومناسبة وتحقق أرباحاً طائلة

عاطفياً: أحد المقرّبين منك يطلب مساعدتك بشكل مستميت بشأن مشكلة تعترضه، فلا تتردد في مد يد العون له

صحياً: الابتعاد عن الأطعمة الغنية بالدهون المشبعة والمهدرجة الضارّة مثل اللحوم المدهنة، والمقاليتضر الصحة وتؤثر سلباً في المزاج أيضاً


القوس
برج القوس
مهنياً: تكثر العقود والعروض والساعات الإضافية، وبانتظارك تقدم من خلال منصب عال ومكافأة لجهودك السابقة

عاطفياً: علاقة واعدة مع أحد الأشخاص وتتفقان على أمور كثيرة وتتحليان بالذكاء وحب المعرفة

صحياً: للتمتع بنمط حيات صحي، وازن بين نظامك الغذائي ونشاطك الجسدي من خلال اختيار الأطعمة الصحية معظم الوقت
الجدي
برج الجدي
مهنياً: يبشرك هذا اليوم بالخير ويحمل اليك جديدًا وقد يتعلق الامر بأحد أفراد العائلة أو بأحد الجيران أو المقرّبين

عاطفياً: الإشاعات التي تسمعها عن الشريك سرعان ما يتبين لك أنها في معظمها غير حقيقي

صحياً: حاول أن يكون تفكيرك إيجابياً فهذا ضروري لإنهاء الأمور العالقة بهدوء


الدلو
برج الدلو
مهنياً: يوم إيجابي جداً يعدك بالنجاح والحظ في مشاريعك ومساعيك، لكن حاول أن تتجنّب الجدال مع بعض الزملاء

عاطفياً: نزاعات مع الشريك على أمور غير ذات أهمي تسيء إلى الأجواء بينكما في حين تبدو بعض التنازلات مفيدة للتوصل إلى تفاهم

صحياً: عليك أن تولي صحتك الجسدية والعصبية اهتماماً خاصاً إذا أردت أن تبقى حياتك منسجمة وسعيدة
الحوت
برج الحوت
مهنياً: تتاح أمامك بداية عمل جديد إذا كنت باحثاً عنه، وتحمل الأيام المقبلة بعض الإ

رباك والمغالطات، وتعلق مسألة معينة سواء بسبب هفوة أو بسبب انفعال

عاطفياً: تشعر بالارتباك وتخاف على العلاقة، لكنّك عرضة اليوم لارتكاب بعض أعمال التهوّر وسوء تقدير الشريك والتقليل من احترامه

صحياً: استعد هدوءك واضبط أعصابك، لأن الأجواء لا تبشر بالخير، وقد تظهر أخطاء وشوائب واشاعات مغرضة بحقّك

#طبق_مجلة_حبيبتي
كبسة دجاج 🍗😍
دجاج مقطع
وز بصل. مفطع ناعم ثوم فلفل بارد
ملعقتين بهار الكبسة م ص كركم مكعب ماجي او البديل ملح
هيل ورق غار قرفة ماء ملعقتين سمن
الطريقة:)
في القدر اضع السمن والبصل والثوم
اخليها لين تتغير اضع الدجاج احرك البهارات والماجي والملح والفلفل اصب الماء واغطي القدر ٢٥دقيقة
ارفع الدجاج ارص في الصينية وع الفرن لي التحمير
اضع الرز في المرق اخليها تكمل الطبخة بعد ماتنشف ارخي النار
الكشنة؛)
بصل مقطع ناعم كًوب عدس الاصفر مسلوق ملح ملعقتين بهار مشكل وفلفل حار وزيت
في المقلي اضع الزيت والبصل اخليها لين تتغير بعدها العدس والبهار والفلفل
وقت التقديم اغرف الرز والكشنة والدجاج (;-

#توقعات_الأبراج
ابراج اليوم الاحد, 25 اب 2019 عاطفياَ ومهنياً وصحياً
الحمل
برج الحمل
مهنياً: تتراجع في أدائك العملي اليوم، وعليك أن تنظر إلى المشكلات البسيطة التي تحدث حتى تتعلم منها، وقد يساعدك ذلك على تحسين مكانتك ويمنحك الفرصة للترقية

