شباب الامن السيبراني مو بس حماية اجهزتنا من الفايروسات والمخترقين هي حرب حقيقية تصير على مستوى الدول والحكومات والعراق مثل غيره من الدول بالسنوات الاخيرة شفنا زيادة جبيرة بالهجمات السيبرانية على المؤسسات مثل البنوك والدوائر الحكومية والشركات النفطية وهاي الهجمات مو بس تسبب خسائر مالية جبيرة

تأثر على سمعة العراق والأمن القومي هسه التحدي الاكبر الي يواجه العراق ب مجال الامن السيبراني هو نقص الكوادر المتخصصة ماكو غير عدد قليل ينعدون على الاصابع من الخبراء العراقيين الي عدهم الخبرة اللازمة لمواجهة هاي الهجمات

التحديات بعدهي جبيرة ويحتاج العراق الى الاستثمار بالتعليم والتدريب لزيادة عدد الخبراء ب المجال هذا ويحتاج الى تطوير استراتيجية شاملة للامن السيبراني

CH : @SparkSecurity

نسولف عن التشفير شوية

التشفير هو احد اهم الادوات ب ترسانة الامن السيبراني يسمح التشفير بحماية البيانات من الوصول غير المصرح بيه عن طريق تحويلها الى شكل غير قابل للقراءة ✅

عدنا مثل الخوارزميات المستخدمة بالتشفير القوية حتى نضمن ان تكون البيانات هاي امنة حتى لو يتم اعتراضها يعني يكون اختراق سطحي او محاولة اختراق راح يبقى كل شي مشفر 🔏

عدنا نوعين من التشفير ورئيسيات انتبهلي زين..
التشفير المتماثل والتشفير الغير المتماثل 🔑🔐
شلون يعني؟ ، باوع حبيبي التشفير المتماثل يستخدم نفس المفتاااح للتشفير ولفك التشفيــر احفظها زين المتماثل المفتاح مالتة تشفر بي وتفك التشفير بي وعكس هذا الشي الي هو الغير متماثل بما يعني 🔐

انو اكو مفتاح عام ومفتاح خاص مفتاح تشفر بي والخاص تفك بي التشفير والعكس زين هذولي وين يتم استخدامهم التشفير المتماثل عندك حتى تشفر بي كميات جبيرة من البيانات بكفاءة ويستخدم التشفير الغير متماثل عادة لتشفير البيانات الحساسة اللي بيها ارسال واستقبال بيانات/رسائل اي ما كانت نوع البيانات او المعلومات الي يتم محاولة تشفيرها او فكها .. مثل كلمات المرور ومعلومات بطاقات الائتمان الكردت

وبسس موضوع خفيف لطيف عن التشفير! 😊🤝

CH : @SparkSecurity

اكو فعالية ببالي حلوة واللي هي كل مشترك بالقناة مسموح الة يشارك ❤️

الفعالية عبارة عن كتابة منشور يتم نشره بالقناة يكون بلهجتنا عن اي موضوع تحب تسوي اهم شي موضوع تقني تكتبليا ب ايدك ماريد نسخ لصق من فهمك ومعلوماتك

خلي احمسكم شوية ، اكثر منشور يجيب عدد لايكات وتفاعلات يحصل كورس قوي من قناتنا

اللي يحب يشارك يرسل المنشور مالتة على البوت
@Nationofdev_bot

CH : @SparkSecurity

يابة لحد يستحي ويخاف ويتردد التجربة حلوة كلكم حاولو تشاركون باللي تكدرون علية جرب ارسل شي من كتابتك وطول المنشور مثل المنشورات الي ننشرها وبس..

المشاركة الاولى من شهد

الثغرات الأمنية ⚙️

الثغرات الامنيه بلمجال الإلكتروني نقطه ضعف بالأنظمة يعني لو حرامي يريد يدخل بيتك راح يدخل ويلعب جوله

زين هاي الثغرات شلون دتصير؟ هاي الثغرات دتصير لما
انت تسوي اخطاء بلبرمجه
واحد يضحك عليك ويخليك تنزل برامج ضاره وماتعرفها بيها فيروسات راح تدخل لجهازك وتبوك معلوماتك او اذا كلش كلش تشفرها
انت العينتين مابيك حيل تحط كلمة مرور قويه فلهذا راح تصير فريسه سهله

هسه تكلي اني هسه شسوي وشلون احمي نفسي راح اكلك بسيطه سوي هاي الشغلات
استعمل برامج حمايه مثل يعني مضاد او مكافح فايروسات
برامجك لازم تحدثها حتى اذا اكو ثغرات بيها تتصلح
مثل ماكتلك قبل كلمة مرورك تسويها قويه مو تفتح الباب للحرامي وتكله تفضل
احتفظ بنسخ احتياطية من بياناتك حتى لو ضاعت ، ترجعها
لاتضغط على اي رابط يجيك بدون متعرف مصدره

