1_الوكيل الحصري للشركة

2_نقاط البيع المعتمدة من الوكيل

فـ هذا المنشور لنصائحكم ، شنو اكثر خطوة فرقت بعنايتكم للشعر ؟

و شنو اكثر منتج شفتوا عليه نتائج حلوة ؟

تغيير بلون البشرة

شحوب بالبشرة

ظهور البقع والتصبغات

ظهور التجاعيد والخطوط الرفيعة نتيجة تدمر الكولاجين

سرطان الجلد في بعض الحالات الشديدة

١.عملية الأكسدة Oxidation

٢.أكسدة البشرة Skin Oxidation

٣.مسببات عملية الأكسدة

٤.شنو الجذور الحرة Free Radical

٥.شنو مضادات الأكسدة Antioxidants الموضعية و الفموية؟

٦.شنو هو الـOxidative Stress

شايفين التفاحة من نقطعها ونتركها بالجو شلون يتغير لونها للبني وتذبل؟ أو الحديد القوي شلون يصير بيه صدأ ويتآكل ؟ هي هاي بالضبط عملية الأكسدة .. عملية طبيعية تصير بكل مكان حتى بـ داخل أجسامنا

اكيد سامعين بالجذور الحرة ، هذا فاقد إلكترون بالتالي هو جزء غير مستقر ويبحث على الاستقرار لا تدوخون وياي تعالوا اعرفوا شراح يسوي بجسمك

خلايا جسمك السليمة على طول تتعرض لهجوم من "لص كيميائي" اسمه الجذور الحرة (Free Radicals) هذا اللص غير مستقر، لأن معوّز فلوس (فاقد إلكترون) وانتوا تعرفون اي عملية كيميائية بالنهاية هدفها الاستقرار وهذا اللي ديصير ويه الجذور الحرة تهجم على الخلايا السليمة يجسمك حتى تسرق منها الكترون حتى يسد النقص اللي عنده ويستقر

بمجرد ما يسرق إلكترون من الخلية ، الخلية راح تتضرر وتضعف وتبدأ سلسلة من السرقات والدمار خلية ورة خلية وهي هاي "عملية الأكسدة"

أشعة الشمس (UV): هي العدو الأول والاخطررر و من اكثرررر مسببات الجذور الحرة ، الأشعة فوق البنفسجية اطا اخترقت جلدك راح تبدي تصنع جيوش من الجذور الحرة بوقت قليل (تعتبر الشمس ملكة الشيخوخة الضوئية) ، جماعة التان شوكت ترحمون نفسكم😶

التوتر والضغط النفسي: اي مثل ما قريتوا الستريس الدائم يسبب جذور حرة يعني مو شرط تطلع للشمس حتى تبدي بشرتك تتاكسد ، وانت كاعد ببيتك بس مسترس راح تتكون

التلوث والدخان والمبيدات: دخان السيارات والدخان بالجو يلتصق بالبشرة وايضا يسبب اكسدة

التدخين: التدخين مو بس يضر الرئة هو "قنبلة أكسدة" للبشرة يقلل الأوكسجين بالدم ويمنع وصول التغذية للوجه فـ تظهر الشحوب والخطوط الرفيعة بسرعة على المدخنين .. اللي يدخنون يمي بالاماكن العامة بالذات المغلقة حبابين بطلوها 😔🤣

الأكل غير الصحي: السكريات والزيوت المهدرجة والنمنميات(حلويات اندومي جبس وهاي السوالف) للاسف هم تسبب

استخدام منتجات غلط: أحياناً المبالغة بتقشير البشرة أو استخدام مواد كيميائية قوية تدمر "حاجز البشرة" هاللشي يخلي الخلايا مكشوفة وبسهولة تتاكسد

دفاعات ربانية داخلية: أجسامنا مو ضعيفة اكو "مصانع" لمضادات أكسدة طبيعية (مثل الجلوتاثيون اكيد كلكم سامعين بيه ترة هو موجود طبيعيا بجسمنا) هذا يشتغل مثل المكنسة ينظف الخلايا من السموم والأكسدة اللي تصير بسبب العمليات الحيوية اليومية

دفاعات بالأكل
•الأحمر (طماطم و رمان وفراولة🍅🍓)
•البنفسجي (توت🫐)
•الأصفر والبرتقالي (البرتقال الليمون🍋🍊) متروسة فيتامين Cاللي يعتبر مضاد أكسدة قوي
•الاخضر (كيوي🥝)كمية مضاعفة من فيتامين سي

دفاعات فموية (المكملات):
حياتنا صارت سريعة وأكلنا مو دايمًا صحي لذلك نگدر نأخذها بالمكملات مثل فيتامين سي والكلوتاثيون(امتصاصه قليل) وغيرها..

دفاعات موضعية (سكنكير):
بشرتنا لأنها الخط الدفاعي الأول ومكشوفة للجو تكدرون تحموها بمضادات أكسدة موضعية مثل
فيتامين C و E
النياسيناميد وغيرها

ممكن الشرح تشوفوه سهل جدا و مو علمي لدرجة التعقيد .. اني متعمدة هيج اشرح وابتعد عن المصطلحات المعقدة .. هدفي اقرّب الفكرة من الكل لأن اللي بالقتاة مو كلهم فيلد طبي فـ اعذروني على هاي النقطة

•الفيزيائي نگدر نستخدمه مباشرة ونطلع

•الكيميائي نستخدمه قبل الطلعة بنص ساعة

•كل الواقيات على وجه الكوكب تحتاج تجديد بدون استثناء واذا اكو شركة تدعي غير ذلك وتگلك الواقي مالتي ما يحتاج تجدده لازم تثبت هذا الشي

•ما يفضل تستخدم واقي أقل من 30spf والافضل يكون من 40_50 SPF

•اذا الواقي مالتك مو مقاوم للماء لازم تجدده كلما تتعرض للماء وحتى لو مقاوم للماء فهو مقاوم لمدة 40_80د وهذا الشي يتوضح على العلبة

•الواقي ميروح كليا بالغسول العادي ولازم تغسله بالمسلر ووتر أو الغسول الزيتي(حسب) وبعدها غسولك العادي

•ماكو واقي بالدنيا (لحد الان) يحمي من أشعة الشمس فوق البنفسجية بنسبة 100% بس يحمي بنسبة جيدة قريبة منها واذا ردت هيج حماية كاملة لازم تشيل شمسية نضارات كفوف وغيرها ..

•افضل أنواع الواقيات؟ من ناحية القوام الكورية أما الحماية الأمريكية والأوروبية وممكن تلگه حماية وقوام بس السعر يكون ↗️