#معلومة_اليوم

•بهاي الفقرة راح نتناول معلومات بسيطة وحلوة بشكل يومي أو أسبوعي

•يعني بالاسبوع راح تنزل أكثر من معلومة ومع مرور الوقت راح تلاحظون انو صار عدكم كم هائل من المعلومات

#معلومة_اليوم

كثرة الترطيب ممكن تسبب حبوب!!

زياده الترطيب تؤدي الى زيادة احتمالية انغلاق المسام والنتيجة النهائية:
حبوووب🫣

طيب شنو الحل كابتن ؟
نكتفي باستخدام المرطب مرتين باليوم


إلا في حال وجود مرض جلدي مثل ألاكزيما،بهاي الحالة احنه بحاجة إلى الترطيب أكثر من مرتين🤍

@capten_noor 👈🏻قناة المناقشة

اكو فكرة شائعة منتشرة
البشرة الدهنية ما تحتاج مرطب

شنو رأيكم بالموضوع ؟

البشره الدهنيه تختلف عن الجافه بكون الافراز الدهني يكون أكثر لكن هذا يكون إفراز دهني خارجي طبقات البشره الداخليه تكون جافه وهنا نتعرض لمشاكل الجفاف مثل التجاعيد والتصبغ ومضهر البهتان

بنفس الوقت حتى تعوض البشره هذا النقص راح تفرز كميه اكبر من الدهون وهالشي راح يسد المسام ويسبب حبوب ومضهر لامع مزعج للبشره

الترطيب مو فقط أهميته التوغل داخل البشره بس اكو مرطبات antioxidants مثل vit e واكو مرطبات تعطي امتلاء مثل الهيالورونك واكو أهميتها تقوي حاجز البشره مثل السيرامايد

لكذلك نوع البشره والمشكله الي تعاني منهه هو الي يحدد نوع وقوام المرطب

كلشي شفت بحياتي ، بس واقي بخمسه ؟! هذا شيحمي بس اريد افتهم

#معلومة_اليوم

أهمية الـريتنول

ضروري بعمر العشرين يكون روتينا يحتوي على (الريتنول) حتى يحفيز أنتاج الكولاجين ويسرع من عملية تجديد الخلايا (cellular turn over)

ليش ضروري دكتورة⁉️
لأن كلما نتقدم بالعمر تقل عدنا هواي اشياء ببشرتنا ومن ضمنها الكولاجين

و من يقل الكولاجين بنسبه جبيرة راح تظهرلنا التجاعيد والترهلات

لذلك يعتبر افضل استثمار لبشرتنا بعمر العشرين ، حتى ما ندور فلر و بوتكس بعمر الخمسين🩵.

@capten_noor 👈🏻قناة المناقشة

#معلومة_اليوم

الفرق بين :
البشرة الحساسة(Sensitive Skin) و
البشرة المتحسسة(Sensitized Skin)

البشرة الحساسة: يعني البشرة طبيعتها حساسة (فيسيلوجيّاً) و تكون سمة من سمات البشرة يعني ممكن بشرتك جافه و حساسة أو دهنيه و حساسة أو مختلطة وحساسة بنفس الوقت
(وتكون سمة ملازمة للبشرة يعني بشرتك دائما حساسه وليس لفترة مؤقته)

تختلف الأسباب لكن الشائع:
١-مرض جلدي مثل(الاكزيما أو الوردية الخ..)
٢- بعد انقطاع الطمث عند النساء
٣ـ خلل أو ضعف في حاجز البشرة حيث يكون اقل مقاومه للمؤثرات الخارجية





البشرة المتحسسة: هي بشرة طبيعية ومابيها اي مشاكل أو عيوب لكن تحولت الى حساسة لفترة مؤقته لبسبب معين
(علما أنها حالة مؤقته وعلاجها الابتعاد عن المسبب مع الترطيب والترميم الكافي)

ومن أهم الأسباب الشائعه هي:
١- استخدام المقشرات القوية
٢- غسل الوجه بشكل متكرر
٣- استخدام الخلطات التجارية
٤ـ استخدام مواد فعاله قوية بشكل خاطئ مثل الرتنول والهايدروكينون

@captennoor 👈🏻قناة المناقشة

طريقة التعامل مع النوعين متشابهة إلى حد كبير لكن الاختلاف بفترة العلاج!

