Cyber Security - الامن السيبراني

شنو هو الـ Privilege Escalation

هو عبارة عن ان المخترق يدخل حسابك مثلاً ويحاول يرفع صلاحياتة حتى يصير بوضع الادمن او الروت يعني شنو .. يعني يدور اي ثغرة النظام او الاعدادات مال النظام حتى يتحكم ب كل شيء حتى لو جان مامسموح الة انو يتحكم

شلون يصير التصعيد .. ؟

المخترقين عادة يستغلون اخطاء بالبرمجة مثلا لو ملف اعدادات السيرفر مفتوح للكل ، المخترق ببساطة يعدل عليه وياخذ صلاحيات ادمن ، او اذا لكى كلمة سر مخزنة بس بطريقة غير امنة او من دون تشفير ف راح يكون من السهل اخذها

انواع التصعيد اكو نوعين ، التصعيد العمودي وهو ان يروح من صلاحية منخفضة لصلاحية عالية يعني من مُستخدم عادي بالنظام بدون صلاحيات الى ان يصير ادمن على السستم

اما النوع الثاني هو التصعيد الافقي ، وهو انُ ياخذ صلاحيات مستخدم ثاني بنفس المستوى مثلا يدخل حساب زميلة بالمكتب اللي عندة صلاحيات مثلاً!

المُخترقين عادة يفضلون النوع الاول ، لان ينطي سيطرة اكبر ع السيرفرات والبيانات نفسها

شلون يستكشفون الضعف حتى يحققون تصعيد الصلاحيات او البرفلج ايسكليشن عن طريق ادوات خاصة اكو هواي ادوات مثلا مثلاً ..
"LinPEAS" أو "Windows-Exploit-Suggester"
الادوات هاي ممكن تفحص النظام وتدور عالملفات الضعيفة او الاعدادات المكشوفة بعدين يبدون يهاجمونها ويشغلونها ك روت مثلاً استغلال ملف
" SUID "

هذا الحجي موجه دائماً للي يشتغلون سستم ادمن على نظام او اللي ينطون صلاحيات بمكتب شركة معينة للموضفين احد الحلول حتى نحد من موضوع تصعيد الصلاحيات .. واللي هي لاتنطي اي مستخدم او موضف عندك اي صلاحيات زيادة عن حاجتة لاي مستخدم او موضف كان .. خلي كل واحد بحدود شغلة وباللي يحتاجه وطبعاً كل موضف لازم تعرف مثلاً شنو يحتاج من صلاحيات حسب نوع شغلة واكيد التحديثات المنتظمة لان مثل ما نعرف التحديثات تسد الثغرات

اذا تشكك او تحس انشطة مشبوهة ف لازم تستخدم انضمة مثل OSSEC

—
Privilege Escalation = تصعيد الصلاحيات

Root = مدير النظام (اللي يتحكم بكل شي)

SUID = ملفات النظام اللي ممكن تشغلها كروت

Exploit = استغلال الثغرات
—

تخيل إنك مدير سيرفر ولقيت إنه في مستخدم عادي (User) حاول يعدل على ملفات النظام

شلون تتصرف؟

أولاً وكف صلاحياته ، ثانياً شوف إذا كان حسابه مخترق أو إذا هو اللي سوى هاي الحركة ، ثالثا راجع إعدادات النظام وسد الثغرات اللي ممكن تكون موجودة ، رابعا غير كلمات السر لكل المستخدمين المهمين

CH : @SparkSecurity

❤12👏2💯1

5.05K views23:08