اغار اعليك من الهوة لو فات ..
واحبك مو مثل باقي اليحبون ..
ماتلكة اليعزك مثلي هيهات ..
وانة الشوفتك ضميت العيون ..
افرح من اشوفك يوم مرتاح ..
واحزن لو اشوفك يوم مهموم ..
واذا صب الدمع من عينك وطاح ..
اطيح انه عله وجهي وبعد ما اكوم .

نص روحي #اخذها
وياك لا والله #كلها
من #فدوه لك
هالروح هيه #واهلها ......💔

#فقرة_هل_تعلم
- هل تعلم أن كميه الحديد في دم الإنسان يساوي حجم مسمار


-الفيسبوك و اليوتيوب و تويتر مواقع محجوبه في الصين

- هل تعلم عدد الدجاج في العالم أكثر من البشر

#فقرة_نكات
اكو وحده جانت تمشي وره جنازة زوجها وتضحك😳
سألوها ليش تضحكين⁉️
كلتلهم اول مره ادري بي وين رايح😅😂
😁😁😁😁 😁😁😁😁✋

#قصة_عراقية
//

الحلقه_30

قفلة الخط بوجه مالك.. وباوعت للبنات..

الاء:- اتركي خلي يحس بيج وبعدين اشرطي عليه..

لجين:- اخاف يأذي اهلج..

الاء:- اذا حاول يأذيهم.. ابوي يدخل ويگله عندي.. يله خل انام..

رحت يمهم نمت وياهم على الفراش وافكر بمالك.. ادور غلقت الجهاز بوجهه شراح يسوي..

بقيت اباوع الفلم ومتمدده وبالي بغير مكان لحد ما غفيت بصعوبه لان المكان غريب.. ما اعرف يمكن تعودت على مالك..

كعدت الصبح البنات ماكو.. نزلت كاعدين كلهم بالمطبخ فارشين وخالين صينية الريوك.. وملتمين

-صباح الخير

-ردو كلهم صباح النور..

فاطمه: تعاي تريكي يمه

-بس اغسل

-اي الاء كومي ماما وياها دليها الحمام..

-لا خليها كاعده تاكل خطيه بس كوليلي بأي اتجأه..

-نهاية الممر على ايدج اليسرى..

-اهااا.. رحت للحمام.. غسلت ورجعت يمهم.. كعدت .. كام عمو قيس كال اني اروح محتاجين شي..

ردو عليه لا بالسلامه..

-يلا اودعناكم

-انطتني رسل صمونه حاره والاء صبتلي جاي..

فاطمه: يمه لا تتقيدين احسبي بيتج واحنه اهلج اخذي راحتج. واني حجيت وي عمج وفهمته عليج

-ما اعرف شلون اشكرج خاله

-لا عاد شسوينه انتي هم بنيتي صدك مالك ما يشوفني ولا يطيقني.. بس اني الله شاهد احبه ما عندي شي وياه واتمناله الهدايه.

-انتي مرت ابوه موو

-اي

-زين امه اخوته وين..

-ماتو من زمان..

-شلون ماتو

-ما حاجيلج هو ؟

-كل ما احجي وياه الموضوع يتضايق حيل ويكوم.. فخفت اذكره بشي جارحه.. لهيج سكتت عنه

-شوفي بنتي مالك جان ورده وولد دره مال الله. خلوق وطيب بس وفاة امه واخوه هي الاثرت عليه.

-شلون

-اخته اميره الجبيره ما عنده غيرها لا اخ ولا اخت .. وهي شلون اميره.. صدك اميره من الحسن والجمال الشايلته

العيون نرجسيات .. والناااعم ولونه بني فاتح وتسوي نگرو وبيضه وتارسه شويه.. جان موديل البنيه حلاته بجسم مليان.

الضعيفه هسه اجه موديلها جنه نسميها المعصعصه. بس اميره مليانه.. والثوب كله جوه الركبه مال رجلها وعظلة رجلها بيضه تجنن

-انتي تقربيلهم

-اي اني اصير بنت عم ابو اميره... تزوجنه بعد وفاة المرحومه ام اميره.. وصار عندي بس هلاثنين بنات الاء و رسل

-الله يحفظلجياهم يارب...اي كملي على اميره..

-اميره جانت مذيعه بتلفزيون وحلوه والخواطيب طوابير لحد ما خطبت لواحد اسمه غسان...

جان مالك روحه من الدنيا اميره. مو بس اخت هي.. يعتبره اخت وصديقه وام كل اسراره يمها.

لحد ما اجه ذاك اليوم اللي دعوها على حفله من حفلات ابن الريس.. گبل..

راحت هي وصديقاتها وواصدقاءها للحفل.. بس هناك واحد من اللي يشتغلون بالحكومه طالبها. هي رافضته لان جانت مخطوبه..

من رافضته باقي مهددها لو تجي وياه لو يشمرلها تهمه عميله او اي شي يسجنوها ويقتلوها

ما قابله تروح وياه.. فداز جماعه معتقليها.. على ابو عليها تهمه .. من رايحه هناك ماخذها.. وبعدها تاركها بس معذبيها هواي ومهدديها اذا تحجي تنقتل..

-زين وعمو شنو جان يشتغل هو مو بالدوله..

-لا ما جان بالدوله وره السقوط انظم لحزب وصعد وياهم..

-اي كملي

-بس هم جانو يدورون عليها بس ما يعرفون وين معتقليها..

خطيبها فاسخ الخطبه بمجرد ما عارف بأمر اعتقالها خاف يتورط من وراها..

من رجعت وحجت لاهلها على اللي سووه بيها والتعذيب اللي بجسمها.. ما يكدرون يشتكون.. لان اللي طلبها بالحكومه تنكتل .. ف

قررو بيومها يطلبون اذن مقابله وي الريس حتى يشتكون يمه لان محد يحل مشكلتها ولا احد يكدر يوكف بوجه الحكومه غير الريس

.. جان الريس يحدد يوم يلتقي وي الشعب يشوف متطلباتهم.. واذا امر بشي.. لو شخص محكوم عليه بالاعدام يطلع فورا عسى لو الحبل على ركبته يتنفذ الامر فورا..

هذا الحجي مالك ميعرف بي.. جان اقسام داخليه بالكليه.. من راجع وحاجيله .. صاير نار وخابص الدنيا ومكعدها.. ومن عصبيته كاتل اميره ورايد يذبحها..

بس بعدين تدخل من امه وابوه .. عايفها لما كايله ابوه لازم ناخذ حقها ونشتكي دمرو حياتها .. بذاك اليوم مالك طالع من البيت غضبان وما راجع

بيومها.. الكلاب صاير عدهم علم ان اميره واهلها قدمو طلب للريس بالمقابله.. واذا وصلت للريس ما يرحم..

طابين عليهم بليل كاتلين اميره وامها وابوها ..

ناقليهم الجيران بالاسعاف بس ابوه ناجي من الاطلاق واميره وامها متوفيات.... خابرو على الاقسام وطلبو مالك .....مالك وكالوله اهلك هيج وهيج .

جاي ركض متخبل..امه واخته بنفس اليوم.. مشكك اهدومه ويبجي عليهم لحد ما واعي على نفسه النار كايمه تشب منه يريد يروح يتكاتل ويه اللي كتلهم..

-يعرفونه اللي اعتقلها او القتلها

-اي يعرفونه .. بس ما يتحاجه لان جان اله منصب بالحكومه..

-اهاا خطيه

-اي ماخذ سلاح ورايد يهد على الرجال ذاك الكتل اخته.. بس عمامه مدخلين ولازمي وحابسي..

باقي مثل المخبل يدك وينوح ويكلهم اخذ شرفي وكتل امي وتردون اسكت... عمامه متكاومين عليه ما خاليه يروح يتعارك وي

اهم..

شيتعارك هم ذول يتقارشون غير يدفنوهم ببيوتهم... بهذيج الفتره ترك دراسته وصار مثل المخبل..

لان اخر ذكرى جانت اله وي اخته وهو يضربها.. وهو يعتبرها صديقته و كلشي بالدنيا.. متخبل من وراهم لدرجة رايدين يدخلونه مصح

من بعد ما منعوه يروح يعتدي عليهم.. ولا قابلين يرفعون دعوه من الخوف اخوة ابو اميره ما قابلين..

كالو هنه ماتن والكاتلهن يم الله يتحاسب وهسه اذا نرفع دعوه ننكتل كل احنه فسكتو ..

ومالك غصبه ابوه و طلعه للاردن يعيش هناك.. بس عاش فترة اكتئاب وحاله نفسيه فضيعه..

لحد ما سقطت الدوله ودخلو الامريكان.. وره شهر واحد هو اجه متحزم يريد ينتقم.. جان مصادق واحد اسمه ايهاب.. هم عراقي

-اعرف صديقه الخسيس

-هو هذا ساس البلا.. اي.. من راجعين وتاه البلد وسقط القانون.. راجع مالك وايهاب مدورين على الرجال اللي اعتدى على اميره..

