الخلطات التجارية للاسف تستغل هذا المعتقد وتقدّم الكم منتجات تحت مصطلحات تسويقية مثل (آمن ، طبيعي ، خالي من المواد الكيميائية ، منتج عشبي ، وغيرها من المسميات التجارية ..)

لذلك يتوهم المُشتري المسكين ويتوقع أنه اشترى منتج من قلب الطبيعة !!
منتج آمن و فعال وبدون اي أضرار وراح يخلصه من الحبوب والتصبغات والكلف ويطلعه اوائل

للاسف هاي الخلطات تحتوي على كميات كبيرة جدا من الستيرويدات مثل الكورتيزون والموميتازون ، هذه المادة من تُستخدم بشكل عشوائي على الوجه بهدف "التبييض السريع" تصير الكارثة

گول سبحان الله وتعال شوف ابداع الخالق ، بشرتك نسيج حي ذكي جدا يتفاعل بشكل مبهر مع المؤثرات الخارجية وهذه أحد وظائفه لذلك من تخلي عليه هيج خلطات تجارية ، الجلد يترقق كأنوا تم سلخ طبقة من طبقاته فـ طبيعي الجلد اللي يطلع يكون افتح و مائل للوردي وهاي مصيبة وكارثة والمفروض نلطم بدل ما نفرح من نشوف هاي الاعراض لأن الجلد راح يكون هش ورقيق جدا ويأثر بأقل شي يصر لأن بكل بساطة الحاجز الواقي اللي يحمي البشرة من المؤثرات الخارجية انطاك عمره

ترقق الجلد(Skin Atrophy): الجلد يصير رقيق وهش و يتهيج بكل بسهولة

توسع الشعيرات الدموية(Telangiectasia)

انتكاسة شديدة بعد التوقف(Rebound Dermatitis): لذلك قطع الخلطات يكون وفق ارشاد الطبيب المختص حصرا

احمرار وتغير لون الجلد

وردية و حبوب(Steroid-induced Rosacea/Acne)

ضعف الحاجز الواقي للبشرة(Impaired Skin Barrier): تصير البشرة أكثر عرضة للجفاف والمواد المهيجة وتتاثر من أقل شي

1️⃣انواع وسمات البشرة وشلون نمييز بينهم

2️⃣الغسولات والمرطبات والواقيات

3️⃣طريقة تقديم استشارة علمية

للامانة أخذ من عدهم لأن التطبيق الوحيد اللي ما اجاني اي منتج منه كوبي لكن كون التطبيق جديد فـ أكثر المنتجات المتوفرة هي كورية لذلك باقي المنتجات اللي احتاجها اخذها من الوكيل حصرا في حال عدهم وكالة بالعراق

الهدف منها: حتى يصير عدكم فكرة حقيقة عن المنتجات اللي عليها مدح قوي ونشوفها تستاهل لو لا

غسول سيلينيز الوردي للبشرة الجافة والحساسة

مسلر گارنيه الوردي للبشرة الحساسة

مرطب بيوتي اوف جيسون

واقيات سيلينز

Cosmetic Formulation of Skin Care Products

تمت إضافة مادة جديدة لكلية الصيدلة تخص الـcosmetology وهذا مصدرها

بيودي أڤ جوسون هي علامة تجارية كورية مثل ما تعرفون تأسست بالـ2016 واسم مؤسسها (يد هايمن بارك) فكرة الشركة انو تكون منتجاتهم مستوحاة من أسرار الجمال التقليدية بعهد سلالة جوسون لذلك اسم الشركة بيودي اڤ جوسن .. اول مرة تعرفون هاي المعلومة موو😊

فـ راح تشوفون انو هالبراند يتميز بمكونات مثل الجينسنغ والأرز والسنتلا ويخلطهم مع مكونات ثانية حتى يسوي تركيبة حديثة مستوحاة من اسرار العناية القديمة ، فكرة لطيفة✨

كلش مهتمين بالبكجنك و هذا اول شي تلاحظوه من تشترون منتجاتهم .. واكثر شي حبيته بالبراند أنه ما يخبترون منتجاتهم على الحيوانات

طبعا هذا البراند حقق شهرة جبيرة بأسواق أميركا و أوروبا وحتى بالوطن العربي و اللي يسافرون راح يلاحظون انو هاي العلامات موجودة بمتاجر جبيرة مثل سيفورا

المرطب جربته وجنت بس اريد اخلصه حتى ارجع لمرطبي القديم لأن نفسيا ما جنت مرتاحة أثناء استخدامه بسبب البكجنج السيء مالته(حاجيه بالتفصيل عن المنتجات اللي تكون بهاي الطريقة من التعليب شلون تنقل بكتريا وممكن تكون سبب بانتشار الحبوب ، طبعا تجي وياه اداة حتى تطلعون المرطب بدون ما تتلوّث العلبة لكن أيضا مو هالشي مو كافي .. دأىما أختاروا العلبة اللي تكون مغلقة بالكامل وتطلعون المادة منها عن طريق الضغط هالشكل يعني 🧴🧴لأن هاي افضضضل شي)

من اخليه البشرة تتعرق بشكل اوڤر وأبد مو مناسب للصيف لكن تمتصه البشرة بسرعةةة

اكثر شي حبيته بيه انو يندمج بشكل سحري!!!
يعني اخلي نقطة فتفووتة منه و يكفي لكل الوجه والرقبة واذا كثّرتوا شويّة راح يكفي حتى للادين لحد المفصل وابدا مدا ابالغ

ما يسبب حبوب ولا يترك مظهر زيتي على البشرة بالعكس تمتصه البشرة بسرعة

لا ابدا ، جان تجربة لطيفة ما تنعاد والعلبة ما خلصتها اساسا ورجعت لمرطبي القديم .. يعني طول هالشهرين استخدمه اني و اختي احيانا تخلي ويايه و أريده يخلص وميخلص لأن مثل ما گلتلكم كمية صغيرة منه تكفي كل الوجه

سعره ٣٠ ومرطبي السابق اغلى منه وكميته أقل لكن مع ذلك ما ارجع اكرره بسبب تعليبه السيء .. اني شخصيا حتى لو المنتج عجبني بس تعليبه هالشكل مستحيل اكرره❌

الي مجربيه راح ترجعون تكرروه؟ وشنو أكثر شي حبيتوه بهذه الشركة .. وبرأيكم تستاهل كل هاي الضجة بالوطن العربي ؟!