• طرق البرمجة كتيرة، واغلبها ناجحة بتؤدي لنفس نهاية المسار، و هو انك تكون مبرمج ناشئ، المطلوب منك حاليا في اول خطوة من خطوات البرمجة هو انك تعرف ازاي تتعامل مع الحاسب الآلي، من وجهة نظري انصحك تتعلم لغة برمجة وصفية و لغة برمجة امرية.

- لغة برمجة وصفية، مثلاً: HTML و ممكن تتعلم بعض الاكواد من لغة CSS
( و هى كذلك لغة برمجة وصفية).

- لغة برمجة امرية، مثلاً C++.

• و بعد ما تكون اتعلظت تتواصل ازاي مع ابحاسب الآلي و بتعرف تطلب منه اللي انت عايز تعمله، بنروح لنقطة نجاح تانية مطلوبة منك و هى:
"انك تاخد فكرة عن مجالات البرمجة بالتفصيل"
هديك امثلة على بعض التخصصات المعروفة:
- Embeded Programmer
- AI (Artificial Intelligence)
- Android Developer
- Flutter Developer
- IOS Developer
- Desktop Developer
- (Front&Back)-End Developer
- Full-Stack Developer
- Scripter
- Ethical Hacking
- Problem Solver
- Game Developer
و في طبعاً مجالات تانية غير دول كمان، انت كل اللي عليك انك تبحث اكتر و تاخد فكرة عن مجالات العمل، و بعدها لو حبيت مجال معين، فا هنا هتبدأ انك تبحث عن لغات البرمجة المطلوب منك انك تتأسس فيها، عشان هنحتاج بعدها انك تشتغل على شئ اسمه بيئة عمل (Framework) و تتأسس فيه، بعد ما تتأسس فيه و تعمل مشاريع منها، و عادي المشاريع اللي هتعملها في البداية تكون مشاريع بسيطة.

• بعد ما تكون اتعلمت الأتي زي ما ذكرنا فوق ⬆️:
- كيفية التواصل مع الحاسب الألي.
- تعلم اساسيات (لغة/لغات) التخصص اللي اختارناه و عملنا عليه مشاريع نتعلم من خلالها.

• هنروح بعدها للخطوة اللي بعدها اللي هتخليك من بعدها تبتدي تتعلم وحدك و تطور من حالك وحدك برضو، و هى انك تدور على مشاريع جاهزة من اليوتيوب او اي منصة تعليمية و تنشئ مشاريع زيها بس نصيحة مني ليك، لازم تضيف شئ من عندك للمشاريع اللي هتنشأها انت وبتتعلم انك تعمل مشاريع اكبر شوية، الموضوع دا هيساعدك ان شاء الله انك تفتكر و تعرف تفكر كويس و تبدع.


• بعد هننتقل لشئ تاني و هو انك تبتدي تفكر في مشاريع جديدة و كبيرة و تعملها بنفسك، و بكدا انتقلت من "مبرمج ناشئ" الى "مبرمج مبتدئ" و طبعاً البرمجة مجالاتها كلها متجددة دائماً باذن الرحمن، فا محتاج منك تكون عارف الاشياء الجديدة اللي بتظهر في التحديثات سواء كان ل لغات البرمجة او بيئات العمل او تقنيات جديدة تخص المجال اللي اتقنته واتعلمته، واتمنى من الله التوفيق ليك و انه يكرمك بكل الخير و يجبر خاطرك في اللي جاي من حياتك 💚.

السلام عليكم
هل تعلم الخوارزميات مهم لتعلم لغة جافا
الله يعطيكون العافية

و عليكم السلام و رحمة الله و بركاته، الخوارزميات مهمة كاساسيات بالنسبة للاحتراف

انقل السطر

تنصحوني بويندوز 10 برو ولا 11 برو

ويندوز 10 افضل من حيث الاداء

هل لاب من الجيل 11كويس ولا قدم

ممتاز ما شاء الله

لو سمحت انا دلوقتي عرفت مجالات machine وعرفت أن من ضمنها استخدم الذكاء في cyber security ف اذاي بقي ابدا في المجال دا يعني هل هبدا في تراك سايبر ولا المفروض اعرف اذاي ايه الكورس اللي المفروض من ضمنه استخدم الذكاء في السايبر

مش بالضرورة اوي تكون عارف المجال اللي داخله بيشتغلو ازاي من الالف للياء
يكفيك تاخد افكار، مثلا:
لو انا عايز ادخل ذكاء اصطناعي خاص بالتطبيقات فانا محتاج اعرف التطبيقات اللي هعمل ليها نماذج بالذكاء الاصطناعي هتشتغل ازاي و اي النظام اللي التطبيق هيشتغل و التطبيق بيتعمل ازاي عشان اعرف اعمل حاجة تكون مناسبة للمشروع بشكل كويس حسب المجال 🤝🏻

حاليا بالنسبه للمجال انا اشتغلت في كذا مجال للاسف يعني android فتره فرونت فتره باك فتره بس حاليا انا مركز امتر علي مجال الفرونت خلصت html css وشغال في جافا سكريبت حاليا لكن الوقت مش سامحلي بكتر من ساعتين في اليوم فهل ممكن اكون جاهز خلال 3 شهور يالطريقه دي اني اشتغل علي مشاريع في الفرونت؟

ممكن في خلال 8 شهور على ما تكون junior و تبقى جاهز تعمل مشاريع شوية و طبعا الفترة قابلة للزيادة او النقصان حسب قدراتك