• طرق البرمجة كتيرة، واغلبها ناجحة بتؤدي لنفس نهاية المسار، و هو انك تكون مبرمج ناشئ، المطلوب منك حاليا في اول خطوة من خطوات البرمجة هو انك تعرف ازاي تتعامل مع الحاسب الآلي، من وجهة نظري انصحك تتعلم لغة برمجة وصفية و لغة برمجة امرية.

- لغة برمجة وصفية، مثلاً: HTML و ممكن تتعلم بعض الاكواد من لغة CSS
( و هى كذلك لغة برمجة وصفية).

- لغة برمجة امرية، مثلاً C++.

• و بعد ما تكون اتعلظت تتواصل ازاي مع ابحاسب الآلي و بتعرف تطلب منه اللي انت عايز تعمله، بنروح لنقطة نجاح تانية مطلوبة منك و هى:
"انك تاخد فكرة عن مجالات البرمجة بالتفصيل"
هديك امثلة على بعض التخصصات المعروفة:
- Embeded Programmer
- AI (Artificial Intelligence)
- Android Developer
- Flutter Developer
- IOS Developer
- Desktop Developer
- (Front&Back)-End Developer
- Full-Stack Developer
- Scripter
- Ethical Hacking
- Problem Solver
- Game Developer
و في طبعاً مجالات تانية غير دول كمان، انت كل اللي عليك انك تبحث اكتر و تاخد فكرة عن مجالات العمل، و بعدها لو حبيت مجال معين، فا هنا هتبدأ انك تبحث عن لغات البرمجة المطلوب منك انك تتأسس فيها، عشان هنحتاج بعدها انك تشتغل على شئ اسمه بيئة عمل (Framework) و تتأسس فيه، بعد ما تتأسس فيه و تعمل مشاريع منها، و عادي المشاريع اللي هتعملها في البداية تكون مشاريع بسيطة.

• بعد ما تكون اتعلمت الأتي زي ما ذكرنا فوق ⬆️:
- كيفية التواصل مع الحاسب الألي.
- تعلم اساسيات (لغة/لغات) التخصص اللي اختارناه و عملنا عليه مشاريع نتعلم من خلالها.

• هنروح بعدها للخطوة اللي بعدها اللي هتخليك من بعدها تبتدي تتعلم وحدك و تطور من حالك وحدك برضو، و هى انك تدور على مشاريع جاهزة من اليوتيوب او اي منصة تعليمية و تنشئ مشاريع زيها بس نصيحة مني ليك، لازم تضيف شئ من عندك للمشاريع اللي هتنشأها انت وبتتعلم انك تعمل مشاريع اكبر شوية، الموضوع دا هيساعدك ان شاء الله انك تفتكر و تعرف تفكر كويس و تبدع.


• بعد هننتقل لشئ تاني و هو انك تبتدي تفكر في مشاريع جديدة و كبيرة و تعملها بنفسك، و بكدا انتقلت من "مبرمج ناشئ" الى "مبرمج مبتدئ" و طبعاً البرمجة مجالاتها كلها متجددة دائماً باذن الرحمن، فا محتاج منك تكون عارف الاشياء الجديدة اللي بتظهر في التحديثات سواء كان ل لغات البرمجة او بيئات العمل او تقنيات جديدة تخص المجال اللي اتقنته واتعلمته، واتمنى من الله التوفيق ليك و انه يكرمك بكل الخير و يجبر خاطرك في اللي جاي من حياتك 💚.

السلام عليكم الاب توب لو حطيته وضع سكون و رحت انام يصير شي ولا عادي

و عليكم السلام و رحمة الله و بركاته، لو رايح تنام الافضل لك انك تخليه على وضع السبات او بالانجليزي hibernate

@M3MD69
السلام عليكم ورحمه الله وبركاته
سؤال بعد اذنك
من افضل في سوق العمل بالوقت الحالي
Firebase
إم php laravel
مع العلم اني اعلم الفرق بينهم

• و عليكم السلام و رحمة الله و بركاته

• الاتنين لهم طلب في سوق العمل و عايزك تعرف معلومة مهمة جدا جدا جدا، اي تقنية برمجية بيتم استخدامها و عليها اقبال حنى لو متوسط اعرف تماماً انه اكيد متواجد بسوق العمل سواء كان عمل حر او من ناحية الشركات، و طبعا اختيار التقنيات بيكون على حسب نوع المشروع و مواصفاته و مميزاته و متطلباته

طيب هل ال laravel تغني عن firebase?

لا، كل شئ و له استخداماته و زي ما ذكرت قبل كدا الموضوع بيتم تحديده حسب مواصفات المشروع نفسه

السؤال ده عاوز ايه ؟؟؟
عاوز يحسب ايه بالضبط مش فاهمه

حد فاهمه عاوز ايه ؟؟

بكل بساطة عايز حسب المسألة اللي انت معلم عليها باللون الاحمر

والكود اللي موجود في الصفحة مجاوب السؤال، و اهم نقطة فيه هى اللي معلم عليها باللون الاخضر

هي oop لازمتها ايه

باختصار شديد بتساعدنا نكتب الاكود بشكل اسهل و كمان يكون الكود مرتب اكتر، و دا هيساعدنا في تكبير المشروع احسن

السلام عليكم، انا اشتريت لاب توب هواوي كور 5i المشكله مو عارف استخدمه اني اسوي العاب كل ما جيت اسجل حسابي بمتجر هواوي الي بالجوال ما يضبط فيه وبعد ما يضبط احمل تطبيقات من قوقل بلاي ولا عارف كيف استخدمه احس تخسرت فيه اجيب لاب توب لينوفو بداله ولا اقدر استخدمه، للأسف ابتلشت بخدمات قوقل ما فيه

• و عليكم السلام و رحمة الله و بركاته، اللاب توب مش بيقدر يحمل تطبيقات من متجر play
تطبيقات سطح المكتب غير الموبايل، اللي من اللاب بنجيب التطبيقات من اي مجرك بحث زي جوجل مثلا، او متجر مايكروسوفت .. شئ طبيعي

• و بالنسبة لتطبيقات الاندرويد بالذات لو تبي تنزلها فا انصحك تنزل احد المحاكيات التالية:
- MEmu
- Gameloop