تم حظر بعض الاشخاص من القناة نهائياً ولا يستحقون ان يكونوا فيها اساساً

🔴| راح تنزل شروحات عن خرائط الطرق للدخول والتأسيس بمجال الامن السيبراني بالشكل الصحيح من بعد هذه المنشورات راح اشرح بالتفصيل

ليش ندرس هاي 🤔 !
وشنو نستفاد اذا درسنا هاي ؟

وهل هذا الشي ضروري ام مخيرين به ،

" الشروح الي تنزل لازم تعرف انها تكون تناسبك حسب مستواك اذا كنت مبتدئ او تحت المبتدئ او متوسط الخبرة او عندك معلومات انت ترتبها حسب توجهاتك "

جاهــــزين 🔥🎯

CH : @sparksecurity

1. ليش نحتاج نتعلم CompTIA +A لدخول مجال الامن السيبراني ⚪️

سؤال ينطرح بكثرة من قبل المبتدئين او الجديدين على المجال بهذا المنشور راح احاول اوضح الكم قدر المستطاع ..

مفتاح اذا تتذكرو خلي هاي الحجاية ببالك قبل لا نبلش

🔑 | فكرة بلا عنوان

أي ..

🔴 | احد الشهادات الاساسية تعتبر من ضمن مجال تكنولوجيا المعلومات والحوسبة ركز زين على الرغم من انو +A هي شهادة ليست مؤهلة مباشرة حتى تشتغل بمجال الامن السيبــــــــــراني ولكن

💻| هنا الـ لكن تلعب دور الي هو انو الـ +A توفر الك اساساً قوياً حتى تبني مهاراتك الحاسوبية ومعرفتك بالمجال بشكل عام ولهذا السبب اني اختارها الكم كبداية بمجالكم بالامن السيبراني وهنا احنا جاي نبني حجر حجر وتعتبر من الخطوات الاساسية للتخصص ب الامن السيبراني

زين ليش نتعلم الـ Comptia +A قبل الدخول للسايبر سكيورتي ونحصل شهادتها ..

⚠️ | اولا نجاوب على هذا السؤال ليش نحصل شهادتها واكو البعض يكولون مالها قيمة ، لا الشهادة هاي الها قيمة وتثبت انك تعلمت جميع مفاهيم والشروحات المتعلقة بمنهج الـ +A ..

اولاً الـ أي بلس تخليك تفهم الاساسيات وتوسع قدراتك بالدعم الفني يعني تصير حلال مشاكل بالحاسبات شيسئلوك تعرف لان راح يشرح الك عن

Hardware
Software

وان فهم التقنيات والتحديات التقنية راح يكون مفيد الك حتى تتعلم بعدين معالجة التهديدات والهجمات السيبرانية والى ما اخره

راح تتعلم من خلاله شوية شبكات شوية هارد وير شوية انظمة تشغيل ،

خليك مستعد والـ +A هي فقط بداية الطريق
—
edit :
اضغط هنا ⚪️⚪️

منهج A+ اللي ننصح بدراستة


CH : @sparksecurity

✅ |2. CompTIA Linux+

منين نبدي بهاي الشهادة شكد ما مهمة ، اهمية لينكس ب الامن السيبراني لو من ادارة الانظمة ! 😁

عموماً 🤓

✅| شهادة الكومبتيا لينكس بلاص ، مهمة جداً وتعتبر من ضمن الشهادات الاساسية ،

بما انو احنا سايبر راح نحتاج اللينكس هواي وبهالحالة لازم نتعلم اللينكس بالشكل الصحيح! شنو راح تفيدنا الـ Linux+

— اهمية لينكس 🔴
- نظام التشغيل هذا يُستخدم بشكل واسع جداً بهذا المجال ببساطة لانه يوفر ميزات قوية وادوات متقدمة للحماية وادارة الانظمة بفهمك للينكس راح تكون قادر على فهم الادوات المتعلقة بالامن وتطبيقها بشكل فعال

⚙️| راح تكدر تستخدم ادوات اختبار الاختراق وتحليل الثغرات على لينكس ، من تكون عندك معرفة جيدة راح تعرف شلون تستخدم هاي الادوات وشلون توظفها وتأتمت الادوات هاي وشلون تتحكم وتتعلم تستخدم الاوامر الخاصة عن طريق التيرمنل و و و و و باقي التفاصيل تكتشفها من خلال رحلة تعلمك بالـ لينكس بلاص

