تعود ؏ ان تكون ثقتك بنفسك عاليه دائما لايهمك اي شي 🖤

#فقرة_نكات
‏ستوني عرفت فاصل ونعود يا مناعيل الوالدين واني عبالي ايروح يغسل وجه لو يشرب ماي 😂😂😁😁👌👌👌

#فقرة_هل_تعلم
الفلفل الحار يحارب الأمراض السرطانية، ويساعد في تخفيف الوزن، ويساعد في علاج اضطرابات الجهاز الهضمي.

#توقعات_الأبراج
ابراج اليوم السبت, 17 اب 2019 عاطفياَ ومهنياً وصحياً
الحمل
برج الحمل
مهنياً: على الرغم من أنك ممن لا يقبل النصائح في مجال العمل، فرأيك سائد وغير قابل للنقاش، لكن عليك في المرحلة المقبلة الاستماع إلى الآخرين

عاطفياً: على الرغم من امتلاكك للجرأة طوال الوقت، إلا أن هذه الجرأة تختفي في المواقف العاطفية ويحل محلها الخجل الممزوج بالخوف




صحياً: عليك وضع صحتك في المقدمة والحفاظ على ممارسة التدريبات الرياضية التي تقوم بها لاكتساب الرشاقة واللياقة
الثور
برج الثور
مهنيًا: عليك أن تستمع لنصائح الآخرين، فهم أكثر خبرة منك في كيفية إدارة الأمور للخروج بنتائج إيجابية

عاطفيًا: الارتياح سيد الموقف في العلاقة بالشريك وهذا جيد قياسًا بما كانت تمر به علاقتكما في السابق

صحيًا: مرافقة الأصدقاء في رحلات ترفيهية تضمن لك الهدوء وراحة البال
الجوزاء
برج الجوزاء
مهنياً: تتحسن الأمور لديك على الصعيد المهني، وتتاح أمامك العديد من فرص الترقية، تمسك بها ولا تدخل فى خلافات مع الزملاء

عاطفياً: تعيش حياة رائعة تطغى عليها العاطفة، وتبحث مع الشريك أموراً حياتية، ورغم أنه يشعر بتجنبك تجاهه وإهمالك له إلا أنه اليوم يشعر بعودتك إليه مجدداً




صحياً: حافظ على استقرار صحتك وإذا شعرت ببعض الآلام عليك أن تسعى لعلاجها والتغلب على الآلام
السرطان
برج السرطان
مهنياً: يوم رائع بامتياز يتحدث عن فرص سفر واستكمال الدراسة في الخارج، ويعدك بتغييرات إيجابية في المجال المهني

عاطفياً: تقرر اليوم التراجع عن اتخاذ بعض القرارات المصيرية، وتسعى لأن تكون علاقتك بالحبيب مستقرة وخالية من الاضطرابات

صحياً: تجنّب قدر الإمكان محاولة المغرضين إثارة عصبيتك بغية دفعك إلى اتخاذ قرارات متهوّرة
الاسد
برج الاسد
مهنياً: تحتل منصباً مهنياً: مهماً، ويجب أن تكون أكثر حرصاً وحساسية حتى تواجه المواقف الصعبة في العمل

عاطفياً : تمر بأزمة عاطفية مع الشريك بسبب غيرتك الشديدة عليه، لذا يجب أن تبتعد عن هذا الأسلوب، فالشريك أصبح يشعر بالضيق منه




صحياً: تواجه مشاكل بسيطة في الجهاز الهضمي ومشاكل عصبية، وتكون ضعيفاً أوغير حيوي فلا تعرّض نفسك للإرهاق
العذراء
برج العذراء
مهنياً: تحقق بعض المشروعات التي كان من الصعب تحقيقها في الماضى، بفضل الالتزام في العمل الذي يساعدك على إنجاز المهمة

عاطفياً: لديك فرصة للتحدث مع الشريك حول المشاكل التي قد تهدد علاقتكما، ولكن يجب التحدث بمنتهى الصراحة، ولا تخش أي شيء

صحياً: تحتاج إلى مواصلة ممارسة التمارين الرياضية بطريقة منتظمة، مع اتباع نظام غذائي صحي، الأمر الذى يساعدك على تغيير صحتك نحو الأفضل
الميزان
برج الميزان
مهنياً: القمر المكتمل يجبرك على اتخاذ قرارات مربكة، أو يجعلك تجتمع بأفرقاء وتملي عليهم قراراً ما أو توجهاً يولد الحزن في قلبك

عاطفياً: تعيش أجواء رومانسية ولقاءات حارة، وتتعدد المناسبات الاجتماعية التي تصلك ببعض الأشخاص المميزين

صحياً: ابتعد قدر الإمكان عن الأشخاص السلبيين أو الذين يؤثرون فيك سلبياً ثم يتركونك في وضع صحي غير سليم
العقرب
برج العقرب
مهنياً: نجاح المشاريع بتفوق يسلط الضوء على نجاحك الباهر، لكن حذار الثعالب المتسترة بأثواب الحملان

عاطفياً: الوحدة غير مستحبة، سارع إلى مراضاة الشريك قبل فوات الأوان وخروج الأمور عن السيطرة




صحياً: العصبية تهد صحتك بشكل واضح، والهدوء هو المطلوب لاستعادة راحتك والانسجام مع الأجواء المحيطة بك


القوس
برج القوس
مهنياً: ضغوط غير طبيعية في العمل، لكنك قادر على تسيير الأمور بدقة متناهية تلفت الأنظار

عاطفياً: لا تلقِ على كاهل الشريك مسؤولية الأخطاء التي ارتكبتها وتتحمل الجزء الأكبر منها

صحياً: لا تدع الاهتمام بصحتك يفلت من يديك، فهي الأهم لتتمكن من تحقيق خطواتك بثبات
الجدي
برج الجدي
مهنياً: حضورك القوي والفعال مهمّ جداً في الفترة المقبلة، لكن الحذر واجب أحياناً

عاطفيا: الغيرة تهدّد العلاقة بالشريك، والسبب هو بعض الشك المريب في تصرفاتك تجاهه

صحياً: الغذاء الصحي مهم جداً، لكن ذلك يستوجب متابعة دائمة وغير مرحلية
الدلو
برج الدلو
مهنياً: القمر المكتمل في برج الحوت يلقي الضوء على عملية شرائية أو استثمارية، أو على مشكلة مصرفية محتملة

عاطفياً: تجلب لك علاقاتك العاطفية كماً كبيراً من السعادة، وإذا كنت عازباً فقد تكون على الطريق الصحيح نحو علاقة ثابتة ودائمة

صحياً: تتمتع بحيوية فائضة إلا أن ذلك لن يجنبك بعض أوقات التوتر العصبي قد يكون مرده رحيل أحد الأشخاص المفاجئ


الحوت
برج الحوت
مهنياً: مشاريع جديدة بالجملة، لكنّ المطلوب خطوات مدروسة ومؤكدة تعيدك الى دائرة الضوء مجدداً

عاطفياً: يوم ممتاز، يحالفك الحظ في إشاعة السلام والحب وتقريب وجهة نظرك، وتبحث في بداية علاقة او نهايتها وتقيم حسابات للمستقبل او تحضّر لمشروع سرّي

صحياً: تناول الطعام في ساعة متأخرة من الليل لا ينصح به

أخصائيو التغذية لأنه مضرّ، وقد تصاب ببعض الالتهابات المفاجئة لكنها لن تسبب لك إزعاجاً

#طبق_مجلة_حبيبتي
" ✨🥖خبز الشبنت 🥖✨

نصف كاس ماء دافئ بياله شاي زيت علبه زبادي فنجال قهوة حليب بودرة ملعقة خميرة فورية رشة ملح ملعقتين سكر ملعقة بيكنج بودر نمزجهم مع بعض في العجانة ثم اضيف الدقيق بتدريج تقريبا احتجت 3كاسات ونصف دقيق ونعجنها حتى تصبح عجينة لينة ثم اضيف حزمة شبنت مفروم ونعجنها بخفة ندهن العجين بزيت ونتركها حتى تتخمر ثم نفردها ونقسمها مستطيلات ونحشيها بجبن فيتا ونعناع نقفل الاطراف ونلفها رولات ادهنها بالحليب او البيض ونرش عليها حبة البركة ونحاول بسكين حاد نشكل سطح العجين خطوط🥖 نتركها ترتاح ربع ساعه وندخلها الفرن من تحت ثم نحمرها من فوق اول ما تطلع من الفرن ندهنها بزبدة تعطها لمعة ونكهة وطراوة 😍👌

وقدميها بصحة وعافيه

#فقرة_شعر
#عيوني متباوع لغيرك #مستحيل
وحته لو ترضه برماد #اعميها
روحي #ما ترضه ابد بعدك #بديل
#خطوه وي غيرك #ولا امشيهه
انت #گلبي ودنيتي وعندي #الدليل💋
روحي من تجفي #بتراب اچفيها

ماا نسيتك

بس شفت عينك تريد افراك 💔

وانته تدري?