ولاكينه.. شمسوين.. مصوبه الرجال برجله و مغتصب مرته وبنته هو وايهاب گبال عينه ... وطالعين...

منها وبدا بالطريق الاعوج.. صار شغله بالسياسه وتصفيات حزبيه.. بقى وياهم..

جان حرب هو وابوه لان ابوه بعد السقوط هم انظم لحزب وارتفع وياهم ومالك تشويه السمعته قاتل...

حاول ينصحه شكد ابني توب اترك هلسوالف.. مالك ما رد.. اخذته العز بهذا الشغل فلوس وعز وشحده اليوكفلك..

اتبرى من ابوه.. كام عمج كلما يروحله مالك يطرده.. يريد يهدي مالك ما يرد.. وبقى يشتغل وياهم..

-زين والحاده.. شوكت الحد

-الحاده من جان بالاردن وي ايهاب.. باقين يدرسون هذا الفكر.. لحد ما خرج عن الدين

بس ما صارلنه هواي من عرفنا اقل السنه يلا اعترف بالحاده.. بس رغم هاي عمج ما عايفه يراقبه ويدعيله دووم الله يهدي تعرفين بس هذا الولد..

واني حاولت اجيبله الولد ما صار بقى بس مالك.. فبقى يراقب مالك وكل تحركاته وبين فتره وفتره يروح يحجي وياه عسى ولعل يتوب

-شيتوبه مالك بنص مستنقع الاجرام.. صعب يهتدي..

-لا متأملين خير.. احنه من حبج كلنه يا الله وعرفنه راح يتعلق بيج.. لا انتي واخته بيكم صفات مشتركه..

-يعني شلون

-الحنان الفقده من امه واخته ودفء العائله جاي يدوره بيج. من يشوفج يتذكر بيج اخته ... وهم مذيعه مثلها..

حتى انتي وياها بيكم شبه بنبرة الصوت..

-من هاي حب صوتي بالاذاعه ودور عليه خاف علمود لان اشبه صوت اخته

-اي هو مبين لكى بيج العائله الفقدها بين ليله ويوم.. ف ما يقبل يتركج..

- كسر خاطري خطيه ههههههه..

-انتي هم تحبي

-جنت اعشقه.. وخسرت اهلي كلهم على موده ولليوم اكذب لو كلت اكرهه.. بس واقعه غير اللي جنت احلم بي.. رجل مخيف وطباعه صعبه اضافه الى الحاده.

-شوفي موبايلج خاف مخابرج.

-خل اصعد اشوفه صدك... ركضت للغرفه باوعت موبايلي مخابر 36 مره.... خابرته.. بساع رد..

-الووووو وييييينج وين انتي احجييييي

-حبيبي صعب ارجعلك بعد والله انساني

-اذبحج وما اتركج هسه ترجعين..

-مالك ارجع بشرط..

-تتشرطين عليه لجيييين

-مالك تترك شغلك وترجع للاسلام وتترك الحادك..

-انتي شعليج بفكري وعقليتي.. لجين اني راح اجن انتي ويييييين

-ما ارجعلك والله اذا ما تكولي موافق

-كتلج صعب اترك الشغل لجين

-والاسلام..

-لجين اني مريض لتركيني

-حبيبي مو مريض وانما البيت مالتك مسكون.. والجثه اللي جوه البانيو هي اللي مأذيتك..

-انتي شمدريج

-سمعت كل حجيك ويه ايهاب..

-لجين معليج بكل هذا ارجعيلي

-مالك انت ارجعلي منهم.. اني حامل ابأبنك... حرام عليك خلي نعيش مع بعض بسعاده واترك هذا الشغل..

-انتي وينج

-ما ادليك الا تكول الشهاده.

-اوك ماشي بسيطه ...قفل الخط بوجهي.. مدام ما اشهد.. ما اريده. خابرت ماما كالتلي اجه هنا مثل المخبل حلفتله ما اعرف وينها ولا حاجيتلي بعد ما ايس طلع من عدنا يهدد

سديت الخط من ماما ونزلت ويه اهله.. ناس محبوبين.. بساع تعايشت وياهم..

بقيت لليل جوه وياهم... رسل انطتني غرفتها القديمه نضفناها سوه وكعدت بيها.. ونمت ارتاح شويه..

حسيت الباب انفتحت... فزيت.. مالك كبالي.. كمزت على حيلي.. ما حجيت ولا كلمه من الخوف

-عبالج تنهزمين مني

-مالك ابتعد.. اني ما اريدك.. افتهم حرام عليك.. تقرب اليه ولزممني حيل من زنودي..

-اشهد ان لا اله الا الله واشهد ان محمد رسول الله... احبج لجين لا اتركيني

-بقيت متصنمه الدا اسمعه حقيقه.. لو حلم.. حظني واني مثل الصنم.. لحظه ارجع عيد دا استوعب

-ههههه لج احبج ومستعد اتخلى عن الدنيا كلها مو بس الالحاد على مودج.. انتي امي انتي اهلي ما اكدر ابتعد عنج..

-رفعت اديه لراسه وحظنته حيل...ورجعت.. وشغلك..

-جنت احجي اني والوالد بهذا الموضوع.. راح انسحب منهم تدريجيا.. ونروح اني وياج وابنا لغير مكان يوسعنا.

-هههههههه احبك ... حظنته.... غمرت راسي بصدره حيييل.. فعلا حسيته يحبني واني مو بس احبه اموت عليه..

-لجين اني انجن اذا تبتعدين عني...

-لا مراح ابتعد وعد ههههههههه .. حبيبي

-ر

فع حنجي.. مشتاقلج

-ابتسمت.. تقرب باسني... وشالني بأثنين اديه.... هههههه مالك راح اوووكع..

رجعني للسرير... اموت عليج ... ههههههههه........

غافي هو.. واني على ايده...مديت ايدي العب بحواجبه.. فتح تك عين بنعاس..

مالك

-هممم

-الرجال الجوه البانيو لخاطري طلعه ادفنه

-لتشغلين بالج بهيج امور.. اتركيها..

-زين ليش قتلته..

-لجين تكدرين تنزلين تسويلي عشا.. جوعان.. مماكل صار يومين من وراج..

-اي ادلل.. بس اوكف لحظه شعرفك اني هنا عند اهلك

-سمعت صوت الاء تصيح رسل وانتي تحجين وياي فعرفت انتي وين.. ف رحت لوالدي بقى يحجي وياي وعلى متطلباتج..

كتله اني موافق اسوي اللي تريده لجين واريد اخذه ونطلع بره..

-تصالحت انت وياه لو لا

-لا بس حجيت وياه عليج.. كال اصعد هي فوك بغرفة رسل.. دلتني رسل ع الغرفه واجيتج

-مالك ما ارجع للشقه

-على ما اترك شغلي ونسافر لجين ما اكدر

-ابوك ما يقبل نبقى هنا

-اني ما اريد اكابلهم

-تره يحبوك والله..

-اخذ نفس.. كومي سوي عشا..

-مالك فدوه الشقه ما ارجعلها والله اخاف..روح الضابط بالشقه والله..

-يا روح انتي متسكتين..

-والله مجنت اؤمن بهلاشياء مثلك.. بس شفتها بعيني حقيقه وبعدين تعال انت شلون دافنه جوه البانيو..

-ما رد..

-واني اكول البانيو ليش عالي تنفرج رجلي لما اعبره.. طلع ضاملك بشر بي

-راح تسوين عشا لو شلون كلت جوعان

-تركته ورحت للبنات اخذت رسل. نزلت ويايه للمطبخ سويتله اكل.. دا اسوي اكل.. شفت ليمون.. ذبت عليه..

كشرت وكعدت اكل.. ما تحملت حموضته.. لان اصلا معدتي بيها حموضه من الحمل.. بس اشتهيت دولمه حلوه واعصر عليها ليمون..

باوعت لرسل يمي واني اسوي اكل.. لج رسوله شكد مشتهيه دولمه حلوه واعصر عليها ليمون..

-دولمه حلوه اشلون

-مضايكتها بس تخيلتها..

-ليكون دتتنسين

-شعرفني خلصت 3 اشهور ناسيه كلشي اسمه نساوه.. بس هسه مدري اشلون اشتهيت..

-هههههه اني اكول لماما باجر تسويلج

-لا عيب خطيه ما اريد..

-لا شكو يمعوده اصلا حامل تحصل اجر اذا سوتلج التشتهيي ..

-مشكوره.. كملت الاكل وصعدت.. وخليت الاكل لمالك.. ما اشتهيت اكل وياه بكد ما اشتهيت الدولمه..

-شو صافنه

-مشتهيه دولمه..

-ههههههه.. تنسيتي

-ما اعرف ضاله ابالي..

-كومي..

