شلون اعرف بشرتي متحسسة(حاجزها متضرر)؟

• وخز و حرقة و حرارة و احمرار عند استخدام المنتجات
•لون البشرة يميل للأحمر واحيانا تظهر حبوب تحسسيه
•ممكن تتقشر البشرة وتصير جافه جدا

شنو العلاج بهاي الحاله؟

اهم شي نعرف سبب التحسس وتدمر الحاجز
•مقشر بتركيز عالي
•غسل الوجه بشكل متكرر
•استخدام الخلطات التجارية مثل اعجوبه وباربي وفيفيان الخ🙂🔪
•استخدام منتجات بشكل عشوائي
•استخدام عصارات لغرض التفتيح بدون وصفة طبية أو استشاره صيدلاني مثل الاكرتين وميلان كير و هاي كوين (دتجيني كوارث بسبب هاي العصارات انتبهوا بنات)

العلاج هو:

•strip down your routine to the absolute base
يعني روتيني يكون فقط (غسول ومرطب و واقي)
•اختار غسول جنتل (بدون مواد مقشرة مثل السلسلك والكلايكولك)
•استخدم مرمم (بطل الموسم❤️‍🔥): المرمم يحتوي على مواد تعمل على ترميم وتصليح الحاجز المتضرر مثل ماده (السنتلاcica والسيراميدات والجلسرين وغيرها) ويكون قوامه اثقل من المرطب العادي حتى يسويلنه مثل الحاجز الوهمي ويسمح للبشرة تصلح نفسها بأسرع وقت
•يفضل استخدام الواقي الفيزيائي بدل الكيميائي بهذه الفترة

ملاحظات مهمة

•اختاروا منتجات بدون كحول وعطور
•ما اغسل البشرة أكثر من مرتين باليوم ويفضل مرة واحده
•ابتعد تماما عن المقشرات سواء كيميائية أو فيزيائيه والمواد الفعاله الاخرى مثل الرتنول وفيتامين سي

@capten_noor 👈🏻قناة المناقشة

للوهله الأولى تحسه ديسوي كليجة

خلطاتكم ديحضروها بالمطبخ حبايب🥲💔

#معلومة_اليوم

فوائد الـVitamin للبشرة✨

•Vitamin C:
1- يحفز على تكوين الكولاجين
2- تعزيز فعاليه الواقي
3- مضاد اكسده
4- المساعدة في علاج التصبغ


•Vitamin B3(niacinamide):
1- يحفز على تكوين الكولاجين
2- يوازن إفراز الدهون
3- تقليص مظهر المسام
4- يزيد من انتاج السيراميد
5- تقليل التهابات البشرة
6- تقليل تصبغات البشرة
7- يعمل كمضاد اكسده حيث يحارب الجذور الحره


•vitamin A(ritinoids)🔥:
1- يسرع من عملية تجديد الخلايا
2- يساعد جدا في تقليل التصبغ
3- يحفز على تكوين الكولاجين والايلاستين
(استثمار للبشرة)


•vitamin E:
1- من اقوى مضادات الأكسدة
2- ترطيب عالي للبشرة
3- تنعيم ونضاره البشرة
متحتاجون تشتروا لأن موجود بأغلب منتجات العناية بالبشرة


ملاحظة : نگدر نأخذ هاي الڤايتمنز من الغذاء لكن تطبيقها موضعيا ينطي تأثير مباشر على البشرة🤍
@capten_noor 👈🏻قناة المناقشة

#معلومة_اليوم
خدعوكم بفوائد الكولاجين لمحاربه التجاعيد‼️

الكولاجين هو أكبر خدعة تجارية بس ليششش؟
حجم جزيئه الكولاجين تكون كبيرة جدا بالتالي البشرة ما تگدر تمتصها اصلا حتى نستفاد منها بمحاربه علامات التقدم بالعمر مثل التجاعيد!


كابتن يعني اشمر منتجاتي التحتوى على الكولاجين⁉️

لا ركزوا ، اني گلت ما منه فائده بمحاربه علامات التقدم بالعمر لأن الجلد ما يمتصه ويبقى على سطح البشرة لكن أُثبت علميا أن الكولاجين يساعد في ترطيب البشرة من خلال جذبه للرطوبه والتمسك بها


طيب احنه نعرف كلما نتقدم بالعمر راح يقل الكولاجين ببشرتنا شلون نگدر نحافظ عليه!؟

تدرون اكو خلايا بالجسم هي المسؤولة عن إنتاج الكولاجين؟
كل العلينا انو نحفزها على انتاجه!
يعني الينطيكم منتجات تحتوي على كولاجين گلوله شكرا منريد لان ربنا الكريم خلق بجسمنا خلايا مسؤولة عن إنتاج الكولاجين بشكل طبيعي .. اكو احلى من هيجج 🥳 ؟

طيب دكتورة شلون احفز هاي الخلايا حتى تنتج لي الكولاجين❓

Vitamin A
Vitamin C
Vitamin E
Niacinamide
Microneedling

ونحافظ عليه من خلال:

استخدام واقي الشمس
الابتعاد عن التدخين والكحول
الإكثار من الخضروات والفواكه
ممارسة الرياضة
شرب الماء بكثره

@capten_noor 👈🏻قناة المناقشة

#معلومة_اليوم

البيبانثين افضل مرطب للبشرة الدهنية والمختلطة بس ليشش⁉️

لانه افضل مرطب يسدلك المسام ويوسعه ويخلي الدهون تتراكم ببشرتك(انغلاق مسام و تراكم دهون يعني بيئه مناسبة للبكتريا الضاره) فـ يطلعلك احلى حبوب بالكون بعد فتره من استخدامه😁

انتبهوا حبايب ، هواي يتم تداول عباره(البيبانثين مرطب طبي)فـ يستخدموا على هذا الأساس بس لان يتم بيعه بالصيدليات!

بالحقيقه هو مرطب ثقيل و استخدامه الصحيح يكون لفتره مؤقته لحالات الجفاف الشديد dehydration

هسه خل نفهم ليش استخدامه المطول يسبب حبوب؟!

البيبانثين كريم يحتوي على ماده اسمها Isopropyl Myristate ومثل ما تلاحظون صايره ثالث ماده يعني تركيزها عالي و هاي الماده تعتبر comedogenic يعني تسد المسام

انسداد المسام يسبب تراكم الزيوت والدهون وهذا أكثر شي تحبه البكتريا المسببه للحبوب لأنها تتغذى عليها حتى تسببلنا حبوووبب

البعض يستخدمه كمرمم وللاسف أيضاً قدرته على الترميم ضعيفه جدا مقارنه ببقيه المرممات

اكواسوفت ماكس هو بديله الافضل للترميم و بنفس سعره تقريبا ، بعدين انزللكم مقارنه بيناتهم🩷

@capten_noor 👈🏻قناة المناقشة