مارد لعيونك طلب 💔

العشك موشؤف 💕
من الله العشك ينحس ،،،،،،،؛🌺
مرات الذهب أنسان ...💝....مو شرط الذهب محبس ،،،؛💍

#فقرة_نكات

محشش قرر ينتحر ..گال اني لا بيت 🏣
لا سياره🚗 لا زواج💑 ألمن باقي..اجاه واحد مسيحي
گله ليش ما تشتغل بالكنيسه..؟
نسويك الرب. ونلبسك ابيض وتوگف..وتجي العالم
تطلب منك مراد..
ويوميتك 5000 ..گله ماشي..
اجه العينتين😂وگف ..واجوو يدعون ويرحون
اجاه واحد گله يارب اريد منك بيت بزيونه وسيارة
لگزز..وتزوج ويصير عندي فلوس 😁
هذا ماتحمل شال الوصله البيضه،
وگله خاب ما تنجب..هوه ربك يوميته 5000😂😂😂😂😂😂😂😂😂😂😂😂

#فقرة_هل_تعلم
تتكوّن حصوات الكلى نتيجة لتجمع الكثير من الأملاح والمعادن في الكلى أو المثانة وتتسبب في الإحساس بألم مزعج وكلما زاد حجمها كلما زاد الألم .. لذا تعرفوا على العلامات التي تشير للإصابة بحصى الكلى:
- ألم أسفل البطن
- كثرة التبول
- ألم شديد في الظهر والجانب - ألم وحرقة أثناء التبول
- يصبح لون البول أحمر أو بني - تغير رائحة البول لرائحة سيئة - الشعور بالغثيان والقيء

#قصة_عراقية

الحلقه_28

طب مالك من بره..فتحت عيوني حيل..... انت من شوكت طلعت ..

-صباح الخير حبيبتي رحت اجيب ريوك..

-من شوكت هستوك يمي

-شنو يمج شبيج لجين صار نص ساعه من طلعت كلت ما اكعدج خطيه..

- كمت ارجف...والدموع نزلت وحدها من الخوف زين هذا منو اللي جان واكف يمي بالمطبخ...

-عقد حاجبه... منو ؟!

-عفته وركضت للمطبخ.. فارغ... مالك والله قبل شويه جنت انت واكف اهنا... لتكول طالع اني متأكده شفتك هنا..

-حبيبتي صدكيني طلعت وانتي نايمه

-شنووو طلعت والله شفتك هسه هنا لتخبلني..

-لجين يمكن تعبانه نفسيتج حبيبتي روحي ارتاحي..

-انت متصدكني.. اكلك شفتك هنا شفتك متأكده

-شصدك لجين .. اصدك اني جنت واكف هنا قبل شويه شبيج.. تعالي حياتي تعالي

-تقرب مني اخذني لحظنه.. واديه بشعري حاظن راسي.. بعدني... ارتاحي حياتي يمكن الحمل مأثر عليج لهيج تتغير هرموناتج وتتعب نفسيتج ..

ارتاحي اوك .. باس كصتي.. روحي نامي اني اكل لتشيلين هم..

-اخذت نفس.. يمكن صدك اتحلم ولو متأكده جنت اشوف مالك. بس ماعرف خاف صرت اتخيل من الضغوط النفسيه..

ميحتاج حبيبي.. ما بيه شي.. حكوم اسوي ريوك.. ناكل سويه..اخذت العلاكه. ورحت سويت ريوك.. دا ناكل.. خابرت ماما.. رديت.. هلو ماما

الام:- هلو ماماتي شلونج

-الحمدلله

- اريد اجيج اليوم اشوفج انتي متواجده لو عندج شعل

-لا لا متواجده ما عندي شي.. اسفه صار اسبوع مماره عليج.. بس مشغوله شوي والله..

-لا عادي حنجيج اني وخالتج فد شويه..

-اوك غداكم يمي.. قفلته منها.. باوعت لمالك.. قبل لا احجي سألني..

-شنو حتجي امج

-اي هي وخالتي سعاد

-اهااا هلا بيها.. اني اتركلكم البيت خاف يتضايقون.. تحتاجين شي ..

-لا حبيبي اخذ راحتك.. اني محتاجه كم غرض حنزل للماركت اخذ اللي اريده.. انت شوف شغلك

-براحتج. اني رايح..

-تقرب باس راسي واني اكل وطلع... كمت شلت المواعين نضفت المطبخ وطلعت للماركت اللي يبعد عنا مسافه .. اخذت مواد للغدا.. ورجعت.

-دخلت للبيت.. رحت للحمام.. سبحت.. دا اغسل جو الدوش.. باوعت المرايا.. لفت انتباهي المرايه عباره عن بخار ممبين منها شي..

فغسلت راسي بشامبو.. بعد ما فتحت عيوني من الشامبو.. المرايا عليها اثار ايد جبيره.. مرسومه بالبخار..

فتحت عيوني.. سديت الدوش و طلعت من الشاور.. وباوعتها.. اختفت.. لا اله الا الله.. شنو القصه اني دا اتخيل لو شلون..

اخذت نفس... ولبست وطلعت.. رحت حظرت نفسي ورفعت شعري وللمطبخ.. كعدت احظر بالغدا..

دا اصفط الدجاج ع التبسي بالقالب ومركزه.. والبيت هدوووووء بس اني بيه.. سمعت الدوش اشتغل بالحمام

فزيت.. تركت البيدي.. ورحت للحمام فتحته الدوش ميجري.. طيب شلون سمعته شنو معقول دا اتخيل .. هاي اني شكد تعبانه

رجعت للمطبخ.. كملت القالب.. دا ادخله الفرن.. اشغل الفرن ميشتغل.. اشغل بالجداحه وهي بيها نار ممخلص غازها.. ماكو..

واني مستمره اشغل جان الطباخ يكب بوجهي وبنص النار شفت وجه. مثل وجه الجحيم اللي طابع بخيالي من الروايه القديمه المرعبه اللي قريتها..

صرخت عاااا وانشمرت ورى.. وي الصرخه اندكت جرس الباب .. لا اله الا الله.. كمت من مكاني.. للطباخ.. شفت الفرن مشتغل طبيعي..

نصيت النار الفوك.. وسديته.. وركضت للباب.. فتحتها.. ماما وخاله سعاد وساره.. ياااااااي حياااتي حظنتهم تلاثتهم سويه..

تفضلو تفضلو شلونكم..

سعاد:- الحمدلله يخاله انتي شلونج

-واللهي تمام

الام:- نسأل عليج شلونج.. صايرين نشوفج بس بالتلفزيون ليش هيج

-حراااااام ماما بس اسبوع ممريت عليج ..

-اي وشتمرين خمس دقايق مكلفه نفسج ..

-اي شسوي يا ماما غير بيت ورجال .. بعد مو بكيفي..

حظنت خالتي اي شلونكم

ساره:- شقتكم حلوه... عاد رجلج حلو وياج مثل الشقه لو عكس وتغمزلي

-هههههههههه دتشوفين بيها الميز اسود البردات رصاصي وابيض.. يعني حياتنا بين بين مثلها ملونه يوم حب و10 عرايك

خاله:- ههههههه هي هاي الحياة الزوجيه خاله بس كليلي هو شلونه وياج... صدك مجرم وما يتفاهم ..

-لا مو ما يتفاهم بالعكس .. بس اطباعه شوي صعبه. يحتاجلي تأقلم..

-كلنا هيج بالبدايه خاله نخلصها عرك لحد ما نتفاهم وواحد. يدرس الاخ ويتأقلمون

الام:- يا سعاد شيتأقلمون.. هذا مجرم.. مشفتي ذاك اليوم شلون اجتنه مدميها.. وحتى اهله متبرين من الله عليم شيطلع..

-لا مو الهدرجه.. خوش ولد.. بس مرات تطبك عنده.. وسبحان الاثنين اللي ميختلفون.. ومثل مكالت خاله يحتاجلي ادرسه واتأقلم

الام:- هو شنو شغله بالضبط.. بس بالخضراء

-اي بالخضراء يشتغل مع السياسيين..

خاله:- لج عيني داده هم ذوله السياسين كلهم مجرمين حالهم حال مالك..

-بس مخلد كال عنه قاتل...

خاله:- اووووه هم جابت سيرة مخلد..

ساره:- لا هله باللزكه..

لجين:- هههههههه لا خطيه مخلد والله حباب لتحجون عليه.. بس اعصابه شوي والسانه..

الام:- اي هو السانه العمه عليه.. وكلمته المشهوره

بت الكلببببببب

لجين-هههههههههههههه اوووه الكلاب مالته ما ينعدون يمشي ويشمر كلاب.. والله محد.سبني بكده.. من اول ما دخلت الجامعه وهو وراي

لو طلعت وي زملائي او سفره او لبست شي ضيق.. بسرعه بنت الكلب تتزحلكلي من السانه ههههههه

خاله:- اووووي بره من السانه مثل السان امه..

-بس تدرون مشتاقتله والله.. صدوك عصبي ويغلط.. بس اعتبره اخ وسند اليه.. الله ما انطاني اخ.. بس انطاني مخلد.... بس هو جان يطوخها بالرزاله ونتعارك..

الام:- هو هذا اللي جان ينرفزه منج.. كلمة اخويه.. جان يريدج اله ما يرد خوه.

-مو بالكيف امي.. عمري ما انولدتلي مشاعر وي مخلد.. وللان ما اتحسر عيشته.. مرات من تضيق بيه الدنيا وي مالك..

اتمنى لو ما متزوجه وعايشه حياتي براحة بال مثل ما جنت عند اهلي بلا رجل بلا دوخة راس بس ابد متمنين ان ارجعله لو باقيه وممطلكه منه..

صدقا ما احمله اي مشاعر. بس هو جان صعب عليه يفهم هلشي..

ساره:- لجين عوفي مخلد وكومي شوفيني شقتج.. دا اشوفها كلها.. متشوقه..

- انتي مشايفه الشقه موو هاي اول جيه .. خاله وماما شايفينها من بعد جيتنه من شهر العسل

ساره:- لا مشايفتها.. مدشوفيني دا الوف براسي..

-تعالي اخذلج لفه عليها .. ماما وخاله اخذو راحتكم ..

