مقدمة عن الـCosmetology

أنواع البشرات وسماتها

شرح أكثر من 50 مصطلح لتفكيك وتحليل اي منتج

شرح لأكثر من 20 مادة فعالة (مقشرات، رتنويدات، مضادات أكسدة...)

شرح مفصل للحالات الجلدية(حب شباب، تصبغات ..)وطرق علاجها

ترشيحات لأفضل الشركات لكل مادة فعالة ومنتجات حسب خبرتنا

ورشة حول الشعر والاظافر والجسم

كويز بعد كل محاضرة لتثبيت المعلومة

الشرح مدعم بملف خاص "عصير مصادر"خلاصة مكثفة لأكثر من 7 مصادر علمية

1️⃣عرض الاصدقاء✨
اذا تاخذه مع زميل يصير بـ20 واذا مع اربع زملاء يصير 17 بسس

2️⃣وبالنسبة للمتفوقين راح راح يحصلون على الكورس السابق هدية✨

3️⃣كل المشتركين راح ياخذون خصم للدورات بالسنوات القادمة ، يعني السعر للمشتركين بالكورس السابق صار 15 بدل 25 وانتوا كذلك بالدورات القادمة راح تكون الكم هيج خصومات

4️⃣و اكو مقاعد مجانية و هدايا أخرى تعرفوها بعدين

ماكو شي اسمه كريم يمحي التجاعيد خلال اسبوعين !!

ماكو منتج يخفي الحبوب بـ 24 ساعة!!

ماكووو كريم بديل للبوتوكس!!

ملصقات تنظف الأنف من الرؤوس السوداء بـ 5 دقائق !!

بما إنو هالفترة هي فترة فاينل ، النشر راح يكون متوقف مؤقتاً أصدقائي🩵

ارجعلكم بتاريخ ١/٦ أن شاء الله بأسلوب وطريقة نشر مختلفة .. لأن للأسف تمت محاكاة هوية القناة بشكل كبير في قناة ثانية !

وحِرصاً على تميزنا ، راح أرجع بأسلوب شرح جديد أطمح إنه ما يتقلد ، حتى تبقى كل قناة محافظة على هويتها ومميزة عن غيرها

ملاحظة : اقصد بالهوية هو أسلوب وطريقة الشرح والسرد والتصميم وغيرها من الأمور اللي تميزك عن غيرك بحيث اللي يشوف منشورك بدون ما يقرأ اسمك راح يعرف انو انت صاحب هذا المنشور

لا اقصد الإساءة لأي احد(اكيد اللي قلد الاسلوب هو معجب بطريقة الشرح فـ هالشي بالعكس مفرح جدا) لكن يهمني أنو يكون عندي هوية خاصة لقناتي تميزها عن غيرها .. قلد العروض اللي سويتها بس عوف اسلوبي بالنشر لطفا🙏🏼

#كابتن_نور🤍

من الناحية العلمية:
بشرتنا بيها حاجز طبيعي(skin barrier)يتكوّن من دهون و خلايا مرتبه بشكل طبقات تحمينا من البكتيريا وفقدان الرطوبة والمؤثرات البيئية فـ أي ضغط زائد أو أي منتج غير ضروري ممكن يسبب خلل بهذا الحاجز

•غسول

•مرطب

•واقي

•مزيل الميك آب

الخلطات التجارية للاسف تستغل هذا المعتقد وتقدّم الكم منتجات تحت مصطلحات تسويقية مثل (آمن ، طبيعي ، خالي من المواد الكيميائية ، منتج عشبي ، وغيرها من المسميات التجارية ..)

لذلك يتوهم المُشتري المسكين ويتوقع أنه اشترى منتج من قلب الطبيعة !!
منتج آمن و فعال وبدون اي أضرار وراح يخلصه من الحبوب والتصبغات والكلف ويطلعه اوائل

للاسف هاي الخلطات تحتوي على كميات كبيرة جدا من الستيرويدات مثل الكورتيزون والموميتازون ، هذه المادة من تُستخدم بشكل عشوائي على الوجه بهدف "التبييض السريع" تصير الكارثة

گول سبحان الله وتعال شوف ابداع الخالق ، بشرتك نسيج حي ذكي جدا يتفاعل بشكل مبهر مع المؤثرات الخارجية وهذه أحد وظائفه لذلك من تخلي عليه هيج خلطات تجارية ، الجلد يترقق كأنوا تم سلخ طبقة من طبقاته فـ طبيعي الجلد اللي يطلع يكون افتح و مائل للوردي وهاي مصيبة وكارثة والمفروض نلطم بدل ما نفرح من نشوف هاي الاعراض لأن الجلد راح يكون هش ورقيق جدا ويأثر بأقل شي يصر لأن بكل بساطة الحاجز الواقي اللي يحمي البشرة من المؤثرات الخارجية انطاك عمره

ترقق الجلد(Skin Atrophy): الجلد يصير رقيق وهش و يتهيج بكل بسهولة

توسع الشعيرات الدموية(Telangiectasia)

انتكاسة شديدة بعد التوقف(Rebound Dermatitis): لذلك قطع الخلطات يكون وفق ارشاد الطبيب المختص حصرا

احمرار وتغير لون الجلد

وردية و حبوب(Steroid-induced Rosacea/Acne)

ضعف الحاجز الواقي للبشرة(Impaired Skin Barrier): تصير البشرة أكثر عرضة للجفاف والمواد المهيجة وتتاثر من أقل شي

1️⃣انواع وسمات البشرة وشلون نمييز بينهم

2️⃣الغسولات والمرطبات والواقيات

3️⃣طريقة تقديم استشارة علمية