عاطفياً: تعيش يوماً مليئًا بالسعادة ويبادلك الشريك الشعور نفسه، وتحافظ على استمرار هذا التبادل وتمضية أجواء من الرومانسية




صحياً: تتعرض لوعكة صحية نتيجة تغير المناخ، عليك استشارة الطبيب في علاجها، وتناول المشروبات الصحية والغذائية
الثور
برج الثور
مهنياً: يزيدك كوكب مارس بهاء فتؤدي مهامك وتُكلَّف بواحدة مميزة تدفعك إلى الامام وتتيح لك العديد من الفرص الجيدة

عاطفياً: حاول أن تستغل ذكاءك الشديد للنجاح فى علاقاتك العاطفية والحصول على رضا من تحبلتتمكن من إسعاده ومفاجآته لتحافظ على العلاقة المميزة

صحياً: تحدَّ نفسك للوصول إلى ما كنت تحلم به، واستمر في ممارسة الرياضة، فهى تساعدك فى الشعور بالاسترخاء والهدوء
الجوزاء
برج الجوزاء
مهنياً: لا تجعل أحداً من زملاء العمل يقودك، فأنت شخص مبدع لا تحتاج إلى اتباع قرارات أحد

عاطفياً: لا تتجاهل شعور حبيبك تجاهك، فلا تجعل توترات العمل تؤثر في شكل علاقتكما، وحاول أن تبدأ بالتعبيرعن حبك له حتى يبادلك الشعور نفسه




صحياً: تتحسن صحتك نتيجة اتباع تعلميات طبيبك، فحاول أن تستمر على نصائحه حتى تتخطى كل ما مر عليك من مشاكل صحية
السرطان
برج السرطان
مهنياً: التغيير المفاجئ في عملك قد يؤثر في معنوياتك ويشير الى بعض السلبية حولك، لكن ثمة ما يشير أيضاً الى جديد آت اليك

عاطفياً: تستعيد ذكريات الماضي والقصص القديمة وتصطدم بالشريك، فتلتبس عليك الأمور وتغوص في التفاصيل المزعجة

صحياً: إنتبه لصحتك وصحّة بعض المقرّبين، فقد تكونون عرضة لوضع صحي طارئ
الاسد
برج الاسد
مهنياً: أفكارك تدور في دوامة من الارتباك، وعلى الرغم من أنها أفكار إبداعية إلا أن ذلك لا يعني بالضرورة أن تكون واقعية

عاطفياً: تواجه صعوبة في الحفاظ على ثباتك واستقرارك العاطفي والوقوف على أرض صلبة، هذا هو التحدي الأكبر الخاص بك اليوم




صحياً: يجب أن تأخذ حذرك من السعال والبرد اليوم، فأنت عرضة للوقوع فريسة للمرض بشكل طفيف
العذراء
برج العذراء
مهنياً: تحاول وضع العديد من الخطط التي تجعلك أفضل بكثير من الأيام السابقة، بغية الحصول على ترقية أو منصب جديد يليق بإمكاناتك العلمية والمهنية

عاطفياً: انت قادر على مواجهة الخلافات مع الحبيب وفتح صفحة جديدة، حاول أن تستفيد من المشاكل التي مرت بكما من قبل حتى لا تتكرر مجدداً

صحياً: يجب الحفاظ على حالتك الصحية، فأنت تهملها كثيرا ما يكون له آثار سيئة في المستقبل
الميزان
برج الميزان
مهنياً: تحصل على الفرص غير المتوقعة في مجال عملك، مما يمنحك الكثير من الثقة والدعم من رؤسائك، ولكن كن حذرا عند توقيع الاتفاقات

عاطفياً: تتمتع بحياة عاطفية مميزة، تجعلك قادرا على التغلب على الضغوط بينك وبين الشريك، وإذا كنت خاليا تحصل على شريك الحياة المناسب

