#ана_холос

​😱⚡️17 ёшли йигит бўйнидаги "засос" туфайли вафот этди.

Мехикода ​Хулио Масиас Гонсалес исмли ўсмир севгилиси билан учрашувдан сўнг уйига келиб, оиласи билан кечки овқат пайтида тўсатдан ҳушини йўқотган ва талваса (судорога) бошланган. У шифокорлар келгунига қадар вафот этган.
​
Мутахассисларнинг айтишича, бўйиндаги кучли "засос" натижасида қон лахтаси (тромб) ҳосил бўлган. Ушбу тромб қон томири орқали бош мияга бориб, инсультга сабаб бўлган.
​
Марҳумнинг яқинлари содир бўлган воқеада унинг 24 ёшли севгилисини айблашмоқда. Маълумотларга кўра, фожиадан сўнг қиз ғойиб бўлган ва ҳозирда қидирилмоқда.

❗️Йўлдаги ямалар мана нима учун керак: Ҳиндистонда кутилмаган ҳолат юз берди

Маълум қилинишича, 50 ёшли бемор оғир аҳволда бўлган ва шифокорлар уни “мия ўлими” ҳолатида деб баҳолаган. Аёл уйига олиб кетилаётган вақтида тез ёрдам машинаси чуқурга тушиб, кескин силкиниш юз берган. Шундан сўнг беморда ҳаракат белгилари кузатилган.

Ўзбекистонда футболчилар даромад солиғидан озод этилди

2026 йил 1 апрелдан бошлаб Суперлига ва Про-лигада тўп сурадиган футболчилар 3 йил муддатга даромад солиғидан озод бўлади. Клублар эса улар учун ижтимоий солиқни 1 фоиз ставкада тўлайди.

Давлат Суперлига клубларига бу йил 35 млрд сўмдан, 2027 йилда 30 млрд сўмдан, 2028 йилда 25 млрд сўмдан пул беришини эълон қилди.

Ҳам давлат идораси, ҳам спорт федерациясига раҳбарлик қилаётган мансабдорлар биринчи иш жойига тегишли маблағлар ҳисобидан федерацияни молиялаштириш ҳуқуқини олди.

❗️Чустда солиқ ходимига оид коррупция ҳолати фош этилди

Давлат хавфсизлик хизмати ва тегишли идоралар ҳамкорлигида ўтказилган тезкор тадбирда фирибгарлик ҳолати аниқланди.

1992 йилда туғилган аёл МЧЖнинг 376,6 млн сўм солиқ қарзини «танишлари орқали» бартараф қилиб беришни ваъда қилиб, 20 млн сўм олган вақтида ушланди.

Текширув давомида ушбу ноқонуний ишга Чуст тумани солиқ инспекциясининг бош инспектори ҳам алоқадор экани маълум бўлди.

⚖️ Ҳозирда ҳолат юзасидан жиноят иши қўзғатилиб, тергов ҳаракатлари олиб борилмоқда.

Журналист Карим Баҳриев вафот этди

Таниқли журналист, публицист ва таржимон Карим Баҳриев оғир инсультдан сўнг ҳаётдан кўз юмди.

Маълум қилинишича, у ўтган ҳафтада ўткир геморрагик инсульт (мияга қон қуйилиши) билан Тошкент шаҳар 1-сонли клиник шифохонасига ётқизилган. Шифокорлар томонидан барча зарур муолажалар кўрсатилганига қарамай, у жонлантириш бўлимида ҳаётдан кўз юмди.

Карим Баҳриев ўз фаолияти давомида журналистика, публицистика ва таржимонлик соҳаларида самарали меҳнат қилди. Унинг чиқишлари ва фикрлари жамоатчилик орасида кенг муҳокама қилинган. У ўзининг қуйидаги фикри билан ҳам кўпчиликка яхши таниш эди:

«Мансабдор сарфлаган ҳар бир тийин — халқ пули. Давлатнинг вазифаси уни шаффоф ва адолатли тақсимлашдир».

