أمن إنترنت الأشياء | IoT

هو مصطلح شامل يغطي الاستراتيجيات والأدوات والعمليات والأنظمة والأساليب المستخدمة لحماية جميع جوانب إنترنت الأشياء
يتضمن أمن إنترنت الأشياء حماية المكونات المادية والتطبيقات والبيانات واتصالات الشبكة لضمان توافر وسلامة وسرية النظم البيئية لإنترنت الأشياء.

ثغرات البرمجيات والـ firmware

يعد ضمان أمان أنظمة إنترنت الأشياء أمرًا صعبًا، ويرجع ذلك في الغالب إلى أن الكثير من الأجهزة الذكية مقيدة بالموارد ولديها قوة حوسبة محدودة. وبالتالي، لا يمكنهم تشغيل وظائف أمنية قوية ومتعطشة للموارد ومن المحتمل أن يكون لديهم نقاط ضعف أكثر من الأجهزة غير التابعة لإنترنت الأشياء

CH : @SparkSecurity

موضوعنا اليوم عن الشبكات من كتاب Laura Chappell - Wireshark Network Analysis (Second Edition)

——————-
رابط تحميل الكتاب موجود بالقناة :
https://t.me/SparkSecurity/1300

——————-

ماهو الهدف من الـ DNS !
اختصار كلمة ( DNS )
Domain Name System

هو نظام يخزن معلومات تتعلق بأسماء نطاقات الإنترنت في قاعدة بيانات لا مركزية

الهدف منه :

تُستخدم خدمة DNS لتحويل أسماء الاستضافات مثل
www.wiresharktraining.com

الايبي ادريس ( IP ) نستطيع عن طريق الـ DNS نقل المعلومات بين السيرفرات

الدي ان اس هو من اهم التطبيقات على الشبكة يعمل الدي ان اس على

UDP / TCP
اكثر الدي ان اس يستعملون بيه UDP وراح تنتقل البيانات عبر الـ TCP

الـ Default port مال DNS هو 53


CH : @Sparksecurity

شباب الرياكشنات تصعد القناة ف كل منشور ينشر حطو رياكشنات ❤️

مطر خير ان شاء الله ❤️

اللهم اجعله صيباً نافعاً

شنو هي تقنية البلوكتشين ⚙️

البلوكتشين هو عبارة عن دفتر رقمي لكل العمليات الي تتداول بالعملات المشفرة عبر كل الشبكات يسموها ( peer to peer )
وتختلف تقنية البلوكتشين عن اي طرق تداول تقليدية لان الباقيات يخضعن لسيطرة من الحكومات المعينة او مجموعة معينة من الاشخاص اما بالنسبة للبلوكتشين يخضع للامركزية مما يعني انه مايخضع لسيطرة اي كيان او مجموعة هاي التقنية تعود بالنفع لاصحاب الشركات لانه مايدخل طرف ثالث بحيث توجد عقود بالشبكة وبالتحقق من العمليات التداولية وتسجيلها ب دفتر رقمي موزع ويقوم كل عقد ب الشبكة بتحديث وحفظ البلوكتشين بشكل مستمر ولذلك تعتبر تقنية امنة جداً حيث يكون التلاعب بالبيانات شبه معدوم


CH ; @SparkSecurity

نبلش 👍🏻🔥

شلون نغير صلاحيات الملفات بلينكس؟ 🐧✨

خلونا نتعرف بهذا المنشور شلون راح نغير الصلاحيات بشرح بسيط ومفهوم للكل. 📚💡

مثل ما نعرف انو لينكس يشتغل كملتي يوزر (Multiuser) متعدد المستخدمين، اكثر من يوزر يكدر يأكسس على النظام من نفس الواجهة بدون ميقاطع عمل الشخص الثاني اللي جاي يشتغل بنفس النظام. على اي حال، بس اذا جان اليوزر الثاني يكدر يأكسس ملفاتك أو فايلاتك، راح تكون اكو خطورة شوي. 🚫🔒

فالمهمة هسه احنا اننا نحد من هذا الشي ونغير صلاحيات الملفات أو بما نسميها "تغيير أذونات الملفات" (Change file Permissions). 🛠🔐

الملفات والامتدادات تتقسم إلى 3 أنواع:
U (User) 👤
هذا راح يكون هو المالك الافتراضي أو منشئ الملف من Owner النظام نفسه.

G (Group) 👥
هنا حيكون عبارة عن مجموعة من المستخدمين عدهم كل الصلاحات للوصول إلى ملف محدد أو مجموعة من الملفات تكون ضمن قائمة كروب.

O (Other) 👥🔒
هاي الفئة راح تكون تنتمي للمستخدمين اللي ما ينتمون للفئتين السابقتين.

