اسعد الله اوقاتكم بكل خير

بخضوص البتكوين تحليلنا كان ناجح 100% وتم نشر التحليل من لما كان البتكوين في مستويات 44 قبل حتي صعوده لمستويات 48000 لكن باش نكون واضح اني عن نفسي كنت خاش تلاته صفقات بيع تم ضرب نقاط دخول صفقتين واستمرت صفقة فقط ولما نزل السعر حاولت اني نصطاد الصعود التصحيحي لكن مانجحتش ل انه ضربتلي ستوب لكن الاجمالي العام رابح بفضل صفقه البيع من مستويات 47 والحمدلله

طبعا الغايه والغرض من الكلام يلي فوق انه ضروري ما نوضح للناس انه التداول مش ساهل علي عكس ما يتم نشره انه مجال ساهل


وبالنسبة للبتكوين مستويات 38 ح تبين انه ح يهبط او يصعد بشكل تصحيحي وياريت التركيز ع كلمه تصحيحي

بالتوفيق

صحة فطوركم جميعاً

اكثر سيناريو نتوقعه للبتكوين

من 39 لـ 38 مستويات قوية احتمال كبير ترد البتكوين لـ مستوي 42900$ ومن غادي يبان لو صار ضعف عند مستويت 42900$ حـ نستهدفو مستويات 35$ وكسر ولو صار ضعف منها حـ يتم استهداف اعادة اختبار مستويات 38$ ولو صار ضعف منها حـ نستهدفو مستويات 32 بشكل مبدئي

السيناريو توقعي وضروري ما نشوفو ردة الفعل عند كل مستوي

التزمو ب ستوباتكم وبالتوفيق للجميع

يلي متوقع انه البتكوين يعاود نفس سيناريو متع السنة يلي فاتت ضروري يحط في باله هلبا أمور

أولها انه الأمور يلي خلت البتكوين يصعد السنة يلي فاتت غير متوفرة السنة هيا ويلي هيا الأموال الرخيصة

اول شي السنة يلي فاتت نزل من مستويات 65 لمستويات 28 لسبب وصعد لسبب ومافيش اي تخوفات من سياسة الفدرالي التشديدية

السنة هيا هبط لسبب والسبب هوا قاعد ضاغط علي البتكوين بشكل كبير ويلي هوا سياسة الفدرالي التشديدية

والسياسة التشديدة تكون اكبر خطر علي الأصول عالية المخاطر زي الكريبتو والأسهم

بداية السنة كنت منزل مقالة انه السنة هيا ماعتقدش انها تكون سنة مناسبة للبتكوين والكريبتو المقالة كانت بعنوان ( الاستثمار في العملات الرقمية عام 2022 )

من وجهة نظري والله اعلم انه السنة هيا الفائدة حـ يتم رفعها لمستويات 1.75 - 2 وحـ يكون كل اجتماع فرصة مناسبة للتصريف لـ عند ما يوصلوا لشهر 12 وتكون الفائدة 2 او 1.75 وقتها المستثمرين يكونوا مصرفين الرقم يلي يبوه لـ انه صعب المستثمرين يبيعو كل ما يملكوا مرة وحدة ولما يكونو مطلعين الرقم يلي يبوه حـ يتجهو للسندات لـ انها مناسبه ليهم اكثر من ناحية المخاطر

هل البتكوين انتهي ؟

البتكوين صعب انه ينتهي لكن مش مستحيل

البتكوين مستمر بأذن الله لكن الصعود المناسب حـ يكون ف الوقت الغير المناسب او المتوقع لذلك ديما ننصح الشخص انه يستثمر ويوسع باله لكن الاستثمار يكون بـ ضوابط مش متع اشري وعزز وخلاص وحـ يجي الوقت المناسب للصعود ان شاء الله

افضل شي للناس يلي تخدم ف السوق انك توزع راس مالك جزء مضاربي وجزء استثماري باش تكون ضارب عصفورين بحجر واحد

بالتوفيق للجميع

أهمية الستوب لوز او وقف الخسارة

في ظل تراجعات يلي صايرة في سوق العملات الرقمية اعتقد انه الجميع حالياً عرفوا أهمية الستوب لوز

هوا في الواقع انتا لو ضربلك السعر ستوب لوز او نزل عليك السوق بتكون خاسر لكن الفرق انه بالستوب لوز بتكون محدد خسارتك اما يلي مخلي صفقاته بدون ستوب لوز حـ يكون تحت رحمة السوق

علي سبيل المثال بتكوين يضربلك ستوب لوز في مستويات 41700 افضل ما ينزل بيك لمستويات 38000$ وهني الفرق

افضل شي الالتزام بالستوب لو تخدم مارجن او سبوت ضروري من الالتزام بالستوب لوز

وبالتوفيق للجميع

المحاضرة التالثة من ضمن سلسلة الدورات الرمضانية غداً الساعة 12 ليلاً علي قروب التلغرام معا التطبيق العملي

تسجيل المحاضرة غير اكيد يعني حاول انك تحضرها بشكل مباشر باش تقدر تطرح الاسئلة والاستفسارات

بالتوفيق للجميع

ضروري مراقبة ردة فعل السعر في مستويات 42896$ منها يبان هل بيستهدف 44971 او بينزل ل مستويات 37 - 32

اكثر أسلوب يستخدموا فيه بياعين الوهم انه يوريك أرباحه فقط وهذا اكبر غلط

الغلط الأول انه الشخص المبتدئي لما يشوف شخص ديما يربح بس فـ بيقعد يدور ف الطريقة يلي لا تخسر وهيا مافيش ويضيع وقته وهوا يدور وفي النهاية يقتنع انه مافيش

الغلط التاني انه مايبيكش تستفيد ومشاركته ل أرباحه معاك فقط لسبب واحد انه يبي يبيعلك شي يا اما توصيات اما شي تاني

لذلك لو كنت شخص مبتدئي ضروري ما تعرف المجال فيه خساره لكن الفكرة انك لما بتخسر تخسر شوية ولما بتربح بتربح هلبا وهيا ضروري ما تركزوا عليها وربي يوفقكم ان شاء الله

تسجيل المحاضرة التالتة من سلسلة تعليم التداول في الاسواق المالية للمبتدئين علي قناتنا في اليوتيوب

عنوان المحاضرة مبادئ استخدام الترندات والدعوم والمقاومات

التسجيل مختصر لذلك دائماً وابداً ننصح بمتابعة الشروحات بشكل مباشر حتي يتمكن المشاهد من طرح الاسئلة بشكل مباشر

https://youtu.be/_2m1WEjtx0A

قروب التلغرام الذي سوف يتم بث الندوات عليه :

https://t.me/+gR6TW10SrIE5ZTM0