-وين

-بدلي ومعليج

-كمت بسرعه ركضت سبحت و لبست واجيته ... نزل كبالي مشيت وراه ... مالك لازم نكول لاهلك احنه طالعين

-امشي معليج..

-ركبت السياره وياه.. الساعه 11.. طلع للمنصور .. دخلني مطعم.. حتى ما كان اكو ناس هوايه

جانت الكراسي مثل التخم.. للحايط.. وصاير بزاويه و تهويات من فوك ينزل هوا بارد.. كعد مالك يمي.. ولف ايده على متني..

اجه النادل.. كاله اريد دولمه حلوه وليمون.

-كاله عدنا بس دولمه حامضه

-باوعلي.. كتله ماشي بس كون ليمون وياه... راح النادل.. مد ايده على بطني.. شو مدتبين ..

-بعدها صغيره...

-شوكت تكبر..

-هو منا وهيج

-ليش هيج تبتعدين عني مو تعرفين ما اعيش بدونج..

-هههههه.. بعد ما ابتعد.. بقينه نسولف.. جابو ماعون واحد دولمه .. درت وجهي لمالك.. وانت متاكل

-مو اكلت بالبيت.. اكلي انتي..

-عصرت ليمون ع الدولمه وكمت اكل حامضه حييييل.. اكل واكول هممممم... الله وهو يضحك..

-بالله اشو شهيتيني... مد اخذ وحده واكلها... يلعن غيرتج تموت حامضه..

-ههههههه كملت الماعون كله.. وطلبلي عصير بطيخ.. حتى تعادل الحموضه بمعدتي.. شبعت وكمنا

-رجعنا كبل.. بدلنا ونمنا على سرير نفر.. وهو يبعد بخصلات شعري ويشتم بوجهي.. لحد ما دخلت بنومه ما كعدت منها غير الصبح

مالك مموجود.. كمت على حيلي.. نزلت جوه.. خاله فاطمه والبنات ديسوون دولمه.. وحجت رسل مو اشتهيتي الدولمه

.. ضحكت لج لا رحت اكلت البارحه..

-وين بالحلم ..

-لا مالك اخذني لمطعم بليل.. بس حامظه مو حلوه..

فاطمه:- هاي اني سويتها حلوه ادللي

-ابتسمتلها مشكوره.. وكعدت اساعدهم باللف..

مضت 5 شهور.. واني ابيت اهل مالك.. ما قبلت نرجع للشقه.. اضطر يبيعها ويحول فلوسها للبنك.. لحد ما اجيب ونسافر .. القناة تركتها بسبب الحمل

بالشهر ال8 من الحمل.. اهلي قررو يسافرون ماما وبابا طلبو لجوء للسويد وبيت عمو هناك سحبوهم..

فخابرتني ماما اذا اسافر وياهم اني ومالك يسحبونه هم.. مالك رفض.. فرحت اودعهم.. هلكد بجيت عليهم

كل هاي وبابا ما سلم عليه لليوم غضبان عليه .. حظنت ماما ابجي بقت توصيني على نفسي ولا الطفل اللي ابطني وكالت اتواصل وياج على السكايب .. ودعوني وراحو..

بس انتهيت من راحو .. حسيت روحي بقيت وحيده هتا محد الي.. صح بابا متبري بس اسمهم اهل الي ابغداد..دخلت بحاله نفسيه بعدهم

لا طلعت ولا مشيت بس بغرفتي واتذكرهم وابجي.. مالك يحاول يغطي على غيابهم يريد يطلعني ما اقبل.

بس الم الحمل تعبني.. بس كاعده وابجي . اجه مالك نام
على السرير وحظن بطني وخله راسه عليه

ا.

تحرك الطفل حيل.. وحركته واضحه .. بطني تتعقج من تتحرك..

-باعي باعي باعي شلون حست بأبوها وتحركت بويه فدوه اروح لرجلها.. يبوس ابطني حيل وهي تضرب المكان اللي يبوس بيه

وباقين هو يبوس وهي تضرب واني واكعه بينهم بس الالام محصله.. شراح تسميها مالك

-بيلا

-امممم شنو وين كاعدين.. سميها خديجه.

-لااا مو خديجه.. اني اريد اسميها بيلسان نوع من انواع الزهور.. و دلعها بيلا.

-ههههههه

-حلو موو

-اي حلو..

اول ايام دخولي لشهر التاسع.. صارت عندي بليل الام الولاده..مالك ما كان موجود..كال عندي شغل ومسافر جان بوقتها..

كعدت اصبر ع الالم لحد ما يصير الوجع كل 5 دقايق حتى اعرف هذا الم الطلوگ

بداية الليل كل ربع ساعه يجي الوجع.. بعدين كل 10 دقايق.. نزلت شربت جاي دارسين وهيل والالم ذابحني كوه اوكف..

اخابر على مالك ميرد حتى لو مسافر بس احسه بس هو اليه هنا احتاجه وياي بالولاده..

لحد ما وصلت كلش... كمت اصرخ اااااااخ الحكوووولي.. نزل عمي وعمتي بسرعه. والبنات..

اخذني عمو قيس بالسياره بسرعه للمستشفى.. وعمتي تگودني لصالة الولاده.. وصلت لغرفة الولاده اني الطفل عندي واصل..

الدكتوره تكولي اصعدي.. كتلها بس اصعد يوكع الطفل.. واتلوى من الالم.. وقابضه رجليه..

ساعدتني اصعد كوه.. اول ما نمت . طلع الطفل من عندي صرخت بكل صوتي وج مامااااااااااااا... تمنيتها وياي بهاي اللحظات بس ماكو بقيت ابجي عليها...

بس اني بصالة الولاده جنت..

جيبتني بسرعه.. وخلت الطفله على بطني.. اريد اباوعلها احس هلكت من الوجع مابيه اخذو الطفله ونضفوني وطلعوني.. للغرفه.

اجه عمو قيس يصيح الحمدلله على سلامتج... وعمتي فاطمه بيدها الطفله.. كالت شتسميها.. كتلها بيلسان..

اخذها عمو كبر بأذنها.. وردد اسمها على مسامعها.. وانطاها لعمه فاطمه..

فاطمه:- ترضعيها يمه خطيه جوعانه

-كعدتني كوه ارضع بيها.. لحد ما طلعنا من المستشفى لكيت البنات محظراتلي فراشي وفراش الطفل جوه بالصاله

جابولها حليب وممه.. وخطيه دارو الطفله ابد مكعدني او كللي كعدي رضعيها من اكعد اني اطلبها وارضعها

3 ايام على الولاده و مالك ما اجه.. مبايله مغلق... وللان ما خابرنه من رقم دولي حتى نحفظه..

بس ماما خابرتني وفتحوزويايه كاميرا شوفتهم الطفله ماما بقت تصلي على النبي..الطفله بس عيونها اليه ملونه الباقي كله لمالك ..

الحواجب العيون الحنك حتى دورة الراس كلها على ابوها.. امي تكول كد ما تصفنين بمالك طلعت نسخه منه. رحمه بس العيون اخذتهن منج. هههههه

3 ايام على ولادتي بليل دا ارضع بيلا .... رن موبايلي رساله..

شفتها رساله مصوره.... فتحت الرساله و اشوف ناديه ومالك نايم بسريرها... اني شفتها لو كمت الطم..

احترك دمي... اتصلت بسرعه.. مغلق ... بقيت الوب لا اندل مكانهم ولا اخابر وترد دزت الصوره وقفلت الموبايل وخلتني بالف يا ويل وابجي .........يتبع

☆☆☆☆☆☆☆☆
متابعه ممتعه..


الحلقه_31

كنت دا ارضع بيلا.. ف دك موبايلي.. باوعت صفح عليه.. رساله.. مديت ايدي واخذته.. رساله مصوره...

فتحتها.. واشوف الصوره الناديه.. وهي بحظن مالك وهو نايم.. تخبلت ضليت الطم.. شمرت الطفله من ايدي..

ووكفت على حيلي واتصل مغلق.. لا يا الله.. طلعت روحي بنت الكلب بس بعثتلي الرساله وقفلة الجعاز حتى تخليني بالويل والغيره.

اتصل بمالك ماكو.. بقيت افتر منا ومنا.. واتصل بالرقم ماكو.. البنيه بقت تبجي.. بس غير كون الي خلك الها..

احس النار تسعر بداخلي.. ميتوب والله ميتوب .. اخ يابه شتحمل منه وشكد اصبر عليه ما اعرف..

لو راضيه بابن عمي وقابل بالحبسه مالته ولا مالك واجرامه وخيانته على الاقل ذاك ما جرب يخون...

يا الله شسوي.. اريد ارضع الطفله.. خفت عليها ارضعها واني اعصابي تلفانه. سويتلها ممه... وكعدت ارضعها وابجي..

اباوع لوجه لملامحها كلشي بيها لابوها.. يعني شسوي ويصير ادمي.. تعبت منه والله يا ماما تعبت..

