"فضـولك هو المؤّدي لهلاكــك بلا شـك"
عبارة لا يدركهـا الكثيـر، هؤلاء من يتركون حذَرهم جانبـاً أوقات المغامرة خاصـة الشباب.
قسم مُظلم في أحد الكليـات يثير فضول أحد الشباب مما يدفعه للتسـلل خُفية بعد انتهاء اليوم الدراسي، ليفتح بـاب القسم ويدخل بهدوء يملؤه الفضول إلي واحد من تلك الصناديق الزجاجية مستكشفـاً إياها، ليجد نفسه أمام أحد الكائنـات التي يهابهـا البشر.
فمـاذا يحدث لهـذا الشاب، وما مغامرته، ومن هو صديقه المنقذ بيمــو؟!
صباح الأربعاء من الساعة 10 صباحا حتي الساعة 3 عصراً أمام مبني الشؤون، سنتابع الأحداث عن كثب معــاً، ونعرف أولي مغامرات بيمــو وصديقه الفضولي.
#مغامرات_بيمو
#يلا_نلمع_أبعد

BeMo's Adventure Episode I
FIGHT THE PAIN
For more Greatness 💙✨

⬇️

https://m.facebook.com/story.php?story_fbid=pfbid02jsEHioQZeZEpXM6NqJsLYSFco6nfWKKBUewXtX6KUEMrGppW2P3J9Jea8zst5VKNl&id=100069494794185&mibextid=Nif5oz

https://t.me/+zh7uSdBvLV1kZDE8

#مغامرات_بيمو
#يلا_نلمع_أبعد

أحد الأحمـاض الدهنية لا يقدر الجسم علي تصنيعهـا ومع من ذلك لا يمكن الإستغناء عنـه.

مع دخول موسم الإمتحانات تعتبر الذاكرة هي السلاح الوحيـد لإستيعاب كل المعلومات دي، لذلك لابد من تقويتها.
يعتبر Omega 3 أحد الأحماض الدهنية التي لا غني عنها ولا يُصنّع بواسطة الجسم، لذلك تُستخلص من الاسمـاك الزيتية كالسلمون والتونة، المسكرات كالجـوز، الزيوت النباتية كزيت الزيتون، بذر الكتـان.
كمـا له ثلاث انواع هم :-
🔹 ALA
🔹EPA
🔹DHA
📌 ويأتي السؤال الأهم:- هــل omega 3 مقتصر علي تقوية الذاكـرة؟!
الاجابة قطعـا لــا وخليني أوضح لك 🤔
🔹تركيب جدران الخلايـا، وتقوية المستقبلات تعتمد علي وجود omega 3.
🔹 يدخل في صناعة الهرمونات المنظّمة لعمليـة التجلّط.
🔹تنظيم عملية إنقباض الأوعية الدموية وإنبساطها، كما يؤثر علي الإلتهاب.
📌 تكمن أهمية omega 3 في إستخدامه لعلاج أمراض القلب، التحكم في مرض الذئبـة Lupus، الإكزيمـا Eczema، الروماتويد Rheumatoid arthritis التي تعتبر كلها أمراض مناعية Autoimmune diseases، فضلا عن استخدامه في الوقاية من السرطان، وأحد مكونات شبكية العين التي قد يؤدي نقصُه إلي الاصابة بالتنكس البقعي Macular Degeneration المسبّب لخلل في الرؤية أو العمي.
📌 اهتمامـك بمصادر Omega 3 ووجودك الدائم في جسمك بيحميك من مشاكل كتير إنت في غني عنهـا💙
#مستشارك_الطبي
#ڤيتامينات_بيمـو

أحـد أهم المعادن في الجسم ولـه أدوار في معظم العمليات الحيوية، كمـا يعد أهم مكون للعظـام إنه الكالسيـوم Calcium.
يُخزن في العظام بنسبة 99%، وجزء منه في الخلايا العضلية لأهميتـه في نقل الإشارات العصبية في عملية تعرف بـإسم Action Potential.
تكمن أهمية الكالسيوم في انـه:-
🔹 يدخل في تكوين العظام والأسنان.
🔹 مسؤول عن عملية إنقباض وإنبساط العضلات.
🔹 محفّـز لبعض إنزيمات الجسم لتؤدي دورها.
🔹مهم في عملية Blood Clotting.
🔹 مسؤول عن النبض السليم المنتظم للقلب.