باستخدام هذه ال٣ صلاحيات، راح نكدر نحدد منو اللي يوصل ومنو اللي ما يوصل. 🚪🔒

CH : @SparkSecurity

صلاحيات اللينكس تنقسم إلى 3 أجزاء: 🔒📝

Read (r) 📖
هنا المستخدم يكدر يفتح ويقرأ الملفات ومحتوياتها بدون ما يكدر يعدل عليها أي شيء.

Write (w) ✍️
هنا المستخدم راح تكون عنده إمكانية الحذف والتعديل على الملفات.

Execute (x) 🏃‍♂️
هنا المستخدم راح تكون عنده صلاحية ينفذ السكربتات أو البرامج الموجودة ويكدر يعدل بياناتها وكل شيء.

راح يتلخص ب جدول واحد 🗒

CH : @SparkSecurity

عن طريق الاوامر هسه نتعرف شلون نغير صلاحيات الملفات
باستخدام الامر

owner-u,g,o
permission- r,w,x

ومن خلالها نسوي سيت للصلاحيات

chmod <owner_symbol> mode <permission_symbol> <filename>

مثلا عدنا ملف ونريد نغيره نستعمل الكومند ls حتى نستعرض الملفات الي موجودة عدنا بالمسار الي احنا بي

مثلا

ls -l os.text

راح يطلعلنا مجموعة اوامر الي هي
" - " يظهر النا نوع الملف
" rw- " يظهر النا صلاحياتة ك يوزر يعني R+W
" rw- " يظهر النا صلاحياتة ك كروب يعني R+W
" r-- " هنا يظهر صلاحياتة للاخرين (other) مثل ماكلنا

CH : @SparkSecurity

شباب الامن السيبراني مو بس حماية اجهزتنا من الفايروسات والمخترقين هي حرب حقيقية تصير على مستوى الدول والحكومات والعراق مثل غيره من الدول بالسنوات الاخيرة شفنا زيادة جبيرة بالهجمات السيبرانية على المؤسسات مثل البنوك والدوائر الحكومية والشركات النفطية وهاي الهجمات مو بس تسبب خسائر مالية جبيرة

تأثر على سمعة العراق والأمن القومي هسه التحدي الاكبر الي يواجه العراق ب مجال الامن السيبراني هو نقص الكوادر المتخصصة ماكو غير عدد قليل ينعدون على الاصابع من الخبراء العراقيين الي عدهم الخبرة اللازمة لمواجهة هاي الهجمات

التحديات بعدهي جبيرة ويحتاج العراق الى الاستثمار بالتعليم والتدريب لزيادة عدد الخبراء ب المجال هذا ويحتاج الى تطوير استراتيجية شاملة للامن السيبراني

CH : @SparkSecurity

نسولف عن التشفير شوية

التشفير هو احد اهم الادوات ب ترسانة الامن السيبراني يسمح التشفير بحماية البيانات من الوصول غير المصرح بيه عن طريق تحويلها الى شكل غير قابل للقراءة ✅

عدنا مثل الخوارزميات المستخدمة بالتشفير القوية حتى نضمن ان تكون البيانات هاي امنة حتى لو يتم اعتراضها يعني يكون اختراق سطحي او محاولة اختراق راح يبقى كل شي مشفر 🔏

عدنا نوعين من التشفير ورئيسيات انتبهلي زين..
التشفير المتماثل والتشفير الغير المتماثل 🔑🔐
شلون يعني؟ ، باوع حبيبي التشفير المتماثل يستخدم نفس المفتاااح للتشفير ولفك التشفيــر احفظها زين المتماثل المفتاح مالتة تشفر بي وتفك التشفير بي وعكس هذا الشي الي هو الغير متماثل بما يعني 🔐

انو اكو مفتاح عام ومفتاح خاص مفتاح تشفر بي والخاص تفك بي التشفير والعكس زين هذولي وين يتم استخدامهم التشفير المتماثل عندك حتى تشفر بي كميات جبيرة من البيانات بكفاءة ويستخدم التشفير الغير متماثل عادة لتشفير البيانات الحساسة اللي بيها ارسال واستقبال بيانات/رسائل اي ما كانت نوع البيانات او المعلومات الي يتم محاولة تشفيرها او فكها .. مثل كلمات المرور ومعلومات بطاقات الائتمان الكردت

وبسس موضوع خفيف لطيف عن التشفير! 😊🤝

CH : @SparkSecurity

اكو فعالية ببالي حلوة واللي هي كل مشترك بالقناة مسموح الة يشارك ❤️

الفعالية عبارة عن كتابة منشور يتم نشره بالقناة يكون بلهجتنا عن اي موضوع تحب تسوي اهم شي موضوع تقني تكتبليا ب ايدك ماريد نسخ لصق من فهمك ومعلوماتك

خلي احمسكم شوية ، اكثر منشور يجيب عدد لايكات وتفاعلات يحصل كورس قوي من قناتنا

اللي يحب يشارك يرسل المنشور مالتة على البوت
@Nationofdev_bot

CH : @SparkSecurity

يابة لحد يستحي ويخاف ويتردد التجربة حلوة كلكم حاولو تشاركون باللي تكدرون علية جرب ارسل شي من كتابتك وطول المنشور مثل المنشورات الي ننشرها وبس..

