#ኧረ_አምሳለ!
(ምልዕቲ ኪሮስ ኃይሌሥላሴ)


ሰዉ በዘመን ጅረት...................
ዘመን በሠዉ ጀርባ እንደገሠገሠ
ይኸዉልሽ እንግዲ ክፉ ቀን ደረሰ...
ይኸዉ እንዲ ሆነ:
አንች ስትሄጅ;-
ፀሀይ ጠዋት ቀረች
ጨረቃ አኮረፈች
ሰማይ አለቀሰ
መሬት ተቆረሰ
ጨዋታ ፈረሰ....
አንች ሳትኖሪ:-
አኩኩሉ አይነጋም...
በሰኞ ማክሰኞ ዉብ ቤት አይገዛም ...
በሌባና ፖሊስ ባባሮሽ ጨዋታም...
እንደሮጠ ቀርቷል ማንም ሰዉ አልመጣም....
ህፃናቱ ከቦ አሁንም ቁጭ ብሏል...
መሐረቤን ብሎ አንድ ልጅ ይዞራል...
ህፃናቱ ከቦ ቁጭ ብሏል አሁንም...
መሃረቡን ያየም አየሁኝ አይልም ...
ብጫቂ መሐረብ መች ሆነና ቁቡ...
ነገረ ጨዋታዉ አንች ነሽ አሳቡ....
ኧረ አምሣለ.... ኧረ ሆይ...
ጨዋታ ለዛ አጣ አንዴ ብቅ በይ....
የህፃናት ተረት ከግማሹ አለቀ...
ትመጣለች ብሎ አንቺን የጠበቀ....
ቤትና ሃገር ቤት የሚል ሃሳብ መክኖ...
የሀገሪቱ ጉብል ቀረ ተበትኖ...
እንካ ስላንትያ እንቆቅልሻቸዉ...
ሳይፈታ ቀረ እርቀሽባቸዉ....
'ቢበስል ባይበስል ትመጭ ይመስል'
ብለን ያሟረት ነዉ....
ለካስ አንች ላይ ነዉ....
ኧረ አምሣለ ኧረ ምነዉ...
ደጅሽ የተከልሽዉ ምን አይነት እንኮይ ነዉ....
ያዉም በአኩኩሉ በዉሸት ጨዋታ...
እንደተደበቀች እሷ ብቻ ቀርታ....
ምድር በትካዜ ሰማይ በመከራ...
አለ እስካሁን ድረስ እምባዉን ሲያዘራ.....
የምሥኪኑ ደሀ አገዳዉ አሽቶ...
ይሄዉ ባንች ምክንያት ዝናቡ በርትቶ....
የቀየዉ ገበሬ እህል ተበላሸ....
ኧረ አምሳለ እያለ በነጋ በመሸ.,.
ያገር ሽማግሌ ያገሪቱን ዳኛ...
ስልጣኑን ወሠደዉ ነጠቀዉ ቀማኛ.,.
ፍርድ ተጏደለ...
ድሃ ተበደለ...
መነኩሴም ያለቅሳል ኧረ አምሣለ እያለ .....
ኧረ አምሣለ ኧረ ሆይ....
ያሳደገሽ መንደር አይናፍቅም ወይ....?
የእናቶች እህታ የህፃናት እምባ....
ወዴት አደረሰሽ ወዴት ይዞሽ ገባ....
የእረኛ እሮሮ...
ያዝማሪ ከበሮ...
የገጣሚ ዋይታ...
ያጋፋሪ እምቢልታ....
የዋሽንቱ ቅኝት ዜማና ምታቸዉ...
ኧረ አምሣለ ሆነ አፍ መፍቻ ቋንቋቸዉ....
አለመምጣት አለ...
አለመምጣት አለ አለመተያየት...
ባንድ አምሣለ ናፍቆት ግጥም ብሎ መቅረት....
ስለእማምላክ ቢሉት አንጀቱ ሚራራ...
በራብሽ ከች የሚል ከጭንቅሽ 'ሚጋራ....
ሀገር-እግር የለዉም ወጥቶ አይፈልግሽም...
እርግማኑም ክፋ ላንችም አይቀናሽም...
ወንዝና ተራራም ወገን አይሆንሽም....
....... እናም...
ሠዉና ቀየዉን እያሠናሠነ...
የጉብሉን መዝሙር አጣፍጦ የከየነ....
ሰዉ ማለት... ሰዉ ማለት ...
ሰዉ ማለት ሃገር ነዉ ባይልም በቃሉ....
ይግባሽ አንድ ሚሥጥር - ሰዉን ከሠዉ ብቻ የመቀላቀሉ::

