التسجيل حاولت نوضح فيه هلبا أمور من جانب فني واقتصادي فـ انتا حالياً مخير بين خيارين لا غير

1- لو عارف روحك المجال مش مناسب ليك اصبر علي اول صعود تصحيحي وابدا صرف وفوته المجال حتي لو عندك خسارة خير ما توصل لمرحلة وتبيع كل شي بسالب 90%

2- لو عارف روحك انسان تبحت وتتعب وعندك صبر ابدا ارسم في خطة استثمار واحصر روحك علي شوية مشاريع مدابيك ما تفوتش الـ10 وابدا حط مناطق الشراء والتجميع لسنتين قدام واستغل الوقت في انك تطور روحك اكثر في المجال من الجانب الاقتصادي والاساسي والفني , لعند ما توصل لمرحلة كويسة بحيث تقدر تستفيد من المضاربة والاستثمار

طبعاً لو جاي من دعايات التيك توك والحرية المالية نحب نقولك فوته المجال بالطويل 👋🏻

البتكوين لتوا مافيشي اشارة شراء واضحه اول ما تطلع عندك اشارة شراء بناء علي الاستراتيجية يلي يتبع فيها اي حد توكل علي الله واشري غير هكي ماتشريش خاطر السعر رخيص وماتشريش خاطر تبي تخش اول واحد او تقول دخول حيتان ولا دخول مميز

اول شي ل انك انتا في الاول والاخير مش من الحيتان ولا حني من الحيتان كلنا صغار متداولين

تاني شي مافيش مسابقة علي من يخش الاول اهم شي يكون دخولك سليم مش مهم تضيع شوية دولارات افضل ما تتسرع ويبدا رصيدك بالاحمر

34 شخص مصوتين مزال

امتي بتقتنعو ب سلامتكم 🤔👀

للتذكير امس وضحت انه الشراء بناء ع السعر غير مفيد وتقريباً اغلب العملات نزلت علي سعر امس ووضحت افضل سيناريو للشراء كسر كاذب للقاع الرئيسي لذلك نعيد ونكرر الشراء اعتمدو علي كسر القاع الرئيسي والتصحيح فوقه للشراء

تذكر انك مش في مسابقة من يشري الاول

بالتوفيق للجميع 🤝

عشرة دقائق بالكثير وفي فيديو باخر مستجدات البتكوين ووين ممكن يوصل بينا وكيف نشرو بالزبط او بالاصح من وين نشرو

اخر مستجدات البتكوين وافضل سيناريو للشراء والبيع خلال المدة القادمة

حاولت نلخص علي قدر ما نقدر

قمة جديدة تبي هلبا امور نسيت ما ذكرتهاش

1- بوتين وزيلنسكي ياخدو سيلفي معا بعض
2- الفدرالي يتراجع علي التشديد
3- زيادة انتاج النفط وتراجع اسعاره يلي بتساعد علي تراجع ارقام التضخم وتخلي الفدرالي يتراجع شوية في التشديد ورفع الفائدة بـ وتيرة اقل

بالتوفيق للجميع والتداول بحذر والالتزام بالستوب لوز مهم

مزال الطريق طويلة هلبا يسحابوها صبلي نشرب

موضوع الاستثمار في 2022 تكلمنا عليه من بداية السنة علاش ما نشوفش في سنة 2022 سنة جني أرباح وحتي 2023 كذلك

جماعة البتكوين فقاعة شهادة لله ماليكم حل تقول يعرفوا البتكوين بس برا خوي افتح سوق الاسهم وتفرج علي اسهم نزلت 65% في يوم البتكوين قدامهم قاعد راجل 🤔

الفدرالي بالتشديد قاعد يسحب في السيولة واهم شي عندهم خفض ارقام التضخم والتشديد مستمر لنهاية 2023 وما بعدها لو ما وصلوش لحل

السوق مزال معطل لذلك نصيحة عندك زوز خيارات 👇🏻

1- معا اول تصحيح صاعد جاي بيع يلي عندك وامنع مدامك ماتقدرش تصبر 👍
2- اصبر واعرف شن تشري ووسع بالك والتزم بمناطق الدخول 👍

احسن حاجة في الانهيارات يلي تصير كلها تختفي بالذات مبروك لمن استفاد وأبو احمد قناص الكريبتو وتوصيات المحترفين بح بح كلهم وبالذات قنوات التيك توك متع موسيقي حماسيه وكيف تحقق الملايين بطريقة مضمونة 👋🏻

وبالمرة بما انه الحكاية بتكسد مدابيكم تركزوا علي تطوير روحكم اكثر في الاسواق وتتعلمو اكثر وتقريباً الاغلب تعلموا انه السوق مش ساهل وهذا الشي يلي ديما نعيد ونكرر فيه ومدابيكم لما بتتعلمو خشو علي جميع الاسواق باش تستفيدوا بشكل اكبر 🤝

مثلا انتا تكون مستثمر في الكريبتو ونفس الوقت مضارب في الفوركس

الاستثمار للقدام والمضاربة تطلع منها مصروفك في الوقت الحالي والفائض تقدر تستثمره او تكبر بيه راس مالك وهكذا 👍

وحتي لو انهار البتكوين وطلع فقاعه معا الوقت تلقا روحك تقدر تخدم 😁 🤦🏻‍♂️

بالتوفيق للجميع 🤝

المستوي المحدد من فيديو امس وسيناريو الكسر الكاذب من المستوي الحالي

ننصحكم بمتابعه الفيديو باش تشوفو السيناريو المناسب شراء او بيع بناء علي المستوي المحدد

