لقتال بالقران اكثر من ايات الحب والسلام.. ف بعد.وينه السلام بالموضوع

-القران ما امر بالقتل.. امر بالجهاد..

-وشنو الفرق .. الجهاد والقتل وجهان لعمله واحده..

- لا حبيبي اكو فرق.. ومن قتل نفسا بغير نفس او فسادا في الارض كأنما قتل الناس جميعا... وهذا نهي عن القتل والفساد

اما الجهاد.. فهو للي يقاتلونك قاتلهم.. يصح واحد يدخل لبيتك او يهاجمك وانت تسكت ومتحاربه.

هنا تكون الدفاع عن النفس او العرض او المدينه او المال .. يسمى جهاد.. اذا ما جاهدت ف انت مو انسان مسالم لاا وانما جبان..

والاسلام مو دين الجبناء.. لهيج الله كال قاتلو الذين يعتدون عليكم بمثل ما اعتدوا..

-حبيبتي الكلام كثير بهلخصوص اذا اريد اقنعج.. متأكد راح تألحدين مثلي..

-لا حبيبي ما الحد.. عندي عقل وافكر ان الله خلق كلشي.. ونحس بوجوده عن طريق الحياة الشمس والقمر والليل والنهار كل هذه ايات تدل على وجوده..

-كل هذه من خلق الطبيعه نتيجة الانفجار العظيم.. والصدفه الكونيه

-اهااااا الانفجار العظيم. هذا كل كلامكم.. تكذبون الانبياء وكتبهم وتكولون وين اكو دين ووين اكو معجزات..

بس تعال اناقشك بالعقل..انت تكذب الرسول محمد اللي صارله 1400 سنه.. وتكول ماكو هيج شي نزل لان ماسمعت الرسول وما شفته بعينك من كان يتلو القران المنزل للمسلمين موووو..

تنكر الرسول وقرانه العظيم لان ما شفته وماكو دليل عليه.. وتروح تصدك انفجار صار قبل 14 مليار سنه... شفت الانفجار.. اكو دليل علمي على وجود الانفجار..

واحنه نعرف الانفجار اذا صار يخربط الدنيا مو ينجم عنه عالم شديد الدقه. تضع الارض بمكان لو تقدمت للشمس بمقدار شعره لحترقت... ولو رجعت بنفس للمقدار.. لانجمدت..

انطيني دليل على وجود الانفجار..

-حبيبتي هذه نضريات علميه مو بكيفي وبكيفج. علماء مختصين.

-لا حبيبي علماءك ذول اغبياء.. والنضريه للان ما اثبتت وجود الانفجار فقط نضريه جاري البحث بيها وما راح يلكولها صحه لان مموجوده

-لا حبيبتي كلشي عندهم بدراسه.. مو عبطيا.. بس اسئلج سؤال.. الله وينه.. اذا هو رحيم وموجود.. وينه

ليش كل هذه الفقره والظلم والقتل والذبح.. هو مو رب.. ميدخل وينهي كل هذا...

-الله انزل كتاب وكال اعملو بيه...امر بالمعروف ونهى عن القتل.. بس الناس هي اللي اعرضت عن الله.

والله لو يريد يحاسب كل انسان مذنب ما ترك على الارض احد.. اقرب مثال انت... مو تقتل بالناس وتعمل شر.. ليش مياخذك..

لان انت وغيرك لو قتلكم كلكم.وكل انسان يذنب.. انتهت البشريه... بس تاليتك اله ترجع ويحاسبك على الجبيره والصغيره.. فهو للان صبور عليك..

واعطيك مثال.. مدير المدرسه من يقدم الكتاب للطالب ويكله التزم بي واقره.. تبقى يم الطالب يقره ف يقره النفسه .. وان ما قره هو الخسران.. تجي نهاية السنه ويرسب.. صح..

يصير المدير يفصل كل طالب ما يقره...؟!!! يصير المدير يفصل الطالب اللي يرسب بالامتحانات الشهريه ؟!

ميصير وانما المدير ينتظر اخير السنه حتى يحكم عليكم بالرسوب او النجاح حسب مواضبتك..

لو فصل كل واحد ميقره هاي هنا مراح يترك طالب بالمدرسه.. لان الكل تفصل.. وانما المدير يعطي فرصه للطالب

رسب بالفصل الاول .. ينتضر منه يتعدل بالنص السنه رسب. يتأمل يتعدل بنص الاخر.. والنتيجه اذا ما حسن من وضعيته رسب..

مو كل الطلاب شطار..

ولا كل البشر مؤمنين.. لذلك الله تاركك لوحدك تعمل .. وينطيك فرص بالحياة عسى ولعل تهدي فيتوب عليك.. وتالي يقول ثم الينا مرجعكم فننبئكم بما كنتم تعملون...

ويحاسب وتشوف نتجيتك يا اما للجنه او النار..

واذا ع الفقر.. ف الله حكيم المن ينطي رزقه.. اكو ناس اذا صار بجيبها فلوس تترك الاخلاق والدين وتروح تتعرى وتطغى.

. ف الله رحمه الهم مخلي الفقر الا الله مو ظالم بس يحبهم وما يريدهم يظلمون انفسهم..

-حبيبتي.. اني افضل ان انام ونترك هذا الحديث.. لان لا انتي راح تقنعيني ولا اني رايد اقنعج.. نامي.

- تركني ودار وجه نام... ياربي عود صدك هذا طلع ملحد. لا يا الله.. مجرم وخاين وملحد.هم... اني شكد اريد اتحمل منه..

باوعتله شفت الوشم بأيده.. بسرعه فسرته وعرفت معنى @ كابتل اول حرف من كلمة Atheist ... ملحد بالانكليزي... علامة الملحدين... امدايه اتذكر اعرف هيج معلومه شبيه مخطرت على بالي

زين هو شلون شوفني جنسيته مسلم . شلون هيج.. مااااالك.. اكعد جاوبني ... نمتتتتت.. اكعد.. لتاااام جاوبني

-هااااااااااا

-انت جنسيتك مو مسلم.. شلون لعد.ملحد..

-شعليها الجنسيه بقناعتي وفكري... الجنسيه تحمل ديانتي من لما ولدت.. مسلم..

-ليش ما غيرتها لعد

-شكتب بلا دين...

-تحسه نقص؟!!! اذا نقص ليش الحدت وانت متكدر تعترف بألحادك..

-ما يفيدني الالحاد .. اني عملي سياسي وبالعراق .. وشفلي كله بالدين.. اذا ما تحجي بالدين ما تربح..

وحتى زواج المتعه والمسيار والعرفي.. الالحاد مابي هيج زواج ولا ضوابط.. فيخسر شغلي.. فتركت جنسيتي مسلم.. وفكري خاص بيه مو

ضروري اضهره..

-هاااااا يعني قصدك الدين غطاء لافعالك.

-بالضبط..

-هاي بس لا اللي بالسياسه والدوله اليدعون الدين. ملحدين مثلك ويردون يستفادون..

-شي وارد... عادي يردون يستفادون شيسوون عالم تريد تعيش..

-عيشو منو لازمكم مو حتى خربتو سمعة الاسلام والله.. اشتغلو بعيد عن الدين..

-هههههههه اوك ادللي بس نامي..

-الله ينتقم منكم ولله شوهتو سمعتنه.. تقتلون وتكولون مسلمين احنه..

-ينتقم منين.. شو متعرفين تحجين..

-انت شعليك مو تكول ماكو الله.. دور وجهك اني والله ... انته متعرفه شكو خايف منه ..

-هههههه مخبله....

-يربي شسوي هسه.. ادور ملحد......يتبع

☆☆☆☆☆☆


الحلقه_29

لجين:- جدا تضايقت من كال ان هو ملحد.. زين وطفلي يا ربي شلون هم يتبع تفكير ابوه ؟ ويتأثرون بأبوهم ويطلعون ملحدين

لا ياربي من وين طلعلي بسالفة الالحاد.. صدك عقل ماكو هسه الله وكونه هلكبره موجود عقولكم تبن وتنكره.. والله علم..

اي علم هذا اللي ينكر وجود الخالق بوجود المخلوق.. اكو شي ينخلق من العدم.. اي عادي عدهم كرة القدم الها صانع و الكره الارضيه انصنعت وحدها هاي عقولهم..

بقيت بدوامة تفكير لحد ما نعست ورجعت نمت..

انفتح الباب... شلت راسي.. فزيت.. رجال استغفر ما اعرف شكله شنو.. مقرف ومثل المحترك او معفن..

بقيت متجمده بمكاني.. اتلمس بمالك اريده يكعد. وكف يباوعلي وينفخ بس صوت ال هممممممممممم يطلع منه..

منو انت .. شلون تدخل بيتنا.. اطلع

-ما ترتاحييييين..

-شسويتلك.. والله ممسويتلك شي.. تقرب من مالك.. ويصيح هممممم هممممممم.. ويخنز عليه..

راد يمد ايده على مالك.. كأن جريت مالك منه.. وكمت اقرى قران عليه... كام يصرخ. ويفر بسرعه قويه بالغرفه وبس صوت الصياح مالته مرعب..

-لا تأذي فدوه.. لا تأذي.. يصرخ ويفر عليه.. تقرب مني حيل وصرخ بوجهي.. ابتعدت من مالك وحطيت اديه على راسي وكمت اصرخ..

كأن سحب مالك من يمي بسرعه.. وكعد يخنك بيه من ركبته.. مالك مثل الميت بأيده بس صار ازرك حيييل

صرخت قل اعوذ برب الفلق قل اعوذ برب الفلق.. سلام قولا من رب رحيم.. ابتعد بسرعه.. وركضت لمالك.. كأنه كان ميت..

كمت اصرخ حيل واضرب اكعد بي..... كعدني مالك.. لجين كومي كومي. كابوس اصحي حبيبي .. فزيت.. اباوعله كولشي ما بي..

مالك منو هذا الرجال اليخنكك..

-دتتحلمين حياتي هاج اخذي شربي مي.. شربني مي.. اباوع للمكان كله هادئ يا رب معقوله كل هذه احلام وكوابيس طيب ليييش..

كمت من مكاني.. ورحت غسلت وجهي.. اجه ورايه مالك.. مالك شنو اللي ديصير تعبت والله.. مدا ارتاح اكو شي غريب

-البانيو

-شنو ؟

-البانيو

-مفتهمت تريد تسبح.. فات من يمي وراح للحمام.. عفته وطلعت.. رحت للغرفه.. لكيت مالك متمدد ع السرير..

جمد دمي بجسمي.. مالك مو فتت للحمام..

-يا حمام

-انت جتت هناك بالحمام

-يا حمام لجين دنامي تره مو ليله كل شوي كاعده تصرخين تعبااان..

-مالك والله انت جنت يمي بالحمام وفتت تسبح

-لج صار بعقلج شي.. هياني ما طلعت من الغرفه ولا عديتها بس نامي..

-زين منو هذاااااا

-عقلج الباطن.. بسبب حالتج النفسيه يا لجين

-لا مستحيل مالك اني متأكده شفته حتى حجه وياي وكال البانيو

-شنو البانيو

-ما اعرف.. اني دا اسأل شنو البانيو..

-تعالي نامي حبيبتي اتركج من هلتفكير تره دتأذين نفسج... تعاليلي ..

-تقربت يمه.. فتحلي اديه.. وحظني.. خليت راسي بحظنه ونمت واني احاول ما اشوف ولا اسمع واردد قران والخوف ماكل كلبي شنو اللي ديصير..

نمت وبالحلم صوت يتردد البانيوو . البانيووو

قفلت اذاناتي وكمت ابجي وما رفعت راسي ابد.. كعدت.. ميته حر.. تلمست مالك صاير نار.. وعركان..

كعدت على حيلي.. خليت ايدي على كصته.. كلش مسخن.. صاح لجين اعظامي ذبحتني توجعني..

-مسخن انته.. كوم غسل خل تنزل حرارتك..

-مابيه اكوم بس ابقي يمي متأذي..

-انت كنت شارب البارحه

-ما شربت هواي..

-مالك وتالي هذه قيود نفسك شوكت تتخلص منهم..

-لجين اكلج متأذي مو وقت هلكلام..

-شال راسه خلاه على رجلي..