فهم عمل السيرفرات وهاي النقطة الاهم وكلش مهمة ركز زين واحفظها ببالك او ببالج

☑️| بمجالنا ، راح نتعامل وي هواي من الخوادم يعني السيرفرات والبنى التحتية بما انو لينكس يستخدم مشغل لهاي السيرفرات راح يكون عندك فهم عميق لكيفية وعمل وادارة الخوادم والسيرفرات من خلال اللينكس وهنا وضحت الكم النقاط المهمة حول هاي الشهادة المهمة

بشكل عام، تعتبر شهادة CompTIA Linux+ مفيدة حتى تحصل على فهم عميق لنظام التشغيل لينكس والمهارات المتعلقة بإدارة وتأمين الأنظمة. هذا يمكن أن يكون قاعدة قوية لك في مجال الأمن السيبراني ويمكن أن يفتح الك أبوابًا لفرص وظائف متقدمة في هذا المجال

اذا تريد تتعلم اللينكس بالشكل الصحيح! ف اني مسويلكم ملف كامل متكامل شلون تتعلم اللينكس بالشكل الصحيح من خلال 8 خطوات عن طريق هذا الملخص البسيط

https://t.me/SparkSecurity/3358

CH : @sparksecurity

3. CompTIA Network+ 🎯

الاهم وهو من ضمن الاساسيات منهج الـ Network+ اذا جانت خبرتك بالشبكات صفر تحتاج تتعلم هذا المنهج قبل بدايتك بالمجال تكدر تختار تبدي

أما +A او Network+ اولاً براحتك ..

شنو فائدة الـ Network+ 🤔

من خلال النيتوورك بلاص راح تفهم الشبكات بمجال الامن السيبراني تحتاج ان تفهم الشبكات وكيفية عملها يعتبر اساسي هذا الشي ،

راح تتعلم من خلال الـ Network+ 🌐

البروتوكولات ، وتقنيات الشبكات المختلفة ، وتصميم وادارة الشبكات ، ويساعدك ب بداية طريقة بفهم التهديدات على الشبكة وكيفية حمايتها من خلال النيتوورك بلاص راح تتعلم تحليل حركة البيانات راح تتعلم شلون تستخدم ادوات مراقبة الشبكة وتحليل البيانات للكشف عن الانماط المختلفة ومراقبة الشبكة او الهجمات كل هذا راح يعزز قدرتك على الاكتشاف والاستجابة للتهديدات السيبرانية

عدنا نوعين انو امن الشبكات ومنهج +N اني بهاي الرسالة دمجتهم ثنينهم لان انت راح تقرأ كورسين وكتابين اولا +N بعدها امن الشبكات ومثل ما كلنا الـنيتوورك بلاص تعتبر من ضمن الاساسيات ببدايتك بهذا المجال

ولاتنسى النظري بوحدة مايفيد بكد العملي اذا ماتطبق معلوماتك كلها تروح ع الخالي بلاش 😐

CH : @sparksecurity

البارحة واليوم منطيكم 3 خطوات اساسية حتى تبلش راح نتوقف كم يوم ونرجع نكمل بهذا الموضوع

لان اكو غيركم ، ناس عدها خبرة ومامهتمة تسمع كلام للمبتدئين من جديد واغلبهم يعرفون هاي المعلومات

ف اللي راح اسوي هسه شنو !

بعد قليل نبلش الشرح اعتذر عن التاخير بسبب انشغلت هاليومين ❤️

🔴 الفصل الأول مُقدمة | Introduction to SSH


اكيد كلنا عدنا حاسبات " كمبيوترات " بالوقت الحالي ، مرات تحتاج تنقل ملفات من والى حاسبة أخرى وتسوي اتصال ما بين هاي الحاسبتين فهنا يجي دور الـ SSH

شنو هو الـ SSH 🤔 ؟

- The Secure Shell 👾

🏷| هو Software-based لأمان الشبكة ، من ترسل بيانات من جهاز تلقائياً من خلال الـ SSH راح يتم تشفير هاي البيانات ، وظيفة الـ SSH يشفر الك البيانات تلقائياً

وعند استلام البيانات للشخص المراد نقل الملفات له ، بس توصل هاي البيانات راح يتم فك التشفير حلو!

