هذا كل شي بخصوص الفدرالي

1- سعر الفائدة
2- بيان السياسة النقدية
3- المؤتمر الصحفي
4- اسئلة الصحفيين

هل هذا سلبي او ايجابي ، علي المدي الطويل الاسواق بتكون في النازل ووضحنا الامور بالتفصيل في البث المباشر

ان شاء الله تكونو استفدتو وبالتوفيق للجميع 🤝

تصريح مهم ومسرب لجيروم باول

قاللكم انسو حاجه اسمها مبروك لمن استفاد ونهاركم يلي تدورو فيه يا جماعة التوصيات ومبروك لمن استفاد

اول قاعدة في الاستثمار خودها مني وصدقني مش راح تندم

ماعمركش تقول ل اي حد انك مستثمر ولا شاري ولا شي

السبب واضح وبسيط اغلب الناس تفكيرها محدود ومش فاهمين اساساً السوق كيف ماشي علي اول هبوط بيبدا ينفخلك ف راسك اني قتلك اني نصحتك واني عارف وهوا اساساً لا عارف لا شي غر اهو مكسد وشدتله
في راص موضوع

لذلك خليك غبي وشارك الشعب غبائه الا الناس يلي عارف انهم يبو يبحتو ويتعلمو وتذكر انك بتاخد المخاطرة وبتجرب والحاية كلها مخاطر اعتبر روحك فاتح سوق ولا محل وصارت حرب ولقيته تراب

والكلام هوا برا بيه في اي شي بتديره في حياتك حاول ما تقول عليه لحد حتي اهلك وصدقني راح تمشي امورك

تاني قاعدة ضروري تكون فاهمها في الاسواق المالية بشكل عام

انتا لما بتستثمر في شي بالذات المشاريع الناشئة انتا بتغامر 100% وهذا السبب يلي يقولك متخاطرش ب فلوسك كلها في مشروع واحد سوا اسهم او كريبتو

علي سبيل المثال الاسهم التقنيه والمشاريع التقنيه في التسعينات هلبا كانو يشوفو فيهم وهم وفي منهم من نجح وحقق ارباح خيالية بعد ما هلبا راهنو علي انهيارهم

شركة تسلا هلبا راهنو علي فشلها ونجحت في الاخير

العملات الرقمية تعتبر تقنية جديدة زي الاسهم التقنية زمان واحتمال انها تنجح او تفشل وارد لكن الاحتمال الاكبر انه اغلبها تفشل وما يقعدش منها الا الحاجات القوية زي ما صار في فقاعة الدوت كوم بالزبط

لذلك تذكر انك لما بتستثمر انتا بتغامر علي نجاح تقنيه يا بتقيمك فوق يا بتخسرك خسارة تكون متقبلها

لذلك لو كنت تبي تشري في الوقت الحالي معا اني ما ننصحش لين نشوفو الرقم النهائي للفائدة او التقريبي حاول انك تستثمر في الاسهم ب نص المبلغ والنص التاني ف الكريبتو

تعرف علي ابرز التطورات والتحليلات الأسبوعية للأسواق المالية , بتكوين والايثريوم والذهب والنفط والعملات الأجنبية 📊

لا تنسا مشاركة التحليل معا اصدقائك المهتمين بالتداول في الاسواق المالية 👋🏻🤝

https://www.instagram.com/p/Ce8k_eYK9x4/

الكريبتو يمر بنفس مرحلة فقاعة الدوت كوم اغلب المشاريع راح تنتهي يا اما بالفشل او بالنصب اما المشاريع المليحة راح تستمر اذا نجح مشروع الكريبتو .

علي سبيل المثال بتكوين في شهر 12 - 2020 كان سعرها 19 الف

سولانا كان سعرها في نفس الوقت 0.60$

اليوم البتكوين سعرها 19 الف

والسولانا سعرها 30$

اني شخصياً من محبين سولانا لـ انها تقدم في حلول ونشوف فيها راح تأخذ مكان ايثريوم لو نجحت في المستقبل .

عن نفسي مخاطر فيها ومزال بنخاطر فيها نجحت او فشلت نشوف فيها فرصة تستحق المخاطرة .

والمدة يلي فاتت شفت هلبا منشورات انه شبكتها تعاني من بعض المشاكل وهذا شي عادي حتي البنوك الكبيرة عندها مشاكل تقنية تصيرلها مرة مرة بالذات في أوقات الضغط والسولانا مزال مشروع ناشيء

المنشور مش توصية لا شي انتا حر في استثمارك لكن هيا وجهة نظري بخصوص مشروع معين .

فقاعة العملات الرقمية وعلاش في هلبا عملات راح تختفي

تحركات البتكوين خلال اخر 9 سنوات

2013 | $258 - $64
2014 | $1163 - $152
2018 | $19807 - $3127
2021 | $65013 - $28669
2021 | $68938 - ???

هل تعلم انه موضوع هبوط البتكوين 80% او 85% اول من تكلم عليه حني في البث المباشر وانه الكلام هوا كنا نتكلمو عليه لما كان البتكوين في مستويات الاربعين ونزلنا عليه منشور سابقاً ونزلنا حتي فيديو بالخصوص علي قناتنا في اليوتيوب

https://t.me/SpikeFast/799?single

https://youtu.be/dxrq-Yco5gk

وحالياً بدو اغلب المحللين يتكلمو علي الموضوع

https://www.worldstockmarket.net/investment-strategist-ian-harnett-bitcoin-could-crash-to-13000/

الفكرة انه مش ضروري يكون المحتوي مدفوع باش تستفيد منه , حتي المحتوي المجاني متعوب عليه

بالتوفيق للجميع

احسن حاجة في الازمات تغربل في شركات النصب والبونزي

كلامي مش موجه للكريبتو فقط لكن موجه للأسواق المالية بشكل عام

علي مر التاريخ في كل ازمة هلبا محافظ استثمارية وشركات استثمارية يطلعوا علي حقيقتهم

ابسط مثال بيرني مادوف بونزي لمدة 35 سنة ماشية اموره لعند ما جت ازمة الرهن العقاري فـ 2008 باش انفضح

وكذلك امثلة محلية ازمة كورونا طلعت حقيقة محافظ استثمارية وهمية في ليبيا كانت تعطي في نسب أرباح ثابتة

وفي الوطن العربي من بداية تراجعات الكريبتو لليوم شبحت اكثر من محفظة استثمارية وشركة استثمارية نصبت وهربت لليوم نشبح في اخبار علي شركة تداول علي أساس وتعطي في باقات استثمارية والباين انها بتنصب

الفكرة في الازمات انه الناس تبدا تطالب بفلوسها والمحافظ النصابة يكونوا يعطو في أرباح ثابته لكن ارقام علي الشاشة بس ولما تصير ازمة اغلب الناس تبي تسحب والمحافظ اساساً صارفين الفلوس ويستنوا في إيداع ناس جديدة باش يخلصوا غيرهم ولما تصير ازمة مافيش من يودع فلوس جديدة لذلك يقعدوا متورطين ويحاولوا انهم يصمدوا لكن نهايتهم وحدة

نصيحة ما عمرك تعطي فلوسك لحد وبالتوفيق للجميع

بمناسبة حصان العزيزية 😅🙄

تعرف علي ابرز التطورات والتحليلات الأسبوعية للأسواق المالية , بتكوين والايثريوم والذهب والنفط والعملات الأجنبية 📊

لا تنسا مشاركة التحليل معا اصدقائك المهتمين بالتداول في الاسواق المالية 👋🏻🤝

https://www.instagram.com/p/CfOaS6pKibt/