-لعبي بشعري

-هيج محطيب خل اكوم اجيبلك علاج.. وخرته ورحت جبتله علاج وجبت مي واجيت.. لكيته منتجي على الجربايه وجاي يدخن..

مو وكتها عيني.. هاك اخذ اشرب علاجك.. اخذت من الجكاره وانطيته الحبوب.. طفيت الجكاره وانطيته مي..

-تعالي يمي لا تعوفيني

-ما رايحه والله مرايحه. يمك.. كعدت يمه وكمت ادلكله راسه.. وهو يون من الوجع..

لحد ما غفى فوك الساعه.. رحت تريكت.. وسويتله شوربة عدس ... كمبتها واخذتها يمه.. كعدته اريده ياكل ما يقبل متألم.

-طيب كوم خل نروح دكتور..

-ما اكدر..

-اخذت الموبايل وحجزتله عند الدكتور العصر ورجعت انطيته دوى خافض حراره.. للعصر كومته كوه للحمام غسلتله وهو يتمطى منا ومنا ادور شثكله كل حيلي وما اكدر اجره..

غسلتله.. وجبتله الملابس.. وبدلتله جهزته.. وكتله كوم نروح للطبيب..

-ما اكدر جسمي موتني ما بيه امشي

-لا ت

مشي اني اسوق حجزتك

-اكلج ما بيه حيل عود وحدي اطيب ما متعود اروح دكتور لجين اتركيني

-دكوم يا عيني دكوم.. جريت اووووي شثكلك ياعيني كطعت نفسي دكوووووووم..

-كام لبس حذاء ونزل وياي للسياره.. اخذته للطبيب ابر وعلاج.. ورجعته. نفس الحاله...

3 ايام ما طالع الباب بس سخونه هدت حيله.. والكوابيس ممفاركتني كل شوي شكل تخبلت مو بيت.. فعلا كمت احس بيه مسكون.

بعد اليوم الرابع.. رحت للقناة كان لازم اجمع المعلومات واكمل التقارير وضيف الحلقه.. وكان موضوعي الالحاد.. لان حبيت اسلط الضوء عليه حتى نحذر منه واناقشه ونردعه.عفت مالك بالبيت ورحت للقناة.. كملت شغلي ورجعت على نفس النومه ما متحرك.. انطيته العلاج ونفسه.

وجهه شحب.. جوه عيونه صار حيل سود.. الجسم نحل ..مو بنفس الجتاف.. يربي شسويله ادور يشكي من عظامه موتته.. الليل كله يون..

بقيت سهرانه وياه لحد ما نمت على كعدتي وهو بحظني.. شفت روح مالك طلعت.. يمه شنو هاي كأنه هوى

كمت من جسمه.. مشت روحه مشيت وراه.. راح للحمام ونام بالبانيو واختفى.. يا ستار ياربي شديصير..

التفتت والكى الوجه المعفن كدامي.. صرخت وصميت عيوني اااااااااه.. رجعت باوعته ماكو.. ادور منا منا مختفي..

دا امشي.. انتبهت للبانيو نايم بيه احد.. باوعته هذا الرجال المعفن نفسه.. ركضت حيل من الخوف.. وجن اعثر و اوكع.. ويجرني سحل ينومني جوه البانيو اريد اصرخ اريد احجي

اختنكت بالحلم لحد ما فزيت.. لا اله الا الله.. سلام قولا من رب رحيم.. اللهي دخيلك شنو هاي والله تعبت..

شنو اللي بالبانيو. ليش يجرني اله.. شغلت تلفزيون خليته على القران ورجعت افكر وميته رعب يا الله شنو هاي شدا يصير بيه..

مالك:- لجييين مي

-اي.. اخذت مي.. وانطيته االه.. بقيت افكر لحد ما رجعت نمت.. شفت رؤيا مثل انسان واندفن جوه البانيو وهذا الانسان.. معفن.. هو نفسه اللي اشوفه..

بس ما تأذيت بهذا الحلم مثل الفلم اللي انعرض كدامي.. فزيت منه.. القران مشتغل دخيلك اللهي معقوله اكو انسان جوه البانيو

شنو اللي ديصير.. باوعت المالك يتكلب.. لزمت كصته بعده مسخن..مالك..

-نعم..

-شوكت بنيت البانيو

-قبل زواجنا بشهر

-يعني لما كنت بالموصل

-تقريبا اي .. ليش

-مالك دا اشوف بالحلم انسان جوه البانيو مدفون .. كمز من مكانه .. شنو انسان.. ااا بانيو شنو شبييييج

-شبيك.. دا اكول بالحلم.. ما اعرف هذا الكابوس عذبني .. خلينه ننتقل من هاي الشقه

-لا لحظه شنو اللي شفتي بالبانيو..

-ما اعرف ساعه رجال ينام بي .. ساعه يسحبني ينومني بي مدا افتهم..

-ماكو .. ماكو شي حبيبتي نامي نامي.. او اكلج روحي سويلي كلاص جاي اريد اشرب جكاره..

-رحت سويتله واجيت انطيته الجاي وحجيت.. مالك باجر الحلقه موضوعها الالحاد ياريت تنتبه للحلقه..

-ههههههه وهاي انتي سويتي حلقه بس حتى تهديني برأيج

- مو بكيفك مالك متبقى ملحد غصب ترجع مسلم تره ما اكدر اعيش وياك على هلوضع...

-مضارج بشي.. مو بقرانج تكولون لا اكراه في الدين

-هااااه حافظ القران

-اي حافظ منه هواي لا تنسين جنت مسلم..

-لعد ليش الحدت.

-قناعه..

-بس حرام..

-ما احب اتقيد بفكر الحلال والحرام.

-انت تخليت عن الاسلام لان يرفض شغلك.. وهو الاجرام.. بس الالحاد يعطيك الحريه بكلشي حتى القتل ماكو رادع..

-ما رد بقى يشرب بجكارته.. تركته وكمت.. كانت الساعه 7 ونص.. رتبت البيت وسويت اكل لمالك..

جان لابس وجاي.. باوعتله هااا صرت زين..

-لا بعدني متأذي بس لازم اطلع عندي شغل..

-دتعال تريك حتى نطلع سوى.. كعدنه اكلنه وطلع هو قبلي اني بدلت على راحتي وطلعت..

وصلت للقناة رحبت بضيفة البرنامج اليوم وكعدت اتعرف عليه وتناقشنا بالموضوع قبل الدخول ع الجو.

صار وقت البرنامج.. انطلقت بالجو.. وحجيت

لجين:- السلام عليكم اعزائي المشاهدين.. طبتم وطابت اوقاتكم بكل خير..

اليوم نريد ان نناقش موضوع.. يكاد ينتشر ك الفايروس المعدي بين الناس وبالاخص الشباب والمراهقين..

شنو الالحاد.. وليش الحدو.. وشنو الحجج اللي نكدر نواجه بيها الملحد.. وكيف نعطي الوقايه من هذا الفايروس..

معانا ضيفة الحلقه الدكتةره في العلوم الاسلاميه زينه العامر .. اهلا وسهلا بيج ست زينه..

-اهلا وسهلا بيج ست لجين..

-دكتوره اليوم نشوف انتشار واسع لفكر الألحاد المعروف بالعراق الفكر الشيوعي.. برأيج شنو السبب..

-بسم الله الرحمن الرحيم.. نعم انتشر فكر الالحاد في الاونه الاخير والسبب هو كثرة الحروب والطائفيه.

اكثر الحروب اللي تصير اليوم. هي حروب اديان.. يهودي ضد مسلم.. مسلم ضد مسيحي مسيحي ضد يهودي والعكس صحيح..

كل دين تناقشه.. يكون جوابه احنه بالجنه وغيرنا بالنار.. وهذا الفكر خاطئ جدا.. والدليل الايه

(الدين كله لله) يعني ان كنت يهودي وان كنت مسيحي او مسلم. ف الله ربك.. لو كان بيتي بمكان وكدامي 3 افرع.. اوصل اله..

كل الافرع توصلني ابيتي. وهذا حال الاديان.. الكل نهايتها ت

عبد الله ف لغة الطائفه مرفوضه..

لهذا الانسان العلمي.. راح يرفض ادعاء كل دين بأن الجنه اله.. وبتالي يكول ماكو دين.. وهذا خطأ الله ما فرق بين الانبياء او رسالتهم.. وذكر تعالى (قل لا نفرق بين احد من رسله)

هذا جانب.. الجانب الاخر وهو التكفير.. بقول السكير بالنار الزاني بالنار اليسمع غناء بالنار الما تلبس حجاب وكل هذول ينعتوهم ب فاسقين ..

لما يجي الانسان العلمي.. يقول السكير او الزانيه او اليسمع غناء ليش بالنار هو ما اذى احد اذى نفسه من الظلم ان الله يرميه بالنار ويبقى عايش بالنار ..

الله جعل الحرام. عقوبه حتى الانسان لا يخطئ.. الله فرض بالقران الحلال والحرام كقانون وعقوبات..

والزنى والسكر وسمع الطرب جعل عليهم عقوبات لاثارها السلبيه على الانسان.

مثل القانون البشري اليوم.. يمنع تعاطي المخدرات.. طيب اليتعاطى مأذي احد لو ديأذي نفسه... لهيج القانون ايضا منع اذية النفس وفرض عقوبات على المتعاطي حتى ما يؤذي نفسه..

وكذلك سائر العقوبات لو الانسان سرق او ارتشى او تعدى القانون.. يحكم عليه بالسجن... تخلص فترة عقوبته ويخرج .. الا القتل.. لما تقتل هنا تعدم ولا عقوبه وقتيه له..

وكذلك الله..لما تعصي باحد هذه المعاصي.. راح يفرض عليك عقوبه .. تخلص العقوبه و تدخل الجنه.. الا الشرك الله ما يسامح عليه..

والدليل .. ان الله لا يغفر ان يشرك به ويغفر ما دون ذلك.. يعني المسأله مسألة عقوبات لا اكثر وكل انسان وعقوبته.

والدين هو اساس القانون. سابقا ما كان قانون. ف الله فرض القانون من خلال الكتب السماويه..

لجين:- دكتوره اليوم لو تحاجج الملحد راح يكول الدين كذب ولا وجود لله .. والعالم صنع عبر انفجار عظيم. وان العالم يسري حسب صدفه كونيه..

-انظريلي عزيزتي.. اول شي اناقشج. بتكذيب الدين.

الدليل على وجود الله وصدق الدين هي الكتب السماويه المنزله.. وبما ان احنه مفكرين اسلاميين فنحاجج بالقران..

كلنا نعرف ان النبي محمد ص هو رجل بسيط عرف بين اهله راعي للغنم لا يقرأ ولا يكتب لكن عرف بصدقه وامانته..

المعجزه كيف لرجل بسيط ان يأتي بكتاب يعجز عنه علماء العالم اجمع.. حتى لو كان يقرأ ويكتب ف القران يتعدى العلم الانساني البسيط..

بقوله تعالى ( والسماء بنيناها بأيد وانا لموسعون )

والعلم الحديث اثبت اليوم ان السماء في توسع.. كل 100 عام تتوسع كذا نسبه. فهل الرسول قادر على قياس مقدار السماء هل يملك تليسكوب ام الات تصوير فلكيه.. ؟

كيف لرجل يعيش في زمن ساد فيه الجهل بالحصول على هكذا معلومه.. اليس الذي خلق السماء هو من اخبر رسوله ؟!

قال تعالى ( وجعلنا السماء سقفا محفوظا)

وعصرنا الحديث اثبت هذا بالغلاف الجوي.. اللي تحفظ الارض من النيازك ومن اشعة الشمس الضاره

فمن وين للرسول ان يعرف بهذه المعلومه ؟!

قال تعالى ( والقى في الارض رواسي ان تميد بكم)

واثبت العالم البايلوجي ان لولا الجبال لنشقت الارض الى اوصال.. ولكانت كوارث بزلازل كبيره

فهل كان الرسول عالم بايلوجي حتى يعلم بهذه العلومه.. في زمن ساد فيه الجهل

قال تعالى ( مرج البحرين يلتقيان بينهما برزخ لا يبغيان)

واثبتو هذا البحر اليوم فمن اخبر محمد بهذه المعلومه قبل 1400 سنه اليس الخالق هو العالم بما خلق فاخبر هذه المعلومات المستحيله لنبيه الكريم

وكثيييير من الاعجزات في القران فيها اللي اكتشفها العلم اليوم وفيها اللي للان ما مكتشفه..