@Simetin_Begitim

እዘኝ አዛኝቱ
(በላይ በቀለ ወያ)
.
.
ወሩ መሥከረም ነው...
ቀኑ በሃያ አንድ ፣ በኢትዮጵያ አቆጣጠር
ግሸን ደብረ ከርቤ...
የ'መብርሐንን ፣ በአሏን ለማክበር
ከክርስቲያኖች ቤት...
አርፍጄ እንደደረስሁ ፣ታቦት ወጥቶ ነበር፡፡
፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡
ከታቦቱ አጠገብ...
አውደ ምህረቱ ላይ ፣ ካህኑ ይሰብካል
አንዳንዱ ምእመን ፣
ተአምር ያዘለ ..
ብጫቂ ወረቀት ፣ ለካህኑ ይልካል
ደግሞ ሌላ ተአምር...
ለካህኑ ጆሮ ፣ ዲያቆኑ ያንሻኩካል፡፡
፡፡፡፡፡፡፡፡፡፡፡፡፡
ካህኑ!
"ታ'ምር ነው ምእመናን ፣ አንድዜ እልል በሉ
አንኳኩ ይከፈታል ፣
ጠይቁ ይሰጣል ፣ ይላልና ቃሉ
"አፀደ ማርያም"
የተባለች እናት ፣ የማርያም ምስክር
ልጇን አስተምራ ፣ በስቃይ በችግር
ካንዱ ይንበርስቲ...
ተመርቆ ወጥቶ ፣ ያለ ሥራ ሲኖር
አምና በዚህ ሰዓት...
ከደጇ መጥቼ ፣ ተማፅኛት ነበር
ፀሎቴን ሰምታለች!
ልጄም ሥራ ይዞ ...
መቶ ዶላር ልኳል ፣ ካሜሪካን ሀገር፡፡"
ስብከቱን አቋርጦ ፣ ተአምር ሲናገር...
በሴቶች እልልታ ፣ በወንዶች ጭብጨባ
የኢትዮጵያዊት ስለት...
ካሚሪካን ሀገር ፣ ተልኮ ሲገባ
ጥያቄ አምጣለሁ ፣ ዐይኔ እስኪያረግዝ እንባ፡፡
፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡
አላለሁ...
ምንድነው እዚህ ሀገር ፣ ተምሮ መመረቅ?
እርግማን አይደል ወይ...
ሰው ሀገር ለመሥራት ፣ ተቸግሮ ማወቅ?
።፣፣፣፣፣።።።፣።፣፣
ምኑ ነው እውቀቱስ...
የተማሩት ነገር ፣ ላገር ካልጠቀመ
ምንስ ነው መቸገር....
ወድቀው ከፍ ያረጉት ፣ ሰው ሀገር ከቆመ?
ወይስ አልተቻለም...
እዚሁ ተምሮ ፣ እዚሁ ሀገር መስራት?
የተማረው ሁሉ...
ጥሏት ከነጎደ ፣
ማነው ይችን ሀገር ፣ የሚያስተዳድራት?
፡፡፡፡፡፡፡፡፡፡፡፡፡፡፡፡፡፡፡
ምንድነው እማምላክ
የሠው ሀገር ገንዘብ ፣ የሰው ሀገር ፍራንክ
በእልልታ ታጅቦ ፣ ከደጅሽ ሚመጣ?
በማለት እያማጥኩ...
ጥያቄ እየወረድኩ ፣ ጥያቄ ስወጣ...
።።።።፣፣።።።።
አውደ ምህረቱ ላይ ፣ የካህኑ ስብከት
ከታቦቱ ፊት ላይ....
"ተቃጠልኩኝ " የሚል
"አሰናብቺኝ " የሚል
በሰው ላይ ያደረ ፣ ያጋንንት ጩኸት
ከታቦቱ ዙርያ...
"አይኔ ነሽ ብርሃኔ
እመቤቴ ማርያም ፣ አብሶማ ለኔ"
እያለ ሚዘምር ፣ ክብ የሰራ ወጣት
ይህንን እያየሁ
ብዙ ጥያቄዎች ፣ ሳምጥ ሳጠራቅም
አንድ አይነ ስውር ሰው...
ፊቴ ተደቀነ ፣ ምፅዋት ሊለቅም፡፡
፡፡፡ ፡፡፡፡፡፡፡፡፡፡፡፡፡
ምነው እመብርሀን
ታደዪ ይመሥል...
አይኔ ነሽ እያለ
አብሶማ እያለ ፣ ወጣቱ ሲዘምር
ምን ይሰማው ይሆን...
ከደጅሽ የመጣ ፣ ምስኪን አይነስውር?
ስል እጠይቃለሁ ፣ ደግሞ እታዘባለሁ
ጥያቄ እያማጥሁ ፣ እንባ እወልዳለሁ፡፡
እዘኝ አዛኝቱ!!!!!