📌تعتمد حركية الكالسيوم من الدم للعظـام والعكس علي وجود هرموني Parathormone، Calcitonin.
🔹 أمـا هرمون Parathormone فيعمل عند نقص نسبة الكالسيوم في الدم ويحافظ علي نسبته في الدم عن طريق سحب Ca من العظـام، وتكرار هذه العملية تؤدي إلي هشاشـة العظام .
🔹 أما هرمون Calcitonin فيُعتبر عكس Parathormone فيعمل عند زيادة نسبة الكالسيوم في الدم ويعمل علي تخزين الزائد من Ca في العظـام.

📌 اعتماد الإنسان علي هرمون Parathormone لحفظ مستوي الكالسيوم في الدم لمدة طويلة يؤدي إلي هشـاشة العظام إذ لم يكن نظامه الغذائي يحتوي علي كمية كافية من الكالسيوم تصل إلي 1000-1500 mg يوميـاً.

📌 هـل ممكن حدوث زيادة للكالسيوم في الدم؟!
الاجابة بوضوح اه ولكن السؤال امتي يحصل؟
🔹 لو زادت نسبة Ca في النظام الغذائي عن الطبيعي.
🔹 إستخدام مضادات الحموضة لمرضي قرح أو حموضة المعدة.
🔹 الإفراط من الحصول علي Vitamin D.
🔹في حالات سرطان الكلـي والمبيض والرئة.
🔹في حالات اضطرابات العظام زي داء بـاجيت، قلة الحركة مع المحافظة علي وضعية الاستلقاء يؤدوا إلي زياده نسبة الكالسيوم في الدم.

📌 طب تفتكر بعد م الكالسيوم زاد في الدم، ايـه العلاج؟!🤔
في بوست جديد من جمعة جديدة هتعرف معانا العلاج 💙✨
#مستشارك_الطبي
#ڤيتامينات_بيمـو

“الكالسيوم مهـم للجسم كلـه مش بس العظام، نقصه او زيادته في الدم هتسبب مشاكل او وفاة”.
مؤخراً عرضنا أسباب زيادة Ca في الدم وحان وقت العلاج، فاطمئن 💙
🔹هرمون Calcitonin قادر علي إعادة نسبة Ca في الدم إلي الوضع الطبيعي بعد تخزين الزائد في العظام كمـ تفعل أدوية هشاشة العظام كالفوسفونات الثانوية.
🔹تُصرف Steroids كـ Prednisone لعلاج فرط Ca في الدم بسبب زيادة Vitamine D في الجسم.
🔹تُصرف أدوية كـ Denosumab لعلاج زيادة Ca في لمرضي السرطان.
📌وهنا ييجي الجزء الثاني من حكاية Ca، طب يحصل إيه لو النسبة قلت في الدم عن الطبيعي.

الاتفاق علي أنه سيحدث ضرر؛ ولكن أي ضرر؟!
🔹 حدوث Muscle cramps.
🔹جفاف للجلد، هشاشة للأظافر، زيادة من تساقط الشعر.
🔹 هشاشة العظام، مشاكل في الجهاز العصبي.

📌 في حالة عدم العلاج ممكن يسبب اكتئاب، اضطرابات في الذاكرة، عدم الشعور بالراحـة.

والجانب السئ من القصة يكمن في مشاكل القلب ي صديقي فـفي حالات Severe hypocalcemia ممكن يحصل عدم إنتظام في ضربات القلب (Arrhythmia) قد تؤدي إلي Heart failure.