الام:- روحو احنه خل نشوف شنو هلروائح الطيبه اللي جاي تجي من المطبخ.

-هههههه روحو.. تعاي ساره... اخذت ساره شوفتها الحمام والممر والغرفه مالتي بقت تفتح الكنتور وتتفحص وتباوع لبسي..

شافت صورتنا اني ومالك.. ع الحايط.. صاحت اووو ماي كاد كولش حلوين.. اوووي تخبلون كيييوت

-ههههه حبيبتي .. خل اشوفج الالبوم مال شهر العسل. يجنن..

-بقت تكلب بالالبوم.. باوعت صوره .. صاحت عزززززا حتى ديسكو داخلين ..

-لج مالك ماكو حفره مدخلني بيها بتركيا..تعالي اشوفج صور التدريب.. جان هناك يوميه يدربني..

بقينه اني وياها ندور الصور.. كملتهم.. دنطلع نروح يم ماما وخاله. اندكت الباب

رحت اني وساره وراي.. فتحته.. ايهاب.. اول مشافني رفع حاجب وكال شلونج.

-شراااايد.. طلعت ساره ويايه.. باوعلها

ايهاب -شنو الكمر نازل عدكم اليوم

-ساره خل ندخل ... لزم الباب

ايهاب:- على كيفج شبيج. مالك وين..

-مموجود.. ولي .. باوع لساره وضحكلها وكاللها فرصه سعيده التقينه ... ساره ابتسمت .. وكالتله شكرا.

-سديت الباب بوجهه.. ليش تضحكين بوجهه ..

-اي قابل ابجي بوجهه.. شكتله .. بس شكرا

-لج هذا فد واحد ساقط..

-على روحه شعليه بي..

-يا خوفي يطلع مثل صديقه وادور يلطشلج

-اذا مثل مالك .. موافقين. وتغمزلي..

-شتوافقييين هو مالك ينجرع حتى هذا ينجرع..

-يعني متحبي لمالك ؟!

-ااااااااووووف هذا الجواب اللي يعجزني.. متعرفين شكد متأذيه منه بس الله يعلم.

-لعد شكو باقيه وياه..

-انتي سامعه هيثم يوسف من يكول حبيت لو بلوه ابتليت يا ريت عمري ما هويت.. فعلا اتمنى ما حبيته لج تورطت

-لييييش

-هاي الليش صعب اشرحها افضل تبقى بيني وبين ربي احسن.. الشكوى لله.. ما تنفع لو شكيت لغيره. تعالي نشوف ماما.

اخذتها ورحنا للمطبخ.. لكيت ماما دتكلي سمج. وخالتي مطلعه الخضروات دتسوي زلاطه.

شاركناهم اني وساره بالتحظير والسوالف.. محاولت احجيلهم عن مالك وشغله.. ما اعرف..

هو يعرفون بي مو زين.. ومخلد سابقا كاللهم ان هو قاتل سياسي بس هلشي ما ثبت عدهم..

يعني فقط يكولون عليه مجرم.. من خلال افعاله وتصرفاته وياهم التهديد والسلاح لما سافرت وي مخلد..

بس ميعرفون شغله الاساسي شنو.. مجرم وبس.. او عصابجي او سياسي من ذول مال هسه الحراميه.... ميعرفون حقيقته بالضبط ..

وافقوا على زواجي منه غصب بعد ما هو اصر عليه واني رفضت مخلد..

يعني لو بقيت بلا زواج.. اكيد مالك مراح يتركني.. فابويه اختصرها وانطاني اله. ااااااااه وهذا اكبر خطأ سويته بحياتي..

المهم.. بقينه نسولف اني وخالتي وامي وساره وصبينا غدا واكلنا.. سألتني ماما ع الطفل. كتلها ما اعرف.. مخلينه يم الله.. حتى ما الي خلك اراجع.. بس دا اخذ علاج..

خاله:- شلون مخلصه الوقت وحدج بهالشقه. متضوجين.. حتى ماكو منفس.. ضيكه.

- من حجت هيج اتذكرت الشي الغريب اللي ديصير .. ف حجيت.... اكولكم صدوك.. اريد اسئلكم..

تعرفون بالاحلام..؟!

الام: كولي شتحلمتي

-ماما مو بس احلام دتصير ويايه شغلات عجيبه..متتصدك.. اولا حلم او كابوس .. المهم.. مثل رجال ضخم وشكله يلعب النفس ومخيف ويجي يكلي ما اخليج ترتاحين.

-الام: يا ستار .. شنو هاي يداده ادور

-مو بس هاي ماما.. يعني اليوم كعدت شفت مالك ووراي بالحمام وبالمطبخ.. تالي بنفس اللحظه يدخل مالك من بره.

ساره:- يمممممممه كافي كافي لجين اخاااف

-لج شتكولين عليه.. ميته رعب

خاله:- لج عيني خاف البيت مسكون

- خاله مسكون وهلخرافات اني ما اصدكها ..

-خاله الجن مذكور بالقران.. مو كذب لو خرافه..

-نعم اني اقر ان هو موجود بالقران.. واعرف ان اكو عالم اخر عال

م الجن.. بس خوما يطلعونه هم بعالمهم واحنه بعالمه.. ما اثق بهيج شي..

-ماما موجودين ويانه يستمعون وياكلون ويمشون بس منشوفهم.. الا بحالات غريبه ونادره.. قل اوحي الي انه استمع نفر من الجن فقالوا انا سمعنا قرأنا عجبا...

يعني دليل هم عايشين ويانه ويستمعون النه..

لجين-لا ماما تحجين صدوك.. لا لا اخاف والله جن شنو.. ماكو هيج شي..

-ماما انتي شغلي قران بالبيت والله كريم.. البيت الماينذكر بيه كلام الله يصير مكان للشياطين..

واذا تكررت الحاله تعاليلي نروح على بيت شيخ معروف يكتبلج رقيه.. ونشوف اذا سحر او مس جن او شنو .. بس انتي داومي قراءة سورة البقره علاج شافي من هيج اشياء

-ان شاءالله.... كملنا اكل وغسلنا المواعين. وامي وخالتي ما كعدو.. رغم البيت نضيف. بس طلعن الفراشات ع البلكون مال الشقه.

ومسحو البيت كله ونضفوه بتايت وديتول.. سووه يلمع.. غرفتي ترتيب.. وتغيير فراشها..

گلبو البيت ع البطانه ما قبلو اشتغل وياهم.. ساره خلوها علمطبخ.. اطلع غراضه وتغسل الطباخ هو والفرن مالته بمزيل دهون..

خطيه لبست كفوف وتشتغل.. واني وكفت اسويلهم كب كيك نتعلل بيه.. ومشغلين اغنية جريمه اني وياها ونشتغل ونتمايل منا ومنا ههههه

كملت الكيك والعصير.. طلعت لماما وخاله.. شقت البيت يلمع.. وريحة الديتول تكص.. ههههه رغم اني انضف بس مو بيدي بممسحه ما امسح بيدي اخاف عليهم.. ههههههه

حتى البردات نزلنهن.. وما عندي غيرهن اعلك.. كالت ماما نرتاح وننزل للسوك نشتري غراض صيفيه للبيت

شنووبعدج مشتيه البيت يخنك.. كتلها ان شاءالله

طلعت الكيك. وصبيت عصير وكعدنا ناكل.. لشوي.. بدلت ونزلنه اني وياهم للسوك.. اشترينا غراض للبيت كومه. وحتى زينه ونشرات وكلوب ديسكو الوان لغرفتي رومانس وكذا هههع

واخذت ملابس اليه نفهات.. لان ميناسب التيشيرت والقميص الضيق بعد.. بدت بطني تبرز.. كأنو عندي بداية كرش صغير..

رجعو ويايه للبيت رتبو كولشي.. وسلمو وطلعو.. رحت حظرت نفسي ورتبت.. وشغلت الكلوب الجديد..

يشتغل الوان يفتر. او كل لون وحده.. اني شغلت احمر.. مابيه ادوخ.. عفته ورحت نمت

نايمه.. واحس بصريخ بعيد عني.. فتحت عيوني.. لكيت الحايط مال غرفتي كله دم.. فتحت عيوني حيل..

الدم يجري من السقف.. و الضوه احمر موقف مرعب.. ركضت فتحت ضوه ابيض.. ماكو شي.. الغرفه نضيفه ومرتبه..

شنو معقوله دا اتخيل.. لا يا الله.. فتحت التلفزيون.. ودرتها قناة المجد.. بس قران

ورجعت نمت.. اسمع باب الحمام يضرب حيل.. صراحه هنا رجفن رجليه ما كدرت اطلع.. لفيت راسي بالبطانيه وبقيت استمع للقران..

لحد ما اطمنت ونمت.. شوي.. وانفتحت بطانيتي.. كمزت على حيلي.. مالك كبالي.. صرخت بسرعه

-شرايد مني .. منو انته

-هاي شبيج لجين.. اني مالك منو قابل..

-مالك .. دا اشوف شغلات عجيبه غريبه بهالبيت..

-مثل شنو

-سولفتله ع النار والحمام.. والدم.. رد

-هاي عود انتي المثقفه والدارسه.. تصدكين اكو جن وهل خزعبلات

-مالك بس الجن مذكور بالقران. ممكن بيتنا مسكون.

-يمعوده قرأنيش متنامين انتي

-استغفر الله شبيك مالك هذا كتاب الله..

-هه الله.. هو شنو الله.. ومنو.. حبيبتي ماكو هيج فكر.. الله اختراع بنو البشر ماكو شي بالحقيقه اسمه الله وهسوالف نامي..

-ياااااا مالك شبيك استغفر الله شنو قصتك..

