#Bio ملخصات في جزئية النصفي 👆

1⃣ شرح للأوراق الأخيرة من شيت الCarbohydrate Metabolism للناس اللي داخت وما عرفتش من وين تبدا فيهم 😁:

افتحوا الورقة اللي قبل الاخيرة وتبعوا معاي من صورة ال Amino Sugars 🙃

✨ بنقول معلومات زايدة باش تساعدكم في الفهم ✨

البروتيوقلايكن يتكون من:
1- بروتين في اللب/ الوسط "Core Protein"
2- مجموعة من الGAGs مرتبطة بيه.

بالنسبة لتركيب البروتين؛ بما إنا نقروا في كارب ميتابوليزم، فما ليناش علاقة بيه.

انخشوا في الGAGs

الGAGs عبارة عن سلسلة من:
1- Amino Sugars
2- Acidic Sugars


نبدوا في الAmino Sugars؛

إما N- acetyl glucosamine
أو N-acetyl Galactosamine
بنكونوهم من Fructose 6 Phosphate، يعني إن F6P هو الprecursor

مجموعة Amine بيتم نقلها من الحمض الأميني Glutamine** للF6P فبينتجلنا Glucosamine 6 P
اسم الانزيم في هذا الفاعل هو: Transamidase ونقدروا حتى انسموه Amidotransferase،
والسبب في انه اسمه Amido ومش Amino؛
إن الGlutamine** عنده مجموعتين NH2 واحدة بتكون مرتبطة في ذرة الكربون الثانية، والاخرى في الاخيرة قبل مجموعة كاربونايل؛ فبتكون النهاية CONH2 وCONH انسموا فيها مجموعة Amide.
يعني اللي بينقلها كانت جزء من الأمايد.

أغلب الأحيان بيرتبط مركب Glucosamine 6 P اللي تكون بمجموعة Acetyl في مجموعة الAmine متعه
وهذا علاش يولي اسمه
N-Acetyl Glucosamine 6 P

وأحيانا *في حالة نادرة* ما يرتبطش بالAcetyl.

*في حال ارتبط؛ بيولي:
N- Acetyl Glucosamine 6 P
وهذا المركب بيصيرله Isomerization ويولي:
N-Acetyl Glucosamine 1 P
التحول هذا يسمحله إن يرتبط بالUDP
لأن الUDP يرتبط بالكربونة الاولى***

ارتباط UDP
يصير عن طريق تفاعل ال UTP "Uridine Triphosphate" مع الN-Acetylglucosamine 1 P
فالUTP يولي UDP يعني يفقد فوسفيت قروب
والN-Acetyl GA 1 P بيفقد الفسفيت قروب اللي في الكربونة الاولى؛ ومع بعض بيكونوا:
UDP-N-Acetylglucosamine
وبيطلعوا 2 phosphates علي هيئة Pyrophosphate
(نفس الطريقة اللي صارت في القلايكوجينسز)

لما بيرتبط المركب بالUDP يولي في الactive form***
توا يقدر يمشي ويساهم في تكوين سلسلة الGAG
لأن زي ما قلت؛ الGAGs تتكون من N-Acetyl Glucosamine

لكن فيه Amino Sugar آخر يكون في الGAGs¡
اللي هو N-Acetyl Galactosamine

هذا بيتكون عن طريق Epimerase*** من ال UDP-N-Acetyl Glucosamine.

*يعني*
لازم يكون عندنا الactive form
UDP-N-Acetylglucosamine
ومنه يشتغل عليه الEpimerase حتى يكون UDP-N-Acetylgalactosamine

*أما لو الGlucosamine 6 P ما ارتبطش بمجموعة Acetyl
بيتحول ل Glucosamine 1 P ونفس الطريقة يتفاعل معاه الUTP
ويكون UDP-Glucosamine
ويدخل في تكوين الGAGs أيضا
لكن الأغلبية** يصيرلهم Acetylation
---

فيه مركب ثالث مشتق من الAmino sugars وهو: N-Acetylneuraminic Acid "NANA"
هذا المركب موجود في الGAGs لكن نادرا! واغلب الوقت يكون فب الgangliosides او الglycoproteins