📌 لكـن معرفة السبب تعتبر وقاية من المرض، وخليني أعرفك اسباب نقص الكالسيوم في الدم اللي ممكن تسبب الجزء السئ من القصة.
🔹 عدم التعرض لأشعة الشمس.
🔹 نقص Vitamin D عن طريق نقصه في النظام الغذائي، نقص إفراز Parathormone، في حالات الفشل الكلوي حيث تعتبر الكلي مصنع لأحد أنواع Vitamin D.
📌 طب والحل طيب؟!
🔹انك تتعرض لأشعة الشمس بشكـل كافي، وتزود Vitamin D في نظامك الغذائي.
🔹 تُصرف أدوية لعلاج الغدة الدرقية لو السبب نقص إفراز Parathormone.
الكالسيوم قصصه كتيرة وكلهـا مهمة، نسبته بالزيادة أو النقصان ممكن تسبب مشاكل بل كوارث، فاهتـم بصحتك 💙✨
#مستشارك_الطبي
#فيتامينات_بيمـو

مكتـبٌ ممتلئ بالكتب، الأقلام، الكشاكيل والملخصّات.
أنا كده جاهز ومش ناسي حاجـة، صح يا بيمـو؟!

يلقي بيمـو نظره إلي مكتب صديقـه ليجده ممتلئ باللازم، فيجيبه أنت كده جاهـز بس المهم جهزت نفسك؟!
ليجعل صديقه يجيبه سريعاً "أنا دائماً جاهـز"

يعني"جهزت عادات الإمتحانات يا صديقي"
هنـا وقف صديق بيمـو مصدومـا، تقصد إيه؟!

موسـمٌ من الإمتحانات يضرب من جديد ليجعـل الجميع علي أهبة الاستعداد لمواجهتـه، بخلق العديد من العادات للوصـول إلي أفضل النتائج، ولكن مـا هي عادات الإمتحانات؟!

العـادات وقت الإمتحانات أفضل حل للحفاظ علي صحتك النفسية والجسدية، ويأتي في المقدمة:

🔹 المذاكرة في أماكن هاديـة زي مكتبة الكلية، مكان هادئ في البيت، كافيه خالٍ من المشتتات.
🔹 استراحات بعد كل ساعة مذاكرة لأن معدل التركيز بيقل بعد ساعة فلازم راحة عشان تعمل Recharging.
🔹تحدد إنت محتاج إيه من البداية، تعمل جدول فيه إنت عايز تعمل إيه وازاي وإمتي وفين، ترتيب المدخلات اللي محتاج تحققهـا بيساعد مخك انه يُحسن تحليلهـا عشان توصل للنتيجة اللي محتاجهـا.
🔹 كل تعب آخره راحـة ومكافأة، فلازم تكافئ نفسك في نهاية اليوم بحاجة انت بتحبهـا عشان تُزيد من إفراز الدوبامين لتشعر بالسعادة وتقنع مخك إن المذاكرة حلوة ي محـي.
🔹 قعدة الصحاب تعتبر أجمل حاجة في الكلية خصوصاً لو في المذاكرة، نشرح لبعـض ونشجع بعض 💙.
🔹لازم تنام، إنك تروح الامتحان وأنت سهـران فأنت بتدمر تعبك كلـه، ضيعت علي مخك أنه يخزن ويعالج كمية المعلومات اللي استقبلهـا حتي لو كانت منظمة فلازم تنــام.
الإمتحانات فترة مش أول مرة تتكرر، مش هتفضل حياتك كلها بتمتحن، لكـن صحتك النفسية والجسدية مكملة معـاك للآخـر فحافظ عليها، وافتكر دائما أنك مش لوحـدك 💙
#إنت_مش_لوحدك
#Study_with_Astro

"الصوووووت عندي امتحانات، عايز اذاكر"
مـن أكبر المشاكل اللي بتقابل الطلبة وقت الإمتحانات هوا انعدام هدوء المذاكرة، لكـن بوجودنـا تنعـدم كـل مشاكل المذاكرة.