يا بنتي متعرفين شلون ايام وشكد ليالي عانيت بيها وي ابوج.. لا اكدر احجي يكولون هذا اختيار ولا اكدر اسكت كلبي تعب حيل من السكوت.. شسوي والله تعبت..

طبت عمه فاطمه..:- ها خير بنيتي شبيج

-مسحت دموعي.. لا هيج.

-كولي يوجعج شي..

-لا بس مالك

-شبي

-طلعت الرساله وشوفتها الصوره..

-يا ولج يمه.. هاي منو

-زوجته القديمه اسمها ناديه..

-سوده عليه والله متستاهلين ولا هم يستاهلون دموعج .. اسكتي ييمه اسكتي..

-عمه والله تعبت منه.. صبرتله هواي.. وهاي صفيت بالبلد وحدي محد الي غيره.. غير يرحمني غير يحس بيه شسوي واخلي يحس

اخذت الطفله من ايدي وكامت ترضعها وحجت..

-اسمعيني بنيتي.. الرجال اذا تبقين ادورين وراه وتنقعرين على اقل تصرف منه.. راح ينهد حياج انتي مو هو

هم ما عليهم غير ونستهم ويكلج اني شاب ومن حقي.. ف مدام همه هيج.. عيشي حياتج ولا تهتمين.. ركزي على بنيتج وعوفي..

-صعب خاله مو بيدي.. انجن..

-انجنيتي ش

ستفاديتي..؟ بس انتي تنظرين.. وهم ثعالبه بعد كل هلقهر والمرار من يجون يعتذرون و بضحكه بغمزه بكرصه ننخدع ونسكت ونضل نضحك.. وننسى

بس بعديش بعد ما شاب كلبج وحركتي دمج.. وهم ما عليهم شي من هاي البنيه تكبر گبل الرجال لان هم ضاربين الدنيا بعرض الحايط واحنه لكلشي نحسبله حساب

-عمه غير كون بالكيف والله مو بيدي..

-تعلمي.. تره هو صح عنده سوالف مكسره بس يحبج وشاريج.. وهلتشوفينه كلمة ابوه ما ياخذها ومن تحجين يگلج تأمرين وتدللين..

يعني هسه انتي لو ما شايفه الصوره تهتمين.. جان حسبتي مسافر ومتأخر ومن يجي تستقبلينه وتعيشون حياتكم..

بس هي هاي الفاسده من دزتلج الصوره.. غايتها تخلق مشكله بينج وبينها.. ولو بيها خير ما اخذها بالسر..

الرجال اذا استحى من مره وهي مو بعينه ويردها بس فراش خلاها بالسر.. وغمه التقبل الروحها رجال يهينها بالسر..وما يعترف بيها..

اما انتي غيير.. ام بيلسان اللي يباوع لحلكها لو نطقت يكللها لبيه.. اصبري على زوجج يمه تراه يحبج..

-بقيت ساكته شحجي.. بس بعدها النار بگلبي.. نامت بيلا بيد عمه ورجعتها للكركوت.. راحت اني صعدت جبت اللابتوب مالتي..

وراسلته ع البريد.. وكتله ع الصوره.. وكتله احسابك من تجي.. ودزيتله صورة بيلا..

ونزلت اللابتوب ويايه جوه.. ونمت وبقت بيه سوله كل شوي اباوع على اللاب بلكت شافها..

ما شافها لا الصبح ولا الضهر.. لليل.. يلا شاف الصوره.. دز لا لا صدك جبتي لجين.. كلتيلي بنهاية الشهر وانتي بجر تكملين شهرج..

لا لجين اوووف يابه شلون تخبل.. من الصبح جايج وعيونج..

بس هذا الدزه.. بقيت صافنه حتى ما رد او علق على خيانته.. وكأن ما شاف كلامي وغصبي بخصوص الصوره..

بس دزيتله. عساك لا جيت.. رد احبج حتى وانتي معصبه.. يابه دا اتخيل شكلج وانتي عصبيه العيون تنطي الوان والشعرورات يوكفن الوحدهن والخدود كلوبات حمر والحواجب سيوف هههههه...

-اخذت نفس.. شرد عليه.. صرت احسه تافه.. ميهتم لمشاعري.. عفته وبعد ما فتحت اللاب..

بقيت الليل كله سهر ويه بيلا.. حتى لو يجون البنات ياخذوها مني ما تغفى عيني وهي تبجي الا اخذها اخليها ع كلبي واسكتها..

وكأنها تعرفني بس تشتم ريحتي تسكت وتغفي.. ومن احطها تبجي .. بقيتها بحظني و راسي على التخم خليته ونمت..

لهناك رجعتها لفراشها ونمت.. ساعه وحسيتها تبجي بس اخذها عمو قيس وهو يكلها جدو حبيبتي ليش تبجين.

شاله وصاح على عمه فاطمه.. كاللها امها نايمه خطيه داريها.. اني هم غلست عليها لان متت من التعب..

لهناك وسمعت صوت مالك هو ويعيط فرحان ببنته... وياخذلها صور.. ويصيح بويه بنتي تعدل عشر نسوان..

بيلسان مالك. حتى الاسم هيبه على ابوها.. بودي اكوم اشوف فرحته بيها.. بس الزعل البداخلي ما خلاني.. مثل ميكولزن الهيبه الزعلانيه متسمح

بقيت بفراشي استمعله.. نص ساعه ترك بناته.. واجه للغرفه..

-ام بيلووو ... مرتي الحلوه ..

كشف البطانيه.. واني ايدي على راسي.. ومسويه روحي نايمه.. صاح لك بااااااااوع.. الكرش راح.. شوف الخصر يابه.. ويقيس بخصري..

ما رديت ولا انطيت جواب.. تمدد ويايه بالفراش.. ومد ايده هوه راسي..

-وخر مالك

-ادري زعلانه وحقج عليه من فوك لجوه كدامج شاردين احجي اعترف اني الغلطان.

-ما اريد احجي شي وخر مني.

-تعرفين زعلج يذبحني.. لج دباعي شجبتلج.. طقم ذهب يلوك للحلوه مالتي. دكومي شبيج

-روح انطيه للعجوزه.

-تخسي ما تلحك اضفرج. لج شبيج بس احجي وياج دباعي الطقم..

-ولا تحركت ولا ابد..

-لجين هاي شبيج.

-كمتله على حيلي .. شبيه .. بيه لوعه ااااهلكبرها.. وحدي هنا محد الي واطلك ولا ام ولا اب يمي ولا انته... ابجي بالولاده وحدي..

وحظرتك ملتهي ويه الساقطه محاظن.. واني هنا بالف يا ويل يلا جبت.. شفت الموت بعيوني وحظرتك ع الجاهز كلللللللوش صارت عنده بنيه..

ولا وتتسمه بسمك واني طززززز.. اسهر الليل كله واغفى واني كاعده وانته ماكو.. المن ماخذتك هااا المن. بس اسمك رجال

طلكني ما اريدك افتهممممممت طلكني.. راد يلزمني. مااااا اريد تلزمني انته فد واحد نكس ما اقبل تنكسني.

--لجين حقج ومعذوره باللي حجيتي بس لا تتجاوزين

-ايييي لجين لا تتجاوزين لجين لا تحجين لجين لا تسألين لازم اعيش وي حظرتك صما بكما عميا فهم لا يعقلون مووووو

دا احجي طبت عمتي فاطمه. سمو بالرحمان خيرج يمه.. كولي يا الله..

مالك:- ماكو غير بنت الكو...... الكلبتي مرتي عليه. ما جان السانها هيج عفتها فاره ثرتيها عليه ..

مو صوجج صوجي اني عايش وي زبايل مثلكم.. الا انتي خلقه اخلاق واخلي مرتي وياج وتعلميها على هلسان وتخليها تتجاوز عليه..

قيس:- مااااالك .. احترم لك فاطمه بمثابة امك..

مالك:- خو قندرتي احسن .. شنو هاي وتقارنها بأمي.. ولا انت مثلها وادافعلها

قيس:- الزم احدودك ولكككككك

مالك:- انت اللي الزم حدودك وياي ودير بالك تفرع صوتك بوجهي فاهم.. لو تضل اخر اب بالدنيا ما احترمك افتهمتتتتت..

قيس:-

اني وياه.. ورحنا للحفل.. كان عباره عن بيت كبير او فيلا.. وبيها ناس بكل مكان..

كل رجال وياه مره.. تقرب مالك لرجال اسمه ميشيل.. كاله اعرفك زوجتي..

-هلاء هيدي زوجتك ولا اميره من اميرات بريطانيا. واخذ ايدي.. راد يبوسها.. درتها وسلمت من ذوقك..

مرتاحيت للمكان.. اجه النادل شال ميشيل العصير وقدم اليه نبيذ ابيض.. كلتله ثانكيو ما اشرب..

-بس هاد كرمالي

-اسفه صدقني ما اشرب ابد.. ولذوقك راح اطلب عصير.. برتقاال لو سمحت..

