انا مش بحب الاختلاط وكدا لكن جوزي وأهله حاكمين أن انا لازم اكون عندهم كل يوم لو روحت وعاوزة اروح يقولوي خليكي شوية كمان هتروحي تعملي ايه
وبصراحة أنا زهقت جدا ومليت وبيفرضو رأيهم في معاملتي مع ابني وكدا ومبقتش عارفة اسيطر علي ابني في تصرفاته
ومش اعمل ايه
او ارد عليهم بايه أنهم يفهمو أن ليا خصوصيتي واني اروح عندهم وقت فراغي وكدا مش يوميا.
وكمان لو روحت وحبيت اساعد سلفتي في تجهيز الاكل يرفضو ويقولو لي ماهي بتعمل مش لازم تعملي معاها سيبك منها
انا عقلي وقف من التفكير من تصرفاتهم دي .
مع العلم أن في بيت وهمها في بيت تاني وفي مسافة بينا
يعني انا وال الشارع وهما في اخر الشارع .
انا مش بحب التقيد دا ومش بتحمله

لطرح مشاكلكم يمكن كتابة المشكلة في الفورم التالي بكل سرية.

http://socialproblemss.sarhne.com

السلام عليكم ورحمه الله وبركاته كل عام وحضراتكم بخير

ياريت بدون تجريح لو سمحتم ( انا اصغر اخواتي واصغر منها ب ٧ سنين )

اعلم ان الموضوع بعيدٱ عما تدور المجموعة حوله ولكني اطلب الاستشارة والاستعانة بالله ثم من حضراتكم

اختي مطلقة من ٤ سنين ومعاها طفلين ومن وقت طلاقها وكل شئ تغير للاسوأ تماما " لبسها أصبح ملفت للنظر جدٱ بالإضافة إلي أسلوبها وكلامها ( ألفاظ وسباب ) "

اما عن الاسوٱ فهو اني مسكت موبايلها في يوم لقيت محادثة مع احدي الاشخاص كلها كلام قذر وصور إباحية

ومن شدة حزني وقتها ضاقت عليا الارض بما رحبت وفكرت اني اكلم طليقها ياخد منها اولادها لاني شوفت أنهم في الوضع ده مش هيتربوا تربية سليمة بما يرضي الله وعلي تعاليم الإسلام وعرفت وقتها وكلمت والدي الذي شن علي الحروب و اقسم الا يكلمني لفترة طويلة

" لما شوفت المحادثة دي كلمت والدي وكنت معتقد انه هياخد موقف صارم تجاه الموضوع ده لكن قعد يكلمني بكل هدوء أنها اه غلطت لكن معلش هي مرت بظروف عصيبة وربنا يهديها وكلام كتير جعلني اشعر بخيبة امل رهيبة "

ووالدتي هي الأولي في صفوف المدافعين عن اختي الي ان اقنعت ابي ان يأمرني لفظٱ ( ملكش دعوه بأختك نهائيا ولا بآي شي تعمله ) وانا اتعصبت اكتر لاني بعد ده كله لقيت صور ليها في مصيف مع زملائها في العمل واللي أغلبهم رجال ومكنتش اعرف اي شئ عن السفر ده

ومن وقت قصير اكتشفت ايضٱ انها بتتفرج علي مقاطع إباحية وواجهتها قدام والدتي لتذكرني بقول ابي امامه شخصيٱ ( ملكش دعوة بيها )

حقيقي الموضوع تاعبني نفسيٱ خصوصا اني حاليٱ تخرجت و بحاول ادور على شغل افضل في مجال تعليمي واحتاج الكثير من التركيز والجهد

توضيح بسيط : انا منذ نعومة اظافري بشتغل وأغلب وقتي في الشارع وعارف كويس نظرات الرجال للبنت وخصوصاً المطلقة وكتير جدٱ عرضت انها تقعد في البيت وانا اتكفل بكل مصاريفها هي واولادها لكن مفيش اي استجابة من اهلي