يسعدنـا أن نعلـن عـن شراكتنا مـع The HUB CAFE 💙✨
مكـان مناسب للمذاكرة وخدمة مريحة تأهلـك للتعويض في الفاينال بجد.
▪️ يوفـر الكافيـه خدمة التوصيل من مطعم كاتشب بسعر خدمة يصل إلي 10 %، وتُلغـي تكلفة الخدمة لـحـامل الباركـود، بالإضافة إلي خصم 10% علي سعر الوجبة.
📌خصـم 20% داخل الكافيـه لـحـامل الباركـود لمدة شهر من اليوم.
📌 ما هـذه إلا بدايـة التجهيز للفاينـال، أنتظـروا الاجمـل 🔥
#دلع_نفسك
#هنعوض_صح_في_الفاينال

*أيـام المدرسة كانت مدة الحصة 45 دقيقة، لمـا كبرت ودخلت الكلية مدة المحاضرة أصبحت ساعتين مع وجود فواصل في المنتصف.*
بس عمرك سألت نفسك ليه؟ 🤔
سـؤال ألقاه بيمـو لصديقه الجالس بجانبه بعد مذاكرة دامت ثلاث ساعات، مكْمـلاً بسؤال آخر أنت مش هترتاح شويه.
سؤال أُلقـي بوعي أو بدون وعي، لكن لماذا تتميز مدة الحصة أو المحاضرة بهذا الوقت، هل ضروري أن نرتاح من وقت لآخر بين تركيـز المذاكرة؟
رحلـة استغرقت وقت من العلم والعلماء ليكتشفوا أن مخ الإنسان يستطيع التركيز علي شيء محدد من 45 الي 75 دقيقة، ثم يبدأ منحنَي التركيز في الإنخفاض مرة أخري ولذلك كان هنـاك إجماع علي ضرورة School breaks.
من وقت للتاني لازم تفصل مخـه من المذاكرة عشان تقدر تكمل لوقت أطول، بس السؤال هعمل إيــه في الفاصل بين المذاكرة!🤔

🔹 إنك تغير موضع المذاكرة وتخرج تقف في بلكونة البيت وتتأمـل شرقاً وغرباً دا مفيد لعضلـة العين عشان تقدر تواصل التركيز من جديد.
🔹 إنك تاخد قيلولـة من عشر دقائق أو ربع ساعة أو انك تنزل تتمشـي وترجع تكمل تاني.
🔹 إنك تفصل بين المذاكرة بوجبة صحية فيها خضـار وفاكهة دا بيساعدك إنك تكمل بطريقة أحسن من الأول.
🔹تمارين رياضية بين المذاكرة بعد الحفاظ علي نفس وضعية التركيز بيساعد عضلات الرقبة ومعظم عضلات الجسم.
🔹 إنك تقضي وقت الفاصل في جلسة تنفس عميق للتخلص من التوتر والضغط دا هينشط الدورة الدموية ويخليك مستعد تكمل بنشاط أكبر.
🔹 إنك تكافئ نفسك بعد ما تخلص مذاكرة أو تكلم صديق ليك بين المذاكرة دا بيساعدك تقلل من التوتر ويخلي عندك دافع إنك تكمل.🚶
🔹 إنك تتخيل حاجة ايجابية هتحصل زي انك تقفل الامتحان دا بيشجعك علي المذاكرة بعد الفاصـل.
📌 زي ما المذاكرة مهمة فـالفاصل بين المذاكرة برضه مهم عشان تقدر تكمل، الفاصل بين المذاكرة اللي سبق واتكلمنا عنه في Promodoro technique 🍅
https://m.facebook.com/story.php?story_fbid=pfbid02iqQ6Ug7todBxqjqtw64p7CEtn25KRi7NUM5zmMwUAMM1kJ62csPb535LiTieknKql&id=100034020700685&mibextid=Nif5oz

📌 طول ما إنت في الكلية افتكر إن الإمتحانات ما هي إلا إثبات أنك جدير بمكانك كصيدلي، وانك دائمًا مش لوحـدك 💙
#إنت_مش_لوحدك
#Study_with_Astro