-حبيبي صدكيني.. انتي مثقفه اتمنى اغير فكرة الدين العندج تره هذه كلها اكاذيب لا اكو دين ولا اكو كتب ولا بطيخ.. العلم اثبت ان كل هاي اكاذيب..

-مالك انت ملحد..؟!

-اخذن نفس .. اي ملحد.. وشبي الملحد.. اثقف انسان على وجه الكره الارضيه.. على الاقل ما يصدك بخرافات.

-انت قصدك اغبى انسان مو اثقف.. الملحد منيله ثقافه ياحبيبي شتحجي انته من كل عقلك مالك انت ملحد..

-حبيبي الاختلاف بالرأي لا يفسد للود قضيه.. وان اختلفنه بالدين فهذا مو مانع.. اتركج من هسوالف ما احبها..

-لااااااا الا مانع ونص.. مالك شنو ملحد...من شوكت انت الحدت.

-من زمان حبيبتي.. ما اعترف بالافكار الدينيه... كلها خرافات. الا تثقين المسيح يمشي ع المي لو موسى يفلق البحر بالعصى مالته لو محمد يعرج للسماوات ويلف الدنيا بدقيقه ورجع..

-مالك هذا الرسول محمد ميصح الكلام عنه بهالطريقه حرام عليك هذا اسمه الاسراء والمعراج..

سبحان الذي اسري بعبده ليلا من المسجد الحرام الى المسجد الاقصا الذي باركنا حوله لنريه من اياتنا..

يعني معجزة الرسول هذه.. وكلمة سبحان تطلق للامر الاعجازي..

وكل الانبياء .. الهم معجزاتهم.. حرام تطعن بيهم

اهل مصر والفراعنه تذكر حادثة الانفلاق بكتبهم وغرق فرعون.. اما المسيح وحده معجزه بدون اب.. وكلامه بالمهد

ف ما اقبل تحجي عليهم بهالطريقه مالك

-حبيبتي انتي تصدكين بهيج شي.. اي دين هذا.. خاصه الاسلام.. دين متناقض ما يمد للصحه بشيء

محمد مسمي دينه الاسلام اي يعني السلام.. وهو كتابه كله يأمر بالقتل وللموت جاهدو وقاتلو واقتلو.. ايات ا

لقتال بالقران اكثر من ايات الحب والسلام.. ف بعد.وينه السلام بالموضوع

-القران ما امر بالقتل.. امر بالجهاد..

-وشنو الفرق .. الجهاد والقتل وجهان لعمله واحده..

- لا حبيبي اكو فرق.. ومن قتل نفسا بغير نفس او فسادا في الارض كأنما قتل الناس جميعا... وهذا نهي عن القتل والفساد

اما الجهاد.. فهو للي يقاتلونك قاتلهم.. يصح واحد يدخل لبيتك او يهاجمك وانت تسكت ومتحاربه.

هنا تكون الدفاع عن النفس او العرض او المدينه او المال .. يسمى جهاد.. اذا ما جاهدت ف انت مو انسان مسالم لاا وانما جبان..

والاسلام مو دين الجبناء.. لهيج الله كال قاتلو الذين يعتدون عليكم بمثل ما اعتدوا..

-حبيبتي الكلام كثير بهلخصوص اذا اريد اقنعج.. متأكد راح تألحدين مثلي..

-لا حبيبي ما الحد.. عندي عقل وافكر ان الله خلق كلشي.. ونحس بوجوده عن طريق الحياة الشمس والقمر والليل والنهار كل هذه ايات تدل على وجوده..

-كل هذه من خلق الطبيعه نتيجة الانفجار العظيم.. والصدفه الكونيه

-اهااااا الانفجار العظيم. هذا كل كلامكم.. تكذبون الانبياء وكتبهم وتكولون وين اكو دين ووين اكو معجزات..

بس تعال اناقشك بالعقل..انت تكذب الرسول محمد اللي صارله 1400 سنه.. وتكول ماكو هيج شي نزل لان ماسمعت الرسول وما شفته بعينك من كان يتلو القران المنزل للمسلمين موووو..

تنكر الرسول وقرانه العظيم لان ما شفته وماكو دليل عليه.. وتروح تصدك انفجار صار قبل 14 مليار سنه... شفت الانفجار.. اكو دليل علمي على وجود الانفجار..

واحنه نعرف الانفجار اذا صار يخربط الدنيا مو ينجم عنه عالم شديد الدقه. تضع الارض بمكان لو تقدمت للشمس بمقدار شعره لحترقت... ولو رجعت بنفس للمقدار.. لانجمدت..

انطيني دليل على وجود الانفجار..

-حبيبتي هذه نضريات علميه مو بكيفي وبكيفج. علماء مختصين.

-لا حبيبي علماءك ذول اغبياء.. والنضريه للان ما اثبتت وجود الانفجار فقط نضريه جاري البحث بيها وما راح يلكولها صحه لان مموجوده

-لا حبيبتي كلشي عندهم بدراسه.. مو عبطيا.. بس اسئلج سؤال.. الله وينه.. اذا هو رحيم وموجود.. وينه

ليش كل هذه الفقره والظلم والقتل والذبح.. هو مو رب.. ميدخل وينهي كل هذا...

-الله انزل كتاب وكال اعملو بيه...امر بالمعروف ونهى عن القتل.. بس الناس هي اللي اعرضت عن الله.

والله لو يريد يحاسب كل انسان مذنب ما ترك على الارض احد.. اقرب مثال انت... مو تقتل بالناس وتعمل شر.. ليش مياخذك..

لان انت وغيرك لو قتلكم كلكم.وكل انسان يذنب.. انتهت البشريه... بس تاليتك اله ترجع ويحاسبك على الجبيره والصغيره.. فهو للان صبور عليك..

واعطيك مثال.. مدير المدرسه من يقدم الكتاب للطالب ويكله التزم بي واقره.. تبقى يم الطالب يقره ف يقره النفسه .. وان ما قره هو الخسران.. تجي نهاية السنه ويرسب.. صح..

يصير المدير يفصل كل طالب ما يقره...؟!!! يصير المدير يفصل الطالب اللي يرسب بالامتحانات الشهريه ؟!

ميصير وانما المدير ينتظر اخير السنه حتى يحكم عليكم بالرسوب او النجاح حسب مواضبتك..

لو فصل كل واحد ميقره هاي هنا مراح يترك طالب بالمدرسه.. لان الكل تفصل.. وانما المدير يعطي فرصه للطالب

رسب بالفصل الاول .. ينتضر منه يتعدل بالنص السنه رسب. يتأمل يتعدل بنص الاخر.. والنتيجه اذا ما حسن من وضعيته رسب..

مو كل الطلاب شطار..

ولا كل البشر مؤمنين.. لذلك الله تاركك لوحدك تعمل .. وينطيك فرص بالحياة عسى ولعل تهدي فيتوب عليك.. وتالي يقول ثم الينا مرجعكم فننبئكم بما كنتم تعملون...

ويحاسب وتشوف نتجيتك يا اما للجنه او النار..

واذا ع الفقر.. ف الله حكيم المن ينطي رزقه.. اكو ناس اذا صار بجيبها فلوس تترك الاخلاق والدين وتروح تتعرى وتطغى.

. ف الله رحمه الهم مخلي الفقر الا الله مو ظالم بس يحبهم وما يريدهم يظلمون انفسهم..

-حبيبتي.. اني افضل ان انام ونترك هذا الحديث.. لان لا انتي راح تقنعيني ولا اني رايد اقنعج.. نامي.

- تركني ودار وجه نام... ياربي عود صدك هذا طلع ملحد. لا يا الله.. مجرم وخاين وملحد.هم... اني شكد اريد اتحمل منه..

باوعتله شفت الوشم بأيده.. بسرعه فسرته وعرفت معنى @ كابتل اول حرف من كلمة Atheist ... ملحد بالانكليزي... علامة الملحدين... امدايه اتذكر اعرف هيج معلومه شبيه مخطرت على بالي

زين هو شلون شوفني جنسيته مسلم . شلون هيج.. مااااالك.. اكعد جاوبني ... نمتتتتت.. اكعد.. لتاااام جاوبني

-هااااااااااا

-انت جنسيتك مو مسلم.. شلون لعد.ملحد..

-شعليها الجنسيه بقناعتي وفكري... الجنسيه تحمل ديانتي من لما ولدت.. مسلم..

-ليش ما غيرتها لعد

-شكتب بلا دين...

-تحسه نقص؟!!! اذا نقص ليش الحدت وانت متكدر تعترف بألحادك..

-ما يفيدني الالحاد .. اني عملي سياسي وبالعراق .. وشفلي كله بالدين.. اذا ما تحجي بالدين ما تربح..

وحتى زواج المتعه والمسيار والعرفي.. الالحاد مابي هيج زواج ولا ضوابط.. فيخسر شغلي.. فتركت جنسيتي مسلم.. وفكري خاص بيه مو

ضروري اضهره..

-هاااااا يعني قصدك الدين غطاء لافعالك.

-بالضبط..

-هاي بس لا اللي بالسياسه والدوله اليدعون الدين. ملحدين مثلك ويردون يستفادون..

-شي وارد... عادي يردون يستفادون شيسوون عالم تريد تعيش..

-عيشو منو لازمكم مو حتى خربتو سمعة الاسلام والله.. اشتغلو بعيد عن الدين..

-هههههههه اوك ادللي بس نامي..

-الله ينتقم منكم ولله شوهتو سمعتنه.. تقتلون وتكولون مسلمين احنه..

-ينتقم منين.. شو متعرفين تحجين..