إليك التطورات للأحداث التي حصلت لعملة LUNA الرقمية، والتي أدت إلى انهيار سعرها إلى الصفر.
‏- بداية قام المهاجمون بشراء مايقارب 1 مليار دولار ‎$UST.
بعد ذلك تم اقتراض 3 مليار دولار من بيتكون تقريباً 75 ألف عملة بأسعار بين 40-38 ألف دولار.
بعد الشراء تم نشر تقارير وتغريدات هدفها التشكيك في قدرة مؤسسة لونا “LFG” بالحفاظ على عملتهم الثابتة في حال هبوط السوق.
عقب نشر هذه الشائعات قام المهاجمون بفتح شورت على البيتكوين وتنفيذ عمليات بيع عالية ومتواصلة بالكميات التي اقترضوها (75 ألف بيتكوين).
في لحظة من اللحظات وبعد 10 دقائق فقط من سحب مؤسسة لونا بعض السيولة من حوض سيولة Curve استعداداً للتصدي لبعض الهجمات انقض عليهم المهاجمون.
أفرغ المهاجمون حوض سيولة Curve بسهولة – احتاجوا إلى 350 مليون دولار فقط لفعل ذلك.
بعدما تم إفراغ الحوض، باعوا كميتهم التي اشتروها سابقاً من ‎$UST في منصة Binance ~ قرابة 1 مليار دولار مشكلين ضغط بيعي قوي عليها مثل ما لاحظنا البارحة..
وتم تصميم نموذج الربط بين ‎$Luna و ‎$UST والحفاظ على مستوى 1$ فقط في حالة وجود 4 مليار دولار سيولة في حوض Curve وليس 350 مليون!!
بدأ الناس بالذعر عند اكتشاف أنّ ‎$UST لم يعد قادر على المحافظة على مستوى 1$ والبتكوين يهبط بعنف أيضاً مؤسسة لونا ستضطر لبيع احتياطياتها من البتكوين لإعادة توازن ‎$UST
هذا بالضبط ما أراده المهاجمون عند قيامهم بفتح شورت على البتكوين من سعر 40k.
بالفعل باعت مؤسسة لونا 42 ألف بتكوين للحفاظ على UST وتم تفريغ الاحتياطيات بالكامل.
سعر البتكوين في هبوط متواصل بسبب الذعر بالإضافة لبيوع احتياطيات لونا، أيضاً UST تعاني من ضغوط بيعية من المهاجمين.
أصيب النظام بالشلل وانتشر الخوف بين المتداولين مما جعل بعض المنصات توقف تداول UST أسفل 0.70$ في مقدمتهم منصة Binance.
استوعبت مؤسسة لونا ما يحدث وأوقفت البيع من بقية الأحواض مثل حوض “AVAX” وتركوا UST يستعيد قيمته من شراء الناس له وعدم إمكانية بيعه تحت 0.70$.
هناك شائعات عن اتفاقيات حدثت بالفعل بين صانعي السوق والمنصات لإيقاف كارثة ‎$UST.
كل هذا لم يكن ليحدث لو كانت الأحواض ممتلئة كما يجب بالـ 4 مليار دولار وليس سحبها وإبقاء 350 مليون دولار فقط!.
توقيت الهجوم بعد 10 دقائق من السحب لم يكن مصادفة.
صباح يوم الاربعاء ظهرت جانيت يلين -وزيرة الخزانة الأمريكية- وذكرت ماحدث لـ ‎$UST وأن العملات المستقرة في نمو مستمر ويجب إيجاد طرق لتنظيمها!

باختصار جيرم بأول قاللكم توجع شويه لكن 100%

وهذا بكل اختصار السبب انه عامين 2022-2023 مش حـ يكونوا عامين مناسبين لجني أرباح الاستثمار

الوضع مرات يتغير لكن لتوا ولو استمرو علي الخطة يلي ماشين عليها فـ ماعتقدش انه حـ يكون في شي جديد

اكثر شي يخليك تستغرب الناس يلي خسرت 2 مليون و4 مليون في لونا وارقام ضخمة

الشي يلي مش فاهمه مبلغ كبير زي هوا بدون ستوب لوز !

ممكن نتوقعها من شخص يخدم بـ 50$ ولا 100$ ولا حتي 1000$

لكن اشخاص حاطين الملايين بدون ستوب لوز وهذا قليل من كمية التهريج او الغباء المنتشر في الاسواق بالأخص أسواق الكريبتو

يقولك حد مرات تحط ستوب يضربه ويركب

يا اخي حطه حتي علي 50% من راس مالك علي الاقل تحمي روحك من الانهيارات فـ من افضل يفضلولك 50% او 0 ؟

ماتبيش حطه علي الاقل علي الدخول اول ما يصعد السعر بتحرك قوي حط ستوب لوز علي دخولك وانهي القصه !!

نصيحة اخوية تبي تقمر وتضيع وقت ضيعه علي رصيد بسيط 100 - 50 مش مشكلة لكن لو بتخدم برقم محترم وماتبيش تحط ستوب لوز نصيحه انك توفر علي روحك الخسائر والوقت يلي بتضيعه وتستفيد من اي مجال تاني لـ انه في هلبا مجالات ممكن تفيدك اكثر

قروبنا العام علي التلغرام القروب لمناقشة التداول في الاسواق المالية المختلفة معا بث مباشر لشرح استراتيجيات وادوات التداول المختلفة

https://t.me/LibyanTradersCommunity

حل اللونا الوحيد انه تتواصلو معا الدبيبة بالك يضخ مليار وينشطها 😁

لماذا يجب عليك دائما التداول باستخدام الستوب لوز او وقف الخسارة 👇🏻

https://www.instagram.com/p/CdisUziqlRK/