اللهمَّ إني أسألُك علمًا نافعًا ورزقًا طيبًا وعملًا متقبلًا. اللهمَّ بك أصبحنا وبك أمسينا وبك نحيا وبك نموتُ وإليك النُّشورُ

عاجل :

ما سبب تورط الماسونية والمخابرات الصينية في تعدين البتكوين في ليبيا وهل البتكوين هوا الدينار الذهبي الخاص بمعمر القذافي ؟

لمشاهدة الفيديو علي منصة اليوتيوب :

https://youtu.be/EMwyLouyJfM

كل عام وانتم بخير بمناسبة عيد الأضحى المبارك اعاده الله علينا وعليكم بالخير واليمن والبركات سائلين الله أن يبارك لكم فيما رزقكم و يهدينا وإياكم إلى صالح الأعمال .

كذلك نود تذكيركم بالتسجيل في محاضرتنا القادمة " الخطوة الأولى بالتداول "

اللهم مع صباح هذه الجمعة المباركة، سهِّل لنا ولأحبّتنا أيامنا المقبلة، وابعث لنا فيه كلّ خير، وأبعد عنّا ما يؤذينا واحفظنا ومن نحبّ من كل مكروه.

كيفية التداول باستخدام الفوليوم بروفايل بشكل متقدم .

محاضرة اليوم راح تكون علي أداة من الأدوات المهمة ويلي راح تفيدك بشكل كبير في تداولاتك وكيف تحدد قوة الاتجاه وهلبا أمور تانية .

الشرح علي منصة اليوتيوب واكيد ما تنساش لايك والاشتراك ومشاركة الفيديو معا صحابك المهتمين 👇🏻👇🏻👇🏻

https://youtu.be/yum0JZYfeBM

اكثر سؤال يجي الأيام الأخيرة . " اني شخص جديد ونبي نخش للتداول كيف نبدا فيه وشن ندير بالزبط وشن نتعلم "

لذلك سجلنا فيديو فيه 4 خطوات تتبعها لو كنت شخص جديد ومهتم بالتداول وتمشي عليهم بالترتيب , وكذلك اهم الأسئلة الشائعة متع قداش اقل مبلغ نبدا بيه وكيف نودع ونسحب والخ .

الشرح علي منصة اليوتيوب 👇🏻👇🏻👇🏻

https://youtu.be/YwlFZ9meQbY

ساعة كل يوم بشكل مستمر كافية انك تتعلم المجال يلي تبيه بالأخص معا وجود الانترنت وتوفر جميع المواد التعليمية علي الانترنت .

فـ القرار قرارك , ساعة من يومك كل يوم تتعلم فيها وتعرف قيمتها معا الوقت, او تضيع وقتك في المواضيع الفارغة ونهايتك بتقعمز معا جماعة اللب .

إجازة سعيدة للجميع .

نهاركم مبارك

في شوية نقاط ضروري تكون فاهمها قبل ما تبدا في التداول .

التداول زيه زي اي بزنس تاني وبنفس المخاطر وبنفس كل شي غر الاغلب واخدين عليه فكرة غلط وبعون الله راح توضح الفكرة للكل .

1- انتا لما بتدير اي مشروع " مطعم - قهوة - مغسلة - الخ " المفترض انك بتجمد مبلغ في مقابل انك تحصل عائد علي المبلغ يلي دفعته " في حال نجح المشروع " وهني نفس الفكرة بالزبط انتا بتديرها في التداول بتحط مبلغ وبناء علي خبرتك راح يكون مكسبك .

2- المخاطر وهلبا يقولك لا التداول مرات يخسرلك كل راس مالك والكلام هوا صحيح لكن صحيح في اي بزنس , اي بزنس انتا بتديره معرض للخسارة والانهيار علي ابسط مثال لو بتفتح مطعم توقع عادي جداً يتعرض لماس كهربائي وينحرق مطعمك بالكامل واستثمارك يريح معا الهواء , نفس الموضوع فـ التداول ولتصحيح المعلومة هيا انتا لما بتفتح اي صفقة بتعرف روحك قداش بتخسر قبل حتي ما تفتحها .