@Simetin_Begitim

#ሞቶ_ማሸነፍን
ፈሪ ሸሽቶ ሊድን — በአፉ ሊሾምበት
ሺ ገዳይ ነኝ ይላል — ሺ ሟች በሌለበት
* * *
በየጦሩ ሜዳ — በየትግሉ አቀበት
ጀግናው ሞቶ አልቆ—ማን ይመስክርበት
* * *
‘ኃሊት ተኪዶ እንኳን — እሬሳ ቢቆጠር
የሞተ ካለ እንጂ — በቃላቱ ጠጠር
አንድም ሰው ላይገኝ—የእሱ ጦር የወጋው
አላዩም ብሎ ነው — ለቀሪው ‘ሚያወጋው
# እኛም # ሁልጊዜ
የተረፈ አግነን — የሞተ እየረሳን
ፈሪ በምላሱ — ሰላም ከሚነሳን
ገዳይ ብቻ ማድነቅ — እዳይሆንብን ሱስ
ሞቶ ማሸነፍን — እንማር ከእየሱስ
* * * * *
ከአርቲስት ቴውድሮስ ካሳሁን (ቴዲ አፍሮ)
######### # #########

ሠናይ ቀን ውብ ውሎ ይሁንላችሁ 💚💛❤️

@Simetin_Begitim

#አብረሀም_ሊንከን
እግዚአብሄር ድሆችን ይወዳቸዋል ለዚህም ነው
አብዝቶ የፈጠራቸው በሚል አባባሉ የሚታወቀው
በአሜሪካ ለሚኖሩ ጥቁሮች ሙሉ ነፃነትን ቤት
የማግኘነት መብትን እንዲሁም ጥቁሮች የዩናይትድ
ስቴትስ የጦር ሀይል አባል ሆነው ከነጮች እኩል
ለሀገራቸው ደማቸውን ማፍሰስ መብታቸው እንደሆነ
ያወጀው አስራ ስድስተኛው የአሜሪካ ፕሬዝዳንት
#አብረሀም_ሊንከን ለሠው ልጆች መብት እና እኩልነት ለባረከተው አስተዋጽኦ አለም ዘወትር ስታከብረው ትኖራለች ፡፡

#ከአብረሀም_ሊንከን እኛስ ኢትዮጵያውያን ምን እንማራለን ? መልሡን ለናንተ ትቼአለው ።

ሠናይ ቀን ውብ ውሎ ተመኘውላችሁ💚💛❤️

@Simetin_Begitim

Baga nagaan Irreecha bara 2012 geessan!
እንኳን ለ2012 ኢሬቻ በዓል በሰላም አደረሳችሁ!
@Simetin_Begitim

