#Мутафаккирлар
Бугунги кунда тарқалаётган касалликларга очкўзликнинг алоқаси❗️

©Имом Бутий роҳимаҳуллоҳ сўзлари
🎤 Абдуллоҳ Ғуломов
Манба: azon.uz

@Solihlar_taratgan_nurlar

​#Кун_Ояти

Аллоҳ таоло Мунофиқун сурасида шундай марҳамат қилади:

 Ва бирингизга ўлим келиб: «Роббим, агар мени озгина муддатга орқага сурсанг-у, садақа қилсам ва солиҳлардан бўлсам», демасидан аввал Биз сизларга ризқ қилиб берган нарсалардан нафақа қилинг. 

Тафсири:
Ризқнинг асосий манбаи Аллоҳ таолонинг Ўзидир ва У Зот одамларга Ўзи хоҳлаганича ризқ бериб қўйган ва ундан нафақа, хайр-эҳсон қилиб туришга буюрган. Албатта, бу иш ўлим келишидан аввал бўлиши шарт. Соғ-саломатликда, ҳамма нарсага қодирлик пайтида хайр-эҳсон қилса, ўрнига тушади. Ўлим келганда эса ҳамма ҳам ёлвориб, Аллоҳдан яна озгина умр беришини сўрайди, садақа қилиб, яхши кишилар қаторида бўлишни истаб қолади. Лекин унда кеч қолган бўлади. Чунки

 “Аллоҳ ажали келган жонни ҳеч-ҳеч орқага сурмас. Ва Аллоҳ нима амал қилаётганингиздан ўта хабардордир”. (10-11-оятлар).

Тафсири:
Оқил киши бошига ўлим келмасидан аввал хайрли ишларни кўпроқ қилиб қолишга интилади ва шундай бўлиши ҳам лозим. Чунки Аллоҳ таоло ҳар бир гапу ишдан хабардор Зотдир.

Муаллиф: Шайх Муҳаммад Содиқ Муҳаммад Юсуф

Манба: islom.uz

https://telegram.me/Solihlar_taratgan_nurlar

Учта савол ва насроний мот)

🎙Маъмуржон домла

Каналга уланиш👇🏻
https://telegram.me/Solihlar_taratgan_nurlar

​​#Кун_Ҳадиси

Тарихдаги энг улуғ васият❗️

Расулуллоҳ соллаллоҳу алайҳи васаллам айтдилар:

«Эй болам, сенга бир нечта сўзларни ўргатаман: Аллоҳни муҳофаза қилгин, Аллоҳ сени муҳофаза қилади! Аллоҳни муҳофаза қилгин, Уни олдингда топасан! Агар сўрасанг, Аллоҳдан сўрагин! Агар ёрдам тиласанг, Аллоҳдан тилагин! Шуни билки, агар уммат бирлашиб, сенга фойда келтирмоқчи бўлсалар, Аллоҳ сенга ёзган фойдани келтира оладилар холос! Агар бирлашиб, сенга зарар келтирмоқчи бўлсалар, Аллоҳ сенга ёзган зарарни келтира оладилар холос! Қалам кўтарилган ва саҳифалар қуригандир!».

(Имом Термизий роҳимаҳуллоҳ ривояти).

✍🏻Абдуссами Хайруллоҳ

Каналга уланиш 👇🏻
https://telegram.me/Solihlar_taratgan_nurlar

Пайғамбар алайҳиссаломга бўлган муҳаббатнинг белгилари

Ҳазрати Али жомеъ масжиди имом-хатиби:
🎙Устоз Салоҳиддин домла

📍Shayx Muhammad Sodiq Muhammad Yusuf rohimahulloh majmuasi

Манба: © islom.uz

https://Telegram.me/Solihlar_taratgan_nurlar

#Шайхим #вирдлар

Файз ва баракага эришишни хоҳлайсизми❔

🎙Шайх Муҳаммад Содиқ Муҳаммад Юсуф роҳимаҳуллоҳ

Youtube орқали кўриш
https://youtu.be/UKNvwF3u1Q0

Манба:@BintuSodiq

https://telegram.me/Solihlar_taratgan_nurlar

Намозхон инсон

🎙Устоз Салоҳиддин домла

Каналга уланиш👇🏻
https://telegram.me/Solihlar_taratgan_nurlar

#Бўшлиқ

Исломда бўшлиқ қандай пайдо бўлади?