-انت شعليك مو تكول ماكو الله.. دور وجهك اني والله ... انته متعرفه شكو خايف منه ..

-هههههه مخبله....

-يربي شسوي هسه.. ادور ملحد......يتبع

☆☆☆☆☆☆


الحلقه_29

لجين:- جدا تضايقت من كال ان هو ملحد.. زين وطفلي يا ربي شلون هم يتبع تفكير ابوه ؟ ويتأثرون بأبوهم ويطلعون ملحدين

لا ياربي من وين طلعلي بسالفة الالحاد.. صدك عقل ماكو هسه الله وكونه هلكبره موجود عقولكم تبن وتنكره.. والله علم..

اي علم هذا اللي ينكر وجود الخالق بوجود المخلوق.. اكو شي ينخلق من العدم.. اي عادي عدهم كرة القدم الها صانع و الكره الارضيه انصنعت وحدها هاي عقولهم..

بقيت بدوامة تفكير لحد ما نعست ورجعت نمت..

انفتح الباب... شلت راسي.. فزيت.. رجال استغفر ما اعرف شكله شنو.. مقرف ومثل المحترك او معفن..

بقيت متجمده بمكاني.. اتلمس بمالك اريده يكعد. وكف يباوعلي وينفخ بس صوت ال هممممممممممم يطلع منه..

منو انت .. شلون تدخل بيتنا.. اطلع

-ما ترتاحييييين..

-شسويتلك.. والله ممسويتلك شي.. تقرب من مالك.. ويصيح هممممم هممممممم.. ويخنز عليه..

راد يمد ايده على مالك.. كأن جريت مالك منه.. وكمت اقرى قران عليه... كام يصرخ. ويفر بسرعه قويه بالغرفه وبس صوت الصياح مالته مرعب..

-لا تأذي فدوه.. لا تأذي.. يصرخ ويفر عليه.. تقرب مني حيل وصرخ بوجهي.. ابتعدت من مالك وحطيت اديه على راسي وكمت اصرخ..

كأن سحب مالك من يمي بسرعه.. وكعد يخنك بيه من ركبته.. مالك مثل الميت بأيده بس صار ازرك حيييل

صرخت قل اعوذ برب الفلق قل اعوذ برب الفلق.. سلام قولا من رب رحيم.. ابتعد بسرعه.. وركضت لمالك.. كأنه كان ميت..

كمت اصرخ حيل واضرب اكعد بي..... كعدني مالك.. لجين كومي كومي. كابوس اصحي حبيبي .. فزيت.. اباوعله كولشي ما بي..

مالك منو هذا الرجال اليخنكك..

-دتتحلمين حياتي هاج اخذي شربي مي.. شربني مي.. اباوع للمكان كله هادئ يا رب معقوله كل هذه احلام وكوابيس طيب ليييش..

كمت من مكاني.. ورحت غسلت وجهي.. اجه ورايه مالك.. مالك شنو اللي ديصير تعبت والله.. مدا ارتاح اكو شي غريب

-البانيو

-شنو ؟

-البانيو

-مفتهمت تريد تسبح.. فات من يمي وراح للحمام.. عفته وطلعت.. رحت للغرفه.. لكيت مالك متمدد ع السرير..

جمد دمي بجسمي.. مالك مو فتت للحمام..

-يا حمام

-انت جتت هناك بالحمام

-يا حمام لجين دنامي تره مو ليله كل شوي كاعده تصرخين تعبااان..

-مالك والله انت جنت يمي بالحمام وفتت تسبح

-لج صار بعقلج شي.. هياني ما طلعت من الغرفه ولا عديتها بس نامي..

-زين منو هذاااااا

-عقلج الباطن.. بسبب حالتج النفسيه يا لجين

-لا مستحيل مالك اني متأكده شفته حتى حجه وياي وكال البانيو

-شنو البانيو

-ما اعرف.. اني دا اسأل شنو البانيو..

-تعالي نامي حبيبتي اتركج من هلتفكير تره دتأذين نفسج... تعاليلي ..

-تقربت يمه.. فتحلي اديه.. وحظني.. خليت راسي بحظنه ونمت واني احاول ما اشوف ولا اسمع واردد قران والخوف ماكل كلبي شنو اللي ديصير..

نمت وبالحلم صوت يتردد البانيوو . البانيووو

قفلت اذاناتي وكمت ابجي وما رفعت راسي ابد.. كعدت.. ميته حر.. تلمست مالك صاير نار.. وعركان..

كعدت على حيلي.. خليت ايدي على كصته.. كلش مسخن.. صاح لجين اعظامي ذبحتني توجعني..

-مسخن انته.. كوم غسل خل تنزل حرارتك..

-مابيه اكوم بس ابقي يمي متأذي..

-انت كنت شارب البارحه

-ما شربت هواي..

-مالك وتالي هذه قيود نفسك شوكت تتخلص منهم..

-لجين اكلج متأذي مو وقت هلكلام..

-شال راسه خلاه على رجلي..

-لعبي بشعري

-هيج محطيب خل اكوم اجيبلك علاج.. وخرته ورحت جبتله علاج وجبت مي واجيت.. لكيته منتجي على الجربايه وجاي يدخن..

مو وكتها عيني.. هاك اخذ اشرب علاجك.. اخذت من الجكاره وانطيته الحبوب.. طفيت الجكاره وانطيته مي..

-تعالي يمي لا تعوفيني

-ما رايحه والله مرايحه. يمك.. كعدت يمه وكمت ادلكله راسه.. وهو يون من الوجع..

لحد ما غفى فوك الساعه.. رحت تريكت.. وسويتله شوربة عدس ... كمبتها واخذتها يمه.. كعدته اريده ياكل ما يقبل متألم.

-طيب كوم خل نروح دكتور..

-ما اكدر..

-اخذت الموبايل وحجزتله عند الدكتور العصر ورجعت انطيته دوى خافض حراره.. للعصر كومته كوه للحمام غسلتله وهو يتمطى منا ومنا ادور شثكله كل حيلي وما اكدر اجره..

غسلتله.. وجبتله الملابس.. وبدلتله جهزته.. وكتله كوم نروح للطبيب..

-ما اكدر جسمي موتني ما بيه امشي

-لا ت

مشي اني اسوق حجزتك

-اكلج ما بيه حيل عود وحدي اطيب ما متعود اروح دكتور لجين اتركيني

-دكوم يا عيني دكوم.. جريت اووووي شثكلك ياعيني كطعت نفسي دكوووووووم..

-كام لبس حذاء ونزل وياي للسياره.. اخذته للطبيب ابر وعلاج.. ورجعته. نفس الحاله...

3 ايام ما طالع الباب بس سخونه هدت حيله.. والكوابيس ممفاركتني كل شوي شكل تخبلت مو بيت.. فعلا كمت احس بيه مسكون.

بعد اليوم الرابع.. رحت للقناة كان لازم اجمع المعلومات واكمل التقارير وضيف الحلقه.. وكان موضوعي الالحاد.. لان حبيت اسلط الضوء عليه حتى نحذر منه واناقشه ونردعه.عفت مالك بالبيت ورحت للقناة.. كملت شغلي ورجعت على نفس النومه ما متحرك.. انطيته العلاج ونفسه.

وجهه شحب.. جوه عيونه صار حيل سود.. الجسم نحل ..مو بنفس الجتاف.. يربي شسويله ادور يشكي من عظامه موتته.. الليل كله يون..

بقيت سهرانه وياه لحد ما نمت على كعدتي وهو بحظني.. شفت روح مالك طلعت.. يمه شنو هاي كأنه هوى

كمت من جسمه.. مشت روحه مشيت وراه.. راح للحمام ونام بالبانيو واختفى.. يا ستار ياربي شديصير..

التفتت والكى الوجه المعفن كدامي.. صرخت وصميت عيوني اااااااااه.. رجعت باوعته ماكو.. ادور منا منا مختفي..

دا امشي.. انتبهت للبانيو نايم بيه احد.. باوعته هذا الرجال المعفن نفسه.. ركضت حيل من الخوف.. وجن اعثر و اوكع.. ويجرني سحل ينومني جوه البانيو اريد اصرخ اريد احجي

اختنكت بالحلم لحد ما فزيت.. لا اله الا الله.. سلام قولا من رب رحيم.. اللهي دخيلك شنو هاي والله تعبت..

شنو اللي بالبانيو. ليش يجرني اله.. شغلت تلفزيون خليته على القران ورجعت افكر وميته رعب يا الله شنو هاي شدا يصير بيه..

مالك:- لجييين مي

-اي.. اخذت مي.. وانطيته االه.. بقيت افكر لحد ما رجعت نمت.. شفت رؤيا مثل انسان واندفن جوه البانيو وهذا الانسان.. معفن.. هو نفسه اللي اشوفه..

بس ما تأذيت بهذا الحلم مثل الفلم اللي انعرض كدامي.. فزيت منه.. القران مشتغل دخيلك اللهي معقوله اكو انسان جوه البانيو

شنو اللي ديصير.. باوعت المالك يتكلب.. لزمت كصته بعده مسخن..مالك..

-نعم..

-شوكت بنيت البانيو

-قبل زواجنا بشهر

-يعني لما كنت بالموصل

-تقريبا اي .. ليش

-مالك دا اشوف بالحلم انسان جوه البانيو مدفون .. كمز من مكانه .. شنو انسان.. ااا بانيو شنو شبييييج

-شبيك.. دا اكول بالحلم.. ما اعرف هذا الكابوس عذبني .. خلينه ننتقل من هاي الشقه

-لا لحظه شنو اللي شفتي بالبانيو..