نأتي على تنظيم الكواكب والشمس والقمر والليل والنهار. تسأله كيف تضهر الشمس يوميا

يقولك صدفه.. فهل من الممكن ان العقل يصدق الشمس يوميا تضهر صدفه ؟!

مفهوم الصدفه اني التقيك في يوم من الايام بمكان لكن على مدار سنه لو يوميه التقيك بهذا المكان.. فهذا موعد منظم له وليس لقاء بالصدفه..

ان الشمس يوميا تخرج بوقت مضبوط ومن جهه معينه غير قابله للتغيير على مدار 14 مليار سنه لابد اكو منظم لخروجها..

لو سألت الملحد .. ان يا فلان اليوم لو فتحت شركه وخليت بيها موضفين وعمال وما خليت عليهم مدير..

هل تنجح الشركه ؟! هل تصح.. راح يكولك لا لازم اكو مدير ينظمهم ويحاسبهم.. والا تفشل

طيب شركه صغيره ما تنجح الا بمدير كيف للكون العظيم ان يسير بلا منظم.. ؟!

اليوم لو جبت اله تلفزيون مثلا.. وتكول للملحد ان هذا التلفزيون هو انصنع وحده.. وهو نظم الصوت والصوره والشاشه بدون صانع ا.. نوجد وحده.

مراح يصدق.. راح يكولك مستحيل لابد ان الها صانع مافي شي يأتي من العدم.. فكيف بالكون العظيم.

هل يصدق ان التلفزيون لابد اله صانع والكون هذا خلق من دون خالق.. هل العقل يصدق هذا ؟!

نجي على الانفجار العظيم حسب نظرية العالم دارون. ان الارض والكواكب والعالم نشئ من خلال انفجار حدث قبل اكثر من 14 مليار سنه..

خل نجي معاهم ونكول اوك انفجار .. السؤال هل يحدث انفجار من العدم ؟! لابد في اشياء قبل الانفجار نجمت عن هذا الانفجار مو..

شنو اللي كان قبل الانفجار ؟! راح يكولون ما نعلم. من

اوجد الذره لا نعلم.. ولا راح يعلمون.. لان الجواب فقط عند الله.. هو من خلق الذره

وهنا راح تخلص حججهم ف اخر شي يحاججك بيه.. هو انطيني دليل ملموس على وجود الله..

وهذا شي لا يمكن اثباته.. الرب تشعر بيه لكن متشوفه.. مثال الالم.. هل يوجد علم.. شخص الالم او مسكه او رأه..؟

الالم قوه خفيه تجبر الانسان بالاعتراف به من خلال الشعور فيه.. لكن لا يوجد رؤيه مجسمه له ابدا اثبته العلم عن طريق الشعور..

وكذلك الله هو قوه خفيه تنجبر على الاعتراف فيه من خلال التنظيم الدقيق الكوني والمعجزات والفطره التي فطر الناس عليها..

-احسنتي.. اا ست زينه كيف نحصن عوائلنه من هذه الافكار ؟ وما الطريقه

-من خلال الرجوع الى الله.. والتربيه الاسلاميه الصحيحه...للاسف الناس تعترف بالعيب ولا تعترف بالحلال والحرام هذا خطأ فادح..

لازم نربي اطفالنا من هم وصغار.. على تعاليم الله.. لو اخطأ الطفل.. لا يصح ان تناديه بعييب..

لان العيب هو خوف الناس والحرام خوف الله.. والله يذكر هذا الشي بالقران.. بقوله ( وتخشى الناس والله احق ان تخشاه)

لازم من الصغر توثق العلاقه ما بين الطفل و وربه. لازم تكوله لو ما كذبت الله راح يعطيك بيت كبير الك العاب كثيره لو ساعدت فقير كذا يعطيك..

اي يعني رسم صوره جميله لله بعقل الطفل.. لحتى يحب ربه... والحب اول بدايات الايمان..

لو اخطأ الطفل خبره ان هذه الفعل حرام والله حيزعل عليك لو فعلت هيج شي.. لكن لو قلت عيب هذا مصيبه

يا امهات يا خوات ابتعدوا عن كلمة العيب.. طبعا اخاطب المرأه لان هي سبب تربية الطفل.

ابن نوح طلع عاصي بالرغم ابوه نبي لكن لان امه كانت كافره فتبع تربية امه..

اما المسيح فكان رجل عظيم.. لان والدته كانت امرأة عظيمه.

ف الام هي الاساس.. لما تقولين لبنتج او ابنج عيب.. هنا انتي دكوليله ماما انت اسرق و ازني وسوي كولشي يعجبك بس مو كدام الناس لان عيب ..

لان الناس لا توجد بخلوة الشاب.. فيمكنه ممارسة الرذيله بالخفاء .. لكن لو كلتيله حرام.. هنا راح يفكر ان الله يشوفه وراح يتعود من هو وصغير يخاف الله.

فيكبر على الايمان... ومن شب على شي شاب عليه
ولا يمكن للملحدين هز ايمانه لانه مدعوم بفكر صحيح منذ الصغر..

لجين:- احسنتي استاذه شاكره وجودج معانا اليوم.......

نهيت البرنامج بعد المناقشات والتقارير ورأي الشارع بهذا الموضوع وتحليل كل انسان حول هذا الموضوع للاطلع على مدى سعة فكر المواطن العراقي.

كملت البرنامج ورجعت للبيت.. دا اريد افتح الشقه انفتحت.. عرفت مالك جوه.. طبيت.. دا اريد اسد الباب شمعت صوته هو وايهاب بالصاله يحجون..

ايهاب:- وهي منين عرفت بسالفة اللواء اللي جوه البانيو

مالك:- ما اعرف هذا اللي محتاار بي .. دكول حلم بس مدا اصدك حلم.. اكيد تعرف شي..

-هي اطلعت على الاوراق اللي بالخزنه همو

-اي ناديه الكلبه مدلتها اكيد اطلعت على الاوراق. بس شغلة معرفة ان احنه دفناه بالبانيو ما موجوده بالاوراق.

بس اني وانته نعرف هذا الشي ..

لجين:- بقيت متصنمه بمكاني واني اسمع

ايهاب:- زين اقتلها

مالك:- تحجي صدك انت ما اكدر

-مالك شنو قصتك.. هذا مو اتفاقنا كل بنيه ناخذه ع الحب .. نزحلكها لطريقنه.. انطيها لجماعتنا خل يتصرفون وياه وتصير حالها حال البنات.

ما شبعت منها صار 3 اشهر متزوجين.

مالك:- ايهاب ما اكدر احبها مو بيدي.. وصراحه رايد اخلص من كل هشغل. اريد اعيش حياتي وياها براحه

-اكلك هاي سحرتك لو شلون تعرف طريقنا ما بي رجعه تنسحب شنو تنقتل فورا فكر عدل مالك

-اعرف اعرف.. هو هذا الشاغلني احس نفسي دخلت ببركة رمل متحرك وغطست لا كادر اطلع ولا كادر ابقى.

-وانت شنو المضايقك من شغلنا الدنيا كلها جو ايدنا

- ايهاب عمري راح يدخل ال40 واني ما مستقر.. املك كلشي بس ما املك راحة البال .. وشغله ثانيه لجين حامل

-انت مخبل شنو حامل مالك.. ما نزلت الطفل.

-ما قبلت.. وبيني وبيك بنفسي اكون عائله وابتعد من كل هذا مليت من هلوسط هذا ماكو راحه ايهاب ماكو راحه.

الطفل ما وكع.. افكر اخذ لجين واشرد بيهم بعيد عن العراق.

-انت تخبلت.

-لا ما تخبلت بس مو بيدي ايهاب افهمني لجين ما اكدر اذيها ولا اكدر انطيها لتوفيق واشمرها حالها حال البنات..

اني عايش بأزمه نفسيه.. ما اعرف شلون اخذهم وانهزم.. سامي ما راح يتركنا بحالنه..

-اكول اترك منك هلتفكير وخلف منها الطفل وناخذه نستفيد بي وهي اشمرها منك لذاك الوقت انت شابع منها وطالعه من خشمك.

-لو مالك القديم جان كتلك اي وهو هيج.. ايهاب افتهم شغله اني حاب اكون عائله بعيده عن هاي الاعمال اريد ارتاح ملييييت حرك اعصاب وقتل ودمار نفسي الى متى..

ما اريد افلوس ولا مناصب اريد راحتي اريد عائله بيت زوجه تحتويني طفل يلعب بين اديه.. محتاج اعيش هيج اجواء لان ملييت..

قتلنا بعنا هربنا وبعدين.. فلوس ومنصب ومقامات وهيبه شفايدهم واني فاقد راحتي.

-مالك هاي غاسله عقلك..

-هههه اني هم اكول هي

ج بس مو بيدي احبها هي لا ناديه ولا رجاء ولا قبس ولا غيرها ولا غيرها

هذه لجين اللي خلتني ادور وراها شهووور.. وبلحظة ضعف منها خلتني اذوب بيها...

-يعني بالحصيله الملك صادوه

-هه بالضبط.. الغزاله غوت الاسد ووكعته تصدك بهيج شي..

-لا ما اصدك الا بحالة ان الاسد كان غبي حشاك..

-ابن ** بقيت بيها حشاك.. انت كول الاسد عشك... وكع خوش وكعه..

-وهيج الحب غبي يخليك تترك شغلك ومكانتك والدنيا علمود مره ما تسوى بسوك النسوان فلسين..

-مو فقط مره هي.. لجين راحتي من ادخل غرفتها انسى العالم.. وابقى هايم بيها..

لجين:- سمعت حديثهم.. رغم حجى وياه عني زين. بس شكد خفت منهم.. طلع شغلهم زباله اكثر مما اتوقع

وشنو قصة اللواء القاتلي ودافني بالبانيو... اخ يارب.. خلصني دخيلك.ما اكدر اعيش.. لازم انهزم منه.

تمشيت عل اطراف اصابيعي فتحت الباب وسديته حيل.. قطعو حديثهم.. تمشيت فتت منهم.. باوعتلهم ما حجيت. عفتهم ورحت للغرفه..

ابدل.. سمعت ايهاب طلع وسد الباب مالك طب الي للغرفه.. درتله وجهي .. دا امسح مكياجي..

-اخذي راحتج.. كعد ع السرير.. لبست دشداشه قصيره.. ورحت يمه.. لزمت گصته.. بعدك مصخن.

-اتأذى واصخن من تبتعدين عني. تعاي يمي..

-جرني من ايدي الحظنه. خليت راسي عليه وهو يمسح على شعري..بقيت افكر باللي جانو يحجوه.. ابد ولا بطلت تفكير اجيبها منا واوديها منا

شلون اهرب منه و هو مثل الطفل المتعلق بيه.. لو تركته ورحت لاهلي راح يرجع لغضبه وتهديده.

ما كدامي غير بس اسافر وحدي بدون علم اهلي.. بقيت ساكته لحد ما نام.. كعدت فتحت الجنطه مالتي واخذت غراضي وفلوسي..

واخذت ملابس اليه.. بدلت بالصاله.. ودا اطلع للممر.. الرجل واكف كدامي فزيت يمه.. بس مخنزر عليه..

ردت اصرخ.. بس لو صرخت يكعد مالك.. غمضت عيوني وبديت ارتل المعوذات والعرك يجري من جسمي كد الخوف..

الهي دخيلك ارحمني فدوه يارب اسندني لا حول ولا قوة الا بالله لا وحول ولا قوة الا بالله العلي العظيم..

فتحت عيوني الرجل ماكو.. دا اريد اطلع سمعت صراخ بالحمام مخييييف جدا والباب تضررررب..

شردت بسرعه حتى ما قفلت الباب.. اخذت الجنطه.. وركضت على الدرج وارتل قران من الخوف..

اسوق وامشي.. يربي وين اروح .. الساعه 9 بليل كانت.. خابرت امي.. كتلها ماما اخذيلي من بابا عنوان اهل مالك..

كالت ليش كتلها اني افهمج بعدين.. قفلته.. شوي وخابرت انطتني العنوان.. ماما مالك اذا مر عليكم لا تكوليله خابرتني وسوي نفسج خايفه عليه وبينله قلقكم..

الام:- لجين ماما صاير شي..

