مهم جداً

مهم جداً جداً

~

المنشورات هاي مؤقتة سويتلكم تاك عليها حتى تعرفون المصادر الموجودة

اللي يسأل وبعدة دايخ ومايعرف منين يبدي ويلكى حجة حتى يتكاسل ويماطل احب اكلك

كل هاي الامور متفيدك الامن السيبراني هو قمة الهرم ويحتاج تعب وجهد وصبر واصرار اذا انت طالب جامعي ومعتمد ع الجامعة تعلمك شنو الامن السيبراني ف انت غلطان يا حبيبي الامن السيبراني ب الجامعات مجرد انو الجامعة تعلمك الاساسيات ، وتثبت لك انك عندك شهادة ولكن ما تعني انو عندك خبرة بالمجال ، الخبرة تعتمد ع الممارسة والممارسة تعتمد ع الشغف والشغف مايفيد بدون استمرارية هاي النصائح دائماً احجيها لاي طالب جامعة يحاول يطور من نفسه ، بعض الاشخاص تشوفهم مبدعين بهالمجال ولكن هو اختصاصة فرضاً طبي او مو حاسبات اساساً

الامن السيبراني كل شي يدرس ، امن التطبيقات ، امن السحابة الالكترونية ، وصيد الثغرات وغيرها وغيرها ، مثل ما كايل الكم كل شي الة اساس وكل شي الة خارطة طريق انت اذا تايه وتريد تتعلم ف شغفك وحب استكشافك هو اللي راح يوجهك للطريق الصح اما اذا تبقى بمكانك وتنتظر المعلومة تدخل براسك غلطان


حاول واسعى وراح تلكى النتيجة بالنسبة للسؤال شكد تحتاج وقت حتى تتعلم ، اول شي انت تحدد المجال اللي تريد تختصة بداخل الامن السيبراني تدرون اكو هواي اختصاصات وتفرعات فرعية بالمجال نفسه ، ف انت تكتشف نفسك وعلى اساس هذا النمط راح تعرف شنو اللي يناسبك بس بشكل عام اني اشوف برأيي وحسب خبرتي

لمدة 6 سنوات كل يوم 8 ساعات مستمرة - دراسة كورسات + تطبيق عملي ، تدرس الكورسات بدون عملي؟

مالها فايدة ولا اكو اي قيمة ... شغلة اخرى تدرس حتى تاخذ شهادات احترافية بالمجال ، تحفظ بدون متفهم متفيد الشهادات الاحترافية بدون فهم وتطبيق وممارسة اكو هواي حجي بعد

شاركو القناة والمنشورات حتى تحصلون على نصائح اكثر ومعلومات وكورسات وتوجيهات صح

بالتوفيق للجميع

CH : @SparkSecurity

اعتقد البعض راح يختلفون بكلامي وانو هي مو ٦ سنوات بس المجال واسع جداً وشكد ماتدرس وشكد ماتطبق وتوصل لمراحل عالية راح تحس نفسك بعدك بالبداية هي هاي مرحلة مؤقتة لحد ما تحقق اهدافك اللي انت رسمتها لنفسك بهالمجال تحديداً

ما اريد اخرب واهسكم ولا اريد احطم معنوياتك بس جاي احجيلك الواقع حتى بعدين متنصدم

بصراحة هو ماكو وقت محدد حتى تضبط المجال بالكامل لان مراح تكدر بس ممكن تكدر تحترف مسارك اللي دخلت بي

بس. ك ٦ سنوات كافلة انو تخليك تحترف المجال او التخصص الدقيق اللي دخلت اله واللي راح تتعلمه عن طريق ممارستك ك برمجياً مثلا او شبكات او ك صائد ثغرات

واكيد يعتمد ع ذكائك وقابليتك للتعلم والسنوات هاي اقصد بيها من ماتعرف ولا شي بالحاسبة الى مرحلة معينه بالتخصص ، شغلة اخرى كلتلك تبقى تعتمد عليك وعلى قابليتك بعد ممكن تقلصها الى ٣ سنوات ان تشتغل ع نفسك