-شو بتشتغلي

دا اريد احجي.. نطق مالك.

-مودل.. تشتغل مودل

-اهااا بتشتغلي مودل.. لكان هيك عن جد بيلبئلك ان تكوني افضل مودل لان جمالك وجازبيتك بيجننو

-من ذوقك.. مالك نكدر نكعد الحذاء اذتني..

-اه طبعا بنقعد.. تفضلي..

-مشيت وكعدت عرفني ميشيل وزوجته ماريانا وصديقه جون.. جابو العصير وقدمولياه.

-وقعدت اشرب بالعصير.. الجو ممل جدا .. واحس صارت عندي دوخه.. اريد انتبه الحديثهم.. وهم يحجون عن الصفقه وان مالك يطلب مهله.

بعدها ما حسيت شنو كامو يحجون حسيت ان الدنيا كامت تفر بيه.. لحد ما فقدت الوعي...

فتحت عيني.. الوجع البراسي ما اله مثيل.. اريد اركز واشوف.. ما اشوف ضوه خفيف..

كعدت واحك براسي اخ ياااابه موتني الصداع.. انتبهت لنفسي بوضع مو لائق.. جريت الغطا

هاي اني وين.. وكفت اريد اسيطر الدنيا تميل بيه.. ياااابه.. جريت ملابسي ولبست.. انتبهت واني البس الغرفه مو غرفتي

ميشيل:- صباح العسل يااا عسل..

-كمزت.. ورجعت وره.. منو انته وشدخلك هنا.. اطلع بره

-له له ليش هيك.. ما مبارح كنا ما احلانا انا وياكي ع التخت.. بتجنني ..

-شنو تخت.. انت شدتحجي اطلع بره ماااااااااالك..

-ههههههههههههههه بتنادي لمين.. ما هو جوزك يلي باعك لألي .. هلاء انتي ملكي..

-باعني شنو باعني.. لا مالك ميسويها لا مالك يحبني.

-ايوا بيحبك.. بس المصاري حبو الوحيد.. وهو خسر وانا كنت بطلبو ولما طلبتك منو .. مقابل المصاري وافئ فورا..

-ابتعد مني .. ابتعدوا يا وسخين.. بنتي لازم اروح. وخر.. دا ادفع دفعني للحايط ولزم ايدي حيل..

-بعرف مش سهل عليكي تستوعبي كل اللي عم بيصير بس خليني اشرحلك..

-انتي بالنسبه لألي ربح هدانياكي جوزك.. وئيمتك. عندي كبيره بجمالك باناقتك برشاقتك.. وحتى بأعضاءك..

-اعضائي شنو.. وخر مني. مخرف انت وخر

-انا تاجر اعضاء بشتغل بالمافيا بتعرفي جسمك هيدا شو بيساوي بسوق السوداء..

بيساوي الملاييييييين.. خليني اشرحلك.. مسلا ألبك هيدا بيساوي 100 الف دولار.. عيونك الحلوين 150 الف دولار.. كبدك 300 الف دولار..

انتي كلك بالسوق بتساوي 40 مليون دولار.. ربحان مهيك ههههههههههههههههههه

-اتركني اني اسدد دين مالك بس عوفني بحالي وخر مني

-متحلمي تفلي من هون.. مصيرك هلاء مرتبط فينا.. اعطيناكي مخدارات مبارح كرستال.. واخدنا عينه منك ولو حكيتي بتروحي فيها..

ولو جربتي بتشتكي علينا بنتك يا حرام بتروح ضحية امها...ههههههههههههههه

-بنتي شعليها واني شعليه حسابكم ويه مالك حرام عليكم اتركونيييييييييييي......... يتبع

☆☆☆☆☆☆☆

ما تحترم موووووو.. تعال اشو.. وضرب مالك بوكس.. على وجه..

مالك اضخم من ابوه بضعفين الزم ايده.. واركع بالكاع.. وابو كامله بسرعه وعمتي والبنات بيناتهم يفاككون.

اني اخذت بنتي كامت تبجي.. وكفت بالزاويا.. وابجي. .. كمل عرك وغلط وصياح وياهم...

واجه عليه يلا امشي..

-ما اروح وياك ما اريدك..

-لج تمشين لا تخلين اتصرف وياج غير اسلووووب امشي.. جرني من شعري وبدون ما ابدل.. للسياره شمرني اني وبنته..

وصاح على رسل والاء يجيبون غراضي وغراض الطفله.. اخذني ووداني لشقة ايهاب.. اني تخبلت. .

كتله ما اطب.

-مو بكيفج... طبي..

-كتلك ما افوت..

-لج كتلج فووووتي.. ايهاب واكف بالباب..

-ما افووووت والله.. يريد يجرني واني مجلبه بالباب.. اخر شي انضرب راس الطفله بطارف الباب كامت تصرخ.

حظنتها وابتعدت منهم ابجي وحاظنتها..

-لج لجين تعاي لا تحركين اعصابي..

-ما رديت كعدت ع الدرج وحاظنه بنتي وابجي بقوه.. اخذ نفس وتقرب كعد يمي

-شرايده فهميني

-اطلكني وتوديني لبيت عمي..

-المن يا بيت منهم ليكون اشتاقيتي للكوا..... مالتج الزوجج السابق.. خاف اشتاقيتي لحظنه مووو

-وديني لبيت عمو عثمان... اني اخليه يوديني لاهلي..

-كومي لا تخليني اقسي عليج

-بعد كل هذا وتكول لتخليني اقسى.. شتسوي بعد اكثر من اللي سويته.

-لج باباتي اسف .. مو قصدي بس تعبت.

-ما اريدك.. اتركني والله ما اريدك.

-مو بكيفج اني اريدج واريد بنتي..

-هذي بنتي الي انت متعبت بيها ولا حبلت ولا طلكت ولا سهرت.. هذي بنتي اني مو بنتك.

-هيانه تشبهني متشبهج وهذا دليل انها بنت هاهاهاهاي..

-بقيت بس امسح بدموعي واهز ايدي حتى تسكت بيلا.. تقرب باس راسي.. ردت ابتعد.. حظني.. لج شعندي غيرج.. انتي حبيبتي وبس صدكيني..

-وخر مني..

-اوك راح اوخر.. وامرج متردين شقة ايهاب.. يابه تﻻمرين.. تعاي اجرلكم شقه فندقيه بالكاظميه..

اخذني اني وبنتي.. وودانه لشقه فندقيه مؤثثه.. كعدت ع السرير بسرعه... ورضعت بنتي..

اجه تمدد يمي يبوس بعكس رجلي ويكلي اسف ما اعيدها وعد.. ما رديت عليه

-اروح فدوه لهلعيون الحلوه.. لج ثقي ما خنت بس هاي ناديه جانت مسافره ويانه وبذيج الليله داخله لغرفتي ومعرايه

وما امدحلج واكلج صرت قديس.. ما سيطرت ورحت وياها بس هذا للصار نزوه وعيونج نزوه.

-تقبل اخونك

-ما تسويها اعرف اخلاقج. ورده مثلج

-افترض.. تقبل..

-احبج وعيونج احبج

-درت وجهي منا.. كملت رضاعة بيلو .. ونومتها... جان مشتغل مكيف الشهر ال9.. غطيت بس الطفله.وتمددت يمها..

هستوني غفيت.. حست على مالك وهو يغطينا اثنينا بديباج .. وتمدد من جهة بيلا لحظه ينام زدقايق يبوس بخدها..

اخر شي قطعت نومتي وكرصته من ايده.. هستونييييي نومتها اتركهاااااااااااا..

-ههههه اوك اوك بس ايدي رايدها ايدي.. اكول لجين شرايج ابيروت..

-شبيها..

-نروح نعيش بيها مو حلوه..

-مو قت حجيك.. ناااام. تعبانه

-اهاا براحتج بعدين احجي وياج..

-عفته ونمت.. لهناك كعدت بيلو. رضعتها وحللتلها وتركتها تلعب وحدها .. وطفيت المكيف والمروحه وطلعت.

لكيت مالك بالمطبخ ديطبخ. بس بالفانيله الداخليه. والوشم مالته كله براز.. ويغني اجنبي ويخوط بالجدر..

مديت راسي. وخر الهيتوف من اذنه. ها حب سويتلج شوربة تمن وحليب. طبعا عذريني هسه اخذت الوصفه من النت.

وخبطتها بلكت تعجبج كلت خطبه ماليها حيل تكعد ويحتاجلها حليب حتى ترضع بتها..

-ما رديت عليه.. رحت للغرفه وتركته.. صابلي بماعون شوربه وتركها وطلع.. تأكدت منه راح.. اكلتها.. لان جنت حيل جوعانه والطفله تمص بكلبي

كملت دا اودي المواعين.. ضرب كدامي.. عفته ومشيت.

-لجين لجين مرديت اشرايج انعيش ابلبنان.