يتكون من N-Acetylglucosamine 6 P
غير بدلا تتحول مجموعة الفوسفات للكربونة الاولى (باش يرتبط بال UDP) تقعد في السادسة*
ويجي انزيم Epimerase يحوله ل
N-Acetylmannosamine 6 P
واللي بيتحد مع: Phosphoenolpyruvate *واحد من المركبات اللي موجودة في الGlycolysis لو تتذكروا*
فبيتكون مركب عنده 9 كربونات بمجموعة فوسفات في الكربونة الاخيرة:
NANA 9 P
وبيتفاعل مع Cytidine Triphosphate
"CTP"
ويولي CMP-NANA اللي هو الactive form ومنها يقدر يخش في تكوين مركبات مختلفة.

2⃣ ملخص الكلام اللي فات 👇

1- الF6P هو اللي بيكون الamino sugars
عن طريق تفاعله مع الحمص الاميني Glutamine

2- الGlutamine يولي Glutamate
والF6P بيتحول ل Glucosamine 6 P

3- الGlucosamine 6 P
إما إنه بيرتبط بAcetyl في مجموعة الأمين متعه ويكون
N- Acetylglucosamine 6 P
ومنها بيتحول لN-Acetylglucosamine 1 P حتى يقدر بتحول للactive form اللي هو UDP-N-acetylglucosamine اللي يكون الGAGs او يقدر يتحول عن طريق Epimerase الىUDP-N-acetylgalactosamine ونفس الشيء يدخل في تكوين الGAGs

او انه ما يتربطش بالacetyl ويتحول من Glucosamine 6 P
الى Glucosamine 1 P
حتى يرتبط بالUDP ويخش في تكوين الGAGs
لكن زي ما عرفنا الاغلبية بيرتبطوا بالacetyl

4- آخر حاجة؛ فيه مركب اسمه NANA
وهو عبارة عن
N-Acetyl Glucosamine 6 P
تحول الى N-acetylmannosamine واتربط بPhosphoenolpyruvate
فكون مركب عنده 9 كربونات!! وفوسفاتة في الكربونة الاخيرة اسمه NANA 9 P
وبينقله الCMP
لاحظوا ان الناقل عبارة عن Monophosphate**
(مش زي الUDP اللي عنده 2 فوسفات)

3⃣ انخشوا في الAcidic Sugars 🤓

ال acidic sugars اثنين
1- D-Glucuronic Acid
2- L-Iduronic Acid

الفرق بينهم انهم Epimers عند الكربونة الخامسة. يعني في اتجاه مجموعة الهيدروكسيل

الاثنين مشتقات من القلوكوز، ولو نتفكروا ان الOxidation للSugars تكون الAcidic Sugar
وان الGlucuronic Acid هو عبارة عن Glucose صارله Oxidation في الكربونة الاخيرة *رقم 6*

الGlucuronic Acid نقدروا نتحصلوا عليه من الأكل او تكسير الGAGs
لكن في الحقيقة؛ اللي نتحصلوا عليه من المصدرين هما ما نقدروش نستعملوه في تكوين الGAGs
والنتيجة النهائية للMetabolism متعه هي انه يولي Xylulose 5 Phosphate *اسم المركب مش مقرر حفظه طبعا، لكن باش نفهموا*

فالGlucuronic Acid اللي بيستخدمه جسمنا في تكوين الGAGs بيجي من:
UDP-Glucose

الUDP-Glucose جاي من Glucose 1 P اللي مشتق من Glucose 6 P

فاللي يصير هني ان الUDP-Glucose يصيرله Oxidation
ويكون UDP-Glucuronic Acid

وهكي ولى واتي باش ينحط في الGAGs
او انه يرتبط بمركبات اخرى زي ال Bilirubin او الsteroids حتى يخليها قطبية أكثر ويزيد ذوبانيتها في المية.

والL-Iduronic Acid؟
توا انشوفوا كيف يتكون بعدين...

