و انا ما عندي اي معلومة عنها

من وين بدي ابدأ

• طرق البرمجة كتيرة، واغلبها ناجحة بتؤدي لنفس نهاية المسار، و هو انك تكون مبرمج ناشئ، المطلوب منك حاليا في اول خطوة من خطوات البرمجة هو انك تعرف ازاي تتعامل مع الحاسب الآلي، من وجهة نظري انصحك تتعلم لغة برمجة وصفية و لغة برمجة امرية.

- لغة برمجة وصفية، مثلاً: HTML و ممكن تتعلم بعض الاكواد من لغة CSS
( و هى كذلك لغة برمجة وصفية).

- لغة برمجة امرية، مثلاً C++.

• و بعد ما تكون اتعلظت تتواصل ازاي مع ابحاسب الآلي و بتعرف تطلب منه اللي انت عايز تعمله، بنروح لنقطة نجاح تانية مطلوبة منك و هى:
"انك تاخد فكرة عن مجالات البرمجة بالتفصيل"
هديك امثلة على بعض التخصصات المعروفة:
- Embeded Programmer
- AI (Artificial Intelligence)
- Android Developer
- Flutter Developer
- IOS Developer
- Desktop Developer
- (Front&Back)-End Developer
- Full-Stack Developer
- Scripter
- Ethical Hacking
- Problem Solver
- Game Developer
و في طبعاً مجالات تانية غير دول كمان، انت كل اللي عليك انك تبحث اكتر و تاخد فكرة عن مجالات العمل، و بعدها لو حبيت مجال معين، فا هنا هتبدأ انك تبحث عن لغات البرمجة المطلوب منك انك تتأسس فيها، عشان هنحتاج بعدها انك تشتغل على شئ اسمه بيئة عمل (Framework) و تتأسس فيه، بعد ما تتأسس فيه و تعمل مشاريع منها، و عادي المشاريع اللي هتعملها في البداية تكون مشاريع بسيطة.

• بعد ما تكون اتعلمت الأتي زي ما ذكرنا فوق ⬆️:
- كيفية التواصل مع الحاسب الألي.
- تعلم اساسيات (لغة/لغات) التخصص اللي اختارناه و عملنا عليه مشاريع نتعلم من خلالها.

• هنروح بعدها للخطوة اللي بعدها اللي هتخليك من بعدها تبتدي تتعلم وحدك و تطور من حالك وحدك برضو، و هى انك تدور على مشاريع جاهزة من اليوتيوب او اي منصة تعليمية و تنشئ مشاريع زيها بس نصيحة مني ليك، لازم تضيف شئ من عندك للمشاريع اللي هتنشأها انت وبتتعلم انك تعمل مشاريع اكبر شوية، الموضوع دا هيساعدك ان شاء الله انك تفتكر و تعرف تفكر كويس و تبدع.


• بعد هننتقل لشئ تاني و هو انك تبتدي تفكر في مشاريع جديدة و كبيرة و تعملها بنفسك، و بكدا انتقلت من "مبرمج ناشئ" الى "مبرمج مبتدئ" و طبعاً البرمجة مجالاتها كلها متجددة دائماً باذن الرحمن، فا محتاج منك تكون عارف الاشياء الجديدة اللي بتظهر في التحديثات سواء كان ل لغات البرمجة او بيئات العمل او تقنيات جديدة تخص المجال اللي اتقنته واتعلمته، واتمنى من الله التوفيق ليك و انه يكرمك بكل الخير و يجبر خاطرك في اللي جاي من حياتك.

طب يسطه ايه افضل لابتوب ينفع لسنة اولي

ان شاء الله برمجة بإذن الله

• دي مواصفات جهاز لتطوير البرامج والمواقع وبالنسبة للالعاب ممكن تطور العاب خفيفة، منصحكش تقل عن المواصفات دي:

• اسم الموديل:
- HP
- Dell

• الذاكرة العشوائية:
- 16GB Ram DDR4
- 12GB Ram DDR4

• المساحة الداخلية:
- Hard SSD 512GB, Hard HDD 1TB
- Hard SSD 512GB, Hard HDD 512GB
- Hard SSD 1TB

• الشاشة:
15 Inch, Mate, 1920×1080 (FHD)

• المعالج (CPU):
Core i7, 10Gen
Core I5, 10Gen

• كارت الشاشة (GPU):
- Intel XE 8GB
- Intel XE 6GB

لو سمحت الموقع اللى حضرتك عامله اللى هو ده m3md69.github.io/NULLEXIA
انا جبت منه تعلم لغة الجافا لقيت قنوات كتير ف مش عارفه اسمع مين ف ممكن حضرتك تقولى مين أفضل فيهم ؟؟ لإن صعب اجربهم كلهم

او لو فى حد تانى مش موجود ف الموقع وشرحه كويس ياريت تقولى معلش

كلهم صراحة ممتازين، بس لو عايزة اي الاحلى من وجهة نظري فا هرشحلك Bro Code

بس ده اجنبى انا عاوزه حد عربى

لو عربي فا انصحك ب Coder Shiyer
و في شخص تاني CodeRK لسا مضفتش الفيديو بتاعه و دا الرابط:
https://youtu.be/e-a7OiTmA64

و برضو هكرر بان الباقي كويس كذلك لو اختارتي اي واحد فيهم هيكون كويس ليكي باذن الله، و طبعا مفيش مكان واحد يقدر يغنيكي بكل المعلومات .. كمبرمجة او مكورة انت لازم تتعلمي من اماكن كتيرة عشان تحترفي و يكون عندك خبرة و تستخلصي من اللي اتعلمتيه حاجات تقدري تبدعي بيها في ما بعد باذن الرحمن، وبالتوفيق.