هسه راح انطيك امثله عن الثغرات
ثغره heartbleed هاي مثل حرامي دخل للبنك وفتح كل الخزانات مره وحده
ثغره wannacry مثل فيروس كورونا شل كل العالم والمستشفيات
ثغره meltdown spectre مثل كامره خفيه تبوك معلوماتك بدون متدري
هسه تكلي والله خبصتني شنو اسوء شي ممكن يصير ؟
ممكن معلوماتك الشخصيه تنباك ويكعدون يبتزون بيك
يعطلون الخدمات مثلا يكطعون الكهرباء بلصيف وانت ميت حر وحكومتك ممقصره وياك بلكهرباء
يكدرون يتجسسون عليك يقرون كل محادثاتك وكل معلوماتك

شوف تره اكتشاف الثغرات منكدر ننسبه لاحد لان هي شي موجود من بدايات الحوسبه وهواي اشخاص اكتشفوها وصححوها باستمرار
على مر هاي السنين بس اكدر اكلك اكو اشخاص برزوا بهذا المجال ومنهم

كريس كيرسكو: يُعتبر كيرسكو من اوائل المتخصصين في أمن المعلومات وجان مشهور بالتسعينيات لان اكتشف هواي من الثغرات الأمنية الخطيرة في أنظمة التشغيل وبرامج الكمبيوتر
بروس شنير: هذا الشخص ألف "فن القرصنة" الشهير،واحنه نعتبره مرجع أساسي حتى نفهم تقنيات القرصنة وأساليبها
ميتش كاب: أحد مؤسسي مشروع CERT (مركز الاستجابة للحوادث الإلكترونية) في
ونعتبره من أوائل المنظمات المتخصصة في مكافحة الجرائم الإلكترونية
ستيف موزنكوفيتش: مؤسس شركة "SecuriTeam" المتخصصة في أبحاث الأمن الإلكتروني، واكتشف هواي ثغرات أمنية مهمه بأنظمة التشغيل وبرامج الكمبيوتر.

بلنهايه هسه انت عرفت اكتشاف الثغرات الأمنية شكد مهم الك كمستخدم للالكترونيات
وانك ياعزيزي تحتاج بشكل دائم الى البحث وابتكار طرق جديده تحميك وتحمي الي تحبهم
ولاتنسى تنشر هذا العلم وتزيد نسبه الثقافه والوعي باستخدامه مجتمعك يحتاجك ويحتاج كل امكانياتك حتى تعيش وانت مرتاح تكنك وانت مرتاح جزيل الشكر لانك كملت للنهايه

By : Shahd

CH : @SparkSecurity

مثل ما كلنا الكم اكثر منشور يوصل عدد تفاعلات منا لاسبوع يحصل على كورسين منتظرين مشاركاتكم ❤️👀

شباب انت تصدكون واحد يفوز بس ؟ 🤣🤣

المشاركة الثانية

الأوامر الأساسية في نظام اللينكس

الأوامر الأساسية للتعامل مع الملفات والمجلدات:

- الأمر  (cd (Change Directory : يستخدم هذا الأمر للدخول الى مسار او مجلد معين في النظام او الخروج من المجلد الحالي

- الأمر ls (list) : يستخدم لعرض الملفات والمجلد في المسار الحالي وله عدة صيغ دعونا نشرحها ونطرح بعد الأمثلة للتوضيح اكثر الصيغة الأساسية للأمر : 

بعض الخيارات :
ls -a: لعرض جميع الملفات والمخفية أيضا 
ls -l: لعرض مع التفصيل وصلاحية الملفات
ls -s: لعرض حجم الملفات 
ls -t:ترتيب الملفات بحسب التاريخ والوقت 
ls -r: عرض مع عكس الترتيب 
ls -S: ترتيب العرض بحسب حجم الملفات 

- الأمر mkdir(Make Directory) : يستخدم هذا الأمر اذا كنت تريد أنشاء مجلد معين في المسار الحالي او في أي مسار اخر

- الأمر Touch : يستخم هذا الأمر لأنشاء ملف txt فارغ 

- الأمر Nano : هو محرر نصوص في لينكس يستخدم لأنشاء الملفات وتحريرها وتتميز أيضاً بواجهة مستخدم نصية وعدم لغات البرمجة

- الأمر cat : يستخدم هذا الأمر لعرض محتوى الملف النصي على الشاشة يوجد عدة خيارات لهذا الأمر
بعض الخيارات للأمر  cat : 

cat -b: عرض أرقام الأسطر للأسطر الغير فارغة
cat -n: عرض أرقام لكل سطر
cat -s: دمج الأسطر المتتالية الفارغة لسطر واحد 
cat -E: أظهار علامة $ في نهاية كل سطر