آخر حاجة ^^

4⃣ توا انجوا لتكوين ال Proteoglycans ⭐️✨

زي ما قلت؛
الcore عبارة عن بروتين
وتبدا ترتبط بيه الGAGs

لكن باش ترتبط لازم يكون فيه Linkage region.
يعني ارتباط ال GAGs بالبروتين يصير عن طريق "منطقة الترابط" وهي تتكون من:
Xylose-Galactose-Galactose

البروتين اللي هو لب الproteoglycan بيكون عنده الأمينو أسيدز: Serine و Threonine
وهما الأحماض الأمينية عندهم مجموعة هيدروكسل OH،
فأول حاجة: سكر الXylose** بيجي ويرتبط بمجموعة الهيدروكسل عند واحد من الأحماض الامينية اللي ذكرتهم،
عن طريق O glycosidic bond

وهذا يصير بواسطة: انزيم Xylosyltransferase
بعدها يجي سكر Galactose** يرتبط وبعدها Galactose** آخر¡

وهكي يكون عندنا الTrihexoside Linkage Region
متكونة من: Xylose-Galactose-Galactose
مع ان اسمها Trihexo- لكن ال Xylose سكر خماسي. وما تسألونيش كيف 🙃

ومنها يجي Amino sugar ينقل فيه الUDP يرتبط وبعدها Acidic Sugar نفس الشيء ينقل فيه الUDP وهكذا ~~ يبدوا يكونوا في Carbohydrate Chain للGAGs عالبروتين.

ال acidic sugar بيكون D-Glucuronic وبعد*** ما يرتبط بالCarbohydrate Chain يجي انزيم Epimerase ويحوله لL-Iduronic Acid في حال كنا محتاجين لL-Iduronic Acid في السلسلة.

وبيصير فيه زيادة للSulfate لبعض هذه المركبات؛نفس الشيء: *بعد* ارتباطها بال Carb Chain
عن طريق انزيم Sulfotransferase وبحسب الحاجة.

شرح للAmino Sugars وال Acidic Sugars وتركيب الProteoglycan

صح يبان طويل شوية 🤷🏻‍♀ لكن وكان ما عرفتوش من وين تبدوا فيهم، صدقونا هذا شامل ويفهم كل شيء لو قريتوه كويس ^^

موفقين! 😁

في صفحة رقم 10 👇
Leigh disease is inherited disease which inhibit pyruvate dehydrogenase comlex,
And alpha ketoglutarate dehydrogenase complex.

Leigh disease is a
✔️Rare numerological disorder
✔️Associated with mitochondrial lack of ATP formation
✔️Associated with nectrotizing encephalopathy
✔️Involoved with PDH complex mutations
✔️Associated with the inability to convert pyruvate to acetyl CoA

تفريغ لمراجعة دأحمد بلحاج كاملة، #SoMA #AN132

هذا نفس الموقع المأخوذ منه أسئلة الفصل الثالث لجزئية lower limb and pelvis لدفعة مفاضلة ١ والتي يقوم بتدريسها الدكتور بلحاج.
هذا الرابط لجزئية Thorax
#SoMA
#AN132

#ملاحظة:
دكتور بلحاج قال في المراجعة أنه 1st groove made by subclavian artery على عكس الشيت وهذا ما تمت كتابته في تفريغ المراجعة.
بينما الصحيح هو أنه made by subclavian vein.
#SoMA
#AN132

تصحيح*
في صفحة 5
The artries below the nerve

تصحيح آخر
Blood in the pleural cavity >>> haemothorax .
Air in the pleural cavity>>> pnemothorax .

ملخص للفسيو 2
الرينال د. محجوب والريسبايريشن د. هنيدي
تلقيطة للمنهج ومراجعة مليحة وفيها النقاط متع الأسئلة اللي ركزوا عليها
الCVS مش نفس الدكاترة اللي اعطوكم
كارديو د. خالد البدي والفاسكيولار د. علي خليل وع الخفيف يعني

رسمة رسمناها منقولة عن د.ناجي اسكندر عن reabsorption.
#SoMA
#PS142