ለውብ ቀን💚💛❤️
የሙላ ናስሩዲን ጫወታ

ናስሩዲን አንዳንዴ እንደ ሞኝ ይቁጥሩት የለ ፤ አንድ ቀን
የሚያውቁት ሰዎች መንገድ ዳር ቆመው " ነስሩ የፍርድ
ቀንኮ ከሳምንት በኃላ ነው .. እ ለምን ንብረት ሁሉ
የማይጠቅምህ ከሆነ ከፍየሎችህ አንድ ሁለቱን አርደህ
አትጋብዘንም " ይሉታል :: "መርሃባ" አለ ነስሩዲን :: ቤት
ወሰዳቸው ::
ወቅቱ ይወብቅ ነበርና ከቀሚስ ውጪ የደረቡትን ካባ እና
ጥምጣም አንደኛው ክፍል አስቀምጠና ወደ ኸልዋ አመሩ
፤ ፍየሎቹ ተገፈው ተጠብሰው ማዕዱ እስኪመጣ ሊጠብቁ
..
ተበላ ፥ ተጠጣ .. ሊሄዱ ፈለጉ ካባቸው ቢፈለግ የለ ፥
ጥምጣም የለ .. ናስሩዲንን ጠየቁት
"እሳቱን ለማቀጣጠል ከእንጨትጋ ጨምሬዋለሁ"
"ለምን ??" ተበሳጭተው
"የፍርድ ቀንኮ ከ
ሳምንት በኃላ ነው .. ካባ አይጠቅም ወላ
ጥምጣም "::
ሠናይ ውሎ ውብ ቀን
ኢትዮጵያ ለዘለዓለም ተከብራ ትኑር

@Simetin_Begitim #Share

"ኢልመ ገልማ አባ ገዳ"
-
ርቱዕ ጀማ፥ ብጹዕ ጀማ
ለካ አንተነህ...
አባ ገዳ፥ ኢልመ ገልማ
ያደ ኦሮሞ ሻማ
ዋቃ ገዲኒ፥ ነማ ኦሊኒ
ሱማ፥ አከ ሱማ
የተሰኘው፥ እንደአክሱማ
የተባልከው፥ ፍጹም ጀማ
ለካ አንተነህ......
-
አገ ኦጋ፥ ጂገ ሎጋ
አባ ሰርዳ፥ አባ ገዳ
አባ ፈርድ፥ ነበልባሉ
እም ቅድመ-ኦሪት፥ ባህሉ
ያኢ ቢያ፥ አባ ቃሉ
ቃ’ሉ’፥ የማይቀለበስ ቃሉ
ለካ አንተነህ........
-
ሴኧ’ት፥ አርካ
ኦ’ግ ገዳ፥ የአድባር ዋርካ
ያ’ዴ እናቴ፥ ያዴ እሴቴ
ያ’ዴ አቴቴ፥ ያዴ እቴቴ
ያቴ ኦራ፥ የኩሽ ነዶ
አባ ቦኩ፥ አከሚዶ
ባናትህ ጸሃይ፥ ከለቻ
የምትጠልቅ፥ አንተ ብቻ
የካም ኢደ ኢዶ ምድር
ተነባቢ፥ አስር ምስጢር
አባ ወሮ፥ አባ ወራ
አባ ባሮ፥ አባ በራ
አባ ካሮ፥ አባ ከራ
የጅቡቲም፥ ጀበጂሾ
የመቅዲሾም፥ መቀዲሾ
የነሙቴሳ፥ ከምበልኣ
እንደ ባሮ፥ ከምበልኣ
መነ..ደላ፥ አከ መንደላ
መቀ..ደላ፥ አከ መቅደላ
የፉላኒ፥ ካኖ ደላ
የምትሰኝ፥ የምታሰኝ
የጎና ቤት፥ አባ ከራ
የላሊ ቤት፥ ላሊ በራ
የከረዩ፥ አባ ከራ
በጎፈሬህ፥ ስሪት ላባ
አዶ አዶዬ፥ ውብ ቀዘባ
አዳ የከለቻ ተሸላሚ
የአዱ ግንባር፥ ተቀዳሚ
የአዲስ ዘመን፥ መጸው አደይ
አዳ አዱኛን፥ እልል እሰይ
የምታሰኝ፥ የምትሰኝ
አዱ አዱኛ፥ አባ ቢሌ
የአካ ኪሌ፥ የአባቢሌ
ለካ አንተነህ........
-
ገዳ ገዳም፥ የአለም ሰላም
ገዳ ቢሉሱማ ሳቃ
ፈካ ጉራቻ፥ አካ ዋቃ
የጻህፍት አምላኩ አኒ
ያለበሰህ ድርብ ከኒ
የጥቁር ፥ ፈርኦን ልሳን
የአዴ ኣዳ፥ ፀሃይ ብርሃን
የአዱሊስ፥ አዱኛ ኪዳን
አባ ገዳ፥ አባ በኣል
የቅድመ አክሱማዊት ቃል
የአስርቱ በሮች፥ መሰላል
የማለዳ ንጋት፥ ፀዳል
የኦሩስ፥ ኦሪሳ ተምሳል
ለካ አንተነህ...........
-
ኣገ ኦጋ፥ ጂገ ሎጋ
ያኢ ቢያ፥ አባ ቃሉ
የማይቀለበስ፥ ቃሉ
ርቱዕ፥ ጀማ
የተባልከው፥ አገሱማ
እንደ አክሱማ
ያደ ኦሮሞ፥ ሻማ
አባ ገዳ፥ ኢልመ ገልማ
ለካ አንተነህ..........
(ፀጋዬ ገ/መድህን 1964)