*رياضـة ومذاكرة، مذاكرة ورياضـة*
قولـاً خرج من صديقنـا بيمـو وهو يتحدث مع صديقه الذي يمر بفترة إمتحانات عصيبة.
ليجيبـه: بس انا كدا هضيع وقت كتير في ممارسة الرياضة وهقصر في المذاكرة يـا بيمـو!
وهنـا سار بيمـو تجاه صديقه موضحاً أن فترة الإمتحانات صعبة جداً لما تسببه من أثر سلبي علي صحة ونفسية الإنسان، وذلك لتركيزه الشديد علي قائمة مهامـه اليومية ليحصّـل أكبر قدر ممكن من المعلومات.

فقـد أثبتت الدراسات العلمية أن ممارسة التمارين الرياضية تعمل علي تنشيط الذاكرة والدورة الدموية مسببةً تحفيز لـلأعصاب ونمو خلايـا Hippocampus المسؤولة عن استرجاع المعلومات.

📌 لذلك ممارسة الرياضة لمدة 20 دقيقة قبل المذاكرة يحسن من معدل التركيز ويزيد من إفراز Endorphin المسؤول عن تحسين الحالة المزاجية.
📌 ممارسة الرياضة بشكل يومي يجعـل الجسم متحفز لوقت أطول وجاهـز لاستقبال معلومات جديدة، خصوصا ممارستها في فترة الإمتحانات تزيد من تحصيلك الأكاديمي.

طبعـاً لا يمكن أن ننسي دور الرياضة وأنها بتأثر علي الصحة ودا بيظهر في أنها تقلل من الكـوليسترول، كما أنها مفيدة لمرضـي السكر.
#إنت_مش_لوحدك
#Study_With_Astro

إيــه يا بيمـو البهدلـة اللي إنت فيها دي، مودك وحش كدا ليه، أشغلـك موسيقى؟

تعجب صديق بيمـو من حال صديقه الدراسي مما جعله يبادر بهذا السؤال، ليجيبـه بيمـو تفتكر الموسيقي هتساعدني، أنا مش عارف أركز خالص ي صحبي.

وهنـا ولأول مرة يبدأ صديق بيمـو بالكلام ليفيده بمـا يعرفه؛ الموسيقي يا صديقي مهمة جدا ودا لأنـها:-

🔹 تحسن المزاج العـام، تقلل التوتر اللي بيزيد مع الضغط والقلق.
🔹بتزود التحفيز علي المذاكرة كإنك بتكافئ نفسك وبتساعدك إنك تكمـل بتركيز عـال.
🔹بتأثر علي منطقة Cerebellum في المخ، حيث أوضحت دراسات عام 2007 أن الموسيقي الكلاسيكية بتساعد عقلك علي إستيعاب معلومات أكثر، غير تكرار Beats معينة بطريقة معينة بتنشط نفس المنطقة.
🔹 الموسيقي مهمة لمرضي ADHD عشان يركزوا بشكل أفضل، وبتزود الإدراك عندهم بنفس الطريقة اللي بيزيد بيها إدراك البشر الإجتماعيين.

طب سؤال يـا صحبي، تنصحني بأي نوع وإيه اللي أعمله وانا بسمع عشان أكمل مذاكرة؟*

🔹 الموسيقي المعتمدة علي عزف الآلات الموسيقية زي الكمان والبيـانو، والموسيقي اللي رتمـها بطئ.
🔹ابعد عن الصوت العالي عشان التشتت، وخليها تتكرر أكثر من مرة عشان تحفز منطقة Cerebellum وتمنع التشتت.
🔹 أبعد عن الموسيقي العالية، اللي رتمهـا سريع زي الـراب والمهرجانات عشان هتتعب نفسك أكثر.

📌إبعـد عن أي موسيقى تدخلك في حالة نشاط جسدي أو هياج عشان هتضرك لا محالة.

بس كدا ي بيمـو أتمني الطريقة تفيدك زي ما فـادتني جداً، وعايزك دايمـاً تفتكر إنك مش لوحدك 💙
#إنت_مش_لوحدك
#Study_With_Astro

يـا دكتور!!😰
إلحقنـي يا دكتور، بقالي فترة مش كويس خـالص.