يشهد الله انني احبها حبٱ جمٱ واتمني لها الخير قبل نفسي واتمني ايضٱ ان تتعلم كيف تحفظ نفسها وتجعل نفسها غالية وعالية المقام
و ما زاد على ذلك كان أسوأ لاني شوفت محادثة تانية كده برضه و كلمت و الدتي و نفس الرد و أسوأ اما والدي ف جزاه الله خيرآ ترك لي الخيار أما الا يكون لي صلة بها او اغادر المنزل فورآ و قد اختارت الخروج من المنزل و حاليٱ انا بدور على مكان اقعد فيه إلي ان يقضى الله امرآ كان مفعولا

وأخيرٱ : اسف للاطالة علي حضراتكم واتمني منكم نصائح لان الموضوع مؤثر جدا علي تفكيري ونفسيتي لدرجة البكاء والعصبية الزائدة

ص
انا عندي 35 سنة متزوجة من شهرين .. طول مدة حياتي كنت قاعدة مع والدتي 75 سنة لوحدنا لان والدي متوفي من سنين واخواتي متزوجين ..
كنت براعي المنزل و براعيها لان صحتها تستلزم عدم الحركة الا للضرورة وبمساعدة اخواتي كل فترة في متابعة الدكاترة .. كنت راضية بحالي وبوجودي معاها وماكنتش عاوزة اتزوج وابعد عنها لكن هي طول الوقت عاوزة اني اتزوج وتطمن عليا زي اي بنت و و و حاجات كتيرة اوي وكلام جارح ان اتأخر زواجي منها يمكن مش بسمعه من الغريب ..

اتقدم ليا شاب ورضيت ورضينا بيه وقدموا له كل التساهيل لاتمام الزواج كل التساهيل حرفيا بدون تفاصيل ..
اتزوجت الحمد لله واختي وزوجهاقاعدين معاها شوية في البيت وشوية عندهم وماما بدأت مشاكل ان مش بسأل وانهم تعبانين معاها وهما اللي شايلين همها و هما اللي بيودوها للدكتور وان بقالي 4 ايام ماروحتش ولا اتكلمت واني مش مهتمة وووووو كلام كتير اوي

بجد ماحدش هايقدر يحس باللي حسيته كنت عندها يوم الجمعة وروحت بعدها ب أربع ايام يوم الاربعاء اسأل عليها واقعد معاها شوية لقيت مقابلة وحشة وتكشيرة لما اسألها عن حالها مش عاوزة تقول انا قعدت حوالي 3 ساعات مصدومة ومش بتكلم من سوء المعاملة .. وانها مالتمستش اي عذر اني عروسة جديدة او ان مسؤلياتي اختلفت وعندي مسئولية بيت وزوج .. طيب حتي فين فرحتها ب اني تزوجت زي ما كان نفسها وفين فرحتها ب إني سألت عليها وجيت لحد عندها ..
مشيت من البيت مخنوقة ودموعي علي خدي  و مش عارفة هاقدر اروح تاني ولا لا

انا مش عارفة اقول تفاصيل كتير ومش عارفة اعمل اية بجد ولو هي عايزاني جنبها وزعلانة ليه جوزتني من الاول علشان تعمل مشاكل كدا .. ولما روحت اشوفها ليه استقبالها كان بالطريقة دي كان ممكن تحسسني انها فرحانة ولما اشوفها فرحانة هاحب ازورها اكتر لكن انا ازاي دلوقتي اروح تاني ..

انا دلوقتي التزامي بمسئولية بيتي وزوجي هي الأولوية ومش هاقدر ان اروح كل شوية وهي كل تركيزها انها علي طول تعبانة وبتروح للدكاترة وبتاخد أدوية ولازم كلنا نلتف حواليها ولازم كلنا نروح معاها ونسأل عليها يوم الدكتور .. مع ان اختي وزوجها موجودين معاها علي طول ووجودهم كافي لتلبية احتياجاتها

كتابة الردود في تعليقات ولطرح مشكلتك

اما
لطرح مشاكلكم يمكن كتابة المشكلة في الفورم التالي بكل سرية.