@Simetin_Begitim

እረፉ!
“ዘመመ!” ብላችሁ የሰው ቤት አትግፉ
እሾህ ለማሳመር አበባ አታርግፉ።
እረፍ!
“ቆሜያለሁ!” ለማለት አጥሬን አትደገፍ
ለአመዳም ወዘናህ ቆዳዬን አትግፈፍ።
እረፍ!
በመስመርህ ፍካ በድንበርህ ለምልም
በየአልጋህ እደር በየእንቅልፍህ አልም።
እረፊ!
በኩረጃ ንባብ ትርጉም አትግደፊ
በሰባራ መርፌሽ የሰው ልክ አትስፊ።
.
.
.
.
ማን አንደጠለፈኝ ማን እንደሰበረኝ
ጠያቂ አጣሁ እንጂ መልስማ ነበረኝ።
ምክንያት ታመመ መፍትሄ ታመመ
ከጥያቄው በፊት መልሱ እየቀደመ።
ሌብነት ገነነ
ግርግር ገነነ
ብልጭልጭ ገነነ
ድንግርግር ገነነ
ኪሳራ ገነነ
ደላሎች ገነኑ፣ ደላሎች ጀገኑ
ባልዋለ ገበያ ዋጋ እየተመኑ!!!!!

©ከእያዮ ፈንገስ ተውኔት
ደራሲ :-በረከት በላይነህ
ተዋናይ ግሩም ዘነበ

@Simetin_Begitim
@Simetin_Begitim

#Pic 7 picture of the day!
#ኢሬቻ
#ኢትዮጵያ
#ኦሮሚያ

Send us pics via @Haile_melekot

@Simetin_Begitim

"እርሙን ተደፋፍሮ ፣ አንድ ቀን ቢዋጋ
አላስቀምጥ አለን
በየ መድረኩ ላይ ፣ ያንኑ እያወጋ"
ያለውን ባናውቅም
እኛም እንላለን
"ነፍጠኛ" ሲባል ፣ ወይ
እነሱም ይላሉ ፣ " ወዬ " ሲባል "መንጋ"
ሳይጠሩት አቤት ባይ
ሁለት መንጋ መሃል ፣ ሀገር ተሰንጋ
እንዴት ብሎ ይንጋ?
ነፍጠኛ አይደሉም ወይ ፣ እነ ጃገማ ኬሎ ፣ እነ
አብዲሳ አጋ

@Simetin_Begitim

ለፈገግታ😂😂😂

ሜሪ: ቢራ ትጠጣለህ?
ዲ: አዎ
ሜሪ: በቀን ምን ያህል ትጠጣለህ
ቴዲ: ሶስት ቢራ
ሜሪ: 1 ቢራ ስንት ነው?
ቴዲ: 15 ብር
ሜሪ: ለስንት አመት ጠጥተሃል?
ቴዲ: 20 አመት ብቻ
ሜሪ: አየህ እስከዛሬ ለቢራ በቻ
324,000 ብር አውጥተሃል
ያንን ገንዘብ ቆጥበህ ቢሆን
ከነ ወለዱ አውሮፕላን ትገዛ
ነበር!
ቴዲ: አንቺ ቢራ ትጠጫለሽ?
ሜሪ: አልጠጣም
ቴዲ: የታለ አውሮፕላንሽ?
😳😳😳😳😳😳