دخل بيمـو للصيدلي اللي تحت البيت بيشتكي من أعراض ظهرت عليه الفترة الأخيرة مش عارف سببها، ليأتيه الرد من الدكتور:- اهدي بس يـا بيمـو هتبقي بخير 💙

هدأ صديقنـا بيمو وبدأ يوضح للدكتور الأعراض اللي من أهمها:-
🔹 الإرهاق والقلق، ألم العضلات
🔹 آلام في العظام والمفاصل، تقلب المزاج

وبعد حديث دام بين بيمو والدكتور، رد الدكتور:-
دي أعراض نقص vitamin D يا بيمو.
نظر بيمو للدكتور وقاله:- يعني إيه vitamin D يا دكتور اصلا، وإيه أهميته عشان لو نقص تظهر الأعراض دي كلها.

أحد أهم فيتامينات الجسم مهمته الأساسية هي امتصاص الكالسيوم، الماغنسيوم ومجموعات الفوسفات من الأمعاء والمعروف بـ VITAMIN D أو Calciferol.

كمـا يُعتبـر VIT D من الفيتامينات التي تذوب في الدهون، عشان كدا بيأخذ عن طريق الفم بعد وجبة دسمة لسهولة إمتصاصه.

بس يـا دكتور أنا سمعت أنه مهم إن الإنسان يتعرض للشمس في أوقات معينة في اليوم، هل دا مهم؟

طبعــاً طبعــاً يا بيمو، فتعتبر أشعة الشمس والأكل هما مصدر لـ VIT D، حيث يتحول من الصورة الخاملة لـه إلي الصورة الفعالة من خلال عملية Hydroxylation تحدث علي مرحلتين في الكبد وتنتج Dihydroxyvitamine D_1,25 أو Calciferol.

📌 وأعراض نقصه يا بيمو زي م وضحت بالإضافة لـ :-
🔹الكساح عند الأطفال.
🔹 تشوهات في العظم، هشاشة العظام عند البالغين.
🔹بعض حالات السرطان وأمراض القلب والأوعية الدموية.
🔹بعض الأمراض المناعية، مرض السكري Type II.

طب والحل ي دكتور؟🤔

🔹 الأسماك زي التونة، الماكريل، السالمون، كبد البقر.
🔹 البيض ومنتجات الألبان بكمية قليلة.
🔹الماشروم لاحتواءه علي VIT D2.

📌 وطبعا التعرض لأشعة الشمس لوقت كافٍ بيحفز الجسم لتصنيع VIT D بس لازم تاخد احتياطيات الوقاية من الأشعة فوق البنفسجية تجنبا لمشاكل الجسم 💙
وهنـا ذهب القلق والتوتر من علي وجه صديقنا بيمـو بعدما فهم سبب الأعراض، وانطلق ليبدأ رحلة العلاج 💙
#فيتامينات_بيمـو
#مستشارك_الطبي

ينصح الأطباء بأكل اللوز، زبدة الفول السوداني، المانجا والأفوكادو.
نصيحة كتير يعرفها لكن الجديد عمرك سألت نفسك ليـه؟!
فيتامين هـ ي صديقي هو الإجابةفخليك معايا. 💙
أحد فيتامينات الجسم اللي بيدوب في الدهون، ومن وظائفه:-
🔹يقلل من الإصابة بالزهايمر، الشلل الرعاش، وأمراض الجهاز العصبي.
🔹يلعب دوراً مهماً في مناعة الجسم ويمنع الجلطات في شرايين القلب.
🔹 يدخل في الوقاية من فقد البصر وبعض حالات سرطان البروستاتا والأمراض المزمنة.
🔹يتعامل مع Free Radicals ويقللها للحفاظ علي الخلايا من التلف.