CH : @SparkSecurity

استمع جيداً

CH : @SparkSecurity

https://www.promptingguide.ai/


#prompting #prompt #AI #engineering #Cyber_Security

CH : @SparkSecurity

تعرفون من ننزل شي لازم نشرح عنه ف دقائق قليلة ونشرح بالاعلى عن هندسة الاوامر

LLM (Large Language Model) و Prompt Engineering

كلش مهمين بالذكاء الاصطناعي اليوم، وجاي يدخلون بمجالات مختلفة مثل الأمن السيبراني، بناء المواقع وغيرها من التقنيات الحديثة خلي أشرح لك شلون

LLM (Large Language Model)

يتعبر نموذج ذكاء اصطناعي يكدر يفهم اللغة ويحلل النصوص بفضل البيانات الهائلة اللي يعتبر مثلا ChatGPT احد هاي النماذج الكبيرة جداً والي تدربت من خلال الـ LLM

النماذج هاي تكدر تساعدك بتحديد الثغرات الامنية بالنصوص او الاكواد اللي تكتبها مثلا اذا عندك كود برمجي بي خطأ امني او ثغرة تكدر تسال النموذج اللغوي وهو يساعدك بالتحليل او ايجاد الحلول طبعاً هنا جاي احجي على نموذج Custom بمعنى هذا النموذج لو انت مشتغلة ب ايدك لو هو اصلا مُخصص لبناء المواقع المخصصة حتى تصنع LAB مثلاً وتختبر نفسك بيه او تبني الموقع هذا حتى تكتشف الثغرات اثناء بناء الموقع نفسه وشلون تتخطى الثغرات وتدرب النموذج مالتك على تخطي الثغرات وبناء نظام او موقع امن مثلاً

لحد الان احنا نحجي على Custom AI


هندسة الاوامر شنو هي ؟

حتى تطلع الك نتيجة صحيحة ومفيدة لان الـ LLM هاي تتعلق بـ أنو شلون تكتب السؤال او الامر او شلون توصفه للذكاء الاصطناعي حتى تحقق افضل جواب لسؤالك وتتعلم الوصف الصحيح ، اذا سألت سؤال او امر مو واضح ممكن الـ AI هم يجاوبك مو بوضوح او مو بالدقة المطلوبة

بالأمن السيبراني:

إذا جنت تريد تفهم شلون تسوي هجمة معينة أو تحلل بيانات مشفرة، لازم تعرف شلون تكتب الأمر الصحيح للـ LLM حتى يساعدك. "هندسة الأوامر" تخليك تعرف شلون تصيغ الأسئلة بطريقة تخليك تطلع بأفضل معلومات أو حلول.

بالنسبة لبناء المواقع


لما تطلب من الـ LLM يساعدك بكتابة كود، لازم تكون دقيق بالأمر. مثلًا بدل ما تكتب "سوي لي صفحة ويب"، تكول "سوي لي صفحة ويب تحتوي على نموذج تسجيل دخول مع واجهة مستخدم مريحة".

CH : @SparkSecurity

شوي ونسولف عن الـ Pager وشلون تمت التفجيرات بلبُـنان ..

مبدئياً راح نقسم الهجوم حسب السيناريوهات ومن المحتمل ان تكون احد هاي السيناريوهات الي تم تنفيذها بالهجوم

بالبداية السيناريو الاول هو استغلال نقاط الضعف بالاتصال

اول طريقة ممكنه هي استغلال الثغرات الموجودة بالشبكة اللي تشتغل عليها اجهزة البيجر اغلب البيجرات تعتمد ع شبكات اتصال معينة فاذا المهاجم كدر يوصل لهاي الشبكة او يتنصت عليها راح يكدر يرسل اشارات او اوامر لكل الاجهزة المرتبطة بنفس الشبكة بهالحالة الاجهزة ممكن تتعطل او تنفجر بشكل متزامن بمواقع مختلفة لان المهاجم كدر يتحكم بالاشارات المرسلة الها ( بمعنى انو كدرو يسيطرون على الاجهزة البيجر الموجودة بعدة مواقع وبعدها تم التفجير )