@Simetin_Begitim
🤩🤩🤩🤩🤩🤩

#እውነቱን ተናግሮ አሳዳሪ ማጣት

እውነቱን ተናግሮ
የመሸበት ማደር
እያለ ሲሰብከኝ ፣ የመሸበት ሀገር
ስሰማና ሳምን ፣ ቆይቼ ሰንብቼ
በድንገት መሽቶብኝ ፣
አንቺ ጋር ለማደር ፣ ከቤትሽ መጥቼ
እወነቱን ብናገር ፣ ባልሽ ግን ጠመደኝ
እንኳን ሊያሳድረኝ
መዋያ አሳጣኝ ፣ ቀን እያሳደደኝ

ዳሩ ብሳደድም
እውነቱን ተናግሮ
በነጋበት መሸሽ ፣ እንዳለ አልዘነጋም
እውነቴም አንቺው ነሽ
ስትሔጅ መሽቷል ፣ ካልመጣሽ አይነጋም

✍በላይ በቀለ ወያ
#መልካም የትምህርት እና የስራ ቀን ውብ ሰኞ ተመኘንላችሁ፡፡

@Simetin_Begitim

ፈገግ የሚያሰኝ እውነታ😂😂😂

አሁን ባለው አስተሳሰባችን "ሰው ከዝንጀሮ ነው የመጣው " ሲባል ሊከፋው የሚገባው ሰው ሳይሆን ዝንጀሮ ነው
😏

©ዝንቅ መዝናኛ

@Simetin_Begitim
@WalyasHood

<<
ዕንቁራሪቶች ሀይቁ ዳር ተሠብስበው አብዝተው
ስለጮሁ ሀይቁ የእንቁራሪቶች ነው
ማለት አይደለም ፡፡
ለክብራቸው ሲሉ ዝም ያሉ ብዙ አሳውች ሀይቁ ውስጥ
አሉ!
>>
እኔ አይደለም ያልኩት
ሎሬት ፀጋዬ ገ/ መድን ነው።

©ከወዳጄ የFb ገፅ የተመነተፈ

@Simetin_Begitim

ለውብ ቀን የሙላ ነስሩዲን ጫወታ 💚💛❤️

አንድ ቀን ነስሩዲን መርከብ ተከራይቶ ለንግድ ወደሌላ
ሀገር ይሄዳል መሀል ላይ ማእበሉ መርከቧን ሊገለብጣት
ደረሰ የመርከቧ ካፒቴን ጸልዩ አላቸው ሁሉንም ሰራተኞቹ
መጸለይ ጀመሩ ናስረዲን ጋ ሲመጡ ዘና ብሎ ቁጭ ብሏል
ጸልይ እንጂ ሲለው ካፒቴኑ አልጸልይም ገንዘቤን ከፍዬ
እኮ ነው የምሄደው እናንተ ጸልዩ!!

መልካም ቀን ውብ ውሎ ተመኘንላችሁ!!

@Simetin_Begitim

ለፈገግታ😂😂😂

ታኬ ፦ እ ትንሹ ሲኒማ አንገባም ዛሬ?

ትንሹ :- የሀኪም ቀጠሮ አለብኝ ዛሬ ይለፈኝ፡፡

ታኬ ፦ አንተ ሞኝ ሸውደዋ ሰርዘህ ቀጠሮውን አሞኛል ብለህ😳

😂😂😂😂

@WalyasHood
@Simetin_Begitim
@endenaendena

#እያረምን_ወይስ_እያበድን_እንሂድ?

#ሙሐዘ ጥበባት ዲያቆን ዳንኤል ክብረት

ገበሬው ለሙግት ወደ ሸንጎ ሄዶ ሲመጣ የገዛ ወዳጆቹ የዘራውን እህል ሳያርሙ፣ ሳይኮተኩቱ ጠበቁት፡፡ ማሳውን እያየ ያብዳል፡፡ “እንዴት እንደዚህ ይደረጋል? ይህን ያደረጉት እነ እንቶኔ ናቸው? ይህን ያደረጉት እኔን ሊጎዱ ነው? ድሮም እነርሱ አይወዱኝም ነበር፤ በቃ የሰው ነገር መጨረሻው እንደዚህ ሆነ ማለት ነው? በቃ የእርሻዬ ነገር አበቃለት ማለት ነው?” እያለ ፀጉሩን እየነጨ ያብዳል፡፡