-اريد نعيش بالسويد..

-دوله اجنبيه ما اريد.. يا للاردن يا بيروت يا مصر اختاري وحده.

-عود ليش السويد ماكو..

-بكيفي..

-واني هم اكولك كيفي.. اخذ بنتي واروح اعيش هناك..

-تردين ترحين للسويد روحي بنتج ممنوع.. هاي الي خاصه بيه..

-هااااااه هذا حجي جديد.. روحي وبنتي الك..

-اعرفج متعوفيها ها ها ها

-مالك اريد بالسويد..

-اذن لبنان جيد.. راح استعد للسفر وننتقل هناك.. ماشي..

-كلت السويد

-واني كلت لبنان. وخلص الموضوع...

وفعلا قرر وقرر.. لبنان وجهز كل اوراق سفرنا البنان.. خلصت الاربعين مال الطفله. واخذنا كولشي يخصنا بالعراق فلوس ذهب ملابس..

وانتقالنا للبنان.. ابيروت منطقة الاشرفيه.. اخذنا شقه بيها ودخلنا.. اباوع الشقه كولش حلوه..

والعمارت هوايه من تباوع للشرفه والجو مالتها روعه.. وخاصه رحنالها نهاية شهر ال 10 الجو ولا اروع.

افتر بالشقه.. اكو غرفتين.. غرفه كال مالك لبيلا وغرفه النا.. نمنا اول يوم شلون مكان..

ثاني سوم جاب عمال وصبغ غرفة بيلا وردي وملاها صور بنات كارتون.. فله ولولو كاتي وطرزها بلمع ورسمات كولش حلوه..

وجابلها كنتور صغير طلاقتين.. وسرير مال اطفال عالي

.. وكرسي يم السرير وقنفه صغيره بالغرفه ..

والعب ترس غرفتها ترس.. حيوانات وكلوبات واشكال والوان.. وشكل جهاز التصنت يم راسها بالسرير..

وبقية الشقه اني رتبتها على ذوقي.. علاقتي ابمالك بردت..احس حبي اله انتقل البنته اشمئزت روحي منه بعد..

وهو ما قصر من اجه اللبنان يوميه سكر ونسوان.. شكد حجيت نصحت زعلت مفاد.. بالنهار يعتذر وبليل يچطل..

اخر شي كلت خيولي شنو اخلص حياتي اباوعله.. طز بي.. فهتمامي صار كله الي ولبنتي. اشتغلت بالقناة العراقيه..

واخذت فقره ابرنامج يومي.. اسمها فقرة موضه وجمال افتر بيها على كل شي يخص الموضه والجمال

من وره هذا الفقره.. صار عندي هوس اسمه الموضه. شكو شي ينزل جديد لازم اشتري وبسبب ملابس الموضه ..

اعتنيت بشكلي وبجسمي بشكل فضيع.. بحيث رياضه يوميا.. عنايه بالبشره بالاضافر بالشعر.. صار شعري شطوله.. وخليت وياه اكستيشن.. صار يجنن

اعتنيت بنفسي عنايه ابد ولا فد يوم اتخيل نفسي علكد يصير بيه هوس مال موديل..

لدرجة.. ما انضف البيت.. اطلب خدامه.. و بنتي جبتلها مربيا تساعدني عليها.. مو كله عليها بس وقت فترة شغلي هي تعتني بيها..

طبعا اعرف مالك ديخوني ويه الخدامه ومغلسه.. وصلت بيه الحاله صار كلبي حجر ابد ما يهتمله..

طلبوني وجه اعلانات.. كمت اسوي اعلانات شامبو.. او ملابس اتراكات جلسات تصوير

البس التراك ويصورزني ويحطون الصوره على غلاف الملابس اللي يخص الموديل..

طلبوني مودل اشتغل.. ما مانعت.. شتغلت مودل فتره.. وبعدين بطلت منهم. بقيت مع القناة..

مرت سنتين وبنتي كبرت ونفس العنايه البنفسي البنتي.. الصبغ اضافر ميوكع من ايدها يونيه انضفلها اضافيرها.. رجليها واديها

وشعرها انواع الزيوت الاعشاب المغذيه. ويوميه تسريحه شكل.. وهي غويه مثلي.. تنط بجي لو حطيت حمره ومحطيتلها.

العصريات يوميه اني وياها نفتر اسواق وشكو شي يعجبني الي الها .. اشتري.. اكسسوارات..

تخيلو طفله عمرها سنتين ونص.. تلبس ساعه.. ومتطلع الا مامي عتر .. يعني عطر..

طلبو بنتي ايضا مودل لملابس اطفال.. وكامو يلبسوها ويوكفوها بموقع التصوير..

اوكف كبالها يم الكاميرا واسوي الحركه وهي تسوي مثلي ههههههههه



مالك منجن بيها .. يموت على عصبيتها حتى لو منفتهم عليها شي من تحجي بس احنه نموت من الضحك..

ومتقبل نضحك كبالها.. نضل منزلين راسنه وهي ادردم.. وهو يكوم ياخذها بين اديه يطيرها لحد متبقى تضحك..

طبعا شحجيلكم عن مالك.. حجيت جانب حياتي الحلو.. اما جانب حياتي من مالك.. فكان للان جحيم..

خيانات وسكر واقمار وللصبح... كل الفلوس اللي ملكها من شغل الاجرام راحت للاقمار.. صد لو كالو مال الحرام للحرام..

اعوضني نقصي منه بالشغل اني وبنتي والغر والتسوق.. احاول التهي بهيج اشياء.. وانسى حياة مالك..

بس هيهات.. تعبني.. شغل ماكو بالنهار نايم وبليل سكران واقمار وسهر.. خلص افلوس.. كام يطلب من عندي.

يجر وميلحك.. ولو ما قبلت انطيه معناها اليوم مرايده روحي يخبص الدنيا ويسويها عليه ساعه سوده لحد ما انطيه..

يكوم يكعد يعيرني تركت شغلي بالعراق واجيت هنا على مودج.. ولازم انطي فلوس يلا يسكت

كل الفلوس اللي اخذتها من بغداد واجيت بيها لهنا خلصت.. الى ان اجه فد يوم.. ما سكران بالليل

طلعت من غرفة بيلا.. شفته كاعد ومدنك.. حس بيه رفع راسه..

-شبيك

-لجين تورطت

-شكو..

-عليه مليونين دولار اذا ما اوفيها.. لو انقتل لو انسجن

-وين وصلت نفسك.. يا ما حجيت يا ما نصحت..

-لجين تورطت دا اكلج لازم تساعدين..

-مالك شساعد هاي مليونين دولار تفتهم.. يعني لو اموت ما اجيب هيج مبلغ اتحمل نتيجة اخطاءك.

لجين اني اكدر ادبر الفلوس بس يحتاجلي وقت..

-منين ادبرهم؟ ترجع لشغلك ؟

-لا بس اكدر ادبرهم.. اريد مساعدتج بشغله وحده.

-وهي..

-نروح باجر اني وياج زوج وزوجه وعائلة اليطلبني هناك.. ونطلب منه ينطينه مهله. وانتي لبقه والسانج حلو.. وحاولي اخذ وقت..

-وين اروح مالك تحجي صدك.. ادخل بارات من كل عقلك.

-لج يا بار حفل منزلي وكلها عوائل.. ساعديني شبيج.. بس اسمج مرتي ..

-مالك شغلك اني ما ادخل بي..

-واني كايلج ادخلي بس لقاء عائلي ودي ينطونه مهله لحد ما اسدد..

-ما اعرف ..

-لخاطري لجين لخاطر بنتنا

-اوف مالك منك اوووف.. بس كون المكان مابي سكر وشرب وهيج اشياء ..

-لجين اغلبهم مسيح.. يعني يشربون عادي شعليج بيهم انتي لا تشربين..

-اوك نروح باجر ونشوف..

-حبيبتي.. اوووف شكد احبج

-كامن ما يمشن مالك.. انسى.. كمت من عنده لثاني يوم.. تركت بنتي يم المربيه.. واجيت دا ابدل لكيته جايبلي فستان وطقم كرستال..

الفستان لون ماروني مسود.. بس ضيق حيل وقماشه يلطش على الجسم يعني تفاصيل الجسم يطلعها بكل وضوح..