- الأمر cp : يستخدم لنسخ الملفات والمجلدات من مكان الى اخر وهو أختصار لكلمة Copy يوجد له عدة صيغ
بعض خيارات الأمر cp: 

cp -a: ارشفة الملفات 
cp -i: سؤال قبل استبدال ملف معين موجود مسبقاً في المسار
cp -f: النسخ عن طريق أزالة الملف اذا لزم 
cp -r: لنسخ المجلد 
cp -R: نسخ المجلدات مع كامل محتواها حتى الملفات المخفية 
cp -v: نسخ مع عرض بعض المعلومات عن عملية النسخ 



- الأمر (Remove Directory) rm: يستخدم هذا الأمر لحذف ملف او مجلد معين في المسار الحالي او في اي مسار اخر يوجد عدة صيغ لهذا الأمر لمعرفتها كلها يمكنك كتابة الأمر  "rm -h

- الأمر (print working Directory) pwd: يستخدم هذا الأمر لطباعة المسار الحالي الموجود في
- الأمر (Move Directory) mv: يستخدم الأمر mv لنقل الملفات والمجلدات من مسار الى أخر

- الأمر grep : يستخدم للبحث عن نص او جملة محددة في الملفات

by : 𝗠𝗢𝗥𝗧𝗔𝗗𝗔

CH : @SparkSecurity

المشاركة الثالثة

حماية المعلومات الشخصية والخصوصية
أهمية الخصوصية؟
في هذا العصر بالتطور والذكاء الاصطناعي أصبحت الخصوصية أهمية كبيرة للشركات وخاصة المجتمع، حيث نحن نشارك معلومات شخصية عنا مثل (ارقام الهواتف، بطاقات البنكية، البريد، الاسم، العنوان) وهذه تسبب لنا ضرر كبير إذا تم انتشارها
وهناك بعض الشركات تستخدم هذه المعلومات لأجل الإعلانات مستهدفة لنا.
تأثير تسريب بينات المجتمع والشركات؟
يمكن ان يسبب خسائر مالية مثلا إذا تم مشاركة بطاقة البنكية حيث يقوم الهاكر ببيع هذه البطاقات على دارك ويب لأجل عمليات غير قانونية وهذا راح يؤدي إلى تقليل من سمعة الشركة مثلما نجد الشركات الحالية التي تخسر بسبب تسرب معلومات موظفيها والعملاء
وإن تسرب معلومات حساسة يؤدي إلى ابتزاز الإلكتروني بنشر هذه المعلومات إذا ما لم يتم دفع له أموال مثلا نجد حاليا كثرة الابتزاز للبنات الان وهذه تسبب مشكلة كبيرة او نجد المخترقين يهددون الشركات بنشر هذه المعلومات الحساسة ويؤدي خسارة الشركة من سوقها المالي مثل لدينا موقع المواعدة Ashley Madison
انتحال الشخصية من خلال هذه المعلومات ويستخدم المخترق الهندسة الاجتماعية لكي ينتحل شخصية احد الموظفين في الشركات لكي ينفذ عملية الاختراق من خلال إعطائه معلومات عن شركة او كلمات سر او صلاحيات حيث نجد إن هناك الكثير من الشركات تم اختراقها من خلال الهندسة الاجتماعية، وهذه الطريقة يمكن استخدامها على الأفراد من خلال ادعاء انفسهم بشخصية معينة

