الكريبتو يمر بنفس مرحلة فقاعة الدوت كوم اغلب المشاريع راح تنتهي يا اما بالفشل او بالنصب اما المشاريع المليحة راح تستمر اذا نجح مشروع الكريبتو .

علي سبيل المثال بتكوين في شهر 12 - 2020 كان سعرها 19 الف

سولانا كان سعرها في نفس الوقت 0.60$

اليوم البتكوين سعرها 19 الف

والسولانا سعرها 30$

اني شخصياً من محبين سولانا لـ انها تقدم في حلول ونشوف فيها راح تأخذ مكان ايثريوم لو نجحت في المستقبل .

عن نفسي مخاطر فيها ومزال بنخاطر فيها نجحت او فشلت نشوف فيها فرصة تستحق المخاطرة .

والمدة يلي فاتت شفت هلبا منشورات انه شبكتها تعاني من بعض المشاكل وهذا شي عادي حتي البنوك الكبيرة عندها مشاكل تقنية تصيرلها مرة مرة بالذات في أوقات الضغط والسولانا مزال مشروع ناشيء

المنشور مش توصية لا شي انتا حر في استثمارك لكن هيا وجهة نظري بخصوص مشروع معين .

فقاعة العملات الرقمية وعلاش في هلبا عملات راح تختفي

تحركات البتكوين خلال اخر 9 سنوات

2013 | $258 - $64
2014 | $1163 - $152
2018 | $19807 - $3127
2021 | $65013 - $28669
2021 | $68938 - ???

هل تعلم انه موضوع هبوط البتكوين 80% او 85% اول من تكلم عليه حني في البث المباشر وانه الكلام هوا كنا نتكلمو عليه لما كان البتكوين في مستويات الاربعين ونزلنا عليه منشور سابقاً ونزلنا حتي فيديو بالخصوص علي قناتنا في اليوتيوب

https://t.me/SpikeFast/799?single

https://youtu.be/dxrq-Yco5gk

وحالياً بدو اغلب المحللين يتكلمو علي الموضوع

https://www.worldstockmarket.net/investment-strategist-ian-harnett-bitcoin-could-crash-to-13000/

الفكرة انه مش ضروري يكون المحتوي مدفوع باش تستفيد منه , حتي المحتوي المجاني متعوب عليه

بالتوفيق للجميع

احسن حاجة في الازمات تغربل في شركات النصب والبونزي

كلامي مش موجه للكريبتو فقط لكن موجه للأسواق المالية بشكل عام

علي مر التاريخ في كل ازمة هلبا محافظ استثمارية وشركات استثمارية يطلعوا علي حقيقتهم

ابسط مثال بيرني مادوف بونزي لمدة 35 سنة ماشية اموره لعند ما جت ازمة الرهن العقاري فـ 2008 باش انفضح

وكذلك امثلة محلية ازمة كورونا طلعت حقيقة محافظ استثمارية وهمية في ليبيا كانت تعطي في نسب أرباح ثابتة

وفي الوطن العربي من بداية تراجعات الكريبتو لليوم شبحت اكثر من محفظة استثمارية وشركة استثمارية نصبت وهربت لليوم نشبح في اخبار علي شركة تداول علي أساس وتعطي في باقات استثمارية والباين انها بتنصب

الفكرة في الازمات انه الناس تبدا تطالب بفلوسها والمحافظ النصابة يكونوا يعطو في أرباح ثابته لكن ارقام علي الشاشة بس ولما تصير ازمة اغلب الناس تبي تسحب والمحافظ اساساً صارفين الفلوس ويستنوا في إيداع ناس جديدة باش يخلصوا غيرهم ولما تصير ازمة مافيش من يودع فلوس جديدة لذلك يقعدوا متورطين ويحاولوا انهم يصمدوا لكن نهايتهم وحدة

نصيحة ما عمرك تعطي فلوسك لحد وبالتوفيق للجميع

بمناسبة حصان العزيزية 😅🙄

تعرف علي ابرز التطورات والتحليلات الأسبوعية للأسواق المالية , بتكوين والايثريوم والذهب والنفط والعملات الأجنبية 📊

لا تنسا مشاركة التحليل معا اصدقائك المهتمين بالتداول في الاسواق المالية 👋🏻🤝

https://www.instagram.com/p/CfOaS6pKibt/

في سؤال ديما المفروض انك تفكر فيه

البنوك والمؤسسات المالية تخدم بالثقة يعني علي سبيل المثال

البنوك اجمالي المبالغ المودعة فيها من العملاء نقولو مليون دولار لكن في الواقع البنك ماعنداش المليون هما لـ انه مستثمرهم في أمور تانية لكن عنده مبلغ محترم انه يخلص بيه الزبائن باش تستمر الثقة لـ انه لو ماخلصش واحد من الزبائن بتنتشر الدوة والناس كلها تبي فلوسها يلي هوا في الغالب مستثمر منها جزء كبير .

والمتعارف عليه انه في الازمات الناس تبي تسحب فلوسها ولما البنك او المؤسسة ماتقدرش تخلص الزبائن بيصير الضغط علي المؤسسة يا بتخلص يا بتفلس .

وهذا السيناريو يلي صاير لبنك ليمان براذرز ويلي يعتبر من اقوا البنوك وفلس ومعش قدر يخلص الزبائن في عام ازمة الرهن العقاري في 2008 وهذا كان مصير اغلب البنوك لولا تدخل الكونغرس الأمريكي ووزارة الخزانة ودعم البنوك بميزانية باش يقدرو يستمرو وماتصيرش كارثة .

الفكرة حالياً انه كل ما تتراجع أسعار العملات الرقمية كل ما الناس تفقد الامل في المجال بالذات معا الاخبار السلبية والازمة الحالية .

فـ لو وصل البتكوين لمستويات تحت 10000$ هل المنصات تقدر تخلص العملاء ؟ لـ انه هلبا عملاء راح يطالبوا بفلوسهم بالذات بعد ما يفقدوا الامل والمعروف انه اغلب المنصات ماعندهمش سيولة تكفي انهم يخلصوا العملاء كلهم .

تصريحات مؤسس منصة FTX المفروض الواحد يأخذها بـ عين الاعتبار .

فـ هل نشوفو سيناريو ليمان براذرز علي اكثر من منصة في الأيام الجاية زي ما صرح مؤسس منصة FTX ؟

نهاركم مبارك

يوم الأربعاء الجاي بأذن الله بيكون يوم مهم لتحديد تحركات الاسواق المدة الجاية

يوم الأربعاء بيكون عندنا ارقام التضخم يلي بتحدد مصير السوق علي الأقل شهرين قدام

وبشكل مبسط لو التضخم مانزلش بشكل واضح اقل من مستويات 8.6 فـ رفع الفائدة راح يكون عنيف وممكن نشوفو رفع 100 نقطة أساس مرة وحدة

التوقعات حالياً انه الرفع القادم راح يكون 0.75 وراح يتغير يوم الأربعاء يوم تطلع ارقام CPI .

بالتوفيق للجميع