لجين:- امي هسه الافضل متعرفين شي.. اني من ائمن اتصل بيج وافهمج.. يلا باي..

اخذت عنوان اهله.. اطلب المساعده منهم بالهروب عسى ولعل يساعدوني بتالي اللي ابطني حفيدهم والظالمني ابنهم وين اروح..

بس ادخل اهلي ينقتلون.. اهله ما يكدر يعتدي عليهم.. والمشكله شلون لو ما تقبلوني ... مجبوره واكع عندهم واتوسللهم..

اللهي عليك توكلت فأكلني..

رحت بسيارتي لبيتهم... بيتهم بيه حرس.. اول ما ردت ادك الباب نزل حارس من السياره وكال تفضلي..

بيت قيس جابر

-نعم تفضلي منو..

-اريد احجي وياه بموضوع..

-منين انتي.

-اخي الله يخليك بس كوله اجين شاكر تريد تحجي وياك.. والله ما عندي شي.. مشى من عندي وداس دكمه ع الجرس ...

نطق الجهاز منووو.... سيدي هاي بنيه تكول اني شنو اسمج

-لجين شاكر..

-تقربي خل يشوفج.. اتقربت للعدسه..

-اسئلها شرايده..

-عمو الله يخليك بس كلمتين احجي وياك مو اكثر ..

-خليها تفوت للكراج.

-ادخلي

-انفتح الباب ودخلت.. طلع رجال من البيت.. بيت كولش جبير وتصميمه احترافي وكله اضويه ..

قيس:- تفضلي

-عمو اني

-الاعلاميه لجين زوجة مالك .. اعرفج

-بالضبط .

-شرايده..

-عمو اني حامل ومالك شغله ظعاره وزواج غير قانوني وحياتي وياه جحيم طلبت الطلاق وما ينطيني .. فدوه بس امنلي خروجي من العراق.

-اني ما الي دخل بمالك..

-بس اللي ابطني حفيدكم سواء رفضتو او قبلتو.. حرام والله اني وطفلي نروح ضحية اجرام مالك..

عمو انقذني الله يخليك فدوه ارحمني اني وابني لا تتركنه..دا احجي طلعت مره

-امشي منا اني متبري من مالك ولا اريد اتورط بي عساه بالطالح.. هذا مو ابني

-ابو اميره سمي بسم الله البنيه حامل وجايه دخيله من اعمال ابنك.. والبطنها من دمك خل نفهم منها.

تعاي بنيتي تعاي

-فاطمه لا تورطينه وي مالك خل تروح

-هسه شنتورط البنيه متورطه دتعاي يا بنتي اهلا وسهلا فوتي

-فاطمه

-هاي شنو يا ابو اميره .. كول يا الله وخل نستوعب الموضوع على كيفنا

-اخذتني الحجيه ودخلتني للبيت.. اكو ارتباك وخوف .. بس ضبطت نفسي وكعدت

نزلن 2 بنات شابات بعمر اقل ما اعرف.. عرفني بسرعه واجن سلمن عليه ..

رسل:- يمه بالحقيقه احلى واني بالتلفزيون واكول شدعوه هلكد حلوه. حقه الخبل من انجن بيج

-ابتسمت الها حبيبتي من ذوقج

الاء:- والله متابعين البرنامج ك

ل اسبوع حتى اليوم لما جان الموضوع على الالحاد كلنا تابعنا حتى بابا..

-اشكركم شرف اليه.

فاطمه:- بناتي اخذن البنيه وخلوها ترتاح والصباح رباح

قيس:- فاطمه شترتاح. هسه يجينه المخبل ونبتلش بي .. ما اريد اتصادم وياه واني كوه صابر على افعاله..

-اووووي شبليتنه يا رجال.. البنيه شارده من ابنك الك وانت ترفضها وين تروح متكلي حرام ما يصير هيج البطنها حفيدك ..

-بقيت اباوعله يقبلني بالبيت بس الحجيه اخذته حاصل فاصل كلما يريد يحجي تقاطعه وتهدي.. الى ان كال انطيني سويج سيارتج خل ندخلها للكراج.

انطيته. وصعدت وي البنات صعدو الجنطه ورايه.. كعدو يسولفون ويايه.. واني بالي مشغول ومرتبكه من الوضع.

دخلت الحجيه.. كعدت ويانا ع السرير..

-نعسانه بنيتي ترتاحين لو نسولف احنه نسوان بيناتنا

-لا خاله منعسانه سولفي

-اني اريدج انتي تسولفين شلون تعرفتي على مالك.. بعدني اريد احجي دخل عمو قيس..

طبطبت على ايدي.. حجه هو وي بناته كاللها باباتي سويلي مجال اكعد.. كامن هنه من السرير الكبالنه وهو كعد..

وكعدت وحده يمه.. والحجيه والثانيه يمي.. سولفتلهم من اول ما تعرضلي مالك لحد حجيه اليوم ويه ايهاب..

فاطمه:- يمه يعني انتي تحسي صدك يحبج .

-اي يحبني بس خاله حياته وشغله واعتقاده صعب اتقبله... ما اكدر اعيش وياه.. باجر يصير عندي طفل وابوه هذا وضعه شيطلع ابني..

-زين تعتقدين يكدر يهتدي لو جبرتي

-يعني شلون

-يعني من يخابرج تردين وتكليله ما ارجعلك الا اتوب وتترك شغلك.

التحسن حاله خير على خير والما تحسن احنه نأملج خروجج من العراق واني اوديج الاستراليا هناك يم بين اختي..

-والله خاله اتمناه يتوب ويهتدي من الحاده واجرامه .. بس....

-لا بس ولا ابد مدام يحبج يتغير مو ابو اميره

-ان شاءالله احنه شنتمنا.. ومدامه يتمنى العائله ومل من شغله حسب كلامها. ف اني متأكد يتوب..

واذا يريد يتوب ويترك شغله اني اسنده وما اخلي واحد يتعرضله.. وامنه ابيتي لحد ما يشوف الحل شلون يهرب ..

واذا ما قبل يترك. اني اطلعج وحدج .. وامن عليج

-اشكركم جدا ما اعرف كيف اعبرلكم عن امتناني لكن اسعدتوني والله بكلامكم.. .

فاطمه:- لا يماما احنه اللي انسعدنا بكلامج وعرفنه مالك بي امل بعد ما ايسنه منه

وهسه ارتاحي.. يلا بناتي ساعدن مرت اخةجن وعزللها فراش خل ترتاح.

وانته ابو اميره امشي نحجي هناك اني وياك.. خل البنات يرتاحن

تركوني وطلعو.. بقو البنات كاعدات يمي وحده غيرتلي فراش سرير وكالت انتي نامي على فراشي..

-لا حبيبتي عادي افرش بالكاع انام اخذي راحتج ما اريد اضايقكم

-مو عيب انتي مثل اختنه ومنقبل اختنا تنام بالكاع واحنه ع السرير..

-طيب جمعو السريرين وخل انام سويه اذا اني اختكم ..

-ماشي هههههههه...

خطيه شالو الميز البنص وجمعو السريرين ووحده شغلت DVD والثانيه راحت سوتلنا شاميه وكهوه.

ابد محسسني انو اني غريبه .. يصيحون لجين و لجين كأنهم يعرفوني من زمان.. واني يا دوب افرق الاء من رسل

صاحت الاء .. فلم رعب تردن لو رومانس ..

لجين:- لا فدوه مو رعب..

-لعد رومانسي

رسل:- لج لاااااااا رومانس نضل نحظن الحايط طلعينه شي اكشن حرب دم

الاء:-اووووع دم شنو ما احب هيج افلام راح اطلع تايتنك

رسل:- شايفي الف مره دروووحي

لجين:- لا حلو تايتك صح شايفي بس مينمل.. ثنينهم كالو اوك شغلن الفيلم. طلعت الاغنيه مالته

وكفن اثنينهن على طرف السرير مثل حركة جاك و روز ويغنن الاغنيه هههههههههههه

بقينه انباوع.. التفتتلي الاء.. اكو صوت دا اسمع موبايل يرن.

-لحظه يمكن جهازي.. كمت من عدهن ورحت فتحت الجنطه مالك يتصل.. باوعتلهن.. كالن ردي مثل ما علمتج ماما..

رديت الوووو..

مالك:- وين انتي الساعه 2 وين صرتي اهلج ما يعرفون بيج وين. احجي وين انتي

-مالك اني بمكان بعيده عنك.. اذا تحبني صدك اتركني اعيش مستحيل ارجعلك بعد..

-انعل الخلفوج احركهم حرك ترجعين هسه لا تخليني اشوفج الوجه الثاني ادورج بكل مكان ومحد يخلصج مني.. حقييييييييره

قفلة الخط بوجهه........يتبع

☆☆☆☆☆☆☆☆☆☆

#توقعات_الأبراج
ابراج اليوم الاحد, 18 اب 2019 عاطفياَ ومهنياً وصحياً
الحمل
برج الحمل
مهنياً: أنت اليوم على قوائم انتظار الترقية الجديدة لتولي منصب أكبر، وتسعد بذلك كثيرًا وتتشجع لإنجاز المزيد من المهام في الفترة المقبلة

عاطفياً: علاقتك بالشريك جيّدة ولا مكان للخلافات بينكما، كل ذلك بسبب عدم السماح لأحد بالتدخل بينكما




صحياً: إذا كانت حالتك الصحية جيدة ولياقتك البدنية ممتازة، تذكر أن الفضل في ذلك لممارسة الرياضة يومياً
الثور
برج الثور
مهنياً: شخص مهم ونافذ يخفّف عنك أعباء كثيرة، ويجعلك تحتل أفضل المراتب في مجالك المهني

عاطفياً: تتبنّى مواقف الشريك المنطقية وتجدها واقعية، وهذا ما يتيح لك فسحة من النقاش المجدي معه

صحياً: تميل إلى الإكثار من المشروبات الروحية وتعرّض نفسك للمزيد من الأخطار الصحية
الجوزاء
برج الجوزاء
مهنياً: تسعى لوضع قدميك على بداية الطريق لكي تسير على خطى المستثمرين، أنت في الطريق الصحيح فلا داعي إلى القلق والخوف

عاطفياً: تتواصل اليوم مع الشريك في جو يريده أن يكون ممتلئاً بالرومانسية والهدوء، ولكن عليك الحذر من حدوث أي خلافات بينكما




صحياً: الصحة بحالة جيدة، وتعمل باستمرار وجهد لتطوير صحتك إلى الأفضل دائماً، وأن تحافظ على ممارستك التمارين الرياضية
السرطان
برج السرطان
مهنياً: لا تجازف بمستقبلك المهني من أجل حفنة من الأموال، لأنها لن تدوم كثيراً، وحاول أن تبتعد عن أجواء العمل وتستريح بعض الشيء

عاطفياً: تعزيز العلاقة أمر ضروري، وهو يرفع منسوب الثقة بينك وبين الشريك ويجعلك تهتم بمصالحه وإرضائه

صحياً: مزاجك السيّىء سببه الإرهاق، فحاول أن تجد فسحة للراحة والاستجمام والترويح عن النفس
الاسد
برج الاسد
مهنياً: اطلب إثباتات على كل عمل تقوم به أو مهمة حتى لا تقع في خطأ مهنى يسبب لك مشاكل كبيرة بعد ذلك

عاطفياً: الحب يطرق بابك فلا تصده، يظهر أمامك شخص جديد أو عائد من الماضي البعيد، استقبله جيداً ودع مشاعرك تأخذك في طريق الحب




صحياً: تناول الطعام الصحي الغني بالفيتامينات والمتنوع مثل: الخضراوات والفواكه والألبان، وابتعد عن العادات الضارة في حياتك
العذراء
برج العذراء
مهنياً: تبدأ بتحقيق بعض المشروعات التي تخطط لها منذ مدةة، ما يشعرك بالراحة والسعادة وتحقيق ذاتك

عاطفياً: يجب أن تتصارح مع الشريك اليوم في المشاكل التي تواجهانها، مع ضرورة الاستماع جيدًا أحدكما للآخر بغية التوصل إلى حل

صحياً:حاول أن تفكر في الاهتمام بصحتك، وتحقيق ذلك من خلال اتباع نظام غذائي متوافق مع احتياجات جسمك
الميزان
برج الميزان
مهنياً: يجب أن تكون حذراً لتتمكّن من التخلص من ضغط العمل بروية، وهذا يجنبك إلى حد كبير ارتكاب الخطأ

