من ناحية السوق التخصصين نفس الشي؟

بصراحة عشان نكون على نور مع بعض جميع التخصصات البرمجية و التطويرية نفس الشئ الشركات بتعتبرهم الاهم من ذلك انك تطور من نفسك من حيث الخبرات و المهارات وانك تفوز بمسابقات لمشاريع

مساء الخير
أنا مبتدئ في البرمجة أي نصائح هامه

أي طريقة اسلك تجعلني مبرمج ناجح

مساء النور، اقرا اللي هبعتهولك كويس ⬇️:

■ الاساسيات اولاً عشان نكون على نور مع بعض ليها كذا طريقة و افضل طريقة هى اللي انت مايل ليها لانه كله كدا كدا موصل لبعضه باذن الله، والطرق هما:

● تدرس اي لغة برمجة وصفية، و تدرس اي لغة برمجة امرية، طيب اللغة البرمجة الامرية دي ادرس فيها اي بالظبط:
- هتدرس Basics "اساسيات"
- و هتدرس OOP "برمجة شيئية"
كل واحد فيهم و ليه العناوين بتاعت دروسة.

● تدرس دورة تعليمية اسمها CS50، هى دورة تعليمية تاسيسية بس مش بالكامل، بتساعدك تدرس قشور عن اغلب المجالات بس،

◆ تنويهات بسيطة:

• من ناحية مدة التاسيس هتاخد قد اي لو مش عارف اي حاجة ف اي حاجة .. في المتوسط من ٦ شهور لسنة و طبعا الفترة دي بتختلف من شخص للثاني على حسب القدرات .. دا عشان تكون مبرمج مبتدئ و هتكون باذن الله كدا كدا اخترت مسارك و ظبطت دنيتك و امورك حلوة ان شاء الله

• طرق البرمجة كتيرة، واغلبها ناجحة بتؤدي لنفس نهاية المسار، و هو انك تكون مبرمج ناشئ، المطلوب منك حاليا في اول خطوة من خطوات البرمجة هو انك تعرف ازاي تتعامل مع الحاسب الآلي، من وجهة نظري انصحك تتعلم لغة برمجة وصفية و لغة برمجة امرية.

- لغة برمجة وصفية، مثلاً: HTML و ممكن تتعلم بعض الاكواد من لغة CSS
( و هى كذلك لغة برمجة وصفية).

- لغة برمجة امرية، مثلاً C++.

• و بعد ما تكون اتعلظت تتواصل ازاي مع ابحاسب الآلي و بتعرف تطلب منه اللي انت عايز تعمله، بنروح لنقطة نجاح تانية مطلوبة منك و هى:
"انك تاخد فكرة عن مجالات البرمجة بالتفصيل"
هديك امثلة على بعض التخصصات المعروفة:
- Embeded Programmer
- AI (Artificial Intelligence)
- Android Developer
- Flutter Developer
- IOS Developer
- Desktop Developer
- (Front&Back)-End Developer
- Full-Stack Developer
- Scripter
- Ethical Hacking
- Problem Solver
- Game Developer
و في طبعاً مجالات تانية غير دول كمان، انت كل اللي عليك انك تبحث اكتر و تاخد فكرة عن مجالات العمل، و بعدها لو حبيت مجال معين، فا هنا هتبدأ انك تبحث عن لغات البرمجة المطلوب منك انك تتأسس فيها، عشان هنحتاج بعدها انك تشتغل على شئ اسمه بيئة عمل (Framework) و تتأسس فيه، بعد ما تتأسس فيه و تعمل مشاريع منها، و عادي المشاريع اللي هتعملها في البداية تكون مشاريع بسيطة.

• بعد ما تكون اتعلمت الأتي زي ما ذكرنا فوق ⬆️:
- كيفية التواصل مع الحاسب الألي.
- تعلم اساسيات (لغة/لغات) التخصص اللي اختارناه و عملنا عليه مشاريع نتعلم من خلالها.

• هنروح بعدها للخطوة اللي بعدها اللي هتخليك من بعدها تبتدي تتعلم وحدك و تطور من حالك وحدك برضو، و هى انك تدور على مشاريع جاهزة من اليوتيوب او اي منصة تعليمية و تنشئ مشاريع زيها بس نصيحة مني ليك، لازم تضيف شئ من عندك للمشاريع اللي هتنشأها انت وبتتعلم انك تعمل مشاريع اكبر شوية، الموضوع دا هيساعدك ان شاء الله انك تفتكر و تعرف تفكر كويس و تبدع.


• بعد هننتقل لشئ تاني و هو انك تبتدي تفكر في مشاريع جديدة و كبيرة و تعملها بنفسك، و بكدا انتقلت من "مبرمج ناشئ" الى "مبرمج مبتدئ" و طبعاً البرمجة مجالاتها كلها متجددة دائماً باذن الرحمن، فا محتاج منك تكون عارف الاشياء الجديدة اللي بتظهر في التحديثات سواء كان ل لغات البرمجة او بيئات العمل او تقنيات جديدة تخص المجال اللي اتقنته واتعلمته، واتمنى من الله التوفيق ليك و انه يكرمك بكل الخير و يجبر خاطرك في اللي جاي من حياتك 💚.

السلام عليكم الاب توب لو حطيته وضع سكون و رحت انام يصير شي ولا عادي

و عليكم السلام و رحمة الله و بركاته، لو رايح تنام الافضل لك انك تخليه على وضع السبات او بالانجليزي hibernate

@M3MD69
السلام عليكم ورحمه الله وبركاته
سؤال بعد اذنك
من افضل في سوق العمل بالوقت الحالي
Firebase
إم php laravel
مع العلم اني اعلم الفرق بينهم

• و عليكم السلام و رحمة الله و بركاته

• الاتنين لهم طلب في سوق العمل و عايزك تعرف معلومة مهمة جدا جدا جدا، اي تقنية برمجية بيتم استخدامها و عليها اقبال حنى لو متوسط اعرف تماماً انه اكيد متواجد بسوق العمل سواء كان عمل حر او من ناحية الشركات، و طبعا اختيار التقنيات بيكون على حسب نوع المشروع و مواصفاته و مميزاته و متطلباته

طيب هل ال laravel تغني عن firebase?

لا، كل شئ و له استخداماته و زي ما ذكرت قبل كدا الموضوع بيتم تحديده حسب مواصفات المشروع نفسه

السؤال ده عاوز ايه ؟؟؟
عاوز يحسب ايه بالضبط مش فاهمه

حد فاهمه عاوز ايه ؟؟