كتله ما اريد عندي كومه ملابس.. اصر الا هذا.. وصار عصبي وكام يصيح اني اجيت من وراج اني تورطت ساعة السوده الشفتج بيها وصياح وعياط بذاك الليل

لحد ما قبلت البس وطلعنا

#توقعات_الأبراج
ابراج اليوم الاثنين, 19 اب 2019 عاطفياَ ومهنياً وصحياً
الحمل
برج الحمل
مهنياً: مشهور عنك أنك من أصحاب الالتزام إلى أبعد الحدود حتى لا يوجه إليك أي لوم أو عتاب أو ينتابك الشعور بالتقصير

عاطفياً:أنت من الأشخاص الذين يمتلكون بصمة لدى الحبيب، وما لديك لا يمتلكه شخص آخر، فأنت عاطفي للغاية




صحياً: عليك الحفاظ على صحتك من الأمراض المعدية التي قد تصيبك بسبب نزلات البرد المنتشرة هذه الأيام
الثور
برج الثور
مهنياً: أمورك المهنية مستقرة بفضل وضعك خططاً محكمة وعدم اندفاعك في شراء كل شيء أمامك لذا عليك عدم الانسياق وراء أهوائك ومتطلباتك غير الضرورية

عاطفياً: إذا كنت لا تشعر بالسعادة والراحة مع حبيبك عليك التحدث معه ومناقشته، حتى تصلا إلى حل يرضيكما سواء أكان الانفصال أم الحصول على فرصة أخرى

صحياً: تخلصك من عاداتك السيئة يجدي نفعًا ويساعدك على التخلص من بعض وزنك الزائد الذى حصلت عليه بسبب تمسكك بعاداتك السيئة وعدم استماعك لنصائح من حولك
الجوزاء
برج الجوزاء
مهنياً: أنت معروف باجتهادك في العمل وسعيك للنجاح، ومن الممكن أن تقابل اليوم شخصا يعرض عليك فرصة كبيرة تؤمن لك النجاح في المستقبل

عاطفياً: تحاول ألا تظهر حبك للشريك، لكن اهتمامك وتصرفاتك يظهران عكس ذلك، ويلاحظ الجميع هذا الأمر




صحياً: تحب أن تتحكم في كل شيء حولك حتى صحتك، فتتخذ دائماً الإجراءات اللازمة لتتجنب الإصابة بوعكة صحية وتلتزم مواعيد زيارة الطبيب بصورة مستمرّة
السرطان
برج السرطان
مهنياً: يوم رائع بامتياز يتحدث عن فرص سفر واستكمال الدراسة في الخارج، ويعدك بتغييرات إيجابية في المجال المهني

عاطفياً: تقرر اليوم التراجع عن اتخاذ بعض القرارات المصيرية، وتسعى لأن تكون علاقتك بالحبيب مستقرة وخالية من الاضطرابات

صحياً: تجنّب قدر الإمكان محاولة المغرضين إثارة عصبيتك بغية دفعك إلى اتخاذ قرارات متهوّرة
الاسد
برج الاسد
مهنياً: يجب أن تبتعد عن الفوضى وتلجأ للتنظيم حتى تستطيع أن تجعل اليوم يمر من دون أي مشاكل، وكن أكثر تعاوناً مع زملائك

عاطفياً: علاقتك العاطفية بالشريك فى أفضل حالتها، وتمضي معه أوقاتاً جميلة في أحد الأماكن الرومانسية وتستمتعان بهذا الوقت بعد يوم طويل من العناء والمجهود في العمل




صحياً: صحتك في الطالع، والقوة البدنية تؤهلك لكسب اهتمام الآخرين، تجنب الإصابة بالأمراض، وحافظ على الرياضة والنشاط في حياتك
العذراء
برج العذراء
مهنياً: اليوم هو يوم جيد لإثبات نفسك في العمل، والتعامل بشكل أفضل مع التحديات المستقبلية، وتحقيق النجاح في الكثير من الأمور العملية

عاطفياً: تفضل إظهار اهتمامك ومشاعرك للشريك من خلال شراء الهدايا، ولكنه في الحقيقة يحتاج إلى التعبير عن مشاعرك بالكلام وليس بالهدايا

صحياً: تحتاج إلى الإهتمام بصحتك الغذائية، ووضعها من ضمن أولوياتك وإحتياجاتك اليومية، مع الأخذ فى الاعتبار الإهتمام بالطعام الصحي
الميزان
برج الميزان
مهنياً: تواجه بعض المصاعب وفقدان الحيوية والنشاط، وتدخل مرحلة غامضة بامتياز

عاطفياً: العصبية الزائدة لا تنفع في معالجة المشكلات مع الشريك، فهي تولّد العناد والتشبث بالرأي وعدم التنازل

صحياً: متى فقدت القدرة والسيطرة على أعصابك فأنت حتماً ستقع في مشاكل صحية
العقرب
برج العقرب
مهنياً: لن يقف أحد في وجه طموحاتك الكبيرة، ولن يثنيك أي عائق أو معرقل عن التقدم بخطى ثابتة

عاطفياً: أنت على موعد أن تجد الحبيب الذي تبحث عنه، فلا تتردد في فتح باب القلب فأنت قادر على الحب والعطاء مجدداً




صحياً: من الضروري الانتظام في ممارسة الرياضة واتباع نظام غذائي جيد لإنقاص المزيد من الوزن، وممارسة حياتك بصورة صحية أكثر


القوس
برج القوس
مهنياً: يصل كوكب مارس إلى برج الثور ليبدل الأجواء ويخفف من الحماسة والإيجابية، فتتعرقل المساعي قليلاً وتظهر شوائب في علاقاتك

عاطفياً: أنت قليل الصبر وقاسي القلب وتميل إلى إثارة العدائية والتوتّر أينما حللت، وهذا ما يسبب إحراجاً للشريك معظم الأحيان

صحياً: لمستوى كولسترول سليم في الدم، قلل من الدهون المشبّعة في نظامك الغذائي من خلال اختيار المصادر الغذائية الحيوانية بحكمة
الجدي
برج الجدي
مهنياً: شخصيتك القوية تخيف الآخرين، وتدفعهم إلى التفكير ملياً قبل خوض أي مواجهة معك في العمل

عاطفياً: الحبيب يكون السبب في اضطرابات وخيبة أمل في مشاريع أعددت لها بدقة متناهية

صحياً: تصل إلى مرحلة كبيرة من التعب الجسدي والفكري وتبحث عن الراحة
الدلو
برج الدلو
مهنياً: وضعك المادي دقيق وعليك معالجة الأمر والعمل على إيجاد الوسيلة الضرورية لإصلاحه، وتتوافر أمامك فرص للعمل حاول استغلالها

عاطفياً: لحسن الحظ، الضغوط تعود لتنحسر، فتتحسّن الأجواء وتتلطّف بينك وبين الشريك مجددًا، وتزول المشكلات والحساسيات، وتقوى العلاقة المتأرجحة

صحياً: تجد البراهين اللازمة والضرورية لإقناع الآخرين بضرورة ممارسة الرياضة للمحافظ

ة على الصحة سليمة ومعافاة


الحوت
برج الحوت
مهنياً: تتراجع الحظوظ ما يجعلك متردداً حائراً ومربكاً أمام بعض الجديد والأشخاص الذين يحملون إليك عرضاً او اقتراحاً

عاطفياً: الحظ يبتسم لك، وكأن هذا اليوم كفيل بإدخال المزيد من الحيوية إلى حياتك العاطفية الرتيبة

صحياً: إذا لم يرتح قلبك فأنت لن تعرف الراحة على الإطلاق، خفف من المسؤوليات وفكر في نفسك وفي الأشخاص المسؤول عنهم

#طبق_مجلة_حبيبتي
بيتزا الاجبان

المقادير 👇

جبنة الموزيلا
كاسه مويه
نصف كاسه زيت
3ملاعق حليب بودره
رشة ملح + ملعقة كبيرة سكر
3 كاسات دقيق
ملعقة كبيرة خميرة

الطريقة👇

نخلط الماء والسكر والملح والزيت والحليب والخميره ثم نضيف الدقيق ونعجنها حتى تتماسك ثم ونتركها ترتاح نصف ساعة ونفردها في الصينيه ثم نخرمها بالشوكه نضع صلصه البيتزا ثم نضع جبنة الموزيلا وجبنة شدر والزيتون والفلفل الرومي وفي النهايه ارش جبنة المزريلا ونضعها في الفرن من تحت حتى تستوي وتقدم وبالعافيه 💕

#توقعات_الأبراج
ابراج اليوم الثلاثاء, 20 اب 2019 عاطفياَ ومهنياً وصحياً
الحمل
برج الحمل
مهنياً: أنت من الأشخاص الذين يمتلكون رأياً منفرداً في الحياة العملية، وعاشق للعمل الفردى ولا تفضل الأعمال الجماعية

عاطفياً: دع الحبيب حتى يتخذ القرار المناسب، فأنت تعلم جيدًا أنك لست وصياً عليه، ويجب عليك تحسين علاقتك به

صحياً: استمع جيداً إلى آراء المتخصصين، فالحالة الصحية تتدهور على الدوام بسبب الإهمال
الثور
برج الثور
مهنياً: تشعر بطاقة إيجابية تدفعك إلى العمل بشكل مكثف والقيام ببعض الخطط والمشروعات التي أجلتها في الفترة الماضية بسبب عدم رغبتك في العمل

