• طرق البرمجة كتيرة، واغلبها ناجحة بتؤدي لنفس نهاية المسار، و هو انك تكون مبرمج ناشئ، المطلوب منك حاليا في اول خطوة من خطوات البرمجة هو انك تعرف ازاي تتعامل مع الحاسب الآلي، من وجهة نظري انصحك تتعلم لغة برمجة وصفية و لغة برمجة امرية.

- لغة برمجة وصفية، مثلاً: HTML و ممكن تتعلم بعض الاكواد من لغة CSS
( و هى كذلك لغة برمجة وصفية).

- لغة برمجة امرية، مثلاً C++.

• و بعد ما تكون اتعلظت تتواصل ازاي مع ابحاسب الآلي و بتعرف تطلب منه اللي انت عايز تعمله، بنروح لنقطة نجاح تانية مطلوبة منك و هى:
"انك تاخد فكرة عن مجالات البرمجة بالتفصيل"
هديك امثلة على بعض التخصصات المعروفة:
- Embeded Programmer
- AI (Artificial Intelligence)
- Android Developer
- Flutter Developer
- IOS Developer
- Desktop Developer
- (Front&Back)-End Developer
- Full-Stack Developer
- Scripter
- Ethical Hacking
- Problem Solver
- Game Developer
و في طبعاً مجالات تانية غير دول كمان، انت كل اللي عليك انك تبحث اكتر و تاخد فكرة عن مجالات العمل، و بعدها لو حبيت مجال معين، فا هنا هتبدأ انك تبحث عن لغات البرمجة المطلوب منك انك تتأسس فيها، عشان هنحتاج بعدها انك تشتغل على شئ اسمه بيئة عمل (Framework) و تتأسس فيه، بعد ما تتأسس فيه و تعمل مشاريع منها، و عادي المشاريع اللي هتعملها في البداية تكون مشاريع بسيطة.

• بعد ما تكون اتعلمت الأتي زي ما ذكرنا فوق ⬆️:
- كيفية التواصل مع الحاسب الألي.
- تعلم اساسيات (لغة/لغات) التخصص اللي اختارناه و عملنا عليه مشاريع نتعلم من خلالها.

• هنروح بعدها للخطوة اللي بعدها اللي هتخليك من بعدها تبتدي تتعلم وحدك و تطور من حالك وحدك برضو، و هى انك تدور على مشاريع جاهزة من اليوتيوب او اي منصة تعليمية و تنشئ مشاريع زيها بس نصيحة مني ليك، لازم تضيف شئ من عندك للمشاريع اللي هتنشأها انت وبتتعلم انك تعمل مشاريع اكبر شوية، الموضوع دا هيساعدك ان شاء الله انك تفتكر و تعرف تفكر كويس و تبدع.


• بعد هننتقل لشئ تاني و هو انك تبتدي تفكر في مشاريع جديدة و كبيرة و تعملها بنفسك، و بكدا انتقلت من "مبرمج ناشئ" الى "مبرمج مبتدئ" و طبعاً البرمجة مجالاتها كلها متجددة دائماً باذن الرحمن، فا محتاج منك تكون عارف الاشياء الجديدة اللي بتظهر في التحديثات سواء كان ل لغات البرمجة او بيئات العمل او تقنيات جديدة تخص المجال اللي اتقنته واتعلمته، واتمنى من الله التوفيق ليك و انه يكرمك بكل الخير و يجبر خاطرك في اللي جاي من حياتك 💚.

السلام عليكم ورحمه الله وبركاته
يا شباب لو ابي اتدرب عن موضوع معين في البايثون مثلا مسائل عن الfor loop او عن موضوع اخر
او حتى اكثر من فكرة بسؤال واحد
وين ممكن احصل شي زي كذا؟
جزاكم الله خيرا

و عليكم السلام و رحمة الله و بركاته، اقرأ الرسالة دي 🤝🏻⬇️:

●هتلاقي عند اسماء المواقع دي مسائل تقدر ان شاء الله تحلها ⬇️💚:

• Codeforces

• LeetCode

• HackerRank

• TopCoder

• AtCoder

• HackerEarth

• Codewars

السلام عليكم يا شباب انا حاليا عندي سؤال
انا طالب في حاسبات درست لغة سي شارب اساسيات بس لكن موصلتش فيها لشوط كبير وبعض المعرفه من الكليه عن الالجوزريزم والداتا بيز لكن مش كفايا وبعدها بدات في اكتر من تراك لكن اكبر جزء كان من الفرونت خلصت html css وجزء من js لكن اكتشفت مع الوقت ان الاساسيات البرمجيه والمنطق البرمجي عندي ضعيف فبدات في كورس اساسيات البرمجه لمحمد ابو هدهود وقال ان لازم ادرس c++

السوال هنا

هل ادرس c++ ولا احترف c#?

زممكن تاخد وقت اد ايه؟

• و عليكم السلام و رحمة الله و بركاته، مش ضروري تدرس لغة C++ عشان تتعلم اساسيات، انصحك تختار مجال من مجالات البرمجة و تشوف الاساسيات الخاصة بيه من لغات و ادوات و برامج و تتاسس فيها و بالنسبة للوقت فا ممكن من ٦ شهور لسنة تعلم و تطبيق عشان تكون junior و طبعا الوقت بيختلف حسب قدرات كل شخص واستيعابه 🤝🏻

شباب انا الحين يالس اتعلم على لغة java بس اواجه مشكله يعني مثل التمييز متى احط الكلمه مثل nextline مثل هل كلمات وليش نحطها وشو يصير لو ما حطيناها شو اسوي؟

• ال nextLine تستخدم عادة لقراءة النصوص

و بنستخدمها عشان تحكماً أكبر على الإدخال، ولو ماستخدمناهاش فا ممكن تظهر مشاكل في قراءة النصوص وقد يتم تجاوز أوامر الإدخال سواء هى او باقي الانواع زي:
nextInt
nextDouble
و غيرهم

تمم انا بدأت اول اسبوع في كورس cs50
بس في صديقي قالي انه جرب ++c وكمان cs50
وقالي أبدا ب ++c لانه احسن كبداية هل فعلا صح
(مع العلم الكليه بتاعتي هدرس فيها البرمجة اصلا *كليه حاسبات*)

لا مش ضروري تبدأ C++
و للمعلومة تعتمدش على الكلية و خد فكرة عن المجالات و اختار اللي تحبه و ابدأ فيه و شوف الاساسيات اللي محتاجها سواء كان لغات او بيئات عمل او ادوات و اتعلم و طبق

احتاج موقع لحل المسائل البرمجية في بايثون

اتفضل ⬇️