صحياً: عليك اتباع نظام غذائي صحي ومفيد، وتحتاج إلى قضاء وقت من الراحة والاستجمام، لتستطيع العودة إلى العمل بنشاط وجد
العقرب
برج العقرب
مهنياً: تثير الشؤون المهنية حماستك وتحمل إليك أحداثاً متوقعة وحركة كبيرة وتحديات لبسط سلطتك والسيطرة على الأوضاع، وتولد حوافز مهمة للعمل والنجاح

عاطفياً: تميل عند حدوث المشاكل إلى اتخاذ القرارات وسرعة تنفيذها، ما يضع الشريك في توتر واضطراب، عليك الهدوء واتخاذ القرارات بحكمة حتى لا تخسره




صحياً: تتمتع بحالة صحية جيدة نتيجة حبك للسفر والانطلاق وممارسة الرياضيات المختلفة، ما يجدد من طاقتك باستمرار


القوس
برج القوس
مهنياً: إبتعد عن المشاكسات وحاول أن تستريح، لا تتحدّ أحدًا ولا بعض السلطات، بل كُن مترويّاً جدّاً مهما يطرأ من ظروف

عاطفياً: تتعامل مع الشريك بلياقة ولطف وتحاوره بجدية وتخوض معه في عمق التفاصيل لكي تكتشف مدى قدرته على التحمل

صحياً: إجعل الأسماك والجوز جزءاً من نظامك الغذائي لأنها تحتوي على عناصر غذائية تساعد في المحافظة على عمل الدماغ الصحّي والشاب
الجدي
برج الجدي
مهنياً: الاستخفاف بالمهام الموكلة إليك يكون مكلفاً جداً، فبادر الى تدارك الأوضاع قبل فوات الأوان

عاطفيا: حاول أن تجد السبب الحقيقي لنفور الشريك منك، وهذا يسهّل الأمور بينكما إذا تمكنت من التوصل إلى ذلك

صحياً: تجنب العصبية الزائدة قدر المستطاع، وما تصاب به من ضرر يكون سلبياً جداً
الدلو
برج الدلو
مهنياً: أمامك اليوم فرص مهنية مميزة، وتنكبّ على دراسة ميزانية أو تتلقى مبلغًا من المال أو تبدأ عملية تصحيح وترميم

عاطفياً: يوم مناسب لشؤون الحب، وتزداد الإثارة بينك وبين الشريك، فتتصرف معه بكثير من العفوية

صحياً: كل ما أنت بحاجة إليه هو الهروب أو تمضية عطلة الأسبوع في مكان بعيد عن التوتر والتشنج جراء الأعمال والواجبا

ت اليومية


الحوت
برج الحوت
مهنياً: يدخل أورانوس إلى برج الثور ليوفر لك طاقة جديدة ويجعل منك أكثر جرأة من السابق وأقل خجلاً

عاطفياً: تنفرج السماء لتظهر الحلول والتسويات، ولتبدأ حياتك العاطفية الروتينية بالعودة الى مسارها الطبيعي، فلا تقف ساكنًا، بل بادر إلى تحسين أدائك

صحياً: انتبه إلى حوادث السير فأنت تحب السرعة ولا تحسب حساباً لعواقبها، وعليك اتخاذ الأمور بهدوء أكثر والعمل على الرفيه عن نفسك

#طبق_مجلة_حبيبتي
بيتزا خفيفة _ بيتزا دايت

المقادير:

خبز توست
2 طماطم
فلفل بارد
بصلة صغيرة
جبنه قليلة دسم ويفضل (الشرائح)
كمية قليلة جدا من الزيتون
ملح + بهارات
ممكن اضافة "سجق"

طريقة التحضير:

أولاً نقوم بتقطيع البصل والطماطم والفلفل إلى قطع صغيرة.

يتم وضعهم علي النار بدون زيت حتي ينضجوا “يمكن إستخدام المقلاة التيفال”.

بعدها يتم وضعهم على الخبز التوست وكذلك نضع الزيتون والجبن.

