• الرد على اول رسالة:
اولاً مثلما ذكرت في المجموعة رأيي بيكون هو:
"انك تختار التخصص اللي يريحك، كل المجالات مطلوبة .. ما عليك الا السعي والاجتهاد في ما تحبه، واسال الله ان يوفقك للخير."
و للمعلومة، الشئ دا ليه بقولهولك؟ ومش بقول مثلا لا دا مجال كذا مش كويس خليكي ف كذا افضل؟
عشان بكل بساطة انا عايزك تطلعي افضل ما عندك، استحالة الشخص يحط نفسه في مكان مش مكانه و يحاول ينجح فيه و ينجح، حرفيا مش هيعرف لانه اختار الاختيار الغلط، الاختيار الصح هو انك تختاري الشئ المعروف و اللي انت تعرف تبدع فيه و تصدر ابداعك للناس 🤝🏻.

• الرد على الرسالة الثانية:
تقريباً على حسب ما اتذكر، كلمة تحضيري بلهجتك يعني جامعة صح؟
لو يادوب مخلصه جامعة و مازلت متزعزع!
فلا تقلق ولا تتوتر، كل اللي عليك فعله هو انك تجتهد و تعرف ايش المشكلة الكبيرة اللي في حياتك و بعدين تقسم المشكلة الكبيرة لعدة مشاكل صغيرة عشان تعرف تدبر امورك كويس بعون الرحمن، و بخصوص انك تحسم اختيارك فا لازم لازم لازم!!! تحسم اختيارك.
طول ما انت مش عارف تختار تتخصص ف اي ف الدنيا و فضلت تتنقل بين المجالات، بغض النظر عن المعلومات والخبرات اللي هتكسبها من موضوع زي دا بس معتقدش انك هتوصل لشئ كبير بشكل سريع و فعال زي انك تختار تخصص و تطور نفسك فيه اول باول.

صحيح كلامك ١٠٠٪؜ ولا تشوبه شائبة
لكن إن ما كان فيه توجه داخلي معين أو شغف تجاه شيء معين، لا مانع باختيار اختيارات تخدمني مستقبلًا
وهنا تكمن الحيرة، لذلك اختياري مبني على شيء مستقبلي.

وبالنسبة لكلمة تحضيري فـ لا للأسف هي معناها أن للتو الآن خلصت من السنة الأولى بكلية الحاسب وما تخصصت حتى الآن

• الشغف حله بسيط جداً، و هو انك تولّدي روتين عندك ف حياتك و شرط الروتين دا يكون مش قاسي جدا على نفسك و مش متقبلاه، اختاري روتين معقول .. في ناس بتتقبل القسوة في الروتين و دا مش مشكلة و ربنا يوفقهم و يوفقنا.

• اختيارك ابنيه على حسب المجالات المهمة، مثلا مجالك المهم بالنسبة ليك هو و ليكُن البرمجة.
خلاص اشوف تخصصات البرمجة و اخد فكرة عنها و اشوف انا حابب اتعلم اي و اي الشئ اللي حاسس اني قادر اقدم فيه شئ ابداعي و يفيدني واكون الشئ اللي بعمله دا راضي عنه.

• مش مشكلة قدامك وقت و لله الحمد، حاولي تجتهدي و تلاقي الشئ اللي تنمي فيه مهاراتك بشكل دوري و ذو مجال ثابت.

سلام عليكم عندي سؤال
ايش تفرق البرمجة الشيئية عن برمجة 1 و 2؟ بلغة جافا

• و عليكم السلام و رحمة الله و بركاته.

• البرمجة الشيئية واللي تعرف كمان بالبرمجة الكائنية او برمجة كائنية التوجه وبالانجليزي OOP
تعني:
Object Oriented Programming

• للمعلومة مفيش شئ اسمه برمجة 1 و 2، ارجو التوضيح.

هعرفك معلومة .. لغات البرمجة الامرية اغلبها بينقسمو لعدة اقسام:
- اساسيات
- برمجة شيئية
- خوارزميات
- هياكل البيانات

فا نستنتج من الكلام اللي ذكرناه، انه الاساسيات غير البرمجة الشيئية، طيب البرمجة الشيئية اي بنتعلم فيها و هتفيدنا ب اي؟
بكل بساطة .. البرمجة الشيئية بتساعد انه يكون الكود مختصر و فعال اكتر، لانه بتدرسي فيه حاجات متقدمة شوية عن الاساسيات، زي الوراثة و و الفصول وانواعها وغيرها.

تعرفون الشهادات الاحترافية لمطورين الويب وخصوصاً الفرونت ايند؟ لان ودي اخذ شهادة عشان تقوي مهارتي والسي ڤي بس مااعرف افضل شهادة احترافية

عايز تقوي السيرة الذاتية، المشاريع والمهارات اللي بتعرف تعملها اهم من الشهادة بكتير.

تمام شكرا لك ، وسؤال اخير كيف يعني المشاريع اكتبها اني سويت مشروع واحط عددهم اللي سويته؟

• الشكر لله، اسال براحتك.
• لما تيجي تكتب المشروع اللي عملته تكتب اسم المشروع و اللغات المستخدمة و ممكن خلصته من تاريخ كام لتاريخ كام و كمان ترفق رابط تحت معلومات المشروع يودي اللي يضغط عليه انه يشوف المشروع و يقيمة كمستخدم.

كنت عايزه نصيحتك لانو حاسه انو نسيت كل اللي اتعلمته

النسيان دا مؤقت بشكل بحت
حله هو الممارسة الكتيرة، يعني متسيبيش نفسك بدون برمجة يومين على بعض او يوم
لازم كل يوم تبرمجي حتى لو ساعة، و مع الوقت اصلا كدا كدا هتلاقي نفسك فاكرة شوية حتى لو انقطعتي شوية كام يوم.

و في حل تاني واللي هو انك تكتبي ملاحظات على اي كود بتتعلميه جديد، وقتها معتقدش انك هتنسيه و حتى لو نسيتيه، فا طريقة تذكره هتبقى اسهل بكتير.

شو لمطلوب هون ما فهمت شو اعمل 🙂

السؤال: متوقع اي هيكون الناتج في البرنامج دا؟