عاطفيا:ً عليك التحلي بالصبر والمرونة، فالعلاقات العاطفية تمر دائمًا بفترات من الفتور والملل، ولا تستمع إلى من يقنعونك بأن هذه الأحاسيس دليل على عدم حبك للشريك




صحياً: مارس رياضة جديدة وشارك أصدقاءك في هواياتهم لتتمكن من الحصول على اللياقة البدنية بشكل بسيط وسهل ومرح
الجوزاء
برج الجوزاء
مهنياً: القمر في الميزان ملائم لك ويتحدث عن احتفالات وتخلص من بعض العقد وبعض المناكفات

عاطفياً: تعيش فترة من التوترات في الحياة العاطفية، وذلك نتيجة تسرعك واتخاذ القرارات غير المدروسة التي تدفعك إلى الندم بعد ذلك وخسارة الشريك

صحياً: تتمتع بحالة صحية جيدة، نتيجة اهتمامك بمظهرك، ما يدفعك إلى المواظبة على ممارسة الرياضة وتطبيق تعليمات الطبيب
السرطان
برج السرطان
مهنياً: تكون قدرتك على المجابهة قوية، لا تتردد في استثمار أفكارك الرائدة، فقد تقودك إلى نجاحات غير متوقعة تحقق لك جزءاً كبيراً من أحلامك

عاطفياً: تلقى الدعم الكافي من الشريك الذي يبدي إعجابه بمقترحاتك من أجل وضع حدّ لبعض العراقيل التي تعترض سبيلكما




صحياً: تبدو صاحب إرادة صلبة وتصميم على التخلص من الوزن الزائد، ووضع حد لشراهتك
الاسد
برج الاسد
مهنياً: يمكن أن تمر بيوم صعب في العمل بسبب كثرة الضغوط المهنية، ولكنك قوي وتستطيع مواجهة المواقف بقوة وذكاء شديد

عاطفياً: أنت رومانسي شديد الحساسية ولكنك متقلب المزاج المزاج ومحب للتملك إلا أنك ليس بالشخص المسيطر

صحياً: ظروفك الصحية في أفضل حالتها، وهو ما يمكنك من تأدية أعمالك بإتقان وإنجازها بسهولة، ولكن أيضاً يجب أن تأخذ قسطاً من الراحة للحفاظ على طاقتك وحيويتك
العذراء
برج العذراء
مهنياً: لك تجارب كثيرة في المجال المهني تحاول من خلالها أن تكون الحياة العملية مرحلة سعيدة وليست وزراً

عاطفياً: حاول أن تكون قادراً على الصبر على الحبيب حتى لا تفلت الأمور وتتحول إلى الأسوأ




صحياً: مطلوب منك محاولة تفادي المشاكل الصحية التي تعرضت لها في السنة الماضية بالقليل من التوعية الصحية
الميزان
برج الميزان
مهنياً: ابتعد عن المشاريع التي لا تجدي نفعاً، وركز على ما هو أكثر أهمية من أجل الحصول على نتائج مفيدة

عاطفياً: إذا كنت لا تشعر بالاستقرار مع الشريك، يجب أن تبادر إلى البحث عن الأسباب لئلا تقع في المحظور

صحياً: تبدأ برؤية الحياة من منظار إيجابي، تفاءل بالخير ولا بد من أن ترتاح نفسياً وصحياً
العقرب
برج العقرب
مهنياً:.تتمتع بحيوية كبيرة وبتفاؤل يضيء لك المسيرة، لن تواجه عوائق مهمة لكن هذا لا يعني أن النجاح يأتي على طبق من فضة

عاطفياً: بدأ الحبيب يضيق بتصرفاتك وأنت لا تنوي أن تتغير، وقد تندم في الأيام المقبلة على هذا القرار، فحاول أن تتخذ القرار الصحيح

صحياً: لا تتناول الطعام في أثناء مشاهدة التلفزيون، هذا الأمر يدفع إلى استهلاك كميات أكبر من الطعام والحصول على سعرات حرارية فائضة من دون ملاحظة ذلكبرج القوس
مهنياً: ثق بنفسك أكثر مما تتصور، فما حققته على الصعيد المهني كافٍ لجعلك تشعر بهذا الوضع

عاطفياً: خطوات إيجابة متسارعة تطرق باب العلاقة بالشريك، ما يؤسس لمرحلة استقرار جديدة

صحياً: لا تتهوّر في تصرفاتك ولا تفقد أعصابك بمجرد مواجهتك أي أمر تافه، فهذا ليس صحياً


الجدي
برج الجدي
مهنياً: كن حذراً جداً في بعض الأحيان لئلا تقع في المحظور، ولا سيما أن من ينتظرك على الكوع ليوقع بك

عاطفياً: يمنحك الحظ قدرة مهمة على تحقيق التقارب مع الشريك، وإذا كنت عازباً يكون الحب في مقدمة اهتماماتك وتقع في شباكه بجنون

صحياً: راحتك المادية والمهنية تساعدك على الشعور بالارتياح وتحقق الانسجام والتوازن في حياتك على مختلف الصعد
الدلو
برج الدلو
مهنياً: الثقة والصراحة مطلوبتان في العمل، فهما من أفضل السبل لتأمين أجواء اكثر انتاجاً

عاطفياً: الحب مشكلة في رأيك ويزيد الأمور تعقيدا، فأنت لا تفهم أحاسيسك ومشاعرك حق الفهم

صحياً: حاول أن تعتمد على الخضار والفواكه لوجبة المساء، فهذا يريح معدتك أكثر
الحوت
برج الحوت
مهنياً: تسعى جاهدا لكسب التأييد أو الموافقة على مشروع لك أو قرار، لكن توقع تأخيراً في المعلومات وتعليقاً لبعض المهام، فكُن واعياً

عاطفياً: تجاهل أي عدائية أو مواجهة يفتعلها الشريك، قد تتعرّض لخيانة أو

تعيش وضعاً محرجاً يقلب حياتك رأساً على عقب

صحياً: تقاوم الأمراض بكل إرادة، وجسدك قوي لا يتأثر بالتغييرات الفلكية، في حال تعرضت لوعكة صحية فتكون بسبب الإهمال

#طبق_مجلة_حبيبتي
لحم روستو مع البطاطس بوريه

المقادير :
اللحم: 1 كيلو (فيليه روستو)
الخل: فنجان صغير
الثوم: 5 فصوص
زعتر مجفف: ملعقة كبيرة
بهار: نصف ملعقة صغيرة
ملح: ملعقة صغيرة
القرفة: نصف ملعقة صغيرة
الزيت: ملعقة كبيرة
البطاطا: 4 حبات (متوسطة الحجم، للبطاطا بوريه)
حليب: نصف كوب (خالي من الدسم، للبطاطا بوريه)
ملح: نصف ملعقة صغيرة (للبطاطا بوريه)
جوزة الطيب: ربع ملعقة صغيرة (للبطاطا بوريه)

طريقة التحضير
1. تخلط التوابل مع الزعتر في طبق صغير.

2. تلكّ فصوص الثوم بخلطة الزعتر والتوابل وتشكّ داخل قطعة الروستو.

3. تفرك قطعة الروستو بما تبقى من الزعتر والتوابل ثم توضع في قدر وتقلب على نار قوية في مقدار ملعقة طعام من الزيت.

4. يضاف الخل وكمية من الماء تكفي لغمر قطعة الروستو.

5. تسلق الروستو على نار معتدل حتى تنضج ثم توضع جانباً حتى تبرد ويصفى المرق.

6. تسلق البطاطا ثم تقشر وتقطع وتهرس في الخلاط الكهربائي مع الحليب والملح وجوزة الطيب. وإذا كانت كمية الحليب غير كافية يمكن إضافة المزيد منه.

7. يقطع الروستو إلى شرائح وتقدم إلى جانبه البطاطا بوريه.

#فقرة_شعر
ترفه وتحاجيني بغزل
كلش حنينة اودافيه ❤
مرات اوصفهه بكمر
لا عمي جنهه العافيه

يتارس خلگي بس صفنات
شوگ وحيل مابيه
من اذكرك تدري اغصن بيك
غصت منجل بوردات گاطع نحر جوريه

ﻣﺸﻮ ؟ ﺭﺩﻭ ... ﻣﺸﻮ ؟

ﻣﺎﻇﻨﻬﻢ ﻳﻌﻮﺩﻭﻥ !

ﺍﻣﺒﻴﻦ ﻣﻦ ﮔﻔﺎﻫﻢ ﻣﮕﻔﻪ ﻣﺎﻝ ﻓﺮﺍﮒ..

ﺧﺬﻭ ﺣﺘﻰ ﺍﻟﺤﭽﻲ ﺍﻟﺤﺎﭼﻴﻪ ﺫﺍﻙ ﺍﻟﻠﻴﻞ

ﻭﻛﺘﺒﻮﻟﻲ ﺑﺪﺭﺑﻬﻢ ﺑﻌﺪ ﻣﺎ ﻧﺸﺘﺎﮒ