المشاركة الاولى من شهد

الثغرات الأمنية ⚙️

الثغرات الامنيه بلمجال الإلكتروني نقطه ضعف بالأنظمة يعني لو حرامي يريد يدخل بيتك راح يدخل ويلعب جوله

زين هاي الثغرات شلون دتصير؟ هاي الثغرات دتصير لما
انت تسوي اخطاء بلبرمجه
واحد يضحك عليك ويخليك تنزل برامج ضاره وماتعرفها بيها فيروسات راح تدخل لجهازك وتبوك معلوماتك او اذا كلش كلش تشفرها
انت العينتين مابيك حيل تحط كلمة مرور قويه فلهذا راح تصير فريسه سهله

هسه تكلي اني هسه شسوي وشلون احمي نفسي راح اكلك بسيطه سوي هاي الشغلات
استعمل برامج حمايه مثل يعني مضاد او مكافح فايروسات
برامجك لازم تحدثها حتى اذا اكو ثغرات بيها تتصلح
مثل ماكتلك قبل كلمة مرورك تسويها قويه مو تفتح الباب للحرامي وتكله تفضل
احتفظ بنسخ احتياطية من بياناتك حتى لو ضاعت ، ترجعها
لاتضغط على اي رابط يجيك بدون متعرف مصدره

هسه راح انطيك امثله عن الثغرات
ثغره heartbleed هاي مثل حرامي دخل للبنك وفتح كل الخزانات مره وحده
ثغره wannacry مثل فيروس كورونا شل كل العالم والمستشفيات
ثغره meltdown spectre مثل كامره خفيه تبوك معلوماتك بدون متدري
هسه تكلي والله خبصتني شنو اسوء شي ممكن يصير ؟
ممكن معلوماتك الشخصيه تنباك ويكعدون يبتزون بيك
يعطلون الخدمات مثلا يكطعون الكهرباء بلصيف وانت ميت حر وحكومتك ممقصره وياك بلكهرباء
يكدرون يتجسسون عليك يقرون كل محادثاتك وكل معلوماتك

شوف تره اكتشاف الثغرات منكدر ننسبه لاحد لان هي شي موجود من بدايات الحوسبه وهواي اشخاص اكتشفوها وصححوها باستمرار
على مر هاي السنين بس اكدر اكلك اكو اشخاص برزوا بهذا المجال ومنهم

كريس كيرسكو: يُعتبر كيرسكو من اوائل المتخصصين في أمن المعلومات وجان مشهور بالتسعينيات لان اكتشف هواي من الثغرات الأمنية الخطيرة في أنظمة التشغيل وبرامج الكمبيوتر
بروس شنير: هذا الشخص ألف "فن القرصنة" الشهير،واحنه نعتبره مرجع أساسي حتى نفهم تقنيات القرصنة وأساليبها
ميتش كاب: أحد مؤسسي مشروع CERT (مركز الاستجابة للحوادث الإلكترونية) في
ونعتبره من أوائل المنظمات المتخصصة في مكافحة الجرائم الإلكترونية
ستيف موزنكوفيتش: مؤسس شركة "SecuriTeam" المتخصصة في أبحاث الأمن الإلكتروني، واكتشف هواي ثغرات أمنية مهمه بأنظمة التشغيل وبرامج الكمبيوتر.

بلنهايه هسه انت عرفت اكتشاف الثغرات الأمنية شكد مهم الك كمستخدم للالكترونيات
وانك ياعزيزي تحتاج بشكل دائم الى البحث وابتكار طرق جديده تحميك وتحمي الي تحبهم
ولاتنسى تنشر هذا العلم وتزيد نسبه الثقافه والوعي باستخدامه مجتمعك يحتاجك ويحتاج كل امكانياتك حتى تعيش وانت مرتاح تكنك وانت مرتاح جزيل الشكر لانك كملت للنهايه

By : Shahd

CH : @SparkSecurity

مثل ما كلنا الكم اكثر منشور يوصل عدد تفاعلات منا لاسبوع يحصل على كورسين منتظرين مشاركاتكم ❤️👀