Ҳасан Басрий розияллоҳу анҳу айтадилар: “Олимлар юлдузларга ўхшайди. Агар кўриниб турса, одамлар улар билан йўл топишади. Агар кўздан йўқолиб, зулматда қолса, қаёққа юришини билмай, ҳайрон қолишади. Олимнинг ўлими билан Исломда бўшлиқ пайдо бўлади. Вақт ўтса-да, бу бўшлиқни бирор нарса тўлдира олмайди”.

Албатта бу ерда гап илм борасида кучли бўлган инсонлар ҳақида кетмоқда. Билимсизлик билан сўровчиларга фатво бераётганлар бундан мустаснодирлар.

Зайд ибн Собит розияллоҳу анҳу вафот этганда Ибн Аббос розияллоҳу анҳу келди.

Ибн Аббос тобутни кўтариб кетаётганида бошидан салласи чуваланиб тушганига ҳам парво қилмади, маййит қабрга қўйилмагунча салласини тўғриламади ҳам. Зайд қабрга қўйилиб, тупроқ ташлангандан сўнг, Ибн Аббос нимадир демоқчи бўлиб, унинг қабри устида турди, аммо ҳеч нарса дея олмай, дудуқланиб қолди. Кейин у йиғлай бошлади ва деди:

"Кимки Аллоҳ илмни қандай тортиб олаётганини кўрмоқчи бўлса, қарасин, Аллоҳ илмни мана шундай олади – олимларнинг ўлими билан!"

Олимнинг ўлими – оламнинг ўлими, деганлар. Уламоларимизни, илм аҳлларини тириклигида эҳтиром қилайлик!

✍🏻Ёқуб Умар

Каналга уланиш👇🏻
@Solihlar_taratgan_nurlar

Пайғамбар алайҳиссаломни кўп эслаш

Ҳазрати Али жомеъ масжиди имом-хатиби:
🎙Устоз Салоҳиддин домла

📍Shayx Muhammad Sodiq Muhammad Yusuf rohimahulloh majmuasi

Манба: © islom.uz

Каналга уланиш👇🏻
https://Telegram.me/Solihlar_taratgan_nurlar

​#Ибрат #Саҳобалар

Умар ибн Хаттоб (р.а.) чинакамига мўминларнинг амири, одил ва форуқ халифаси эди. Ҳазрати Умар (р.а.) ўз оиласи ва болалари учун овқат ва унни ўзи орғалаб ташиди. Халифа ўз қўли билан овқат пишириб, етимларга тарқатди. У Аллоҳдан қўрқарди, ҳамиша Аллоҳнинг ризолигини истарди, Аллоҳга мақбул ишларни қилишга интиларди. «Дажла қирғоғида бир чўпоннинг қўзисини бўри олиб қочса, Аллоҳ халифа Умардан сўрайди», деб кўз ёшини тўкарди. Бир гал отда кетаётиб ўзига-ўзи: «Ё Умар, Аллоҳдан қўрқ!» деди ва шу заҳоти отдан тушиб, бошини ерга қўйиб, сажда қилди ва овози бўғилган ҳолда «Умар кимки, Аллоҳдан қўрқмасин!» дея нола қилди. У ҳар ишда одиллик қиларди, ночор, мазлум, ожиз кишиларнинг ҳимоячиси эди. Ҳатто, бир гал бир волийга шаҳодатнома бериб, вилоятга раҳбар қилиб жўнатаётиб, суҳбат чоғида унинг ўз фарзандларини бирор марта қучоғига олиб эркаламаганини билиб қолгач, шаҳодатини йиртиб ташлаб, қувиб чиқарган ҳам шу ҳазрати Умар (р.а.) эди. У кишининг яна бир одатлари бор эди. Ҳар куни қош қорайгач, ўзидан-ўзи: «Айт-чи, эй Умар, бугун Аллоҳ йўлида нима иш қилдинг?» деб сўрарди

Манба: ©islom.uz

Каналга уланиш👇🏻
https://telegram.me/Solihlar_taratgan_nurlar

​Аллоҳ таоло Ҳужурот сурасида шундай марҳамат қилади:

يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا

«Эй иймон келтирганлар! Кўп гумонлардан четда бўлинглар, чунки баъзи гумонлар гуноҳдир. Жосуслик қилманглар» (12-оят).