አንድ ሽማግሌ ከሩቅ አይተዉት መጡ፡፡ እየዛበረ የሚናገረውን ሰሙ፡፡ ከዚያም “እባክህ ረጋ በል” አሉት፡፡ ‹ምን ረጋ እላለሁ፤ እንዲህ ሲሆን እያዩት፤ ከዚህ በኋላ ምን ተስፋ አለኝ› እያለ ሲጮኽ ሽማግሌው ሰሙትና ‹ወዳጄ ይህ ሁሉ ቢሆንም፣ እያረምን እንጂ እያበድን መሄድ አለብን እንዴ?› አሉት አሉ፡፡

ኢትዮጵያም እንዲህ ነው እየሆነች ያለችው፡፡ አንዱ ስንዴ፣ ሌላው እንክርዳድ ይዘራል፤ አንዱ ያቀናውን ሌላው ሊያጣምመው ይተጋል፡፡ በዚህ ሲደፈን በዚያ ይቦተረፋል፤ ራስ ሲነቃ እግር ይጎተታል፤ ብዙዎቻችን እንደዚያ ገበሬ የምናየውና የምንሰማው ለዕብደት እየዳረገን ነው፡፡ ማበድ ግን ሀገር አያቀናም፡፡ መቆጨት እንጂ መናደድ መፍትሔ አያመጣም፡፡ አበቃ፣ አለቀ፣ ደቀቀ፣ ሞተ ተቀበረ፣ ሄደ፣ አከተመ፤ ነጠፈ፣ ተሟጠጠ እያሉ ማልቀስ ነገሩን አይቀይረውም፡፡

አርበኞቻችን ሀገራችንን ከጣልያን ቀንበር ሊያላቅቁ ላይ ታች ሲሉ አያሌ ተስፋ አስቆራጭ ነገሮች ገጥመዋቸዋል፡፡ የንጉሡ መሄድ፣ የአንዳንድ ታዋቂ ሰዎች ከጣልያን ጋር ማበር፤ ሌላው ቀርቶ ታላላቅ የሃይማኖት አባቶች ሳይቀሩ ከጣልያን ጎን መቆማቸው፤ ለገንዘብና ለሹመት ሲል መረጃ እየሰጠ የሚሾልከው ባንዳ፤ በእነርሱ ላይ የሚወረወረው ፕሮፓጋንዳ፤ ስንቅና ትጥቅ ሲያልቅበት ተስፋ የሚቆርጠው ጭፍራ፤ ጣልያን እያሸነፈ ነው እያለ የሚቦተርፈው ወሬ በጉንጩ፤ የአንዳንድ ጀግና ዐርበኞች በጊዜ መሠዋት መክፈል፤ መንገዱን ረዥም ትግሉን መራራ አድርጎባቸው ነበር፡፡

የሀገር ነጻነት እንኳንስ ለማየት ለመስማት የሚቀርብ አይመስልም ነበር፡፡ ዓለም በሙሉ ከጣልያን ጋር ያበረ ነበር የሚመስለው፡፡ ንጉሡ በዓለም ማኅበር ያቀረቡትን ተማጽኖ ሊሰማ የወደደ አልነበረም፡፡ እየዋለ እያደረ ሲሄድ ደግሞ ነገሩ ሁሉ የተቆረጠና ያለቀ ይመስል ነበር፡፡

ያንን የመከራ ዘመን የተሻገርነው ማረም እንጂ ማበድ እንደማያዋጣ በገባቸው ዐርበኞች ትከሻ ነው፡፡ መቼምና ምንም ቢሆን የኢትዮጵያ ነጻነት የማይቀር እውነት መሆኑ ገብቷቸው፣ ከሚያጋጥማቸው ፈተና ይልቅ የሚገኙትን ድል በሚያስቡ ዐርበኞች ነው፡፡

አንድ ጥግ ይዞ ከመቆዘምና ፀጉር ከመንጨት ይልቅ ወደ መፍትሔው የሚደርስ አንዳች ነገር ማድረግ የተሻለ መሆኑን በተረዱ ዐርበኞች ክንድ ነው የተሻገርነው፡፡