-ما اعرف ساعه رجال ينام بي .. ساعه يسحبني ينومني بي مدا افتهم..

-ماكو .. ماكو شي حبيبتي نامي نامي.. او اكلج روحي سويلي كلاص جاي اريد اشرب جكاره..

-رحت سويتله واجيت انطيته الجاي وحجيت.. مالك باجر الحلقه موضوعها الالحاد ياريت تنتبه للحلقه..

-ههههههه وهاي انتي سويتي حلقه بس حتى تهديني برأيج

- مو بكيفك مالك متبقى ملحد غصب ترجع مسلم تره ما اكدر اعيش وياك على هلوضع...

-مضارج بشي.. مو بقرانج تكولون لا اكراه في الدين

-هااااه حافظ القران

-اي حافظ منه هواي لا تنسين جنت مسلم..

-لعد ليش الحدت.

-قناعه..

-بس حرام..

-ما احب اتقيد بفكر الحلال والحرام.

-انت تخليت عن الاسلام لان يرفض شغلك.. وهو الاجرام.. بس الالحاد يعطيك الحريه بكلشي حتى القتل ماكو رادع..

-ما رد بقى يشرب بجكارته.. تركته وكمت.. كانت الساعه 7 ونص.. رتبت البيت وسويت اكل لمالك..

جان لابس وجاي.. باوعتله هااا صرت زين..

-لا بعدني متأذي بس لازم اطلع عندي شغل..

-دتعال تريك حتى نطلع سوى.. كعدنه اكلنه وطلع هو قبلي اني بدلت على راحتي وطلعت..

وصلت للقناة رحبت بضيفة البرنامج اليوم وكعدت اتعرف عليه وتناقشنا بالموضوع قبل الدخول ع الجو.

صار وقت البرنامج.. انطلقت بالجو.. وحجيت

لجين:- السلام عليكم اعزائي المشاهدين.. طبتم وطابت اوقاتكم بكل خير..

اليوم نريد ان نناقش موضوع.. يكاد ينتشر ك الفايروس المعدي بين الناس وبالاخص الشباب والمراهقين..

شنو الالحاد.. وليش الحدو.. وشنو الحجج اللي نكدر نواجه بيها الملحد.. وكيف نعطي الوقايه من هذا الفايروس..

معانا ضيفة الحلقه الدكتةره في العلوم الاسلاميه زينه العامر .. اهلا وسهلا بيج ست زينه..

-اهلا وسهلا بيج ست لجين..

-دكتوره اليوم نشوف انتشار واسع لفكر الألحاد المعروف بالعراق الفكر الشيوعي.. برأيج شنو السبب..

-بسم الله الرحمن الرحيم.. نعم انتشر فكر الالحاد في الاونه الاخير والسبب هو كثرة الحروب والطائفيه.

اكثر الحروب اللي تصير اليوم. هي حروب اديان.. يهودي ضد مسلم.. مسلم ضد مسيحي مسيحي ضد يهودي والعكس صحيح..

كل دين تناقشه.. يكون جوابه احنه بالجنه وغيرنا بالنار.. وهذا الفكر خاطئ جدا.. والدليل الايه

(الدين كله لله) يعني ان كنت يهودي وان كنت مسيحي او مسلم. ف الله ربك.. لو كان بيتي بمكان وكدامي 3 افرع.. اوصل اله..

كل الافرع توصلني ابيتي. وهذا حال الاديان.. الكل نهايتها ت

عبد الله ف لغة الطائفه مرفوضه..

لهذا الانسان العلمي.. راح يرفض ادعاء كل دين بأن الجنه اله.. وبتالي يكول ماكو دين.. وهذا خطأ الله ما فرق بين الانبياء او رسالتهم.. وذكر تعالى (قل لا نفرق بين احد من رسله)

هذا جانب.. الجانب الاخر وهو التكفير.. بقول السكير بالنار الزاني بالنار اليسمع غناء بالنار الما تلبس حجاب وكل هذول ينعتوهم ب فاسقين ..

لما يجي الانسان العلمي.. يقول السكير او الزانيه او اليسمع غناء ليش بالنار هو ما اذى احد اذى نفسه من الظلم ان الله يرميه بالنار ويبقى عايش بالنار ..

الله جعل الحرام. عقوبه حتى الانسان لا يخطئ.. الله فرض بالقران الحلال والحرام كقانون وعقوبات..

والزنى والسكر وسمع الطرب جعل عليهم عقوبات لاثارها السلبيه على الانسان.

مثل القانون البشري اليوم.. يمنع تعاطي المخدرات.. طيب اليتعاطى مأذي احد لو ديأذي نفسه... لهيج القانون ايضا منع اذية النفس وفرض عقوبات على المتعاطي حتى ما يؤذي نفسه..

وكذلك سائر العقوبات لو الانسان سرق او ارتشى او تعدى القانون.. يحكم عليه بالسجن... تخلص فترة عقوبته ويخرج .. الا القتل.. لما تقتل هنا تعدم ولا عقوبه وقتيه له..

وكذلك الله..لما تعصي باحد هذه المعاصي.. راح يفرض عليك عقوبه .. تخلص العقوبه و تدخل الجنه.. الا الشرك الله ما يسامح عليه..

والدليل .. ان الله لا يغفر ان يشرك به ويغفر ما دون ذلك.. يعني المسأله مسألة عقوبات لا اكثر وكل انسان وعقوبته.

والدين هو اساس القانون. سابقا ما كان قانون. ف الله فرض القانون من خلال الكتب السماويه..

لجين:- دكتوره اليوم لو تحاجج الملحد راح يكول الدين كذب ولا وجود لله .. والعالم صنع عبر انفجار عظيم. وان العالم يسري حسب صدفه كونيه..

-انظريلي عزيزتي.. اول شي اناقشج. بتكذيب الدين.

الدليل على وجود الله وصدق الدين هي الكتب السماويه المنزله.. وبما ان احنه مفكرين اسلاميين فنحاجج بالقران..

كلنا نعرف ان النبي محمد ص هو رجل بسيط عرف بين اهله راعي للغنم لا يقرأ ولا يكتب لكن عرف بصدقه وامانته..

المعجزه كيف لرجل بسيط ان يأتي بكتاب يعجز عنه علماء العالم اجمع.. حتى لو كان يقرأ ويكتب ف القران يتعدى العلم الانساني البسيط..

بقوله تعالى ( والسماء بنيناها بأيد وانا لموسعون )

والعلم الحديث اثبت اليوم ان السماء في توسع.. كل 100 عام تتوسع كذا نسبه. فهل الرسول قادر على قياس مقدار السماء هل يملك تليسكوب ام الات تصوير فلكيه.. ؟

كيف لرجل يعيش في زمن ساد فيه الجهل بالحصول على هكذا معلومه.. اليس الذي خلق السماء هو من اخبر رسوله ؟!

قال تعالى ( وجعلنا السماء سقفا محفوظا)

وعصرنا الحديث اثبت هذا بالغلاف الجوي.. اللي تحفظ الارض من النيازك ومن اشعة الشمس الضاره

فمن وين للرسول ان يعرف بهذه المعلومه ؟!

قال تعالى ( والقى في الارض رواسي ان تميد بكم)

واثبت العالم البايلوجي ان لولا الجبال لنشقت الارض الى اوصال.. ولكانت كوارث بزلازل كبيره

فهل كان الرسول عالم بايلوجي حتى يعلم بهذه العلومه.. في زمن ساد فيه الجهل

قال تعالى ( مرج البحرين يلتقيان بينهما برزخ لا يبغيان)

واثبتو هذا البحر اليوم فمن اخبر محمد بهذه المعلومه قبل 1400 سنه اليس الخالق هو العالم بما خلق فاخبر هذه المعلومات المستحيله لنبيه الكريم

وكثيييير من الاعجزات في القران فيها اللي اكتشفها العلم اليوم وفيها اللي للان ما مكتشفه..

نأتي على تنظيم الكواكب والشمس والقمر والليل والنهار. تسأله كيف تضهر الشمس يوميا

يقولك صدفه.. فهل من الممكن ان العقل يصدق الشمس يوميا تضهر صدفه ؟!

مفهوم الصدفه اني التقيك في يوم من الايام بمكان لكن على مدار سنه لو يوميه التقيك بهذا المكان.. فهذا موعد منظم له وليس لقاء بالصدفه..

ان الشمس يوميا تخرج بوقت مضبوط ومن جهه معينه غير قابله للتغيير على مدار 14 مليار سنه لابد اكو منظم لخروجها..

لو سألت الملحد .. ان يا فلان اليوم لو فتحت شركه وخليت بيها موضفين وعمال وما خليت عليهم مدير..

هل تنجح الشركه ؟! هل تصح.. راح يكولك لا لازم اكو مدير ينظمهم ويحاسبهم.. والا تفشل

طيب شركه صغيره ما تنجح الا بمدير كيف للكون العظيم ان يسير بلا منظم.. ؟!

اليوم لو جبت اله تلفزيون مثلا.. وتكول للملحد ان هذا التلفزيون هو انصنع وحده.. وهو نظم الصوت والصوره والشاشه بدون صانع ا.. نوجد وحده.

مراح يصدق.. راح يكولك مستحيل لابد ان الها صانع مافي شي يأتي من العدم.. فكيف بالكون العظيم.

هل يصدق ان التلفزيون لابد اله صانع والكون هذا خلق من دون خالق.. هل العقل يصدق هذا ؟!

نجي على الانفجار العظيم حسب نظرية العالم دارون. ان الارض والكواكب والعالم نشئ من خلال انفجار حدث قبل اكثر من 14 مليار سنه..