السيناريو الثاني هو نشر فايروسات بالنظام المركزي نفسه

فكرة ثانية هي نشر الفايروسات اللي يتحكم بالبيجرات ، الفايروسات هاي ، تكون مبرمجة حتى تكدر تسيطر على الاجهزة عن بعد بمجرد ما يتم حقن النظام بالفايروس يكدر يبرمجها بحيث يفجر كل الاجهزة بوقت محدد وبنفس اللحظة بمواقع متفرقة ( ممكن يرفع الفولتية الموجودة على الجهاز من ما تؤدي الى زيادة حرارة الجهاز )

السيناريو الثالث هو التلاعب بالاشارات المرسلة للاجهزة

طريقة ثالثة هي تلاعب بالاشارات اللي تشتغل عليها اجهزة البيجر المهاجمين يكدرون يستخدمون تقنيات لاعتراض الاشارات او تزييفها باستخدام ادوات معينة مثل

HackRF ، GNU Radio

ف بهالحالة ممكن يرسلون اشارات مضللة للاجهزة بحيث تنفجر او تتعطل بمواقع متتعدة بنفس الوقت

CH : @SparkSecurity

السيناريو الرابع استغلال ثغرات بالتصميم

اذا جان اجهزة البيجر تحتوي على ثغرات بالتصميم او بالنظام الداخلي ممكن يتم استغلال هاي الثغرات لتنفيذ الهجمات بشكل متزامن

زين شلون؟

هذا النوع من الهجمات يعتمد على تحليل فني دقيق للنظام المستهدف قبل الهجوم يعني المهاجمين يدرسون النظام بشكل عميق ويكتشفون نقاط ضعفة وبعدين يستغلوها

( 90% ) على حسب علمي انو هو مو خلل بالتصميم ولكن لان الجهاز قديم واحتمال وجود الثغرات المصنعية كبيرة ف اي ليش لا مانستبعد هذا السيناريو





علاقة الهجوم بـ RFID حسب رأيي الشخصي .. تقنية الـ RFID وترددات الراديو:تقنية RFID تستخدم ترددات الراديو مثل البيجرات، لكنها غالبًا للاتصال قصير المدى مثل تعريف الهوية وتتبع الأشياء ممكن استخدام أدوات مثل HackRF لاعتراض أو تزييف الإشارات الراديوية إذا جانت الترددات مشابهة.

أجهزة البيجر تشتغل عبر ترددات الراديو اللي تعتمد على شبكات الاتصال أو الأبراج ممكن يتم استغلال أبراج الشبكات لارسال إشارات مضللة للأجهزة عن طريق المهاجم باستخدام أدوات مخصصة للتلاعب بالإشارات.

بهاي السيناريوهات، الهجمات اللي تستهدف أجهزة البيجر تعتمد على استغلال تقنيات اتصالات لاسلكية، التلاعب بالإشارات، أو نشر البرمجيات الخبيثة بالأنظمة المركزية. هاي الهجمات ممكن تكون منسقة باستخدام شبكات الإنترنت أو أبراج الاتصال، وتحتاج موارد متطورة حتى تنجح.


استخدام هذه الأدوات يتطلب معرفة واسعة بالهندسة العكسية، تحليل الإشارات، اختبار الاختراق، وبرمجة البرمجيات الخبيثة.




CH : @SparkSecurity

https://linktr.ee/Spark.sec

حساباتنا على منصات التواصل

CH : @SparkSecurity

5,300 ❤️

فيديو جديد على الانستكرام حجينا بي عن الـ Pager شاركو الريلز عدكم ستوري

اضغط هنا لمشاهدة الريلز

CH : @SparkSecurity

"ترا الأمن السيبراني اليوم مو بس للخبراء، حتى المستخدمين العاديين لازم يكون عندهم وعي أكبر بهالمجال."

- Spark Security

CH : @SparkSecurity

https://linktr.ee/Spark.sec

حساباتنا على منصات التواصل

CH : @SparkSecurity