ممكن تساعدكم 👏🏻
#SoMA
#EN123

فريق #SoMa يهنّئكم بحلول عيد الأضحى المبارك، تقبّل الله منّا ومنكم وجعلنا وإياكم من المغفورين لهم.

السلام عليكم...
منهج السيمستر الثالث :-
BC243
1-Nucliec acid metabolism.*️⃣
2-Gene expression.*️⃣
3-Gene regulation.
4-clinical enzymology.
5-Hormone.
6-heam .

PS243 :-
1.CNS {motor}.*️⃣
2.CNS {sensory}.*️⃣
3.special senses.
4.Endocrine.
+ جزء العملي
AN233 :-
1.Pelvis and perineum.*️⃣
2.Lower limb.

MB241 :-
1.Introduction.*️⃣
2.Bacterial growth.*️⃣
3.Normal flora.*️⃣
4.Pathogenesis.*️⃣
5.Steralization.
6.Microbial genatics.
7.Antimicrobial.
8.Immunology.
9.Virology.
10.Fungi.
⁦*️⃣⁩ هذا معناه المنهج التقريبي لما قبل النصفي
#SoMA_Team

السيمستر هذا عدد كبير من الدفعات اللي يقبلنا يقولوا أسهل من اللي فات.
وعندنا مادّة جديدة حيكون الموضوع حماسي للكل كيف يقراها.
وبإذن الله السيمستر هذا حنقدموا ما يساعدكم، موفّقين
#SoMa_Team

‎السّلام عليكم ورحمة الله، زملاؤنا دفعة الخريفي (مفاضلة 4)، بما أنه السميستر على الأبواب، إن شاء الله اليوم نسردوا ليكم نصائح لسيمستركم القادم من تجربتنا.

‎هو سيمستر حقيقةً يبي جهد شوية، لكن مع تنظيم الوقت كله يمشي ساهل بإذن الله.

📍AN132: تتضمن شابترين thorax& abdomen، ثواركس بسيط وقصيّر وهذا اللي بيخش في النصفي إن شاء الله، حني عطاهولنا د.أحمد بلحاج، ونزلنا ملخص لمراجعته قبل الامتحان النصفي، أما بالنسبة للأبدومين لغولنا هلبا حاجات -على الورق- ولكن في الامتحان لم يلغى شيء وكله جي في الامتحان، وفي هذا الشابتر أنصح بـ د. خالد ميلاد، ولّا د.أحمد بلحاج، اللي يريّحكم.
‎بالنسبة للأبدومين شيت الكليّة خلوه بعد ما تكملوا من واحد من المناهج اللي كتبناها فوق.

‎بالنسبة للعملي فيه فيديوات د.خالد ميلاد، عظام ومجسّمات، وكذلك فيديوات د.أحمد بلحاج وكان شرحه على المجسمات، وفيديوات د.الفقي في العظام كويسات.
‎كتب العملي فيه كتاب د.خالد ثوراكس، وكتاب الكلية أبدومين.

📍BC142: منهجها:
📌 Lipid metabolism: د. القرقوري وبقوّة، في مصور الواضح تلقوا تسجيلاته وشيته والمذكّرة اللي كاتبينها معاه، فيها الرسم وحتى لما اتّبعوا معاه في التسجيلات ما تريحوش، منهجه زي منهج دكتور الكلية، بإذن الله مش حيصعبوا عليكم سلايدات الكلية بعد ما تقروا منّه.
📌Amino acid metabolism: شابتر لطيف ومش طويل، ممكن تقروا من د.بشير لأنه أقرب لدكتورة زكيّة، وممكن تقروا من د.القرقوري، لكن التسجيلات الموجودات في الواضح ناقصات، ود. عباس إبدااع في الشابتر هذا وتقسيم الأحماض الأمينية وشرحها واحدة واحدة وبقواعد للحفظ كذلك، إبداع.
‎ما تستغنوش على شيت الكلية أبدًا.

📌Carb. Metabolism: د.القرقوري إبداااع، إبداااع، ونفس الشيء كذلك شيته ومذكرته، تجيكم تسجيلات د.النجار ساهلة هلبا غير ضيفوا الزّايد، وحينزل ملخص لكلامه إن شاء الله.

📌Bioenergetics: د.أحمد زايد فقط، شيته
‎وتسجيلاته ولا شيء آخر.

📌Integration: شابتر بسيط جدًّا، تجميعة لما سبق، واختاروا المصدر اللي يريّحكم في دراسته.

أما بالنسبة للعملي فننصحوكم بتسجيلات د.عبد الباري إدريس.

‎بقيّة المواد حتنزل إن شاء الله العشيّة، موفّقين.

#SoMA_Team

السلام عليكم ورحمة الله، نأسف على التأخير، وإن شاء الله حنكملوا باقي المواد توّا.


📍HS142: مادّة والله جميلة غير لازم تختاروا مصدر قوي تقروه منها، د. جيهان إبداااع، وحتستمعوا مع محاضراتها هلبا.

المنهج المقرر: GIT1,2
Respiratory system
Urinary system
Endocrine
Female
Male
Special sense
CNS
نصيحة لو لقيتوا وقت مرّوا على البيزك لأنه فعلًا مهم، ركزوا على النقاط اللي بـ Bold ومش لازم تقروا كل شيء، ارجعوا في آخر الكتاب تلقوا كويز -بالنسبة للإصدار الجديد- ومنه حتعرفوا أهم النقاط اللي لازم تركزوا عليها في الكتاب.