የዐርበኞች ትግል ከተናጠል ወደ ኅብረት፣ ከኅብረት ወደ ትብብር፣ ከትብብር ወደ ግንባር እያደገ መጣ፡፡ በመጀመሪያው ዓመት የነበሩትን ነገሮች እያረሙ፤ የተሻለም መንገድ እየተለሙ ተጓዙ፡፡ ሌሎች በመቶ ሃምሳ ዓመት ያልገፉትን ቅኝ ገዥ እነርሱ በአምስት ዓመት አሰናበቱት፡፡ እገሌ እንዲህ አለ፤ እዚህ ቦታ እንዲህ ተዘፈነ፤ እገሌ ለጣልያን ገባ፤ እገሌም ከዐርበኞች ከዳ፤ እገሌ ደግሞ ወደ ዐርበኞች መጣ፤ እነ እገሌ ዐርበኞችን ደምስሰን ሀገሪቱን እንቆጣጠራለን አሉ፤ እነ እገሌም በመሣሪያ ኃይል ተደራጅተው ሊዘምቱብን ነው፤ የሚለውን ሐሞት አፍሳሽ ወሬ መስማት ተው፡፡

የማይሠሩትን ትተው ከሚሠሩት ጋር ብቻ ለመተባባር፤ ስለ ጠላት ከማሰብ ስለ ወገን ብርታትና ጥንካሬ ለማሰብ፤ ከማበድ እያረሙ ለመሄድ በመቁረጣቸው ከ1930 ዓ.ም. በኋላ የዐርበኞች ትግል እየተጠናከረና መልክ እየያዘ መጣ፡፡ የጸሎት ዐርበኞችና የጦር ዐርበኞች ተባብረው ባደረጉትም ትግል ኢትዮጵያ ቀንበሯን ሰበረች፡፡

ዛሬም የሚያስፈልገን እንደዚያ ይመስለኛል፡፡ በትንሽ በትልቁ በማለቃቀስና በማበድ ጉልበታችንን ሁሉ ለልቅሶና ለዕብደት ከምናውለው፤ ስሕተቱን እያረምን፤ ሰውን እያተረፍን መጓዝ ነው ያለብን፡፡ መሬቱ ላይ የበቀለ አረም ካለ አረሙን እናርማለን፡፡ መሬቱን ግን እንፈልገዋለን፡፡ ዛሬ አረም አበቀለ ማለት ለአረም የተፈጠረ መሬት ነው ማለት አይደለም፡፡ እነ እገሌ እንዲህ አደረጉ፣ እንዲህ ሆኑ፣ እንዲህ አሉ እያልን የተራረፈ ወሬ እየለቃቀምን የተጣለልን የአጀንዳ ፍርፋሪ እያነሣን ልባችንን አናድክመው፡፡ በራሳችን ዕቅድ ወደምንፈልገው ዓላማ እንሂድ፡፡ ኢትዮጵያን መድረስ ወዳለባት ሠገነት ለማድረስ የማንም ቡራኬና ፈቃድ አያስፈልገንም፡፡ ‹እህ›ም ተባለ ‹አሃ› መንገዳችንን አይለውጠውም፡፡

እያረምን እንጂ እያበድን አንሄድም !!!

***
@Simetin_Begitim

"ምኒልክ ሰውብቻ"
~~~
ጥቁር 'ማይወክለው
ነጭም 'ማይወክለው፤
ከዘር ከቀለም ጋር የሌለው ጋብቻ፤
እምዬም ፣ አብዬም ምኒልክ ሰው ብቻ!
✍በላይ በቀለ ወያ
@Simetin_Begitim

እንኳን ደስ አላችሁ!! እንኳን ደስ አለን!!

የኢፌዲሪ ጠቅላይ ሚኒስትር ዶ/ር ዐቢይ አህመድ የ2019 የኖቬል የሰላም ሽልማትን አሸንፈዋል፡፡ በኢትዮጵያዊ ወጎች ስም ለጠቅላይ ሚኒስትሩ እንዲሁም ለመላው የኢትዮጵያ ህዝብ እንኳን ደስ አላችሁ፤ እንኳን ደስ አለን ለማለት እንወዳለን!
@Simetin_Begitim