البشرة الحساسة(Sensitive Skin)

ذكرنا انو هذه البشرة حساسه بشكل دائم مو لفترة مؤقته لذلك احاول دائما اختار مكونات لطيفة ما تهيج البشرة و ابتعد عن المقشرات القوية أو التراكيز العاليه من المواد(على سبيل المثال بدل ما استخدم نياسينمايد بتركيز 10% استخدم الـ5% لأن يكون جنتل اكثر🤍)

البشرة المتحسسة(Sensitized Skin)

ذكرنا انو هذه البشرة طبيعية و مابيها اي مشاكل لكن تحسست لفترة مؤقته بسبب عامل معين مثل استخدام مواد قوية أو خلطات تجارية أو تغير الجو لذلك العلاج راح يكون بالابتعاد عن العامل المسبب للتحسس ، وايضا ابتعد عن المواد القوية لحدما حاجز البشرة يتصلح وترجع نفس ما جانت وبعدها أگدر ارجع لروتيني الطبيعي

@capten_noor 👈🏻قناة المناقشة

شلون اعرف بشرتي متحسسة(حاجزها متضرر)؟

• وخز و حرقة و حرارة و احمرار عند استخدام المنتجات
•لون البشرة يميل للأحمر واحيانا تظهر حبوب تحسسيه
•ممكن تتقشر البشرة وتصير جافه جدا

شنو العلاج بهاي الحاله؟

اهم شي نعرف سبب التحسس وتدمر الحاجز
•مقشر بتركيز عالي
•غسل الوجه بشكل متكرر
•استخدام الخلطات التجارية مثل اعجوبه وباربي وفيفيان الخ🙂🔪
•استخدام منتجات بشكل عشوائي
•استخدام عصارات لغرض التفتيح بدون وصفة طبية أو استشاره صيدلاني مثل الاكرتين وميلان كير و هاي كوين (دتجيني كوارث بسبب هاي العصارات انتبهوا بنات)

العلاج هو:

•strip down your routine to the absolute base
يعني روتيني يكون فقط (غسول ومرطب و واقي)
•اختار غسول جنتل (بدون مواد مقشرة مثل السلسلك والكلايكولك)
•استخدم مرمم (بطل الموسم❤️‍🔥): المرمم يحتوي على مواد تعمل على ترميم وتصليح الحاجز المتضرر مثل ماده (السنتلاcica والسيراميدات والجلسرين وغيرها) ويكون قوامه اثقل من المرطب العادي حتى يسويلنه مثل الحاجز الوهمي ويسمح للبشرة تصلح نفسها بأسرع وقت
•يفضل استخدام الواقي الفيزيائي بدل الكيميائي بهذه الفترة

ملاحظات مهمة

•اختاروا منتجات بدون كحول وعطور
•ما اغسل البشرة أكثر من مرتين باليوم ويفضل مرة واحده
•ابتعد تماما عن المقشرات سواء كيميائية أو فيزيائيه والمواد الفعاله الاخرى مثل الرتنول وفيتامين سي

@capten_noor 👈🏻قناة المناقشة

للوهله الأولى تحسه ديسوي كليجة

خلطاتكم ديحضروها بالمطبخ حبايب🥲💔

#معلومة_اليوم

فوائد الـVitamin للبشرة✨

•Vitamin C:
1- يحفز على تكوين الكولاجين
2- تعزيز فعاليه الواقي
3- مضاد اكسده
4- المساعدة في علاج التصبغ


•Vitamin B3(niacinamide):
1- يحفز على تكوين الكولاجين
2- يوازن إفراز الدهون
3- تقليص مظهر المسام
4- يزيد من انتاج السيراميد
5- تقليل التهابات البشرة
6- تقليل تصبغات البشرة
7- يعمل كمضاد اكسده حيث يحارب الجذور الحره


•vitamin A(ritinoids)🔥:
1- يسرع من عملية تجديد الخلايا
2- يساعد جدا في تقليل التصبغ
3- يحفز على تكوين الكولاجين والايلاستين
(استثمار للبشرة)


•vitamin E:
1- من اقوى مضادات الأكسدة
2- ترطيب عالي للبشرة
3- تنعيم ونضاره البشرة
متحتاجون تشتروا لأن موجود بأغلب منتجات العناية بالبشرة


ملاحظة : نگدر نأخذ هاي الڤايتمنز من الغذاء لكن تطبيقها موضعيا ينطي تأثير مباشر على البشرة🤍
@capten_noor 👈🏻قناة المناقشة