السلام عليكم
احد عنده فكره وين ممكن القى مجالات البرمجة كلها مشروحه ومرتبة لان احس نفسي مرة مشتته ابغى اعرف الفروقات و الخطوات اللي اقدر أمشي عليها عشان اعرف ايش المجال المناسب لي

• و عليكم السلام و رحمة الله و بركاته.

• البرمجة مصادر تعلمها كتيرة جداً بالمعنى الحرفي و مش مقتصرة على انك تتعلمي من مصدر واحد، بالعكس كل ما اتعلمتي من مصادر اكتر كل ما استفدتي اكتر واكتر لانه في اشخاص عندها خبرة مختلفة عن اشخاص تانيين، و طبعاً المثال ينطبق على الكتب كمان، بس لو حابه تلاقي شئ مترتب فا ابحثي عن المستندات الخاصة بالمجال اللي عايزاه للناس اللي انشأو التقنية اللي عايزة تستخدميها سواء كانت لغة برمجة او بيئة عمل (Framework).

• بالنسبة لموضوع تحديد المجال المناسب فا اقرأي اللي هبعتهولك:

• طرق البرمجة كتيرة، واغلبها ناجحة بتؤدي لنفس نهاية المسار، و هو انك تكون مبرمج ناشئ، المطلوب منك حاليا في اول خطوة من خطوات البرمجة هو انك تعرف ازاي تتعامل مع الحاسب الآلي، من وجهة نظري انصحك تتعلم لغة برمجة وصفية و لغة برمجة امرية.

- لغة برمجة وصفية، مثلاً: HTML و ممكن تتعلم بعض الاكواد من لغة CSS
( و هى كذلك لغة برمجة وصفية).

- لغة برمجة امرية، مثلاً C++.

• و بعد ما تكون اتعلظت تتواصل ازاي مع ابحاسب الآلي و بتعرف تطلب منه اللي انت عايز تعمله، بنروح لنقطة نجاح تانية مطلوبة منك و هى:
"انك تاخد فكرة عن مجالات البرمجة بالتفصيل"
هديك امثلة على بعض التخصصات المعروفة:
- Embeded Programmer
- AI (Artificial Intelligence)
- Android Developer
- Flutter Developer
- IOS Developer
- Desktop Developer
- (Front&Back)-End Developer
- Full-Stack Developer
- Scripter
- Ethical Hacking
- Problem Solver
- Game Developer
و في طبعاً مجالات تانية غير دول كمان، انت كل اللي عليك انك تبحث اكتر و تاخد فكرة عن مجالات العمل، و بعدها لو حبيت مجال معين، فا هنا هتبدأ انك تبحث عن لغات البرمجة المطلوب منك انك تتأسس فيها، عشان هنحتاج بعدها انك تشتغل على شئ اسمه بيئة عمل (Framework) و تتأسس فيه، بعد ما تتأسس فيه و تعمل مشاريع منها، و عادي المشاريع اللي هتعملها في البداية تكون مشاريع بسيطة.

• بعد ما تكون اتعلمت الأتي زي ما ذكرنا فوق ⬆️:
- كيفية التواصل مع الحاسب الألي.
- تعلم اساسيات (لغة/لغات) التخصص اللي اختارناه و عملنا عليه مشاريع نتعلم من خلالها.

• هنروح بعدها للخطوة اللي بعدها اللي هتخليك من بعدها تبتدي تتعلم وحدك و تطور من حالك وحدك برضو، و هى انك تدور على مشاريع جاهزة من اليوتيوب او اي منصة تعليمية و تنشئ مشاريع زيها بس نصيحة مني ليك، لازم تضيف شئ من عندك للمشاريع اللي هتنشأها انت وبتتعلم انك تعمل مشاريع اكبر شوية، الموضوع دا هيساعدك ان شاء الله انك تفتكر و تعرف تفكر كويس و تبدع.


• بعد هننتقل لشئ تاني و هو انك تبتدي تفكر في مشاريع جديدة و كبيرة و تعملها بنفسك، و بكدا انتقلت من "مبرمج ناشئ" الى "مبرمج مبتدئ" و طبعاً البرمجة مجالاتها كلها متجددة دائماً باذن الرحمن، فا محتاج منك تكون عارف الاشياء الجديدة اللي بتظهر في التحديثات سواء كان ل لغات البرمجة او بيئات العمل او تقنيات جديدة تخص المجال اللي اتقنته واتعلمته، واتمنى من الله التوفيق ليك و انه يكرمك بكل الخير و يجبر خاطرك في اللي جاي من حياتك 💚.

اومال اى اللى سوقه شغال

اللي هيبقى بالنسبالك سوقه شغال، هو المجال اللي انت عرفتي تبدعي فيه و خلا الشركات او خلاكي انت نفسك تعملي انجازات فريدة عن اي شخص و ميزتك عن الباقي اللي فـ مجالك، الخلاصة اختاري المجال اللي انت مايله ليه و توكلي على الله.

هل للغه انجليزية ضروري تكون قوية لتعلم البرمجة؟

لا

قوي نفسك لحد ما توصل لمستوى انك تكون عارف تقرأ الكلام وتعرف تكتب بالانجليزي كويس بس

/*
• اسهل وافضل طريقة لضبط لـ حذف الحساب و جميع بياناته بالكامل من Firebase في كلاً من 💙:
- Authentication
- Realtime Database
- Storage
*/

شباب ايه نصيحتكم لو ببدا حاسبات من الصفر كبدايه تمهيديه وخلفيه عن المجال...

تذاكر رياضة و فيزياء كويس
و تدي نظرة على اساسيات و مكونات الحاسب من ناحية ال Hardware و بعدين روح لناحية ال Software
و بعدها بقا شوف الجامعة اللي انت ناويلها دي فين و اعرف بياخدو اي مواد.

لأ انا قصدي يعني لازم كورسات ولا الكلية كافية

الكورسات افيد بكتير من اي جامعة، وخصوصا لو كان الكورس اللي هتاخده تدريب معين لشركة والشركة بعد ما تدربك تشغلك وتبتدي تشتغل معاها وطبعا اي تدريب وقتها تبع الشركة دي هيفيد جدا باذن الله فـ سوق العمل.