اغلب العملات عاطين نفس الإشارة وهيا كسر القاع الرئيسي 🤔

افضل سيناريو نتعامل بيه في التحركات يلي زي توا هوا الكسر الكاذب او False BreakOut 🤔

ويكون كالتالي 👇🏻

1- حدد القاع الرئيسي
2- استنا السعر يرجع يصكر فوق القاع
3- استنا السعر يدير تصحيح او اعادة اختبار ويحافظ علي القاع
4- وقتها خش شراء وحط ستوبك تحت القاع الجديد

الكسر الكاذب الغرض منه في الغالب ضرب الستوب وضرب الشورت كالتالي 👇🏻

1- الناس يلي شارين بيحطو ستوبهم علي القاع او تحته ينزل يضربه

2- الناس يلي تشوف في كسر القاع تخش بيع ويركب يضربهم


لو كنت مستعجل وتبي تخش بسعر توا خش باش تريح الفومو لكن خلي دخولك يكون بـ اقل مخاطرة مدابيك مايفوتش 1% - 2% هكي تكون خشيت وريحت الفومو ومخاطرتش بـ رقم كبير

ولما يبدا يصعد السعر حاول انك تخدم بالطريقة يلي ديما نوصي بيها انك تلتزم بـ اهدافك واول ما تحقق الهدف الاول طلع 30% وحرب الستوبات لنقطة الدخول وكل ما تحقق هدف طلع 30% معا التامين المستمر

تحديد الاهداف يعتمد عليك هل انتا مضارب او مستثمر

في الصور موضح اكثر علي تلاتة عملات وكلمة تاكيد الكسر الكاذب المعني منها انتظار عودة السعر فوق القاع واتباع المذكور اعلاه

الديكسي بدي يعطي في ضعف واضح علي اليومي عند مستويات مهمة

المستويات الحالية لو نجح في الارتداد منها بيكون شي ايجابي للاسواق بالتزامن معا ارقام CPI غدوا

والاسبوعي عاطي نموذج انعكاسي الا انه الزخم قوي علي الاسبوعي

نشوف فيه والله اعلم علي باب الهبوط اهم شي يكسرلي المستوي المحدد باش ياكدلي الهبوط علي اليومي