يوضع الخبز في الفرن علي نار متوسطة ويترك لمده خمسة دقائق, ثم أستمتعي بالبيتزا الخاصة بك

صحة وعافية

#فقرة_شعر
ابقــه #يمـي
صرت اشوف الدنيا #بيك
الدنيــا ماتوكف ع #احــد
بس احس توكف #عليك ..🍃

#آنـه ذاك ألينشـدوني

وأگلـهم

زيـن حـتـى بـ سـآعـه السـوده
‏

جفيت ولا نظر عندي #سمعتاه
اليخون العشره جن خاين #سمعتاه
صديجي أبأذني يم شامت #سمعتاه
يذمني بلا بخت #ويبيع بيه

#فقرة_هل_تعلم
‏نفسياً :

الصمت متعب ..ولكنه يبقى أرقى وسيلة للرد على كثير من الكلام في بعض المواقف .

#فقرة_نكات
واحد كاتب بصفحته وجدت السعادة بعد الاربعين🤔
دخلت اشوف شكد عمره
طلعت الاربعين مال مرته 😁

سريع الاشتعال ابن الرافدين 😏

#قصة_عراقية
//

الحلقه_40 و الأخيرة

لجين-انت كلب وحقير ومستحيل اتنازل لواحد مثلك افتهمت وبنتي غصبا على راسك تنطينياها .

مالك-فرصه كدامج يومين واسمع جوابج.. اتركج تفكرين بس تأكدي لو كتلج ما راح تشوفيها يعني تحلمين توصليها .. ولا تنسي اني منو

-انت الخنيث العار الساقط الله يهدك يا كلب.. قفل الخط بوجهي.. رجعت راسلته.. مالك بنتي ما الها ذنب رجلياها..

قطع النت الحقير.. ما وصلت الرساله.. ابتعدت ورحت للحديقه.. خابرت جياد.. كتله كذا وكذا كال..

-اتركي بدو يهرب من القانون والحجه بنتو.. بنمسكو متخافي.. متل ما مسكنا ميشيل وبنخلي يعترف.. وبنتك بجيبا لعندك .. بدك متعبي حالك مش منيح كرمال صحتك..

-جياد خايفه على بنتي هواااايه شلوون

-متعتلي هم قلتلك بجيبا صدئيني..

-ان شاءالله.. انته وين..

-انا بمنطقه اسمها الكراده عم لف شوي ببغداد..

-اهاا زين تندل..

-تكسي بياخدني وبيدلني ع الاماكن .. مبضيع.. تسدئي بغداد.كتير بتشبهك..

-ليش

-رغم كل يلي عم تمر في والبا عم ينزف.. كتير حلوي وبتحس بطيبتها لما بتطلع فيا.. برغم كل الالم متفكر تنكسر بدها تقوم وتقوم لتعيش وتحمي حالا واولادا..

متلك تماما..

-ابتسمت.. هيج تشوفني.. ؟! اني احس ماكو احد بضعفي لان من داخلي مكسوره

-ابدا منك ضعيفه.. انتي مجروحه وبس ولما بيطيب جرحك رح تبرقي وتصيري احلى واقوى..

-كل مره تبعث الطمئنينه بقلبي لما احير او اتعب.. احسك طاقه ايجابيه.

-قلتلك من ئبل فيكي تسرئي من طاقتي اد ما بدك

-يسلمو..

-ولو تكرمي

-اروح

-لجين

-نعم..

-بكرا ع 8 بدياكي.. طيارتنا ع 12 الضهر .. ما بدنا نتأخر زحمة طريق وعجئا بمطار بغداد بدنا نحسب لهلشي

-اوك .. سديته منا.. ودخلت جوا.. لكيت الناس دتروح وجبه وجبه.. سلمو عليه وطلعو..

بالتسعه بقينا بس احنا العمام.. عمي عثمان كال تمشون.. عمو عمران كال ازعل والله .. ماكو روحه هنا تبقون..

سئلتني ماما اذا عندي اشكال.. كتلها اصلا نعسانه ما بيه اروح اريد انام.. فكالتلهم منروح.. عدلت رجلها ونمت عليها وهي تلعب بشعري..