Аллоҳ таоло Ҳужурот сурасида:

«Эй иймон келтирганлар!» деб мурожаат қилмоқда ва улар учун жуда муҳим бўлган яна бир қанча масалаларни баён қилмоқда.

Ушбу оятда Аллоҳ таоло мўмин-мусулмон бандаларини бир неча ёмон сифатлардан, ахлоқий касалликлардан, ҳалокатга элтувчи дардлардан қайтармоқда.

Улардан биринчиси:

«Кўп гумонлардан четда бўлинглар, чунки баъзи гумонлар гуноҳдир».

Гуноҳга олиб борувчи иллатлардан бири бадгумонликдир. Бадгумонлик кишилар ҳақида бўлар-бўлмасга ёмон шубҳалар қилиш, уларга нисбатан туҳмат ва ҳадик маъносида фикр юритишдир. Одатда, бундай гумонларнинг кўпи асоссиз, беҳуда бўлади. Шу боисдан ҳам:

«Кўп гумонлардан четда бўлинглар…» – дейиляпти.

Ўтган уламолардан Зажжож раҳматуллоҳи алайҳи: «Бадгумонлик яхши кишилар ҳақида ёмон гумон қилишдир. Аммо аҳли фисқ бўлса, ундан нима фосиқлик зоҳир бўлган бўлса, шуни гумон қилишга ҳаққимиз бор», – деганлар.

Ўйлаб кўрилса, ўзаро низолар ва келишмовчиликлар кўпроқ бир-биридан ёмон гумонда бўлишдан ҳам келиб чиқади. Ёмон гумондан четда бўлиш учун доимо кишилар ҳақида яхши гумонда бўлиш, улар ҳақида етган хабарларни яхшиликка йўйиш керак.

Бу ҳақда ҳазрати Умар розияллоҳу анҳу: «Агар яхшиликка буришнинг бирорта йўли бўлса ҳам, мўмин биродарингдан чиққан сўз ҳақида фақат яхши гумон қил», – деган эканлар.

Имом Бухорий раҳматуллоҳи алайҳи Абу Ҳурайра розияллоҳу анҳудан ривоят қилган ҳадисда Набий алайҳиссалом: «Зинҳор ва зинҳор бадгумон бўлманглар, чунки бадгумонлик сўзнинг энг ёлғонидир», – деганлар. Бошқа бир ҳадисда эса: «Агар одамларнинг айбини ахтарадиган бўлсанг, уларни бузасан», – деган эканлар.

Хусусан, иш бошида турган раҳбарлар бу нарсада эҳтиёт бўлишлари лозимлиги имом Абу Довуд Абу Умомадан ривоят қилган ҳадисда яққол кўринади. Бу ҳадисда Набий алайҳиссалом: «Агар амир одамлардан айб излайверса, уларни бузади», – деганлар.

Маълумки, кимнинг ўйига бадгумонлик ўрнашса, у одам ўша гумонини тасдиқлаш учун ҳужжат ва далил қидира бошлайди. Натижада гумон остидаги одамнинг ўзига билдирмасдан, айбини излашга тушади. Буни эса «жосуслик» дейдилар. Шунинг учун ҳам биз ўрганаётган ояти каримада гумондан четланишга амр қилингандан сўнг

«Жосуслик қилманглар», – деб бу қабиҳ ишдан қайтарилмоқда.

Одатда, бировга ёмонлик етказиш ниятида айбларини ва заиф жойларини, ўзига билдирмай, яширинча излашга «жосуслик» дейилади. Бу иш ҳам катта гуноҳлардандир. Чин мусулмон кишининг қалби бу каби жирканч одатлардан пок бўлмоғи зарур. Боз устига, бу иш Ислом динининг асосий ғояларидан бири бўлмиш инсоннинг каромати, ҳурмати, иззати ва обрўсини ҳимоя қилиш масаласига чамбарчас боғлиқдир.