عاطفياً: عامل الشريك بما يستحق من الاحترام والتقدير، ولا سيما إذا كنت مقتنعاً بتمضية حياتك المستقبلية معه

صحياً: عليك أن تتدارك الأمور بسرعة فقد تبدأ بالشعور بالتعب والإرهاق بمجرد القيام بأي عمل أو نشاط صغير
العقرب
برج العقرب
مهنياً: حاول التخلص من الأفكار السود التي تهيمن عليك، قد تفقد تركيزك باستمرار وعدم قدرتك على الإبداع والتفكير

عاطفياً: ابتعادك عن الشريك مدة طويلة سببه واضح، عليك تدارك الأمور قبل تفاقهما والقيام بأشياء غير تقليدية لكسر الملل والروتين وبناء علاقة قوية وممتعة




صحياً: الاعتماد على الفاكهة والخضراوات والأكل الصحي أهم وجبة يومية للحفاظ على الصحة سليمة ومعافاة


القوس
برج القوس
مهنياً: تُفتح أمامك مجالات جديدة ويحمل إليك مفاجأة سعيدة او لقاء مع الماضي، أخشى على وظيفتك لأنك مثال المشاغب وخطر على استقرار المحيط المهني الذي تعمل فيه

عاطفياً: . قد يكون هذا اليوم من أصعب الأيام على الصعيد العاطفي، يحمل بعض الحيرة أو الارتباك أو الأحزان، وربما الازدواجية أو الفراق

صحياً: تناول منتجات الألبان قليلة الدسم أو المنزوعة الدسم ضمن نظامك الغذائي اليومي لتقليل كميات الدهون
الجدي
برج الجدي
مهنياً: تظهر مسائل شخصية مربكة تشتّت افكارك، وقد يحصل ذلك على الصعيد المهني من خلال مشكلة لأحد الزملاء

عاطفياً: يعود أحدهم ليقف بينك وبين الحبيب، كن مستعداً دائماً للتغيرات التي تطرأ على مشاريعك في اللحظة الأخيرة

صحياً: حاول أن تخفف من الضغوط النفسية التي تحيط بك وابتعد قدر الإمكان عن الأجواء الصاخبة

#طبق_مجلة_حبيبتي
شوربة المكرونة و الخضار :-

المكوّنات:

1 بصل متوسط الحجم، مقطّع تقطيعاً رفيعاً

ثوم مهروس - فصان

كرفس مقطّع - غصن

زيت نباتي - ثلاث ملاعق كبيرة

فراخ مسلوقه مكعبات - كوب

1 جزر كبير مقطّع تقطيعاً رفيعاً

مكرونة صغيرة مسلوقة او نودلز - ثلث كوب

مرق دجاج - 4 أكواب

طريقة العمل :

1- حمّي الزيت واقلي البصل والثوم والكرفس والجزر إلى أن تذبل الخضار.
2- أضيفي مرق الدجاج واتركيهم إلى أن يغلي المزيج.
3- غطّي القدر لفترة 10 دقائق.
4- أضيفي المكرونة وأعيدي تغطية القدر. إطهيه إلى أن تلين الخضار.

#فقرة_شعر
‏العسل مايوم عند الناس ... ينمال
وگلبي الغير شخصچ عيب ... ينمال
دهرني الخصر من ممشاچ ... ينمال
حول طگني ورباعي الشلل بيه ...

اغار اعليك من الهوة لو فات ..
واحبك مو مثل باقي اليحبون ..
ماتلكة اليعزك مثلي هيهات ..
وانة الشوفتك ضميت العيون ..
افرح من اشوفك يوم مرتاح ..
واحزن لو اشوفك يوم مهموم ..
واذا صب الدمع من عينك وطاح ..
اطيح انه عله وجهي وبعد ما اكوم .

نص روحي #اخذها
وياك لا والله #كلها
من #فدوه لك
هالروح هيه #واهلها ......💔

#فقرة_هل_تعلم
- هل تعلم أن كميه الحديد في دم الإنسان يساوي حجم مسمار


-الفيسبوك و اليوتيوب و تويتر مواقع محجوبه في الصين

- هل تعلم عدد الدجاج في العالم أكثر من البشر

#فقرة_نكات
اكو وحده جانت تمشي وره جنازة زوجها وتضحك😳
سألوها ليش تضحكين⁉️
كلتلهم اول مره ادري بي وين رايح😅😂
😁😁😁😁 😁😁😁😁✋

#قصة_عراقية
//

الحلقه_30

قفلة الخط بوجه مالك.. وباوعت للبنات..

الاء:- اتركي خلي يحس بيج وبعدين اشرطي عليه..

لجين:- اخاف يأذي اهلج..

الاء:- اذا حاول يأذيهم.. ابوي يدخل ويگله عندي.. يله خل انام..

رحت يمهم نمت وياهم على الفراش وافكر بمالك.. ادور غلقت الجهاز بوجهه شراح يسوي..

بقيت اباوع الفلم ومتمدده وبالي بغير مكان لحد ما غفيت بصعوبه لان المكان غريب.. ما اعرف يمكن تعودت على مالك..

كعدت الصبح البنات ماكو.. نزلت كاعدين كلهم بالمطبخ فارشين وخالين صينية الريوك.. وملتمين

-صباح الخير

-ردو كلهم صباح النور..

فاطمه: تعاي تريكي يمه

-بس اغسل

-اي الاء كومي ماما وياها دليها الحمام..

-لا خليها كاعده تاكل خطيه بس كوليلي بأي اتجأه..

-نهاية الممر على ايدج اليسرى..

-اهااا.. رحت للحمام.. غسلت ورجعت يمهم.. كعدت .. كام عمو قيس كال اني اروح محتاجين شي..

ردو عليه لا بالسلامه..

-يلا اودعناكم

-انطتني رسل صمونه حاره والاء صبتلي جاي..

فاطمه: يمه لا تتقيدين احسبي بيتج واحنه اهلج اخذي راحتج. واني حجيت وي عمج وفهمته عليج

-ما اعرف شلون اشكرج خاله

-لا عاد شسوينه انتي هم بنيتي صدك مالك ما يشوفني ولا يطيقني.. بس اني الله شاهد احبه ما عندي شي وياه واتمناله الهدايه.

-انتي مرت ابوه موو

-اي

-زين امه اخوته وين..

-ماتو من زمان..

-شلون ماتو

-ما حاجيلج هو ؟

-كل ما احجي وياه الموضوع يتضايق حيل ويكوم.. فخفت اذكره بشي جارحه.. لهيج سكتت عنه

-شوفي بنتي مالك جان ورده وولد دره مال الله. خلوق وطيب بس وفاة امه واخوه هي الاثرت عليه.

-شلون

-اخته اميره الجبيره ما عنده غيرها لا اخ ولا اخت .. وهي شلون اميره.. صدك اميره من الحسن والجمال الشايلته

العيون نرجسيات .. والناااعم ولونه بني فاتح وتسوي نگرو وبيضه وتارسه شويه.. جان موديل البنيه حلاته بجسم مليان.

الضعيفه هسه اجه موديلها جنه نسميها المعصعصه. بس اميره مليانه.. والثوب كله جوه الركبه مال رجلها وعظلة رجلها بيضه تجنن

-انتي تقربيلهم

-اي اني اصير بنت عم ابو اميره... تزوجنه بعد وفاة المرحومه ام اميره.. وصار عندي بس هلاثنين بنات الاء و رسل

-الله يحفظلجياهم يارب...اي كملي على اميره..

-اميره جانت مذيعه بتلفزيون وحلوه والخواطيب طوابير لحد ما خطبت لواحد اسمه غسان...

جان مالك روحه من الدنيا اميره. مو بس اخت هي.. يعتبره اخت وصديقه وام كل اسراره يمها.

لحد ما اجه ذاك اليوم اللي دعوها على حفله من حفلات ابن الريس.. گبل..

راحت هي وصديقاتها وواصدقاءها للحفل.. بس هناك واحد من اللي يشتغلون بالحكومه طالبها. هي رافضته لان جانت مخطوبه..

من رافضته باقي مهددها لو تجي وياه لو يشمرلها تهمه عميله او اي شي يسجنوها ويقتلوها

ما قابله تروح وياه.. فداز جماعه معتقليها.. على ابو عليها تهمه .. من رايحه هناك ماخذها.. وبعدها تاركها بس معذبيها هواي ومهدديها اذا تحجي تنقتل..

-زين وعمو شنو جان يشتغل هو مو بالدوله..

-لا ما جان بالدوله وره السقوط انظم لحزب وصعد وياهم..

-اي كملي

-بس هم جانو يدورون عليها بس ما يعرفون وين معتقليها..

خطيبها فاسخ الخطبه بمجرد ما عارف بأمر اعتقالها خاف يتورط من وراها..

من رجعت وحجت لاهلها على اللي سووه بيها والتعذيب اللي بجسمها.. ما يكدرون يشتكون.. لان اللي طلبها بالحكومه تنكتل .. ف

قررو بيومها يطلبون اذن مقابله وي الريس حتى يشتكون يمه لان محد يحل مشكلتها ولا احد يكدر يوكف بوجه الحكومه غير الريس

.. جان الريس يحدد يوم يلتقي وي الشعب يشوف متطلباتهم.. واذا امر بشي.. لو شخص محكوم عليه بالاعدام يطلع فورا عسى لو الحبل على ركبته يتنفذ الامر فورا..

هذا الحجي مالك ميعرف بي.. جان اقسام داخليه بالكليه.. من راجع وحاجيله .. صاير نار وخابص الدنيا ومكعدها.. ومن عصبيته كاتل اميره ورايد يذبحها..

بس بعدين تدخل من امه وابوه .. عايفها لما كايله ابوه لازم ناخذ حقها ونشتكي دمرو حياتها .. بذاك اليوم مالك طالع من البيت غضبان وما راجع

بيومها.. الكلاب صاير عدهم علم ان اميره واهلها قدمو طلب للريس بالمقابله.. واذا وصلت للريس ما يرحم..

طابين عليهم بليل كاتلين اميره وامها وابوها ..

ناقليهم الجيران بالاسعاف بس ابوه ناجي من الاطلاق واميره وامها متوفيات.... خابرو على الاقسام وطلبو مالك .....مالك وكالوله اهلك هيج وهيج .

جاي ركض متخبل..امه واخته بنفس اليوم.. مشكك اهدومه ويبجي عليهم لحد ما واعي على نفسه النار كايمه تشب منه يريد يروح يتكاتل ويه اللي كتلهم..

-يعرفونه اللي اعتقلها او القتلها

-اي يعرفونه .. بس ما يتحاجه لان جان اله منصب بالحكومه..

-اهاا خطيه

-اي ماخذ سلاح ورايد يهد على الرجال ذاك الكتل اخته.. بس عمامه مدخلين ولازمي وحابسي..

باقي مثل المخبل يدك وينوح ويكلهم اخذ شرفي وكتل امي وتردون اسكت... عمامه متكاومين عليه ما خاليه يروح يتعارك وي

اهم..

شيتعارك هم ذول يتقارشون غير يدفنوهم ببيوتهم... بهذيج الفتره ترك دراسته وصار مثل المخبل..

لان اخر ذكرى جانت اله وي اخته وهو يضربها.. وهو يعتبرها صديقته و كلشي بالدنيا.. متخبل من وراهم لدرجة رايدين يدخلونه مصح

من بعد ما منعوه يروح يعتدي عليهم.. ولا قابلين يرفعون دعوه من الخوف اخوة ابو اميره ما قابلين..

كالو هنه ماتن والكاتلهن يم الله يتحاسب وهسه اذا نرفع دعوه ننكتل كل احنه فسكتو ..

ومالك غصبه ابوه و طلعه للاردن يعيش هناك.. بس عاش فترة اكتئاب وحاله نفسيه فضيعه..

لحد ما سقطت الدوله ودخلو الامريكان.. وره شهر واحد هو اجه متحزم يريد ينتقم.. جان مصادق واحد اسمه ايهاب.. هم عراقي

-اعرف صديقه الخسيس

-هو هذا ساس البلا.. اي.. من راجعين وتاه البلد وسقط القانون.. راجع مالك وايهاب مدورين على الرجال اللي اعتدى على اميره..