http://socialproblemss.sarhne.com


أو
@BetterTogetherTeam

انا والدي ووالدتي متوفين ومتجوزه واخو جوزي اتوفي وسايب مراته وطفلين زوجي ديما بيدعمهم ماديا وبدا من فتره يلمحلي عن الجواز تاني بهزار وبصفه عامه مش عليها هي وللعلم هو بيحبني وانا كمان بحبه ومفيش بينا غير كل خير ومعايا 3اولاد منه والحمد لله مفيش مشاكل بينا وبعدين اتكلم معايا بصراحه انه ظروفه مضطراه انه يتجوزها حتي لو علي ورق بس
هو لسه مش مقرر وانه مجرد اقتراح ولو انا مش راضيه عن ده فالفكره لاغيه نهائي بس كلامه انه سايبها للوقت وللظروف وانه ممكن يعمل كده لو المشاكل زادت منها في العيله لانها عامله مشاكل مع الكل وانا مخدتش موقف واتكلمت معاه عادي جدا ان ده لو حصل انا مش هعيش معاه لحظه وهو قالي ما تشغليش بالك بالموضوع ده وما تفكريش فيه بس انا مش عارف الدنيا هيحصل فيها ايه هومش عايزها ولا عمره يفكر فيها بس هي بدات تخرج عن السيطره مع ان الكل بيحبها وبيحب اولادها انا حاسه اني متبنجه من ساعة ما اتكلم معايا ومش متخيله ابدا ده يحصل وحاسه اني في كابوس هو كل دنيتي وانا عارفه انه بيحبني وعمره ما يفكر في واحده غيري وده انا واثقه منه اعمل ايه عقلي وقف وقلبي واجعني اوي وخايفه يتجوزها طالما الفكره جت في دماغها وكان بيشوفي هعمل ايه ولا هقوله ايه لو عرفت

انا فلسطينية و هو اردني و اهلي ضد الغربة و صراحة انا خايفة انه ما ناخذ بعض لاني مستحيل الاقي حدا بحبني متل حبه الي و كلشي بدي اياه موجود فيه و عارفة انه رح يكون الخيار الامثل و الأفضل، مع انه ما في سبب يرفضوه عشانه لانه هو الحمدلله ملتزم بصلاته و حافظ اجزاء من القرآن و حافظ الكثير من الاحاديث النبوية و مثقف و قارئ و لديه علم بشتى امور الحياة ووضعه المادي جيد و جميل و صاحب مسؤولية، كيف اتصرف مع أبي لو رفضه؟
امي اعتقد ستوافق لانها دائماً تقول بشكل عاممدام الشب بحبها و هي بتحبه لازم ياخذوا بعض

لطرح مشاكلكم يمكن كتابة المشكلة في الفورم التالي بكل سرية.

http://socialproblemss.sarhne.com


او عبر @BetterTogetherTeam

السلام عليكم ورحمه الله وبركاته
مشكلتي مع اختي زوجي بتعملي مشاكل كتير مع حماتي وبتقول كلام محصلش بيني وبينها ،
بتدخل الشقه عندي بتدور في كل اوضه كأن في حاجه واقعه منها بتبص وتفتش في اي حاجه تقريبا
وتنزل تقول لحماتي انا اخويا ما كانش ليه دي دا انا شفت عندها كذا وكذا دي مبهدله ومش نضيفه وماسكه التليفون مش عارفين بتكلم مين ولا بتعمل اي بتسال في كل تفاصيل حياتي حتي العلاقة الزوجية بيني وبين زوجي
مع انها لو شافت اي نعمه بتبوظ بعدها حولت املا عينها اديتها من هدومي من حاجاتي واي حاجه برضو مش سيباني في حالي
بتجنبها كتير لكن تصرفاتها خنقتني جدا الفترات الاخيره بتتلون كتير وقدامي كأنها مش عامله حاجه
اعمل معاها اي اتصرف ازاي
مش عاوزه ادخل زوجي بيني وبينها لأنها أخته
لكن أنا تعبت منها