السلام عليكم
أنا ف ٣ ث عايزه لما أخلص اتعلم برمجه مع العلم اني مش عارفه حاجه خالص تنصحوني ايه أول خطوه أخدها ؟

شوفي الصورة دي ⬇️.

و لو عايزة تفاصيل اكتر، انصحك تقرأي الرسالة دي ⬇️.

• طرق البرمجة كتيرة، واغلبها ناجحة بتؤدي لنفس نهاية المسار، و هو انك تكون مبرمج ناشئ، المطلوب منك حاليا في اول خطوة من خطوات البرمجة هو انك تعرف ازاي تتعامل مع الحاسب الآلي، من وجهة نظري انصحك تتعلم لغة برمجة وصفية و لغة برمجة امرية.

- لغة برمجة وصفية، مثلاً: HTML و ممكن تتعلم بعض الاكواد من لغة CSS
( و هى كذلك لغة برمجة وصفية).

- لغة برمجة امرية، مثلاً C++.

• و بعد ما تكون اتعلظت تتواصل ازاي مع ابحاسب الآلي و بتعرف تطلب منه اللي انت عايز تعمله، بنروح لنقطة نجاح تانية مطلوبة منك و هى:
"انك تاخد فكرة عن مجالات البرمجة بالتفصيل"
هديك امثلة على بعض التخصصات المعروفة:
- Embeded Programmer
- AI (Artificial Intelligence)
- Android Developer
- Flutter Developer
- IOS Developer
- Desktop Developer
- (Front&Back)-End Developer
- Full-Stack Developer
- Scripter
- Ethical Hacking
- Problem Solver
- Game Developer
و في طبعاً مجالات تانية غير دول كمان، انت كل اللي عليك انك تبحث اكتر و تاخد فكرة عن مجالات العمل، و بعدها لو حبيت مجال معين، فا هنا هتبدأ انك تبحث عن لغات البرمجة المطلوب منك انك تتأسس فيها، عشان هنحتاج بعدها انك تشتغل على شئ اسمه بيئة عمل (Framework) و تتأسس فيه، بعد ما تتأسس فيه و تعمل مشاريع منها، و عادي المشاريع اللي هتعملها في البداية تكون مشاريع بسيطة.

• بعد ما تكون اتعلمت الأتي زي ما ذكرنا فوق ⬆️:
- كيفية التواصل مع الحاسب الألي.
- تعلم اساسيات (لغة/لغات) التخصص اللي اختارناه و عملنا عليه مشاريع نتعلم من خلالها.

• هنروح بعدها للخطوة اللي بعدها اللي هتخليك من بعدها تبتدي تتعلم وحدك و تطور من حالك وحدك برضو، و هى انك تدور على مشاريع جاهزة من اليوتيوب او اي منصة تعليمية و تنشئ مشاريع زيها بس نصيحة مني ليك، لازم تضيف شئ من عندك للمشاريع اللي هتنشأها انت وبتتعلم انك تعمل مشاريع اكبر شوية، الموضوع دا هيساعدك ان شاء الله انك تفتكر و تعرف تفكر كويس و تبدع.


• بعد هننتقل لشئ تاني و هو انك تبتدي تفكر في مشاريع جديدة و كبيرة و تعملها بنفسك، و بكدا انتقلت من "مبرمج ناشئ" الى "مبرمج مبتدئ" و طبعاً البرمجة مجالاتها كلها متجددة دائماً باذن الرحمن، فا محتاج منك تكون عارف الاشياء الجديدة اللي بتظهر في التحديثات سواء كان ل لغات البرمجة او بيئات العمل او تقنيات جديدة تخص المجال اللي اتقنته واتعلمته، واتمنى من الله التوفيق ليك و انه يكرمك بكل الخير و يجبر خاطرك في اللي جاي من حياتك 💚.

و الموقع دا ⬇️:
m3md69.github.io/NULLEXIA

فيه دورات تعليمية لناس بتعرف تشرح .. كل اللي عليك انك تروح لقسم التعلم و تختار اللي عايزه .. الناس اللي بتشرح مختارهم بنفسي

هو الأفضل اتعلم الجافا الأول ولا الجافا سكربت؟؟ و اى الفرق بينهم؟؟

على حسب المجال اللي حابه تتخصصي فيه تبع البرمجة اي هيكون

مثلا لو تطبيقات اندرويد فا انصح انك تختاري Java
لو موافع سواء Back او Front فا اختاري JavaScript

وش رايكم في المعسكرات الرقميه اللي تتكلم عن تطوير البرمجيات واشياء اخرى وتكون مدتها ٤ شهور وحضوري

انا صراحة عن نفسي مبعترفش باسلوب التعليم القديم، بفضل انه يكون اللي الشرح على هيئة فيديو والشخص يسمعه بحس انه الاستيعاب بيكون اكبر من الطريقة التانية

بس الطريقة اللي بحكي عليها دي متنفعش مع الناس اللي مبتعرفش تنضبط فـ مواعيدها .. لو مش هيعرف يظبط مواعيده فا يفضل ينزل يروح ياخد كورسات و يروح معسكرات رقمية براحته

طيب انا مش عارفه احدد مجال أتخصص فيه وتايهه كده ومتشتته وكل شويه ابدأ ف لغه واسيبها من نصها وابدأ ف لغه جديده ف مش عارفه اعمل اى او ازاى احدد التخصص لإن كمان معرفش كل تخصص فيهم بيعمل اى

بصي فـ البرمجة الاقسام كتيرة جداً
بس هختصر عليكي مشوار البحث واديكي نبذة عن بعض التخصصات المعروفة واللي ممكن تكوني مايله ليها، عايزين نعرف البرمجة الاول بتنقسم لانهي قسم
في منها تطوير و في منها برمجة فعليه
التطوير هو بناء او تعديل المواقع او التطبيقات او الالعاب
والبرمجة هو انك تبرمجي اجهزة وادوات فـ الحقيقة وروبوتات

التطوير مبيختلفش عن البرمجة الاتنين بيتم استخدام اكواد فيهم بشكل طبيعي.