3- اقل راس مال والنقطة هيا تحتاج التوضيح هلبا , انتا اي مشروع بتديره محتاج حاجتين " خبرة - راس مال " وكل ما زاد راس مالك زاد مكسبك وهني نفس الوضع بالزبط في التداول ومعا هذا مرات الحظ يلعب في دوره زي ما بيلعب دوره في اي شي تاني لكن الحظ مش راح يستمر .

المجال يبي نقطتين لو ماتقدرش توفرهم تقدر تشوف اي مجال تاني يساعدك

1- خبرة
2- راس مال

لو عندك خبرة بدون راس مال في حلول , لكن عندك راس مال بدون خبرة فـ موضوع صعب ونهايتك مش راح تكون كويسة .

شن سبب خسارة اغلب المتداولين .

المدة الأخيرة لاحظت انه في هلبا يعانو من نفس المشكلة انه يكون محلل كويس لكن صفقاته مش مليحة ومرات توصل بيهم حتي لخسارة الحساب بالكامل .

في الفيديو هوا حاولت نوضح شوية نقاط بخصوص الموضوع وان شاء الله يفيدكم .

الفيديو على منصة اليوتيوب 👇🏻👇🏻👇🏻

https://youtu.be/_UOkTHmSUB0

لينا هلبا معش تكلمنا علي فرص الشراء والبيع بحكم انه اغلب الفرص انزلوا فيها علي قروب التيليجرام .

اكثر سؤال حالياً هل الوقت مناسب لشراء البتكوين والعملات الرقمية وقبل ما نقولك الإجابة خلي نقولك شوية نقاط توضحلك هل الوقت مناسب او لا .

وقبل ما ننتقلو للشرح ضروري تعرف انه هيا وجهة نظري الشخصية لقيتها متوافقة معا توقعاتك توكل عـ الله اما لو لقيتها عكس توقعاتك بكل بساطة دير روحك ما شبحت شي .

في البداية ضروري نعرفو سبب صعود البتكوين الشهور الأخيرة بشكل أساسي قبل الفني .

1- ازمة البنوك
2- طلبات الشركات الاستثمارية للحصول علي صندوق لتداول البتكوين

والحاجتين هما تقدر تقول انهم حاجات إيجابية للبتكوين ولكن الإيجابية في اتجاه هابط غير كافية .

فـ صعود البتكوين او الاصول عالية المخاطرة تعتمد بشكل كبير على الأموال الرخيصة او أموال المستثمرين وهذا الشي غير متوفر بالأخص انه الفائدة قريب توصل لمستويات 6 وهذا الشي يضغط على الاستثمار في الأصول عالية المخاطر زي البتكوين والأسهم .

بشكل فني .

مدام البتكوين لم يتجاوز مستويات 35632$ فـ هوا مزال فالاتجاه الهابط ورحلة الهبوط تبدا بكسر مستويات 25250$ " قمة فبراير " .

هلبا نشوف فيهم يتكلموا عـ الاستثمار باستخدام استراتيجية DCA , استراتيجية DCA لو كنت صندوق تحوط ممكن تنفعك لكن مدامك مستثمر صغير او متداول حاول انك تدرس نقاط دخولك بشكل كويس وبعون الله الأيام الجاية راح نحطو نقاط الدخول المناسبة للمستثمرين .

الاستثمار يخطئ ويصيب ويبي نفس طويل فـ لما تستثمر فـ شي انتا تراهن على انه المشروع او الأصل بيصير منه بناء علي بيانات معينة لذلك بتوسع بالك اما لو تبي أرباح بشكل مستمر حاول انك تقوي روحك في المضاربة وتركز علي الزوز .

مواضيع ذات صلة قد تفيدك :

1- مقال رقم 1
2- مقال رقم 2
3- مقال رقم 3
4- مقال رقم 4
5- مقال رقم 5

بالتوفيق للجميع