Миллий боғда 4 ёшли қиз чўкиб кетди

Дастлабки маълумотларга кўра, аёл 4 ва 8 ёшли набиралари билан чўмилиш мақсадида мазкур ҳудудга келган. Чўмилиш жараёнида 4 ёшли қиз сувга чўкиб кетган.Ҳодиса жойига чақирилган тез тиббий ёрдам ходимлари томонидан жабрланувчига биринчи тиббий ёрдам кўрсатилган бўлишига қарамасдан, унинг ҳаётини сақлаб қолишнинг имкони бўлмаган ва у вафот этган.

Унинг танасида бирор бир тан жароҳати аломатлари аниқланмаган. Тергов тезкор гуруҳи, прокуратура, Суд тиббий экспертиза бюроси ходимлари томонидан қизнинг ўлими сабабини аниқлаш мақсадида суд-тиббий экспертиза тайинланиб, суриштирув ҳаракатлари олиб борилмоқда.

❗️Лионел Мессининг отаси вафот этди.

Июн ойида Хорхе Месси соғлиғи билан боғлиқ муаммолар сабаб шифохонага ётқизилгани хабар қилинган эди.

1 сентябрдан йўл ҳақини автобусга чиқиш биланоқ тўламасангиз жаримага тортиласиз

1 сентябрдан шаҳар автобусларида йўлкирани автобусга чиқиш биланоқ тўлаш ёки имтиёзни валидатор орқали тасдиқлаш мажбурий бўлади. Йўл ҳақини транспорт ва банк карталари, смартфон ҳамда NFC, QR ва бошқа технологиялар орқали тўлаш мумкин.

Тўловни чиқиш вақтида амалга оширмаган йўловчилар чиптасиз ҳаракатланган деб ҳисобланади ва маъмурий жавобгарликка тортилади.

Сурхондарёда ҳайдовчининг қариндошлари ЙПХ ходимларига тан жароҳати етказди

Ҳолат Ангор туманида содир бўлган. ЙПХ ходимларини кўрган Damas ҳайдовчиси қочиб, шубҳали ҳаракат содир этган. Уни кузатиб борган ЙПХ ходимлари яшаш уйи яқинида тўхтатиб, спиртли ичимлик ҳиди келгани сабабли тиббий кўрикка олиб бормоқчи бўлган.

Шунда ҳодиса жойига ҳайдовчининг яқин қариндошлари ва қўшниси етиб келиб, икки ходимга тан жароҳати етказган.

🇷🇺🇰🇿 Қозоғистонда россиялик блогер қозоқларни рус тилини билмасликда танқид қилгани учун мамлакатдан чиқариб юборилди.

Қозоғистонда россиялик блогер Ксения Гузаева (Fasoollka) "ижтимоий тармоқлардаги провокацион ва ноўрин баёнотлари учун" жаримага тортилди ва мамлакатдан чиқариб юборилди, деб хабар берди Остона полицияси. Хабарларга кўра, полиция унинг ижтимоий тармоқларини кузатиб бораётганда "провокацион" изоҳларни аниқлаган. Шунингдек, унга Қозоғистонга беш йилга кириш тақиқланган.

Ўзбек бокси афсонаси Руфат Рисқиев 76 ёшда вафот этди

Руфат Рисқиев 1974 йилда Ўзбекистон тарихидаги илк жаҳон чемпиони бўлган.

1976 йилги Монреал Олимпиадасида эса финалгача етиб бориб, кумуш медаль олган. Ҳал қилувчи жангда америкалик Майкл Спинксга имкониятни бой берган.

Рисқиев спортчилик фаолиятидан сўнг мураббий ва ҳакам сифатида ишлаган. У сўнгги йилларда оғир касаллик билан курашган.

Энди муддатли тўлов 1 йилдан ва 110 миллион сўмдан ошмаслиги керак

Президентнинг янги қарорига кўра, 2027 йилдан бошлаб буюмларни бўлиб тўлашга олиш бўйича шартнома суммаси БҲМнинг 250 бараваридан, яъни 110 млн сўмдан ошиши тақиқланади. Шунингдек, тўловни бўлиб бериш муддати энг кўпи билан 12 ой қилиб белгиланди.

❗️Янги ўқув йили қачон бошланади?

2026/2027-ўқув йили учун академик лицей, техникум ва олий таълим муассасаларида дарслар бошланиш санаси маълум қилинди.

Академик лицей ва техникумларда — 2 сентябрдан.

Олий таълим муассасаларида:
— 1-босқич талабалари — 7 сентябрдан;
— 2-босқич ва ундан юқори курслар — 14 сентябрдан.

Яъни, биринчи курс талабалари учун ўқиш бошланиши бошқа курсларга қараганда бир ҳафта олдинроқ бўлади.

❗️17 ёшли ҳайдовчи 3 ёшли болани уриб юборди

Ижтимоий тармоқларда Chery автомобили 3 ёшли болани уриб юборгани акс этган видео тарқалди.

Маълум бўлишича, ҳодиса 30 июнь куни Қашқадарё вилояти Қамаши туманида содир бўлган.

17 ёшли ҳайдовчи автомобилни ҳаракатга келтираётган вақтда йўл четида турган болани эҳтиётсизлик сабаб уриб юборган.

Болага воқеа жойида тиббий ёрдам кўрсатилган.

Автомобиль вақтинча жарима майдонига жойлаштирилган. Ҳолат бўйича тегишли ҳужжатлар расмийлаштирилган.