ولاكينه.. شمسوين.. مصوبه الرجال برجله و مغتصب مرته وبنته هو وايهاب گبال عينه ... وطالعين...

منها وبدا بالطريق الاعوج.. صار شغله بالسياسه وتصفيات حزبيه.. بقى وياهم..

جان حرب هو وابوه لان ابوه بعد السقوط هم انظم لحزب وارتفع وياهم ومالك تشويه السمعته قاتل...

حاول ينصحه شكد ابني توب اترك هلسوالف.. مالك ما رد.. اخذته العز بهذا الشغل فلوس وعز وشحده اليوكفلك..

اتبرى من ابوه.. كام عمج كلما يروحله مالك يطرده.. يريد يهدي مالك ما يرد.. وبقى يشتغل وياهم..

-زين والحاده.. شوكت الحد

-الحاده من جان بالاردن وي ايهاب.. باقين يدرسون هذا الفكر.. لحد ما خرج عن الدين

بس ما صارلنه هواي من عرفنا اقل السنه يلا اعترف بالحاده.. بس رغم هاي عمج ما عايفه يراقبه ويدعيله دووم الله يهدي تعرفين بس هذا الولد..

واني حاولت اجيبله الولد ما صار بقى بس مالك.. فبقى يراقب مالك وكل تحركاته وبين فتره وفتره يروح يحجي وياه عسى ولعل يتوب

-شيتوبه مالك بنص مستنقع الاجرام.. صعب يهتدي..

-لا متأملين خير.. احنه من حبج كلنه يا الله وعرفنه راح يتعلق بيج.. لا انتي واخته بيكم صفات مشتركه..

-يعني شلون

-الحنان الفقده من امه واخته ودفء العائله جاي يدوره بيج. من يشوفج يتذكر بيج اخته ... وهم مذيعه مثلها..

حتى انتي وياها بيكم شبه بنبرة الصوت..

-من هاي حب صوتي بالاذاعه ودور عليه خاف علمود لان اشبه صوت اخته

-اي هو مبين لكى بيج العائله الفقدها بين ليله ويوم.. ف ما يقبل يتركج..

- كسر خاطري خطيه ههههههه..

-انتي هم تحبي

-جنت اعشقه.. وخسرت اهلي كلهم على موده ولليوم اكذب لو كلت اكرهه.. بس واقعه غير اللي جنت احلم بي.. رجل مخيف وطباعه صعبه اضافه الى الحاده.

-شوفي موبايلج خاف مخابرج.

-خل اصعد اشوفه صدك... ركضت للغرفه باوعت موبايلي مخابر 36 مره.... خابرته.. بساع رد..

-الووووو وييييينج وين انتي احجييييي

-حبيبي صعب ارجعلك بعد والله انساني

-اذبحج وما اتركج هسه ترجعين..

-مالك ارجع بشرط..

-تتشرطين عليه لجيييين

-مالك تترك شغلك وترجع للاسلام وتترك الحادك..

-انتي شعليج بفكري وعقليتي.. لجين اني راح اجن انتي ويييييين

-ما ارجعلك والله اذا ما تكولي موافق

-كتلج صعب اترك الشغل لجين

-والاسلام..

-لجين اني مريض لتركيني

-حبيبي مو مريض وانما البيت مالتك مسكون.. والجثه اللي جوه البانيو هي اللي مأذيتك..

-انتي شمدريج

-سمعت كل حجيك ويه ايهاب..

-لجين معليج بكل هذا ارجعيلي

-مالك انت ارجعلي منهم.. اني حامل ابأبنك... حرام عليك خلي نعيش مع بعض بسعاده واترك هذا الشغل..

-انتي وينج

-ما ادليك الا تكول الشهاده.

-اوك ماشي بسيطه ...قفل الخط بوجهي.. مدام ما اشهد.. ما اريده. خابرت ماما كالتلي اجه هنا مثل المخبل حلفتله ما اعرف وينها ولا حاجيتلي بعد ما ايس طلع من عدنا يهدد

سديت الخط من ماما ونزلت ويه اهله.. ناس محبوبين.. بساع تعايشت وياهم..

بقيت لليل جوه وياهم... رسل انطتني غرفتها القديمه نضفناها سوه وكعدت بيها.. ونمت ارتاح شويه..

حسيت الباب انفتحت... فزيت.. مالك كبالي.. كمزت على حيلي.. ما حجيت ولا كلمه من الخوف

-عبالج تنهزمين مني

-مالك ابتعد.. اني ما اريدك.. افتهم حرام عليك.. تقرب اليه ولزممني حيل من زنودي..

-اشهد ان لا اله الا الله واشهد ان محمد رسول الله... احبج لجين لا اتركيني

-بقيت متصنمه الدا اسمعه حقيقه.. لو حلم.. حظني واني مثل الصنم.. لحظه ارجع عيد دا استوعب

-ههههه لج احبج ومستعد اتخلى عن الدنيا كلها مو بس الالحاد على مودج.. انتي امي انتي اهلي ما اكدر ابتعد عنج..

-رفعت اديه لراسه وحظنته حيل...ورجعت.. وشغلك..

-جنت احجي اني والوالد بهذا الموضوع.. راح انسحب منهم تدريجيا.. ونروح اني وياج وابنا لغير مكان يوسعنا.

-هههههههه احبك ... حظنته.... غمرت راسي بصدره حيييل.. فعلا حسيته يحبني واني مو بس احبه اموت عليه..

-لجين اني انجن اذا تبتعدين عني...

-لا مراح ابتعد وعد ههههههههه .. حبيبي

-ر

فع حنجي.. مشتاقلج

-ابتسمت.. تقرب باسني... وشالني بأثنين اديه.... هههههه مالك راح اوووكع..

رجعني للسرير... اموت عليج ... ههههههههه........

غافي هو.. واني على ايده...مديت ايدي العب بحواجبه.. فتح تك عين بنعاس..

مالك

-هممم

-الرجال الجوه البانيو لخاطري طلعه ادفنه

-لتشغلين بالج بهيج امور.. اتركيها..

-زين ليش قتلته..

-لجين تكدرين تنزلين تسويلي عشا.. جوعان.. مماكل صار يومين من وراج..

-اي ادلل.. بس اوكف لحظه شعرفك اني هنا عند اهلك

-سمعت صوت الاء تصيح رسل وانتي تحجين وياي فعرفت انتي وين.. ف رحت لوالدي بقى يحجي وياي وعلى متطلباتج..

كتله اني موافق اسوي اللي تريده لجين واريد اخذه ونطلع بره..

-تصالحت انت وياه لو لا

-لا بس حجيت وياه عليج.. كال اصعد هي فوك بغرفة رسل.. دلتني رسل ع الغرفه واجيتج

-مالك ما ارجع للشقه

-على ما اترك شغلي ونسافر لجين ما اكدر

-ابوك ما يقبل نبقى هنا

-اني ما اريد اكابلهم

-تره يحبوك والله..

-اخذ نفس.. كومي سوي عشا..

-مالك فدوه الشقه ما ارجعلها والله اخاف..روح الضابط بالشقه والله..

-يا روح انتي متسكتين..

-والله مجنت اؤمن بهلاشياء مثلك.. بس شفتها بعيني حقيقه وبعدين تعال انت شلون دافنه جوه البانيو..

-ما رد..

-واني اكول البانيو ليش عالي تنفرج رجلي لما اعبره.. طلع ضاملك بشر بي

-راح تسوين عشا لو شلون كلت جوعان

-تركته ورحت للبنات اخذت رسل. نزلت ويايه للمطبخ سويتله اكل.. دا اسوي اكل.. شفت ليمون.. ذبت عليه..

كشرت وكعدت اكل.. ما تحملت حموضته.. لان اصلا معدتي بيها حموضه من الحمل.. بس اشتهيت دولمه حلوه واعصر عليها ليمون..

باوعت لرسل يمي واني اسوي اكل.. لج رسوله شكد مشتهيه دولمه حلوه واعصر عليها ليمون..

-دولمه حلوه اشلون

-مضايكتها بس تخيلتها..

-ليكون دتتنسين

-شعرفني خلصت 3 اشهور ناسيه كلشي اسمه نساوه.. بس هسه مدري اشلون اشتهيت..

-هههههه اني اكول لماما باجر تسويلج

-لا عيب خطيه ما اريد..

-لا شكو يمعوده اصلا حامل تحصل اجر اذا سوتلج التشتهيي ..

-مشكوره.. كملت الاكل وصعدت.. وخليت الاكل لمالك.. ما اشتهيت اكل وياه بكد ما اشتهيت الدولمه..

-شو صافنه

-مشتهيه دولمه..

-ههههههه.. تنسيتي

-ما اعرف ضاله ابالي..

-كومي..

-وين

-بدلي ومعليج

-كمت بسرعه ركضت سبحت و لبست واجيته ... نزل كبالي مشيت وراه ... مالك لازم نكول لاهلك احنه طالعين

-امشي معليج..

-ركبت السياره وياه.. الساعه 11.. طلع للمنصور .. دخلني مطعم.. حتى ما كان اكو ناس هوايه

جانت الكراسي مثل التخم.. للحايط.. وصاير بزاويه و تهويات من فوك ينزل هوا بارد.. كعد مالك يمي.. ولف ايده على متني..

اجه النادل.. كاله اريد دولمه حلوه وليمون.

-كاله عدنا بس دولمه حامضه

-باوعلي.. كتله ماشي بس كون ليمون وياه... راح النادل.. مد ايده على بطني.. شو مدتبين ..

-بعدها صغيره...

-شوكت تكبر..

-هو منا وهيج

-ليش هيج تبتعدين عني مو تعرفين ما اعيش بدونج..

-هههههه.. بعد ما ابتعد.. بقينه نسولف.. جابو ماعون واحد دولمه .. درت وجهي لمالك.. وانت متاكل

-مو اكلت بالبيت.. اكلي انتي..

-عصرت ليمون ع الدولمه وكمت اكل حامضه حييييل.. اكل واكول هممممم... الله وهو يضحك..

-بالله اشو شهيتيني... مد اخذ وحده واكلها... يلعن غيرتج تموت حامضه..

-ههههههه كملت الماعون كله.. وطلبلي عصير بطيخ.. حتى تعادل الحموضه بمعدتي.. شبعت وكمنا

-رجعنا كبل.. بدلنا ونمنا على سرير نفر.. وهو يبعد بخصلات شعري ويشتم بوجهي.. لحد ما دخلت بنومه ما كعدت منها غير الصبح

مالك مموجود.. كمت على حيلي.. نزلت جوه.. خاله فاطمه والبنات ديسوون دولمه.. وحجت رسل مو اشتهيتي الدولمه

.. ضحكت لج لا رحت اكلت البارحه..

-وين بالحلم ..

-لا مالك اخذني لمطعم بليل.. بس حامظه مو حلوه..

فاطمه:- هاي اني سويتها حلوه ادللي

-ابتسمتلها مشكوره.. وكعدت اساعدهم باللف..

مضت 5 شهور.. واني ابيت اهل مالك.. ما قبلت نرجع للشقه.. اضطر يبيعها ويحول فلوسها للبنك.. لحد ما اجيب ونسافر .. القناة تركتها بسبب الحمل

بالشهر ال8 من الحمل.. اهلي قررو يسافرون ماما وبابا طلبو لجوء للسويد وبيت عمو هناك سحبوهم..

فخابرتني ماما اذا اسافر وياهم اني ومالك يسحبونه هم.. مالك رفض.. فرحت اودعهم.. هلكد بجيت عليهم

كل هاي وبابا ما سلم عليه لليوم غضبان عليه .. حظنت ماما ابجي بقت توصيني على نفسي ولا الطفل اللي ابطني وكالت اتواصل وياج على السكايب .. ودعوني وراحو..

بس انتهيت من راحو .. حسيت روحي بقيت وحيده هتا محد الي.. صح بابا متبري بس اسمهم اهل الي ابغداد..دخلت بحاله نفسيه بعدهم

لا طلعت ولا مشيت بس بغرفتي واتذكرهم وابجي.. مالك يحاول يغطي على غيابهم يريد يطلعني ما اقبل.

بس الم الحمل تعبني.. بس كاعده وابجي . اجه مالك نام
على السرير وحظن بطني وخله راسه عليه

ا.