📌هنـاك ما يسمي بـ AMD أو فقدان البصر الناتج عن التقدم في العمر ينتج عن تفكك الشبكية وللوقاية من هذه الحالة يستخدم Vitamin E، Vitamin C، B_carotine.
والسؤال؛ يحصل إيه لو نسبته قلت في الجسم؟🤔
🔹 ضعف في الشبكية والأعصاب الطرفية.
🔹ضعف المناعة.
🔹حدوث Ataxia وهي ضعف السيطرة علي حركة الجسم.

📌 لكـن فرصة نقص VIT E نادرة جدا تنتج أحيانا من نقص كمية الدهون المساعدة في امتصاصه.
#فيتامينات_بيمو
#مستشارك_الطبي

بعد بهدلة الترم الأول، رفعنا شعار هنعوض في الترم الثاني إن شاء الله.
وعشان نعوض صح لازم ندلع الأول وخليك معايا للآخر عشان ممكن تطلع بسعر أقل 😍
تعتبر واحدة من ضمن مواقع التراث العالمي، وأكبر واحة طبيعية مصرية كما تمتلأ بالآثار الفرعونية والإسلامية أنها الفيوم 🏜️🏜️
رحلة كلها مفاجآت:-
🔹 الفطار حاجه بسيطة كدا في Bus
🔹يوم مليان ألعاب وأغاني من أوله لآخره.
🔹 هنشوف اراضي الفيوم الزراعية المختلطة بمنظر الصحراء كل دا واحنا لسه في الطريق 😍
بعد كدا هنوصل لوجهتنا وهي أراضي الفيوم وهنشوف امتداد البحيرات اللي يخطف القلب 💙
🔹 هنبدأ الدلع بتاعنا في قرية تونس وفطارنا هيكون كله فلاحي ( فطير، عسل، جبنه) ودا اختياري 🤝
🔹بعد كدا هنعدي ع ورش الخزف والفخار والصناعات اليدوية تقدر تشوف وتصنع كمان وتحتفظ بكل اللي هتصنعه 🥰
🔹عشان نعدي بعد كدا ع بحيرة وادي الريان عشان نستقبل الدلع كله من شلالات وألعاب كتيرة غير التصوير والوقت الجميل اللي هنقضيه سوا 🥳🌊
📌 مينفعش تروح وادي الريان من غير فلوكة في البحيرة.
🔹 بعد كدا هنوصل لجبل المدورة ومعاك التيشيرت الأبيض عشان حرب الألوان ي صحبي🌈🔫، دا غير Sand boarding مع وجود مدربين متخصصين.
🔹 نفض حرب الألوان دي ونطلع علي Fire camp عشان حفلة بيوت النار ونشرب شاي ع الفحم مع أهل الفيوم وبدو الصحراء.
📌وهنا الليل جه خلاص نروح؟🤔
مش دلوقتي استني شويه فاضل فقرات الغناء والدف، والشوي بس مش لحمة هنشوي مارشملو.
🔹 طب وأحنا مروحين نسكت؟ لا طبعا هنشتغل فيلم السهرة عشان نتبسط كمان 🥳🥳
دا اللي قدرنا نوصف بيه اللي هيحصل ودا جزء بسيط خالص من اللي هتشوفه 🥳
📌 والسعر لكل دا LE 310 شاملة كل حاجه من أول اليوم لاخره، وهيكون 270 LE من غير وجبة الإفطار في الفيوم

📌 لو ناوي تيجي معانا عشان تعوض بعدين في الترم التاني تملأ الفورم دي ضروري 🤝🥰

https://forms.gle/nicUppugeoHKZwYH8

وتيجي بيتك هنا عشان تعرف كل التفاصيل وتبقي معانا اول بأول
https://chat.whatsapp.com/KbB2Rs4RaEpAgx28MnQFPi
📌 كل واحد يجهز أفضل صورة لأفضل مكان صوره عشان قريب جدا هنعمل مسابقة مليانه مكافئات 🥳
خليك معايا أول بأول 🧑‍🦯

#سبارك_هتدلعك
#هنعوض_في_الترم_التاني
#جايلك_ي_فيوم