الي فهمنا هسه شنو ، عدنا اكثر من حاسبة نريد نرسل بياناتنا الى حاسبة اخرى ، نستخدم التكنولوجي هذا الي هو SSH وظيفة الـ SSH يشفر النا البيانات اثناء عملية النقل للكمبيوتر الثاني او الحاسبة الثانية ، بعد ماتوصل البيانات تلقائيا راح يتم فك التشفير والحصول على البيانات .. هسه صارت اوضح! 🎯


CH : @SparkSecurity

خلي نوضح شغلة تدور ببالكم 🤓.

واللي هي!

من وين اجت كلمة SSH هي تُلفظ الحروف أولا "S-S-H " بهالشكل كل حرف وحد انت احتمال راح تكول اختصار لـ Secure Shell بس بالواقع اذا نرجع للمعنى الاصلي مو معناه السكيور شيـل ، بالحقيقة ، اجة هذا الاسم ، او تجمع عن طريق

- rsh utilty

The remote shell (rsh) is a command-line computer program that can execute shell commands as another user, and on another computer across a computer network

جانت موجودة بـ ubiquitous Unix program لان جان يوفر remote login هذا التول ..

هسه فهمنا من وين طلعت كلمة SSH


للي مفهم يترجم هاي المصطلحات ويبحث عنها راح يعرف اكثر معلومات .. لان ما اكعد اشرحلك اني كل شي اكو شغلات ما اكدر اكتبها الك عربي انت لازم تدور وتتعب نفسك هم ،

نكمل

CH : @SparkSecurity

ندخل بالغميج ، الغميج = العميق | Understand SSH in Depth 🤣


هيكلية الـ SSH او معماريته ، يتكون من طرفين الي هو مثل ما نعرفه عبارة عن
Client / Server

مثل ما موجود بالمخطط هذا

CH : @SparkSecurity

زين راح اشرح الكم شنو يعني كلاينت وشنو يعني سيرفر من المفهوم العام

مرات يكون الكلاينت عبارة عن برنامج هذا البرنامج توفره الشركه فقط للمستخدم ويكون بي خصائص محدودة ك مستخدم عادي راح تنفذ تعليمات مُحددة عن طريق سيرفر زين هسه انتو تعرفون السيرفر الة غير مفهوم القصد بي هنا .. انو اكو هم برنامج وهذا البرنامج يعتبر ك سيرفر اما يكون محلي او يكون عالمي زين شنووو محليي .. محلي يعني انت بالبيت وتسوي هالسيرفر الداخلي ، العالمي يكون هذا ع النت وشغال .. بس انتبهو ع التفرعات والتفاصيل الي جاي ادخلها ..


ف اللي فهمنا شنو ، كلاينت + سيرفر = يعني الكلاينت والسيرفر برامج = مو نفس ما نعرفهم بالمفاهيم الثانية حلو ، اي حلو ..


اما بالنسبة للسيرفر فكلنا هم يكون برنامج ومن خلال حاسبة اخرى تسويها ك سيرفر هي تكون الهوست والهوست يعني المستضيف حتى تستقبل البيانات من الحاسبة الثانية الي هي كلاينت

بمعنى ..

احمد ومحمد يريدون ينقلون ملفات لحاسبات بعض ويريدون يستعملون تقنية الـ SSH ، احمد ينزل الكلاينت ، ومحمد ينزل السيرفر ، محمد ينقل الملفات ل احمد ب اعتباره هو سيرفر ، واحمد يستقبل البيانات ب اعتباره هو كلاينت


بعد كل هذا الشرح الواضح لحد يكلي مافهمت حاولت اوصل الكم الشرح باقرب صورة وهسه نرجع نكمل

........

CH : @SparkSecurity

نرجع نكمل الشرح من الزاوية التقنية 🔐.

- SSH server program ✅
عادة يُنزل الـ الأس أس إتش ، من قبل السستم ادمنستريتور

السستم ادمنستريتور = مدير النظام = system administrator

هو المسؤول عن قبول ورفض الاتصالات القادمة

بأعتبار !!! هي الـ host computer يعني الجهاز الهوست المُستظيف مثل ما شرحنا قبل شوية ،

واما الـ User يشغل شنو 🤔 !