تحرك الطفل حيل.. وحركته واضحه .. بطني تتعقج من تتحرك..

-باعي باعي باعي شلون حست بأبوها وتحركت بويه فدوه اروح لرجلها.. يبوس ابطني حيل وهي تضرب المكان اللي يبوس بيه

وباقين هو يبوس وهي تضرب واني واكعه بينهم بس الالام محصله.. شراح تسميها مالك

-بيلا

-امممم شنو وين كاعدين.. سميها خديجه.

-لااا مو خديجه.. اني اريد اسميها بيلسان نوع من انواع الزهور.. و دلعها بيلا.

-ههههههه

-حلو موو

-اي حلو..

اول ايام دخولي لشهر التاسع.. صارت عندي بليل الام الولاده..مالك ما كان موجود..كال عندي شغل ومسافر جان بوقتها..

كعدت اصبر ع الالم لحد ما يصير الوجع كل 5 دقايق حتى اعرف هذا الم الطلوگ

بداية الليل كل ربع ساعه يجي الوجع.. بعدين كل 10 دقايق.. نزلت شربت جاي دارسين وهيل والالم ذابحني كوه اوكف..

اخابر على مالك ميرد حتى لو مسافر بس احسه بس هو اليه هنا احتاجه وياي بالولاده..

لحد ما وصلت كلش... كمت اصرخ اااااااخ الحكوووولي.. نزل عمي وعمتي بسرعه. والبنات..

اخذني عمو قيس بالسياره بسرعه للمستشفى.. وعمتي تگودني لصالة الولاده.. وصلت لغرفة الولاده اني الطفل عندي واصل..

الدكتوره تكولي اصعدي.. كتلها بس اصعد يوكع الطفل.. واتلوى من الالم.. وقابضه رجليه..

ساعدتني اصعد كوه.. اول ما نمت . طلع الطفل من عندي صرخت بكل صوتي وج مامااااااااااااا... تمنيتها وياي بهاي اللحظات بس ماكو بقيت ابجي عليها...

بس اني بصالة الولاده جنت..

جيبتني بسرعه.. وخلت الطفله على بطني.. اريد اباوعلها احس هلكت من الوجع مابيه اخذو الطفله ونضفوني وطلعوني.. للغرفه.

اجه عمو قيس يصيح الحمدلله على سلامتج... وعمتي فاطمه بيدها الطفله.. كالت شتسميها.. كتلها بيلسان..

اخذها عمو كبر بأذنها.. وردد اسمها على مسامعها.. وانطاها لعمه فاطمه..

فاطمه:- ترضعيها يمه خطيه جوعانه

-كعدتني كوه ارضع بيها.. لحد ما طلعنا من المستشفى لكيت البنات محظراتلي فراشي وفراش الطفل جوه بالصاله

جابولها حليب وممه.. وخطيه دارو الطفله ابد مكعدني او كللي كعدي رضعيها من اكعد اني اطلبها وارضعها

3 ايام على الولاده و مالك ما اجه.. مبايله مغلق... وللان ما خابرنه من رقم دولي حتى نحفظه..

بس ماما خابرتني وفتحوزويايه كاميرا شوفتهم الطفله ماما بقت تصلي على النبي..الطفله بس عيونها اليه ملونه الباقي كله لمالك ..

الحواجب العيون الحنك حتى دورة الراس كلها على ابوها.. امي تكول كد ما تصفنين بمالك طلعت نسخه منه. رحمه بس العيون اخذتهن منج. هههههه

3 ايام على ولادتي بليل دا ارضع بيلا .... رن موبايلي رساله..

شفتها رساله مصوره.... فتحت الرساله و اشوف ناديه ومالك نايم بسريرها... اني شفتها لو كمت الطم..

احترك دمي... اتصلت بسرعه.. مغلق ... بقيت الوب لا اندل مكانهم ولا اخابر وترد دزت الصوره وقفلت الموبايل وخلتني بالف يا ويل وابجي .........يتبع

☆☆☆☆☆☆☆☆
متابعه ممتعه..


الحلقه_31

كنت دا ارضع بيلا.. ف دك موبايلي.. باوعت صفح عليه.. رساله.. مديت ايدي واخذته.. رساله مصوره...

فتحتها.. واشوف الصوره الناديه.. وهي بحظن مالك وهو نايم.. تخبلت ضليت الطم.. شمرت الطفله من ايدي..

ووكفت على حيلي واتصل مغلق.. لا يا الله.. طلعت روحي بنت الكلب بس بعثتلي الرساله وقفلة الجعاز حتى تخليني بالويل والغيره.

اتصل بمالك ماكو.. بقيت افتر منا ومنا.. واتصل بالرقم ماكو.. البنيه بقت تبجي.. بس غير كون الي خلك الها..

احس النار تسعر بداخلي.. ميتوب والله ميتوب .. اخ يابه شتحمل منه وشكد اصبر عليه ما اعرف..

لو راضيه بابن عمي وقابل بالحبسه مالته ولا مالك واجرامه وخيانته على الاقل ذاك ما جرب يخون...

يا الله شسوي.. اريد ارضع الطفله.. خفت عليها ارضعها واني اعصابي تلفانه. سويتلها ممه... وكعدت ارضعها وابجي..

اباوع لوجه لملامحها كلشي بيها لابوها.. يعني شسوي ويصير ادمي.. تعبت منه والله يا ماما تعبت..

يا بنتي متعرفين شلون ايام وشكد ليالي عانيت بيها وي ابوج.. لا اكدر احجي يكولون هذا اختيار ولا اكدر اسكت كلبي تعب حيل من السكوت.. شسوي والله تعبت..

طبت عمه فاطمه..:- ها خير بنيتي شبيج

-مسحت دموعي.. لا هيج.

-كولي يوجعج شي..

-لا بس مالك

-شبي

-طلعت الرساله وشوفتها الصوره..

-يا ولج يمه.. هاي منو

-زوجته القديمه اسمها ناديه..

-سوده عليه والله متستاهلين ولا هم يستاهلون دموعج .. اسكتي ييمه اسكتي..

-عمه والله تعبت منه.. صبرتله هواي.. وهاي صفيت بالبلد وحدي محد الي غيره.. غير يرحمني غير يحس بيه شسوي واخلي يحس

اخذت الطفله من ايدي وكامت ترضعها وحجت..

-اسمعيني بنيتي.. الرجال اذا تبقين ادورين وراه وتنقعرين على اقل تصرف منه.. راح ينهد حياج انتي مو هو

هم ما عليهم غير ونستهم ويكلج اني شاب ومن حقي.. ف مدام همه هيج.. عيشي حياتج ولا تهتمين.. ركزي على بنيتج وعوفي..

-صعب خاله مو بيدي.. انجن..

-انجنيتي ش

ستفاديتي..؟ بس انتي تنظرين.. وهم ثعالبه بعد كل هلقهر والمرار من يجون يعتذرون و بضحكه بغمزه بكرصه ننخدع ونسكت ونضل نضحك.. وننسى

بس بعديش بعد ما شاب كلبج وحركتي دمج.. وهم ما عليهم شي من هاي البنيه تكبر گبل الرجال لان هم ضاربين الدنيا بعرض الحايط واحنه لكلشي نحسبله حساب

-عمه غير كون بالكيف والله مو بيدي..

-تعلمي.. تره هو صح عنده سوالف مكسره بس يحبج وشاريج.. وهلتشوفينه كلمة ابوه ما ياخذها ومن تحجين يگلج تأمرين وتدللين..

يعني هسه انتي لو ما شايفه الصوره تهتمين.. جان حسبتي مسافر ومتأخر ومن يجي تستقبلينه وتعيشون حياتكم..

بس هي هاي الفاسده من دزتلج الصوره.. غايتها تخلق مشكله بينج وبينها.. ولو بيها خير ما اخذها بالسر..

الرجال اذا استحى من مره وهي مو بعينه ويردها بس فراش خلاها بالسر.. وغمه التقبل الروحها رجال يهينها بالسر..وما يعترف بيها..

اما انتي غيير.. ام بيلسان اللي يباوع لحلكها لو نطقت يكللها لبيه.. اصبري على زوجج يمه تراه يحبج..

-بقيت ساكته شحجي.. بس بعدها النار بگلبي.. نامت بيلا بيد عمه ورجعتها للكركوت.. راحت اني صعدت جبت اللابتوب مالتي..

وراسلته ع البريد.. وكتله ع الصوره.. وكتله احسابك من تجي.. ودزيتله صورة بيلا..

ونزلت اللابتوب ويايه جوه.. ونمت وبقت بيه سوله كل شوي اباوع على اللاب بلكت شافها..

ما شافها لا الصبح ولا الضهر.. لليل.. يلا شاف الصوره.. دز لا لا صدك جبتي لجين.. كلتيلي بنهاية الشهر وانتي بجر تكملين شهرج..

لا لجين اوووف يابه شلون تخبل.. من الصبح جايج وعيونج..

بس هذا الدزه.. بقيت صافنه حتى ما رد او علق على خيانته.. وكأن ما شاف كلامي وغصبي بخصوص الصوره..

بس دزيتله. عساك لا جيت.. رد احبج حتى وانتي معصبه.. يابه دا اتخيل شكلج وانتي عصبيه العيون تنطي الوان والشعرورات يوكفن الوحدهن والخدود كلوبات حمر والحواجب سيوف هههههه...

-اخذت نفس.. شرد عليه.. صرت احسه تافه.. ميهتم لمشاعري.. عفته وبعد ما فتحت اللاب..

بقيت الليل كله سهر ويه بيلا.. حتى لو يجون البنات ياخذوها مني ما تغفى عيني وهي تبجي الا اخذها اخليها ع كلبي واسكتها..

وكأنها تعرفني بس تشتم ريحتي تسكت وتغفي.. ومن احطها تبجي .. بقيتها بحظني و راسي على التخم خليته ونمت..

لهناك رجعتها لفراشها ونمت.. ساعه وحسيتها تبجي بس اخذها عمو قيس وهو يكلها جدو حبيبتي ليش تبجين.

شاله وصاح على عمه فاطمه.. كاللها امها نايمه خطيه داريها.. اني هم غلست عليها لان متت من التعب..

لهناك وسمعت صوت مالك هو ويعيط فرحان ببنته... وياخذلها صور.. ويصيح بويه بنتي تعدل عشر نسوان..

بيلسان مالك. حتى الاسم هيبه على ابوها.. بودي اكوم اشوف فرحته بيها.. بس الزعل البداخلي ما خلاني.. مثل ميكولزن الهيبه الزعلانيه متسمح

بقيت بفراشي استمعله.. نص ساعه ترك بناته.. واجه للغرفه..

-ام بيلووو ... مرتي الحلوه ..

كشف البطانيه.. واني ايدي على راسي.. ومسويه روحي نايمه.. صاح لك بااااااااوع.. الكرش راح.. شوف الخصر يابه.. ويقيس بخصري..

ما رديت ولا انطيت جواب.. تمدد ويايه بالفراش.. ومد ايده هوه راسي..

-وخر مالك

-ادري زعلانه وحقج عليه من فوك لجوه كدامج شاردين احجي اعترف اني الغلطان.

-ما اريد احجي شي وخر مني.

-تعرفين زعلج يذبحني.. لج دباعي شجبتلج.. طقم ذهب يلوك للحلوه مالتي. دكومي شبيج

-روح انطيه للعجوزه.

-تخسي ما تلحك اضفرج. لج شبيج بس احجي وياج دباعي الطقم..

-ولا تحركت ولا ابد..

-لجين هاي شبيج.

-كمتله على حيلي .. شبيه .. بيه لوعه ااااهلكبرها.. وحدي هنا محد الي واطلك ولا ام ولا اب يمي ولا انته... ابجي بالولاده وحدي..

وحظرتك ملتهي ويه الساقطه محاظن.. واني هنا بالف يا ويل يلا جبت.. شفت الموت بعيوني وحظرتك ع الجاهز كلللللللوش صارت عنده بنيه..

ولا وتتسمه بسمك واني طززززز.. اسهر الليل كله واغفى واني كاعده وانته ماكو.. المن ماخذتك هااا المن. بس اسمك رجال

طلكني ما اريدك افتهممممممت طلكني.. راد يلزمني. مااااا اريد تلزمني انته فد واحد نكس ما اقبل تنكسني.