Марҳумнинг вафоти муносабати билан унинг яқинларига ва ҳамкасбларига таъзия билдирилади.

Шахсга доир айрим маълумотларни Ўзбекистондан ташқарида сақлашга рухсат берилди

«Шахсга доир маълумотлар тўғрисида»ги қонунга киритилган ўзгаришлар кучга кирди. Энди шахсларнинг биометрик ва генетик маълумотларидан ташқари, бошқа шахсга доир маълумотларни хорижда сақлаш ва уларга хорижда ишлов бериш мумкин.

Эслатиб ўтамиз, қонундаги ана шу юмшатилган норма – 2021 йил 3 ноябр куни Ўзбекистонда Telegram, YouTube, Instagram ва Facebook каби энг оммабоп тармоқлар блоклаб қўйилишига ҳуқуқий асос вазифасини бажарган эди.

Бу ўзгариш PayPal, Google Pay ва Apple Pay каби халқаро тўлов сервисларининг Ўзбекистонга кириб келишига йўл очиши кутилмоқда.

🇯🇵 Японияда чақалоқ нега йиғлаётганини аниқлайдиган AI илова ишлаб чиқилди

Японияда сунъий интеллект асосида ишловчи Awababy иловаси ишлаб чиқилди. У ота-оналарга чақалоқ нега йиғлаётганини тушунишга ёрдам беради.

Маълум қилинишича, илова тахминан 150 мингта аудиоёзувлар асосида ўқитилган. Алгоритм товушнинг баландлиги, тембри ва давомийлигини таҳлил қилиб, йиғининг сабабини аниқлайди. Илова 11 хил ҳолат ва эҳтиёжни таниб олади. Улар қаторида очлик, уйқучанлик, ноқулайлик, ёлғизлик, ҳарорат ўзгариши, қорин оғриғи ва эътиборга эҳтиёж кабилар бор.

Шунингдек, фойдаланувчилар турли ҳолатларда болани қандай тинчлантиргани ҳақида тажриба алмашиши мумкин. Бу эса умумий тавсиялар базасини шакллантиришга хизмат қилади. Маълум қилинишича, 20 апрелдан бошлаб Япониянинг Мисима шаҳрида икки ёшгача боласи бор оилалар учун илованинг премиум версияси бепул тақдим этилади.

❗️Ўзбекистонда исломий банкчилик тўғрисида қонун қабул қилинди

Ўзбекистонда исломий банк фаолиятини тартибга солувчи қонун қабул қилинди.
Қонунга кўра, исломий молия хизматларини йўлга қўйиш учун Марказий банк лицензияси талаб этилади. У чекланмаган муддатга берилади ва бошқа шахсларга ўтказиш тақиқланади.

Исломий банк операциялари қуйидагиларни ўз ичига олади:
➖ фойдани тақсимлаш асосида молиялаштириш;
➖ вакиллик шартномалари орқали инвестиция жалб қилиш;
➖ товарни насияга сотиш;
➖ олдиндан тўлов орқали молиялаштириш;
➖ шерикчилик асосида бизнесга кириш;
➖ мол-мулкни исломий ижарага бериш.

📅 Қонун 29 мартдан 3 ой ўтгач кучга киради.

🇰🇵🇮🇱🇮🇷 Ким Чен Ин Шимолий Кореянинг Эронга қурол етказиб бериши ҳақида жосуслик қилгани ва Моссадга махфий маълумотларни узатгани учун икки исроиллик агентни қатл этишни буюрди.

🇺🇸🇮🇷АҚШ–Эрон–Исроил урушига оид тезкор хабарлар👇

Эрон АҚШнинг 500 млн долларлик разведка самолётини йўқ қилди — ОАВ

Эрон АҚШнинг Саудия Арабистонидаги авиабазасига уюштирган ҳужуми натидасида Американинг Boeing E-3 Sentry разведка самолёти жиддий шикастланган бўлиши мумкин.