أساليب اختراق البيانات؟
1-الأحتيال الإلكتروني: التي تعتبر اكثر الطرق استخداما عن طريق ارسال رسالة بريد إلكتروني او رسالة SMSيدعي بأنه من (البنكة، شركة معينة، جهة موثوقة) او ارسال ملف PDF او رابط
2-البرامج الضارة: عند تنزيل برامج من مواقع غير موثوقة او مكركة مئة بالمئة تحتوي على فايروس او أدوات تجسس عليك ويمكن أيضا ان يسبب لك فايروس فدية كل ملفاتك تنقل
3-الثغرات الإلكترونية: حيث يتم استغلال المشاكل التي لم يتم حلها في الموقع والأنظمة مثل أنظمة التشغيل الغير محدثة لكي يقوم الهكر بعمل هجمة إلكترونية مثل لدينا احدى الشركات Equifax حيث فقد معلومات 154 مليون امريكي
4-هجمات الشبكة: حيث يستخدم الهكر بها الثغرات او ضعف في امان الشبكة مما يؤدي الوصول إلى البينات المخزنة بالنظام, لدينا شركة Avast عندما تمكن أحد المخترقين من اختراق بيانات اعتماد شبكة VPN لأحد الموظفين
كيف يمكن حماية انفسنا من تسريب البينات؟
1-استخدام كلمات سر قوية: مثل ?J5JfZGfnPa2&D)y وكل موقع وتطبيق تختلف عن الاخر كلمة سر حيث امتلك 16 كلمة سر ومن الأفضل كتابتها بمكان امن او استخدام برامج حفظ كلمات سر وانصح ( ProtonPass او bitwarden) برنامج امن ومجاني
واستخدام تنقيات الحماية مثل 2FA مصادقة الثنائية استخدام رقم لتسجيل الدخول وافضل طريقة هي شراء مفتاح خاص security key yubikey والتي لا يمكن الدخول إلى الحساب بدون ادخال المفتاح بالجهاز مثل قفل الباب
2-عدم استخدام الرامج غير موثوقة: حيث من الكراك او تنزيل من مواقع غير امنة ويمكن استخدام برنامج SandBox إذا اردت تشغيل تطبيق وكنت غير واثق منه حيث سوف ينشئ نظام وهمي بداخل نظامك ولن يتضرر نظام الأصلي
3-عدم التصديق بالأحتيال الإلكتروني: وأن راسلك مدير الشركة معينة او البنك يجب عليك التحقق من هويته قبل تسليمه المعلومات وهذا من حقك يعتبر والأتصال على الشركة لكي تتأكد ان ارسلوا لك شخص
4-تحديث البرامج والأنظمة: لكي لا تبقى ثغرة يدخل منها الهكر
5-عدم تنزيل ملفات عشوائية: حيث ممكن ان تحتوي على برامج ضارة يمكنك ان تستخدم برنامج HXD (ابحث عن في يوتيوب لانها تعتبر أداة مفيدة جدا) واستخدام موقع virustotal لفحص الملفات
6-مواقع الوهمية: عدم الدخول إلى مواقع زائف لكي تربح 100 جيجا نت او مسابقة مليون الف كلها كذب
ملاحظة: هناك طريقة تمكن المخترق من انشاء موقع زائف بنفس شكل مواقع المعروفة مثل فيسبوك وكوكل لكنها كذب اول ما تدخل بريد سيتم اراسله للمخترق
7-برامج الحماية: من الأفضل تنزيل برامج حماية لكي تحميك من مواقع الوهمية وملفات وبرامج ضارة ومن افضل البرامج عن تجربة هي bitdefender وبعده يأتي ESET
8- استخدام معلومات مزيفة للتسجيل: في المواقع التي يتم استخدامها مرة واحدة من الأفضل استخدام موقع fake person generator
يعطيك اسم وموقع مزيفة واما البريد يمكنك استخدام موقع مهمل اما أرقام الهواتف هناك الكثير من المواقع التي توفر هذه الميزة.

BY : العزاوي

CH : @SparkSecurity

المشاركة الرابعة

يا الله سلام عليكم شباب طلب بسيط كل شخص يوجه القناة لجماعتة للي يعرفهم حتى يصعد المحتوى الي جاي ننشرة وانتو كلكم تعرفون محتوانا شكد حلو وقوي مرتب ف ياريت لو كلش شخص يوجه القناة بالكروب مال دفعتة عند اصدقاءة المهم تنشروها بكل مكان

#سبارك_شرارة_نحو_المستقبل
https://t.me/SparkSecurity


CH : @SparkSecurity

يا الله

هدية بعد قليل تتوقعون شنو راح تكون ؟

Machine Learning with Apache Spark 3.0 using Scala

كورس 8 ساعات عن تعلم الالة والاباجي سبارك 3 باستخدام لغة سكالا وي 4 مشاريع برمجية وسعر الكورس 60 دولار والكم مجاناً


- احصل على شهادة مشاركة
- الشرح باللغة الانكليزية 🇺🇸
- سعر الدورة (60$ )
- حالة الدورة : متوفر ومجانا من قبل سبارك سكيورتي
- شارك الدورة مع اصدقائك المهتمين

اضغط هنا للانضمام الى الكورس


CH : @SparkSecurity

Demystifying Computer Viruses: Types, Spread, and Protection

فايروسات الكمبيوتر انواعهم وطرق الحماية كورس سيبراني بحت لمدة ساعة كاملة سعر الكورس 20 دولار والكم مجاناً


- احصل على شهادة مشاركة
- الشرح باللغة الانكليزية 🇺🇸
- سعر الدورة (20$ )
- حالة الدورة : متوفر ومجانا من قبل سبارك سكيورتي
- شارك الدورة مع اصدقائك المهتمين

اضغط هنا للانضمام الى الكورس


CH : @SparkSecurity

هذا الكورس هدية لشخص واحد ويعرف نفسة منو 😉