--لجين حقج ومعذوره باللي حجيتي بس لا تتجاوزين

-ايييي لجين لا تتجاوزين لجين لا تحجين لجين لا تسألين لازم اعيش وي حظرتك صما بكما عميا فهم لا يعقلون مووووو

دا احجي طبت عمتي فاطمه. سمو بالرحمان خيرج يمه.. كولي يا الله..

مالك:- ماكو غير بنت الكو...... الكلبتي مرتي عليه. ما جان السانها هيج عفتها فاره ثرتيها عليه ..

مو صوجج صوجي اني عايش وي زبايل مثلكم.. الا انتي خلقه اخلاق واخلي مرتي وياج وتعلميها على هلسان وتخليها تتجاوز عليه..

قيس:- مااااالك .. احترم لك فاطمه بمثابة امك..

مالك:- خو قندرتي احسن .. شنو هاي وتقارنها بأمي.. ولا انت مثلها وادافعلها

قيس:- الزم احدودك ولكككككك

مالك:- انت اللي الزم حدودك وياي ودير بالك تفرع صوتك بوجهي فاهم.. لو تضل اخر اب بالدنيا ما احترمك افتهمتتتتت..

قيس:-

اني وياه.. ورحنا للحفل.. كان عباره عن بيت كبير او فيلا.. وبيها ناس بكل مكان..

كل رجال وياه مره.. تقرب مالك لرجال اسمه ميشيل.. كاله اعرفك زوجتي..

-هلاء هيدي زوجتك ولا اميره من اميرات بريطانيا. واخذ ايدي.. راد يبوسها.. درتها وسلمت من ذوقك..

مرتاحيت للمكان.. اجه النادل شال ميشيل العصير وقدم اليه نبيذ ابيض.. كلتله ثانكيو ما اشرب..

-بس هاد كرمالي

-اسفه صدقني ما اشرب ابد.. ولذوقك راح اطلب عصير.. برتقاال لو سمحت..

-شو بتشتغلي

دا اريد احجي.. نطق مالك.

-مودل.. تشتغل مودل

-اهااا بتشتغلي مودل.. لكان هيك عن جد بيلبئلك ان تكوني افضل مودل لان جمالك وجازبيتك بيجننو

-من ذوقك.. مالك نكدر نكعد الحذاء اذتني..

-اه طبعا بنقعد.. تفضلي..

-مشيت وكعدت عرفني ميشيل وزوجته ماريانا وصديقه جون.. جابو العصير وقدمولياه.

-وقعدت اشرب بالعصير.. الجو ممل جدا .. واحس صارت عندي دوخه.. اريد انتبه الحديثهم.. وهم يحجون عن الصفقه وان مالك يطلب مهله.

بعدها ما حسيت شنو كامو يحجون حسيت ان الدنيا كامت تفر بيه.. لحد ما فقدت الوعي...

فتحت عيني.. الوجع البراسي ما اله مثيل.. اريد اركز واشوف.. ما اشوف ضوه خفيف..

كعدت واحك براسي اخ ياااابه موتني الصداع.. انتبهت لنفسي بوضع مو لائق.. جريت الغطا

هاي اني وين.. وكفت اريد اسيطر الدنيا تميل بيه.. ياااابه.. جريت ملابسي ولبست.. انتبهت واني البس الغرفه مو غرفتي

ميشيل:- صباح العسل يااا عسل..

-كمزت.. ورجعت وره.. منو انته وشدخلك هنا.. اطلع بره

-له له ليش هيك.. ما مبارح كنا ما احلانا انا وياكي ع التخت.. بتجنني ..

-شنو تخت.. انت شدتحجي اطلع بره ماااااااااالك..

-ههههههههههههههه بتنادي لمين.. ما هو جوزك يلي باعك لألي .. هلاء انتي ملكي..

-باعني شنو باعني.. لا مالك ميسويها لا مالك يحبني.

-ايوا بيحبك.. بس المصاري حبو الوحيد.. وهو خسر وانا كنت بطلبو ولما طلبتك منو .. مقابل المصاري وافئ فورا..

-ابتعد مني .. ابتعدوا يا وسخين.. بنتي لازم اروح. وخر.. دا ادفع دفعني للحايط ولزم ايدي حيل..

-بعرف مش سهل عليكي تستوعبي كل اللي عم بيصير بس خليني اشرحلك..

-انتي بالنسبه لألي ربح هدانياكي جوزك.. وئيمتك. عندي كبيره بجمالك باناقتك برشاقتك.. وحتى بأعضاءك..

-اعضائي شنو.. وخر مني. مخرف انت وخر

-انا تاجر اعضاء بشتغل بالمافيا بتعرفي جسمك هيدا شو بيساوي بسوق السوداء..

بيساوي الملاييييييين.. خليني اشرحلك.. مسلا ألبك هيدا بيساوي 100 الف دولار.. عيونك الحلوين 150 الف دولار.. كبدك 300 الف دولار..

انتي كلك بالسوق بتساوي 40 مليون دولار.. ربحان مهيك ههههههههههههههههههه

-اتركني اني اسدد دين مالك بس عوفني بحالي وخر مني

-متحلمي تفلي من هون.. مصيرك هلاء مرتبط فينا.. اعطيناكي مخدارات مبارح كرستال.. واخدنا عينه منك ولو حكيتي بتروحي فيها..

ولو جربتي بتشتكي علينا بنتك يا حرام بتروح ضحية امها...ههههههههههههههه

-بنتي شعليها واني شعليه حسابكم ويه مالك حرام عليكم اتركونيييييييييييي......... يتبع

☆☆☆☆☆☆☆

ما تحترم موووووو.. تعال اشو.. وضرب مالك بوكس.. على وجه..

مالك اضخم من ابوه بضعفين الزم ايده.. واركع بالكاع.. وابو كامله بسرعه وعمتي والبنات بيناتهم يفاككون.

اني اخذت بنتي كامت تبجي.. وكفت بالزاويا.. وابجي. .. كمل عرك وغلط وصياح وياهم...

واجه عليه يلا امشي..

-ما اروح وياك ما اريدك..

-لج تمشين لا تخلين اتصرف وياج غير اسلووووب امشي.. جرني من شعري وبدون ما ابدل.. للسياره شمرني اني وبنته..

وصاح على رسل والاء يجيبون غراضي وغراض الطفله.. اخذني ووداني لشقة ايهاب.. اني تخبلت. .

كتله ما اطب.

-مو بكيفج... طبي..

-كتلك ما افوت..

-لج كتلج فووووتي.. ايهاب واكف بالباب..

-ما افووووت والله.. يريد يجرني واني مجلبه بالباب.. اخر شي انضرب راس الطفله بطارف الباب كامت تصرخ.

حظنتها وابتعدت منهم ابجي وحاظنتها..

-لج لجين تعاي لا تحركين اعصابي..

-ما رديت كعدت ع الدرج وحاظنه بنتي وابجي بقوه.. اخذ نفس وتقرب كعد يمي

-شرايده فهميني

-اطلكني وتوديني لبيت عمي..

-المن يا بيت منهم ليكون اشتاقيتي للكوا..... مالتج الزوجج السابق.. خاف اشتاقيتي لحظنه مووو

-وديني لبيت عمو عثمان... اني اخليه يوديني لاهلي..

-كومي لا تخليني اقسي عليج

-بعد كل هذا وتكول لتخليني اقسى.. شتسوي بعد اكثر من اللي سويته.

-لج باباتي اسف .. مو قصدي بس تعبت.

-ما اريدك.. اتركني والله ما اريدك.

-مو بكيفج اني اريدج واريد بنتي..

-هذي بنتي الي انت متعبت بيها ولا حبلت ولا طلكت ولا سهرت.. هذي بنتي اني مو بنتك.

-هيانه تشبهني متشبهج وهذا دليل انها بنت هاهاهاهاي..

-بقيت بس امسح بدموعي واهز ايدي حتى تسكت بيلا.. تقرب باس راسي.. ردت ابتعد.. حظني.. لج شعندي غيرج.. انتي حبيبتي وبس صدكيني..

-وخر مني..

-اوك راح اوخر.. وامرج متردين شقة ايهاب.. يابه تﻻمرين.. تعاي اجرلكم شقه فندقيه بالكاظميه..

اخذني اني وبنتي.. وودانه لشقه فندقيه مؤثثه.. كعدت ع السرير بسرعه... ورضعت بنتي..

اجه تمدد يمي يبوس بعكس رجلي ويكلي اسف ما اعيدها وعد.. ما رديت عليه

-اروح فدوه لهلعيون الحلوه.. لج ثقي ما خنت بس هاي ناديه جانت مسافره ويانه وبذيج الليله داخله لغرفتي ومعرايه

وما امدحلج واكلج صرت قديس.. ما سيطرت ورحت وياها بس هذا للصار نزوه وعيونج نزوه.

-تقبل اخونك

-ما تسويها اعرف اخلاقج. ورده مثلج

-افترض.. تقبل..

-احبج وعيونج احبج

-درت وجهي منا.. كملت رضاعة بيلو .. ونومتها... جان مشتغل مكيف الشهر ال9.. غطيت بس الطفله.وتمددت يمها..

هستوني غفيت.. حست على مالك وهو يغطينا اثنينا بديباج .. وتمدد من جهة بيلا لحظه ينام زدقايق يبوس بخدها..

اخر شي قطعت نومتي وكرصته من ايده.. هستونييييي نومتها اتركهاااااااااااا..

-ههههه اوك اوك بس ايدي رايدها ايدي.. اكول لجين شرايج ابيروت..

-شبيها..

-نروح نعيش بيها مو حلوه..

-مو قت حجيك.. ناااام. تعبانه

-اهاا براحتج بعدين احجي وياج..

-عفته ونمت.. لهناك كعدت بيلو. رضعتها وحللتلها وتركتها تلعب وحدها .. وطفيت المكيف والمروحه وطلعت.

لكيت مالك بالمطبخ ديطبخ. بس بالفانيله الداخليه. والوشم مالته كله براز.. ويغني اجنبي ويخوط بالجدر..

مديت راسي. وخر الهيتوف من اذنه. ها حب سويتلج شوربة تمن وحليب. طبعا عذريني هسه اخذت الوصفه من النت.

وخبطتها بلكت تعجبج كلت خطبه ماليها حيل تكعد ويحتاجلها حليب حتى ترضع بتها..

-ما رديت عليه.. رحت للغرفه وتركته.. صابلي بماعون شوربه وتركها وطلع.. تأكدت منه راح.. اكلتها.. لان جنت حيل جوعانه والطفله تمص بكلبي

كملت دا اودي المواعين.. ضرب كدامي.. عفته ومشيت.

-لجين لجين مرديت اشرايج انعيش ابلبنان.

-اريد نعيش بالسويد..

-دوله اجنبيه ما اريد.. يا للاردن يا بيروت يا مصر اختاري وحده.

-عود ليش السويد ماكو..

-بكيفي..

-واني هم اكولك كيفي.. اخذ بنتي واروح اعيش هناك..

-تردين ترحين للسويد روحي بنتج ممنوع.. هاي الي خاصه بيه..

-هااااااه هذا حجي جديد.. روحي وبنتي الك..

-اعرفج متعوفيها ها ها ها

-مالك اريد بالسويد..

-اذن لبنان جيد.. راح استعد للسفر وننتقل هناك.. ماشي..

-كلت السويد

-واني كلت لبنان. وخلص الموضوع...

وفعلا قرر وقرر.. لبنان وجهز كل اوراق سفرنا البنان.. خلصت الاربعين مال الطفله. واخذنا كولشي يخصنا بالعراق فلوس ذهب ملابس..

وانتقالنا للبنان.. ابيروت منطقة الاشرفيه.. اخذنا شقه بيها ودخلنا.. اباوع الشقه كولش حلوه..

والعمارت هوايه من تباوع للشرفه والجو مالتها روعه.. وخاصه رحنالها نهاية شهر ال 10 الجو ولا اروع.

افتر بالشقه.. اكو غرفتين.. غرفه كال مالك لبيلا وغرفه النا.. نمنا اول يوم شلون مكان..

ثاني سوم جاب عمال وصبغ غرفة بيلا وردي وملاها صور بنات كارتون.. فله ولولو كاتي وطرزها بلمع ورسمات كولش حلوه..

وجابلها كنتور صغير طلاقتين.. وسرير مال اطفال عالي