خل نجي معاهم ونكول اوك انفجار .. السؤال هل يحدث انفجار من العدم ؟! لابد في اشياء قبل الانفجار نجمت عن هذا الانفجار مو..

شنو اللي كان قبل الانفجار ؟! راح يكولون ما نعلم. من

اوجد الذره لا نعلم.. ولا راح يعلمون.. لان الجواب فقط عند الله.. هو من خلق الذره

وهنا راح تخلص حججهم ف اخر شي يحاججك بيه.. هو انطيني دليل ملموس على وجود الله..

وهذا شي لا يمكن اثباته.. الرب تشعر بيه لكن متشوفه.. مثال الالم.. هل يوجد علم.. شخص الالم او مسكه او رأه..؟

الالم قوه خفيه تجبر الانسان بالاعتراف به من خلال الشعور فيه.. لكن لا يوجد رؤيه مجسمه له ابدا اثبته العلم عن طريق الشعور..

وكذلك الله هو قوه خفيه تنجبر على الاعتراف فيه من خلال التنظيم الدقيق الكوني والمعجزات والفطره التي فطر الناس عليها..

-احسنتي.. اا ست زينه كيف نحصن عوائلنه من هذه الافكار ؟ وما الطريقه

-من خلال الرجوع الى الله.. والتربيه الاسلاميه الصحيحه...للاسف الناس تعترف بالعيب ولا تعترف بالحلال والحرام هذا خطأ فادح..

لازم نربي اطفالنا من هم وصغار.. على تعاليم الله.. لو اخطأ الطفل.. لا يصح ان تناديه بعييب..

لان العيب هو خوف الناس والحرام خوف الله.. والله يذكر هذا الشي بالقران.. بقوله ( وتخشى الناس والله احق ان تخشاه)

لازم من الصغر توثق العلاقه ما بين الطفل و وربه. لازم تكوله لو ما كذبت الله راح يعطيك بيت كبير الك العاب كثيره لو ساعدت فقير كذا يعطيك..

اي يعني رسم صوره جميله لله بعقل الطفل.. لحتى يحب ربه... والحب اول بدايات الايمان..

لو اخطأ الطفل خبره ان هذه الفعل حرام والله حيزعل عليك لو فعلت هيج شي.. لكن لو قلت عيب هذا مصيبه

يا امهات يا خوات ابتعدوا عن كلمة العيب.. طبعا اخاطب المرأه لان هي سبب تربية الطفل.

ابن نوح طلع عاصي بالرغم ابوه نبي لكن لان امه كانت كافره فتبع تربية امه..

اما المسيح فكان رجل عظيم.. لان والدته كانت امرأة عظيمه.

ف الام هي الاساس.. لما تقولين لبنتج او ابنج عيب.. هنا انتي دكوليله ماما انت اسرق و ازني وسوي كولشي يعجبك بس مو كدام الناس لان عيب ..

لان الناس لا توجد بخلوة الشاب.. فيمكنه ممارسة الرذيله بالخفاء .. لكن لو كلتيله حرام.. هنا راح يفكر ان الله يشوفه وراح يتعود من هو وصغير يخاف الله.

فيكبر على الايمان... ومن شب على شي شاب عليه
ولا يمكن للملحدين هز ايمانه لانه مدعوم بفكر صحيح منذ الصغر..

لجين:- احسنتي استاذه شاكره وجودج معانا اليوم.......

نهيت البرنامج بعد المناقشات والتقارير ورأي الشارع بهذا الموضوع وتحليل كل انسان حول هذا الموضوع للاطلع على مدى سعة فكر المواطن العراقي.

كملت البرنامج ورجعت للبيت.. دا اريد افتح الشقه انفتحت.. عرفت مالك جوه.. طبيت.. دا اريد اسد الباب شمعت صوته هو وايهاب بالصاله يحجون..

ايهاب:- وهي منين عرفت بسالفة اللواء اللي جوه البانيو

مالك:- ما اعرف هذا اللي محتاار بي .. دكول حلم بس مدا اصدك حلم.. اكيد تعرف شي..

-هي اطلعت على الاوراق اللي بالخزنه همو

-اي ناديه الكلبه مدلتها اكيد اطلعت على الاوراق. بس شغلة معرفة ان احنه دفناه بالبانيو ما موجوده بالاوراق.

بس اني وانته نعرف هذا الشي ..

لجين:- بقيت متصنمه بمكاني واني اسمع

ايهاب:- زين اقتلها

مالك:- تحجي صدك انت ما اكدر

-مالك شنو قصتك.. هذا مو اتفاقنا كل بنيه ناخذه ع الحب .. نزحلكها لطريقنه.. انطيها لجماعتنا خل يتصرفون وياه وتصير حالها حال البنات.

ما شبعت منها صار 3 اشهر متزوجين.

مالك:- ايهاب ما اكدر احبها مو بيدي.. وصراحه رايد اخلص من كل هشغل. اريد اعيش حياتي وياها براحه

-اكلك هاي سحرتك لو شلون تعرف طريقنا ما بي رجعه تنسحب شنو تنقتل فورا فكر عدل مالك

-اعرف اعرف.. هو هذا الشاغلني احس نفسي دخلت ببركة رمل متحرك وغطست لا كادر اطلع ولا كادر ابقى.

-وانت شنو المضايقك من شغلنا الدنيا كلها جو ايدنا

- ايهاب عمري راح يدخل ال40 واني ما مستقر.. املك كلشي بس ما املك راحة البال .. وشغله ثانيه لجين حامل

-انت مخبل شنو حامل مالك.. ما نزلت الطفل.

-ما قبلت.. وبيني وبيك بنفسي اكون عائله وابتعد من كل هذا مليت من هلوسط هذا ماكو راحه ايهاب ماكو راحه.

الطفل ما وكع.. افكر اخذ لجين واشرد بيهم بعيد عن العراق.

-انت تخبلت.

-لا ما تخبلت بس مو بيدي ايهاب افهمني لجين ما اكدر اذيها ولا اكدر انطيها لتوفيق واشمرها حالها حال البنات..

اني عايش بأزمه نفسيه.. ما اعرف شلون اخذهم وانهزم.. سامي ما راح يتركنا بحالنه..

-اكول اترك منك هلتفكير وخلف منها الطفل وناخذه نستفيد بي وهي اشمرها منك لذاك الوقت انت شابع منها وطالعه من خشمك.

-لو مالك القديم جان كتلك اي وهو هيج.. ايهاب افتهم شغله اني حاب اكون عائله بعيده عن هاي الاعمال اريد ارتاح ملييييت حرك اعصاب وقتل ودمار نفسي الى متى..

ما اريد افلوس ولا مناصب اريد راحتي اريد عائله بيت زوجه تحتويني طفل يلعب بين اديه.. محتاج اعيش هيج اجواء لان ملييت..

قتلنا بعنا هربنا وبعدين.. فلوس ومنصب ومقامات وهيبه شفايدهم واني فاقد راحتي.

-مالك هاي غاسله عقلك..

-هههه اني هم اكول هي

ج بس مو بيدي احبها هي لا ناديه ولا رجاء ولا قبس ولا غيرها ولا غيرها

هذه لجين اللي خلتني ادور وراها شهووور.. وبلحظة ضعف منها خلتني اذوب بيها...

-يعني بالحصيله الملك صادوه

-هه بالضبط.. الغزاله غوت الاسد ووكعته تصدك بهيج شي..

-لا ما اصدك الا بحالة ان الاسد كان غبي حشاك..

-ابن ** بقيت بيها حشاك.. انت كول الاسد عشك... وكع خوش وكعه..

-وهيج الحب غبي يخليك تترك شغلك ومكانتك والدنيا علمود مره ما تسوى بسوك النسوان فلسين..

-مو فقط مره هي.. لجين راحتي من ادخل غرفتها انسى العالم.. وابقى هايم بيها..

لجين:- سمعت حديثهم.. رغم حجى وياه عني زين. بس شكد خفت منهم.. طلع شغلهم زباله اكثر مما اتوقع

وشنو قصة اللواء القاتلي ودافني بالبانيو... اخ يارب.. خلصني دخيلك.ما اكدر اعيش.. لازم انهزم منه.

تمشيت عل اطراف اصابيعي فتحت الباب وسديته حيل.. قطعو حديثهم.. تمشيت فتت منهم.. باوعتلهم ما حجيت. عفتهم ورحت للغرفه..

ابدل.. سمعت ايهاب طلع وسد الباب مالك طب الي للغرفه.. درتله وجهي .. دا امسح مكياجي..

-اخذي راحتج.. كعد ع السرير.. لبست دشداشه قصيره.. ورحت يمه.. لزمت گصته.. بعدك مصخن.

-اتأذى واصخن من تبتعدين عني. تعاي يمي..

-جرني من ايدي الحظنه. خليت راسي عليه وهو يمسح على شعري..بقيت افكر باللي جانو يحجوه.. ابد ولا بطلت تفكير اجيبها منا واوديها منا

شلون اهرب منه و هو مثل الطفل المتعلق بيه.. لو تركته ورحت لاهلي راح يرجع لغضبه وتهديده.

ما كدامي غير بس اسافر وحدي بدون علم اهلي.. بقيت ساكته لحد ما نام.. كعدت فتحت الجنطه مالتي واخذت غراضي وفلوسي..

واخذت ملابس اليه.. بدلت بالصاله.. ودا اطلع للممر.. الرجل واكف كدامي فزيت يمه.. بس مخنزر عليه..

ردت اصرخ.. بس لو صرخت يكعد مالك.. غمضت عيوني وبديت ارتل المعوذات والعرك يجري من جسمي كد الخوف..

