الله يعافيك وش اضل طريقه اربط بين البايثون والhtml

ممكن تستخدمي إطار عمل اسمه Flask في Python لربط بصفحات HTML.
تقدر تنشئ صفحات HTML مع تنسيق CSS وتسميات JavaScript عشان تظهر النتائج اللي تم انشائها باستخدام Python.
و تقدري كمان تستخدمي مكتبات Pandas في Python لتحليل ملفات Excel ومعالجة البيانات فيها، بعدها ممكن ترسلي البيانات اللي تمت معالجتها لصفحات ال HTML عشان تتعرض بطريقة جميلة ومناسبة للمستخدمين.

بحسابات ومعلومات وخاصه هي للبنت ولا للولد افضل؟

حاسبات و معلومات*

اغلب المهن محتاجة للبنات والولاد مش بنات بي ولا ولاد بس فا اكيد البرمجة محتاجة لبنات و ولاد و مش مقتصره على جنس واحد.

تمام افضل مكان دراستها هو اي؟

ككلية، عين شمس

كمعلومات و خبرات ابعدي عن الكليات بشكل عام و خدي دورات تعليمية و مش مهم الدورة ليها شهادة او لا، المهم الخبرة اللي بتاخديها منها و تخليكي تعرفي حاجات مفيدة تنفعك ف سوق العمل.

اتعلم حاليًا php او بايثون وش تقترحون؟

اي التخصص اللي متخصصه في مجالات البرمجة؟

انا تقنية معلومات بس ابي اتعلم تطوير الويب

يبقى اتعلم php.

افضل برنامج اكتب فيه اكواد جافا ايش؟

• Eclipse
• Intellij IDEA
• Visual Studio Code

السلام عليكم ورحمة الله وبركاته
انا ناوي اتعلم البرمجة من الصفر احد يعرف كورس ممتاز للغة ال C .

و عليكم السلام و رحمة الله و بركاته، لو حابب تعرف اكتر عن تعلم البرمجة من الصفر شوف دول ⬇️💚:

• طرق البرمجة كتيرة، واغلبها ناجحة بتؤدي لنفس نهاية المسار، و هو انك تكون مبرمج ناشئ، المطلوب منك حاليا في اول خطوة من خطوات البرمجة هو انك تعرف ازاي تتعامل مع الحاسب الآلي، من وجهة نظري انصحك تتعلم لغة برمجة وصفية و لغة برمجة امرية.

- لغة برمجة وصفية، مثلاً: HTML و ممكن تتعلم بعض الاكواد من لغة CSS
( و هى كذلك لغة برمجة وصفية).

- لغة برمجة امرية، مثلاً C++.

• و بعد ما تكون اتعلظت تتواصل ازاي مع ابحاسب الآلي و بتعرف تطلب منه اللي انت عايز تعمله، بنروح لنقطة نجاح تانية مطلوبة منك و هى:
"انك تاخد فكرة عن مجالات البرمجة بالتفصيل"
هديك امثلة على بعض التخصصات المعروفة:
- Embeded Programmer
- AI (Artificial Intelligence)
- Android Developer
- Flutter Developer
- IOS Developer
- Desktop Developer
- (Front&Back)-End Developer
- Full-Stack Developer
- Scripter
- Ethical Hacking
- Problem Solver
- Game Developer
و في طبعاً مجالات تانية غير دول كمان، انت كل اللي عليك انك تبحث اكتر و تاخد فكرة عن مجالات العمل، و بعدها لو حبيت مجال معين، فا هنا هتبدأ انك تبحث عن لغات البرمجة المطلوب منك انك تتأسس فيها، عشان هنحتاج بعدها انك تشتغل على شئ اسمه بيئة عمل (Framework) و تتأسس فيه، بعد ما تتأسس فيه و تعمل مشاريع منها، و عادي المشاريع اللي هتعملها في البداية تكون مشاريع بسيطة.

• بعد ما تكون اتعلمت الأتي زي ما ذكرنا فوق ⬆️:
- كيفية التواصل مع الحاسب الألي.
- تعلم اساسيات (لغة/لغات) التخصص اللي اختارناه و عملنا عليه مشاريع نتعلم من خلالها.

• هنروح بعدها للخطوة اللي بعدها اللي هتخليك من بعدها تبتدي تتعلم وحدك و تطور من حالك وحدك برضو، و هى انك تدور على مشاريع جاهزة من اليوتيوب او اي منصة تعليمية و تنشئ مشاريع زيها بس نصيحة مني ليك، لازم تضيف شئ من عندك للمشاريع اللي هتنشأها انت وبتتعلم انك تعمل مشاريع اكبر شوية، الموضوع دا هيساعدك ان شاء الله انك تفتكر و تعرف تفكر كويس و تبدع.


• بعد هننتقل لشئ تاني و هو انك تبتدي تفكر في مشاريع جديدة و كبيرة و تعملها بنفسك، و بكدا انتقلت من "مبرمج ناشئ" الى "مبرمج مبتدئ" و طبعاً البرمجة مجالاتها كلها متجددة دائماً باذن الرحمن، فا محتاج منك تكون عارف الاشياء الجديدة اللي بتظهر في التحديثات سواء كان ل لغات البرمجة او بيئات العمل او تقنيات جديدة تخص المجال اللي اتقنته واتعلمته، واتمنى من الله  التوفيق ليك و انه يكرمك بكل الخير و يجبر خاطرك في اللي جاي من حياتك 💚.