عفية ، SSH client programs ✅

وايضاً دائماً يكون على كمبيوتر ثاني " دائما تذكر زين 🔑"

⚠️| just remember that SSH clients communicate with SSH servers over encrypted network connections.


هسه الصورة وضحت بالكامل عن شنو هو الـ SSH " اكتب بالتعليقات "

CH : @SparkSecurity

⚙️ The SSH Protocol | بروتكول أس أس أتش


هذا البروتوكول ، هو مو منتج او تطبيق او برنامج ، هي عبارة عن مواصفات لكيفية اجراء الاتصال الآمن عبر الشبكة نفسها اكو نوعين من البروتكولات

SSH-1 , SSH-2 راح نتناقش بيهم بعدين

شنو يغطي البروتكول 🔎 !

المصادقة ، والتشفير والتكاملية مع البيانات الي يتم نقلها عن طريق الشبكة او بالانكليزي
➡️ | authentication, encryption, integrity of data transmitted over a network

مثل ماموضح بهذا المخطط ☑️


CH : @SparkSecurity

هسه نجي ناخذ كل وحدة منهم ونعرفهم وشنو نقصد بكل وحدة منهم اولاً عدنا " نفصــخهم ✅ "

✍🏻| Authentication

هو يحدد بشكل موثوق هوية شخص ما ، اذا جنت تحاول تسجل على حساب عن طريق Remote Computer الـ SSH راح يسألك عن رمز هذا الرمز هو للتحقق من هويتك ، اذا كتبت الرمز صح راح يتحقق منك وراح تسجل دخول عن طريق هاي المصادقة عكس هذا الشيء راح يرفض الاتصال ومتسجل دخول وهذا المصطلح بمعنى المصادقة الثنائية او التحقق الثنائي

🔐 | Encryption

خلط البيانات بحيث تكون غير مفهومة إلا للمستلمين المقصودين مثل ما وضحنا فوك ، وهذا يحمي البيانات الخاصة ابيك اثناء مرورها عبر الشبكة واكيد نقصد بهذا المصطلح هو التشفير ،

🌐| Integrity

يضمن الك وصول البيانات الي تنتقل عبر الشبكة دون تغيير او حصول تدخل عليه اذا جان اكو طرف ثالث وتعديل على البيانات اثناء نقلك الها ، عن طريق الـ SSH راح يكتشف هذا الشي اذا صار واكيد هم نقصد هنا بالتكاملية راح يصير اكو كومنكيشن بين السيرفر والكلاينت وهذا الي يخليك تضمن انو البيانات تبقى بسلامة وآمنة اثناء نقلها ، وكلنا اي تعديل يصير على الاتصالات هاي راح تبين عندك

CH : @SparkSecurity

هسه نوضح المفاهيم او بما يسمى الترمنلوجي بالنسبة للشبكات للـSSH

Terminology: Networking

Local computer ( local host, local machine)

هو جهازك الكمبيوتر او حاسبتك الي تسجل عليها لدخول الـ SSH
Remote computer (remote host, remote machine)

هو الجهاز الثاني الي تتصل بيه من خلال كمبيوتر المحلي الي تتصل بيه ويشغل الك الكمبيوتر عن بعد ، ويتم الاتصال بيه عن طريق الـ ssh وممكن ان تكون اجهزة الكمبيوتر المحلية والبعيدة هي نفس الجهاز

Local user

هو المستخدم العادي

Remote user
هو المستخدم الي يتحكم بالـ Local computer user

Server
هو عبارة عن SSH server program

Server machine

هو عبارة عن الجهاز الي يشغل الك الـ server program

client

هو عبارة عن SSH client program

Client machine

واضحة صارت ميحتاج اكولها 😁

CH : @SparkSecurity

الشرح القادم راح يكون تطبيق عملي ونوضح الامور اكثر بالعملي ..

أكمل بغير وقت

شكرا للقراءة ❤️

لاتُفكر داخل الصندوق!

ولا تحاول ان تفكر خارج الصندوق!

فكر وكأنه لايوجد صندوق 🔥

CH : @SparkSecurity

توجيه القناة ومشاركه الرسائل على منصات التواصل وتوجيههم الى قناتنا مراح ياخذ منك وقت

زكاه العلم نشره شباب وجهوا ووصلوا هذا المحتوى للكُل