ملاحظة على CNS: دوروا مصدر كويس تقروه منه من توا لأنه دكتورة جيهان منهجها مختلف وأغلبه مركزة عليه كفسيو أكثر، فيه فيديوات سبق ونزّلناهم جميلة وبالرسم رائعة باش تقروها، ولو فيها كيف شوفوا دكتورة إيناس هي حتعطي مجموعة أكيد في العملي ونسقوا معاها تعطيكم حتى نظري في CNS حتستمتعوا هلبا.

العملي ما تفوّتوشّي أبدًا أبدًا، وكتاب دفيوري مهم هلبا هلبا هلبا ما تكتفوش بسلايدات الكليّة لأنه الأغلب من الكتاب.

‏📍PS142:
المنهج المقرر: CVS, Respiration, Renal.

بالنسبة للـRenal: فيه عندكم أكثر من مصدر عادي هو شابتر بسيط، ما تعتمدوش على شرح الكلية، لأن الأسئلة في وادي ثاني، ونصيحة شخصية، اقروه من دكتور ناجي، ولو تبي مصدر ثاني مش مشكلة.

وحتّى دكتور التهامي إبداع، يعطيك الزبدة وهلبا أسئلة جت من كلامه، في الشابتر هذا عطي كده معلومة جانبية وجت في النصفي.

وسلايدات الدكتور ما تفوتوهمش.

CVS: ما تخافوش منه الشابتر هذا ولا من عدد وراقيه؛ لأن نفس المعلومات تتكرر ونفس المواضيع اللي يركزوا عليها، نصيحة اقروه من دكتور نادر، وتبعوا من شيته، وبعدين بعد كل موضوع يشرحه افتحوا الكتاب وشوفوا لو فيه معلومة زايدة.

Respiration: دكتور هنيدي احضروله واكتبوا معاه، واللي يقولك بتجي سؤال حتجي، ولو فيه معلومة ما فهمتوهاش ارجعوا لدكتور ناجي.

العملي ساهل جدًّا، أسئلته جدًّا ساهلة ومن كتاب العملي.

فيديوات دكتور مروان الناجح كويسة.

ECG دكتور نادر طبعًا.

موفّقين مسددين إن شاء الله، وحنفيدوكم إن شاء الله خلال اليومين هادو بمصادر أخرى للقراية باش ما تبدوش زي الإسفنجة متلقّين بس، لازم من Active learning.

#SoMA_Team

السلام عليكم ورحمة الله، يومكم طيّب!
هذا رابط لتسجيلات د.محمد القرقوري gene expression حطّيناه على الميديا فاير.
https://www.mediafire.com/folder/y4esdoe5fzeb9
وشوية ثانية ينزل الشيت PDF إضافةً إلى المذكرة.
موفّقين.
علمًا بأن الدكتور شرح هذا الشابتر وهداكا الوقت كان دكتور أحمد زايد يعطي في الشابتر هذا!
#SoMA
#BC243

السلام عليكم ورحمة الله، سيتم تنزيل شيتات دكتور محمد القرقوري PDF كاملة إن شاء الله بحلول الغد لكل من :
Amino acid metabolism
Lipid metabolism
Gene expression
Heme synthesis
#SoMA
#BC243

هل تبوا صور من المراجع للمساعدة علي الفهم وترسيخ المعلومة في مواد مثل الاناتومي والبايو

/1. Yes✋🏻👍🏻
/2. No✋🏻👎🏻

/results - show results
/endpoll - close poll

Use this link to vote anonymously:
t.me/PollBot?start=LTI3OTYxMjc2ODpmYzM1MWM2ODk5NTc2YTIwOQ==

https://www.facebook.com/Students-of-Medicine-Association-337345860371239/

#SoMA على الفيس بوك ^^

#Tips_and_Hacks

أسعد الله صباحكم زملاءنا/زميلاتنا.

هلبا يتذمّروا من كون الطب صعب مع اللي لغتهم الإنجليزية مش قوية، ويقولوا معدّلاتنا ممكن تكون أحسن لو لغتنا كانت أقوى من هكي، الحقيقة ايه ما ننكروش لكن كلنا سواء اللي لغته قوية أو ضعيفة كلها مصطلحات طبية جديدة علينا، يعني الموضوع مش حيكون مؤثر لأنه زي ما قلت كله جديد علينا، غير محتاج جهد إضافي بس.

*مع العلم فيه اللي لغتهم قوية ومعدلاتهم أضعف من اللي لغتهم ضعيفة.

فيه عندنا نصائح بسيطة واللي ممكن تساعدكم تقوّوا لغتكم بالتوازي مع دراستكم للطب:

قدّامك الكتاب أو الشيت، وخلال قرايتك مرّت عليك كلمة، ما اتّرجموش الكلمة حرفيًّا للغة العربية شوفوا المرادف ليها من الكلمات اللي باللغة الإنجليزية واللي مرت عليكم قبل في دراستكم في الثانوي أو الإعدادي، أو تعريف بسيط لها.

مرّت عليكم كلمة لاتينية وصعب تحفظها؟، بسيطة قوقل الكلمة وحتلقى معناها باللغة الإنجليزية ولو ما فهمتهاش برضو؛ دير/ي نفس الخطوة الأولى.

وهذا الڤيديو ممكن يساعدكم. :")

‏https://youtu.be/c9X3Jhj7TSU

موفّقين.

#SoMA_Team

من وين قريتوا Gene expression ؟
دكتور بشير 🖐🏻
دكتور القرقوري✌🏻