Ислом мазкур ҳуқуқларнинг муқаддаслигини эътироф этади, уларнинг ҳеч бир ҳолда поймол бўлмаслигининг чорасини кўради. Ислом жамиятида инсонларнинг жонлари, молу мулклари, уй-жойлари омонликда, сир-асрорларию яширин нарсалари бехатар бўлиши зарур. Ҳатто жиноятнинг олдини олиш баҳонаси билан ҳам одамларнинг ортидан жосуслик қилишга ижозат йўқ. Ҳукм очиқ-ойдин кўриниб турган ишга қараб чиқарилади. Гумон қилишга, шубҳаланишга ва пойлашга ҳеч кимнинг ҳаққи йўқ.

Муаллиф: ©✍🏻Шайх Муҳаммад Содиқ Муҳаммад Юсуф роҳимаҳуллоҳ
Манба:islom.uz

Каналга уланиш👇🏻
https://telegram.me/Solihlar_taratgan_nurlar

​#Мутафаккирлар

“Аллоҳ ғалабани ваъда қилган, аммо нега мағлубмиз?”

Шайх Шаъровий айтади: Сан-Францискода эдим. Бир шарқшунос мендан: “Қуръонни барчаси тўғрими?”, деб савол берди. Мен унга таъкид билан: “Ҳа, албатта!”, деб жавоб бердим. У мендан яна: “Бўлмасам, нима учун кофирлар сизларнинг устингиздан ғолиб бўлиб турибди?!”, деб савол берди. У Аллоҳ таолонинг Нисо сурасидаги қуйидаги “...Аллоҳ ҳаргиз кофирларга мўминлар устидан йўл бермас” оятини назарда тутаётган эди. Мен унга: “Чунки, биз мўминлар эмас, мусулмонлармиз!”, дея жавоб бердим. У ҳайратланиб: “Мўмин билан мусулмоннинг ўртасида нима фарқ бор?”, деб савол берди. Мен: “Бугунги мусулмонлар намоз, закот, ҳаж, рўза ибодатларини адо қилади. Лекин барибир тамомила бахтсизликда. Нима учун бахтсизликда, дейсизми? Бу ҳақида Ҳужурот сурасининг ўн тўртинчи оятида қуйидагича келади: “Аъробийлар, иймон келтирдик, дедилар. Сен: «Иймон келтирганингиз йўқ, лекин бўйинсундик денглар, ҳали иймон қалбларингизга киргани йўқ...”. Ҳалиги шарқшунос яна савол берди: “Ундай бўлса, нима учун ҳали ҳам бахтсизликдасизлар?”. Бу саволингизни ҳам Қуръон очиқлайди. Ҳозирги мусулмонлар мўмин бўлишлари учун иймон марҳаласига кўтарила олмаяптилар. Қуйида келувчи оятларга эътибор беринг:

Улар ҳақиқатда мўмин бўлганларида Аллоҳ таоло уларга нусрат берар эди. Аллоҳ таоло Рум сурасининг 41-оятида қуйидагича айтади: “Мўминларга нусрат бериш Бизнинг зиммамизда ҳақ бўлган”. 

Агар мўмин бўлганларида шону, шуҳратда халқлар ўртасида машҳур бўлардилар. Аллоҳ таоло Оли Имрон сурасининг 139-оятида қуйидагича айтади: “Бўшашманглар! Хафа бўлманглар! Сизлар, агар мўмин бўлсаларингиз, устунсизлар”. 

Агар мўмин бўлганларида Аллоҳ таоло уларнинг устидан бошқаларни ҳукмрон қилиб қўймаган бўларди. Аллоҳ таоло Нисо сурасининг 141-оятида қуйидагича айтади: “Аллоҳ ҳаргиз кофирларга мўминлар устидан йўл бермас”.

Агар мўмин бўлганларида Аллоҳ уларни ушбу мағлубият ҳолатида ташлаб қўймаган бўларди. Аллоҳ таоло Оли Имрон сурасининг 179-оятида қуйидагича айтади: “Аллоҳ мўминларни сиз турган ҳолда қўйиб қўймас”.
Агар мўмин бўлганларида ҳар бир ўринда Аллоҳ улар билан бирга бўларди. Аллоҳ таоло Анфол сурасининг 19-оятида қуйидагича айтади: “Албатта, Аллоҳ мўминлар билан биргадир”.
Улар мусулмон ҳолида қолдилар, мўмин ҳолига ўтмадилар. Аллоҳ таоло кўп оятида қуйидагича айтади: “Уларнинг кўплари мўмин бўлмаслар”. 
Мўминлар кимлар?