الهي دخيلك ارحمني فدوه يارب اسندني لا حول ولا قوة الا بالله لا وحول ولا قوة الا بالله العلي العظيم..

فتحت عيوني الرجل ماكو.. دا اريد اطلع سمعت صراخ بالحمام مخييييف جدا والباب تضررررب..

شردت بسرعه حتى ما قفلت الباب.. اخذت الجنطه.. وركضت على الدرج وارتل قران من الخوف..

اسوق وامشي.. يربي وين اروح .. الساعه 9 بليل كانت.. خابرت امي.. كتلها ماما اخذيلي من بابا عنوان اهل مالك..

كالت ليش كتلها اني افهمج بعدين.. قفلته.. شوي وخابرت انطتني العنوان.. ماما مالك اذا مر عليكم لا تكوليله خابرتني وسوي نفسج خايفه عليه وبينله قلقكم..

الام:- لجين ماما صاير شي..

لجين:- امي هسه الافضل متعرفين شي.. اني من ائمن اتصل بيج وافهمج.. يلا باي..

اخذت عنوان اهله.. اطلب المساعده منهم بالهروب عسى ولعل يساعدوني بتالي اللي ابطني حفيدهم والظالمني ابنهم وين اروح..

بس ادخل اهلي ينقتلون.. اهله ما يكدر يعتدي عليهم.. والمشكله شلون لو ما تقبلوني ... مجبوره واكع عندهم واتوسللهم..

اللهي عليك توكلت فأكلني..

رحت بسيارتي لبيتهم... بيتهم بيه حرس.. اول ما ردت ادك الباب نزل حارس من السياره وكال تفضلي..

بيت قيس جابر

-نعم تفضلي منو..

-اريد احجي وياه بموضوع..

-منين انتي.

-اخي الله يخليك بس كوله اجين شاكر تريد تحجي وياك.. والله ما عندي شي.. مشى من عندي وداس دكمه ع الجرس ...

نطق الجهاز منووو.... سيدي هاي بنيه تكول اني شنو اسمج

-لجين شاكر..

-تقربي خل يشوفج.. اتقربت للعدسه..

-اسئلها شرايده..

-عمو الله يخليك بس كلمتين احجي وياك مو اكثر ..

-خليها تفوت للكراج.

-ادخلي

-انفتح الباب ودخلت.. طلع رجال من البيت.. بيت كولش جبير وتصميمه احترافي وكله اضويه ..

قيس:- تفضلي

-عمو اني

-الاعلاميه لجين زوجة مالك .. اعرفج

-بالضبط .

-شرايده..

-عمو اني حامل ومالك شغله ظعاره وزواج غير قانوني وحياتي وياه جحيم طلبت الطلاق وما ينطيني .. فدوه بس امنلي خروجي من العراق.

-اني ما الي دخل بمالك..

-بس اللي ابطني حفيدكم سواء رفضتو او قبلتو.. حرام والله اني وطفلي نروح ضحية اجرام مالك..

عمو انقذني الله يخليك فدوه ارحمني اني وابني لا تتركنه..دا احجي طلعت مره

-امشي منا اني متبري من مالك ولا اريد اتورط بي عساه بالطالح.. هذا مو ابني

-ابو اميره سمي بسم الله البنيه حامل وجايه دخيله من اعمال ابنك.. والبطنها من دمك خل نفهم منها.

تعاي بنيتي تعاي

-فاطمه لا تورطينه وي مالك خل تروح

-هسه شنتورط البنيه متورطه دتعاي يا بنتي اهلا وسهلا فوتي

-فاطمه

-هاي شنو يا ابو اميره .. كول يا الله وخل نستوعب الموضوع على كيفنا

-اخذتني الحجيه ودخلتني للبيت.. اكو ارتباك وخوف .. بس ضبطت نفسي وكعدت

نزلن 2 بنات شابات بعمر اقل ما اعرف.. عرفني بسرعه واجن سلمن عليه ..

رسل:- يمه بالحقيقه احلى واني بالتلفزيون واكول شدعوه هلكد حلوه. حقه الخبل من انجن بيج

-ابتسمت الها حبيبتي من ذوقج

الاء:- والله متابعين البرنامج ك

ل اسبوع حتى اليوم لما جان الموضوع على الالحاد كلنا تابعنا حتى بابا..

-اشكركم شرف اليه.

فاطمه:- بناتي اخذن البنيه وخلوها ترتاح والصباح رباح

قيس:- فاطمه شترتاح. هسه يجينه المخبل ونبتلش بي .. ما اريد اتصادم وياه واني كوه صابر على افعاله..

-اووووي شبليتنه يا رجال.. البنيه شارده من ابنك الك وانت ترفضها وين تروح متكلي حرام ما يصير هيج البطنها حفيدك ..

-بقيت اباوعله يقبلني بالبيت بس الحجيه اخذته حاصل فاصل كلما يريد يحجي تقاطعه وتهدي.. الى ان كال انطيني سويج سيارتج خل ندخلها للكراج.

انطيته. وصعدت وي البنات صعدو الجنطه ورايه.. كعدو يسولفون ويايه.. واني بالي مشغول ومرتبكه من الوضع.

دخلت الحجيه.. كعدت ويانا ع السرير..

-نعسانه بنيتي ترتاحين لو نسولف احنه نسوان بيناتنا

-لا خاله منعسانه سولفي

-اني اريدج انتي تسولفين شلون تعرفتي على مالك.. بعدني اريد احجي دخل عمو قيس..

طبطبت على ايدي.. حجه هو وي بناته كاللها باباتي سويلي مجال اكعد.. كامن هنه من السرير الكبالنه وهو كعد..

وكعدت وحده يمه.. والحجيه والثانيه يمي.. سولفتلهم من اول ما تعرضلي مالك لحد حجيه اليوم ويه ايهاب..

فاطمه:- يمه يعني انتي تحسي صدك يحبج .

-اي يحبني بس خاله حياته وشغله واعتقاده صعب اتقبله... ما اكدر اعيش وياه.. باجر يصير عندي طفل وابوه هذا وضعه شيطلع ابني..

-زين تعتقدين يكدر يهتدي لو جبرتي

-يعني شلون

-يعني من يخابرج تردين وتكليله ما ارجعلك الا اتوب وتترك شغلك.

التحسن حاله خير على خير والما تحسن احنه نأملج خروجج من العراق واني اوديج الاستراليا هناك يم بين اختي..

-والله خاله اتمناه يتوب ويهتدي من الحاده واجرامه .. بس....

-لا بس ولا ابد مدام يحبج يتغير مو ابو اميره

-ان شاءالله احنه شنتمنا.. ومدامه يتمنى العائله ومل من شغله حسب كلامها. ف اني متأكد يتوب..

واذا يريد يتوب ويترك شغله اني اسنده وما اخلي واحد يتعرضله.. وامنه ابيتي لحد ما يشوف الحل شلون يهرب ..

واذا ما قبل يترك. اني اطلعج وحدج .. وامن عليج

-اشكركم جدا ما اعرف كيف اعبرلكم عن امتناني لكن اسعدتوني والله بكلامكم.. .

فاطمه:- لا يماما احنه اللي انسعدنا بكلامج وعرفنه مالك بي امل بعد ما ايسنه منه

وهسه ارتاحي.. يلا بناتي ساعدن مرت اخةجن وعزللها فراش خل ترتاح.

وانته ابو اميره امشي نحجي هناك اني وياك.. خل البنات يرتاحن

تركوني وطلعو.. بقو البنات كاعدات يمي وحده غيرتلي فراش سرير وكالت انتي نامي على فراشي..

-لا حبيبتي عادي افرش بالكاع انام اخذي راحتج ما اريد اضايقكم

-مو عيب انتي مثل اختنه ومنقبل اختنا تنام بالكاع واحنه ع السرير..

-طيب جمعو السريرين وخل انام سويه اذا اني اختكم ..

-ماشي هههههههه...

خطيه شالو الميز البنص وجمعو السريرين ووحده شغلت DVD والثانيه راحت سوتلنا شاميه وكهوه.

ابد محسسني انو اني غريبه .. يصيحون لجين و لجين كأنهم يعرفوني من زمان.. واني يا دوب افرق الاء من رسل

صاحت الاء .. فلم رعب تردن لو رومانس ..

لجين:- لا فدوه مو رعب..

-لعد رومانسي

رسل:- لج لاااااااا رومانس نضل نحظن الحايط طلعينه شي اكشن حرب دم

الاء:-اووووع دم شنو ما احب هيج افلام راح اطلع تايتنك

رسل:- شايفي الف مره دروووحي

لجين:- لا حلو تايتك صح شايفي بس مينمل.. ثنينهم كالو اوك شغلن الفيلم. طلعت الاغنيه مالته

وكفن اثنينهن على طرف السرير مثل حركة جاك و روز ويغنن الاغنيه هههههههههههه

بقينه انباوع.. التفتتلي الاء.. اكو صوت دا اسمع موبايل يرن.

-لحظه يمكن جهازي.. كمت من عدهن ورحت فتحت الجنطه مالك يتصل.. باوعتلهن.. كالن ردي مثل ما علمتج ماما..

رديت الوووو..

مالك:- وين انتي الساعه 2 وين صرتي اهلج ما يعرفون بيج وين. احجي وين انتي

-مالك اني بمكان بعيده عنك.. اذا تحبني صدك اتركني اعيش مستحيل ارجعلك بعد..

-انعل الخلفوج احركهم حرك ترجعين هسه لا تخليني اشوفج الوجه الثاني ادورج بكل مكان ومحد يخلصج مني.. حقييييييييره

قفلة الخط بوجهه........يتبع

☆☆☆☆☆☆☆☆☆☆