كيف اشتغلت ك عمل حر

• اولاً بخصوص موضوع العمل مش محتاج تكون عارف كل شئ في كل شئ عشان تشتغل، سوق العمل محتاج اساسيات معينه مطلوب منك انك تكون عارفها اما الباقي فا هتتعلكها مع نفسك او في تدريب لشركة معينة اياً كانت الخبرة او التقنية او الشركة اللي هتدربك اي هى.

• العمر الحر بكل بساطة هو انك تكون مستني شخص يجيلك يطلب منك خدمة معينة وانت تعملهاله و تتفقو انتو الاتنين على السعر او المقابل اياً كان هيكون اي لو مكانش حاجة مادية، والاماكن اللي ممكن تلاقي فيها ناس تطلب منك شغل زي مثلا التطوير والبرمجة:

- المكان اللي انت عايش فيه، بتحاول تعمل مشاريع و تعرضها على اصحاب المشاريع اللي في منطقتك اياً كانو و بتتفقو مع بعض بعدها، و لو ملقيتش حد خالص تقدر تعمل فكرة برنامج يغطي احتياج المنطقة اللي انت عايش فيها و كمان ممكن دا يكون مشروعك الخاص بيك و تبتدي مسيرتك في ادارة المشاريع والاعمال و تكون شركتك.

- منصات التواصل، زي تيليجرام او واتساب، و تيليجرام اشهر في النقطة دي اكتر بسبب انه من السهل انك تلاقي مجموعات و مجتمعات للمبرمجين بسهولة عشان بتقدر تبحث بنفسك و نتائج البحث بتظهر للباحث عدة مجموعات ممكن يكون مشترك في شوية منهم او مش مشترك فيهم، دا بقا بيعتمد على الكلمات اللي استخدمها الباحث لايجاد مجتمعات مبرمجين على التيليجرام.

- مواقه العمل الحر، فيها عرض و طلب كتير و بصراحة مبرشحهاش اوي لانه بيكون في ناس قديمة فيه و المنافسة فيها بتبقى صعبة حتى لو كنت جامد تقنياً و متقدم في المهارات الغير وظيفية والوظيفية، مع ذلك الرزق بيد الله و انصحك تجرب كل الفرص .. من المواقع المعروفة للعمل الحر على حسب ما اتذكر:
١. Upwork
٢. خمسات
٣. مستقل
٤. Freelancer
٥. fiverr
٦. toptal
و غيرهم كتير، لو بحثت هتلاقي مواقع كتيرة باذن الرحمن.

• و طبعا ياريت تبني صفحتك الشخصية في كلاً من:
• LinkedIn
• Github
• تنشئ موقع بيعرف عنك و بكون مكان لعرض المشاريع بتاعتك برضو في نفس الوقت لو حد حب يتطلع على اللي بتعمله.
و ياريت تعمل سيرة ذاتية و برشحلك لغة برمجة اسمها Latex انك تعمل بيها Templetes، في الواقع هى لغة جميلة جداً و بتستخدم في الحياة العملية عشان يتعمل بيها تقارير و سيّر ذاتية.

دا كل ما كان في موضوع ازاي تشتغل عمل حُر، واسال الله ان يوفقك للخير و يجبر خاطرك 💚.

1. اكتب برنامج جافا لإنشاء فئة تسمى "الكلب" مع اسم وسمة سلالة. قم بإنشاء مثيلين من فئة "الكلب"، وقم بتعيين سماتهما باستخدام المنشئ وتعديل السمات باستخدام طرق المحدد وطباعة القيم المحدثة.

2. اكتب برنامج جافا لإنشاء فئة تسمى "كتاب" مع سمات للعنوان والمؤلف ورقم ISBN، وطرق إضافة الكتب وإزالتها من المجموعة.

● طرق حل المسألة الاولى:
• انشاء واجهة للمستخدم يختار منها ما يريد من:
- اضافة كلب جديد، هيضيف لمعلومات الكلب (اسم الكلب، سلالة الكلب).

- تعدل معلومات كلب، و هيكتب id الكلب اللي ضافه و بعدها يعدل عليه.

- عرض جميع الكلاب المضافة.

- حذف كلب.

● طرق حل المسألة الثانية:
• انشاء واجهة للمستخدم يختار منها ما يريد من:
- اضافة كتاب جديد، هيضيف لمعلومات الكتاب (مؤلف الكتاب ، رقم ISBN، عنوان الكتاب).

- عرض جميع الكتب المضافة.

- حذف كتاب.

السلام عليكم
هل object oriented بتنعد لغة برمجة ؟؟!