Аллоҳ таоло Тавба сурасининг 112-оятида қуйидагича айтади: “Улар тавба қилувчилар, ибодат қилувчилар, ҳамд айтувчилар, рўза тутувчилар, рукуъ қилувчилар, сажда қилувчилар, яхшиликка буюриб, ёмонликдан қайтарувчилар, Аллоҳнинг чегарасида турувчилардир. Ва мўминларга хушхабар бер!”.

Мулоҳаза қилайлик, Аллоҳ таоло нусрат, ғолиблик, ҳокимлик, тараққиёт ҳолатларини мўминларга боғлаяпти, мусулмонларга эмас! 

©Муҳаммад Мутаваллий Шаъровий роҳимаҳуллоҳ

✍🏻Арабчадан Элёрбек Эркинбек таржимаси

Каналга уланиш👇🏻
https://telegram.me/Solihlar_taratgan_nurlar

#Ҳикмат

Одамлар ота-онасидан кўра замонасига ўхшашдирлар.

© Урва ибн Зубайр раҳимаҳуллоҳ

Яъни, замона (атроф-муҳит) таъсири ота-она таъсиридан кучли.

✍🏻Сайфуллоҳ Носир

Каналга уланиш👇🏻
@Solihlar_taratgan_nurlar

Диндор инсон деб, қандай инсонга айтилади❓

🎙Устоз Салоҳиддин домла

Каналга уланиш👇🏻
https://telegram.me/Solihlar_taratgan_nurlar

​#Мутафаккирлар

Меҳмон келса уйини оқлаб кўчага сув сепадиган ва болаларига бермайдиган ширинликларни дастурхонга қўядиган, эрига жулдурвоқи кийиниб, оммага ясан-тусан қиладиган, тўйида "ўнта қўй нима бўларди", деб дея тўқлигини кўз-кўз қиладиган миллатмиз-ку, президент кирган кўчаларни асфальт қилинганини танқид қилишимиз ғалатимас-ми?! Амалдорларимиз ҳам шу миллат "боласи"ку!

Муаммо тарбия, таълим ва табиатимизда. Булар тузалмагунча, йўлларимиз тузалмайди. "Хўжакўрсинлик" қон-қонимизга сингиб кетган. У қуруқ танқид ва масхара билан ўнгланмайди. Узоқ йиллик ва машаққатли таълим-тарбия йўлини босиб ўтишимиз керак.

✍🏻©Мубашшир Аҳмад

Каналга уланиш👈🏻
@Solihlar_taratgan_nurlar

Бизни шариатимиз жазолашни
1-ўринга қўймайди❗️

🎙Устоз Исҳоқжон Муҳаммад

Каналга уланиш👇
Манба: © @ummatuz @muttaqiynuz
https://telegram.me/Solihlar_taratgan_nurlar

​#Ибрат

Аллоҳнинг неъматларини санаб адоғига етолмайсан

Ғассон айтади: «Басралик дўстларимиз шундай дейишди: «Бир киши Юнус ибн Убайднинг олдига келиб, ҳоли танглиги, турмуши ғам-ташвишли эканидан шикоят қилди. Юнус: «Шу кўриб турган кўзларингни 1000 динорга сотасанми?» деди. У: «Йўқ» деди. «Эшитиб турган қулоқларингни 1000 динорга сотасанми?» деган эди, яна «Йўқ», деди. «Гапираётган тилингни-чи?» деган эди, яна «Йўқ», деди. «Уриб турган юрагингни-чи?» деган эди, яна «Йўқ», деди. «Икки қўлингни 100 мингга сотасанми?» деган эди, яна «Йўқ», деди. «Икки оёғингни-чи?» деган эди, яна «Йўқ», деди. Шунда Юнус: «Аллоҳ таоло сенга юз минглаб неъматлар ато қилибди-ю, сен бўлса шикоят қилиб ўтирибсан», деди.

«Солиҳлар гулшани» китобидан📚

Манба: islom.uz

https://telegram.me/Solihlar_taratgan_nurlar