• تطوير المواقع:
بينقسم تطوير المواقع لعدة اقسام واشهرهم:
- Front-End Web Developer:
اللي تخصصه بالاسم دا بيكون اختصاصه هو تصميم واجهات المواقع.
- Back-End Web Developer:
اللي تخصصه بالاسم دا بيكون اختصاصه هو تطوير اوامر واجهات المواقع، مثلا زي انه لو ضغطت على زر معين و عايزو يعمل حاجة معينة بعد ما الضغط عليه.
- Full-Stack Web Developer:
اللي تخصصه بالاسم دا بيكون متخصص في الاتنين Front-End & Back-End

• تطوير التطبيقات:
بينقسم تطوير التطبيقات لعدة اقسام واشهرهم:
- Android App Developer:
اللي تخصصه بالاسم دا بيكون اختصاصه هو تطوير وتصميم تطبيقات الاندرويد Android بالكامل من ناحية التصميم او من ناحية برمجة اوامر التطبيق.
- IOS App Developer:
اللي تخصصه بالاسم دا بيكون اختصاصه هو تطوير وتصميم تطبيقات الـ IOS بالكامل من ناحية التصميم او من ناحية برمجة اوامر التطبيق
- Flutter Developer:
اللي تخصصه بالاسم دا بيكون اختصاصه هو تطوير وتصميم تطبيقات الـ IOS و الـ Android والـ Desktop بالكامل من ناحية التصميم او من ناحية برمجة اوامر التطبيق
- MAUI Developer:
اللي تخصصه بالاسم دا بيكون اختصاصه هو تطوير وتصميم تطبيقات الـ IOS و الـ Android والـ Desktop بالكامل من ناحية التصميم او من ناحية برمجة اوامر التطبيق

هنيجي لنقطة معروفة جداً فـ مجال تطوير التطبيقات و هو انه في فرق بين البرامج الـ Native والغير Native
اللي بيفرق بين الاتنين هو ان الـ Native ادائه و كفائته اعلى من غيره، ودا مش بيبان غير لما المشروع يكون كبير.
من امثلة تخصصات تطوير البرامج الـ Native:
- Android App Developer
- IOS App Developer
والباقي مش Native، زي مثلاً:
- Flutter Developer
- MAUI Developer

و طبعا مش معنى انه الشخص اتخصص تخصص من التخصصين دول كدا هو 100% عارف فـ الـ 3 حاجات اللي ذكرناهم (Android , IOS, Desktop)، في ناس بتكمل المسار و في ناس بتوقف و بتتخصص فـ منصة معينة و خلاص.

طيب اي الفرق بين Flutter و MAUI عشان هما زي بعض يعتبر فـ اداء الهمة
هقولك انه الفرق بينهم
- ان Flutter بيتم استخدام لغة Dart
- اما MAUI بيتم استخدام لغة C# (C Sharp)

• تطوير الألعاب:
بينقسم تطوير الالعاب لعدة اقسام واشهرهم:
• Android Game Developer:
اللي تخصصه بالاسم دا بيكون اختصاصه هو تطوير و تصميم واجهات العاب للـ Android بالكامل
• IOS Game Developer:
اللي تخصصه بالاسم دا بيكون اختصاصه هو تطوير و تصميم واجهات اللعبة للـ IOS بالكامل
• Desktop Game Developer
اللي تخصصه بالاسم دا بيكون اختصاصه هو تطوير و تصميم واجهات اللعبة للـ Desktop بالكامل
• Web Game Developer
اللي تخصصه بالاسم دا بيكون اختصاصه هو تطوير و تصميم واجهات اللعبة للـمواقع بالكامل

وطبعا معنى كامل فا قصدي عليه التصميم والتطوير فقط اما الاصوات والمجسمات و غيرها دي تخصصات تانية خالص تبع مجال تطوير الالعاب، بالتوفيق واتمنى تكوني عرفتي هتختاري اي💚.

السلام عليكم
سؤال في js
هل يمكن التراجع عن خطوة او شرط او حدث معين عند ضغط زر الخروج في الهاتف باستخدام js فقط؟

مثلا نفذت شرط يقوم بتغيير لون احد النصوص، فابغى عند ضغط زر الخروج (بالهاتف) يقوم بالتراجع عن هذه الخطوة بدل الخروج من الصفحة

• وعليكم السلام و رحمة الله و بركاته 💚.

• ايوا، تقدر تعمل عن طريق انك تستخدم حدث beforeunload أو unload للتعامل مع موضوع زي دا، بيتم تنشيط الأحداث دي لما يقوم المستخدم بمغادرة الصفحة أو إغلاقها.

• فا نستنتج من الفقرة السابقة انه تقدر تستخدم الحدث دا للتراجع عن خطوة محددة قبل خروج المستخدم من الصفحة. على سبيل المثال، إذا كانت الخطوة هي تغيير لون نص معين، يمكنك استعادة اللون الأصلي قبل خروج المستخدم عبر تعيين القيمة الأولية او الابتدائية للون مرة اخرى.

• و دا مثال بيوضح كيفية استخدام حدث beforeunload لإعادة اللون الأصلي لنص عندما يضغط المستخدم زر الخروج:

window.addEventListener('beforeunload', function(event) {
document.getElementById('myText').style.color = 'black';
});

• طبعا مش محتاج اقول انك لازم تعدل 'myText'على حسب اللون اللي انت عايزو، عشان يكون الكود اكتمل و بقي صحيح.