غفيت.. كعدت على زمن وهي تندهني. اكوم انام بفراشي.. كتلها لا اكوم اغسل وجهي واسناني..

دزلي مازن على فرشة اسنان.. غسلت ولميت شعري ورحت نمت.. لل6 الصبح كعدت على تنبيه موبايلي..

اريد اكوم الدنيا تجرش بااااااارده فد مره.. كمت كوه واديه جوه اجناحاتي.. واكول هششششش...

دخلت للحمام شغلت مي حار ودفيت الحمام وسبحت وبدلت ملابسي.. طلعت الرجفه لزمت عظامي..

سمعت طكطكه بالمطبخ.. رحت هناك والخاولي على راسي.. لكيت زمن دتشغل صوبه يسموها فوجيكا حمره..

كرفصت يم الصوبه.. وكتلها صباح الخير..

زمن:- صباح النور شعندج سابحه من الصبح بارده..

-وراي سفر وصار 3 ايام مسابحه.. بس شنوو جرشت يماااي اطرافي كلها ترجف.. شنو البرد هنا يكتل

-ليش لبنان مو ابرد منا..

-اي ابرد بس تدفئه مركزيه ومتطفى الكهرباء دوم حرارة الشقه معتدله لا حار ولا بارد امشي مصيفه..
هنا جرشت..

بس شعندج كاعده انتي الساعه ال6 ونص..

زمن-دوام مخلد ب7 ونص نزلت اشغله الصوبه حتى يدفه المطبخ واسويله ريوك ..

-هااا .. ع فكره تعارفنا صار بمصاب بابا.. بس سعيده جدا بمعرفتج..

-هلا بيج حبيبتي اني اعرفج من التلفزيون نتابعج..

-ابتسمتلها.. طبعا صدقا قهرتيني البارحه من شكيتي .. بس اسمعيها مني وخليها ابالج.

لتتوقعين اكو زواج بيه راحه لابد اكو طرف بيه غلط.. ماكو انسان معصوم.. مخلد طيب وخوش ولد بس عيبه عصبيته..

حاولي تكسبي اذا مو لخاطره لخاطر اطفاله .. هو يضرب ويأذي بس يعتذر ومدام عندج اطفال متكدرين تكونين انانيه وتفرطين بيهم..

ربما الطلاق يشتتهم او لو تزوجتي مره ثانيه يجي الاتعس منه.. صح متقبلته اني لان ما يربطني بيه لا طفل ولا مشاعر فما شفت نفسي مجبره على العيش وياه..

وشغله لخ.. لا تشكين همج كدام بشر.. تره العالم مترحم.. وناسنه تنطي الف عذر للرجال واطلع الف عيب بالمره حتى لو كان ما بيها صوج..

اشكي همج لربنا يستجيب.. الناس ما منها فايده.. وكلامج لابد فد يوم يستخدم ضدج.. او يتشمت بيج

ادعي الله يعقله ويهدي.. وربج شفت ايام.. لو احجيلج تكولين الف الحمدلله والشكر على العايشته..

وما الي اي احد مره وبغربه وبس الله وياي.. صح ضعفت مرات وتعبت واحيانا احاول الاستسلام.. لكن ما نسيت ادعي.. لو ردت انفجر.. انفجر وياه ابقى اعاتبه واحجي والوم.. وادعي وابجي

بس والله طلعني بشكل عجيب شلون ما اعرف.. لو احجيلج تصفنين.. بس الله قدير .. بلحظه يبليج وبدعاء يرحم وينقذ..

-ان شاءالله حبيبتي مشكوره.. والله ما عندي شي وياه واحبه واتمنى الله يهدي بس بعد هذا طبعه.. يتعب بس اكول يهون لخاطر جهالي..

-الله يسعدكم حبيبتي.. كومي انطيني مشط.. خل امشط كدام الصوبه.

-راحت جابتلي مشط.. طبت طيبه صبحت وكعدت كرفصت يم الصوبه.. زمن صعدت تكعد مخلد...

وكفت امشط.. طيبه سألتني ولج انتي مو مخلفه شو